PDK News

06/04/2024

دڵخۆش نیم بەوەی دوو مووچە وەردەگرم،بەڵکو دڵخۆشم بەوەی سەرکەوتین،پیربووم بەڵام گەنج بوومەوە...

26/03/2024

میدیای پارتی
ئەمرۆ رۆژی عەرەفەبوو
سبەی یەكەم رۆژی جەژنە

12/03/2024

بۆچی قسەکانی بافڵ تاڵەبانی دەبنە ترێندی سۆشیال میدیا؟

لە میدیا و پەیجە سێبەرەکانی یەکێتی، ماوەیەکە زۆرە شانازی بە قسەکانی بافڵ دەکەن و دەڵێن: قسەکانی بافڵ دەبێتە ترێندی سۆشیاڵ میدیا و لەسەر زاری هەموو چین و توێژەکانی کوردستانە!
ئایە ئەمە جێگای شانازیە بۆ یەکێتی و بافڵ تاڵەبانی خه‌ڵكی گاڵته‌یان پێ بكه‌ن؟

ئێستا سۆشیال میدیا چۆتە هەموو ماڵێک و کاریگەری ئەرێنی و نەرێنی لەسەر تاک بە تاکی کۆمەڵگا هەیە، لە ماوەی ڕابردوودا و پێش دەرکەوتنی بافڵ تاڵەبانی، قسەکانی بلە غەمبار و شێخ لایلۆن و ئه‌حه‌ ته‌په‌ڕه‌شی و کۆمەڵێک کەسایەتی تر دەبوو بە ترێند و دەکەوتە سەر زاری هەموو چین و توێژەکانی کۆمەڵگا، بەڵام لەگەڵ دەرکەوتنی بافڵ تاڵەبانی، خۆری شێخ لایلۆن و بلە غەمبار و ئه‌حه‌ ته‌په‌ڕه‌شی و دەیان کەسی تر ئاوابوو، چونکە بافڵ تاڵەبانی بە قسە و کردارەکانی لە ناو سۆشیال میدیا زۆر زیاتر کاریگەری هەیە و خه‌ڵكی زیاتر پێی پێده‌كه‌نن.

هەر چەندە دەبوایە خیانەتی 16 ئۆکتۆبەر و دەستخۆشی کردن لە دادگای ئێرانی و ئه‌و هه‌موو خیانه‌ته‌ی خۆی و حزبه‌كه‌ی كه‌ ڕۆژانه‌ ئه‌نجامی ده‌ده‌ن ببوایه‌ بە ترێندی سۆشیال میدیا، بەڵام بافڵ بە قسەی سەیر و بێ مانا و گرتنی تێنوس و كاغه‌ز بە دەمییه‌وه‌ و پاڵ پێوەنان و سوکایەتی کردن و خۆ به‌ كۆمیدی كردن بووە گاڵته‌جاڕی و ترێندی سۆشیال میدیا، پەیجە سێبەرەکانی یەکێتیش وەک شانازیەک بۆ بافڵ تاڵەبانی نیشانی دەدەن.

ئەرێ گەلۆ بوون بە ترێندی سۆشیال میدیا کەی بۆتە جێگای شانازی؟

11/03/2024

عێراق
بە خەونیش لیستی موچەی
دەزگا ئەمنیەکان و پێشمەرگەی کوردستان نابینێت

03/03/2024

2001 & 2023

27/02/2024

ڕۆژێک لە پاریس و ڕۆژێک لە دوبەی، ڕۆژێک لە داڤۆس و ڕۆژێک لە واشنتن.
لە هەموو شوێنێک بە هەموو توانای خۆیەوە بۆ داهاتووییەکی باشتر بۆ کوردستان کار دەکات.

نەیارەکانیشی لێرە و لە بەغدا خەریکی پیلانگێڕین لە دژی.

لە کۆتاییدا سەرکەوتن بۆ سەرکردە مەزن و دڵسۆزەکەی نیشتیمانە

“ئەرێ سکاڵاکارەکانی ئەمریکا لە کوێن دەنگیان نییە؟”

26/02/2024

کۆبوونەوەی رێزدار مەسرور بارزانی سەرۆکی حکومەتی هەرێمی كوردستان و وەزیری دەرەوەی ئەمریکا بەرێز ئەنتۆنی بلینکن.

25/02/2024

پیرمام: بە ئامادەبوونی سەرۆك بارزانی
پرسەی خوالێخۆشبوو( زەكیا مستەفا بارزانی) بەڕێوەدەچێت

19/02/2024

بۆ ناردنی وەجبەی دووەمی نەوتی حكوومەتی عێراقی فیدراڵ، شاندێكی وەزارەتی سامانە سروشتییەكانی هەرێمی كوردستان لە بەغدان.

بە فەرمانی كەمال محەمەد ساڵح وەزیری سامانە سروشتییەكان بە وەكالەت، شاندێكی وەزارەت بۆ ناردنی وەجبەی دووەمی نەوتی سپیی ماڵانی حكوومەتی عێراقی فیدراڵ بۆ هەرێمی كوردستان، گەیشتنە بەغدا، لەگەڵ لایەنی پێوەندیداری وەزارەتی نەوتی عێراق كۆبوونەوە.

ڕێبین زەنگەنە بەڕێوەبەری گشتیی دیوان، فەلاح مەولوود بەڕێوەبەری گشتیی وەبەرهێنانی كانزایی وەزارەتی سامانە سروشتییەكان، بەختیار حاجی بەڕێوەبەری گشتیی لە نوێنەرایەتی هەرێم، لە بەغدا لەگەڵ بەرپرسە پێوەندیدارەكانی وەزارەتی نەوتی حكوومەتی عێراقی فیدراڵ كۆبوونەوە. لە كۆبوونەوەكەدا بەرپرسانی وەزارەتی نەوتی عێراق، وەڵامەكانیان ئەرێنی بوو لەسەر ناردنی وەجبەی دووەمی نەوتی ماڵان بۆ هەرێمی كوردستان.

شاندەكەی وەزارەت بۆ بەدواداچوون و جێبەجێكردنی ڕێككەوتنی نێوان هەردوو وەزارەت بۆ ناردنی بەشە نەوتی هەرێم، سەردانی بەغدایان كردووە و دوای ئەوەی دابەشكردنی وەجبەی یەكەم بەرەو كۆتایی دەچێت.

تا ئێستە عێراق نزیكەی 35 ملیۆن لیتر نەوتی سپی ناردووە، لە كاتێكدا هەرێمی كوردستان پێویستی بە 350 ملیۆن لیتر نەوت بۆ ساڵێك بۆ هەر بەرمیلێك بۆ هاووڵاتییان هەیە، حكوومەتی هەرێمی كوردستان بۆ ئەمساڵ خۆی نەوتی كڕییەوە و بە نرخی هەرزان بە هاووڵاتییانی داوە.

11/02/2024

سەرۆکی حکومەتی هەرێمی کوردستان بەشداری لە لوتکەی جیهانیی حکومەتەکان دەکات لە دوبەی

ئەمڕۆ یەکشەممە 2/11 مەسرور بارزانی سەرۆکی حکومەتی هەرێمی کوردستان ، بە سەرۆکایەتی شاندێکی حکومەت بەرەو دەوڵەتی ئیمارات بەڕێکەوت بۆ بەشداریکردن لە لوتکەی جیهانیی حکومەتەکان کە لە ڕۆژانی 12-14 /2 لە شاری دوبەی بەڕێوەدەچێت.

سەرۆکی حکومەت بە بانگهێشتی تایبەتیی شێخ محەمەد بن ڕاشد ئال مەکتووم جێگری سەرۆک دەوڵەتی ئیمارات و سەرۆکی ئەنجومەنی وەزیران و حاکمی میرنشینی دوبەی بەشداری لە لوتکەکەدا دەکات کە بڕیارە گوتارێکیش لە لوتکەکە بە ئامادەبوونی ژمارەیەک لە سەرۆک و سەرۆک وەزیران و بەرپرسانی باڵای جیهان پێشکەش بکات.
سەرۆکی حکومەت هەروەها لە پەراوێزی لوتکەکەدا، چەندین دیدار و کۆبوونەوەی لەگەڵ بەرپرسان و بیرمەندان و خاوەنکارانی عەڕەبی و هەرێمی و جیهانی دەبێت .

07/02/2024

‎بەرێزمەسرور بارزانی سەرۆکی حکومەتی هەرێمی کوردستان پیشوازی لە بەرێز یەشار گولەر، وەزیری بەرگری تورکیا و مەتین گوراک، سوپاسالاری تورکیا کرد

07/02/2024

سەرۆك بارزانی پێشوازی لە وەزیری بەرگریی توركیا دەكات

ڕۆژی چوارشەممە 7ی شوباتی 2024 لە سەلاحەددین سەرۆك مەسعود بارزانی پێشوازی لە بەڕێز یاشار گولەر وەزیری بەرگریی توركیا و شاندێكی یاوەری كرد كە پێكهاتبوو لە بەڕێز مەتین گوراك سوپاسالاری توركیا و بەڕێز عەلی ڕەزا گونەی باڵیۆزی توركیا لە عێراق و ژمارەیەك بەرپرسی سیاسی و سەربازیی توركیا.

لە دیدارەكەدا بیروڕا لەبارەی بارودۆخی سیاسیی ناوچەكە و دوایین پێشهاتەكانی ڕۆژهەڵاتی ناوەڕاست و هەڕەشەكانی تیرۆر و هەروەها پەیوەندییەكانی نێوان عێراق و هەرێمی كوردستان و وڵاتی توركیا ئاڵوگۆڕ كرا.

هەر لەو دیدارەدا جەخت لە هەماهەنگیی نێوان توركیا و عێراق و هەرێمی كوردستان كرایەوە، ئەویش لەپێناو دەستەبەركردنی سەقامگیری و بووژانەوە و كاری هاوبەشی نێوانیان.

پەیوەندییەكانی نێوان هەرێمی كوردستان و توركیا و پێشڤەچوونی ئەو پەیوەندییانە تەوەری تری ئەو كۆبوونەوەیە بوون.

29/01/2024

پیرۆزە پیرۆزە پیرۆزە
لە دۆستانمان 🫡🇯🇴🫀

هاوخەمی بۆ زۆنی ملەوەن و عێراق ناحەز و دوژمن

22/01/2024

پلاتفۆڕمی X ( تویتەری پێشوو ) ساختەکردنی وێنەکانی پێشڕەو دزەیی لە لایەن میدیاکانی ئێران پشتراست دەکاتەوە

21/01/2024

ئیسرائیل لە کوێ، و کوردستان لە کوێ!!!

17/12/2023

ئەمرۆ جەنابی سەرۆک بارزانی لە رۆژی ئاڵای کوردستان ١٧-١٢-٢٠٢٣

14/12/2023

👑

پەیاما سەرۆك بارزانی ب هەلكەفتا جەژنا رۆژیێن ئێزی

ب ناڤی خودێ مەزن و دلۆڤان

ب هەلكەفتا جەژنا رۆژیێن ئێزی پیرۆزباهیێ ل خوشك و برایێت ئێزیدی ل كوردستانێ و هەمی جیهانێ دكەم. هیڤیدارم ئەڤ جەژنە ئارامی و خۆشی و بەختەوەریێ بۆ هەمی خوشك و برایێت ئێزیدی دگەل خۆ بینیت .

هەر ب ڤێ هەلكەفتا پیرۆز تەکەزیێ ل تەبایی و بەرفرەكرنا فەرهەنگا پێكڤەژیان و لێبورین و برایەتیێ دناڤبەرا هەمی پێكهاتێت ئایینی و نەتەوەیی یێت كوردستانێ دكەین.

جەژنا هەوە پیرۆز بیت و هەمی ڕۆژێت وە جەژن و خۆشی بن.

مسعود بارزانی
14ێ کانوونا ئێکێ 2023

12/12/2023

لیستی مووچە ڕاگەیەنرا...

12/12/2023

حکومەتی هەرێم نەوت بێ بەرامبەر لە 15 کەمپی ئاوارەکان لە سنوری پارێزگای دهۆک و ئیدارەی سەربەخۆی زاخۆ دابەش کرد

08/12/2023

پەیامێک لە سەرۆک بارزانییەوە

بەناوی خودای مەزن و دلۆڤان

بەبیستنی هەواڵی ناخهەژێنی ئاگركەوتنەوە لە باڵاخانەیەكی نیشتەجێبوون لە شاری سۆران زۆر خەمبار بووم، كە بەداخەوە لەو ڕووداوەدا ژمارەیەك هاووڵاتی گیانیان لەدەستداوە و ژمارەیەكی تریش بریندار بوون. پرسە و سەرخۆشیی خۆم ئاراستەی بنەماڵە و كەسوكاری قوربانیانی ئەو كارەساتە دەكەم و خۆم بە هاوبەشی خەمیان دەزانم.

لەخودای گەورە داواکارم ڕۆحی قوربانیانی ئەو ڕووداوە دڵتەزێنە بە بەهەشت شاد بکات و سەبر و ئارامی بە خانەوادەکانیان ببەخشێت و شیفای خێراش بە برینداران بدات.

انا للە و انا الیه راجعون

مسعود بارزانی
8ی کانوونی یەکەمی 2023

19/10/2023

پارتی ڕایگرت
یەکێتی ڕایکرد

17/09/2023

ڕاگەیەندراوێک لە سەرۆکی حکومەتی هەرێمی کوردستانەوە

بە پشتبەستن بەخوای گەورە و ئیرادەی بەهێزی گەلەکەمان، توانیمان بەرگری لە مافی خەلکی کوردستان بکەین و لەگەڵ سەرۆک وەزیرانی فیدراڵ بەڕێز محەمەد شیاع سوودانی بگەینە ڕێککەوتنێکی گونجاو ، بۆ دابینکردن مووچەی هاووڵاتیان.

سوپاس بۆ پشوودرێژیی هاونیشتمانیانی خۆڕاگر کە متمانەیان بە حکومەتەکەی خۆیان لە دەست نەدا.

سوپاس بۆ جەنابی سەرۆک بارزانی کە پاڵپشت و ڕێنیشاندەرمان بوو لە زاڵبون بە سەر کۆسپەکاندا.
سوپاس بۆ پالپشتی و ڕۆڵی بەڕێز سەرۆکی هەرێمی کوردستان لە پشتیوانیکردن و سەرخستنی پرۆسەی دانوستان لە گەل حکومەتی فیدرال.

سوپاس بۆ لایەنە سیاسیەکانی عێراقی فیدرال کە پشتیوانمان بوون.

سوپاس بۆ لایەنە سیاسیەکانی کوردستان و فراکسیۆنە کوردستیانەکان لە پەرلەمانی عێراقی فیدرال کە پاڵپشت و هاودەنگ بوون لە دەستەبەرکردنی مافی مووچەخۆرانی هەرێمی کوردستان.

سوپاس بۆ شاندی حکومەتی هەرێمی کوردستان کە بە بێ ماندووبوون و بە هەستێکی پڕ لە بەرپرسیاریەتی توانییان لەم ئەرکە قورسەدا سەرکەون.

بە پشتیوانی خوای گەورە بەردەوام دەبین لە خزمەتکردنی هاووڵاتیانی خوشەویست و ڕێگە بە هەوڵە نەزۆکەکان نادەین سەقامگیریی هەرێمی کوردستان تێک بدەن.

مەسرور بارزانی
سەرۆکی حکومەتی هەرێمی کوردستان
2023/9/17

11/09/2023

بۆچی تیری دوژمن رووی لە مەسرور بارزانیە؟

#مێرگەسۆری

لە دوای دەستبەکاربوونی مەسرور بارزانی وەک سەرۆک وەزیران و دەست بردن بۆ خاڵە جەوهەریەکان و دانانی بناغەی دەوڵەتێکی بەهێز بۆ بەهێزکردنی ژێرخانێکی ئابوری باش بە تایبەت لە کەرتی کشتوکاڵ و داهاتی ناوخۆ و رێکخستنە ئیداریەکان و بە ئەلکترۆنی کردنی دامەزراوەکان و ئاوەدانکردنەوەی کەرتە هەمەجۆرەکان لە لادێ و شارەکان، ئەمە وای کرد کە دوژمنانی گەلەکەمان هەست بە مەترسی جدی بکەن لە بنیاتنانی کوردستانێکی بەهێز لە سەر دەستی کەسێک کە چەندین ساڵە شەونخونی بۆ پاراستنی سەقامگیری ئەم هەرێمە دەکات.

بەمەش نەیاران لە ناوخۆ و دەرەوە دەستیان بە جوڵەی جۆراوجۆر کرد بۆ دژایەتی هەنگاوەکانی کابینەی نۆیەم و خودی سەرۆک وەزیران.
لە ناوخۆ بە میدیای سێبەر و فوتێکردن و بەکرێگرتنی دەیان بەکرێگیراو وەک لە رابردوو بینیمان کە هەمویان بە یەک ئاواز دەیانخوێند کە هەموویان داوا تەسلیم کردنەوەی نەوت و داهاتەکانیان بە بەغدا دەکرد گوایە بەمە بەغدا کوردستان دەکاتە بەهەشت. بیریان چوو کە لە ١٦ ئۆکتۆبەر ئەگەر بەرگری قارەمانانەی هێزی پێشمەرگە نەبوایە ئیستا تووشی چارەنوسێکی نادیار دەبووین، جگە لە میدیا بە پلانی ئیقلیمی و بە هاوکاری حیزبەکانی ناوخۆی کوردستان هەوڵی ناشرین کردنی هەموو پیرۆزیەکانی کورد درا .لە ئێستادا هەوڵی برسی کردنی گەلی کورد دەدەن.

هەرچەند میدیای نیشتمانی و بە تایبەتتر میدیای پارتی وەک پێویست نەیتوانی هەموو کار و کردارەکانی کابینەی نۆ و شەونخونیەکانی سەرۆک وەزیران وەک خۆی بە تاکی کورد بگەینێت بەڵام لە ئێستادا پێویستە هەمومان شەونخونی و جدیاتی کاک مەسرور بارزانی لەبەرچاو بگرین و پشگیری بکەین.

ئەوەی کوردی دڵسۆزە دەزانێ کێ بۆ کورد تێدەکۆشی و کێ لە پێناو گیرفان و ئەجیندای دەرەکی کورد دەدۆشێ و دواڕۆژی گەلەکەمان بەرەو هەلدێر دەبات.

11/09/2023

سەرۆکی حکومەتی ھەرێمی کوردستان پێشوازی لە شاندێکی عەرەبستانی سعوودی دەکات

ئەمڕۆ دووشەممە 9/11 مەسرور بارزانی سەرۆکی حکومەتی هەرێمی کوردستان پێشوازی لە شاندێکی عەرەبستانی سعوودی بە سەرۆکایەتی سەعد ئەلشەهرانی بریکاری وەزارەتی وەبەرهێنانی ئەو وڵاتە کرد .

لە کۆبوونەوەکەدا گفتوگۆ لەبارەی پەرەپێدانی پەیوەندییەکانی هەرێمی کوردستان و عەرەبستانی سعوودی لە بواری برەودان بە وەبەرهێنانی سعودی لە عێراق و هەرێمی کوردستان کرا .

سەرۆکی حکومەت وێڕای ئاماژەدان بە پەیوەندیی دۆستانە و مێژوویی نێوان هەرێمی کوردستان و سعوودیە، کورتەیەکی دەربارەی چاکسازییەکانی کابینەی نۆیەم لە بواری هەمەجۆرکردنی ئابووری و ئاسانکاریکردن بۆ وەبەرهێنەرانی ناوخۆ و دەرەوە خستەڕوو.

بریکاری وەزارەتی وەبەرهێنانی عەرەبستانی سعوودی، خواستی پتەوکردنی پەیوەندیی دوولایەنەی لە بوارە جۆراوجۆرەکاندا دووپات کردەوە، بەتایبەتی لە بوارەکانی گەشتوگوزار و کشتوکاڵ و وەبەرهێناندا.

02/09/2023

‎بەناوی خودای گەورەو میهرەبان

‎ئیوارەی ئەمرۆ لەپەیوەندییەکی تەلەفۆنی لەگەل بەرێز سودانی سەرۆک وەزیران و فەرماندەی هیزە چەکدارەکان داوامان کرد هەرچی زووە کۆتایی بەو گرژی و ئاڵۆزییە بیت و پەلە بکریت لە کردنەوەی رێگای گشتی نیوان کەرکوک و هەولیر کە ماوەی چەند رۆژیکە لە لایەن چەند کەس و لایەنیک لەدەرەوەی کەرکوک هاتون و رێگەکەیان داخستوە ، هەروەها ئیدانی بەکارهینای فیشەک و هیزمان کرد کە لەلایەن هیزە ئەمنی یەکانەوە لەدژی خۆپیشاندەرانی کورد بەکار هاتوو بەهۆیەوە بەداخەوە بۆە هۆی شەهید بونی گەنجێک و برینداربونی چەند هاولاتییەک ، سەرۆک وەزیران ویرای دەبرینی هاوخەمی خۆی بۆ ئەو گەنجە بریاریدا لیکۆلینەوە بکات و هەموو رێگەیەک بگریتە بەر بۆ پاراستنی ئاسایشی شارەکەو پێکەوە ژیان ، لێرەوە داوای دان بەخۆداگرتن دەکەین و پشتگیری لەبریاری سەرۆک وەزیران دەکەین بۆ بەزووی چۆل کردنی شارەکان لەبارەگای هیزە سەربازییەکان و رێگە خۆشکردن لەبەردەم سەرجەم لایەنە سیاسییەکان بۆ ئەنجامدانی کاری سیاسی خۆیان بەبێ هیچ بەربەستیک .

‎د.شاخەوان عبداللە
‎جێگری سەرۆکی پەرلەمان

26/08/2023

بەردەوام و لەھەموو بارودۆخ و کاتێکدا جێی شانازیمانن ..

10/08/2023

ڕاگەیاندراوێك لە نووسینگەی مەلا مستەفا بارزانی بۆ ڕای گشتی

هاوڵاتیانی خۆشەویستی کوردستان، ئاگادارتان دەکەینەوە ماوەیەکە چەند کەسێکی نەناسراو لە ڕێگەی پەیوەندی تەلەفۆنی هەڵدەستن بە بەکارهێنانی ناوی ئەندامانی بەڕێزی خانەوادەی بارزان بە مەبەستی هەڵخەڵەتاندنی هاونیشتیمانیان.
ئەم کەس یا تاخمە فێڵباز و ساختەچییانە، هەوڵدەدەن لە ڕێگای تۆڕەکانی پەیوەندی (ڤایبەر و وەتس ئاپ) و بە چەند ژمارە تەلەفۆنێکی دەرەوەی ووڵات و بە بەکارهێنانی ناو و وێنەی ئەندامانی خانەوادەی بەڕێزی بارزان لە سەر پرۆفایلەکانیان، خۆیان بە ئەندامێکی ئەو بنەماڵە بەڕێزە بە هاوڵاتیان بناسێنن و بە بیانووی جۆراوجۆر هەڵیان دەخەڵەتێنن و دواتر بە سیناریۆیەکی بێ شەرمانە، هەوڵی دەست خستنی پارە یا دەستکەوتێکی تری ماددی دەدەن.
لەم بارەیەوە بە هەموو لایەك ڕا دەگەینین، بە هیچ شێوەیەك خانەوادەی بەڕێزی بارزان، ئاگاداری ئەم جۆرە پەیوەندییانە نین و ئەم کارە بێ نرخ و دوور لە ئەخلاقە بۆ مەرامی کەسی و دەستکەوتنی بڕێك پارە و شێواندنی ناو و پێگەی بەرزی بنەماڵەی بارزان و هەڵخەڵەتاندنی هاوڵاتیان ئەنجام دەدرێت، بۆیە لە ڕێگای ئەم بڵاوکراوەیە لەم شێوازەی فێڵ کردن لە هاوڵاتیان ئاگادارتان دەکەینەوە و تکامان ئەوەیە بەدەم ئەم پەیوەندی و داوایانەوە نەچن، ئێمەش هەموو ڕێکارە یاساییەکان دەگرینەبەر بۆ بەسزا گەیاندنی ئەم جۆرە کەسانە.
هەندێک لەو ژمارە تەلەفۆنانەی کە پەیوەندی بە هاونیشتیمانیان دەکەن بریتین لە :-

(0049632272226) (00905316217283) (004917694918330) (00905342800063) (004915210114240) (00905253179687) (00491772612854) (009054134411464) (00905525542222) (00491784094845) (00491633434230) (004915212456574)
(004915212389605) (004917644517945)

01/08/2023

سەرۆکی حکومەتی هەرێمی کوردستان رایگەیاند، پێشوازی لە بڕیاری بەجینۆسایدناساندنی تاوانەکانی داعش لە دژی ئێزدییەکان لەلایەن بەریتانیا دەکەم.

رۆژی سێشەممە (1ـی ئابی 2023)، مەسرور بارزانی، سەرۆکی حکومەتی هەرێمی کوردستان لە تویتێکدا رایگەیاند، پێشوازی لە بڕیاری بەجینۆسایدناساندنی تاوانەکانی داعش لە دژی ئێزدییەکان لەلایەن بەریتانیا دەکەم، ئەمە دانپێدانانێکی دادپەروەرانەیە لە بەرامبەر تاوانێکی قێزەون و رابردوویەکی پڕ لە ئازار.

سەرۆکوەزیران مەسرور بارزانی ئاماژەی بەوەشکردووە، خوشک و برا ئێزدییەکانمان توانییان بەسەر ئەم تاوانەدا زاڵبن و بەهێز بمێننەوە، ئێمە هاوشان لەگەڵ گەلە سەربەرزەکەمان لە ساڕێژبوون و دووبارە بوونیادنانەوە دەوەستین.

30/07/2023

40 ساڵ بەسەر ئەنفالی بارزانیەكاندا تێپەڕدەبێت

بەیانی31ى ته‌مموز، 40 ساڵ بەسەر تاوانی ئەنفالی بارزانییەکاندا تێپەڕ دەبێت، تاوانێکى دیکە له‌ تۆمارى کۆمەڵکوژييه‌كانى رژێمی بەعسى فاشيست دژ بە گەلی کورد به‌مه‌به‌ستى قڕکردن و سڕینەوەی ناسنامەی كورد، كه‌ تيايدا 8 هەزار بارزانی ئه‌نفال كران.

ئەنفالی بارزانییەکان سه‌ره‌تا بە راگواستنی بارزانییەکان دەستی پێکرد، له‌م پرۆسه‌ به‌رنامه‌ بۆ داڕێژراوه‌دا بارزانییەکان لە شوێنی رەسەنی خۆیان بۆ بیابانەكانی باشووری عێراق راگوێزران، گوندەكانیان وێران کرا، ره‌ز و باخ و زەوییە بەپیت و چێندراوەكانيان سوتێندرا، ژینگەى ناوچه‌كه‌يان تێکدرا و مەڕوماڵات و بەرهەمە كشتوكاڵییەكانیان تاڵان کرا.

لە ساڵى 1975 بەر لە هەڵمەتی ئەنفالکردنیان، بارزانییەکان بۆ باشووری عێراق راگوێزرابوون، دواتر لە ساڵی 1980 هێنرانه‌وه‌‌ بۆ ئۆردوگای زۆرەملێی قوشتەپە و لە هەردوو کۆمەڵگەی “قودس و قادسیە” نیشتەجێ كران، بەر لەمەش لە ساڵی 1978 هەندێکی دیکەیان ئەوانەی لە شوێنی رەسەنی خۆیان مابوون راگوێزران بۆ ئۆردوگا زۆرەملێیەكانی (دیانا، هەریر، بەحركە و گۆڕەتوو).

بارزانییەكان لەو ئۆردوگایانە لەژێر چاودێريى توندی سەربازیدا كۆكرابوونەوە، بەم شێوەیە ئەم كۆمەڵە مرۆڤەی کە بە بۆچوونی بەعس پێویست بوو لە ناو ببرێن كە بارزانیيەكان بوون، دەستنیشان كران.

لە كۆتایی تەمموز و سەرەتای مانگی ئابی ساڵى 1983، دەستكرا بە گرتنی پیاوان و کوڕانی بارزانییەکان، ئەوانەی پێشتر لە کۆمەڵگا زۆرەملێیەکاندا نیشتەجێ کرابوون، بارزانیيەكان پاش گرتنیان گواسترانەوە بۆ خوارووی عێراق و رەوانەی پارێزگای موسەنا كران.

پاش ئەوە و لە ناوەڕاستی مانگی ئابی 1983دا جارێکی دیکە هێزە ئەمنی و سیخوڕییەکانى به‌عس لە ئوردۆگای قوشتەپە، ماڵ بە ماڵ گەڕان و ئەو مێردمنداڵانەی جاری پێشووتر شاردرابوونه‌وه‌، ئەوانیشیان دەستگیر كرد و بێسەروشوێن کران.

19/07/2023

🔴 سەرۆک بارزانی: لە سەری ساڵی نوێی کۆچیدا هیوای خێر و خۆشی بۆ هەموو لایەک دەخوازم.

🔻دەقی پەیامی پیرۆزبایی سەرۆک بارزانی بەبۆنەی سەری ساڵی تازەی کۆچی:

بەناوی خودای بەخشندە و میهرەبان

بەبۆنەی هاتنی سەری ساڵی ۱٤٤٥ی کۆچی گەرمترین پیرۆزبایی ئاراستەی موسڵمانانی کوردستان و هەموو جیهان دەکەم.

لە سەری ساڵی نوێی کۆچیدا هیوای خێر و خۆشی بۆ هەموو لایەک دەخوازم.

مسعود بارزانی
۱ی موحەرەمی ۱٤٤٥ی کۆچی
۱۹ی تەمموزی ۲٠۲۳