https://www.facebook.com/112592870164526/

Dwarozh

Home
Iraq
Irbil
Dwarozh

دواڕۆژ دەزگایەکی هەواڵی سەربەخۆیە، ڕاستگۆیانە کاردەکات لەپێناو پێدانی زانیاری دروست بە خوێنەران

11/10/2024

بەپەلە..هەڤاڵ ئەبوبەکر دەستیلەکارکێشایەوە⬇

29/09/2024

تراکتۆرێک وەرگەڕا و شۆفێرەکەى گیانى لەدەستدا
زانیارى لە کۆمێنتە⬇

24/09/2024

په‌یامی سه‌رۆکی هه‌رێمی کوردستان نێچیرڤان بارزانی ده‌رباره‌ی ده‌ستپێکردنی بانگه‌شه‌ی هه‌ڵبژاردن
ئێواره‌ی ئه‌مڕۆ سێشه‌ممه 2024/9/24 بەڕێز نێچیرڤان بارزانی، سه‌رۆکی هه‌رێمی کوردستان، بەبۆنەی ده‌ستپێکردنی بانگه‌شه‌ی هه‌ڵبژاردنی خولی شه‌شه‌می په‌رله‌مانی کوردستانەوە، په‌یامێکی ته‌له‌ڤزیۆنی بڵاوکرده‌وه‌، ئه‌مه‌ ده‌قه‌که‌یه‌تی:
هاووڵاتييانى خۆشه‌ويستى كوردستان،
لايه‌نه‌ سياسييه‌كان،
ليست و كانديدانى به‌ڕێز،
ئه‌م كاته‌تان باش..
سبه‌ى بانگه‌شه‌ى هه‌ڵبژاردنى خولى شه‌شه‌مى په‌رله‌مانى كوردستان ده‌ست پێده‌كات. داوا له‌ هه‌موو لايه‌ك ده‌كه‌م پابه‌ندى ياسا و ڕێنمايييه‌كانى كۆميسيۆنى باڵاى سه‌ربه‌خۆى هه‌ڵبژاردنه‌كان بن. بانگه‌شه‌يه‌كى ئارام و شارستانى‌ به‌ڕێوه‌ ببه‌ن و بەرنامەی هەڵبژاردن كه‌ جێی متمانه‌ و چاوەڕوانيی خەڵکی هەرێمی کوردستان بێت، پێشکەش بکەن.
بانگه‌شه‌يه‌ك بێت، نەبێتە مایەی گرژيى ‌نێوان لايه‌نه‌كان و دابه‌شكردنى كۆمه‌ڵگه‌. وێنه‌يه‌كى جوانى هه‌رێمى كوردستان نيشان بدات و ڕه‌نگدانه‌وه‌ى كولتوورى ده‌وڵه‌مه‌ندى پێكه‌وه‌ژيان و يه‌كترقبووڵكردن و فره‌ڕه‌نگيى كۆمه‌ڵگه‌ى كوردستان و پێكهاته‌كانى بێت.
ئامانجەکانی خەڵکی هەرێمی کوردستان گەورەن و زەمینەیەکی فراوانی ململانێی شارستانی لەنێوان لایەنەكان و ليست و كانديده‌كاندا هەیە. هه‌مووان ئازادن له‌وه‌ى پڕۆپاگه‌نده‌ بۆ سياسه‌ت و به‌رنامه‌كانيان بكه‌ن، ڕه‌خنه‌ بگرن، به‌ڵام ده‌بێت هيچ كه‌س و لايه‌نێك ڕێگه‌ به‌ خۆى نه‌دات ڕق و كينه بڵاو بكاته‌وه‌‌.
لێره‌دا به‌تايبه‌تى جه‌خت له‌ پێويستيى پاراستنى ڕێز و پێگه‌ى ئافره‌ت ده‌كه‌مه‌وه‌. پاراستنی ژنان بەگشتی و کاندیدبوونيان بۆ هه‌ڵبژاردنى په‌رله‌مان، پێوەرێکی گرنگە بۆ هەرێمی کوردستان.
لايه‌نه‌ سياسييه‌كان و كانديدان، دوژمنى يه‌كتر نين، به‌ڵكوو ڕكابه‌رى سياسيى يه‌كترن. هه‌موويان لە کوردستانیبووندا هاوبەش و هەموومان چارەنووسمان پێکەوەیە. بۆيه‌ ئه‌ركى هەمووانه‌ پێکەوە هەوڵ بدەين پرۆسەیەکی دیموکراتی بە شێوەیەکی ئاشتيیانە بەڕێوە ببەين.
دوای هەڵبژاردن براوەکان دەبێت جارێکی تر پێکەوە دابنیشنەوە بۆ پێکهێنانی حکوومەت، ئەوانەی دەبنە ئۆپۆزیسیۆنیش، هەر دەبێت لە بواری یاسادانان و چاودێریکردندا، هەڵسوکەوت لەگەڵ حکوومەت و دامەزراوەکانی هەرێمی کوردستان بکەن.
پێکەوەژیانی ئاشتیيانەی هەموو نەتەوە و ئایینەکان، ڕوويه‌كى گه‌ش و بنەمایەکی بەهێزی سەرکەوتنی هەرێمی کوردستانە. هەموومان پێکەوە، خاوەنی هەموو دەستکەوت و پێشکەوتنەکانی کوردستانين. پاراستنى ئه‌و پێكه‌وه‌ژيانه‌، ئه‌ركى هه‌موومانه‌.
بۆيه‌ پێويسته‌ له‌ بانگه‌شه‌ى هه‌ڵبژاردندا ڕێز له‌ پيرۆزى و هێما و سيمبۆلى كوردستان و هه‌موو پێكهاته‌كانى بگيرێت. ئێمه‌ پشتیوانى لە ئیرادەی ئازادی هەموو پێکهاتەکانی هەرێمی کوردستان دەکەین. دامودەزگا و لایەنە ئەمنییەكانيش، ده‌بێت پارێزگاری لە بەڕێوەچوونی ئاشتییانە و بێ كێشەی بانگەشه‌ى هه‌ڵبژاردن بكەن.
كوردستانييانى ئازيز،
ئێمه‌ له‌ سه‌رۆكايه‌تيى هه‌رێمى كوردستان، ماوه‌يه‌كى زۆر له‌گه‌ڵ لايه‌نه‌ سياسييه‌كان بۆ نه‌هێشتنى ناكۆكى له‌سه‌ر هه‌ڵبژاردن خه‌ريكى گفتوگۆ بووين. هه‌رگيز له‌گه‌ڵ دواخستيندا نه‌بووين، به‌ڵام له‌پێناو به‌رژه‌وه‌نديى باڵاى هه‌رێمى كوردستان و بۆ ئه‌وه‌ى هه‌ڵبژاردن به‌ به‌شداريى هه‌موو لايه‌نه‌ سياسييه‌كان و پێكهاته‌كان به‌ڕێوه‌ بچێت، به‌ ناچارى چه‌ند جارێك دوامانخست.
سوپاس و پێزانين بۆ حکوومەتی فیدراڵ، بۆ به‌ڕێز سەرۆک وەزیران سوودانی، هه‌روه‌ها بۆ به‌ڕێز فايق زێدان سه‌رۆكى ده‌سه‌ڵاتى دادوه‌ريى عێراق کە هاوکارێکی تەواو بوون، بۆ نەهێشتنی هەموو کێشەکانی بەردەم ڕێکخستن و ئامادەکارییەکانى هەڵبژاردن.
سوپاس و پێزانين بۆ هاوكاريى کۆميسیۆنی سەربەخۆی هەڵبژاردنەکان، دۆستانمان له‌ کۆمەڵگەی نێودەوڵەتی، نوێنەرانی نەتەوە یەکگرتووەکان و وڵاتان لە عێراق و هەرێمی کوردستان، بۆ هاوكارى و په‌رۆشييان بۆ ئه‌نجامدانى هه‌ڵبژاردن.
هاووڵاتیيانی ئازیز،
سه‌نگ و پتەوبوونی پێگه‌ى هه‌رێمى كوردستان و نوێبوونەوەی ڕه‌وايه‌تيى دامه‌زراوه‌كانمان، به‌ ئه‌نجامدان و سه‌ركه‌وتنى هه‌ڵبژاردنێكى پاك و ئازاده‌وه‌ به‌نده‌. بۆيه‌ له‌ هه‌موو شوێنێك چاوى دۆستانمان له‌سه‌ر ئه‌م هه‌ڵبژاردنه‌يه‌ و ئه‌ركى هه‌موومانه‌ پێكه‌وه‌ كار بۆ سه‌ركه‌وتنى بكه‌ين.
هه‌ڵبژاردنى په‌رله‌مانێكى به‌هێز، ده‌رفه‌ت و يارمه‌تيده‌رێكى گرنگه‌ بۆ پته‌وكردنى سيستمى ديموكراسى و دامه‌زراوه‌يى و چاكسازى، هه‌روه‌ها بۆ پاراستنى هه‌رێمى كوردستان و جێبه‌جێكردنى سيستمى فيدراڵى و مسۆگه‌ركردنى مافه‌ ده‌ستوورييه‌كانى گه‌لى كوردستان.
به‌ هيواى بانگه‌شه‌يه‌كى ئارام و سه‌ركه‌وتنى هه‌ڵبژاردن.
كاتێكى خۆش بۆ هه‌موو لايه‌كتان ده‌خوازم.

12/09/2024

لە هەولێر ئامادەکاریى بۆ یادى لەدایکبوونى پێشەواى ئیسلام محەمەد (د.خ) دەکرێت
سەرۆکایەتیى شارەوانیى هەولێر ئەم وێنانەى بڵاورکردووەتەوە و نووسیویەتى، دەستپێکردنی ئامادەکاریەکان بۆ رێوڕەسمی یادی لە دایکبوون و مەولودی پەیامبەری ئیسلام ( محمد) دروودی خوای لەسەر بێت،"

12/09/2024

مەسعود پزیشكیان، بە فەرمی بانگهێشتی سەرۆك بارزانی كرد بۆ سەردانیكردنی ئێران.

12/09/2024

سەرۆکوەزیران مەسرور بارزانى رایگەیاند، ئەمڕۆ لە هەولێر، لەگەڵ بەڕێز سەرۆکی کۆماری ئیسلامی ئێران جەنابی د. مەسعود پزیشیان کۆبووینەوە و گفتوگۆمان لەبارەی پەرەپێدانی پەیوەندیی دوولایەنە لەسەر بنەمای دراوسێتی باش و بەرژەوەندی هاوبەش کرد.

12/09/2024

وێنە: نێچیرڤان بارزانی، سەرۆکی هەرێمی کوردستان لە نووسینگەی خۆی لە هەولێر پێشوازی لە مەسعود پزیشکیان کرد و پاشان لەگەڵ تیمی حکومەتی هەرێمی کوردستان کۆبوونەوە

12/09/2024

لە سەرۆکایەتى هەرێمى کوردستان مەسرور بارزانى سەرکوەزیرانى هەرێمى کوردستان و نێچیرڤان بارزانى سەرۆکى هەرێمى کوردستان لەگەڵ مەسعود پزیشکیان لە سەرۆککۆمارى ئێران لە کۆبوونەوەدان

11/09/2024

پەیامێک لە مەسرور بارزانییەوە
لە کۆمێنتە..

09/09/2024

شاندەکەى عێراق گەیشتنە لاى سەرۆک بارزانى

سەرۆك بارزانی پێشوازی لە شاندێكی باڵای حكوومەتی عێراقی دەكات
ڕۆژی دووشەممە 9ی ئەیلوولی 2024 لە سەلاحەددین سەرۆك مەسعود بارزانی پێشوازی لە شاندێكی باڵای حكوومەتی عێراقی كرد كە پێكهاتبوو لە بەڕێزان فواد حوسێن جێگری سەرۆكوەزیرانی عێراق و سەرۆكی ئەنجوومەنی وەزاریی ئابووری و محەمەد عەلی تەمیم جێگری سەرۆكوەزیرانی عێراق و وەزیری پلان دانان و خاتوو تەیف سامی وەزیری دارایی عێراق و بەڕێز حەمید نەعیم خزیر سكرتێری گشتیی ئەنجوومەنی وەزیرانی عێراق و بەڕێز عەلی موحسن ئیسماعیل پارێزگاری بانكی ناوەندیی عێراق و ژمارەیەك لە بەرپرسانی حكوومەتی عێراقی لە وەزارەتەكانی دەرەوە و پلاندانان و دارایی و نەوت و بازرگانی و پیشەسازی و كانزاكان و كشتوكاڵ و كار و كاروباری كۆمەڵایەتی و هەروەها سكرتاریەتی ئەنجوومەنی وەزیرانی عێراق و بانكی ناوەندیی عێراق و دەستەی ئەوراقە داراییەكانی عێراق.
لەو دیدارەدا شاندی میوان وێڕای دەربڕینی خۆشحاڵیی خۆیان بۆ سەردانیان بۆ هەرێمی كوردستان پێزانینیان بۆ ڕۆڵی مێژوویی سەرۆك بارزانی لە بنیاتنانی عێراقی نوێ و خەبات لەدژی دیكتاتۆریەت هەبوو، هەروەها ئامانجی سەردانەكەیان بۆ هەرێمی كوردستان و گفتوگۆ لەگەڵ لایەنە پەیوەندیدارەكانی حكوومەتی هەرێمیان بۆ سەرۆك بارزانی خستەڕوو. هەروەها شاندی میوان جەختیان لەوە كردەوە كە چاوپێكەوتن و كۆبوونەوەكانیان لەگەڵ حكوومەتی هەرێم سوودبەخش بووە و مەبەستیانە هەموو لایەك لە كەشێكی پڕ لە متمانە و بە تێڕوانینێكی شەفاف و بنیاتنەر بگەنە لێكتێگەیشتنێكی تەواو لەپێناو چارەسەركردنی كێشەكان و لابردنی كۆسپەكان.
هەر لەو دیدارەدا سەرۆك بارزانی بە گەرمی بەخێرهاتنی شاندی باڵای حكوومەتی عێراقی فیدڕاڵی كرد و هیوای ئەوەی خواست كە ئەو سەردان و یەكتردیتنە ئەنجامێكی ئیجابی بۆ هەموو عێراق و هەرێمی كوردستان هەبێت. سەرۆك بارزانی ڕۆشنایی خستەسەر مێژووی خەبات و قوربانیدانی گەلی كوردستان لە سەددەی بیستەم و هەروەها ئەوەشی بە ئامادەبوانی كۆبوونەوەكە ڕاگەیاند كە لەدوای 2003 ئەو چاوەڕوانییە هەبوو كە عێراقێكی تازە بنیات بنرێت كە ببێتە نموونەی پێكەوەژیان و شەراكەت و دیموكراسی و فرەیی لە ناوچەكەدا. سەرۆك بارزانی ئەوەشی دووپاتكردەوە كە خەباتی گەلی كوردستان بۆ چەسپاندنی شەراكەت و مافەكانیەتی و ناكرێ لەبری ڕێزگرتن لە داواكانی گەلی كوردستان و قەرەبووی ئەنفال و كیمیاباران، هەوڵی ئەوە بدرێت دۆزێكی مێژوویی و خەبات و قوربانیدانی بێهەژماری كوردستان لە بابەتی مووچەدا بچووك بكرێتەوە یانیش هەوڵی لێكترازاندنی هەرێمی كوردستان بدرێت.
سەرۆك بارزانی لەدرێژەی وتەكانیدا جەختیشی لەوە كردەوە كە باشترین ڕێگە بۆ نەهێشتنی كێشەكان، گرتنەبەری شێوازی لێكتێگەیشتن و دیالۆگی نێوان حكوومەتی عێراقی فیدڕاڵ و حكوومەتی هەرێمی كوردستانە. ئاماژەشی بەوەدا كە بۆ چارەسەركردنی كێشەكان پێویستە هەموومان بۆ دەستوور بگەڕێینەوە و لەگەڵ ئەوەشدا پابەندی ئەو ڕێككەوتنە سیاسییە بین كە لایەنەكانی هاوپەیمانییەتی ئیدارەی دەوڵەت لەسەری ڕێك كەوتوون. سەرۆك بارزانی پێزانینی بۆ ڕۆڵ و هەوڵەكانی سەرۆكوەزیران سودانی هەبوو بۆ نەهێشتنی كۆسپەكان و چارەسەركردنی گرفتەكان و ئەوەشی دووپات كردەوە بۆ سەرخستنی پڕۆسەی دیالۆگ و چارەسەركردنی كێشەكان، لەپاڵ پابەندبوون بە دەستوور و ڕێككەوتنە سیاسیەكان پێویستە نیازپاكی و ئیرادەیەكی ڕاستەقینە بۆ چارەسەری كێشەكان هەبێت.
جێگەی ئاماژەپێكردنە لەو دیدارەدا شاندێكی باڵای حكوومەتی هەرێمی كوردستانیش ئامادە بوون كە پێكهاتبوون لە بەڕێزان وەزیری ناوخۆ و وەزیری دارایی و سەرۆكی دیوانی ئەنجوومەنی وەزیران و ژمارەیەكی دیکە لە بەرپرسانی حكوومەتی هەرێمی كوردستان.

08/09/2024

ئەمڕۆ کۆبوونەوەی هەردوو ئەنجومەنی وەزاریی عێراق بۆ ئابووری و ئەنجومەنی ئابووری هەرێمی کوردستان لە شاری هەولێر دەستی پێکرد.
گفتوگۆمان لەبارەی چارەسەرکردنی کێشە هەڵپەسێردراوەکان کرد و جەختمان لە ڕێزگرتن لە مافە دەستوورییەکانی هەرێمی کوردستان کردەوە.
وێڕای بەخێرهێنانی شاندی باڵای حکومەتی فیدراڵ بۆ هەولێر ، ئاماژەمان بەوە کرد کە ئەگەر خواست و ویستی چارەسەر هەبێت، چارەکردنی کێشەکان ئاسانە و پێویستە ڕێزگرتن لە دەستوور و ڕێککەوتنەکان، بنەما بێت بۆ چارەسەرکردنی هەموو کێشە و ناکۆکییەکان.
هەروەها جەختمان لەوە کردەوە کە پێویستە حکومەتی فیدراڵ بە شێوەیەکی دادپەروەرانە مامەڵە لەگەڵ هەموو بەشەکانی عێراق بکات و حکومەتی هەموو ناوچە و پارێزگاکان بێت، وەک چۆن داکۆکی لە مافی هاووڵاتییانی بەسرا و بەغدا دەکات، بە هەمان شێوە پێویستە بەرگری لە مافەکانی خەڵکی هەرێمی کوردستانیش بکات.
دووپاتیشمان کردەوە کە هەرێمی کوردستان ، هەرێمێکی دەستووریییە و دەبێ ڕێز لە قەوارەی فیدراڵی هەرێم بگیرێت و لەم چوارچێوەیەدا ڕەفتار لەگەڵ هەرێمی کوردستان بکرێت.
بەڕێز فوئاد حوسێن جێگری سەرۆک وەزیرانی فیدراڵ و سەرۆکی ئەنجومەنی وەزاریی بۆ ئابووری هاوڕابوو لەسەر گرنگیی و پێویستی چارەکردنی کێشە هەڵپەسێردراوەکان لەسەر بنەمای دەستوور . گوتیشی هاتنی ئەم شاندە باڵایەش بە مەبەستی چارەسەرکردنی کێشەکانە.
دواتر لیژنە پەیوەندیدارەکانی هەردوولا، بە جیا لەسەر تەوەرەکان کۆبوونەوە و گفتوگۆی بەرفراوانیان کرد و کۆبوونەوەکانیش لە کەشێکی ئەرینێیدا بەڕێوەچوون کە تێیدا بە شێوەیەکی ڕاشکاوانە بیروڕا دەربارەی چارەسەکردنی کێشەکان لە سەر بنەمای دەستوور ئاڵوگۆڕ کرا و بڕیارە کۆبووەنەوەکانیش بۆ ماوەی دوو ڕۆژ بەردەوام بێت.

مەسرور بارزانى
سەرۆکوەزیرانى هەرێمى کوردستان

08/09/2024

زانیاریی ورد لەسەر پرۆژە گرنگەکەی هەولێر؛ نزیکەی 480 ملیۆن دۆلاری تێدەچێت و کەمئاویی هەولێر بە تەواوی کۆتایی پێ دەهێنێت.

31/08/2024

راگەیەندراوێک لە لاهور شێخ جەنگی سەرۆکی بەرەی گەلەوە لەبارەی ۳۱ی ئاب

٣١ی ئاب خیانەتێکی مێژووییە و هەرگیز لەبیرناکرێت ئەوە راستییەکە بەر لەوەی حزبێک هەر ساڵە و بە نەفەس و جۆرێک یادی بکاتەوە، مێژوو لە زاکیرەی خۆیدا جێگیری کردووە. بەڵام یادکردنەوەی ئەو جۆرە برین و خیانەت و خۆکوژییە، دەبێت تەنها بۆ دەرس وەرگرتن بێت نەوەک بۆ کولاندنەوەی برینەکان و موزایەدەی پێش هەڵبژاردن.

ئەوانەی ئێستا هاتوون دوای ٢٨ ساڵ تازە بیریان دەکەوێتەوە کە ٣١ی ئاب خیانەت بوو، لەساڵانی ڕابردوودا لەکاتێکدا ئێمەومانان دەمانویست خیانەتی ٣١ی ئاب وەک پەند لەبیرنەکرێت هەر ئەوانە بوون بۆ راگرتنی دڵی پارتی، و پارێزگاری لە بەرژەوەندییەکانیان و گیرفانیان، مانگی ئاب لای ئەوان ٣٠ رۆژ بوو..

لەئێستاشدا کە باروگوزەرانی گەلی کوردستان لەوپەڕی خراپیدایە وگەنجەکانمان لەوپەڕی بێ هیوایی ونائومێدیدان وفەرمانبەران وهێزەکانی پێشمەرگە وهێزەکانی ناوخۆ وخانەنشین وخاوەن پێداویستی تایبەتەکان ٦٠ ڕۆژە لەچاوەڕاونی پێدانی موچە زەوتکراوەکانیانن بۆ ئەوەی بتوانن تیکەیەک نان بخەنە سەر سفرەی ماڵ ومنداڵیان، کەچی هەردوو حزبی دەسەڵاتدار زۆر نابەرپرسیارانە و دوور لە هەموو بەها و ئەتەکیەتێکی سیاسیی بەدروستکردنی سیناریۆ دەیانەوێت هەموو ئەم کێشانەی کەبەدەستی ئەوان خۆیان دروستکراوە، لەبیرخەڵکی بەرنەوە و جارێکی تر تۆوی ڕق و دووبەرەکی بەپارەی دزراوی خەڵک ئاو بدەنەوە.

لە رابردووی زۆر نزیکدا، ئەوانەی لەسەر حسابی یەکێتیی پلە و پۆست و پایەیان لە ناو حکومەت و دەزگا فەرمییەکانی هەرێم لە شاری هەولێر دا وەرگرت ، لەجیاتی خزمەتی هەولێرییەکان و سارێژکردنی برینی دڵی ئەو خەڵکەی کە بە هۆی ٣١ ئابەوە زیانی بەرکەوت و قوربانیدا، هاتن سەرقاڵی بزنس و پارە و گیرفانی خۆیان و خێزانەکانیان بوون و ئێستاش وەک بانگەشەی هەڵبژاردن کە ڕێککەوتنی دولایەنەی پێشوەختی لەسەر کراوە، جارێکی تر گوتاری رق و گیانی دوبەرەکی دەچێنن، بێ ئاگا لەوەی لە ئاستە کۆمەڵایەتیەکاندا ئەم گەمە سیاسیە قێزەونە کاریگەریەکانی لەسەر نەوەکانی ئێستا و داهاتوو دەمێنێت و هێندەی تر هەستی نەتەوەیی و نیشتیمانیی رۆلەکانی گەلی کوردستان پەرت دەکات!.
وەک چۆن خیانەتی ٣١ ی ئاب ئیدانە دەکەین بە هەمان نەفەس رێکەوتنی سەرەوەی حزبەکان بۆ بانگەشەی هەڵبژاردن دژی یەکتری و بڵاوکردنەوەی گوتاری رق و دوبەرەکی رەتدەکەینەوە و بە کارێکی قيزەونی دەزانین، ئەم ئاکارانە دوورن لە هەموو بەهایەکی کوردەواری و بەشێک نین لە زمانێکی سیاسیی راقی و باڵا کە خەمی خەڵک و خاکی هەرێمی کوردستانی هەڵگرتبێت.

لاهور شێخ جەنگی

21/08/2024

بەپەلە..
راگەیەنداوێک لە وەزارەتی داراییەوە لەبارەی مووچە
لە کۆمێنتە⬇

21/07/2024

لیستی مووچەی مانگی تەمووز ڕادەستی وەزارەتی دارایی عێراق کرا.
سەرلەبەیانی ڕۆژی یەک شەممە ٢٠٢٤/٧/٢١، لیستی مووچەی مانگی تەمووزی سەرجەم فەرمانبەران و مووچەخۆران و دەزگا ئەمنی و سەربازیەکان لەلایەن تیمی هونەری وەزارەتی دارایی و ئابوری هەرێمی کوردستانەوە ڕادەستی بەڕێوبەرایەتی گشتی ژمێریاری لەوەزارەتی دارایی حکومەتی فیدراڵ کرا. تێبینی؛ لیستی مووچەی خانەنشینان بەهاوتاکراوی بەپێی یاسای خانەنشینی یەکگرتوو ڕەوانە کراوە.

28/02/2024

دادگای فیدڕاڵی دەقی بڕیارەکەی لەبارەی پێدانی مووچەی فەرمانبەران و خانەنشینانی هەرێم بڵاوکردەوە
زانیاری لە کۆمێنتە

01/02/2024

وەزارەتی دارایی و ئابووری رایگەیاند، رۆژی هەینی ڕێککەوتی 02-02-2024 دەست به دابەشکردنی مووچەی مانگی کانوونی دووەمی فەرمانبەران و مووچەخۆرانی هەرێمی کوردستان دەکرێت و بە وەزارەتی تەندروستی دەستپێدەکات و ڕۆژی پێنج شەممە ڕێکەوتی 08-02-2024 بە خانەنشینی پێشمەرگە کۆتایی دێت.

18/12/2023

ئاماری نوێ لە کەرکووکەوە گەیشت؛ تائێستا کام لایەن یەکەم، دووەم و سێیەمن؟
لە کۆمێنتە

Address

Erbil
Irbil
44001

Website

facebook.com

Alerts

Be the first to know and let us send you an email when Dwarozh posts news and promotions. Your email address will not be used for any other purpose, and you can unsubscribe at any time.

Videos

زانیاریی ورد لەسەر پرۆژە گرنگەکەی هەولێر؛ نزیکەی 480 ملیۆن دۆلاری تێدەچێت و کەمئاویی هەولێر بە تەواوی کۆتایی پێ دەهێنێت.

گەنجێک لە لاهور شێخ جەنگى دەپرسێت، بۆچى خزمەتى خەڵک ناکەن بزانە چۆن وەڵامى دەداتەوە #هەولێر #هەڵەبجە #کەرکوک #سلێمانی #دهۆک #زووم_نیوز

لاهور شێخ جەنگی: “بافڵ تاڵەبانی نە پۆستی حکومی هەیە و نە پلەی سەربازیی کەچی جلی کۆماندۆ لەبەر دەکات و لەسەر دەبابە رەسم دەگرێت وادەزانێ ئەمە پلەیستەیشنە! “

پەیامی لاهور شێخ جەنگی سەرۆکی بەرەی گەل بەبۆنەی جەژنی قوربانەوە

د. کازم فاروق دەرکەوتەوە، بزانە چی دەڵێت؟

🔻ئاسایشی هەولێر ئەم ڤیدیۆیەی بڵاوکردووەتەوە و نووسویەتی: ئەم دیاردەی تەقەکردنە بنبڕ دەکەین.. هاوڵاتیانی خۆشەویست لە پێناو پاراستنی خۆت و خانەوادەکەت هەر ڤیدیۆیەکی لەم شێوەیەتان بینی بۆمان بنیرن و ئاگادارمان بکەنەوە سوپاستان دەکەین

ئاسایشی هەولێر ئەم ڤیدیۆیەی بڵاوکردووەتەوە کە بکوژ کاوە بازیانی قسەدەکات و دەڵێت، 38 ساڵ پێش ئێستا رۆژێک پێش جەژن باوکم لەلایەن کاوە بازیانی کوژراوە و منیش رۆژەک پێش جەژن کوشتمەوە.

🔻مەولود چاوشئۆغڵو، وەزیری دەرەوەی تورکیا لە چاوپێکەوتنێکی تەلەفزیۆنیدا لە کەناڵی ئا تی ڤی هەبەر ئەم راستییانەی هێرشەکەی سەر فڕۆکەخانەی سلێمانی پشتڕاست کردەوە. 🔸پەکەکە حزبەکەی تاڵەبانی و زۆنی سلێمانییان کۆنترۆڵ کردووە. 🔸 ئەو هەلیکۆپتەرانە یەکێتی لە فەرەنسای کڕیوە و پەکەکە بەکاریاندەهێنێت. 🔸فڕۆکەخانەی سلێمانی لەلایەن پەکەکەوە کۆنترۆڵکراوە و بەکاریدەهێنێت و ئەمریکاش ئاگادارە، بۆیە هەر فڕۆکەیەک لە فڕۆکەخانەی سلێمانییەوە بیەوێت بێتە ئاسمانی تورکیا رێگەی پێنادەین. 🔸هەولێر هاوکارمان بوون لە زانیاری ئەوەی مەزڵوم عەبدی لە سلێمانییە و ئەمریکاش ئاگاداری کردبووین.