https://www.facebook.com/460398947341842/

Bazian page, As Sulaymaniyah (2024)

23/12/2023

زۆر پێش دروستبوونی بازیان پرێس ئەم پەیجە خنجیلانەمان دانا بەناوی بازیان پرێس بەڵام دواتر برایانی بازیان پرێس داوایان کرد کەناوەکەی بگۆڕین چونکە ئەوان مۆڵەتیان وەرگرتوە بەو ناوە و تازە ناتوانن بیگۆڕن ئێمەش داواکەمان قبوڵ کردن .
ناوەکەیمان گۆڕی بۆ بازیان میدیا ، دوای ماوەیەک کۆمەڵێک گەنجی ئەزیز میدیایەکیان دانا بە ناوی بازیان میدیا و مۆڵەتی فەرمیان بۆ وەرگرت و هەمان داوایان لێکردین ئێمەش دوبارە ناوەکەیمان گۆڕی بۆ ئەوەی دوو پەیج بە هەمان ناو نەبێت .
ئەوەی مەبەستمانە بیڵێین ناو گرنگ نیە و مادام ئەو دوو میدیا بەڕێزە لە ئێمە چالاکتر و خزمەتی زیاتر دەکەن دەبێت ڕێگەیان بۆ خۆش بکەین و پاڵپشتیان بین .
لەگەڵ ڕێزدا بۆ ئێوەی ئەزیز

20/04/2023

قایمقامیەتی قەزای بازیان ناوی ئەو کۆمپانیا و کەسانە ئاشکرا دەکات کە لە مانگی ڕەمەزاندا "هاوکاری خەڵک"یان کردووە

قایمقامیەتی قەزای بازیان ڕایگەیاند : هاوکاری زەکات کە بەرنامەیەکی ساڵانەی قایمقامیەتی بازیانە ، لە هاوکاری کارگەکان بەسەر کەسانی شایستەدا دابەشدەکرێت ئەم ساڵیش هاوشێوەی ساڵانی ڕابردوو چەند خێزانێکی شایستە هاوکاری کران ، بەم شێوەیەی خوارەوە ؛

1/ کۆمپانیای ماس بڕی 15 پانزە ملێون دیناری دابینکرد بۆ 150 خێزانی کەمدەرامەت .
هەروەها 73 نەخۆشی جۆراو جۆر لە مانگی ڕەمەزاندا هەریەک بەبڕی 1 ملیون دینارو زیاتر هاوکاری کراون لەلایەن کۆمپانیای ماس.

2/کۆمپانیای قەیوان بڕی 39٫200000 سی و نۆ ملیون و دووسەد هەزار دیناری دابینکرد بۆ هاوکاری کردنی 196 نەخۆشی نەخۆشخانەی هیوا و نەخۆشی دیکەو چەند خێزانێکی کەمدەرامەت.

3/کۆمپانیای سۆپرستیل بڕی 30٫000٫000 سی ملیۆن دیناری دابینکرد بۆ 150 منداڵی نازدار هەر یەکە بە بڕی 200000 دووسەد هەزار دینار.

4/کۆمپانیای سلێمانی ستیل بڕی 15٫000٫000 پانزە ملیون دیناری دابینکرد بۆ سەدوپەنجا خێزانی کەمدەرامەت هەریەکە بەبڕی سەد هەزار دینار.

5/شێخ سعدی کۆڵەک بڕی 5000 پێنج هەزار دولاری دابینکرد بۆ 50 خێزان هەریەک بە بڕی 100$

6/کۆمپانیای نەورەس بەڕێز حاجی مجید ماوەتی بڕی 150 سەبەتەی خۆراکی دابینکرد بۆ نابینایان و باخەوانانی شارەوانیەکانی بازیان و ئەڵڵایی.

7/ بەڕێز کاک کامەران شەهید رحمن بڕی 120 سەبەتەی خۆراکی بۆ ژینگەپارێزانی کۆمپانیای شکار دابینکرد.

16/03/2023

بومەلەرزەکەی ئەمشەو لە سەر سنوری ئێران ئیراق رویدا بەپلەی ٥ ی ڕێختەر

17/02/2023

ئەگەر حوکمەت چاودێری و سزای گەندەڵکارانی بدایە وەک چۆن چاودێری و سزای شۆفێران ئەدات ئێستا لە ڕیزی وڵاتە پێشکەوتوەکانی جیهاندا بووین .

پێشکەوتوترین سیستەمی چاودێری خێرای بۆ سزادان دێنێتە کوردستان لەسەر خراپترین سیستەمی شەقام و ڕووناکی .

03/02/2023

وەرزش ئاوا ناکرێت ، چارەسەرێک دابنێن دووبارە نەبێتەوە و با لیژنەیەکی بێلایەن لێکۆڵینەوە بکات ئەوەی تاوانبارە سزا بدرێت

16/01/2023

چۆن بوو بەقایمقام؟
ئەو هۆکارەی (زانا)و پێنجوێنیەکانی گەیاند بەم سەرکەوتنە..
علی فتاح
سەروەختی دیاریکردنی هەموو ئەو کاندیدانەبوو کە بزوتنەوەی گۆڕان ئامادەو پێشنیاری دەکردن بۆ وەرگرتنی پۆستەکانی ئەنجومەنە خۆجێییەکان لەسنوری پارێزگای سلێمانی، هەشت ساڵ لەمەوبەر:
٭پۆست و پێگە حکومیەکان سەدانن نەک تەنها پۆستەکەی زانا.
٭کاندیدەکان هەزارانن نەک تەنها زانا.
هەر بەرپرسەو کاندیدی سنورەکەی خۆ دیاری دەکرد، هەر بەرپرسەو بە فایلێکی قورسەوە لەشەڕی وەرگرتنی پۆستدابوو بۆ کاندیدەکەی.
٭لەو بازاڕە شێواوەدا (شێخ کامیل قادر و دلاوەری حاجی عوسمان) چیانکرد؟
ئەوان دوو بەرپرسی بزوتنەوە گۆڕان و دوو تێکۆشەری دێرین بوون، بۆ خزمەتی پێنجوێن و بۆ مێژووی خۆیان شێخ کامیل (زانا)ی کاندید کردو دلاوەر بەهەموو هێزیەوە پشتیوانی لێکرد، لەبیرمە تەنانەت داوایان لەهەموو ئەوانە کرد کە لە کێبڕکێکەدابون بەرامبەر (زانا) بۆ وەرگرتنی پۆستەکەو یەک یەک کشانەوە لە کێبڕکێکە، زانا ڕەحمان دوای بینینی هەموو ئەو ڕوداوانەی ڕۆژانی ڕابردوو چیتر پێویستی بە پیاهەڵدان نییە، ئەو بۆ هەمیشە لە هزری پێجنوێنیەکاندا ئەدرەوشێتەوە.
ئەوەی هاوکێشەکە هاوسەنگ دەکات و دەمەوێت ئاماژەی پێبکەم: بەراوردو بەدواداچون و لێکۆڵینەوەیە لە عەقڵ و ڕوئیای بەرپرسانی کورد لەکاتی دیاریکردنی کاندید و وەرگرتنی پۆستەکاندا. لێرەوە پێشنیارەکەم: گەر ویستتان بەڕوسوری لە پۆستێکی ئیداری و حکومی دەربچن و کەسی شیاو لەشوێنی شیاو دەبنێن.. بچن ئامۆژگاری لە (شێخ کامیل و دلاوەر) وەربگرن.
ئەوان زانایان دیاریکرد ببێت بە قایمقام و کورد وتەنی بەخوێی چێشتیش نە بە شێخ کامیل ئەگاو نەبە دلاوەر.
من بیرمە جگەلە تواناو پاکی و لێهاتوویی (زانا) خاڵێکی بەهێزی ئەوکاتەی کەدیاریان کردو بەرگریان لێئەکرد ئەوەبوو، ئەیانوت زانا لە ساڵی (١٩٩١)ەوە لەپێنجوێنەو ئازاری سەرماو قوڕو چڵپاوی پێنجوێنی لەگەڵ پێنجوێنیەکاندا چەشتووە.
من وەک هاوڵاتیەک دەستخۆشی لە شێخ کامیل و دلاوەری حاجی عوسمان ئەکەم، وە بیریانەخەمەوە کە هاوڕێ بەرپرسەکانی ئەوان کاندیدەکانیان گەندەڵ دەرچون یان بەرەو سەنگەرەکانیان فرۆشت و لەلیتەی فەساددا تەراتێن ئەکەن، بیریانەخەمەوە کە هێندەی خەباتی پێشمەرگایەتیان شانازی بە دیاریکردن و دانان و پشتیوانی لە زاناوە بکەن.

عەلی فەتاح

دوای خوێندنەوەی ئەم وتارە دیڕێکی ئەم نوسینە زۆر سەرنجی ڕاکێشام “من بیرمە جگەلە تواناو پاکی و لێهاتوویی (زانا) خاڵێکی بەهێزی ئەوکاتەی کەدیاریان کردو بەرگریان لێئەکرد ئەوەبوو، ئەیانوت زانا لە ساڵی (١٩٩١)ەوە لەپێنجوێنەو ئازاری سەرماو قوڕو چڵپاوی پێنجوێنی لەگەڵ پێنجوێنیەکاندا چەشتووە.”

بەراوردی ئەمەم کرد بە بە بەرپرسەکانی بازیان کە زۆریان لە بازیان نەژیاون و ئاویتەی مێژوو و ئازاری ئەم خەڵکە نەبوون.

بازیانیەک کە دانیشتووی بازیانە سەد هێندەی خەڵکی تر دڵسۆزی خەڵک و خاکەکەیەتی .

بۆ سەلماندنی ئەم قسەیەی سەرەوە یەک پرسیار لە دانیشتوانی بازیان دەکەم :-
لە چ سەردەمێک بەقەد ئێستا تەجاوز کردن لەسەر مولکی حکومی و شارەوانی زۆربووە لە بازیان؟

13/12/2022

له‌ هه‌رێمی كوردستان له‌ ژیان و باری ته‌ندروستی هه‌ركه‌سێك ده‌پرسیت؟ پێتده‌ڵێت باشم، به‌ڵام فڵانه‌ نه‌خۆشیم هه‌یه‌، یان ده‌ڵێت دایكم یان باوكم، خوشكم یاخود برام تووشی نه‌خۆشییه‌كی درێژخایه‌ن بووە. ئه‌و تووشی شێرپه‌نجه‌ بووه‌، ئه‌وی دیكه‌یان چه‌وری له‌سه‌ر گورچیله‌كانیەتی، فڵان كه‌س تووشی هه‌وكردنی جگه‌ر بووه‌. به‌ده‌گمه‌ن خێزانێك ده‌بینی ئه‌ندامێك یان زیاتری خێزانه‌كه‌یان نه‌خۆشییه‌كی درێژخایه‌تی تووش نه‌بووبێت. له‌ میدیاكانیشه‌وه‌ رۆژانه‌ گوێمان له‌و هه‌واڵ و راپۆرتانه‌ ده‌بێت كه‌ به‌ ئامار باس له‌ به‌رزبوونه‌وه‌ی رێژه‌ی نه‌خۆشییه‌ مه‌ترسیداره‌كان ده‌كه‌ن. به‌شێوه‌یه‌كی گشتی ئه‌گه‌ر وه‌ك كۆمه‌ڵگەیه‌كی بچووك كراوه‌ ته‌ماشای هه‌رێمی كوردستان بكه‌ی، له‌ نه‌خۆشخانه‌یه‌كی گشتی ده‌چێت.

ئایا هه‌ر به‌ڕاستی جێگه‌ی هه‌ڵوه‌سته‌ له‌سه‌ركردن و پرسیار نییه‌؟ كۆمه‌ڵگەیه‌كی بچووكی چه‌ند ملیۆنی له‌نێو سرووشتێكی (چوار وه‌رزه‌ی پڕ) كه‌ نه‌ تیشكی هه‌تاوی كه‌مه‌، نه‌ باران. ئه‌م هه‌موو نه‌خۆشییه‌ چییه‌ رووی كردووەته‌ خه‌ڵكه‌كه‌ی؟ ئایا هیچ كۆمه‌ڵگه‌یه‌كی دیكه‌ی هاوشێوه‌ هه‌یه‌ به‌م شێوه‌یه‌ی هه‌رێمی كوردستان خه‌ڵكه‌كه‌ی گیرۆده‌ی ئه‌و هه‌موو نه‌خۆشییه‌ جۆراوجۆره‌ بووبن؟

هه‌رچه‌نده‌ هیچ ناوه‌ندێكی زانستی توێژینه‌وه‌ی له‌وباره‌‌وه‌ نه‌كردووه‌، یان ئه‌نجامی پشكنین و كوالێتی ماده‌ خۆراكییه‌ هاورده‌كان ئه‌وه‌ی نه‌سه‌لماندووه‌، به‌ڵام من بۆ خۆم هیچ گومانم له‌وه‌ نییه‌ به‌شێكی سه‌ره‌كی سه‌رچاوه‌ی ئه‌م نه‌خۆشیانه‌ له‌ وڵاتانی ئێران و توركیاوه‌یه‌. چه‌ند ساڵێك له‌مه‌وبه‌ر له‌ رۆژنامه‌ی (رووداو) وتارێكم سەبارەت به‌رزبوونه‌وه‌ی رێژه‌ی نه‌زۆكی له‌نێو ژنان و پیاوانی كوردستان له‌ژێر ناونیشانی (رێگریی له‌ نه‌وه‌خستنه‌وه‌، جینۆسایدێكی به‌رده‌وام) بڵاوكرده‌وه‌. له‌وێش هۆكاره‌كه‌یم گه‌ڕاندبووه‌وه‌ بۆ ئه‌و دوو وڵاته‌ كه‌ له‌ سۆنگه‌ی دووژمنایه‌تیان به‌رانبه‌ر گه‌لی كوردستان به‌دووری نازانم له‌ رێگه‌ی ئه‌و خۆراكانه‌ی هه‌نارده‌ی هه‌رێمی كوردستانی ده‌كه‌ن، هۆكاربن بۆ رێگری له‌ نه‌وه‌خستنه‌وه‌. ئێستا گوێم له‌ هه‌ندێك پزیشكی پسپۆڕ ده‌بێت كه‌ ئه‌وانیش گه‌یشتوونەتە ئه‌و ئه‌نجامه‌ی رێژه‌كه‌ به‌ ئاسایی نابینن و گومانیان بۆ په‌یدابووه‌.

موسا عه‌نته‌ر له‌ بیره‌وه‌رییه‌كانیدا ده‌یگێڕێته‌وه‌ له‌ نیسانی ساڵی 1958 له‌ ناوچه‌کانی باکووری کوردستان جۆرێك گه‌نم لەلایەن حکومەتی تورکیاوە به‌سه‌ر خه‌ڵكیدا دابه‌ش كرا، پاش ئه‌وه‌ی گه‌نمه‌كه‌ له‌ ئاش ده‌كرایە‌ ئارد و ئارده‌كه‌ ده‌كرایه‌ نان، دوو نه‌خۆشی به‌دوای خۆیدا هێنا، یه‌كه‌میان ئه‌وه‌بوو كه‌ زۆر ژن تووشی نه‌زۆكی بوون، هه‌روه‌ها رێژه‌یه‌كی به‌رچاو له‌ منداڵان تووشی نه‌خۆشییه‌ك بوون برینی ره‌شی گه‌وره‌ له‌سه‌ر جه‌سته‌یان دروست بوو، هاوشێوه‌ی مه‌یمون توكیان لێده‌ڕوا و ده‌مردن، به‌وهۆیه‌وه‌ رێژه‌یه‌كی زۆری منداڵ له‌ ناوچه‌ كوردییه‌كان له‌نێوچوون.

ته‌ماشا بكه‌ن توركیا شه‌ست و پێنج ساڵ پێش ئێستا بیری له‌وه‌ كردبێته‌وه‌ له‌ رێگه‌ی (نان)ه‌وه‌، له‌لایه‌ك منداڵی كورد بكوژێت و له‌لایه‌كی دیكه‌شه‌وه‌ رێگه‌ له‌وه‌ بگرێت ژنانی كورد منداڵ بخه‌نه‌وه‌. ده‌بێت ئێستا توانای زانستیی ئەم وڵاتانە گه‌یشتبێته‌ چ ئاستێك و له ‌چ رێگه‌یه‌كی دیكه‌وه‌ ژه‌هر ده‌رخواردی كورد بده‌ن و ئێمه‌ش هه‌ر بیرمان بۆی نه‌چێت؟ بۆ نموونە توانای ئێران و تورکیا‌ له‌ به‌كاربردن و گه‌شه‌پێدانی ڤایرۆس و به‌كتریا و ته‌نانه‌ت له‌ چه‌كی بایه‌لۆجی، زۆر گه‌شه‌ی كردووه‌.

ئەوەی ئێستا دەبینرێت ئەم دوو وڵاتە لەڕووی ستراتیژییەوە هه‌ر قەوارەیەکی كوردستانی به‌ دووژمن و مه‌ترسی له‌سه‌ر خۆیان ده‌بینن. پلانی روون و ئاشكراشیان رێگرییه‌ له‌هه‌ر له‌سه‌رپێوه‌ستانێكی كورد له‌ ناوچه‌كەدا‌. ئێستا هه‌رێمی كوردستان به‌و هه‌ڕه‌شه‌ و مه‌ترسییه‌ ده‌بینن كه‌ مانه‌وه‌ و درێژه‌كێشانی ته‌مه‌نی، ده‌بێته‌ ئه‌مری واقیع به‌سه‌ریانه‌وه‌. بۆیه‌ ده‌بێت به‌رچاومان روون بێت له‌وه‌ی هه‌موو رێگەیه‌ك ده‌گرنه‌به‌ر بۆ له‌ په‌لوپۆخستنی ئه‌م قه‌واره‌یه‌، لەبەرئەوەش کۆنترۆڵی جۆری بۆ هەرێمی کوردستان پێویستییەکی زۆر زۆر لەپێشە.

ئه‌وه‌ی بووه‌ته‌ له‌مپەر و رێگر له‌به‌رده‌م هه‌ر پرۆسه‌یه‌كی خێرا، یان په‌لاماردانێكی راسته‌وخۆی وڵاتانی ناوچەکە بۆ له‌نێوبردنی هه‌رێمی كوردستان، دوو شته‌. یه‌كه‌میان سیاسه‌تی نێوده‌وڵه‌تی یارمه‌تیده‌ر نییه‌ بۆ ئه‌و ئامانجه‌ی ئه‌م دوو ده‌وڵه‌ته‌. دووه‌میشیان په‌ند وه‌رگرتنه‌ له‌ ئه‌زموونی رابردوو. ئه‌وان ده‌زانن كه‌ دروستبوونی ئه‌و هه‌لومه‌رجه‌ی هه‌رێمی كوردستانی تێدا خوڵقا، كۆمه‌ڵكوژییه‌كانی سه‌دام بوو به‌رانبه‌ر به‌ گه‌لی كوردستان له‌ عێراق. بۆیه‌ نایانه‌وێ‌ جارێكی دیكه‌ كیمیایی بكرێت به‌سه‌ر شاری هه‌ڵه‌بجه‌دا، به‌ڵام ده‌یانه‌وێ له‌ رێگه‌یه‌كی دیكه‌وه‌ ژه‌هره‌كه‌ بكه‌نه‌ ناو جه‌سته‌ی هاووڵاتییه‌كانی هه‌ڵه‌بجه‌و هه‌موو خه‌ڵكی كوردستانه‌وه‌، وەک ئه‌وه‌ی ئێستا تووشی هاتووین. له‌ هه‌ڵه‌بجه‌ 5 هه‌زار كه‌س شه‌هید بوو، ئێستا هه‌موو ساڵێك زیاتر له‌و ژماره‌یه‌ ته‌نیا به‌ شێرپه‌نجه‌ ده‌مرن.

ئه‌مڕۆبێت یان سبه‌ی ئه‌و راستییانه‌ به‌ لێكۆڵینه‌وه‌ و توێژینه‌وه‌ی زانستیبن یان له‌ به‌ڵگه‌و دیكۆمێنتی ناوه‌نده‌ هه‌واڵگرییه‌كانەوە ده‌رده‌كه‌ون كه‌ چۆن له‌ڕێگه‌ی ( رۆن، ئارد، چپس، شه‌ربه‌ت، هیلكه‌، كۆلا، دۆشاوی ته‌ماته‌، به‌روبوومی كشتوكاڵی، ئاو و هه‌واوه‌) به‌ ستراتیژێكی دوورمه‌ودا به‌ هه‌زاران كورد كوژراوە. به‌ڵام هه‌ر به‌ته‌نیا دەوڵەتەکان به‌رپرس نین له‌م تاوانكارییه‌، ئه‌وه‌ی زه‌وینه‌ی خۆشكردووه‌و كارئاسانی كردووه‌ كه‌ به‌ڕێگەیه‌كی ئاسان و هه‌رزان كوردی پێ له‌ناوبه‌رن، خۆمانین.

دوو شێوازی مامه‌ڵه‌كردن و به‌ڕێوه‌بردنی هه‌رێمی کوردستان، ته‌واوكه‌ری ئه‌و ستراتیژه‌ دووژمنكاریانه‌یه‌ كه‌ له‌به‌رانبه‌ر كورد گیراونه‌ته‌به‌ر. یه‌كه‌میان ئه‌و هه‌لومه‌رجه‌یه‌ كه‌ له‌ ده‌روازه‌ سنوورییه‌كان و شێوازی مامه‌ڵه‌ی بازرگانی له‌گه‌ڵ توركیا و ئێران گیراونه‌ته‌به‌ر، كه‌ سەرپەڕەی حوكمڕانانی هه‌رێمی کوردستان له‌و سی ساڵه‌دا چۆنیەتی به‌ده‌ستهێنانی داهات بووه‌ نه‌ك جۆری كاڵاكان، كه‌ به‌هۆیه‌وه‌ كوردستان بووه‌ته‌ بازاڕێكی بێ چاودێری بۆ به‌روبوومی بێكوالێتی و ته‌نانه‌ت ماوه‌ به‌سه‌رچوویش. هه‌روه‌ها له‌به‌ر نه‌بوونی توانای زانستی بۆ پشكنینی ورد، ئه‌و ده‌رگایه‌شی كردووەته‌وه‌ به‌ئاسانی ژه‌هر ده‌رخواردی خه‌ڵك بدرێت.

دووه‌م هۆكاریش ئه‌و شێوازی مامه‌ڵه‌كردنانه‌یه‌ له‌گه‌ڵ به‌رهه‌مه‌ نه‌وتییه‌كان، پاڵاوگه‌ی خراپ و به‌رهه‌می خراپی گازی ئۆتۆمبێل و موه‌لیده‌ی كاره‌بای گه‌ڕه‌كه‌كان و به‌نزینی بێكوالێتی، به‌ جۆرێك كاریان كردووەته‌ سه‌ر ژینگه‌ی كوردستان، هیچ دوودڵییه‌كی ناوێت ئه‌گه‌ر بته‌وێ‌ هه‌رێمی كوردستان به‌ناوچه‌ی ژه‌هراوی ناوبه‌ریت.

ئه‌وه‌ی هه‌ندێك له‌ كاره‌كته‌ره‌ سیاسییه‌كان كاتێک‌ له‌ وڵاته‌ پێشكه‌وتووه‌كان پشكنین ده‌كه‌ن و ده‌یكه‌ن به‌هه‌ڵا ژه‌هرخواردكراوین و راسته‌وخۆ گومانیان بۆ نه‌یاره‌ سیاسییه‌كانیان ده‌چێت له‌ پشتی ئه‌و كاره‌بن، دڵنیابن كه‌ستان ژه‌هرخوارد نه‌كراون، به‌ڵام هه‌مووشتان جه‌سته‌تان پڕه‌ له‌ ژه‌هر. هه‌ر هاووڵاتییه‌كی كوردستان به‌ریته‌ تاقیگه‌یه‌كی پێشكه‌وتووی نه‌خۆشخانه‌ی وڵاتێكی پێشكه‌وتووی جیهان، له‌ پشكنینه‌كانیدا ئه‌و ماده‌ ژه‌هراویانه‌ هه‌ن كه‌ ئاماژه‌ن بۆ ژه‌هرخواردكردنی. ئه‌و سه‌ركرده‌و سیاسیانه‌ی تائێستا نه‌یانكردووه‌ به‌هه‌ڵا كه‌ ژه‌هریان دراوه‌تێ‌، هۆكاره‌كه‌ی ئه‌وه‌یه‌ پشكنینی وردیان نه‌كردووه‌.

من ده‌زانم هه‌ندێك له‌ به‌رپرس و ده‌سه‌ڵاتداران و ته‌نانه‌ت هه‌ندێك له‌ سه‌رمایه‌دار و ده‌وڵه‌مه‌نده‌كانیش، ئه‌و خواردن و خواردنه‌وانه‌ی به‌كاری ده‌هێنن، ئه‌وانه‌ نین كه‌ له ‌بازاڕه‌كانی كوردستان هه‌ن. به ‌رێگه‌ی تایبه‌ت و له‌ژێر چاودێری وردی پشكنینی پزیشكی و به‌رهه‌می بێ‌ غه‌لوغه‌شیان پێده‌گات، به‌ڵام هیچیان دڵنیایی ئه‌وه‌یان نییه‌ كه‌ سه‌لامه‌ت ده‌بن، چونكه‌ سەرئه‌نجام ئه‌وانیش له‌ناو ژینگه‌ی ژه‌هراوی هه‌رێمی کوردستاندان و ئه‌و ئۆكسجینه‌ هه‌ڵده‌مژن كه‌ خۆیان پڕیان كردووه‌ له‌ ژه‌هر. بۆیه‌ پێویسته‌ هه‌ڵوه‌سته‌یه‌ك بكرێت، به‌رپرس و ده‌سه‌ڵاتداران رابچڵه‌كن له‌وه‌ی خۆیان و ئه‌و میلله‌ته‌یان خستووەته‌ به‌رده‌م چ چاره‌نووسێكه‌وه‌.

عارف قوربانی

03/12/2022

لە پایتەختی پیشەسازی چیمەنتۆ لە هەرێمی کوردستان و عێراق زۆرینەی کۆڵانەکانی بازیان لە زستاندا قوڕاوو لە هاویندا تەپوتۆز ژیانی خەڵک هەراسان کردووە ،

گەر سلێمانی پایتەختی ڕۆشنبیریە و لەبەر ئەو ناوە بودجەیەک بۆ شارەکە تەرخانکراوە بۆ بابەتی ڕۆشنبیری ئەوا بازیان وەک پایتەختی پیشەسازی لەهەرێمی کوردستان شایەنی بودجەی تایبەتە بە باشترکردنی ژێرخان و سەرخانی ناوچەکە و باشکردنی ژیانی خەڵکەکەی

17/11/2022

🔻 هۆكاری تەقینی بتڵی غازی ماڵان (LPG) چیە؟
🔹بڕیار نورەدین

سیستەمی غازی شل بەشێوەیەكی بەربڵاو لە كوردستان بەكار دەهێنرێت هەر كومپانیایەك بە ئارەزووی خۆی دەستی كردووە بە دانانی ئەم سیستەمی غازە كە خەتەریاتی وەك ئەوە وایە قومبەلەیەكی زۆر خەتەرتر لە تیئنتی لە هەرە خەتەرترین شوێنی ماڵەكەتە داینێت كە سەربانە
كاتێكیش ئەم بتڵە دەتەقێت ئێستا لە خوارەوە باسی هوكاری تەقینەكەی دەكەین
كاتێك دەتەقێتەوە بە هۆی ئەو پلێتە ئەستورەی هەیەتی وە نا بتڵەكەش دەیان تەن غازی شلی تێدایە پەستانێكی وەها بەهێز دروست دەكات لەسەر دەوروبەرەكەی كاتێك لە سەربانەكەت دەتەقێت ئەو پەستانە ئەوەندە بەهێزە دیواری ژێر سەقفەكە لە هەرچوار لاوە فڕێ دەیات بۆ دەرەوە سەقفی یەكەم لەگەڵ دووەم دەیات بە یەكدا.

هۆكارەكانی تەقینی بتڵی غاز:
١-زۆر بەی حاڵەتەكان بەهۆی نزمی كوالیتی پلێتی ئەو بتڵەوە بەكار دەهێنرێت یاخوت زۆر ماڵ هەیە بتڵی دەستی دوو دەكڕێتەوە كە نازانێت ئەم بتڵە لە ناوەوە توشی كۆڕۆژن واتە شەنك بووە ترسی تەقینی هەیە

٢-بەهۆی تێك چوونی ڕیكولەیتەری تەنكی غازەكەوە كە ئیشی ئەو ڕیكولەیتەرە كەم كردنەوەی ئەو پەستانەیە كە لەبتڵەكەوە بۆ بەشەكانی ماڵەوە دەچیت وەك سوپاو تەباخو شتەكانی تر.

٣-نەكردنی سیانەی ساڵانە ئەو بتڵانە كە دەبێت بەلایەنی كەمەوە ساڵانە جارێك تا دووجار سیانە و چێك بكرێت لە ئەگەری بوونی هەر لیكو لێك چوونێك یان تێك چوونی ئەو ڕیكولەیتەرە وەك ئەو تەقینەوەی ساڵی بێشووی كافێی سەهۆڵەكە ڕیگولەیتەرەكە تێك چوو بوو هەموو دیوارو بۆریەكان تەقینەوە

٤-فێڵ كردنی هەندێك كۆمپانیا تەنكی كۆن دەهێن بۆیاخی تازەی دەكەن بە نرخی تازە دەیەن بە كڕیار

٥-بە هیچ شێوەیەک ئەو بتڵە نابێت لە سەربان دابنرێ لە كاتی تەقین ماڵەكە دادەپێنێت بەسەرتا.

17/10/2022

١٦ ی ئۆکتۆبەر !

زۆر لەسەر ١٦ ی ئۆکتۆبەر دەوترێ و دەنوسرێ، زۆربەی وتار و بابەتەکان لۆژیکی نین، بەوپێیەی بەرژەوەندی حیزبی یاخود پشت بەستوو نین بە زانیاری دروست و بابەتی.
١٦ ی ئۆکتۆبەر گەر لە ڕواڵەتدا کشانەوەی کورد یاخود تێکشکان هەر ناوێکی تری لێ بنرێ، بەڵام دیوی پشتەوەی ڕووداوەکە دونیایەک شتی باسنەکراوی تێدایە، هەوڵ دەدەم لە خواردەوە هەندێک زانیاری بخەمە ڕوو.

پێش ١٦ ی ئۆکتۆبەر!

عێراق شەڕی گرتنەوەی حەویجەی خستە دوای شەڕی کۆنترۆڵکردنی موسڵ، پلانی هەبوو دوای موسڵ، هێز بە پاساوی شەڕی حەویجە لە دەوروبەری کەرکوک کۆبکاتەوە، بێگومان لەمەدا ئامانجی گرتنی کەرکوک نەبوو، بەڵکو ئامانجی بیرە نەوتیەکانی بای حەسەن و هاڤانا بوو.
یەک دوو مانگێک پێش ریفراندۆم، وەفدێکی چوار کەسی عێراق سەردانی هەولێریان کرد، پەیامێکی ڕوون و ڕاشکاو و بێ منەتانەیان گەیاندبووە، سەرۆکی حکومەتی هەرێم و جێگرەکەی و وەزیری نەوت.
لە پەیامەکەدا، وتبوویان” هاتووین پێتان بڵێین، بە ئاشتی بێت یاخود شەڕ، نەوتی کەرکوکمان دەوێ.”
ئەوکات بەشێک لە ئابووری هەرێم پشتی بە نەوتی کەرکوک دەبەست، بەرپرسانی هەرێم باش لە پەیامەکە تێگەشتبوون، هەندێک خیاری تریان خستبووە بەردەم وەفدەکەی عێراق، با نەوتەکە لە ژێر کۆنترۆڵی ئێمە و لە ڕێگەی بەسرەوە هەناردە بکرێ و چەند خیارێکی تر، عێراق هەمووی ڕەتکردبوویەوە، وتبوویان نەخێر نەوتەکەمان هەر دەوێ و دوای گەیاندنی پەیامەکە ڕۆیشتبوون.
هەرێم تێگەشت، دوای شەڕی موسڵ، گڕی ئاگرەکە لە دەوروبەری کەرکوکەوە هەڵدەستێت، چونکە چەندین جۆر گفتووگۆی تر لە شێوەی ئەوەی باسمکرد ڕوویدا، بەڵام هەرێم ئامادەکاری بۆ نەکرد، یاخود خوێندنەوەی هەڵەی بۆ پێشهات و ڕووداوەکان هەبوو.

١٦ ی ئۆکتۆبەر!

تا بەرەبەیانی ڕۆژی ١٦ ی ئۆکتۆبەر، حکومەتی عێراق پلانی گرتنی کەرکوکی نەبوو، پلانەکەی عێراق بۆ کۆنترۆڵکردنی بیرە نەوتییەکان و چەند شوێنێکی سەربازی دەوروبەری شارەکە بوو، پێشتریش عەبادی کاتێک سەردانی دەوروبەری کەرکوکی کردبوو لەسەردەمی شەڕی داعش، داوایکردبوو، ڕێگە بە گەڕانەوەی سوپا بدرێت بۆ دەوروبەری کەرکوک، بەڵام هەرێم ڕەتیکردبوویەوە.

چەند ڕۆژێک پێش ١٦ ی ئۆکتۆبەر، خۆم لە ڕۆژاوای کەرکوک دکتۆر کەمال کەرکوکیم بینی، تازە لە هەولێر گەڕابوویەوە، بە ڕووخساریەوە دیاربوو، هەستی بە مەترسی دۆخەکە کردبوو، پێیوتین؛ عێراق ٩٠ هەزار چەکداری هێناوە و بەم نزیکانە هێرش دەست پێدەکات.

ئەوکات نێوان یەکێتی و پارتی لەسەر ئیدارەدانی کەرکوک خراپبوو، یەکێتی پێیوابوو دکتۆر نەجمەدین لە پارتی نزیک بووەتەوە و حساب بۆ ئەمان ناکات، ناوخۆی یەکێتیش خراپبوو، بەشێکیان لەگەڵ پارتی دا، بڕیاری شەڕیان دابوو، بەشەکەی تریش لەگەڵ شەڕدا نەبوون و لە گفتووگۆدا بوون لەگەڵ عێراق.
عێراق پەیامەکەی چەند مانگ پێشوتری گەیاندبووە بەرپرسانی یەکێتی، بەشەڕ بێت یان ئاشتی نەوتی کەرکوک کۆنترۆڵ دەکەین، لەسەر ئەمە ڕێککەوتن لەگەڵ بەشێک لە بەرپرسانی یەکێتی دروستبوو، ئەمان شەڕ نەکەن لە گەڵ عێراق ، عێراقیش دوای کۆنترۆڵکردنی بیرە نەوتی و ئەو جیگانەی مەبەستیەتی، پێشڕەوی زیاتر نەکات.

بەرەبەیانی ڕۆژی ١٦ ی ئۆکتۆبەر ئەم ڕێککەوتنە تێکچوو، پێشمەرگە بەشێکی لە ژێر ئەوامری سەرکردە کۆنەکانی یەکێتی دا بوو، لەگەڵ پارتی بڕیاری شەڕیاندابوو، بەشەکەی تریشی لە ژێر ئەوامری ئەمانیتردا بوو، کە ڕێککەوتنیان لەگەڵ عێراق هەبوو، بۆیە نەمانی بڕیاری موەحەد، پێشمەرگەی دووچاری گرفت کرد، لە لایەک شەڕ بوو، لە لایەک کشانەوە، دواجار پێشمەرگە توشی شپرزەیی بوو.

شپرزەیی و نەمانی بڕیاری موەحەد، وایکرد تەنانەت ناو کەرکوکیش کشانەوەی هێز ڕوو بدات، نەک لەدەوروبەر، ئەوکات میدیا و هات و هاوار و باوکەڕۆی میدیایی کاریگەری خراپی هەبوو لەسەر هێزەکان لە پاڵ فرەیی ناوەندی بڕیاردا، وایکرد هێز ناو کەرکوکیش بکشێتەوە، دۆخەکە بۆ هەندێ لە بەرپرسان هێندە چاوەڕوان نەکراو بوو، بە پەلە پەل، باخ و ڤیلای گرانبەها و حەقلی پڕ لە ئەسپیان جیهێشتبوو، بەرەو هەولێر ڕۆیشتبوون.

عێراق پێشتر دەترسا، هێز داخلی کەرکوک بکات و ترسی لە ڕووبەڕوو بوونەوە هەبوو، بەڵام کاتێک بینی هێزی کوردی لە کەرکوک کشایەوە، دەرفەتەکەی قۆستەوەو هێزی داخلی کەرکوک کرد.
هەندێک لە بەرپرسانی یەکێتی خێرا خۆیان گەیاندە کەرکوک و بەبەرپرسانی عێراقیان وت، چۆن هێزتان هێناوەتە ناو شار و کەرکوکتان کۆنترۆڵکردووە، وەڵامی ئەوانیش ئەوەبوو، ڕێککەتنەکەتان پێشێلکردووەو ڕوو بە ڕوو بوونەوە ڕوویداوە، ئێمەش کەرکوکمان گرتووە.
ئەم شپرزەییەی نێو کورد و پچڕانی پەیوەندی نێوان هێزە کوردییەکان وایکرد، عێراق بە کەرکوکیشەوە نەوەستێت، بەڵکو هێز بەرەو ناوچە کێشە لەسەرەکانی تریش بجوڵێنێت و بیانگرێتەوە.
واتە گەر لە ڕۆژی ١٦ ی ئۆکتۆبەر، ئەو فرە بڕیاری و نا نیزامییەی هێزە چەکدارەکان نەبا، کە لەمەدا هێز تاوانی نەبوو، بەڵکو تاوانەکە لە ئەستۆی سیاسییەکان بوو، ئەوا عێراق بە گرتنی بیرە نەوتییەکانەوە دەوەستا.

ریفراندۆم و ١٦ ی ئۆکتۆبەر!

ئەوانەی خاوەنی ئەو جۆرە خیتابەن، کە دەیانەوێ پەیوەندی نێوان ١٦ ی ئۆکتۆبەر و ریفراندۆ بپچڕێنن، ئەوە تێگەشتنیان بۆ ڕووداوەکە نییە، یاخود هەوڵی شێواندنی دەدەن، ئەسڵەن هێرشەکان بە کەمتر لە مانگێک دوای ریفراندۆم ئەنجامدران.
هەفتەیەک پێش ریفراندۆم، سەرکردەیەکی شیعەم بینی بۆ کاری رۆژنامەوانی، ئەو ڕای وابوو ڕیفراندۆم ئەنجام نادرێ و کورد لەساتەکانی کۆتاییدا لێی دەکشێتەوە، وتی” گەر کورد ریفراندۆم بکات، دواتر دەبینن، چی بەدوایدا دێ.” بێ ئەوەی هیچ روونکردنەوەیەکی تر بدات.

ریفراندۆم، هەڵوێستی تورکیا و ئێران ی بۆ پاڵپشتیکردنی عێراق و ئەنجامدانی لەشکرکێشییەکان یەکخست، ڕیفراندۆم کۆمەڵگەی نێودەوڵەتی لە کورد توڕە کرد، کاتێک کورد گوێی لێنەگرتن و ریفراندۆمەکەی ئەنجامدا، ئەمەش بووە هۆی بێدەنگی کردنیان لەبەربەر هێرشەکان.
سەرکردەکانی کورد خويندنەوەی هەڵەیان بۆ لێکەوتەکانی ریفراندۆم هەبوو، پێیانوابوو، هات و هەڵایەک دروست دەبێ و دواتر دۆخەکە هێور دەبێتەوە، پارێزگاری ئەوکاتی کەرکوک بە خۆمی وت، کاتێک پرسیارم لەبارەی مەترسی گەلەکۆمەی سەر کورد بەهۆی ریفراندۆمەوە لێکرد، وتی” چەندین وڵات هەبووە، کۆمەڵگەی نێو دەوڵەتی ناڕازی بووە، ڕیفراندۆمی کردووە و دواتریش ریفراندۆمەکەی بووەتە ئەمری واقیع.”

یاخود نموونەیەکی تر، کاک مەسعود چەند ڕۆژێک دوای ریفراندۆم، هەستی بە مەترسی دۆخەکە کرد، کاتێک درەنگانێکی ئێوارە لە گرتەیەکی ڤیدۆییدا، پەیامەکەی ئاراستەی عەبادی کرد و پەیامی برایەتی ڕاگەیاند.

پێش ریفراندۆم، جگە لە هۆشداری ئەمەریکاو کۆمەڵگەی نێو دەوڵەتی، چەندین پەیامی هەڕەشە ئامێز لە ئێران و تورکیاو گەشتنە بەرپرسانی هەرێم، بەڵام پەیامەکانیان وەکخۆی وەرنەگرت، چەندین توێژەری گەورە وتاریان بڵاو کردەوە، کە دوای ریفراندۆم، هەرێم دەبێتە “ هەرێمۆچکە”

هەندێک لە پەیامەکانی ئێران و تورکیا ڕوو بەڕوو بوون، هۆشداری درابووە کۆسرەت رەسوڵ، بە بەرپرسێکی تری یەکێتی کاتێک باسی لە دەوڵەت کردبوو، پێیوترابوو” ناگاتە مانگێکی تر، خانووەکەی خانەقینت دەکەینە مقەری خۆمان.”
یاخود کاتێک باڵیۆزی تورکیا پەیامی هەڕەشە ئامێزی تورکیای گەیاندبووە بەرپرسانی پارتی، پێیوترابوو” ئێمە لە پشتەوە ڕێککەوتووین.”
باڵیۆز وتبووی” من نوێنەری تورکیام، بۆ شێتم ئەکەن، لەگەڵ کێ ڕێککەوتوون؟!”

کورت و پوخت، هۆکاری ١٦ ی ئۆکتۆبەر و گەلەکۆمەی سەر هەرێم ریفراندۆم بوو، هۆکاری گرتنی کەرکوکیش، رێککەوتنی بەشێک لە یەکێتی و نەمانی ناوەندی بڕیار بوو لە نێو هێزە چەکدارەکان.

دڵشاد ئەنورە

12/10/2022

ئەی جامیعی دونیا و قیامەت بە خەیاڵات
ئەو ڕۆژە کە ڕۆیی نە ئەوت بوو نە ئەمت بوو

دوێنێ چ بوو دەتدا بە زوبان لافی کەرامات
ئەمڕۆ نەدەمت بوو، نە دەمت بوو، نە دەمت بوو

🔸 لە بەیتی یەکەمدا «ئەم» و «ئەو» ئەگەڕێنەوە بۆ دنیا و قیامەت.
🔸 لە بەیتی دووەمدا سێ جار نەدەمت هاتووە کە یەکێکیان بەواتای پەشیمانییە. مەبەست لە یەکێکی تریان زارە و مەبەست لە ئەوی تریان مەجال و دەرفەتە.
واتە: ئەمڕۆ کە ڕۆژی مەرگ و پەشیمانی و نەدامەتە، نە دەمت هەیە پێی بدوێیت و نە کات و دەرفەتێکیشت بۆ ماوەتەوە کە هەڵەکانتی پێ ڕاست بکەیتەوە.

"نالی"

02/08/2022

ئەو موستەشارە (ئەنفالچییانە)ی کەلە ٢٠٠٨ ەوە لەلایەن دادگای باڵای تاوانەکانی بەغداوە بڕیاری دەستگیرکردنیان بۆ دەرچووە ڕێگەنادەن دەستگیربکرێن ناوەکانیان بەم شێوەیەیە:
١. ئاوات ئەحمەد حەسەن رەش
٢. ئیبراھیم ئەحمەد ئیبراھیم مەنتک
٣. ئیبراھیم بالول ئاغا
٤. ئیبراھیم عەلی ملو ئەزوری
٥. ئیبراھیم نەسرەدین عەزیز بەرزنجی
٦. ئەبوبەکر فەقێ ساڵحی
٧. ئەحمەد بیجۆ
٨. ئەحمەد جەبار جەباری
٩. ئەحمەد جەمیل ئەمین
١٠. ئەحمەد سۆفی ئیسماعیل ساڵح
١١. ئەحمەد کوێخا رەجەب
١٢. ئەرشەد ئەحمەد زێباری
١٣. ئەسعەد جانکیز ھەرکی
١٤. ئەسعەد سەلیم حاجی ئاغا
١٥. ئیسماعیل عەزیز ئاغا زەنگەنە
١٦. ئیسماعیل مەحمود ڕەسوڵ ئاغا پشدەری
١٧. ئەنوەر حەسۆ
١٨. ئەنوەر رەشید خزر میران
١٩. ئەنوەر محەمەد رەزا مەحمود ‌جاف
٢٠. ئەنوەر میرزا ئیبراھیم گلی
٢١. بابەکر وسو محەمەد
٢٢. باییز عەزیز رەشید باوەجانی
٢٣. برھان شوانی
٢٤. بەکر عەلی حاجی مشیر
٢٥. بەکر کەریم غەفور
٢٦. بەھرام محەمەد عەبدولڕەحمن محەمەد
٢٧. تەحسین شاوەیس سەعید
٢٨. تۆفیق حەمەفرج حەمە رۆستەم نەوڕۆڵی
٢٩. تۆفیق سلێمان یاسین بەرواری
٣٠. جاسم محەمەد زێباری
٣١. جاسم محەمەد فارس محەمەد
٣٢. جەبارە درێژ
٣٣. جەبار شێخ ھادی
٣٤. جەبار موسی قەرەھەنجیری (جیھاد)
٣٥. جەعفەر ئەنوەر سلێمان
٣٦. جەعفەر عەبدولکەریم بەرزنجی
٣٧. جەلال ئەسعەد رەزا چەرمەگایی
٣٨. جەلال شێخ نەجمەدین کەریم
٣٩. جەلال محەمەد عەبدولڕەحمان ھلالی
٤٠. جەلال مەحمود ساڵح دۆستی
٤١. جەمال حسێن دوزیی
٤٢. جەمال خزر خالید
٤٣. جەمال فەقی حسێن
٤٤. جەمال نەسرەدین عەزیز
٤٥. جەمیل کەریم مەجید ئاغا کوری
٤٦. جەوھەر محی جانکیز ھەرکی
٤٧. حاجی عەلی نبیاوە
٤٨. حەجاج عەبدولغەفور خالد دوبەردانی
٤٩. حەسەن مەحمود بەگ ئەمین ھەواری
٥٠. حەسیب محەمەد نەجم جەباری
٥١. حسێن جیھانگیر جادر مزوری
٥٢. حسێن حەمە سور ئاغا
٥٣. حسێن حەمە فەتاح قادر
٥٤. حسێن خزر حەمەد
٥٥. حسێن محەمەد عوسمان
٥٦. حیلمی سەعید قادر محەمەد جاف
٥٧. حەمە بوخچی
٥٨. حەمە رەشید عەبدولڕەحمان عەبدولڕەحیم
٥٩. حەمە کەریم حەمە فەرج
٦٠. حەمەخان دارە رەشید
٦١. حەمەی حاجی حسێن
٦٢. حەمەدئەمین حەمە شاسوار
٦٣. حەمزە عەباس مامەند ئاکو
٦٤. حەمود عومەر ساڵح تاجەدین میرنی
٦٥. خالید شێخۆ مراد
٦٦. خالید قاسم محەمەدئەمین
٦٧. خالید مەحمود ئەحمەد عەلی غوارە
٦٨. خزر عەبدوڵا حسێن
٦٩. خچیر رەشید بەحری
٧٠. خچیر فەتاح حسێن گامیش
٧١. خەلیل عەبدڵا ئیبراھیم
٧٢. خور‌شید ئەسعەد ڕەسوڵ
٧٣. خەیروڵا دوزی
٧٤. دڵسۆز خزر مینە بلباس
٧٥. رەحیم کەریم قادر
٧٦. رەسوڵ مامەند قیردولی
٧٧. رەشید حەمەئەمین عەزیز
٧٨. رەشید ساڵح رەشید ئەتروشی
٧٩. ڕەزا تەھا محێدین
٨٠. رەفعەت محەمەد عەلی
٨١. زاھیر تاھیر تۆفیق
٨٢. زەید سورچی
٨٣. زیرەک تاھیر سەعید
٨٤. سالار نەسروڵا قادر
٨٥. سعاد فەیزوڵا محەمەد
٨٦. سەعید ئەحمەد شیشە
٨٧. سەعید عەدنان جەباری
٨٨. سەعید غیدان (حەمە سەعید)
٨٩. سەعید قادر محەمەد جاف
٩٠. سەعید محێدین ئەحمەد زەنگەنە
٩١. سەلیم مەند ڕەسوڵ
٩٢. سمکۆ عەبدی حەسەن زدکی
٩٣. سوارە فەتاح فەرج جاف
٩٤. سەید رەزا سەید تەھا(سەید مانکا)
٩٥. سەید قدرەت
٩٦. سەید مەجنون
٩٧. شامل دەروێش
٩٨. شەریف حەمە شەریف(شەفەی خاتون)
٩٩. شەریف حەمەد کرداوی
١٠٠. شەریف مەحمود مەعروف
١٠١. شوکر جندی عەنتەر مزوری
١٠٢. شمال رەفعەت کلی
١٠٣. شەھاب ئەحمەد وایەرمەن
١٠٤. شێخ ئەحمەد بەرزنجی
١٠٥. شێخ بورھان
١٠٦. شێخ جەلال ساڵەیی
١٠٧. شێخ روناک
١٠٨. شێخ سعاد تالنی
١٠٩. شێخ سەلاح نەقشبەندی
١١٠. شێخ کەریم شێخ شەھاب
١١١. شێخ مەجید باییز حەسەن
١١٢. شێخ مەحمود سەید گوڵ
١١٣. شێرزاد عەلی بەلەکە
١١٤. سابیر ئەحمەد رەقیب
١١٥. سادق زەید وایەرمەن
١١٦. ساڵح ئەحمەد ئیسماعیل الرفعی
١١٧. ساڵح ئەحمەد حسێن
١١٨. سەباح ئیسماعیل خزر
١١٩. سەباح سورچی
١٢٠. سەباح نازم رەقیب سورچی
١٢١. سدیق عەلی محەمەد ئەمین ھارونی
١٢٢. سەلاحەدین خزر ڕەسوڵ
١٢٣. سەلاح شینە
١٢٤. چیا سورچی
١٢٥. تاریق سەعید ئیبراھیم مزوری
١٢٦. تاریق شفیع کافروش
١٢٧. تاریق عەزیز رەزا ئاغا
١٢٨. تاریق کاکەیی
١٢٩. تاھیر عوسمان رۆستم
١٣٠. تاھیر عەلی عبدولڕەحمان
١٣١. گرکیس حمید حیدر
١٣٢. تەیب محەمەد عوسمان (شێخ تەیب)
١٣٣. زاھیر ئاغا کۆیە
١٣٤. عادل تۆفیق رەشید
١٣٥. عاسف ئەحمەد زێباری
١٣٦. عاسی حەمە دیزە
١٣٧. عەباس باییز بالو ئاغا
١٣٨. عەباس حاجی ئەخاسر سیان
١٣٩. عەباس حاجی ئاغا ڕەسوڵ
١٤٠. عەبدولرەحمان عاسی عیزەدین
١٤١. عەبدولقادر مستەفا محەمەد
١٤٢. عەبدولکەریم حسێن خالید
١٤٣. عەبدولکەریم سەعدی سلێمان سەعدی
١٤٤. عەبدولکەریم محەمەد سلیم شوش زێباری
١٤٥. عەبدوڵا حەسەن ساڵح
١٤٦. عەبدوڵا حەسەن ساڵح بابان
١٤٧. عەبدوڵا فەیسەڵ عەبدوڵا ماوانی
١٤٨. عەبدوڵا کاک ئەمیر(عەبە کەرکوکی)
١٤٩. عەبدولمەجید حسێن ئیسماعیل شێخکی
١٥٠. عوسمان عەبدولرەحمان فەتحوڵا
١٥١. عەدنان دیسکو
١٥٢. عەدنان عەبدوڵا ئەحمەد جەبارە
١٥٣. عدنان عەبدوڵا نەجم جاف
١٥٤. عەرەب ساڵح عومەر قادر
١٥٥. عیسمەت دینو بیری
١٥٦. عەقید حەمید عوسمان
١٥٧. عەلاء محەمەد ئەمین عیسی
١٥٨. عەلی ئەحمەد حاجی شعبان
١٥٩. عەلی ئەحمەد محەمەد ھارونی
١٦٠. عەلی ئەورەحمان ئەسعەد
١٦١. عەلی سەلمە چوارتایی
١٦٢. عەلی سلێمان حسێن
١٦٣. عەلی عبوش عەبدی غزالە
١٦٤. عەلی لوت ماسی
١٦٥. عومەر ئەحمەد عەلی
١٦٦. عومەر ئاغا
١٦٧. عومەر بابەکر سەلیم
١٦٨. عومەر بەشار ساڵح
١٦٩. عومەر حاجی بادینان
١٧٠. عومەر حاجی ساڵح
١٧١. عومەر حەسەن ڕەسول کردی
١٧٢. عومەر حەسەن(عومەر عەرب)
١٧٣. عومەر حەمە رۆستەم
١٧٤. عومەر حەمە عەلی چەرمەگا
١٧٥. عومەر خزر حەمەد سورچی
١٧٦. عومەر سۆفی
١٧٧. عومەر محەمەد حەیدر
١٧٨. عومەر مەحمود محەمەد مامویی
١٧٩. عومەر مورادخان جەلیلە
١٨٠. عەمید فەتاح بەگ جاف
١٨١. عەونی حاجی مستەفا جبرائیل
١٨٢. غیاپ تۆفیق سلێمان یاسین
١٨٣. فواد کەریم بایز ھەمەوەند
١٨٤. فاتح تاھیر مستەف عبدولقادر
١٨٥. فارس محەمەد قادر عەزیز سورچی
١٨٦. فاروق رەشید عەلی محەمەد نەورۆلی
١٨٧. فازل مستەفا حەسەن برواری
١٨٨. فەتاح کەریم فەتاح
١٨٩. فەخری ئیسماعیل عەبدولقادر
١٩٠. فەرھاد مامەند حەمەد
١٩١. فەرھاد مامەند حەمەد مەولود
١٩٢. قادر شەفیق نعمان
١٩٣. قادر محەمەد رەشید عەبدولقادر
١٩٤. قادر مەحمود خلیفە عەبدولسەمەد
١٩٥. قاسم رەشید دزەیی
١٩٦. قاسم فاوس تاھیر مستەفا ئاغا
١٩٧. قاسم کەریم ئەحمەد مەحمود
١٩٨. قالەی عەزە ناڵبەند
١٩٩. کامەران ئەحمەد(کامەران سور)
٢٠٠. کامل شێخ ھادی
٢٠١. کەریم خان مەحمود خەلیفە
٢٠٢. کەریم عەبدوڵا محەمەد
٢٠٣. کەمال حەمە مام سۆرانی
٢٠٤. کەمال محەمەد حەیدر(کمال شەمە)
٢٠٥. کیسرا محەمەد سەعید محەمەد فەتاح
٢٠٦. لەتیف ئەحمەد محەمەد الزیباری
٢٠٧. مام یحی(کۆیە)
٢٠٨. مامەند حەمەد مەولود
٢٠٩. مامەند قشقە
٢١٠. مەجید سلێمان ئەحمەد جاف
٢١١. مەجید غیدان
٢١٢. موحسین کرچی رحی
٢١٣. موحسین محەمەد یاسین
٢١٤. محەمەد جەوھەر ئیسماعیل ساڵح
٢١٥. محەمەد جەوھەر گۆران
٢١٦. محەمەد حەسەن عەلی میرزا
٢١٧. محەمەد حەمەئەمین حسێن زراری
٢١٨. محەمەد حەمزە ژاژڵەیی
٢١٩. محەمەد سەعید مەحمود شەمێرانی
٢٢٠. محەمەد سەلیم قادر عوسمان
٢٢١. محەمەد شێخ عەبدولکەریم بەرزنجی
٢٢٢. محەمەد شێخ مەعروف پیرداود
٢٢٣. محەمەد سادق محەمەد شوانی
٢٢٤. محەمەد تاھیر رەشید حەمەئەمین
٢٢٥. محەمەد تاھیر یونس محەمەد(رینکاوی)
٢٢٦. محەمەد عەلی ڕەسوڵ
٢٢٧. محەمەد عومەر ئەمین جەمیل(باساکی)
٢٢٨. محەمەد عیسا پیروەیس عیسا جاف
٢٢٩. محەمەد قادر ئاغا سورچی
٢٣٠. محەمەد کانبی بانو ئاغا
٢٣١. محەمەد کاوانی
٢٣٢. محەمەد کەریم شوش زێباری
٢٣٣. محەمەد کلحی ریکان
٢٣٤. محەمەد نجیب سادق بەھادین
٢٣٥. مەحمود ئەحمەد شەریف غەوارە
٢٣٦. مەحمود حسێن مەحمود عەلی
٢٣٧. مەحمود حەمە ڕەسوڵ ئاغا
٢٣٨. مەحمود حەمەئەمین حەمە ساڵح
٢٣٩. محێدین حەمە ڕەحیم
٢٤٠. محێدین عەزیز محەمەد باباعەلی
٢٤١. مەدحەت تۆفیق داودی
٢٤٢. مشیر ئیبراھیم ئەحمەد
٢٤٣. مشیر ھادی حەمەد ئاغا
٢٤٤. مستەفا سلێمان و‌زە
٢٤٥. مەلا حەسەن روغزایی
٢٤٦. مەلا عوزێر
٢٤٧. میرزا ئیسماعیل شەرەف رەزا
٢٤٨. میرزا حەسەن
٢٤٩. نامیق رەقیب سورچی
٢٥٠. نامیق عبدولکەریم
٢٥١. نەجمەدین ساڵح محەمەد بەرزنجی
٢٥٢. نوری حەسەن موراد بەرزنجی
٢٥٣. نەوزاد ئەنور بێتواتە
٢٥٤. ھەڵگورد عەبدولکەریم کەسنەزانی
٢٥٥. ھۆشیار سەلیم ئەحمەد پاشا
٢٥٦. وەھاب رەحمان حەمەدئەمین
٢٥٧. یەحیا جاف
٢٥٨. یونس رەمەزان غەوارە.

28/07/2022

وەک خۆی بێ دەستکاری !!!

28/07/2022

ڕۆژ بەڕۆژ ئاوی ژێر زەوی لە بازیاندا کەم دەبێتەوە و پلانی چارەسەری بنەڕەتیش بوونی نیە تا ئێستا.

هۆکارەکان زۆرن بەشێکی هۆکارەکان لە ئەنجامی زۆربوونی دانیشتوان و فراوانبوونی ناوچەکانی نیشتەجێبوون و کاریگەری وشکەساڵی و بەرزو نزمی ئاستی باران بارین و کشتوکاڵ و پیشەسازی بە تایبەتی خانووی پلاستیکی و چەندین کارگەی پیشەسازی گەورە لە ناوچەکە .
ئەم هۆکارانە نەک بوونەتە هۆی کەمبوونەوەی ئاوی ژێر زەوی ناوچەکە بەڵکو بونەتە هۆی پیس بوونی ئاوی ژێر زەوی و سەرزەویش .
ئاسانترین بەراوردکاری :- بەپێی سەرژمێری ساڵی ٢٠٠٩ ژمارەی دانیشتوانی بازیان (٢١٤٠٢) (بیست و یەک هەزار و چوارسەد و دوو کەس) بووە ئەی ئێستا ؟
بەپێی ئامارە نا فەرمیەکان و بەواقعی دانیشتوانی قەزاکە نزیکە لە (٥٥٠٠٠)(پەنجاوپێنچ هەزار) کەس زیاترە و بەردەوامیش لە زیادبووندایە .
بۆیە گەر داموو دەزگا فەرمیەکان و خەڵکی دڵسۆز بەدوای چارەسەری بنەڕەتی نەگەڕێن ئەوا لە ساڵانی داهاتوودا توشی قەیرانی قوڵ و سەختی کەم ئاوی دەبین

27/07/2022

کوردێکی فەیلی دەبێتە جێگری یەکەمی سەرۆکی پەرلەمان

دوای گفتوگۆیەکی چر لە نێو چوارچێوەی شیعی و پەرلەمانتارە سەربەخۆکان بڕیار جێگری یەکەمی سەرۆکی پەرلەمان دوای دەستلەکارکێشانەوەی حاکم زاملی لە رەوتی سەدر بدرێتە کوردێکی فەیلی.
کێبرکي لە نێوان باسم خەشان و موحسین عەلی ئەکبەر مەندەلاوی بوو بۆ وەرگرتنی پۆستی جێگری یەکەمی سەرۆکی پەرلەمان وەکو سەرچاوەک لە بەغدا پێی گوتم بە شێوەیەکی مەبدەئی باسم خەشان تەنازولی لە پۆستەکە کردووە بۆ موحسین مەندەلاوی کە ناوبراو یەکێکە لە سەرمایەدارەکانی بەغدا لە بازنەی شەقامی فەڵەستین خۆی کاندید کرد بوو.
بەمەش دوو کورد لە سوننەو شیعە دەبنە جێگری سەرۆکی پەرلەمان شاخەوان عەبدوڵڵا و موحسین مەندەلاوی!

27/07/2022

وەزارەتی بەرگریی تورکیا کوژرانی سەربازێکی خۆی لە هەرێمی کوردستان راگەیاند.

بەپێی راگەیێندراوی وەزارەتی بەرگریی تورکیا، سەربازێکی گرێبەستی سوپای تورکیا بەناوی جونەیت تاشیورەک، بە تەقینەوەی مینێکی چێندراو گیانی لەدەستدا. وەزارەتی بەرگریی تورکیا ئاماژەی بەوە کرد کە "ئەو مینە لەلایەن گەریلاکانی پارتی کریکارانی کوردستان - پەکەکە - چێندراوە." تاوەکو ئێستا میدیای نزیک لە پەکەکە هیچ روونکردنەوەیەکی لەمبارەیەوە نەداوە.

ئەو سەربازە خەڵکی پارێزگای ئافیۆن کاراهیساری تورکیایە.

ئەمە لەکاتێکدایە هەر ئەمڕۆ بەیانی، تورکیا کوژرانی دوو سەربازی دیکەی سوپاکەی بە ناوەکانی مەرت ئۆتال و مەولوود یۆغورتچو لە باکووری سووریا، لەو ناوچەیەی تورکیا بە قەڵخانی فورات ناوی دەبات، راگەیاند.

رۆژی 15-7-2022 ناوەندیی چاپەمەنیی و راگەیاندنی هێزەکانی پاراستنی گەل - هەپەگە - ئاماری سێ مانگی شەڕ و پێکدادانی پەکەکەی لەگەڵ سوپای تورکیا لە چوارچێوەی ئۆپەراسیۆنی ناسراو بە چنگ – قوفڵ لە خاکی هەرێمی کوردستان بڵاوکردەوە و رایگەیاند، لە ماوەی ئەم سێ مانگەدا هەزار و 528 سەربازیان کوشتووە و 72 گەریلاش گیانیان لەدەستداوە.

درەنگی شەوی 17ی نیسانی 2022، ئۆپەراسیۆنی ناسراو بە چنگ - قوفڵ لەلایەن سوپای تورکیا لە ناوچەکانی ئاڤاشین، مەتین و زاپ لە خاکی هەرێمی کوردستان بۆسەر پێگەکانی پەکەکە دەستیپێکرد.