KL 51 Ottapalam News

Home
India
Ottapalam
KL 51 Ottapalam News

ന്യൂഡ്, വീഡിയോ, എന്നിങ്ങനെ എല്ലാ വാർത്തകൾ ഈ പേജിൽ ഉണ്ടാകും എല്ലാവരും സപ്പോർട് ചെയ്യുക KL 51 OTP NEWS

12/12/2023

ജോലി സമയത്ത് ഹോസ്പിറ്റലിൽ നിന്ന് തനിക്ക് വീണുകിട്ടിയ നാലര പവൻ വരുന്ന സ്വർണ്ണ മാല ഉടമയെ കണ്ടുപിടിച്ച് തിരിച്ചു നൽകിയ നമ്മുടെ നാടിന്റെ അഭിമാനമായിമാറിയ നിലമ്പൂർ മുക്കട്ടയിൽ താമസിക്കുന്ന ജസീല മോയിക്കലിൽ ( ബാപ്പുട്ടിയുടെ ഭാര്യ) അഭിവാദ്യങ്ങൾ 👍👍🥰🥰

13/10/2023

🔘🔘🔘🔘🔘🔘🔘🔘🔘🔘

വാർത്തകൾ വിരൽത്തുമ്പിൽ
🪀🪀🪀🪀🪀🪀🪀🪀🪀

*https://chat.whatsapp.com/BlckTpuz5CGAZlvVDohFoz*

*WhatsApp Channel*
*KL 51 OTTAPALAM NEWS*
👇👇👇👇👇👇👇👇👇
*https://whatsapp.com/channel/0029Va4sLr2DZ4LfnR8l8b0o*
🪀🪀🪀🪀🪀🪀🪀🪀🪀
*പ്രഭാത വാർത്തകൾ*
2023 | ഒക്ടോബർ 13 | വെള്ളി | 1199 | കന്നി 27 | ഉത്രം
➖➖➖➖➖➖➖➖

◾ഓപ്പറേഷന്‍ അജയുടെ ഭാഗമായുള്ള ആദ്യ ചാര്‍ട്ടേഡ് വിമാനം ഇസ്രായേലില്‍ നിന്ന് ഇന്ന് രാവിലെ 5.30 ന് ദില്ലിയിലെത്തും. 11 മലയാളികളടക്കം 212 പേരാണ് വിമാനത്തിലുണ്ടാകുക. വിദ്യാര്‍ത്ഥികളടക്കം 18,000 ഇന്ത്യക്കാരാണ് ഇസ്രയേലിലുള്ളതെന്നും ഇവരില്‍ നാട്ടിലേക്ക് മടങ്ങാന്‍ താത്പര്യമറിയിച്ചവരെയാണ് ദൗത്യത്തിന്റെ ഭാഗമായി തിരിച്ചുകൊണ്ടുവരുന്നതെന്നും വിദേശകാര്യവക്താവ് അരിന്ദം ബാഗ്ചി പറഞ്ഞു. ഇസ്രയേലില്‍നിന്ന് കേരളത്തിലേക്ക് തിരിച്ചെത്താന്‍ ആഗ്രഹിക്കുന്ന മലയാളികള്‍ക്ക് കേരളഹൗസിന്റെ ഔദ്യോഗിക വെബ്‌സൈറ്റില്‍ പേര് രജിസ്റ്റര്‍ ചെയ്യാന്‍ സൗകര്യം ഒരുക്കിയിട്ടുണ്ട് : https://keralahouse.kerala.gov.i/repatriation-of-keralites-from-israel

◾പലസ്തീന്‍ അവകാശങ്ങള്‍ക്ക് നേരെയുള്ള ഇസ്രയേലിന്റെ കടന്ന് കയറ്റത്തിനെതിരെയായിരുന്നു ഇന്ത്യയുടെ നിലപാടെന്നും അതില്‍ നിന്ന് വ്യത്യാസം വന്നത് നിര്‍ഭാഗ്യകരമെന്നും മുഖ്യമന്ത്രി പിണറായി വിജയന്‍. പലസ്തീന്‍ വിഷയത്തില്‍ പാര്‍ട്ടിക്ക് ആശയക്കുഴപ്പം ഇല്ലായെന്നും മുഖ്യമന്ത്രി വ്യക്തമാക്കി. അതേസമയം കെകെ ശൈലജയുടെ 'ഹമാസ് ഭീകരര്‍' പരാമര്‍ശത്തില്‍ ശൈലജ ടീച്ചറിനോട് ചോദിച്ചിട്ട് മറുപടി പറയാമെന്ന് മുഖ്യമന്ത്രി പിണറായി വിജയന്‍ വ്യക്തമാക്കി.

◾പലസ്തീനോടുള്ള ഇന്ത്യന്‍ നിലപാടില്‍ മാറ്റമില്ലെന്ന് വിദേശകാര്യ മന്ത്രാലയ വക്താവ് അരിന്ദം ഭാഗ്ചി. പലസ്തീന്‍ രാഷ്ട്രം സ്ഥാപിക്കുന്നതിനു നേരിട്ടുള്ള ചര്‍ച്ചകള്‍ പുനരാരംഭിക്കണമെന്നാണ് ഇന്ത്യ എപ്പോഴും വാദിക്കുന്നതെന്നും അദ്ദേഹം വ്യക്തമാക്കി. അതേസമയം ഇസ്രയേലിനെതിരെ ഹമാസ് നടത്തിയ ആക്രമണത്തെ ഭീകരാക്രമണമായാണ് ഇന്ത്യ കാണുന്നതെന്നും ഭാഗ്ചി.

വിഴിഞ്ഞം അന്താരാഷ്ട്ര തുറമുഖത്ത് എത്തിയ ആദ്യ കപ്പലിലെ ജീവനക്കാരായ ചൈനീസ് പൗരന്മാര്‍ക്ക് കേന്ദ്ര സര്‍ക്കാര്‍ വിസ അനുവദിച്ചില്ല. ഷെന്‍ ഹുവ 15ലെ ജീവനക്കാരുടെ കാര്യത്തിലാണ് കേന്ദ്ര സര്‍ക്കാരില്‍ നിന്നുള്ള നടപടി വൈകുന്നത്. ഇതോടെ ചൈനീസ് പൗരന്മാരായ ഇവര്‍ക്ക് കപ്പലില്‍ നിന്ന് പുറത്തിറങ്ങാനാവില്ല.

◾മേഖലാ അവലോകന യോഗങ്ങള്‍ പുതിയ ഭരണ നിര്‍വഹണ ശൈലിയായി മാറിയെന്നും മേഖലാ യോഗങ്ങള്‍ ജനപങ്കാളിത്ത വികസനത്തിന്റെയും ഭരണ അവലോകനത്തിന്റെയും മാതൃകയായി മാറിയെന്നും മുഖ്യമന്ത്രി പിണറായി വിജയന്‍. സര്‍ക്കാര്‍ സര്‍വേയില്‍ 64000 ത്തില്‍ പരം കുടുംബങ്ങള്‍ അതിദാരിദ്ര്യ രേഖക്ക് താഴെയുണ്ടെന്നും അതിദാരിദ്ര്യം അനുഭവിക്കുന്നവര്‍ ഇല്ലാത്ത നാടായി സംസ്ഥാനത്തെ മാറ്റാനാണ് ശ്രമിക്കുന്നതെന്നും മുഖ്യമന്ത്രി പറഞ്ഞു.

◾എല്‍ജെഡി സംസ്ഥാന ഘടകം ആര്‍.ജെ.ഡിയില്‍ ലയിച്ചു. കോഴിക്കോട് നടന്ന ലയന സമ്മേളനത്തില്‍ ആര്‍.ജെ.ഡി ദേശീയ നേതാവും ബീഹാര്‍ ഉപമുഖ്യമന്ത്രിയുമായ തേജസ്വി യാദവ് എം.വി. ശ്രേയാംസ്‌കുമാറിന് പാര്‍ട്ടി പതാക കൈമാറി. എം.വി. ശ്രേയാംസ്‌കുമാറിനെ പാര്‍ട്ടി സംസ്ഥാന പ്രസിഡന്റായി ലാലു പ്രസാദ് യാദവ് വീഡിയോ സന്ദേശത്തില്‍ പ്രഖ്യാപിച്ചു.

◾ഹരിതകര്‍മസേനയ്ക്ക് നല്‍കേണ്ട യൂസര്‍ഫീ നല്‍കാത്തവര്‍ക്ക് തദ്ദേശസ്ഥാപനങ്ങളിലെ സേവനങ്ങള്‍ ലഭിക്കില്ലെന്നും യൂസര്‍ഫീ നല്‍കാത്തവരുടെ കുടിശ്ശികത്തുക മാസം 50 ശതമാനം പിഴയോടുകൂടി വീട്ടുനികുതിയിലെ കുടിശ്ശികയായി കണക്കാക്കുമെന്നും മന്ത്രി രാജേഷ്. അതേസമയം അതിദരിദ്രവിഭാഗങ്ങളെ യൂസര്‍ഫീയില്‍നിന്ന് ഒഴിവാക്കും.

◾സംസ്ഥാനത്ത് വീണ്ടും മഴ ശക്തമാവുന്നു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി എന്നീ ഏഴു ജില്ലകകളില്‍ ഇന്ന് യെല്ലോ അലെര്‍ട്ട്.

◾കള്ളവാര്‍ത്തയ്ക്ക് വന്‍ പ്രചാരണം നല്‍കി ശുദ്ധമായി പ്രവര്‍ത്തിക്കുന്ന ഓഫീസിനെ അപകീര്‍ത്തിപ്പെടുത്താന്‍ ശ്രമിക്കുകയാണെന്ന് മുഖ്യമന്ത്രി പിണറായി വിജയന്‍. മാധ്യമങ്ങള്‍ തമ്മിലെ മത്സരത്തിന് സര്‍ക്കാരിനെ കരിവാരിത്തേക്കാനുള്ള ശ്രമത്തിന്റെ ഭാഗമാണ് ആരോഗ്യവകുപ്പ് മന്ത്രിയുടെ ഓഫീസിനെതിരായ നിയമന കോഴ വിവാദമെന്നും മുഖ്യമന്ത്രി പറഞ്ഞു.

◾ഏഷ്യന്‍ ഗെയിംസ് താരങ്ങളെ അവഗണിച്ചെന്ന പരാതിയില്‍ കണക്കുകള്‍ നിരത്തി പ്രതിരോധിക്കാന്‍ മുഖ്യമന്ത്രിയുടെ ശ്രമം. കായികതാരങ്ങള്‍ക്ക് വേണ്ടത്ര പരിഗണന കിട്ടുന്നില്ലെന്ന ആരോപണങ്ങള്‍ നിലനില്‍ക്കുമ്പോഴാണ് മുഖ്യമന്ത്രിയുടെ പ്രതിരോധശ്രമം.

◾പിണറായി സര്‍ക്കാര്‍ ഗവണ്‍മെന്റ് ജീവനക്കാരുടെയും പെന്‍ഷന്‍കാരുടെയും 25,000 കോടി രൂപയുടെ ആനുകൂല്യം പിടിച്ചുവച്ച് അവരെ മുച്ചൂടും വഞ്ചിച്ചെന്ന് കെപിസിസി പ്രസിഡന്റ് കെ സുധാകരന്‍ എംപി. കേരളത്തിന്റെ ചരിത്രത്തില്‍ ഇതാദ്യാമായാണ് ഇത്രയും നിഷ്ഠൂരമായ സമീപനം. 50 ലക്ഷത്തിലധികം വരുന്ന പാവപ്പെട്ടവര്‍ക്ക് ക്ഷേമപെന്‍ഷന്‍ നല്‍കിയിട്ട് മാസം നാല് കഴിഞ്ഞുവന്നും സുധാകരന്‍ പറഞ്ഞു.

കൊച്ചിയിലെ റോഡുകളുടെ ശോചനീയാവസ്ഥയില്‍ ഇനി ഒന്നും പറയാനില്ലെന്ന് ഹൈക്കോടതി. ന്യായാധിപന്മാര്‍ പോലും റോഡിന്റെ ദുരവസ്ഥ ചൂണ്ടിക്കാണിച്ച് സന്ദേശങ്ങള്‍ അയക്കുന്നു. ഉത്തരവാദികള്‍ ആരായാലും കോടതിയലക്ഷ്യത്തിന് കേസെടുക്കുക മാത്രമാണ് ഇനി വഴിയെന്നും ജസ്റ്റിസ് ദേവന്‍ രാമചന്ദ്രന്‍ പറഞ്ഞു.

◾ദേശീയപാതാ വികസനത്തിനായി സ്ഥലം വിട്ടുനല്‍കിയ വ്യക്തിക്ക് നഷ്ടപരിഹാരത്തുക നല്‍കുന്നതിന് 86,000 രൂപ കൈക്കൂലി ആവശ്യപ്പെട്ട സര്‍ക്കാര്‍ ഉദ്യോഗസ്ഥന്‍ പിടിയിലായി. കൊയിലാണ്ടി ദേശീയ പാത വികസന വിഭാഗം തഹസില്‍ദാരുടെ ഓഫീസിലെ ക്ലര്‍ക്ക് പിഡി ടോമിയാണ് പിടിയിലായത്.

◾കണ്ണൂരിലെ ഉളിക്കലില്‍ നെല്ലിക്കാംപൊയില്‍ സ്വദേശി ജോസിന്റെ മരണം ആനയുടെ ചവിട്ടേറ്റന്ന് പ്രാഥമിക പോസ്റ്റുമോര്‍ട്ടം റിപ്പോര്‍ട്ട്. നെഞ്ചിനേറ്റ ചവിട്ടാണ് മരണകാരണമെന്നാണ് പ്രാഥമിക റിപ്പോര്‍ട്ടില്‍ പറയുന്നത്.

◾സര്‍വകലാശാല യൂണിയന്‍ തെരഞ്ഞെടുപ്പുകളില്‍ ചെയര്‍മാന്‍ എന്ന പദം ഉപയോഗിക്കുന്നത് തിരുത്തി ചെയര്‍പേഴ്സണ്‍ എന്ന് പുനര്‍നാമകരണം ചെയ്യണമെന്ന ആവശ്യവുമായി കെഎസ്യു സംസ്ഥാന വൈസ്പ്രസിഡന്റ് ആന്‍ സെബാസ്റ്റ്യന്‍ സര്‍വകലാശാലകള്‍ക്ക് കത്തയച്ചു. എം.ജി സര്‍വ്വകാലാശാല ഇത്തരം മാറ്റങ്ങള്‍ വരുത്തിയിട്ടുണ്ടെന്ന് സൂചിപ്പിച്ച് കേരള, കണ്ണൂര്‍, കാലിക്കറ്റ് സര്‍വകലാശാലകള്‍ക്കാണ് ആന്‍ സെബാസ്റ്റ്യന്‍ കത്തയച്ചത്.

◾മതിയായ ജീവനക്കാരില്ലാത്തതില്‍ പ്രതിഷേധിച്ച് പഞ്ചായത്ത് പ്രസിഡന്റും അംഗങ്ങളും ചേര്‍ന്ന് മംഗല്‍പാടി പഞ്ചായത്തില്‍ ചര്‍ച്ചക്കെത്തിയ പഞ്ചായത്ത് അസിസ്റ്റന്റ് ഡെപ്യൂട്ടി ഡയറക്ടറെ ഓഫീസില്‍ പൂട്ടിയിട്ടു. ജീവനക്കാരെ നിയമിക്കുന്ന കാര്യത്തില്‍ കൃത്യമായ മറുപടി കിട്ടാത്തതോടെയാണ് അസിസ്റ്റന്റ് ഡെപ്യൂട്ടി ഡയറക്ടറെയും ഓഫീസില്‍ പൂട്ടിയിട്ടത്.

◾തിരുവനന്തപുരം മെഡിക്കല്‍ കോളജ് ചൈല്‍ഡ് ഡെവലപ്‌മെന്റ് സെന്ററിലെ (സി.ഡി.സി) ജെനറ്റിക് ആന്റ് മെറ്റബോളിക് ലാബിന് എന്‍.എ.ബി.എല്‍ അംഗീകാരം. സിഡിസിയിലെ 15 സ്‌പെഷ്യാലിറ്റി യൂണിറ്റുകളിലൊന്നാണ് ജെനറ്റിക്ക് ആന്‍ഡ് മെറ്റബോളിക് ലാബ്.

◾പ്രമുഖ പരിസ്ഥിതി പ്രവര്‍ത്തകന്‍ പ്രൊഫ. ടി. ശോഭീന്ദ്രന്‍ ഹൃദയാഘാതത്തെ തുടര്‍ന്ന് കോഴിക്കോട്ടെ സ്വകാര്യ ആശുപത്രിയില്‍ വെച്ച് അന്തരിച്ചു.. 76 വയസായിരുന്നു. കോഴിക്കോട് ഗുരുവായൂരപ്പന്‍ കോളേജില്‍ അധ്യാപകനായിരുന്നു.

◾വിമാനയാത്ര നിരക്ക് വര്‍ധന നിയന്ത്രിക്കണമെന്നാവശ്യപ്പട്ട് സമര്‍പ്പിച്ച ഹര്‍ജിയില്‍ സാധാരണ ജനങ്ങള്‍ക്ക് അനങ്ങാന്‍ പറ്റാത്ത അവസ്ഥയാണെന്ന് നിരീക്ഷിച്ച കോടതി, യാത്രാനിരക്ക് തീരുമാനിക്കുന്നതിന് വ്യവസ്ഥ വേണമെന്നും ചൂണ്ടിക്കാട്ടി. ഹര്‍ജി ഹൈക്കോടതി ഇന്ന് പരിഗണിക്കും.

◾5 സംസ്ഥാനങ്ങളിലേക്കുള്ള സ്ഥാനാര്‍ഥികളെ തീരുമാനിക്കാനായി ബിജെപിയിലും കോണ്‍ഗ്രസിലും ചര്‍ച്ചകള്‍ അന്തിമ ഘട്ടത്തില്‍. മുഖ്യമന്ത്രി സ്ഥാനാര്‍ഥിയെ തെരഞ്ഞെടുപ്പിന് മുമ്പ് പ്രഖ്യാപിക്കില്ലെന്നും, തെരഞ്ഞെടുപ്പിന് ശേഷം എംഎല്‍എമാര്‍ യോഗം ചേര്‍ന്ന് മുഖ്യമന്ത്രിയെ തീരുമാനിക്കുമെന്നും സച്ചിന്‍ പൈലറ്റ്.

◾ജാതി സെന്‍സസ് അനിവാര്യമാണെന്നും പിന്നോക്ക സമുദായത്തിന്റെ അവസ്ഥ അറിഞ്ഞാല്‍ മാത്രമേ അവരെ സാമ്പത്തികമായി സഹായിക്കാന്‍ കഴിയുകയുള്ളൂവെന്നും ബിഹാര്‍ ഉപമുഖ്യമന്ത്രി തേജസ്വി യാദവ്. ജാതി സെന്‍സസ് നടപ്പാക്കാന്‍ വൈകിപ്പോയി എന്നും ഫാസിസ്റ്റ് ശക്തികള്‍ക്കെതിരെ പോരാടാന്‍ രൂപീകരിച്ച ഇന്ത്യ മുന്നണിയില്‍ പ്രതീക്ഷയുണ്ടെന്നും തേജസ്വി യാദവ് കോഴിക്കോട് പറഞ്ഞു.

◾ഓണ്‍ലൈന്‍ മാധ്യമമായ 'ന്യൂസ് ക്ലിക്ക്' വിദേശ വിനിമയ ചട്ടങ്ങള്‍ ലംഘിച്ചെന്ന് സി.ബി.ഐ. ആഭ്യന്തര മന്ത്രാലയം അണ്ടര്‍ സെക്രട്ടറി രാജേഷ് കുമാര്‍ സിങ്ങിന്റെ പരാതിയിലാണ് കേസെടുത്തിരിക്കുന്നതെന്നും എഫ്‌ഐആര്‍.

◾പീഡനശ്രമം ചെറുക്കുന്നതിനിടെ പ്രായപൂര്‍ത്തിയാകാത്ത പെണ്‍കുട്ടി കൊല്ലപ്പെട്ട സംഭവത്തില്‍ സദ്ദാം(23) എന്നയാളെ പൊലീസ് അറസ്റ്റ് ചെയ്തു. ഉത്തര്‍പ്രദേശിലെ ലഖിംപൂര്‍ ഖേരിയിലെ പെണ്‍കുട്ടിയുടെ അയല്‍വാസിയായ സദ്ദാം കരിമ്പ് തോട്ടത്തില്‍ വെച്ച് പീഡിപ്പിക്കാന്‍ ശ്രമിച്ചതായും ഇത് പെണ്‍കുട്ടി ചെറുത്തത്തോടെ കഴുത്തുഞെരിച്ചു കൊലപ്പെടുത്തുകയായിരുന്നുവെന്നും പൊലീസ് പറഞ്ഞു.

◾ഹമാസിനെതിരെ ഇസ്രയേലില്‍ രൂപവത്കരിച്ച സംയുക്ത യുദ്ധകാല സര്‍ക്കാരില്‍ ചേരില്ലെന്ന് പ്രതിപക്ഷ നേതാവ് യാര്‍ ലപിഡ്. തീവ്ര വലതുപക്ഷത്തെ സര്‍ക്കാരില്‍ ചേര്‍ക്കരുതെന്നും ഹമാസ് ആക്രമണം ഇസ്രായേല്‍ സര്‍ക്കാരിന്റെ വീഴ്ചയാണെന്നും യാര്‍ ലാപിഡ് പറഞ്ഞു.

◾സിറിയയിലെ രണ്ടു പ്രധാന വിമാനത്താവളങ്ങള്‍ക്കുനേരെ വ്യോമാക്രണം. വ്യോമാക്രമണത്തിന് പിന്നില്‍ ഇസ്രയേല്‍ ആണെന്നാണ് റിപ്പോര്‍ട്ട്. സിറിയയിലെ ആലപ്പോ, ഡമാസ്‌കസ് രാജ്യാന്തര വിമാനത്താവളങ്ങളിലാണ് ആക്രമണം ഉണ്ടായത്.

◾ഏകദിന ക്രിക്കറ്റ് ലോകകപ്പിലെ ഓസ്ട്രേലിയക്കെതിരായ മത്സരത്തില്‍ ദക്ഷിണാഫ്രിക്കക്ക് 134 റണ്‍സിന്റെ കൂറ്റന്‍ ജയം. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ദക്ഷിണാഫ്രിക്ക ഓപ്പണര്‍ ക്വിന്റണ്‍ ഡിക്കോക്കിന്റെ സെഞ്ചുറി മികവില്‍ 50 ഓവറില്‍ ഏഴു വിക്കറ്റ് നഷ്ടത്തില്‍ 311 റണ്‍സെടുത്തു. മറുപടി ബാറ്റിങ്ങിനിറങ്ങിയ ഓസീസിന്റെ പോരാട്ടം 40.5 ഓവറില്‍ 177 റണ്‍സില്‍ അവസാനിച്ചു.

◾ഫോബ്‌സ് മാഗസിന്റെ ഈ വര്‍ഷത്തെ ഏറ്റവും സമ്പന്നരായ 100 ഇന്ത്യക്കാരുടെ പട്ടികയില്‍ മലയാളികളില്‍ ഒന്നാമന്‍ ലുലു ഗ്രൂപ്പ് ചെയര്‍മാന്‍ എം.എ യൂസഫലി തന്നെ. മുന്‍ വര്‍ഷങ്ങളില്‍ പട്ടികയിലുണ്ടായിരുന്ന ബൈജൂസിന്റെ ബൈജു രവീന്ദ്രനും ദിവ്യ ഗോകുല്‍ നാഥും ഇക്കുറി പട്ടികയില്‍ നിന്ന് പുറത്തായി. മുന്‍വര്‍ഷത്തെ പട്ടികയില്‍ ഒന്നാം സ്ഥാനത്തുണ്ടായിരുന്ന അദാനി ഗ്രൂപ്പ് ചെയര്‍മാന്‍ ഗൗതം അദാനി 565,692 കോടി രൂപയുടെ ആസ്തിയുമായി (68 ബില്യണ്‍ ഡോളര്‍) രണ്ടാം സ്ഥാനത്തേക്ക് പിന്തള്ളപ്പെട്ടപ്പോള്‍ റിലയന്‍സ് ഇന്‍ഡസ്ട്രീസ് ചെയര്‍മാന്‍ മുകേഷ് അംബാനി 765,348 കോടി രൂപയുടെ (92 ബില്യണ്‍ ഡോളര്‍) ആസ്തിയുമായി ഒന്നാമതെത്തി. പട്ടികയില്‍ ആറ് മലയാളികളും ഒരു മലയാളി ബിസിനസ് കുടുംബവുമാണ് ഇടംനേടിയത്. പട്ടിക പ്രകാരം എം.എ.യൂസഫലിയുടെ ആസ്തി 59,065 കോടി രൂപയായി (7.1 ബില്യണ്‍ ഡോളര്‍). രണ്ടാം സ്ഥാനത്ത് എത്തിയ മുത്തൂറ്റ് കുടുംബത്തിന്റെ ആസ്തി 40,763 കോടി രൂപ (4.9 ബില്യണ്‍ ഡോളര്‍)യാണ്. ജോയ് ആലുക്കാസ് ഗ്രൂപ്പിന്റെ ചെയര്‍മാനും മാനേജിംഗ് ഡയറക്ടറുമായ ജോയ് ആലുക്കാസാണ് മൂന്നാം സ്ഥാനത്ത്. 36,604 കോടി രൂപയുടെ (4.4 ബില്യണ്‍ ഡോളര്‍) ആസ്തിയോടെ ഇന്ത്യന്‍ റാങ്കില്‍ 50-ാം സ്ഥാനം. കഴിഞ്ഞ വര്‍ഷം 69-ാം സ്ഥാനത്തായിരുന്നു അദ്ദേഹം. യു.എ.ഇ ആസ്ഥാനമായ ബുര്‍ജീല്‍ ഹോള്‍ഡിംഗ്സിന്റെ സ്ഥാപകനും ചെയര്‍മാനുമായ ഡോ. ഷംഷീര്‍ വയലില്‍ 30,780 കോടി രൂപയുടെ (3.7 ബില്യണ്‍ ഡോളര്‍) ആസ്തിയോടെ മലയാളികളില്‍ നാലാം സ്ഥാനത്തെത്തി. ഇന്‍ഫോസിസ് സഹസ്ഥാപകന്‍ ക്രിസ് ഗോപാലകൃഷ്ണന്‍ 27,037 കോടി രൂപയുടെ (3.25 ബില്യണ്‍ ഡോളര്‍) ആസ്തിയുമായി ഇന്ത്യന്‍ സമ്പന്നന്മാരില്‍ 67-ാം സ്ഥാനത്തും സമ്പന്ന മലയാളികളില്‍ അഞ്ചാം സ്ഥാനത്തുമെത്തി. 26,621 കോടി രൂപ (3.2 ബില്യണ്‍ ഡോളര്‍) മൂല്യവുമായി ആര്‍.പി ഗ്രൂപ്പ് ചെയര്‍മാന്‍ രവി പിള്ള 69-ാം സ്ഥാനത്താണ്. ജെംസ് ഗ്രൂപ്പ് മേധാവി സണ്ണി വര്‍ക്കി, 24,375 കോടി രൂപയുമായി (2.93 ബില്യണ്‍ ഡോളര്‍) 78-ാം സ്ഥാനത്തെത്തി.

◾കുടുംബപശ്ചാത്തലത്തില്‍ രസകരമായ ഒരു പ്രമേയവുമായെത്താനിരിക്കുന്ന ചിത്രം 'തോല്‍വി എഫ്സി'യുടെ സെക്കന്റ് ലുക്ക് പോസ്റ്റര്‍ പുറത്ത്. കോമഡി ഡ്രാമ ജോണറില്‍ ആയിരിക്കും സിനിമ എത്തുന്നതെന്ന സൂചന കൂടുതല്‍ ഉറപ്പിക്കാവുന്ന തരത്തിലുള്ള പോസ്റ്ററാണ് പുറത്തിറങ്ങിയിരിക്കുന്നത്. തോല്‍വി എഫ്സി എന്ന പുതിയ ചിത്രത്തിന്റെ രണ്ടാമത്തെ പോസ്റ്ററില്‍ ഷറഫുദ്ദീനും ജോണി ആന്റണിയും അല്‍ത്താഫ് സലീമുമാണ് പ്രത്യക്ഷപ്പെട്ടിരിക്കുന്നത്. വേറിട്ട പോസ്റ്ററുകളുമായി മനംകവര്‍ന്ന ചിത്രത്തിന്റ സംവിധാനം ജോര്‍ജ് കോരയാണ്. തിരക്കഥയും എഴുതിയിരിക്കുന്ന ജോര്‍ജ് കോര ചിത്രത്തില്‍ ഒരു പ്രധാന വേഷത്തിലാണ് എത്തുന്നത്. തോല്‍വി എഫ്സി എന്ന പുതിയ ചിത്രത്തിലെ പാട്ടുകള്‍ ഒരുക്കുന്നത് വിഷ്ണു വര്‍മ, കാര്‍ത്തിക് കൃഷ്ണന്‍, സിജിന്‍ തോമസ് എന്നിവരാണ്.

◾അഞ്ജലി അമീര്‍, പ്രീതി ക്രിസ്റ്റീന പോള്‍, എം എ റഹിം, വിനീത് മോഹന്‍ എന്നിവരെ പ്രധാന കഥാപാത്രങ്ങളാക്കി മഞ്ചിത്ത് ദിവാകര്‍ കഥ എഴുതി സംവിധാനം ചെയ്യുന്ന 'ദി സ്പോയില്‍സ്' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറക്കി. പ്രശസ്ത ചലച്ചിത്ര നിര്‍മ്മാതാവ് ലിസ്റ്റിന്‍ സ്റ്റീഫന്‍, നടന്‍ ബിജു മേനോന് നല്‍കിയാണ് പോസ്റ്റര്‍ പ്രകാശനം ചെയ്തത്. സതീഷ് കതിരവേല്‍ ഛായാഗ്രഹണം നിര്‍വഹിക്കും. അഖില്‍ കവലൂര്‍, അക്ഷയ് ജോഷി, സജിത് ലാല്‍, സന്തോഷ് കുമാര്‍, ബക്കര്‍, സുനില്‍ ബാബു, ഷൈജു ബി കല്ലറ, സതീശന്‍, സാബു നീലകണ്ഠന്‍ നായര്‍, ഷൈന്‍ രാജ്, റിജു റാം, സജിഖാന്‍, റിനു പോള്‍, ആറ്റിങ്ങല്‍ സുരേഷ്, ഷീജു ഇമ്മാനുവല്‍, ആദിദേവ്, അനശ്വര രാജന്‍, ദര്‍ശന, സിനിമോള്‍, ജിനീഷ്, ഷിജി സുകൃത, മുകരി, അനു ശ്രീധര്‍മ എന്നിവരാണ് മറ്റു അഭിനേതാക്കള്‍. എഡിജിപി ശ്രീജിത്ത് ഐപിഎസ് ഗായകനാകുന്നുവെന്നതാണ് ചിത്രത്തിന്റെ പ്രത്യേകത. സുനില്‍ ജി ചെറുകടവ് എഴുതിയ വരികള്‍ക്ക് സിബു സുകുമാരന്‍ സംഗീതം നല്‍കും.

◾ഉത്സവ സീസണിന് മുന്നോടിയായി ഫോര്‍ച്യൂണര്‍ ഏഴ് സീറ്റര്‍ എസ്യുവിയുടെ വില ടൊയോട്ട ഇന്ത്യ വര്‍ധിപ്പിച്ചു. പെട്രോള്‍ ഫോര്‍ച്യൂണറിന് 44,000 രൂപയും ഡീസല്‍ പതിപ്പിന് 70,000 രൂപയുമാണ് വില വര്‍ധിപ്പിച്ചിരിക്കുന്നത്. എസ്യുവി ഇപ്പോള്‍ 33.43 ലക്ഷം മുതല്‍ 51.44 ലക്ഷം വരെ (എക്‌സ് ഷോറൂം) വില പരിധിയില്‍ ലഭ്യമാണ്. ടൊയോട്ട ഫോര്‍ച്യൂണര്‍ 3-വരി എസ്യുവി രണ്ട് എഞ്ചിന്‍ ഓപ്ഷനുകളില്‍ ലഭ്യമാണ് - 2.7 ലിറ്റര്‍ എന്‍എ പെട്രോളും 2.8 ലിറ്റര്‍ ടര്‍ബോ ഡീസല്‍. ആദ്യത്തേത് 164 ബിഎച്ച്പിയും 245 എന്‍എം ടോര്‍ക്കും മികച്ചതാണെങ്കില്‍, ടര്‍ബോ ഡീസല്‍ എഞ്ചിന് 201 ബിഎച്ച്പി പവറും 500 എന്‍എം ടോര്‍ക്കും ഉല്‍പ്പാദിപ്പിക്കാന്‍ കഴിയും. 6-സ്പീഡ് മാനുവലും ഓട്ടോമാറ്റിക് ഗിയര്‍ബോക്സും ട്രാന്‍സ്മിഷന്‍ ചോയിസുകളില്‍ ഉള്‍പ്പെടുന്നു. ടൊയോട്ട ഫോര്‍ച്യൂണര്‍ പെട്രോള്‍ മാനുവല്‍, ഓട്ടോമാറ്റിക് ഗിയര്‍ബോക്‌സ് ഓപ്ഷനുകളോടെ ഒറ്റ ട്രിമ്മില്‍ ലഭ്യമാണ്. 4ഃ2 എംടി പതിപ്പിന് 33.43 ലക്ഷം രൂപയും 4ഃ2 എടി വേരിയന്റിന് 35.02 ലക്ഷം രൂപയുമാണ് വില. ഡീസല്‍ ശ്രേണി 35.93 ലക്ഷം രൂപയില്‍ തുടങ്ങി 51.44 ലക്ഷം രൂപ വരെ ഉയരുന്നു. ഡീസലിന്റെ 4ഃ2 പതിപ്പിന് ഇപ്പോള്‍ 44,000 രൂപ വരെ വിലയുണ്ട്, അതേസമയം 4ഃ4 പതിപ്പിന് ഇപ്പോള്‍ 70,000 രൂപ വരെ വര്‍ധിച്ചു.

◾ദേശനഷ്ടം അധിനിവേശത്തിന്റെ അനുഭവമാണ്. ലോകമെമ്പാടും ദേശമെന്ന അനുഭൂതിയെ ബദലായി ഉയര്‍ത്തിയാണ് മനുഷ്യര്‍ ചെറുത്ത് നിന്നത്. ദേശത്തെ വാരിയെടുത്ത്, ചിതറിപ്പോയ ദേശമോര്‍മകളെ തുന്നിക്കൂട്ടി, ദേശത്തിന്റെ പാട്ടുകളേയും പറച്ചിലുകളെയും വീണ്ടെടുത്താണ് പ്രതിരോധിച്ചത്. പെരുമാള്‍പുരം അത്തരമൊരു പ്രതിരോധമാണ്. അധിനിവേശം അടിച്ചേല്‍പിച്ച മറവികള്‍ക്ക് മീതെ ഓര്‍മകളുടെ കെട്ടഴിക്കുകയാണ് ഈ നോവലില്‍. 'പെരുമാള്‍പുരം'. ടി സി വി സതീശന്‍. ഐ ബുക്സ്. വില 180 രൂപ.

◾അപ്പന്‍ഡിക്‌സ് പാര്‍ക്കിന്‍സണ്‍സ് രോഗത്തിനും കാരണമാകാമെന്ന് പഠനം. ആല്‍ഫ-സിനുക്ലെയ്ന്‍ എന്ന പേരിലുള്ള അപകടകാരിയായ പ്രോട്ടീന്റെ സ്രോതസ്സ് അപ്പെന്‍ഡിക്‌സ് ആണെന്നാണ് ഈ പഠനം പറയുന്നത്. ഈ പ്രോട്ടീന്‍ അപ്പന്‍ഡിക്‌സില്‍ നിന്ന് കേന്ദ്ര നാഡീവ്യൂഹ സംവിധാനത്തിലേക്ക് നീങ്ങി പാര്‍ക്കിന്‍സണ്‍സ് ഉള്‍പ്പെടെയുള്ള മേധാശക്തിയെ ക്ഷയിപ്പിക്കുന്ന രോഗങ്ങള്‍ക്ക് കാരണമാകുമെന്നും റിപ്പോര്‍ട്ട് ചൂണ്ടിക്കാണിക്കുന്നു. കുടലിലെ പല പ്രശ്‌നങ്ങളും നാഡീവ്യൂഹസംബന്ധമായ രോഗങ്ങളിലേക്ക് നയിക്കാമെന്നും ഗവേഷകര്‍ ചൂണ്ടിക്കാട്ടി. വയര്‍ ഒഴിയാന്‍ താമസം നേരിടുന്ന ഗാസ്‌ട്രോപാരെസിസ്, ഭക്ഷണം വിഴുങ്ങാന്‍ ബുദ്ധിമുട്ട് തോന്നുന്ന ഡിസ്ഫാജിയ, മലബന്ധം എന്നിവ പാര്‍ക്കിന്‍സണ്‍സ് രോഗ സാധ്യത ഇരട്ടിയാക്കുമെന്നും ഇറിറ്റബിള്‍ ബവല്‍ സിന്‍ഡ്രോം പാര്‍ക്കിന്‍സണ്‍സ് രോഗ സാധ്യത 17 ശതമാനം ഉയര്‍ത്തുമെന്നും ഗവേഷകര്‍ പറയുന്നു. പ്രത്യേകിച്ച് കാരണമൊന്നുമില്ലാതെ വയര്‍ നിറഞ്ഞതോ എരിയുന്നതോ ആയ തോന്നലുണ്ടാക്കുന്ന ഫങ്ഷനല്‍ ഡിസ്‌പെപ്‌സിയ, അതിസാരത്തോട് കൂടിയ ഇറിറ്റബിള്‍ ബവല്‍ സിന്‍ഡ്രോം എന്നിവയെല്ലാം പാര്‍ക്കിന്‍സണ്‍സ് രോഗികളില്‍ വ്യാപകമായി കാണപ്പെടുന്നതായും റിപ്പോര്‍ട്ടില്‍ പറയുന്നു. വയറിലെയും കുടലിലെയും പ്രശ്‌നങ്ങള്‍ പില്‍ക്കാലത്ത് പാര്‍ക്കിന്‍സണ്‍സ് ഉള്‍പ്പെടെയുള്ള നാഡീവ്യൂഹ രോഗങ്ങള്‍ ഉണ്ടാകാമെന്നതിനെ സംബന്ധിച്ച സൂചന നല്‍കുമെന്നും പഠനറിപ്പോര്‍ട്ട് കൂട്ടിച്ചേര്‍ത്തു.

◾ശുഭദിനം
കവിത കണ്ണന്‍
അപരിചിതമായ ആ നഗരത്തില്‍ അന്ന് പകല്‍ മുഴുവനും അയാള്‍ ചുറ്റിക്കറങ്ങി ഹോട്ടലില്‍ തിരിച്ചെത്തിയപ്പോഴാണ് തന്റെ പേഴ്‌സ് നഷ്ടമായ വിവരം അയാള്‍ അറിയുന്നത്. റിസ്പഷനില്‍ അറിയിച്ചു അവിടെ നിന്നും താന്‍ വന്ന ടാക്‌സി ഡ്രൈവറുടെ നമ്പറില്‍ പലതവണ വിളിച്ചെങ്കിലും അയാള്‍ ഫോണ്‍ എടുത്തില്ല. തന്റെ പാസ്‌പോര്‍ട്ടും പണവുമെല്ലാം നഷ്ടപ്പെട്ടുവെന്ന് അയാള്‍ ഉറപ്പിച്ചു. പിറ്റേന്ന് രാവിലെ പോലീസില്‍ പരാതിനല്‍കാന്‍ ഇറങ്ങുമ്പോഴാണ് റിസപ്ഷനില്‍ ടാക്‌സി ഡ്രൈവര്‍ അയാളെ കാത്ത് നില്‍ക്കുന്നത് കണ്ടത്. ടാക്‌സി ഡ്രൈവര്‍ പറഞ്ഞു: ഇത് താങ്കളുടെ പേഴ്‌സ് അല്ലേ, ഞാനിന്നലെ ഭാര്യയുമായി ആശുപത്രിയില്‍ പോയി വന്നപ്പോള്‍ രാത്രിയായി. ഫോണ്‍ വീട്ടില്‍ വെച്ച് മറക്കുകയും ചെയ്തു. സന്തോഷത്തോടെ ആ പേഴ്‌സ് തിരിച്ചുവാങ്ങിയ അയാള്‍ നന്ദി സൂചകമായി ആയിരം രൂപ നല്‍കുകയും ചെയ്തു. ആ രൂപ നിരസിച്ച് അയാള്‍പറഞ്ഞു: ഞാന്‍ പേഴ്‌സ് തിരിച്ചുതന്നത് ഈ രൂപ കിട്ടാനല്ല, ഇത് താങ്കളുടെ ആയതുകൊണ്ടാണ്. എല്ലാമുണ്ടായിട്ടും ഒന്നും നല്‍കാത്തവരുടെ ഇടയില്‍ ഒന്നുമില്ലാതിരുന്നിട്ടും എല്ലാം നല്‍കാന്‍ കഴിയുന്ന ചിലരുണ്ട്. അവരിലാണ് മനുഷ്യരുടെ പ്രതീക്ഷ നിലനില്‍ക്കുന്നത്. ഈ ലോകത്ത് നന്മ ഇനിയും പൂര്‍ണ്ണമായി ഇല്ലാതായിട്ടില്ല എന്നതിന്റെ അടയാളമാണവര്‍. ആശ്രയിക്കാനും വിശ്വസിക്കാനും പറ്റുന്നവര്‍ ഇപ്പോഴും അവശേഷിക്കുന്നുണ്ട് എന്നതിന്റെ അടയാളം. ഈ അടയാളങ്ങള്‍ മറ്റുള്ളവരില്‍ വരുത്തുന്ന ചില വ്യതിയാനങ്ങളുണ്ട്. ആരും ശരിയല്ല എന്ന ധാരണ തിരുത്തപ്പെടുകമാത്രമല്ല, തന്നെ സഹായിച്ചതിന്റെ കടപ്പാട്, സുകൃതങ്ങളുടെ വിത്തുകള്‍ അയാളുടെ ഹൃദയത്തില്‍ മുളപ്പിക്കും. നാളെ അവ വളര്‍ന്ന് ആര്‍ക്കെങ്കിലുമൊക്കെ തണലുകള്‍ സമ്മാനിക്കും.. ചുറ്റുമുളളവരുടെ ജീവിതത്തില്‍ സുകൃതങ്ങളുടെ വിത്തുകള്‍ മുളക്കാന്‍ നമുക്കും കാരണമാകാം - ശുഭദിനം.
➖➖➖➖➖➖➖➖Y

10/10/2023

*Location:*
*SBI LIFE OFFICE,*
*1ST FLOOR,*
*TRENDS BUILDING,* *KANNIYMPURAM,* *OTTAPALAM,PALAKKAD*
*PIN:-679104*

*INTERVIEW DATE:*

👇👇👇👇👇👇👇

*13/10/2023 (Friday)*

*10Am to 1.00Pm*

*_MOB:8137047253_*

08/10/2023

*കരുവാൻകുഴി ഹയറുന്നീസ w/o മുഹമ്മദ് സ്വാലിഹ് ചികിത്സാ സഹായ സമിതി . SG നഗർ എടപ്പലം*
🪀🪀🪀🪀🪀🪀🪀🪀🪀

*https://chat.whatsapp.com/BlckTpuz5CGAZlvVDohFoz*

*WhatsApp Channel*
*KL 51 OTTAPALAM NEWS*
👇👇👇👇👇👇👇👇👇
*https://whatsapp.com/channel/0029Va4sLr2DZ4LfnR8l8b0o*
🪀🪀🪀🪀🪀🪀🪀🪀🪀

പ്രിയമുള്ളവരെ
വിളയൂർ പഞ്ചായത്തിൽ 12 വാർഡിൽ SG നഗർ പ്രദേശത്ത് താമസിക്കുന്ന കരുവാൻകുഴി മുഹമ്മദ് സ്വാലിഹ്‌ ഭാര്യ ഹയറുന്നീസ 45 വയസ്സ് ഇരു വൃക്കകളും പ്രവർത്തന രഹിതമായി ഒരു വർഷമായി ചികിത്സയിലാണ് ആഴ്ചയിൽ മൂന്ന് ഡയാലിസിസ് വീതം ഇപ്പോൾ നടത്തി കൊണ്ടിരിക്കുന്നു. ഹയറുന്നീസയുടെ വൃക്ക മാറ്റി വെക്കൽ ഒഴിച്ചു കൂട്ടാൻ പറ്റാത്ത അവസ്ഥയിലാണ് തുടർ ചികിത്സയും വൃക്ക മാറ്റിവെക്കലും ഒറ്റക്ക് നിർവ്വഹിക്കാൻ കുടുംബത്തിന് സാധിക്കാത്ത സാഹചര്യത്തിൽ എല്ലാ രാഷ്ട്രീയ പാർട്ടി പതിനിധികളും , ജനപ്രതിനിധികളും സന്നദ്ധ പ്രവർത്തരും അടങ്ങിയ വിപുലമായ ജനകീയ കമ്മറ്റി രൂപീകരിച്ച് പ്രവർത്തനം ആരംഭിച്ചിട്ടുണ്ട്. ആയതിനാൽ ഇവരുടെ ചികിത്സക്ക് അകമഴിഞ്ഞ് സഹായിക്കണമെന്ന് എല്ലാവരോടും സവിനയം അഭ്യർത്ഥിക്കുന്നു.
അക്കൗണ്ട് വിവരങ്ങൾ മുകളിൽ നോട്ടീസ്ൽ ചേർക്കുന്നു.

എന്ന്
രാജൻ പുന്നശ്ശേരി
12 വാർഡ് മെമ്പർ

08/10/2023

*🌞പ്രഭാത വാർത്തകൾ*
2023 ഒക്ടോബർ 8 ഞായർ
1199 കന്നി 22 പൂയം
1445 റ: അവ്വൽ 22

◾ഇസ്രായേലില്‍ ഹമാസ് നടത്തിയ ആക്രമണത്തിന് പിന്നാലെ യുദ്ധക്കളമായി പശ്ചിമേഷ്യ. യന്ത്രത്തോക്കുകളുമായി നുഴഞ്ഞു കയറിയ ഹമാസ് സംഘത്തിന്റെ ആക്രമണത്തില്‍ മരണം 300 പിന്നിട്ടു. ആയിരത്തോളം പേര്‍ക്ക് പരിക്കേറ്റു. ഇസ്രയേലിന്റെ തിരിച്ചടിയില്‍ ഇരുനൂറിലധികം പേര്‍ കൊല്ലപ്പെട്ടു. ഹമാസിന്റെ 17 കേന്ദ്രങ്ങള്‍ തകര്‍ത്തതായി ഇസ്രായേല്‍ അവകാശപ്പെട്ടു.

◾തങ്ങള്‍ ഇപ്പോള്‍ യുദ്ധത്തിലാണെന്നും ഇതില്‍ വിജയിക്കുമെന്നും ഇസ്രായേല്‍ പ്രധാനമന്ത്രി ബെന്യമിന്‍ നെതന്യാഹു. ''ഇസ്രയേല്‍ പൗരന്മാരേ, നമ്മള്‍ യുദ്ധത്തിലാണ്. ഇതു വെറും ഏറ്റുമുട്ടല്‍ അല്ല, സംഘര്‍ഷമല്ല, യുദ്ധമാണ്. നമ്മള്‍ വിജയിക്കും. ഹമാസ് ഇതിനു കനത്ത വില നല്‍കേണ്ടിവരും'' നെതന്യാഹു വിഡിയോ സന്ദേശത്തില്‍ പറഞ്ഞു.

◾ഇസ്രായേലിന് ഉറച്ച പിന്തുണ പ്രഖ്യാപിച്ച് അമേരിക്ക. ഹമാസിന്റെ ആക്രമണത്തെ തുടര്‍ന്ന് ഇസ്രായേലിന് ആവശ്യമായ എല്ലാ സഹായവും നല്‍കാന്‍ അമേരിക്ക സന്നദ്ധമാണെന്ന് പ്രസിഡന്റ് ജോ ബൈഡന്‍. ഇസ്രായേലിന് ഐക്യദാര്‍ഢ്യം പ്രഖ്യാപിച്ച് ഇന്ത്യയും. തീവ്രവാദി ആക്രമണം ഞെട്ടിച്ചെന്നും, ദുര്‍ഘടസമയത്ത് ഇസ്രായേലിനൊപ്പം നില്‍ക്കുന്നുവെന്നും പ്രധാനമന്ത്രി നരേന്ദ്രമോദി പ്രതികരിച്ചു.
◾ഇസ്രായേലിനെതിരെയുള്ള സൈനിക നീക്കത്തില്‍ ഹമാസിനു പിന്തുണ പ്രഖ്യാപിച്ച് ഇറാനും ഖത്തറും. ഇസ്രയേലിനെതിരെ സധൈര്യം ആക്രമണം നടത്തുന്ന പലസ്തീന്‍ പോരാളികളെ അഭിനന്ദിക്കുന്നതായി ഇറാന്‍ പ്രഖ്യാപിച്ചു. പലസ്തീനെതിരായ സംഘര്‍ഷത്തിന്റെ ഏക ഉത്തരവാദി ഇസ്രയേല്‍ മാത്രമാണെന്ന് ഖത്തറും വ്യക്തമാക്കി. അതേസമയം, ഇസ്രയേലിനെതിരായ സൈനിക നീക്കത്തില്‍നിന്ന് ഹമാസ് പിന്‍വാങ്ങണമെന്ന് അഭ്യര്‍ഥിച്ച് സൗദി അറേബ്യ രംഗത്തെത്തി.

◾യുദ്ധം തുടരുന്ന സാഹചര്യത്തില്‍ ഇന്ത്യക്കാര്‍ക്ക് മുന്നറിയിപ്പ് നല്‍കി വിദേശകാര്യമന്ത്രാലയം. ഇസ്രയേലിലെയും പലസ്തീനിലെയും ഇന്ത്യക്കാര്‍ക്ക് വേണ്ടി ഹെല്‍പ് ലൈന്‍ വാട്‌സ്ആപ്പ് നമ്പറുകള്‍ വിദേശകാര്യമന്ത്രാലയം പുറത്തിറക്കി. ഇസ്രയേല്‍: +97235226748, പലസ്തീന്‍: +97059291641.

◾യുദ്ധത്തിനിടയില്‍ ഇസ്രയേലിനെതിരെ വിമര്‍ശനവുമായി സിപിഎം ജനറല്‍ സെക്രട്ടറി സീതാറാം യച്ചൂരി. പലസ്തീന്റെ പ്രദേശങ്ങള്‍ കയ്യേറുന്നത് ഇസ്രയേല്‍ അവസാനിപ്പിക്കണമെന്നും ഇരു രാജ്യങ്ങളും ഐക്യരാഷ്ട്ര സംഘടന നിര്‍ദ്ദേശിക്കുന്ന പരിഹാര നയം നടപ്പാക്കണമെന്നും യച്ചൂരി ആവശ്യപ്പെട്ടു. സഹികെട്ട ഫാസിസ്റ്റ് അക്രമങ്ങളോടുള്ള പ്രതികരണമാണ് ഹമാസ് ആരംഭിച്ച യുദ്ധമെന്ന് സിപിഎം പൊളിറ്റ് ബ്യൂറോ അംഗം എംഎ ബേബി വിലയിരുത്തി.

◾കേരളത്തിന്റെ പൊതുപ്രശ്നങ്ങളില്‍ ഒന്നിച്ച് നില്‍ക്കാന്‍ യുഡിഎഫ് എംപിമാര്‍ തയ്യാറാകുന്നില്ലെന്ന് ധനമന്ത്രി കെഎന്‍ ബാലഗോപാല്‍. യുഡിഎഫും എല്‍ഡിഎഫും കേരളവുമായി ബന്ധപ്പെട്ട പല പൊതു പ്രശ്നങ്ങളിലും ഒന്നിച്ച് നിന്നിട്ടുണ്ടെന്നും എന്നാല്‍ ഇന്ന് യുഡിഎഫ് എംപിമാരില്‍ നിന്നും അത് കാണുന്നില്ലെന്നും ധനമന്ത്രി കെഎന്‍ ബാലഗോപാല്‍ പറഞ്ഞു.

◾യുഡിഎഫ് കാലത്തെ ദിര്‍ഘകാല വൈദ്യുതി കരാര്‍ റദ്ദാക്കിയത് കെഎസ്ഇബിയുടെ തീരുമാനം അല്ലായിരുന്നുവെന്ന് മന്ത്രി കെ.കൃഷ്ണന്‍കുട്ടി. റഗുലേറ്ററി കമ്മീഷനാണ് ഉത്തരവിട്ടത്, ഇതുമൂലമുണ്ടായ നഷ്ടം കെഎസ്ഇബിയിലേക്കെത്തും. അത് ജനങ്ങള്‍ സഹിക്കേണ്ടി വരുമെന്നും മന്ത്രി പറഞ്ഞു.

◾കരുവന്നൂര്‍ ബാങ്ക് തട്ടിപ്പ് കേസില്‍ സിപിഎം നേതാവ് ജി സുധാകരനോട് നൂറു ശതമാനം യോജിക്കുന്നുവെന്നും എന്നാല്‍ ഇപി ജയരാജന് പ്രസ്താവന ഇറക്കാനുള്ള ധാര്‍മികത ഇല്ലെന്നും യുഡിഎഫ് കണ്‍വീനര്‍ എംഎം ഹസന്‍. ജി സുധാകരന്റെത് സഹകരണം കൈകാര്യം ചെയ്ത മാര്‍ക്സിസ്റ്റ് നേതാവിന്റെ സാക്ഷ്യപത്രമാണെന്നും എംഎം ഹസന്‍. കരുവന്നൂരില്‍ പാര്‍ട്ടി അന്വേഷണത്തില്‍ പിഴവുണ്ടായെന്നും കുറ്റക്കാരെ മുളയിലേ നുള്ളിക്കളയണമായിരുന്നുവെന്നും കുറ്റം ചെയ്തതത് ആരൊക്കെയെന്ന് പൊതുസമൂഹത്തോട് പറയാന്‍ പാര്‍ട്ടിക്ക് കഴിഞ്ഞില്ലെന്നും സുധാകരന്‍ നേരത്തെ പ്രതികരിച്ചിരുന്നു. കരുവന്നൂര്‍ ബാങ്ക് തട്ടിപ്പ് കേസിലെ മുഖ്യപ്രതിയായ സതീഷ് കുമാര്‍ തൃശ്ശൂരിലെത്തിയത് ജയരാജന്റെ അറിവോടെയാണെന്നും എംഎം ഹസന്‍ പറഞ്ഞു.

◾വിവാദ നിയമന കോഴക്കേസിലെ മുഖ്യപ്രതി അഖില്‍ സജീവിനെ അഞ്ചു ദിവസത്തെ പൊലീസ് കസ്റ്റഡിയില്‍ വിട്ടു. ഇന്നലെ രാവിലെയാണ് അഖില്‍ സജീവിനെ പത്തനംതിട്ട കോടതിയില്‍ ഹാജരാക്കിയത്.

◾ജെഡിഎസ് കേരള ഘടകം ഇടതുമുന്നണിയില്‍ തുടരുമെന്ന് മാത്യു ടി തോമസ്. ബിജെപിയെയും കോണ്‍ഗ്രസിനെയും എതിര്‍ക്കുകയെന്നതാണ് പാര്‍ട്ടിയുടെ നയം. എന്നാല്‍, ഇതിനുവിരുദ്ധമായി ജെഡിഎസ് ദേശീയ അധ്യക്ഷന്‍ എച്ച്.ഡി ദേവഗൗഡ ബിജെപി അനുകൂല നിലപാട് സ്വീകരിക്കുകയായിരുന്നുവെന്നും മാത്യു ടി തോമസ് പറഞ്ഞു. കൊച്ചിയില്‍ ചേര്‍ന്ന അടിയന്തിര നേതൃ യോഗത്തിനുശേഷം മാധ്യമങ്ങളോട് സംസാരിക്കുകയായിരുന്നു മാത്യു ടി തോമസ്.

◾ആദ്യം മരിച്ചയാളിലെ നിപ രോഗം സ്ഥിരീകരിക്കാനായത് നേട്ടമാണെന്നും കോഴിക്കോടുണ്ടായ നിപ വൈറസ് രോഗം നിയന്ത്രിക്കുന്നതില്‍ സംസ്ഥാന ആരോഗ്യ വകുപ്പ് നടത്തിയ പ്രവര്‍ത്തനങ്ങളെ അഭിനന്ദിച്ചും നാഷണല്‍ സെന്റര്‍ ഫോര്‍ ഡിസീസ് കണ്‍ട്രോള്‍ ഡയറക്ടര്‍. സര്‍ക്കാരിന് അയച്ച കത്തിലാണ് അദ്ദേഹം കേരളത്തെ അഭിനന്ദിച്ചത്.

◾ചലച്ചിത്ര മേഖലയിലെ പ്രതിസന്ധികള്‍ ചര്‍ച്ച ചെയ്യാന്‍ യോഗം വിളിച്ച് കേരള സര്‍ക്കാര്‍. ഒടിടി റിലീസ്, ഇ ടിക്കറ്റിംഗ്, തീയറ്റര്‍ മേഖലയിലെ പ്രതിസന്ധികള്‍ എന്നിവ ഉള്‍പ്പടെയുള്ള വിവിധ വിഷയങ്ങള്‍ ചര്‍ച്ച ചെയ്യും.

◾സംസ്ഥാനത്തെ കോണ്‍ഗ്രസ് മുസ്ലീംലീഗ് നേതാക്കള്‍ മോദീ ഭക്തരായി മാറിയിരിക്കുകയാണെന്ന് കെടി ജലീല്‍. കേന്ദ്ര ഏജന്‍സികള്‍ അന്വേഷിച്ചാല്‍ അവിഹിത സമ്പാദ്യം നിഷ്പ്രയാസം കണ്ടെത്താനാകുമെന്ന ഭയമാണോ അവരെ അലോസരപ്പെടുത്തുന്നതെന്നും ജലീല്‍ ചോദിച്ചു. കരുവന്നൂരില്‍ നിന്ന് തൃശൂരിലേക്ക് പദയാത്ര നടത്തിയ സുരേഷ് ഗോപി, എ.ആര്‍ നഗറില്‍ നിന്ന് മലപ്പുറത്തേക്ക് എന്തേ കാല്‍നടജാഥ സംഘടിപ്പിക്കാത്തതെന്നും കരുവന്നൂരില്‍ കെട്ടിത്തിരിയുന്ന കമ്മ്യൂണിസ്റ്റ് വിരുദ്ധര്‍ക്ക് എ.ആര്‍ നഗറിലേക്കുള്ള വഴി എന്തുകൊണ്ടാണ് തിരിയാത്തതെന്നും ജലീല്‍ ചോദിച്ചു.

◾ഡോക്ടര്‍ വന്ദന ദാസ് കൊലപാതകത്തില്‍ കേസ് ഡയറി വിളിച്ചു വരുത്തി പരിശോധിക്കാന്‍ ഡി ജി പിക്ക് ഹൈക്കോടതിയുടെ നിര്‍ദ്ദേശം. ചില പൊലീസുകാരുടെ പങ്ക് അന്വേഷിച്ചില്ലെന്ന ആക്ഷേപം പരിശോധിക്കണമെന്നും ഹൈക്കോടതി നിര്‍ദ്ദേശം.

◾ശബരിമല യുവതി പ്രവേശന വിഷയം സുപ്രീംകോടതിയുടെ ഒമ്പത് അംഗ ബെഞ്ച് ഉടന്‍ പരിഗണിക്കില്ല. ഈ മാസം പന്ത്രണ്ടിന് ഒമ്പതംഗ ബെഞ്ച് പരിഗണിക്കുന്ന ഹര്‍ജികളുടെ പട്ടിക സുപ്രീംകോടതി പുറത്ത് ഇറക്കി. ഇതില്‍ ശബരിമല യുവതി പ്രവേശനവുമായി ബന്ധപ്പെട്ട ഹര്‍ജികള്‍ ഉള്‍പെട്ടിട്ടില്ല.

◾വിവാഹ വാഗ്ദാനം നല്‍കി പീഡിപ്പിച്ചുവെന്ന കേസില്‍ ചെന്നൈ വിമാനത്താവളത്തില്‍ നിന്ന് പിടിയിലായ നടന്‍ ഷിയാസ് കരീമിനെ ജാമ്യം. ഹോസ്ദുര്‍ഗ്ഗ് ഫസ്റ്റ് ക്ലാസ് മജിസ്ട്രേറ്റ് കോടതി ഒന്നാണ് ഉപാധികളോടെ ജാമ്യം അനുവദിച്ചത്.

◾വീടിന് സമീപത്ത് മരം മുറിക്കുന്നത് നോക്കി നിന്നിരുന്ന 12 വയസ്സുള്ള കുട്ടിയുടെ മുകളിലേക്ക് മരം വീണ് ദാരുണാന്ത്യം. ആലപ്പുഴ വള്ളികുന്നം കാഞ്ഞിപ്പുഴ കൊല്ലന്റെ വടക്കതില്‍ അഷ്റഫ് -തസ്നി ദമ്പതികളുടെ മകന്‍ മുഹമ്മദ് അഹസന്‍ ആണ് മരിച്ചത്.

◾പൂജ നടത്തിയാല്‍ കുടുംബത്തിന് ഐശ്വര്യവും രോഗശാന്തിയും ലഭിക്കുമെന്നു പറഞ്ഞ് വിശ്വസിപ്പിച്ചു സ്വര്‍ണ്ണവും പണവും തട്ടിയ കേസില്‍ വ്യാജ സിദ്ധനും സുഹൃത്തായ അധ്യാപികയും അറസ്റ്റിലായി. മേപ്പയൂര്‍ കുലുപ്പമലോല്‍ ശിവദാസന്‍ (47), നടുവണ്ണൂര്‍ ജിഷ നിവാസില്‍ ജിഷ (46) എന്നിവരെയാണ് ഫറോക്ക് പൊലീസ് അറസ്റ്റ് ചെയ്തത്.

◾കാലവര്‍ഷം ദുര്‍ബലമായതോടെ സംസ്ഥാനത്ത് ചൂട് കൂടുന്നു. വരും ദിവസങ്ങളിലും സംസ്ഥാനത്ത് ചൂട് ഉയരാന്‍ തന്നെയാണ് സാധ്യതയെന്നാണ് സൂചന. കാലവര്‍ഷം പൂര്‍ണമായും പിന്‍വാങ്ങുന്നതാണ് സംസ്ഥാനത്തടക്കം ചൂട് കൂടാന്‍ കാരണം.

◾വ്യോമസേനാ ദിനമായ ഇന്ന് ഇന്ത്യന്‍ വ്യോമസേനയ്ക്ക് പുതിയ പതാക. പ്രയാഗ് രാജില്‍ നടക്കുന്ന വ്യോമസേന ദിനാഘോഷ പരിപാടിയിലാകും പുതിയ പതാക പുറത്തിറക്കുക.

◾സിക്കിം പ്രളയത്തില്‍ ഇതുവരെ ലഭിക്കുന്ന റിപ്പോര്‍ട്ടുകള്‍ അനുസരിച്ച് മരണം 53ലെത്തി. മരിച്ചവരില്‍ 7 പേര്‍ സൈനികരാണ്. അതേസമയം ചുങ്താങ് ഡാം തകര്‍ന്നതില്‍ സിക്കിം മുഖ്യമന്ത്രി പ്രേം സിംങ് തമാങ് അന്വേഷണം പ്രഖ്യാപിച്ചു.

◾ബംഗളുരു അത്തിബല്ലെയില്‍ പടക്കകടകള്‍ തീപിടിച്ചുണ്ടായ അപകടത്തില്‍ 11 പേര്‍ വെന്തുമരിച്ചു. പടക്കം ഇറക്കുന്നതിനിടെയാണ് തീ പടര്‍ന്ന് പിടിച്ചത്. കടയുടമയും തൊഴിലാളികളും അപകടത്തില്‍പ്പെട്ടു. അഞ്ച് കടകളും നിരവധി വാഹനങ്ങളും കത്തി നശിച്ചു.

◾അഫ്ഗാനിസ്ഥാനിലെ ഹെറാത്ത് പ്രവിശ്യയിലുണ്ടായ ഭൂചലനത്തില്‍ 320 പേര്‍ കൊല്ലപ്പെട്ടതായി റിപ്പോര്‍ട്ട്. പ്രധാന നഗരമായ ഹെറാത്തില്‍ നിന്നും 40 കിലോമീറ്റര്‍ അകലെയാണു 6.3 തീവ്രത രേഖപ്പെടുത്തിയ ഭൂകമ്പത്തിന്റെ പ്രഭവകേന്ദ്രം.

◾2023 ഏഷ്യന്‍ ഗെയിംസില്‍ ഇന്ത്യയ്ക്ക് റെക്കോര്‍ഡ് മെഡല്‍ നേട്ടം. ചരിത്രത്തിലാദ്യമായി 100 മെഡലുകള്‍ മറികടന്ന ഇന്ത്യയുടെ ആകെ മെഡല്‍ നേട്ടം 107 ആയി. 28 സ്വര്‍ണവും 38 വെള്ളിയും 41 വെങ്കലവുമാണ് ഇന്ത്യ നേടിയത്.

◾ഏഷ്യന്‍ ഗെയിംസിന് ഇന്ന് കൊടിയിറങ്ങും. ഇന്ന് ഇന്ത്യയ്ക്ക് മത്സരങ്ങളൊന്നുമില്ല. ഇത്തവണ ഷൂട്ടിങ്, അത്‌ലറ്റിക്‌സ് രംഗങ്ങളില്‍ നിന്നാണ് ഇന്ത്യക്ക് ഏറ്റവുമധികം മെഡലുകള്‍ പിറന്നത്. അത്‌ലറ്റിക്‌സില്‍ നിന്ന് മാത്രം 28 മെഡലുകളാണ് പിറന്നത്. 2018 ജക്കാര്‍ത്ത ഏഷ്യന്‍ ഗെയിംസില്‍ ഇന്ത്യ ആകെ നേടിയത് 70 മെഡലുകളായിരുന്നു.

◾ഏകദിന ക്രിക്കറ്റ് ലോകകപ്പില്‍ റെക്കോഡ് വിജയലക്ഷ്യമുയര്‍ത്തിയ ദക്ഷിണാഫ്രിക്കയ്ക്ക് മുന്നില്‍ ശ്രീലങ്ക പൊരുതി വീണു. ദക്ഷിണാഫ്രിക്കക്ക് 102 റണ്‍സിന്റെ വിജയം. ആദ്യം ബാറ്റ് ചെയ്ത ദക്ഷിണാഫ്രിക്ക മൂന്ന് സെഞ്ച്വറികളുടെ പിന്‍ബലത്തില്‍ 5 വിക്കറ്റ് നഷ്ടത്തില്‍ 428 റണ്‍സെടുത്തു. എയ്ഡന്‍ മാര്‍ക്രം, റാസി വാന്‍ ഡെര്‍ ഡ്യൂസന്‍, ക്വിന്റണ്‍ ഡി കോക്ക് എന്നിവരുടെ സെഞ്ചുറികളുടെ മികവിലാണ് ദക്ഷിണാഫ്രിക്ക ലോകകപ്പിലെ ഏറ്റവും മികച്ച സ്‌കോര്‍ സ്വന്തമാക്കിയത്. എയ്ഡന്‍ മാര്‍ക്രം 49 പന്തില്‍ സെഞ്ചുറിയടിച്ച് ഏകദിന ലോകകപ്പിലെ അതിവേഗ സെഞ്ചുറി നേടി. റെക്കോര്‍ഡ് വിജയലക്ഷ്യത്തിലേക്ക് ബാറ്റേന്തിയ ശ്രീലങ്ക 44.5 ഓവറില്‍ 326 റണ്‍സിന് ഓള്‍ ഔട്ടായി. ലോകകപ്പില്‍ ഇരുടീമുകളും ചേര്‍ന്ന് നേടുന്ന ഏറ്റവും വലിയ സ്‌കോറായ 754 റണ്‍സ് ഈ മത്സരത്തിലൂടെ പിറന്നു.

◾ഏകദിന ലോകകപ്പിലെ ആദ്യ മത്സരത്തിന് ഇന്ത്യ ഇന്നിറങ്ങും. ചെന്നൈയിലെ എം എ ചിദംബരം സ്റ്റേഡിയത്തില്‍ ഉച്ചക്ക് 2 മണിക്ക് ആരംഭിക്കുന്ന മത്സരത്തില്‍ ഓസ്‌ട്രേലിയയാണ് ഇന്ത്യയുടെ എതിരാളി.

◾ലോകത്ത് 2024ല്‍ ജീവിക്കാനും ജോലി ചെയ്യാനും സമ്പല്‍സമൃദ്ധി നേടാനും ഏറ്റവും അനുയോജ്യമായ 100 നഗരങ്ങളുടെ പട്ടികയില്‍ ഒന്നാംസ്ഥാനത്ത് ബ്രിട്ടന്റെ തലസ്ഥാനമായ ലണ്ടന്‍. പട്ടികയില്‍ ഫ്രഞ്ച് തലസ്ഥാനമായ പാരീസാണ് രണ്ടാമത്. ഗവേഷണ സ്ഥാപനമായ റെസൊണന്‍സാണ് 'വേള്‍ഡ്‌സ് ബെസ്റ്റ് സിറ്റീസ്' റിപ്പോര്‍ട്ട് തയ്യാറാക്കിയത്. പട്ടികയില്‍ ഇന്ത്യന്‍ നഗരങ്ങളൊന്നും ഇടംപിടിച്ചിട്ടില്ല. ആദ്യ പത്തില്‍ ഏഷ്യയില്‍ നിന്ന് ടോക്കിയോ (ജപ്പാന്‍) നാലാംസ്ഥാനത്തും സിംഗപ്പൂര്‍ സിറ്റി (സിംഗപ്പൂര്‍) അഞ്ചാം സ്ഥാനത്തും സിയോള്‍ (ദക്ഷിണ കൊറിയ) പത്താംസ്ഥാനത്തുമുണ്ട്. അമേരിക്കന്‍ നഗരങ്ങളായ ന്യൂയോര്‍ക്ക് മൂന്നാമതും സാന്‍ ഫ്രാന്‍സിസ്‌കോ ഏഴാമതുമാണ്. സ്‌പെയിനിലെ ബാഴ്‌സലോണ എട്ടാംസ്ഥാനം നേടിയപ്പോള്‍ നെതര്‍ലന്‍ഡ്‌സിലെ ആംസ്റ്റര്‍ഡാം ഒമ്പതാംസ്ഥാനം സ്വന്തമാക്കി. ഇന്ത്യയില്‍ നിന്ന് ഒറ്റ നഗരം പോലുമില്ലെങ്കിലും ഇന്ത്യക്കാര്‍ക്ക് പ്രിയപ്പെട്ട നിരവധി നഗരങ്ങളുണ്ട്. പ്രവാസി മലയാളികളുടെ പറുദീസയായ യു.എ.ഇയിലെ ദുബൈ ആറാമതാണ്. അബുദബി 25-ാം സ്ഥാനത്തും സൗദി അറേബ്യയിലെ റിയാദ് 28-ാംസ്ഥാനത്തുമാണ്. 36-ാം സ്ഥാനത്താണ് ഖത്തറിന്റെ തലസ്ഥാനമായ ദോഹ. തായ്‌ലന്‍ഡ് തലസ്ഥാനമായ ബാങ്കോക്ക് 39-ാം സ്ഥാനത്താണ്. കാനഡയിലെ വാന്‍കൂവര്‍ 50-ാം സ്ഥാനം നേടി. 58-ാം സ്ഥാനത്താണ് കുവൈറ്റ് സിറ്റി. ചൈനീസ് തലസ്ഥാനമായ ബെയ്ജിംഗ് 18-ാം സ്ഥാനത്തുണ്ട്.

◾മലയാളത്തിലെ യുവ താരനിരയില്‍ ശ്രദ്ധേയനാണ് നസ്ലെന്. വെള്ളിത്തിരയില്‍ എത്തി ചുരുങ്ങിയ കാലം കൊണ്ട് തന്നെ തന്റേതായൊരു സ്ഥാനം നേടിയെടുത്ത താരത്തിന്റെ സ്വാഭാവിക അഭിനയമാണ് പ്രേക്ഷകരെ ആകര്‍ഷിക്കുന്ന ഘടകം. ഇപ്പോഴിതാ പുതിയ ചിത്രത്തില്‍ നായകനാകാന്‍ ഒരുങ്ങുകയാണ് നസ്ലെന്‍. 'ഐ ആം കാതലന്‍' എന്നാണ് ചിത്രത്തിന്റെ പേര്. ഇതിന്റെ ഫസ്റ്റ് ലുക്ക് പുറത്തുവിട്ടിട്ടുണ്ട്. തണ്ണീര്‍ മത്തന്‍ ദിനങ്ങള്‍, സൂപ്പര്‍ ശരണ്യ എന്നീ ചിത്രങ്ങള്‍ക്ക് ശേഷം ഗിരീഷ് എ ഡി സംവിധാനം ചെയ്യുന്ന ചിത്രം കൂടിയാണ് 'ഐ ആം കാതലന്‍'. ഡോ. പോള്‍സ് എന്റര്‍ടെയിന്മെന്റസിന്റെ ബാനറില്‍ ഡോ. പോള്‍ വര്‍ഗീസ്, കൃഷ്ണമൂര്‍ത്തി എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. ടിനു തോമസാണ് സഹ നിര്‍മാതാവ്. അനിഷ്മയാണ് ചിത്രത്തില്‍ നായികയായി എത്തുന്നത്. ദിലീഷ് പോത്തന്‍, ലിജോമോള്‍, ടി ജി രവി, സജിന്‍, വിനീത് വാസുദേവന്‍, വിനീത് വിശ്വം തുടങ്ങി വന്‍താരനിര തന്നെ ചിത്രത്തില്‍ അണിനിരക്കുന്നുണ്ട്. നെയ്മര്‍ എന്ന ചിത്രമാണ് നസ്ലെന്റേതായി ഏറ്റവും ഒടുവില്‍ റിലീസ് ചെയ്ത ചിത്രം.

◾ബി. ടെക് എന്ന സൂപ്പര്‍ ഹിറ്റ് ചിത്രത്തിന് ശേഷം ആസിഫ് അലിയെ നായകനാക്കി മൃദുല്‍ നായര്‍ സംവിധാനം ചെയ്ത 'കാസര്‍ഗോള്‍ഡ്' ഇനി മുതല്‍ ഒ. ടി. ടിയില്‍ കാണാം. നെറ്റ്ഫ്ലിക്സിനാണ് ചിത്രത്തിന്റെ ഒ. ടി. ടി സംപ്രേക്ഷണാവകാശം. ഒക്ടോബര്‍ 13 മുതല്‍ ചിത്രം നെറ്റ്ഫ്ലിക്സില്‍ കാണാന്‍ സാധിക്കും. ആസിഫ് അലിയെ കൂടാതെ സണ്ണി വെയ്ന്‍, വിനായകന്‍ എന്നിവരും ചിത്രത്തില്‍ പ്രധാന വേഷത്തിലെത്തിയിരുന്നു. മുഖരി എന്റര്‍ടൈന്‍മെന്റിന്റെ ബാനറില്‍ യൂഡ്ലി ഫിലിംസുമായി ചേര്‍ന്ന് സരിഗമയാണ് ചിത്രം നിര്‍മ്മിച്ചത്. സിദ്ദിഖ്, ധ്രുവന്‍, അഭിറാം രാധാകൃഷ്ണന്‍, പ്രശാന്ത് മുരളി, സമ്പത്ത് റാം, സാഗര്‍ സൂര്യ എന്നിവരാണ് സിനിമയിലെ മറ്റ് താരങ്ങള്‍. സജിമോന്‍ പ്രഭാകര്‍ തിരക്കഥയും സംഭാഷണവും നിര്‍വഹിക്കുന്ന ചിത്രത്തില്‍ ജെബില്‍ ജേക്കബാണ് ഛായാഗ്രഹണം. വിഷ്ണു വിജയ്, നിരജ്ഞ് സുരേഷ് എന്നിവരാണ് ചിത്രത്തിന് സംഗീതം നിര്‍വഹിച്ചത്. സെപ്റ്റംബര്‍ 15 നാണ് ചിത്രം തീയറ്ററുകളിലെത്തിയത്.

◾ദക്ഷിണ കൊറിയന്‍ വാഹന നിര്‍മ്മാതാക്കളായ ഹ്യുണ്ടായിയുടെ മൈക്രോ എസ്യുവി എക്‌സെറ്ററിന്റെ ആവശ്യം അതിവേഗം വര്‍ദ്ധിച്ചുകൊണ്ടിരിക്കുകയാണ്. തങ്ങളുടെ ബുക്കിംഗ് കണക്ക് 75,000 യൂണിറ്റ് കടന്നതായി കമ്പനി അറിയിച്ചു. ഇക്കാരണത്താല്‍, അതിന്റെ ഉല്‍പാദന ശേഷി ഇപ്പോള്‍ 30 ശതമാനം കൂട്ടിയിരിക്കുകയാണ് കമ്പനി എന്നാണ് റിപ്പോര്‍ട്ടുകള്‍. നിലവില്‍ ഈ എസ്യുവിയുടെ കാത്തിരിപ്പ് കാലാവധി ഒമ്പത് മാസം വരെയാണ്. നിലവില്‍ പ്രതിമാസം 6,000 യൂണിറ്റുകള്‍ കമ്പനി ഉത്പാദിപ്പിക്കുന്നുണ്ട്. ഇപ്പോഴത് 8,000 യൂണിറ്റായി ഉയര്‍ത്തും. ചെന്നൈയില്‍ സ്ഥിതി ചെയ്യുന്ന പ്ലാന്റിലാണ് ഇതിന്റെ ഉത്പാദനം നടക്കുന്നത്. സെപ്റ്റംബറില്‍ 8,647 യൂണിറ്റ് എക്‌സെറ്റര്‍ വിറ്റു. എക്‌സെറ്ററിന്റെ വിലയും കമ്പനി വര്‍ധിപ്പിച്ചിട്ടുണ്ട്. ഇപ്പോള്‍ ഈ ചെറിയ എസ്യുവി വാങ്ങാന്‍ നിങ്ങള്‍ 16,000 രൂപ വരെ കൂടുതല്‍ ചെലവഴിക്കേണ്ടിവരും. ഇതാദ്യമായാണ് കമ്പനി വില കൂട്ടുന്നത്. എസ്യുവിയുടെ എസ്എക്‌സ്(ഒ) കണക്ട് എംടി ഡ്യുവല്‍-ടോണ്‍ വേരിയന്റിന്റെ വില 16,000 രൂപ വര്‍ധിപ്പിച്ചു. അതേ സമയം, ടോപ്പ്-സ്പെക്ക് എസ്എക്സ് (ഒ) കണക്ട് എഎംടി ഡ്യുവല്‍-ടോണ്‍ കുറഞ്ഞത് 5,000 രൂപ വര്‍ദ്ധിപ്പിച്ചു. ആറ് ലക്ഷം രൂപയാണ് ഇതിന്റെ പ്രാരംഭ എക്‌സ് ഷോറൂം വില.

◾ഭൂപ്രകൃതിയുടെയും മനുഷ്യാവസ്ഥയുടെയും ഋതുഭേദങ്ങള്‍ സൂക്ഷ്മമായി അനുഗമിക്കുന്ന ആഖ്യാനശൈലിയാണ് ബിജോ ചെമ്മാന്ത്രയുടേത്. ശീതകാലവും വേനല്‍ക്കാലവും ശരത്ക്കാലവും വസന്തകാലവും ആഖ്യാനത്തിന്റെ ഇടനാഴികളില്‍ വന്നുപോകുന്നു. പ്രണയവും പരിസ്ഥിതിയും അപസര്‍പ്പണവും ഇടകലരുന്ന രചനകളിലൂടെയാണവ നീങ്ങുന്നത്. കാല്പനികവും സാങ്കല്പികവും ആത്മകഥാപരവുമായി അവയുടെ പുതുവഴികളിലേക്കാണ് കഥാകൃത്ത് സഞ്ചരിക്കുന്നത്. ഭ്രമകല്പന, വിഭ്രാന്തി, സന്ത്രാസം, നിരാസം, വിസ്മയം തുടങ്ങിയ ഭാവകല്പനകള്‍ ഈ രചനയ്ക്ക് മാറ്റുകൂട്ടുന്നു. 'ബോണ്‍സായി മരത്തണലിലെ ഗിനിപ്പന്നികള്‍'. ബിജോ ജോസ് ചെമ്മാന്ത്ര. ഗ്രീന്‍ ബുക്സ്. വില 170 രൂപ.

◾അതിരാവിലെ കട്ടന്‍ ചായ കുടിച്ചാലുള്ള ഗുണങ്ങള്‍ പലതാണ്. ബ്ലാക്ക് ടീയില്‍ ആന്റി ഓക്സിഡന്റുകള്‍ അടങ്ങിയിട്ടുണ്ട് കൂടാതെ നിരവധി ആരോഗ്യ ഗുണങ്ങള്‍ നല്‍കുന്നു. ബ്ലാക്ക് ടീയില്‍ പോളിഫെനോള്‍ എന്ന ആന്റിഓക്‌സിഡന്റ് അടങ്ങിയിട്ടുണ്ട്. ഇത് ഓക്സിഡേറ്റീവ് സമ്മര്‍ദ്ദം കുറയ്ക്കാനും വിട്ടുമാറാത്ത രോഗങ്ങളുടെ സാധ്യത കുറയ്ക്കാനും ഒരു വ്യക്തിയുടെ മൊത്തത്തിലുള്ള ആരോഗ്യം മെച്ചപ്പെടുത്താനും സഹായിക്കുന്നു. പോളിഫെനോളുകളും ആന്റിമൈക്രോബയല്‍ ഗുണങ്ങളും കുടലിന്റെ ആരോഗ്യം മെച്ചപ്പെടുത്താനും പ്രതിരോധശേഷി വര്‍ദ്ധിപ്പിക്കാനും സഹായിക്കും. കൊളസ്‌ട്രോളിന്റെ അളവ് കുറയ്ക്കാന്‍ സഹായിക്കുന്ന കാറ്റെച്ചിനുകളും തെഫ്‌ലാവിനുകളും ഇതില്‍ അടങ്ങിയിരിക്കുന്നു. കട്ടന്‍ ചായയിലെ ഫ്ലേവനോയ്ഡുകള്‍ കൊളസ്ട്രോളിന്റെ അളവ് കുറയ്ക്കാനും രക്തസമ്മര്‍ദ്ദം നിയന്ത്രിക്കാനും ഹൃദയ സംബന്ധമായ രോഗങ്ങളുടെ സാധ്യത കുറയ്ക്കാനും സഹായിക്കും. ബ്ലാക്ക് ടീയില്‍ കഫീന്‍, എല്‍-തിയനൈന്‍ എന്നിവ അടങ്ങിയിരിക്കുന്നു. അത് കൊണ്ട് തന്നെ ജാഗ്രതയും ശ്രദ്ധയും മെച്ചപ്പെടുത്തുന്നതിന് ഗുണം ചെയ്യും. ബ്ലാക്ക് ടീ കുടിക്കുന്നത് ബിഎംഐ, അരക്കെട്ടിന്റെ ചുറ്റളവ് കുറയ്ക്കല്‍ എന്നിവയുമായി ബന്ധപ്പെട്ടിരിക്കുന്നു. കട്ടന്‍ ചായയില്‍ ഫ്ലേവണുകള്‍ ഉള്ളതിനാല്‍, വയറിലെ കൊഴുപ്പ് കുറയ്ക്കുന്നതിനും ശരീരഭാരം കുറയ്ക്കുന്നതിനും സഹായകമാണ്. കട്ടന്‍ചായയില്‍ അടങ്ങിയിരിക്കുന്ന പോളീഫിനോള്‍സ് കാന്‍സറിനെ തടയാന്‍ സഹായിക്കുന്നതായി പഠനങ്ങള്‍ പറയുന്നു. കോശങ്ങള്‍ക്കും ഡിഎന്‍എയ്ക്കും സംഭവിക്കുന്ന കേടുപാടുകളെ ചെറുക്കാനും പോളിഫിനോള്‍സിന് കഴിവുണ്ട്. കുടലിലെ നല്ല ബാക്ടീരിയകളുടെ വളര്‍ച്ചയെ സഹായിക്കാന്‍ കട്ടന്‍ചായ മികച്ചതാണ്.

*ശുഭദിനം*
*കവിത കണ്ണന്‍*
മനുഷ്യന് ഒരിക്കലും നാല് മിനിറ്റുനുളളില്‍ ഒരു മൈല്‍ ദൂരം ഓടാന്‍ കഴിയില്ലെന്ന് ശാസ്ത്രം പറഞ്ഞു. കാരണം മനുഷ്യന്റെ ശരീരഘടന അത്ര വേഗത്തിലോടാന്‍ കഴിയുന്നവിധത്തിലല്ലെന്നും അവന്റെ ഹൃദയം അത് താങ്ങില്ലെന്നും അവന്റെ എല്ലിന്റെ ഘടന അത്രവേഗത്തിലോടാന്‍ പര്യാപ്തമല്ലെന്നും ശാസ്ത്രലോകം പറഞ്ഞു. പക്ഷേ 1954 മെയ് 6 ാം തിയതി റോജര്‍ ബെനിസ്റ്റര്‍ എന്ന 25 വയസ്സുകാരന്‍ ഇംഗ്ലണ്ടിലെ ഓക്‌സ്‌ഫോര്‍ഡില്‍ വെച്ച് ചരിത്രത്തിലാദ്യമായി ഒരുമൈല്‍ ദൂരം 3 മിനിറ്റ് 59.4 സെക്കന്റില്‍ ഓടി അവസാനിപ്പിച്ചപ്പോള്‍ ചരിത്രമൊന്ന് കിടുങ്ങി. കാരണം മനുഷ്യന് 4 മിനിറ്റിന് താഴെ ഒരു മൈല്‍ ദൂരം ഓടാന്‍ സാധിക്കുമെന്ന് റോജന്‍ ബെനിസ്റ്റര്‍ എന്ന ചെറുപ്പക്കാരന്‍ നമ്മെ ബോധ്യപ്പെടുത്തി തന്നു. ഈ ചരിത്രം സാധ്യമായതിന് ശേഷം 46 ദിവസത്തിന് ശേഷം ഒരു ഓസ്‌ട്രേലിയക്കാരന്‍ 4 മിനിറ്റിന് താഴെ ഓടിയെത്തി. ഇങ്ങനെ കഴിഞ്ഞ 69 കൊല്ലത്തിനുള്ളില്‍ ഏകദേശം 1200ഓളം പേര്‍ 4000 ത്തിലധികം തവണ നാല് മിനിറ്റിനുള്ളില്‍ ഓടിയെത്തിയിട്ടുണ്ട്. 1954 വരെ അസാധ്യമെന്ന് പറഞ്ഞിരുന്ന ഒരു കാര്യം അതിന് ശേഷം എങ്ങിനെയാണ് ഇത്രയധികം പേര്‍ക്ക് എത്തിപ്പിടിക്കാന്‍ സാധ്യമായത്? മനുഷ്യന് അസാധ്യമെന്ന് കരുതിയിരുന്ന ഒരു കാര്യത്തെ റോജര്‍ ബെനിസ്റ്റര്‍ എന്ന 25 കാരന്‍ തച്ചുടച്ചതോടുകൂടി മനുഷ്യന് സാധ്യമാണെന്ന വിശ്വാസം വന്നു. നമ്മുടെ പരിമിതികളെക്കുറിച്ചുളള ബോധമാണ് നമുക്ക് അസാധ്യമെന്ന ചിന്തയുണ്ടാക്കുന്നത്. ആ ബോധത്തെ തകര്‍ക്കാന്‍ കഴിഞ്ഞാല്‍ നമുക്കീ ലോകത്ത് എന്തും സാധ്യമാണ്. അസാധ്യമാണ് എന്ന ചിന്തകള്‍ക്ക് എതിരെയുളള പ്രവൃത്തികള്‍ ജീവിതത്തില്‍ കൊണ്ടുവരാന്‍ കഴിയുമെങ്കില്‍ ലോകത്തിന്റെ ചരിത്രം നമ്മെക്കുറിച്ച് എഴുതുകയും നമുക്ക് ചരിത്രത്തിന്റെ ഭാഗമാകാന്‍ സാധിക്കുകയും ചെയ്യും. - ശുഭദിനം.

Address

Ottapalam
Ottapalam
679102

Telephone

+919544043012

Website

https://www.youtube.com/@kl51ottapalamnews

Alerts

Be the first to know and let us send you an email when KL 51 Ottapalam News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to KL 51 Ottapalam News:

Videos

സൗജന്യം

*പുന്നക്കാട് നടന്ന അപകടം ഉറങ്ങിയതാണ് അപകടകാരണം എന്നാണ് അറിയാൻ കഴിഞ്ഞത് ആർക്കും പരിക്കില്ല* *അപകടത്തിന്റെ CC TV ദൃശ്യം*

*⚠️അട്ടപ്പാടിയിൽ ലോറി മറിഞ്ഞ് അപകടം *മണ്ണാർക്കാട്* : അട്ടപ്പാടിയിൽ ലോറി മറിഞ്ഞു. ഡ്രൈവർക്ക് പരിക്കേറ്റു. പരിക്ക് ഗുരുതരമല്ല. ഇന്ന് രാവിലെയാണ് സംഭവം. തമിഴ്നാട്ടിലേക്ക് മരംകയറ്റിപോയ ലോറിയാണ് പ്ലാമരത്ത് മറിഞ്ഞത്. ഇന്നലെ രാത്രിയിലും ഇന്ന് പുലർച്ചെയുമായി അട്ടപ്പാടിയിൽ ശക്തമായ മഴ പെയ്തിരുന്നു. വളവ് തിരിയുന്നതിനിടെയാണ് ലോറി നിയന്ത്രണം വിട്ട് മറിഞ്ഞത്. അപകടത്തെ തുടർന്ന് ലോറിക്കുള്ളിൽ കുടുങ്ങിയ ഡ്രൈവറെ ഗ്ലാസ് പൊളിച്ചാണ് പുറത്തെടുത്തത്

വാണിയമ്പാറ ആനവാരിയിൽ വഞ്ചി മറിഞ്ഞ് 3 യുവാക്കളെ കാണാതായി തിരച്ചിൽ തുടരുന്നു.......

ഒറ്റപ്പാലം.മഹാത്മാഗാന്ധി ഫൗണ്ടേഷൻ ആൻഡ്.ചാരിറ്റബിൾ ട്രസ്റ്റ് നേതൃത്വത്തിൽ ഓണാഘോഷ പരിപാടികളും പൂക്കള മത്സരവും മതസൗഹാർദ്ദ സദസും സംഘടിപ്പിച്ചു

ചാലിശ്ശേരി മെയിൻ റോഡ് സെന്ററിൽ പൂക്കച്ചവടക്കാർ പരസ്പരം ഏറ്റുമുട്ടി നിരവധി പേർക്ക് പരിക്ക്.വടിയും കല്ലും ഉപയോഗിച്ച് തമ്മിൽതല്ലി പെരുമ്പിലാവ്, ചാലിശ്ശേരി എന്നീ ഭാഗത്തുള്ളവരാണ് ഇവർ.പൂക്കച്ചവടത്തിനായി ഇരിക്കുന്ന സ്ഥലത്തെ ചൊല്ലിയുള്ള തർക്കമാണ് അടിയിൽ കലാശിച്ചത്.വെള്ളിയാഴ്ച വൈകുന്നേരം ആറുമണിയോടെയാണ് സംഭവം.പരിക്കേറ്റവരെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.

NHRACF കേരള ഘടകം | ഓണാഘോഷവും കുടുംബ സംഗമവും

ഓണക്കോടിയും ഓണ സദ്യയും നൽകി ഒറ്റപ്പാലം : വരോട് കെ.പി എസ് മേനോൻ മെമ്മോറിയൽ ഹയർ സെക്കണ്ടറി സ്കൂൾ നാഷണൽ സർവ്വീസ് സ്കീം യൂണിറ്റ് ഈ വർഷത്തെ ഓണാഘോഷം മാനസിക രോഗ ചികിത്സ കഴിഞ്ഞിറങ്ങിയ നിരാലംബരയായ സ്ത്രീകളെ സഹവസിപ്പിക്കുന്ന ഒറ്റപ്പാലം കയറം പാറയിലെ ചൈന്നെ ആസ്ഥാനമായി പ്രവർത്തിക്കുന്ന The Banyan , ൽ സംഘടിപ്പിച്ചു. The banyan, അമ്മമാർക്ക് വളണ്ടിയർ മാരുടെ നേതൃത്വത്തിൽ തയ്യാറാക്കിയ ഓണ സദ്യ നൽകി.. ഓണക്കോടിയും വിതരണം ചെയ്തു. കലാപരിപാടികൾ അരങ്ങേറി. പ്രിൻസിപ്പൽ ഇൻ ചാർജ് സനോജ് എൻ കെ , പ്രോഗ്രാം ഓഫീസർ ഇന്ദിര സി.കെ, അധ്യാപകരായ അനൂപ് പി.കെ ,ഷാജി താഴത്ത് വീട് ,വളണ്ടിയർ ലീഡർ നിഷ്ല വി , മുഹമ്മദ് അൻഷിൽ എന്നിവർ നേതൃത്വം നൽകി

പാലക്കാട് ചെർപ്പുളശ്ശേരി സംസ്ഥാന പാതയിൽ നടന്ന ബസപകടത്തിന്റെ സി സി ടീവി ദൃശ്യം #busaccident #kallada

Ganesholsavam 2023 Ottapalam | #ganesh #ganeshchaturthi #ottapalam #ganesholsavam2023

ഇന്നലെ നടന്ന ഉൽക്ക പ്രവാഹം കാണാത്തവർക്കായി.... 😲😲😲 | ഇത് കണ്ടോള്ളൂ..........

*ഒറ്റപ്പാലം നഗരസഭ ബസ് ടെർമിനലിലെ യാത്രക്കാരുടെ ദുരിതം പരിഹരിക്കാൻ സിറ്റിസൺസ് ഫോറം മാർഗ്ഗ നിർദ്ദേശങ്ങൾ സമർപ്പിച്ചു..* 1. യാത്രക്കാർ ബസ് കാത്തു നിൽക്കുന്ന /വിശ്രമിക്കുന്ന ഭാഗത്തേക്ക് അഭിമുഖമായി ബസ്സുകൾ പാർക്ക് ചെയ്യുക. 2. യാത്രക്കാർക്ക് ബസ് ടെർമിനലിലേക്ക് അപകടസാധ്യതയില്ലാതെ പ്രവേശിക്കാനും പുറത്തു കടക്കാനും പ്രത്യേക സൗകര്യം ഒരുക്കുക. അംഗപരിമിതർക്ക് ബസ് ടെർമിനലിലെ വിശ്രമ കേന്ദ്രത്തിലേക്ക് ഇറങ്ങാനും കയറാനുമുള്ള ട്രാക്ക് സജ്ജമാക്കുക. 3. ബസ് ടെർമിനലിന് മുന്നിലുള്ള പഴകി ദ്രവിച്ചതും സിമൻറ് കട്ടകൾ അടർന്നു നിൽക്കുന്നതുമായ നഗരസഭ ഷോപ്പിംഗ് കോംപ്ലക്സ് പൊളിച്ചു നീക്കി അവിടെ ഒരു സ്വയം നിയന്ത്രിത ട്രാഫിക് സർക്കിൾ സജ്ജമാക്കുക. 4. യാത്രക്കാർ ബസ്സുകൾ ചീറി പായുന്ന ട്രാക്കിൽ ഇറങ്ങി നെട്ടോട്ടമോടുന്ന സംവിധാനത്തിന് അറുതി വരുത്തുക. 5. ബസ് ടെർമിന

ബലി പെരുന്നാൾ സന്ദേശം 2023| THOTTAKKARA JUMA MASJID |PERUNNAL SANDHESAM 2023| KL51 OTTAPALAM NEWS

*പാലക്കാട്‌ കുളപ്പുള്ളി റൂട്ടിൽ കൂനത്തറയിൽ ബസ്സുകൾ കൂട്ടിയിടിച്ചു നിരവധി പേർക്ക് പരിക്ക് #busaccident

*BJP റോഡ് ജനകീയ ഉദ്ഘാടനം നടത്തി..* *VIDEO*👇👇👇👇 ഒറ്റപ്പാലം നഗരസഭയിൽ പാലപ്പുറം ഗ്യാസ് ഗോഡൗൺ 13 വാർഡിൽ 20 ലക്ഷം രൂപ ചെലവഴിച്ച ഉദ്ഘാടനം ചെയ്യുന്ന റോഡിന്റെ നവീകരണ ഉദ്ഘാടനത്തിന്ബി ജെപിയെയുംസ്ഥലം ബിജെപി വാർഡ് കൗൺസിലറെയും ക്ഷണിക്കാതെ സിപിഎം പരിപാടിയാക്കി മാറ്റുന്നതിൽ പ്രതിഷേധിച്ച് പാതയിൽ ബിജെപി ജനകീയ ഉദ്ഘാടനം നടത്തി. സ്ഥലം പതിമൂന്നാം വാർഡ് കൗൺസിലർ അനിതാ ശിവദാസ് ഉദ്ഘാടനം ചെയ്തു. ബൂത്ത് പ്രസിഡണ്ട് കെ ഹരീഷ്, അധ്യക്ഷനായി. ബിജെപി ജില്ലാ ജനറൽ സെക്രട്ടറി പി വേണുഗോപാലൻ, മധ്യ മേഖല സെക്രട്ടറി ടി. ശങ്കരൻകുട്ടി, ബിജെപി ജില്ല സെക്രട്ടറിമാരായ ബി മനോജ്, എം സുരേഷ് ബാബു, മഹിളാ മോർച്ച ജില്ലാ പ്രസിഡന്റ്‌ പി. സത്യഭാമ,ബിജെപി ഒറ്റപ്പാലം മണ്ഡലം പ്രസിഡന്റ്‌ k. S അനൂപ്, മണ്ഡലം ജനറൽ സെക്രട്ടറി സി സുമേഷ്, മണ്ഡലം വൈസ് പ്രസിഡണ്ട് കെ. രമേഷ് ബാബു, കൗൺസിലർമാരായ പ്രസീത, അനിത, കർഷക മ

കാർ കടയിലേക്ക് ഇടിച്ചു കയറി | ഹോട്ടൽ കപിലവസ്തു.| #CCTV #accidentnews | സി സി ടീവി ദൃശ്യം

‼️‼️26-3-2023 ഈ വീഡിയോയിൽ കാണുന്ന അപേ ഗുഡ്‌സ് വണ്ടി 25/03/2023 രാവിലെ കന്മനം തൂവക്കാട് അങ്ങാടിയിൽ വെച്ച് ഒരു സ്‌കൂട്ടർ യാത്രക്കാരനെ തട്ടിതെറിപ്പിച്ച ശേഷം നിറുത്താതെ പോകുകയാണ്‌ ചെയ്തത്. ഈ വണ്ടിയെ കുറിച്ച് അറിയുന്നവർ താഴെ കാണുന്ന നമ്പറിൽ വിവരം അറിയിക്കുക 9745572262 *മാക്സിമം

ഒരു സഹായഭ്യർത്ഥനയാണ് ഒരു ജീവനാണ് സഹായിക്കണം എല്ലാവരും

"കുട്ടിയോദ്ധാവ് " എറണാകുളം കലൂർ IMA ആഡിറ്റോറിയത്തിൽ ... സ്വിച് ഓൺ കർമം നിർവഹിച്ചു. | Yodhav

*വട്ടപ്പാറ വളവില്‍ ലോറി നിയന്ത്രണംവിട്ട് താഴ്ചയിലേക്ക് മറിഞ്ഞു; ലോറിക്കടിയിൽ കുടുങ്ങിയ 3 പേർ മരിച്ചു..!* *ദേശീയപാത 66ല്‍ സ്ഥിരം അപകട കേന്ദ്രമായ വട്ടപ്പാറ വളവില്‍ വീണ്ടും ലോറി അപകടം. നിയന്ത്രണം വിട്ട് ലോറി താഴ്ചയിലേക്ക് മറിയുകയായിരുന്നു. ലോറിക്കടിയിൽ കുടുങ്ങിയ മൂന്നു പേര്‍ സംഭവസ്ഥലത്ത് വെച്ച് തന്നെ മരിച്ചു.* *ഇന്ന് രാവിലെ 6.15 ഓടെയാണ് അപകടം. കോഴിക്കോട് ഭാഗത്തുനിന്നും ചാലക്കുടിയിലേക്ക് ഉള്ളിയുമായി പോവുകയായിരുന്ന ലോറിയാണ് മറിഞ്ഞത്. നിയന്ത്രണംവിട്ട് കൊടുംവളവിലെ സുരക്ഷ ഭിത്തിയിലിടിച്ച്‌ 30 അടി താഴ്ചയിലേക്ക് തലകീഴായി മറിയുകയായിരുന്നു.* *കെ.എല്‍ 30 ഡി 0759 നമ്പറിലെ ലോറിയാണ് അപകടത്തില്‍ പെട്ടത്. വളാഞ്ചേരി പൊലീസും നാട്ടുകാരും ചേര്‍ന്ന് രക്ഷാപ്രവര്‍ത്തനം ശ്രമങ്ങൾ നടത്തിയെങ്കിലും ലോറിക്കുള്ളിൽ കുടുങ്ങിയവരെ രക്ഷിക്കാൻ കഴിഞ്ഞില്ല. അഗ്നിശമന സേ

പത്തനംതിട്ടയിൽ കിഴവള്ളൂരിൽ ബസും കാറും തമ്മിൽ അപകടം കാറും കെ എസ് ആർ ടി സി ബസും തമ്മിലുള്ള അപകടത്തിൽ ബസിന്റെ നിയന്ത്രണം തെറ്റി അടുത്തുള കൃസ്ത്യൻ പള്ളിയുടെ കെട്ടിടത്തിൽ ഇടിച്ച് കെട്ടിടത്തിന്റെ വലിയ ഭാഗങ്ങൾ ബസിന് മുകളിൽ പതിക്കുകയായിരുന്നു. ബസ് യാത്രക്കാർക്ക് പരിക്ക് ചിലരുടെ നില ഗൗരവമെന്ന് അറിയുന്നു. പരിക്ക് പറ്റിയ എല്ലാവരെയും ജനറൽ ആശുപത്രിയിലെത്തിച്ചു #cctv #cctvcamera #cctvfails #cctvkerala #cctvkottayam

G H S S കടമ്പൂർ ക്രിയാത്മക കൗമാരം കരുത്തും കരുതലും| കുട്ടികൾക്കും രക്ഷിതാക്കൾക്കുമുള്ള ശില്പശാല

പട്ടാമ്പിയിൽ ലോറിയുടെ അടിയിലേക്ക് എടുത്തുചാടി; ഒരാള്‍ ആത്മഹത്യ ചെയ്തു *11-03-2023* ഇന്ന് വൈകുന്നേരം 3:10ഓടെ പട്ടാമ്പിയിൽ നടന്ന അപകടത്തിന്റെ cctv ദൃശ്യം ⊶⊷⊶⊷❍❍⊶⊷⊶⊷