25/06/2020
বাণিজ্য শাখাত বিহপুৰীয়াৰ ডিক্ৰং নেশ্যনেল জুনিয়ৰ কলেজৰ দুটা স্থান
আজি ঘোষিত উচ্চতৰ মাধ্যমিক চুঢ়ান্ত পৰীক্ষাৰ ফলাফলত বাণিজ্য শাখাত দুটাকৈ স্থান দখলেৰে বিহপুৰীয়া জুনিয়ৰ কলেজৰ দুগৰাকী ছাত্ৰ ছাত্ৰীয়ে বিহপুৰীয়া নগৰৰ লগতে সমগ্ৰ বিহপুৰীয়া বিধান সভা সমষ্টিলৈ গৌৰৱ কঢ়িয়াই আনিছে । শিক্ষানুষ্ঠানখনৰ ছাত্ৰী পীয়ু দাসে সৰ্বমুঠ ৪৬৫ নম্বৰৰে অসমৰ ভিতৰতে চতুৰ্থ স্থান আৰু মুঠ ৪৫১ নম্বৰৰে মধুসুধন শৰ্মাই দশম স্থান লাভ কৰিবলৈ সক্ষম হৈছে । পীয়ু দাস বিহপুৰীয়া নগৰৰ ৮ নং ৱাৰ্ডৰ বাসিন্দা লক্ষণ দাস আৰু মণি দাসৰ কন্যা । আৰু মধুসুধন শৰ্মা বিহপুৰীয়া নগৰৰ ১ নং ৱাৰ্ডৰ বংকেট শৰ্মা আৰু কান্তা দেৱীৰ পুত্ৰ ।
বান্দৰদেৱাৰ পৰা চিৰনদীপ বৰুৱা
