HILLS MELOPHILE CLUB AHIN PEN HINI ANGDENG WORLD MUSIC DAY KATALON
Hamren: Niphai 21st June 2023 arni pirthe adang along katalon World Music Day along Hills Melophile Club ahin pen patirpi pon si Talon dun. Laso katalon along Hamren VDC chairmen lapen ari sangho ward comissioner atum ta ardi pidun si chetong dun. Lapen Law ahin pen Deputy DSP ISWAR SINGH ta chetong dunsi WMD katalon along Ardi pidun.
Hills melophile club ahin pen Laso WMD katalon kale local artist atum apham adim klong mate Platform kipi ji aphan mang si talon pi lapen angsong kirung ji aphan si Talon dun lo.
Laso World Music day katalon along Hills Melophile Club pen kachopha pon artist mate invited artist lake Sarlongki Beh renowned singer, Hbamonic, Semson Ingti (jr), jirmin hansepi lapen Sengkan Hanse at ta chetong dun si Laso World Music Day Katalon along alir acham pi dun pen ingthur dun lo.
Hills melophile club ahin pen akemang lake music aning kedok atum aphan adim pi pen rung kerung pon lapen kerap dun ji aphan si amahang pethek lo.
HEMPHU CLUB GOLDEN JUBILEE CELEBRATION HARLONG JUVE
#NewsUpdate / Phaikuni niphai 11-11-22
Autonomous State Demand Committe ASDC asong pen Karbi Anglong Department kevan lapen 'Karbi Anglong Day' katalon ponji aphuthak lamthe chepaklang!
#ASDC #SarsingEngleng!
Independent Church of India ICI Carmel Standard School Student thurpak NEC atovar kacheleng atovar sai keklem kedeng pon.
Indeng 30th KCS Hamren Havar Amei pen Hamren Habe Dengja pathu aklam along Indeng 30th Karbi Riso-nimso Rong Aje.
Hamren @Karbi Film Society Lunkan Achatai!
Miss&Mr.ZKYF 2022 Hamren
#NewsUpdate Phre niphai 02-10-22
Nijang Karbi Anglong KCS Hamren Havar Amei pen Hamren Habe Dengja pathu aklam along Indeng 30th Karbi Riso-nimso Rong aje katalon pon.
Hamren Ajir Aroi Mukak Aterank AAMA pen patirpi pon along 3rd Miss ZKYF lapen 1st Mr.ZKYF ajaimek along Socheng Constituency MAC Headsing Rongphar arideng pensi ingpu ponlo.
KARBI ANGLONG ALONGLE KEBATLOK-CEM TULIRAM RONGHANG
#NewsUpdate / niphai Chiti 03-09-21
West Karbi Anglong District Headquarter Hamren arongsopi Multi Utility Building ahongjai along BJP Socheng Mandal Committe pen patirpi ponsi armu kachepa-ok amei pado pon.
Bangso amei along Give&Take Policy Block I Block II aphuthak pherangke atum karju pen nang kethak atengte-"Karbi alongle kekon ji kali longle aphai kebatlo, ningkan kethom angbong Forest Department lapen Revenue Department pen Survey lo 10,434SqKm pen 11000Sqkm abat dothu kok puta CEM Tuliram Ronghang ahin pen ningje!
APHLC aparty ke Chobai 1,2,3,4,5,6,7,8,9,10,11 -MLA Rupsing Teron
BJP Mass Joining Hamren hithi kimi Multi Utility Building ahongjai along 20no.Baithalangso MLA Rupsing Teron ahin pen lamthe kejai pon bom alamthe.
"Give&Take Policy" netum kroikre ASDC KSA KNCA Hamren hithi barim Ru-Semsonsing Engti akumlin athengno kachesong!
ASDC ASONGJAPO CLEANINGSON RONGHANG PINI APHLC ASONG ALONG CHEPA-OK DUN TANGLO.
RE-ELECTION POLITICAL ISSUES NAHOK LE DAMDE PIN ALAM- SARSING ENGLENG
#NewsUpdate / Paipai niphai 16-08-22
West Karbi Anglong District Headquarter Hamren arongsopi Multi Utility Building ahongjai along "Mass Prayer" ajaimek kapaman pon along ASDC Sarsing Engleng pen RE-Election aphuthak kaningje atengte-
"Re-Election puke Political issues nahok le damde pin alamlo,Re-Election doji pulote isi aprocess do"
"Election Code of Conduct pen Election Polling, Counting det-an lapen konatsi Rolling Party atum kopisi kacheplang arnivang Election Commission aphan lamthe(Report) piver nangji.
Allegation ason kopipi ma kedo "with record "with prove" lahei ahormu paklang thek nangji, lahei ahormu thang "record" ta latum arideng ave,Re-Election puke ningjoino, dunta nangne Jakong chephalangno dun nangne "puta ASDC Sarsing Engleng "Mass Prayer" amei along pen ningje".
CHIKLO JONNI ANGBONG HAMREN CENTRAL HALL INGPUPO-CEM TULIRAM RONGHANG
#NewsUpdate / Paipai niphai 04-08-22
West Karbi Anglong District Headquarter Hamren arongsopi along akrongbak atovar si kemesen puke keri-khuruk at tame thek amat si thek longle puke havar arat chini pame.
Hamren Rongsopi aphan kachingthur amo pherangke atum karju ahut nang pachini atengte-" Non ningkan pho angbong Hamren rongsopi aphan isi thedung kachelar thek longji" lapen Hamren along kekimtan ajir dingkui pen CEM Dream Project Central Hall tame non chiklo jonni angbong ingpu pon poh" puta CEM Tuliram Ronghang pherangke athengno lamthe chechak tekang.
HEMPREK KELONGJI ANGRING THETAN
#NewsUpdate / Jakhong niphai 30-07-22
West Karbi Anglong District Headquarter Hamren Rongbong Ronghang pathu aklam along rat ameipi lapen KAAC Election vote kerek amei kapaman pon along Assam Chief Minister Dr. Himanta Bishaw Sharma alohi sarpo pen nang chetong dun.
Vosik achiklo niphai 02-06-22 vote kerek amei jatsemet lake penang-an Amreng Constituency (Part of Amreng Constituency),(Part of Hamren Constituency ) lapen Socheng Constituency angkangpi ansi rat ameipi pamanpon.
Article 244(A) Hemprek alam pherangke atum karju ahut Assam Chief Minister Dr.Himanta Bishaw Sharma nang kethak atengte-" India Prime Minister Narendra Modi Karbi Anglong Loringthepi nang kahumri ahutsi KAAC pen Article 244(A) Pinpur aloh(Memorandum) pajir dun atlo lasi Article 244(A) Hemprek alam ke prapjin pen chokpo puta ningje tekang"
TULIRAM RONGHANG POLITICAL CAREER KEJUTLO- ANGTONG ENGTI KATHAR
#NewsUpdate / Jakhong niphai 24-07-22
Assam State Election Commission aront ateng pen Vosik achiklo niphai 08-06-22 KAAC kelik pado ponlo.
Laso along ajehak Constituency isi-hini lamki keklang lapuson dolo, laso ajok All Party Hill Leaders Conference APHLC asong atum aphan mei kepri dun alam klang pon.
Aru achiklo niphai 30-05-22 arni All Party Hill Leaders Conference APHLC atum sai jokje mei kephri dun kapasiksak chechak un-eh det ajok Hamren District ahempi Deputy Commissioner asaihem along lamhoi(Complain) pi damlo.
Hamren Constituency pen kethur dun All Party Hill Leaders Conference APHLC Lamjaisarpo Angtong Engti Kathar pen kaningje alamthe atengte -"Tuliram Ronghang la-an kacheparoka ,kachebohong,mei kepri dun ington teh pulote CEM Tuliram Ronghang political career ke kejutlo.
All Party Hill Leaders Conference APHLC atum ta kaphere le kedojoi kali jongsi lason mei kephri dun ington teh pulote"Balance of Power" jakong ke chepaklang nangkokpo,sita aphrangsi rat aphan kangsai ji aphan arpu peklo" puta Aru achiklo niphai 30-05-22 arni All Party Hill Leaders Conference APHLC Lamjaisarpo Angtong Engti Kathar ningje"
