Commonman1

Commonman1 Contact information, map and directions, contact form, opening hours, services, ratings, photos, videos and announcements from Commonman1, Media/News Company, Flat No : A2, 2nd floor, Shiva ganga residency, Somajiguda, Hyderabad.

25/07/2016

ప్లేస్ ఎక్కడైనా..పోటీ ఎవరితోనైనా గెలుపు మాత్రం ఆమెదే...!!

జీవితంలో ఏదైనా సాధించాలని, ఉన్నత లక్ష్యాలను చేరుకోవాలని, పది మందిలో గుర్తింపు పొందాలని, తన ప్రతిభను ప్రపంచానికి చాటాలని, వారి జీవితాలను చరితాత్మకం చేసుకోవాలనే కోరిక అందరికీ ఉన్నా... విజయం మాత్రం నిరంతర కృషి, పట్టుదల, ఏకాగ్రతతో పనిచేసే వారికి మాత్రమే లభిస్తుంది. తోటి వారంతా విమర్శలను సందిస్తున్నా ఆ విమర్శలనే ఆదర్శంగా తీసుకొని సోపానాలుగా మలచుకొని విజయ బావుటా ఎగరవేసే మహనీయులకు వందనం.. అభివందనం.
అ అమ్మాయి పేరు కుమారి మహంకాళి ప్రకృతి. పేరుకు తగ్గట్టే ప్రకృతి ఎంత సుందరమైనదో, ఎంత విశాలమైనదో ఆమే ఆలోచనా విధానం కూడా అంతే విశాలమైనది. ప్రకృతే పరవశించి పోయే ప్రతిభ ఆమె సొంతం. ప్రకాశం జిల్లా, ఉలవపాడు మండలం, ఆత్మకూరు గ్రామం. తనకు చిన్నప్ప్పటి నుంచి స్విమ్మింగ్ అంటే అమిత ఆసక్తి. సరదాగా తన అన్నయ్యతో కలిసి స్విమ్మింగ్ ప్రాక్టీస్ చేసి దానినే తన లక్ష్యంగా మార్చుకుంది. పుట్టింది ఒక సామాన్య మధ్యతరగతి కుటుంబంలో నైనా చిన్న వయస్సులోనే రాష్ట్ర స్థాయిలో విజయాలు సాధించి ఔరా...! అనిపించుకుంది. నిరంతరం ప్రోత్సాహాన్ని అందిచే తల్లి దండ్రులు, తను ఒక ఛాంపియన్ గా మారడానికి మొదటి గురువుగా మారిన తన అన్నయ్య అండదండలు. ప్రజల ఆదరాభిమానాలు ఇవన్నీ కలగలిపి ఆమెను రాష్ట్ర స్థాయిలో ఛాంపియన్ గా మార్చాయి.
క్రీడా విమర్శకులు సైతం ఆమే పట్ల ప్రశంసల వర్షం కురిపించేలా చేసే ఆమే ప్రతిభా పాఠవాలు అత్యద్భుతం. అలుపెరుగని కృషి, ఆత్మ విశ్వాసాలానే ఆయుధాలుగా మార్చుకొని రాష్ట్ర స్థాయిలో పతకాల పరంపర ను కొనసాగిస్తోంది ఈ ప్రకృతి. ఇప్పటి వరకు తన వయస్సుకు మించిన పతకాలను సాధించి తెలుగు రాష్ట్రాలకు అరుదైన గౌరవాన్ని తెచ్చిపట్టింది ఈ ప్రకృతి. 2005 విశాఖపట్నం లో రాష్ట్ర స్థాయి పోటీల్లో పాల్గొని 3 కాంస్య పతకాలు దక్కించుకుంది. 2005 విజయవాడ సౌత్ జోన్ మీట్లో పాల్గొని 4 బంగారు పథకాలను సాధించింది. 2006 విశాఖ స్టేట్ మీట్ లో 4 బంగారు పథకాలతో పాటు వ్యక్తిగత ఛాంపియన్ షిప్ దక్కించుకుంది. 2006 సౌత్ జోన్ పోటీల్లో గచ్చిబౌలి లో పాల్గొంది. 2006 చెన్నై జాతీయ పోటీల్లో ఒక సిల్వర్, మూడు కాంస్య పథకాలు సాధించింది. 2006 త్రివేండ్రం నేషనల్స్ లో సిల్వర్ మెడల్, 2007 సికింద్రాబాద్ సీనియర్ మీట్లో 5 సిల్వర్ మెడల్స్. చెన్నై, బెంగళూరు, కేరళ, నాసిక్, భోపాల్ లో జరిగిన జాతీయ పోటీల్లో అత్యద్భుతంగా రాణించింది. 50.100,200 మీటర్ల బ్రెస్ట్ స్ట్రోక్, 100, 200 మీటర్ల ఫ్రీ స్టెల్ పోటీల్లో ఈ ప్రకృతి దిట్ట.
పైగా. తెలుగు రాష్ట్రాల్లో నేషనల్ స్పోర్ట్స్ అకాడమీ నుంచి స్థానం సంపాదించిన ఏకైక మహిళ ఈ ప్రకృతి. 2019 లో జరిగే జాతీయ స్థాయి పోటీల్లో తెలుగు రాష్ట్రాల గౌరవాన్ని జాతీయ స్థాయిలో నిలపడానికి సమరానికి సై అంటూ తన ప్రాక్టీస్ ను మరింతగా సానబెడుతుంది ఈ పతకాలఅరంపర. తాను అంచలు అంచలుగా రాణిస్తూ, నేషనల్ ఛాంపియన్ గా నిలవడానికి కృషి చేస్తానని, అంతేకాక తనతో పాటు తన లాంటి మెరికలకు నిరంతరం ప్రోత్సాహాన్ని అందిస్తూ, తన ప్రతిభా పాఠవాలను ప్రపంచానికి చాటి చెప్పేలా నిరంతర కృషిని కొనసాగిస్తానని చెబుతోంది ఈ ప్రకృతి. మనమందరం కూడా ఒక సారి ప్రకృతికి "ఆల్ ది బెస్ట్" చెప్పి మరింత ప్రోత్సాహాన్ని అందిద్దాం.

08/06/2016

కోదండరాం వెనక ఉంది వారేనా...!!
ప్రత్యేక తెలంగాణ ఉద్యమ సమయంలో యావత్ తెలంగాణ ప్రజానికాన్ని జాయింట్ యాక్షన్ కమిటీ ల ద్వారా ఏకం చేసిన గొప్ప తత్వవేత్త ప్రొఫెసర్ కోదండరాం. తెలంగాణ రాష్ట్ర ఐక్య కార్యాచరణ సంఘానికి ఆయన అధ్యక్షుడిగా వ్యవహరిస్తున్న విషయం కూడా మనకు విదితమే. అయితే మొదట కేసీఆర్ తో సఖ్యతగా కొనసాగిన కోదండరాం, తెలంగాణ రాష్ట్ర ఏర్పాటు అనంతరం కేసీఆర్ పట్ల విముఖతను వ్యక్తం చేయడం ప్రారంభించారు. ఆ తర్వాత కేసీఆర్ విధి విధానాల పట్ల విమర్శలను సంధిస్తూ వస్తున్నారు. ఇంతకీ కోదండరాం కు, కేసీఆర్ కు మధ్య విబేధాలు ఎందుకు వచ్చినట్లు..? ఉద్యమ పార్టీని కోదండ రాం ఎందుకు విమర్శిస్తున్నారు...? కోదండ రాం వెనక ఉండి నడిపిస్తున్నది ఎవరు...?


మొదట జాయింట్ యాక్షన్ కమిటీ నాయకులందరికీ కేసీఆర్ పెద్ద పెద్ద పదవులను కట్టబెట్టిన విషయం అందరికీ విదితమే. అయితే ఆ సమయంలో కోదండరాం కి కీలక పెదవిని కట్టబెట్టాలని టీఆర్ఎస్ యంత్రాంగం సమాలోచనలు చేసినప్పటికీ కోదండరాం మాత్రం నేను జేఏసీ లోనే కొనసాగుతానని స్పష్టం చేశారు. కాని ఆతర్వాత అందరి పట్ల సహృదయ భావంతో మెదిలిన కేసీఆర్ ఉస్మానియా విద్యార్థుల పట్ల మాత్రం వివక్షతను చూపుతూ వచ్చారు. అప్పటినుంచి ఉస్మానియా విద్యార్థులు కేసీఆర్ పట్ల కఠిన వైఖరిని చూపుతూ వస్తున్నారు.
అయితే, కోదండరాం వృత్తి పరంగా ఉస్మానియా విశ్వవిద్యాలయంలో ప్రొఫెసర్ గా పనిచేసిన ఆయన ఆక్కడి విద్యార్థులతో సాన్నిహిత్యం తో మెదిలేవారు. ఉస్మానియా విద్యార్థుల పట్ల కఠినంగా వ్యవహరిస్తున్న కేసీఆర్ ను దెబ్బ కొట్టాలంటే ఉన్న ఏకైక ఆయుధం కోదండరాం. అందుకే విద్యార్థులంతా ఆయన వెనక ఉండి మరీ ఆయన్ని కేసీఆర్ పైకి ఉసుగోల్పుతున్నారు. విద్యార్థుల ఆశయాలు, ఆకాంక్షలకు అనుగుణంగా ఆయన నడుస్తున్నట్లు తెలుస్తోంది. ఇప్పటికైనా కేసీఆర్ విద్యార్థుల పట్ల సాన్నిహిత్యం తో మెదిలితే వీరి నుండి గూడా కేసీఆర్ ప్రశంసల వర్షం కురిసి తిరుగులేని నాయకుడిగా రాణిస్తారని రాజకీయ విశ్లేషకులు అభిప్రాయపడుతున్నారు.

09/04/2016

ఉచితం బాబు ఉచితం అంతా ఉచితం...!!

మీరు ఏదైనా ఐటెం కొనాలనుకుంటే కాస్త రెండు రోజులు ఆగండి ఏదైనా ప్రభుత్వం ఎన్నికల ప్రచారంలో భాగంగా ఆ ఐటెం ని మీకు ఏదో ఒక పార్టీ ఉచితంగా ఇవ్వబోదా...! ప్రస్తుతం ఇది సోషల్ మీడియాలో ప్రసారమవుతున్న హాస్యాత్మక కామెంట్స్. ఇది వినడానికి హాస్యాస్పందంగా ఉన్నా ఇందులో నిజం కూడా ఉన్న విషయాన్ని గ్రహించాలి. త్వరలో జరగనున్న ఐదు రాష్ట్రాల ఎన్నికల సమరంలో భాగంగా ఆయా రాష్ట్రాల్లో పోటీ చేస్తున్న పార్టీలన్నీ అధికారమే లక్ష్యంగా ప్రచారాలను హోరెత్తిస్తున్నాయి.

సామాన్య ప్రజల ఓట్లను రాబట్టుకోవడానికి ఎలాంటి హామీలకైనా ఓకే చెప్పేస్తున్నాయి. రాష్ట్ర ఆర్ధిక పరిస్థితిని, రాష్ట్ర భవిష్యత్తును తుంగలో తొక్కి అధికార దాహంతో ప్రతీ వస్తువును ఉచితంగా అందించడానికి సిద్ధమవుతున్నాయి రాష్ట్ర ప్రభుత్వాలు. ఉండడానికి ఇళ్లు, వంటకు గ్యాసు, సబ్సిడీపై ఆహార పదార్థాలు, అన్ని విధాలా ఆదుకోవడానికి సంక్షేమ పథకాలు, ఉప్పు, కారం , నునే, పప్పులు,కూలర్లు, గ్యాస్ స్టవ్ లు, టీవీలు ఇలా ఒకటేమిటి ఏది తోచితే అది ఉచితంగా ఇచ్చేస్తామంటున్నారు. వీరికి ప్రజల సంక్షేమపై ఉన్నట్టుండి ఇంత ప్రేమ ఎందుకు అని అవాక్కవుతున్నారా..?

ఈ కపట ప్రేమలన్నీ కేవలం అధికారం కోసమే. ఎలాగైనా ఉన్న అధికారాన్ని నిలుపుకోవాలని అధికార పక్షం, ఎలాగైనా ఈ సారి అధికారాన్ని చేపట్టాలని ప్రతిపక్షాలు అమీ తుమీ అంటూ ఎన్నికల సమరానికి సన్నద్ధం అవుతున్నాయి. ఇలా ఎలా పడితే అలా ఇస్తున్న హామీల వల్ల ప్రభుత్వాలు అప్పుల ఊబిలోకి నెట్టబడుతున్నాయి. ఇప్పటికే లక్షలకోట్లు అప్పుల్లో ఉన్న రాష్ట్రాలను అధికారంకోసం రాష్ట్రాల భవిష్యత్తునే ప్రశ్నార్థకంగా మారుస్తున్నాయి. మరి ప్రజలు ఇప్పటికైనా వాస్తవాలను గమనించి రాష్ట్రాల ప్రయోజనార్థం పరిస్థితులను జాగ్రత్తగా గమనించి ఏ పార్టీ అయితే తమకు ఇలాంటి లోటు రాకుండా చుసుకొంతుందో ఆ పార్టీకే ఓటు వేయాల్సిందిగా అందరూ ప్రతిన బూనాలి.

06/04/2016

కాసులకోసం కక్కుర్తి పడుతున్న ‘కాసు’పత్రులు...!!

వైద్యో నారాయణో హరి అన్నారు పెద్దలు. అంటే వైద్యులు భగవంతుడితో సమానం అని అర్థం. అయితే ఇది ఒకప్పటి మాట. కానీ ఇప్పుడు దాని అర్థం మారింది. ప్రజల ప్రాణాలను కాపాడాల్సిన వైద్యులే వారి ప్రాణాలతో చెలగాటం ఆడుతున్నారు. కాసుల కోసం కక్కుర్తి పడి ఆవసరం లేకున్నా ఒక వేల ఆవసరం అయినా నియమ నిబంధనలు తుంగలో తొక్కి మరీ అక్రమాలకూ పాల్పడుతున్నారు. ప్రభుత్వ ఆసుపత్రుల్లో చికిత్స సరిగా అందదని భావించే వారంతా చికిత్స కోసం ప్రైవేట్ ఆసుపత్రులను ఆశ్రయిస్తున్నారు. దొరికిందే అదనుగా వైద్యులు అడ్డగోలు పరీక్షల పేరిట వీరి జేబుకు చిల్లు పెడుతున్నారు.

ఏదైనా ఆపరేషన్ అయితే మాత్రం పేషెంట్ తల్లిదండ్రులు ఆస్తులను అమ్ముకోవాల్సిన పరిస్థితి దాపురించింది. అడ్డాగోలుగా ఎలాంటి నియనిబంధనలు పాటించకుండా ఛార్జీల భారాన్ని వారిపై మోపుతున్నారు. కాసుల కోసం కక్కుర్తిపడి ఆవసరం లేని చికిత్సలన్నీ చేసి అడ్డగోలుగా ఫీజులు వసూలు చేస్తున్నారు. ఇటీవల ఈ తంతు ఎదేచ్చగా సాగుతోంది. ఆసుపత్రుల వ్యాపారం మూడు పువ్వులు ఆరు కాయలు అన్న చందండా విరాజిల్లుతుంది. అవినీతికి అలవాటి పడిన రాభుత్వ అధికారులు, పడకేసిన పర్యవేక్షణ విధానం, ప్రభుత్వాల అలసత్వం, పైగా రాజకీయ నాయకుల పెట్టుబడులు ఇందులో ప్రధానంగా ఉండటం. ఫలితంగా రాజకీయ అండదండలతో అనేకా క్రమాలకు నిలయంగా మారుతున్నాయి ప్రైవేట్ ఆసుపత్రులు.

ఇటీవల జరిగిన సఘతనలే దీనికి ప్రత్యేక్ష నిదర్శనాలు. నిన్న జరిగిన గ్లోబల్ ఆసుపత్రి వ్యవహారం చూస్తే అందరికీ ఆశ్చర్యం వేయాల్సిందే. ఎలాంటి నియనిబందనలు లేకుండా, కనీసం వారి తల్లిదండ్రులకు సమాచారాన్ని సైతం ఇవ్వకుండా వైద్యులు బాధితునికి శాస్త్ర చికిత్సను అందించడం పట్ల సభ్య సమాజం ఆశ్చర్యానికి లోనైంది. ఇలాంటి తంతు రోజుకొకటి బయటపడుతుంది. దీనిపై ప్రభుత్వం ఇప్పటికైనా స్పందించాల్సిన ఆవసరం ఎంతైనా ఉంది. కొంత మంది వైద్యులు ఎక్కడెక్కడ అవకాశం ఉంటె అక్కడక్కడ డబ్బులు సంపాదించడానికి ప్రలోభాలకు పాల్పడతారు. ఈ అరాచక పరిస్థితులను పర్యవేక్షించే, విచారించే వ్యవస్థను ప్రభుత్వం ఏర్పాటు చేయాలి. ఆరోపణలు ఉన్న కార్పోరేట్ ఆసుపత్రులకు తాఖీదులు ఇవ్వడం, ఆదాయ వ్యయాలపై తనిఖీలు నిర్వహించడం వంటివి చేస్తే వైద్యులకు ఇచ్చే ముడుపుల వ్యవహారం ఇట్టే బయటపడుతుంది.

06/04/2016

అవ్వ.. దేశ ప్రతిష్టతనే మంటగలిపిన మన పద్మాలు...!!

సామాజిక, శాస్త్రీయ, పరిశోధన, సాంఘిక, సేవా, వ్యాపార, వాణిజ్య, రాజకీయ తదితర రంగాల్లో అత్యుత్తమ ప్రతిభ కనపరిచి, ప్రాజలకు సేవచేయడమే లక్ష్యంగా భావించిన వారికి భారత ప్రభుత్వం పద్మ అవార్డులను బహుకరిస్తుంది. మరి అంతటి ఘన చరిత్ర కలిగిన వ్యక్తులను ఎవరు మాత్రం ఆదర్శంగా తీసుకోరు...! ఎవరికి మాత్రం వారి బాటలోనే నడవాలని ఉండదు...! ఇది వెనకటి ముచ్చట. ప్రస్తుతం ట్రెండ్ మారింది. ఎన్ని విజయాలను సాధిస్తే అన్ని అక్రమాలకూ పాల్పడుతున్నారు మన సెలబ్రిటీలు. అధికారాన్ని, హోదాని, గౌరవాన్ని అడ్డం పెట్టుకొని అడ్డగోలు కార్యక్రమాలకు పాల్పడుతున్నారు.

దీనికి ప్రత్యక్ష నిదర్శనమే ఈ సంఘటన. పనామా పేపర్స్‌లో ఉన్న డబ్బులు దాచుకున్న కుబేరుల జాబితా సంచలనం సృష్టిస్తోంది. ఈ లిస్ట్‌లో భారత్‌కు చెందిన పలువురు సెలబ్రిటీలు ఉండటం విస్మయం కలిగిస్తోంది. ఈ విషయంపై పూర్తి స్థాయి పరిశోధన జరగడానికి కేంద్ర ప్రభుత్వం ఒక మల్టీ ఏజెన్సీ టీంను నియమించాలని నిర్ణయించింది. అయితే ఈ పనామా జాబితాలో దేశం గర్వించదగ్గ వ్యక్తులనుకుంటున్న పద్మా అవార్డులు పొందిన పలువురు ఉండటం చాలా బాధాకరం. ఇదే విషయాన్ని జెడి(యూ) అధినేత శరద్ యాదవ్ గవర్నమెంట్‌ను ప్రశ్నించారు. ఇలాంటి వ్యక్తుల నలుపు వ్యక్తిత్వాన్ని గుర్తించకపోవడం ప్రభుత్వ వైఫల్యంగా ఎత్తిచూపారాయన.

అయితే వీటిలో తెలుగు పద్మాలు కూడా చేరారు. అక్రమంగా సొమ్మును కూడబెట్టిన వారిలో ఎందరో భారతీయ తెలుగు పద్మ అవార్డు గ్రహీతలు ఉన్నట్టు సమాచారం. పలువురు కార్పోరేటర్లను కూడా ఆయన తప్పుబట్టారు. 1990ల్లో సంత్సరానికి 2 కోట్ల టర్నోవర్ మాత్రమే ఉండే కొందరు ఇప్పుడు 2లక్షల కోట్లకు పడగలెత్తారని దుయ్యబట్టారు. గవర్నమెంట్ ఎప్పుడైనా వీళ్ల సంపదపై లెక్క అడిగిందా? ప్రభుత్వ సహాయం లేకుండా ఇంత డబ్బు సంపాదించడం కష్టమని సామాన్యునికి కూడా తెలుస్తోందన్నారు. చూసీ చూడనట్టు ఉండటమే దీనికి కారణమని కేంద్ర ప్రభుత్వాన్ని తప్పుబట్టారాయన. ఈ నల్లధనం విషయాన్ని తేల్చడానికి సుప్రీంకోర్టు పర్యవేక్షణలో ఉన్న సిట్ కూడా పరిశోధన చేస్తోంది.

06/04/2016

పనామా పార్ట్ 2 లీక్ తో గుండెల్లో గుబులు...!!

ప్రపంచవ్యాప్తంగా రాజకీయ నాయకులు, సెలబ్రిటీలు, వ్యాపారవేత్తలు తమ దేశాలను వదిలి పన్ను స్వర్గాల్లాంటి విదేశాల్లో డమ్మీ కంపెనీలు పెట్టి, వాటిలోకి ఇన్వెస్ట్‌మెంట్లు తరలించిన వ్యవహారంలో భారతీయులకు సంబంధించి మంగళవారం మరో జాబితా బయట పడింది. ఈ దర్యాప్తు సాగించిన ఇంటర్నేషనల్ కన్సార్షియం ఆఫ్ ఇన్వెస్టిగేటివ్ జర్నలిస్ట్స్ (ఐసీఐజే)లో భాగంగా ఉన్న ఇండియన్ ఎక్స్‌ప్రెస్ పత్రిక ఈ రెండో జాబితాను ప్రచురించింది. దీన్లో నగల వర్తకులు, వ్యాపారవేత్తలు ఉన్నారు. వారి వివరాలు చూస్తే...

వినోద్‌ రామ్‌చంద్ర జాదవ్‌
బ్రిటిష్‌ వర్జిన్‌ ఐలాండ్స్‌లో పలు సంస్థలున్నాయి. పుణెలోని సవా హెల్త్‌కేర్‌ సంస్థకు ఛైర్మన్‌గా వ్యవహరిస్తున్న వినోద్‌.. పలు ఆఫ్‌షోర్‌ కంపెనీల్లో షేర్‌ హోల్డర్‌గా.. డైరెక్టరుగా ఉన్నారు. వాటిల్లో 2010 నుంచి 2015 మధ్యలో స్థాపించినవే ఎక్కువగా ఉన్నట్లు చెబుతున్నారు.
స్పందన: అన్ని గ్లోబల్‌ కంపెనీల ఆదాయ వివరాలను రిజిస్ట్రార్‌ ఆఫ్‌ కంపెనీస్‌కి సమర్పించాం. కానీ గతేడాది ఇవ్వలేదు. ఇప్పటి వరకూ ఏ వివరాలను రహస్యంగా ఉంచలేదు.
అశోక్‌ మల్హోత్రా
బ్రిటిష్‌ వర్జిన్‌ ఐలాండ్స్‌లోని ఈ అండ్‌ పీ ఆన్‌లుకర్స్‌ లిమిటెడ్‌ సంస్థకు షేర్‌ హోల్డర్‌గా.. డైరెక్టర్‌గా ఉన్నారు. 2008 సెప్టెంబర్‌ 25న ఈ సంస్థను స్థాపించినట్లు పనామా పేపర్స్‌ వెల్లడిస్తున్నాయి.
స్పందన: షేర్లు ట్రాన్స్‌ఫర్‌ అయ్యినా.. నాకు గుర్తు లేదు. అది చాలా ఏళ్ల క్రితం జరిగింది. అప్పుడే షేర్లన్నీ అమ్మేశాం.
రంజీవ్‌ దహుజా, కపిల్‌ సైన్‌ గోయల్‌
బ్రిటిష్‌ వర్జిన్‌ ఐలాండ్స్‌లో ఉన్న బీల్స్‌ ఇంటర్నేషనల్‌ కార్ప్‌ సంస్థకు డైరెక్టర్లుగా ఉన్నారు. 2012 జూన్‌లో ప్రారంభించిన ఈ కంపెనీలో వీళ్లు 5000 షేర్లు కలిగి ఉన్నారు.
స్పందన: ‘‘మేము కొన్ని సంవత్సరాల క్రితం ఈ కంపెనీని ప్రారంభించాం. కానీ.. ఇప్పటి వరకూ ఒక్క పని కూడా చేయలేదు. కొందరు తప్పుదారి పట్టించడం వల్ల ఆ కంపెనీని స్థాపించాల్సి వచ్చింది’’ అని కపిల్‌ సైన్‌ గోయల్‌ అన్నారు.
వివేక్‌ జైన్‌
బ్రిటిష్‌ వర్జిన్‌ ఐలాండ్స్‌లోని ‘సాక్వినవ్‌ గ్లోబల్‌ ఎస్‌ఏ’కు డైరెక్టర్‌గా.. హాంకాంగ్‌లో ఉన్న రేడియంట్‌ వరల్డ్‌ హోల్డింగ్స్‌లో షేర్లు కలిగి ఉన్నారు.
స్పందన: ‘‘ఈ కంపెనీలు ఉన్నట్లు నాకు ఐడియా లేదు. నా పేరు.. అడ్రస్‌తో కంపెనీ రిజిస్టరై ఉంటే నాకు తెలిసి ఉండేది’’ అని వివేక్‌ జైన్‌ అన్నారు.
అశ్వని కుమార్‌ మెహతా
1999 నుంచి ఇతని కుటుంబ సభ్యుల పేర్లతో కరీబియన్‌ దీవులు.. బ్రిటిష్‌ వర్జిన్‌ దీవుల్లో 7 ఆఫ్‌షోర్‌ సంస్థలు రిజిస్టరై ఉన్నట్లు తేలింది. మెహతా.. అతని భార్య.. ఇద్దరు కుమారుల పేరుమీదే కాకుండా.. కోడళ్లను డైరెక్టర్లుగా పేర్కొన్నట్లు మొసాక్‌ ఫొన్సెకా పత్రాల్లో వెల్లడైంది.
వారి స్పందన: ‘మాకు స్టోన్‌బై ఇంటర్నేషనల్‌ లిమిటెడ్‌.. మ్యాక్స్‌హిల్‌ లిమిటెడ్‌ కంపెనీల్లో షేర్లు ఉన్నాయి. కానీ.. పెట్టుబడులు అన్నీ సాధారణ బ్యాంకు లావాదేవీల ద్వారానే పెట్టాం. ఆ వివరాలను మా ఐటీ రిటర్న్స్‌లోనూ చూపించాం’.
అనురాగ్‌ కేజ్రీవాల్‌(లోక్‌సత్తా పార్టీ దిల్లీ మాజీ అధ్యక్షుడు)
బ్రిటిష్‌ వర్జిన్‌ దీవుల్లో కనీసం మూడు సంస్థలు.. పనామాలో రెండు ప్రైవేటు ఫౌండేషన్లకు ఇతను డైరెక్టరుగా ఉన్నట్లు రికార్డులు చెబుతున్నాయి. నెవింగ్టన్‌ గ్రూప్‌ ట్రేడింగ్‌ లిమిటెడ్‌.. నెడ్‌స్టార్‌ కమర్షియల్‌ లిమిటెడ్‌.. క్రిమ్స్‌ ఇన్వెస్టిమెంట్స్‌ ఇన్‌కార్పొరేట్‌ అనే సంస్థలు బ్రిటిష్‌ వర్జిన్‌ ఐలాండ్స్‌లో రిజిస్టరై ఉన్నట్లు తెలిసింది.
స్పందన: తాను వ్యాపారవేత్తనని, ఐరన్‌ ఓర్‌ బిజినెస్‌ చేస్తానని అనురాగ్‌ తెలిపారు. మంచిమార్గంలోనే కమిషన్‌ పొందామన్నారు. చార్టర్డ్‌ అకౌంటెంట్‌ సాయంతో ఈ సంస్థలు ఏర్పాటుచేసినా వాటివల్ల సమస్యలు వస్తాయని త్వరగానే అర్థమైందన్నారు. భారతీయ రిజర్వు బ్యాంకు నియమనిబంధనల గురించి చెప్పుకొస్తూ తమ వద్ద స్ట్రాంగ్‌ కేపిటల్‌ బేస్‌ లేనందువల్ల రెండు ఫౌండేషన్లను త్వరగానే మూసేశామని ఆయన చెప్పారు.
గౌతమ్‌ మరియు కరన్‌ థాపర్‌
క్రాంప్టన్‌ గ్రీవ్స్‌ సంస్థకు చెందిన వీళ్లకు పనామాలో చార్ల్‌వుడ్‌.. నికామ్‌ ఇంటర్నేషనల్‌ ఫౌండేషన్లు ఉన్నాయి. 2005 జులైలో చార్ల్‌వుడ్‌ ఫౌండేషన్‌ను 10వేల అమెరికన్‌ డాలర్లతో ప్రారంభించినట్లు పత్రాల్లో తేలింది. అదే ఏడాది అక్టోబర్‌లో నికామ్‌ ఇంటర్నేషనల్‌ను కూడా స్థాపించారు.
స్పందన: గౌతమ్‌ థాపర్‌ తరఫున ఆయన ప్రతినిధి మాట్లాడుతూ.. థాపర్‌ ఎలాంటి ఫౌండేషన్‌ను ప్రారంభించలేదు. ఒక్క ఆఫ్‌షోర్‌ కంపెనీలోనూ ఆయనకు షేర్లు/భాగస్వామ్యం లేవు. జర్మన్‌ పౌరసత్వం ఉన్న అతని భార్య మాత్రం చార్ల్‌వుడ్‌ ఫౌండేషన్‌లో లబ్ధిదారుగా ఉన్నారు.. అని చెప్పారు.
సతీష్‌ గోవింద్‌ సాంతాని, విష్లావ్‌ బహదూర్‌, హరీశ్‌ మొహ్నాని
బ్రిటిష్‌ వర్జిన్‌ ఐలాండ్స్‌లో రెండు సంస్థలకు ఈ ముగ్గురు డైరెక్టర్లుగా ఉన్నారు. 2008 డిసెంబర్‌ 4న డిజైన్‌ అండ్‌ క్వాలిటీ లిమిటెడ్‌, 2007 నవంబర్‌లో త్రిలియాన్‌ లిమిటెడ్‌ అనే ఆఫ్‌షోర్‌ కంపెనీలను ప్రారంభించారు.
స్పందన: ‘‘చైనా నుంచి దుస్తులు.. ఇతర సరుకులను రవాణా చేసేందుకు ఆ రెండు సంస్థలను స్థాపించాం. మూడు సంవత్సరాలు నడిపిన తర్వాత మూసివేశాం’’ అని విష్లావ్‌ బహదూర్‌ అన్నారు.
గౌతమ్‌ సీంగల్‌
400 మిలియన్‌ డాలర్ల ప్రైవేటు ఈక్విటీ ఫండ్‌తో లింకప్‌ ఉన్నట్లు తేలింది. అలాగే.. అతని పేరుతోనే మరో రెండు ఆఫ్‌షోర్‌ సంస్థలు కూడా రిజిస్టరై ఉన్నాయి. బ్రిటిష్‌ వర్జిన్‌ ఐలాండ్స్‌లో ఐమీడియా వెంచర్స్‌ లిమిటెడ్‌ను 2006లో ప్రారంభించాడు. దాన్ని 2009 నవంబర్‌లో జెఫ్‌ మోర్గాన్‌ క్యాపిటల్‌ లిమిటెడ్‌గా పేరు మార్చారు.
స్పందన: నాకు ఆ ఆఫ్‌షోర్‌ సంస్థలతో సంబంధం లేదు. అవి.. మా నాన్నకు చెందినవి. కుటుంబం నుంచి విడిపోయాక.. ఆ కంపెనీలకు చాలా దూరంగా ఉంటున్నా. అవి కూడా ప్రస్తుతం మూతపడ్డాయనుకుంటున్నాను.
ప్రకాశ్‌ సంఖ్లా
మధ్యప్రదేశ్‌కు చెందిన రిటైర్డ్‌ ఉద్యోగి అయిన ప్రకాశ్‌ సంఖ్లాకు పనామాలో లోటస్‌ హారిజాన్‌ ఎస్‌ఏ అనే సంస్థ ఉంది. అందులో ఆయన కుమార్తెలు డైరెక్టర్లుగా వ్యవహరిస్తున్నట్లు తెలిసంది.
‘‘నా అల్లుడు పెద్ద బిజినెస్‌ మ్యాన్‌. నిత్యం వివిధ దేశాలు తిరుగుతుంటాడు. అతనికి యూఎస్‌.. కెనడాలో వ్యాపార సంబంధాలు ఉన్నాయి. ఆయన సంస్థల్లో నేను ఒక్క పైసా కూడా పెట్టుబడిగా పెట్టలేదు’’ అని సంఖ్లా అన్నారు.

06/04/2016

సహనంతో ఏదైనా సాధించొచ్చు….!

ఉద్యోగం చేసేచోట కోపాన్ని అదుపుచేసుకోలేకపోతే చిక్కుల్లో పడతాం. అది మీ కెరీర్‌పైనే కాదు, వ్యక్తిగత జీవితంపైన కూడా తీవ్ర ప్రభావం చూపిస్తుంది. కాబట్టి మనం సహనంగా ఉండటం అలవాటు చేసుకోవాలి. సహనం తో కూడిన ప్రయత్నం విజయాన్నే కాకుండా కీర్తి ప్రతిష్ఠతలను కూడా తెచ్చిపెడుతుంది. సహనాన్ని కోల్పోకుండా నిపుణులు కొన్ని సూచనలు చేస్తున్నారు. అవే ఇవి...

కారకాలేమిటో చూడండి: సహోద్యోగుల్లోని కొన్ని లక్షణాలూ, మాటలూ మనకి ఒక్కోసారి బాగా కోపాన్ని తెప్పిస్తుంటాయి. ముందు ఏ సందర్భాల్లో, ఎలాంటి అంశాలు మీకు కోపం తెప్పిస్తాయో గుర్తించండి.

వూహించండి: మీకు కోపం తెప్పించే సందర్భాలని ముందుగానే మీ మనసులో వూహించుకోండి. దీనివల్ల ఎదుటివాళ్లు మిమ్మల్ని ఎంతగా రెచ్చగొట్టినా సహనంగానే ఉన్నట్టు మనసులో వూహాచిత్రం గీసుకోండి. ఇలా వూహించడం వల్ల నిజంగానే ఆ సందర్భాలు వచ్చినప్పుడు వాటిని ధైర్యంగా ఎదుర్కొంటారు.

ఒకటీ, రెండూ: ఇది చాలా పాత సూచన. కోపం వచ్చినప్పుడు పదిదాకా లెక్కించడం.. నిజంగానే మిమ్మల్ని అదుపులో పెడుతుంది. దానికి శ్వాస నియంత్రణనీ జతచేయండి. ఒకటీ, రెండూ.. లెక్కిస్తున్నప్పుడల్లా చిరునవ్వు దానందటదేే మీ మొహంపై కదలాడుతుంది.

లెక్కించండి: మీ ఉద్వేగాలకు సంబంధించి ఓ చిన్న డైరీ ఏర్పాటుచేసుకోండి. ఇందులో మీరు రాయనక్కర్లేదు. ఒక రోజులో, వారంలో, నెలలో మీరు కోపం వచ్చినప్పుడల్లా అందులో ఖటిక్‌గ మార్కు పెట్టండి. అది మీ ఉద్వేగానికి సంబంధించిన చార్ట్‌! మెల్లగా వాటిని తగ్గించుకునేందుకు ప్రయత్నించండి.. చాలు!

06/04/2016

టీడీపీనే కాదు, వైసీపీ ని కూడా ఖాళీ చేయిస్తారట...!!

ఈ రోజుల్లో అధికారంలోకి రావడం ఎంత ముఖ్యమో ఆ అధికారాన్ని కాపాడడం కూడా అంతే ముఖ్యం. యుప్పుడు ఎక్కడ సందు దొరుకుతుందా, ఎప్పుడు ప్రభుత్వంపై విమర్శల వర్షం కురిపిద్దామా అని మాటువేసుకొని కూర్చొన్న ప్రతిపక్షాలను సమర్థవంతంగా ఎదుర్కోవడం కూడ ఇప్పుడు ఒక కలే. ఆంధ్రప్రదేశ్ రాష్ట్రం తో పోల్చుకుంటే అక్కడ ఉన్న ప్రతిపక్ష పోరుతో పోల్చుకుంటే ఇక్కడ పోరు తక్కువే. ప్రధాన ప్రతిపక్షమైన కాంగ్రెస్ పార్టీ కూడా అధికార పార్టీపై అంతగా వ్యతిరేకతను కూడా వ్యక్తం చేయట్లేదు.

ప్రస్తుతం తెలంగాణ రాష్ట్రంలో టీఆర్ఎస్ ప్రభుత్వం పై ఎక్కువగా రుసరుసలాడే పార్టీ ఏందంటే మాత్రం టక్కున వచ్చే సమాధానం టీడీపీ పార్టీ అనే వస్తుంది. అయితే ఇటీవల కాలంలో సైకిల్ ప్రయాణం రుచించని ఎమ్మెల్యేలంతా కారు ప్రయాణమే బెస్ట్ అనుకోని కారెక్కేశారు. అయితే ఇప్పుడు సైకిల్ పార్టీలో మిగిలింది ఇద్దరు ఎమ్మెల్యే లు మాత్రమే. అయితే తెలంగాణ రాష్ట్రంలో దాదాపుగా తెలుగుదేశం పార్టీ కనుమరుగైనట్టే.

అయితే ఇక్కడ ఇంకో పార్టీ కూడా భవిష్యత్తులో టీఆర్ ఎస్ పై పోరుకు సిద్ధం అయ్యే అవకాశాలు కూడా ఇక్కడ లేకపోలేదు. ఆ పార్టీయే వైఎస్ఆర్సీపీ, జగన్ కి ఆంధ్రప్రదేశ్ రాష్ట్రంలో మంచి ఫ్యాన్ ఫాలోయింగ్ ఉంది. తెలంగాణ రాష్ట్రంలో కూడా జగన్ కి ఫ్యాన్స్ తక్కువేమీకాదు. అందుకే భవిష్యత్తులో ఈ పార్టీ నుండి ఎటువంటి అభ్యంతరాలు ఎదురువ్వకూడనే ఆలోచన ఉన్న టీఆర్ఎస్ పార్టీ వైసీపీ కి చెక్ పెట్టాలనే ఆలోచనలో ఉన్నట్లు సమాచారం. అందుకే తెలంగాణ వైయస్సార్ కాంగ్రెస్ పార్టీ రాష్ట్ర అధ్యక్షుడు, ఖమ్మం జిల్లా ఎంపీ పొంగులేటి శ్రీనివాస్ రెడ్డి టిఆర్ఎస్‌లో చేరుతున్నట్లు మీడియాలో వార్తలు వచ్చిన సంగతి తెలిసిందే. అయితే టీఆర్ఎస్‌లోకి ఎంపీ పొంగులేటి చేరడం వెనుక ఖమ్మం జిల్లాకు చెందిన అధికార టీఆర్ఎస్‌కు చెందిన మంత్రి తుమ్మల నాగేశ్వరరావు హస్తం ఉందని అంటున్నారు.

మంత్రి తుమ్మల నడిపిన రాజకీయ ఫలితమే తెలంగాణాలో వైసీపీకి ఉన్న ఏకైక ఎంపీ పొంగులేటి శ్రీనివాస్ రెడ్డి పార్టీ మారాలన్న ఆలోచనకు వచ్చినట్టు తెలుస్తోంది. ఆయనతో పాటు ఖమ్మం జిల్లాకు చెందిన పాయం వెంకటేశ్వర్లు సైతం పార్టీని వీడేందుకు సిద్ధమయ్యారు.

ప్రస్తుతం తెలంగాణలో వైసీపీకి ఒక ఎంపీ, ఒక ఎమ్మెల్యే ఉన్నారు. వీరిద్దరూ కూడా మంత్రి తుమ్మల నాగేశ్వరరావుకు అనుంగ శిష్యులు. ఆయనతో ఉన్న సాన్నిహిత్యం మేరకు వీరు టీఆర్ఎస్‌లో చేరనున్నట్లు తెలుస్తోంది. తన నియోజకవర్గ అభివృద్ధికి టీఆర్ఎస్ పార్టీ సరైన వేదిక అని పొంగులేటి అనుచరులు సైతం భావిస్తున్నట్లు సమాచారం. ఇప్పటికే పార్టీ మారే అంశంపై ముఖ్యనేతలతో పొంగులేటి చర్చలు జరుపుతున్నారు. అయితే దీనిపై బహిరంగ ప్రకటన చేయాల్సి ఉంది. ఖమ్మం ఎంపీగా ఉన్న పొంగులేటి పార్టీ మారిన పక్షంలో తెలంగాణలోని మిగతా వైసీపీ నేతలు సైతం పార్టీని వీడటం ఖాయంగా కనబడుతోంది. ఇదే జరిగే టీ టీడీపీ తరహాలోనే టీ వైసీపీ కూడా ఖాళీ కావడం తథ్యం.

05/04/2016

రంగులతో ఆరోగ్యం పొందండి ఇలా...!

నిద్రలేచింది మొదలు పడుకునే వరకు మనం తీసుకునే ఆహారంలో చాలా రకాల కాయగూరలు ఉంటాయి. అయితే ఇకపై వాటిని ఎంచుకునేముందు ఈ రంగులు ఉండేలా చూసుకోండి. ఈ రంగులున్న పండ్లూ, కాయగూరలు ఆరోగ్యాన్ని అందిస్తాయి. ఒక్కొక్క రంగు మన శరీర ధృడత్వానికి కోమలానికి ఉపయోగపడుతుందని నిపుణులు తెలుపుతున్నారు. వాటి వివరాలు...
నీలం, వూదా: ద్రాక్ష, వంకాయ, ఉల్లిపాయ, బీట్‌రూట్‌ లాంటివన్నీ K విటమిన్‌ని ఎక్కువగా అందిస్తాయి. యాంటీఆక్సిడెంట్లుగా పనిచేసే ఫ్లవనాయిడ్లు కూడా వీటినుంచి పొందవచ్చు. పైగా వీటిని ఎక్కువగా తీసుకోవడం వల్ల రక్తం చిక్కదనం ఎక్కువ అయ్యే అవకాశాలు ఎక్కువ. పైగా చర్మం కాంతివంతంగా కూడా మారుతుంది.
ఎరుపు: ఈ రంగు పేరు చెప్పగానే ముందుగా గుర్తొచ్చేవి టమాటోలు. అయితే వాటితోపాటూ స్ట్రాబెర్రీలూ, ఎరుపురంగు క్యాప్సికం లాంటివి తీసుకోగలిగితే శరీరానికి C విటమిన్‌ ఎక్కువగా అందుతుంది. ఈ పోషకం రోగనిరోధకశక్తిని పెంచడమే కాకుండా, గుండెకూ కూడా మేలుచేస్తుంది. ముఖ్యంగా టొమాటోల్లో ఉండే లైకోపీన్‌ చర్మం వార్థక్యం బారిన పడకుండా మనల్ని కాపాడుతుంది. వీటివల్ల పీచు పదార్దం కూడా అందుతుంది కాబట్టి జీర్ణవ్యవస్థ పనితీరు కూడా చాలా బాగుంటుంది.
కాషాయం: క్యారెట్లూ, గుమ్మడి, బొప్పాయి, ఇలాంటివన్నీ ఈ రంగులోనే ఉంటాయి. ఈ రంగు గుండెకు చాలా మేలుచేస్తుంది. ఈ రంగు ఉన్న కాయగూరలూ, పండ్లలో A, C విటమిన్లు మాత్రమే కాదు, బీటాకెరొటీన్‌ కూడా ఎక్కువగా అందుతుంది.
పసుపు: అరటిపండు, నిమ్మ, పసుపు రంగు క్యాప్సికం,అనాస, మొక్కజొన్న..లాంటివి ఈ రంగులోకే వస్తాయి. ఇవి యాంటీఆక్సిడెంట్లతోపాటూ బీటా కెరొటీన్‌, విటమిన్‌ సి పోషకాలు అందిస్తాయి. ఫలితంగా జీర్ణవ్యవస్థ పనితీరు మెరగుపడటమే కాదు, చర్మం ఆరోగ్యంగా మారుతుంది.
ఆకుపచ్చ: చర్మం, జుట్టూ ఆరోగ్యంగా ఉండేందుకూ, పీచుశాతం ఎక్కువగా అందేందుకూ ఈ రంగున్న కాయగూరలు ఎంచుకోవాలి. కీరదోస, పాలకూర లాంటి ఆకుకూరలూ, పచ్చిబఠాణీ లాంటివి ఆ కోవలోకే వస్తాయి.

05/04/2016

చెస్ మాస్టర్ కు హృదయనాథ్ పురస్కారం...!!

ఆయమ చెక్ పెట్టాడంటే ఎదుటివాడు ఎంతటివాడైనా నిష్క్రమించాల్సిందే. ఆయన ఎత్తు వేసాడంటే ఆ ఎత్తుకు చిత్తిపోవాల్సిందే. ఆయన తిరుగులేని ప్రపంచ విజేత. క్రికెట్ అభిమానులకు సచిన టెండూల్కర్ ఎలానో, అలాగే చెస్ అభిమానులకు దేవుడు విశ్వనాథ్ ఆనంద్ అలాగ. ప్రత్యర్థిని సైతం నివ్వర పెరిచేలా ఆడటం నిజంగా అమోఘం, అత్యద్భుతం. ఐదుసార్లు ప్రపంచ చెస్‌ ఛాంపియన్‌షిప్‌ గెలుచుకున్న విశ్వనాథన్‌ ఆనంద్‌ త్వరలో ప్రతిష్ఠాత్మక హృదయనాథ్‌ పురస్కారం అందుకోనున్నారు.

దేశంలో వివిధ రంగాల్లో ప్రత్యేక ప్రతిభ కనబరిచిన, విజయవంతమైన వ్యక్తులకు దీనిని అందజేస్తారు. పురస్కారం కింద రూ.2 లక్షల నగదు, జ్ఞాపిక ప్రదానం చేస్తారు. ఏప్రిల్‌ 12న జరిగే కార్యక్రమంలో మహారాష్ట్ర గవర్నర్‌ విద్యాసాగర్‌ రావు చేతుల మీదుగా అవార్డుప్రదానం జరుగుతుంది. పలువురు చెస్‌ క్రీడాకారులను కూడా ఈ సందర్భంగా సన్మానించనున్నారు. 1969 డిసెంబర్‌ 11న జన్మించిన ఆనంద్‌ 1988లో భారత తొలి గ్రాండ్‌మాస్టర్‌ అయ్యారు. 2000-2002 వరకు ఫిడే ప్రపంచ చెస్‌ ఛాంపియన్‌షిప్‌ గెలుచుకుని, 2007లో ప్రపంచ ఛాంపియన్‌గా ఆవిర్భవించాడు.

గతమో ఈ పురస్కారాన్ని పొందిన వారిలో లతా మంగేష్కర్‌, బాబా సాహెబ్‌ పురందరె, ఆశా భోంస్లే, అమితాబ్‌ బచ్చన్‌, హరిప్రసాద్‌ చౌరాసియా, ఏఆర్‌ రెహమాన్‌ వంటి ప్రముఖులు ఉన్నారు. కార్యక్రమానికి మహారాష్ట్ర సాంస్కృతిక శాఖ మంత్రి వినోద్‌ తవడె, పండిట్‌ హృదయనాథ్‌ మంగేష్కర్‌, బాలీవుడ్‌ హీరో ఆమిర్‌ఖాన్‌ హాజరవుతారు. ప్రపంచ చెస్ చరిత్రలో ఒక కలికితురాయి అయిన విశ్వనాథ్ ఆనంద్ను ఈ అవార్డ్ ప్రసాదించడం పట్ల చెస్ అభిమానులు, భారత ప్రజలు హర్షం వ్యక్తం చేస్తున్నారు.

05/04/2016

హైదరాబాద్ ను నాన్ పాయిజన్ సిటీగా మార్చేస్తా...!!

తెలంగాణ ఉద్యమ సమయంలో హైదరాబాద్ ను క్లీన్ అండ్ గ్రీన్ సిటీగా మారుస్తామని హామీ ఇచ్చిన కసీఆర్ ఆ దిశగా కార్యాచరణను ప్రారంభంచారు. ప్రస్తుతం హైదరాబాద్ లో కొన్ని ప్రాంతాలు తప్పితే మిగతా ప్రాంతాలన్నీ మురికివాడలకు నిలయంగా మారాయనే సంగతి మనందరికీ తెలిసిందే. అయితే వీటిని చక్కదిద్దడానికి కొన్ని వేల కోట్ల రూపాయలతో పాటు పటిష్టమైన ప్రణాళికా, అంకితభావం చాల అవసరం. అయితే ఈ దిశగా ప్రణాళికలను రచించడానికి సిద్ధమవుతుంది తెలంగాణ అధికార యంత్రాంగం.

ప్రస్తుత హైదరాబాద్ అపారిశుధ్యంతో పూర్తిగా విషవలయంలో చిక్కుకుందని, దీన్నించి నగర ప్రజలను బయట పడేయాలి. నగరం ఎట్లుండేది, ఎట్లుండాలనే అంశాలను బేరీజు వేసుకుని కార్యాచరణ రూపొందించుకోవాలి’’ అని ముఖ్యమంత్రి కె.చంద్రశేఖర్‌రావు అభిప్రాయపడ్డారు. ప్రతి ఐదు వేల మందికి ఒక ప్రజా కమిటీ పనిచేసేలా చర్యలు తీసుకోవాలన్నారు. జీహెచ్‌ఎంసీలో భాగంగానే కంటోన్మెంట్‌నూ అభివద్ధి చేయండి’’ అని అధికారులను ఆదేశించారు. జీహెచ్‌ఎంసీతో పాటు పురపాలక శాఖపై కేసీఆర్ సోమవారం క్యాంపు కార్యాలయంలో సమీక్షనిర్వహించారు. ఉప ముఖ్యమంత్రి కడియ శ్రీహరి, పురపాలక మంత్రి కె.తారక రామారావు, మంత్రులు నాయిని నర్సింహరెడ్డి, తలసాని శ్రీనివాస యాదవ్, పద్మారావు గౌడ్, ఉన్నతాధికారులు పాల్గొన్నారు.

జీహెచ్‌ఎంసీ ఎన్నికల్లో ప్రజలు ఓ సునామీలా ఓట్లేసి టీఆర్‌ఎస్ పార్టీని గెలిపించారని, వారందరి నమ్మకాన్ని నిలబెట్టేల పని చేయాలని ఈ సందర్భంగా సీఎం సూచించారు. ప్రజాప్రతినిధులు తమ బాధ్యతలు గుర్తెరిగి ప్రజల కోసం పనిచేయాలన్నారు. నగరంతో పాటు అందులో విలీనమైన మున్సిపాలిటీల అభివద్ధికి ప్రణాళికలు సిద్ధం కావాలి. మంజూరైన మల్టీ లెవల్ ఫ్లై ఓవర్లు, బస్ బేస్, మార్కెట్లు, పబ్లిక్ టాయిలెట్లు, శ్మశానవాటికల నిర్మాణ పనుల పురోగతిపై దృష్టి పెట్టండి. హైదరాబాద్‌ను మురికివాడల రహిత నగరంగా మార్చే ప్రణాళికను అమలు చేయండి. ప్రతి ఐదు వేల మందికి ఒక ప్రజా కమిటీ పనిచేసేలా చర్యలు తీసుకోవాలన్నారు.

గత ప్రభుత్వాల విధానాల వల్ల జీహెచ్‌ఎంసీ ఆర్థిక పరిస్థితి దిగజారిందని ఈ సందర్భంగా సీఎం అన్నారు. వ్యయ ప్రయాసలకోర్చి కరెంటు ఇస్తున్నామని, ఈ విషయాన్ని పారిశ్రామికవేత్తలకు విడమరిచి వారి లో విశ్వాసం నింపాలని చెప్పారు. ‘‘జీహెచ్‌ఎంసీలో ప్రతి నియోజకవర్గంలో 4,700 డబుల్ బెడ్రూం ఇళ్లు కట్టిస్తామని చెప్పాం. ఇది ఫలించాలంటే ఎమ్మెల్యేలు, కార్పొరేటర్లు కలిసి పనిచేయాలి. అలాగని ప్రతిజ్ఞ చేయాలి. టీం వర్క్ చేయాలి. బృందాలుగా ఏర్పడి హైదరాబాద్‌లో జరగాల్సిన, జరుగుతున్న పనులను పర్యవేక్షించాలి. అందరం కలిస్తే ఏదైనా చేయవచ్చు’’ అని పిలుపునిచ్చారు.

భావి అవసరాలకు తగ్గట్లు హైదరాబాద్‌ను తీర్చిదిద్దాల్సిన తక్షణ కర్తవ్యం నగర కార్పొరేటర్లు, ప్రజాప్రతినిధులపై ఉం దని సీఎం అన్నారు. చిత్తశుద్ధి, అంకితభావంతో పనిచేయాలని కార్పొరేటర్లకు సూచించారు. ఈ నెల 11, 12 తేదీల్లో హైదరాబాద్ కార్పొరేటర్లకు, 13న వరంగల్, కరీంనగర్, ఖమ్మం, నిజామాబాద్, రామగుండం కార్పొరేటర్లకు ‘ఆడ్మినిస్ట్రేటీవ్ స్టాఫ్ కాలేజీ ఆఫ్ ఇండియా’(ఆస్కీ) ఆధ్వర్యంలో ప్రగతి రిసార్ట్స్‌లో శిక్షణ ఇవ్వాలని నిర్ణయించా

05/04/2016

జయమ్మకు, కెప్టెన్ కు కాంగ్రెస్ భారీ షాక్: డీఎంకే తో పొత్తుకు సై...!!

ఒంటరిగా పోటీ చేయడం కంటే పొత్తులో పోటీ చేయడమే మేలని అనుకుంటున్నాయో ఏమో రాజకీయ పార్టీలు, అందుకే పొత్తులతో పోటీకి సై అంటూ కోతతరం రాజకీయ అంకానికి తెర లేపుతున్నాయి పార్టీలు. మినీ సార్వత్రిక ఎన్నికల సమరంలో భాగంగా గెలుపే లక్ష్యంగా పార్టీలన్నీ ఎత్తుల పొత్తుల వ్యుహల్లో మునిగిపోయాయి. తమిళనాట ప్రస్తుతం అధికారంలో ఉన్న జయమ్మకు చెక్ పెట్టడానికి ప్రతిపక్షాలు పెద్ద వ్యుహాలనే పన్నుతున్నాయి.

ఎలాగైనా అధికారాన్ని చేజిక్కించుకోడానికి తహతహలాడుతున్నాయి రాజకీయ పార్టీలు. ఇందులో భాగంగా ఒంటరిగా భరిలోకి దిగబోతున్న కెప్టెన్ కు చెక్ పెట్టడానికి కాంగ్రెస్ పార్టీ ప్రధాన ప్రతిపక్ష పార్టీ అయిన కరుణానిధి ఆధ్వర్యంలోని డీఎంకే పార్టీతో పొత్తు కుదుర్చుకుంది. సీట్ల పంపకాల విషయంలో ఇరు పార్టీల మధ్య ఏర్పడిన ప్రతిష్టంభనకు ఎట్టకేలకు తెరపడింది. కాంగ్రెస్ పార్టీ 41 స్థానాల్లో పోటీ చేయనుంది. ఈ మేరకు డీఎంకే, కాంగ్రెస్ పార్టీల మధ్య ఒప్పందం కుదిరింది.

ఏఐసీసీ నేత గులాం నబీ ఆజాద్ సోమవారం ఉదయం చెన్నైలో డీఎంకే చీఫ్‌ కరుణానిది నివాసానికి వెళ్లి సీట్ల పంపకాల విషయంపై చర్చించారు. సీట్ల విషయంలో కాంగ్రెస్ ఓ మెట్టు దిగగా, డీఎంకే బెట్టుసడలించింది. దీంతో కరుణతో ఆజాద్ చర్చలు ఫలించాయి. ఈ సమావేశంలో కరుణ కుమారుడు స్టాలిన్, తనయ కనిమొళి ఇతర పార్టీ నేతలు పాల్గొన్నారు. తమిళనాడు ఎన్నికల్లో అధికార అన్నాడీఎంకే, డీఎంకే కూటమి, డీఎండీకే చీఫ్ కెప్టెన్ విజయ్ కాంత్ సారథ్యంలోని పీపుల్స్ వెల్ఫేర్ ఫ్రంట్ పోటీ చేస్తున్నాయి. మరి ఈ పుత్తు ఫలించి కాంగ్రెస్ అధికారాన్ని చేపట్టే అవకాశాలు ఉన్నాయా అంటే మాత్రం కొంచెం కష్టమనే చెప్పవచ్చు. అయినా రాజకీయాల్లో ఎలాంటి మార్పులు సంభవిస్తాయో చెప్పడం చాలా కష్టమైనా విషయం. మరి ఫలితాలు మాత్రం ఏ విధంగా ఉండబోతున్నాయో చూడాలంటే ఎన్నికలు ముగిసేవరకు ఆగాల్సిందే.

05/04/2016

ముందేమో నీతి మాటలు.. వెనకేమో అవినీతి మూటలు...!!

నేటి కొత్త తరం రాజకీయ నాయకులు, సెలబ్రిటీలు కొంత పంథాను ఎంచుకొని ఎంచక్కా లైఫ్ ని ఎంజాయ్ చేస్తున్నారు. అందిన కాడికి దోచుకుందాం అన్న చందంగా ప్రస్తుతం వీరి తీరు కనిపిస్తోంది. వేరంతా చాలా కష్టపడి జీవితంలో ఉన్నత స్థానాలకు చేరుకొన్న వారే. ఈ రోజుల్లో ఎవరైనా ఎదిగే సమయంలో ఉన్న నీతి నిజాయితీ ఎదిగాక మాత్రం మర్చిపోతున్నారు. ప్రస్తుతం ట్రెండ్ మారింది సెలబ్రిటీ లుగా మారిన ఎవరైనా వారికి అధికారులతో, వ్యాపారులతో, రాజకీయ నాయకులతో ఇలా ఒకటేమిటి ఎందరితోనో పెరిగిన పరిచయాలు పైగా, ఏ తప్పు చేసినా ఎవరిని ఎలా ఒప్పించాలో తెలిసిన నేర్పు కూడా వీరి సొంతం.

ఇలా ఒక స్థాయికి చేరుకున్న తర్వాత ఎం చేసిన చెల్లుతుందనే ధీమా తో ఉన్న వీరు భారీ అవినీతి కార్యకలాపాలకు పాల్పడి, వేల కోట్ల సొమ్మును దోచుకొని విదేశాల్లో దాచుకుంటున్నారు. పైగా మీడియా ముందు, స్టేజ్ షోల్లో, వివిధ ప్రభుత్వ, ప్రైవేట్ కార్యక్రమాల్లో పాల్గొని నీతి మాటలు చెప్పడం ఈ రోజుల్లో మామూలైపోయింది. ఇప్పటివరకు నీతి కబుర్లు చెప్పిన ఎందరో సెలబ్రిటీలు, ప్రభుత్వ అధికారులు సైతం ఇప్పుడు ఊసలు లేక్కపెడుతున్నారు.

పనామాలో మొస్సాక్ ఫోన్సెకా సంస్థ నిన్న వెల్లడించిన వివరాలు చూస్తే కళ్ళు బైర్లు కమ్మక మానదు. ఈ సంస్థ జాబితాలో అమితాబ్, ఐశ్వర్యారాయ్, డీఎల్‌ఎఫ్ కేపీ సింగ్
నాయకులు, కార్పొరేట్లు సహా 500 మంది భారతీయుల పేర్లు
ప్రపంచవ్యాప్తంగా 140 మంది రాజకీయ నాయకులు
రష్యా అధ్యక్షుడు పుతిన్ సహా డజను మంది ప్రస్తుత, మాజీ దేశాధినేతలు
అమెరికా నిషేధించిన డ్రగ్ గ్యాంగులు, టైస్టు సంస్థలదీ ఇదే తీరు

ఇప్పటికైనా ప్రపంచ దేశాలు మొత్తం ఇలాంటి వీరిపై ప్రత్యేక నిఘా వ్యవస్థను ఏర్పాటు చేసి నిరంతరం వారిపై ఓ కన్నేసి ఉంచేలా ప్రపంచ దేశాలు అన్నీ చర్యలు తీసుకోవాలి. మన దేశంలో ఇలాంటి వారిపై ప్రత్యేక కమిటీని, ప్రత్యేక నిఘా వ్యవస్థని ఏర్పాటు చేసి వారి కార్యకలాపాలను నిరంతరం పర్యవేక్షించేలా కట్టు దిట్టమైన చర్యలు చేపట్టాలి. ఇలాంటి వారికి ముకుతాడు వేసే విధంగా చట్టపరమైన చర్యలు కేంద్ర ప్రభుత్వం తక్షణమే ఉపక్రమించాలి. లేకపోతే మన దేశంలో ప్రజాస్వామ్య బద్ధంగా పాలన కొనసాగుతోందా లేదా అన్న అనుమానం ప్రజలకు వచ్చే ముందే ప్రభుత్వ యంత్రాంగం మేల్కొంటే దేశ ప్రయోజనాలను కాపాడినవారవుతారు.

05/04/2016

మీడియానా మజాకా.. ప్రపంచ కుబేరుల గుట్టు రట్టు...!!

పన్ను స్వర్గాల్లోని కుబేరుల గుట్టు బయటపడింది. చట్టాలకు, పన్నులకు అతీతంగా ఉండే దేశాల్లో గుట్టలకొద్దీ కంపెనీలను ఏర్పాటు చేసి డబ్బులు తరలించిన శ్రీమంతుల రహస్యాలు మరోసారి వెలుగుచూశాయి. వీరిలో ప్రపంచవ్యాప్తంగా పలువురు దేశాధినేతలతోపాటు బాలీవుడ్ స్టార్లు అమితాబ్, ఐశ్వర్యారాయ్, పలువురు క్రీడాకారులు... ఒకరేమిటి!! చివరకు మాఫియా డాన్లు, దొంగలు, మాదకద్రవ్యాల స్మగ్లర్లు, అవినీతి రాజకీయ నేతలు, పన్ను ఎగవేతదారులు సైతం చాలామందే ఉన్నారు. వీళ్లే కాదు. ఉగ్రవాదం ఆరోపణలపై అమెరికా గతంలో నిషేధించిన సంస్థలు, రోగ్ దేశాలుగా పేర్కొన్న దేశాల నేతలదీ ఇదే తీరు.

దాదాపు 120 దేశాల్లోని జర్నలిస్టులు, మీడియా సంస్థలతో కూడిన ‘కన్సార్షియం ఆఫ్ ఇన్వెస్టిగేటివ్ జర్నలిస్ట్స్ (ఐసీఐజే) ఈ గుట్టు బయటపెట్టింది. ఈ కన్సార్షియంలో మన దేశం నుంచి ‘ఇండియన్ ఎక్స్‌ప్రెస్’ పత్రిక ఉంది. దర్యాప్తులో భాగంగా 2,14,000 విదేశీ కంపెనీలకు చెందిన 2.6 టెరాబైట్ల డేటాను... 1.15 కోట్లకుపైగా పత్రాల్ని ఐసీఐజే చేజిక్కించుకుంది. వీటిలో ఈ-మెయిల్స్, పాస్‌పోర్టులు, బ్యాంకు ఖాతాలు, క్లయింట్ల రికార్డులు... చాలానే ఉన్నాయి. కాకపోతే ఇవన్నీ పనామా కేంద్రంగా పనిచేస్తున్న న్యాయ సేవల సంస్థ ‘మొస్సాక్ ఫోన్సెకా’కు చెందినవి. వీళ్లందరి పేరిటా గుట్టలకొద్దీ రహస్య కంపెనీలు ఏర్పాటు చేసిన సంస్థ ఇదే. దాదాపు 40 ఏళ్ల పాటు.. అంటే 1977 నుంచి 2015 డిసెంబర్ వరకు ఉన్న డేటాను పరిశీలించి ఈ వివరాల్ని ఐసీఐజే బయటపెట్టింది. జాబితాలోని అందరి పేర్లనూ మే మొదటివారంలో వెల్లడిస్తామని ఐసీఐజే స్పష్టంచేసింది.

ఒకరా.. ఇద్దరా.. చైనా, రష్యా, పాకిస్థాన్‌, బ్రిటన్‌ సహా అనేక దేశాల అధినేతల పేర్లన్నీ వెలుగుచూశాయి. సన్నిహితుల పేరుతో కొందరు, కుటుంబీకుల సాయంతో ఇంకొందరు ఏమేం చేశారో తేటతెల్లమయింది. వీటి ఆధారంగా ఇప్పటికే ఆయా దేశాల్లో విపక్షాలు విమర్శనాస్త్రాలను పదునెక్కిస్తున్నాయి. అధికార పార్టీ తప్పుకోవాలనే డిమాండ్లు వూపందుకున్నాయి. భారత్‌లోనూ కుబేరుల జాబితా తక్కువేమీ కాదు. కట్టలు కట్టలుగా, గుట్టలు గుట్టలుగా ఖండాంతర దేశాల్లో గోప్యంగా దాచేసుకుని గుండెపై చేయివేసుకుని కూర్చొన్న పెద్దల పీఠాలు కదిలిపోయే పరిణామంగా అంతర్జాతీయ ప్రసార మాధ్యమాలు దీనిని పేర్కొనడంలో అతిశయోక్తి లేదు. సుమారు 140 మంది రాజకీయ ప్రముఖులు వేర్వేరు చోట్ల సంపాదించిన ఆస్తిపాస్తుల బండారం బట్టబయలయింది. పన్నులు చెల్లించకుండానో, ఇతరత్రా అక్రమ మార్గాల్లోనో వందల వేల కోట్ల రూపాయలు పోగు చేసుకున్న పెద్ద మనుషుల్లో కనీసం 500 మంది భారతీయులు ఉన్నారని అంచనాలు చెబుతున్నాయి.

కాలిక్యులేటర్లు, కంప్యూటర్లు సయితం కూడలేనంత! కొన్ని దేశాల బడ్జెట్లనే మించిపోయినంత..!! ఒక అంచనా ప్రకారం మొత్తం నల్లధనం రూ.1550 లక్షల కోట్ల పైమాటే. తిరుగులేని ఆధారాలు బయటపడడంతో కొన్ని దేశాల్లో పీఠాలకే ఎసరొస్తోంది. ఖండాంతరాల్లో పోగుపడిన నల్లధనం తమది కాదని రుజువు చేసుకోవాల్సిన బాధ్యత ఆయా నేతలపై ఒక్కసారిగా పడింది. దీంతో వారంతా ఉక్కిరిబిక్కిరి అవుతున్నారు.

Address

Flat No : A2, 2nd Floor, Shiva Ganga Residency, Somajiguda
Hyderabad
500082

Telephone

9154819819

Website

Alerts

Be the first to know and let us send you an email when Commonman1 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Commonman1:

Videos

శిక్ష కంటే సన్మానమే మేలనుకున్నారో... ఏమో...!!
శిక్ష కంటే సన్మానమే మేలనుకున్నారో... ఏమో...!!

శిక్ష కంటే సన్మానమే మేలనుకున్నారో... ఏమో...!! ఎవరినా బహిరంగంగా మూత్ర విసర్జన చేస్తే ఏం చేస్తాం..? ఇంకోసారి ఇలాంటి పని బహిరంగంగా చేయొద్దని హెచ్చరిస్తాం. లేదా చూసి చూడనట్టు వదిలేస్తాం. కానీ హైదరాబాద్ పోలీసులు మాత్రం ఈ రెండింటికి భిన్నంగా బహిరంగంగా మూత్ర విసర్జన చేసిన వారిని సన్మానించడం మొదలు పెట్టారు. హైదరాబాద్ లో వినూత్న ప్రయోగానికి తెర లేపింది పోలీస్ యంత్రాంగం. స్వచ్ఛ హైదరాబాద్ కార్యక్రమంలో భాగంగా బహిరంగంగా మూత్ర విసర్జన చేసే వారిని శిక్షించడానికి బదులు దీనికి పూర్తిగా విభిన్నంగా అందరి ముందూ పూలదండలతో మరీ సన్మానిస్తున్నారు. దానికి సంబంధించిన వీడియోనే ఇది. దీనిని చూసైనా ఇలాంటి వారిలో మార్పు కలుగుతుందో, లేదో చూడాలి మరి...!! Indian Politics India TRAFFIC, India Office Commonman1 #commonman1

Sri Sri Movie Trailer
Sri Sri Movie Trailer

Sri Sri #Latest #Trailer Tollywood Krishna Das Acharya Bal Krishna Krishna Prabha Telugu Movies Telugu Movies

Theconspiracy
Theconspiracy

The conspiracy

Game of Thrones Season 6: Hall of Faces Tease (HBO)
Game of Thrones Season 6: Hall of Faces Tease (HBO)

Game of Thrones Season 6: Hall of Faces Tease (HBO)

The Jungle Book Official Big Game Trailer
The Jungle Book Official Big Game Trailer

The Jungle Book Official Big Game Trailer

KoNidela Niharika's & Sai imitating Pawan Kalyan
KoNidela Niharika's & Sai imitating Pawan Kalyan

KoNidela Niharika's & Sai imitating Pawan Kalyan

Meeku Meere Maaku Meme Trailer || M2M2 || Latest Telugu Movie
Meeku Meere Maaku Meme Trailer || M2M2 || Latest Telugu Movie

Meeku Meere Maaku Meme Trailer || M2M2 || Latest Telugu Movie

Nannaku prematho spoof || KTR & KCR on GHMC elections
Nannaku prematho spoof || KTR & KCR on GHMC elections

Nannaku prematho spoof || KTR & KCR on GHMC elections.

love cheyyala vadda Full Video song (Comedy Mash Up)
love cheyyala vadda Full Video song (Comedy Mash Up)

love cheyyala vadda Full Video song (Comedy Mash Up) :) :) :)

Kabali Official Trailer || Superstar Rajinikanth
Kabali Official Trailer || Superstar Rajinikanth

Kabali Official Trailer || Superstar Rajinikanth #commonman1 #kabali #movie #trailer

Deadpool | Official Telugu Trailer 2016 | Fox Star India
Deadpool | Official Telugu Trailer 2016 | Fox Star India

Deadpool | Official Telugu Trailer 2016 | Fox Star India

Raghuvaran Btech Breathless BestTelugu Dubsmash Ever II Abhay ...
Raghuvaran Btech Breathless BestTelugu Dubsmash Ever II Abhay ...

Raghuvaran Btech Breathless BestTelugu Dubsmash Ever II Abhay Bethiganti

Shortcuts

Share

Category

Nearby media companies

Other Media/News Companies in Hyderabad

Show All