Online edathanattukara news

05/01/2024

വില്ലേജ് ഓഫീസ് പരിസരത്ത് സ്നേഹാരാമം നിർമ്മിച്ച് എടത്തനാട്ടുകര ഹൈസ്ക്കൂളിലെ എൻ എസ് എസ് വളണ്ടിയർമാർ.

എടത്തനാട്ടുകര: എടത്തനാട്ടുകര ഗവൺമെന്റ് ഹയർസെക്കൻഡറി സ്കൂളിലെ നാഷണൽ സർവീസ് സ്കീം യൂണിറ്റിന്റെ നേതൃത്വത്തിൽ സമന്വയം 2023 എന്ന പേരിൽ ഡിസംബർ 26 മുതൽ എടത്തനാട്ടുകര പി കെ എച്ച് എം ഒ യു പി സ്കൂളിൽ സംഘടിപ്പിച്ച സപ്തദിന സഹവാസ ക്യാമ്പിന്റെ ഭാഗമായി അലനല്ലൂർ 3 വില്ലേജ് ഓഫീസിൽ നിർമ്മിച്ച സ്നേഹാരാമത്തിന്റെ ഉദ്ഘാടന കർമ്മം അലനല്ലൂർ ഗ്രാമപഞ്ചായത്ത് അധ്യക്ഷ പി പി സജ്ന സത്താർ നിർവഹിച്ചു.

ഒരു ലിറ്ററിന്റെ മുന്നൂറ്റിയൻപതോളം ഉപയോഗം കഴിഞ്ഞ പ്ലാസ്റ്റിക് ബോട്ടിലുകളിൽ മണ്ണ് നിറച്ച് ഇക്കോ ബ്രിക്കുകൾ ആക്കിയാണ് സ്നേഹാരാമം നിർമ്മിച്ചത്. വില്ലേജ് ഓഫീസ് സന്ദർശിക്കുന്ന പൊതുജനങ്ങൾക്ക് വിശ്രമിക്കുന്നതിനു വേണ്ടിയുള്ള ഇരിപ്പിടമാണ് വോളണ്ടിയർമാർ നിർമ്മിച്ചത്.

വില്ലേജ് ഓഫീസ് പരിസരത്ത് നടന്ന ചടങ്ങിൽ പാലക്കാട് ജില്ലാ പഞ്ചായത്ത് അംഗം മെഹർബാൻ ടീച്ചർ അലനല്ലൂർ ഗ്രാമപഞ്ചായത്ത് അംഗം ക്ഷമീർ പുത്തൻകോട്ടിൽ, പ്രിൻസിപ്പൽ എസ് പ്രദീഭ എൻ എസ് എസ് പ്രോഗ്രാം ഓഫീസർ സി ജി വിപിൻ, വളണ്ടിയർ ലീഡർമാരായ പി അൽത്താഫ് റസൽ, കെ കീർത്തന എന്നിവർ സംബന്ധിച്ചു.

05/01/2024

തകരാറിലായ ഹൈ മാസ്സ് ലൈറ്റുകൾ മെയിന്റനൻസ് ചെയ്യണം യൂത്ത് ലീഗ് ഗ്രാമ പഞ്ചായത്ത് അധ്യക്ഷക്ക് നിവേദനം നൽകി

അലനല്ലൂർ• ഗ്രാമപഞ്ചായത്ത് പരിധിയിൽ എടത്തനാട്ടുകര അലനല്ലൂർ പ്രദേശങ്ങളിലെ വിവിധ ഹൈമാസ്സ് ലൈറ്റുകൾ റിപ്പയർ ചെയ്യണമെന്ന് ആവശ്യപ്പെട്ട് ഗ്രാമപഞ്ചായത്ത് അധ്യക്ഷക്ക് എടത്തനാട്ടുകര മേഖല യൂത്ത് ലീഗ് കമ്മിറ്റി നിവേദനം നൽകി.എടത്തനാട്ടുകര ടൗണിലെ ലൈറ്റ് അടക്കം ഇവയിൽ പെടുന്നതാണ് അഡ്വ.എൻ ഷംസുദ്ദീൻ എംഎൽഎ യുടെ നിലാവ് പദ്ധതിയിലെ ആദ്യഘട്ടങ്ങളിൽ സ്ഥാപിച്ച ലൈറ്റുകലാണ് ഇവ

മുസ്ലിം യൂത്ത് ലീഗ് മേഖല അധ്യക്ഷൻ ജഫീർ കെ ടി , സെക്രട്ടറി നിജാസ് ഒതുക്കും പുറത്ത്, എടത്തനാട്ടുകര മേഖല മുസ്ലിം ലീഗ് അധ്യക്ഷൻ പി ഷാനവാസ്‌ മാസ്റ്റർ, നിയോജകമണ്ഡലം യൂത്ത് ലീഗ് സെക്രട്ടറി നൗഷാദ് പുത്തൻ കൊട്ടിൽ , മേഖല യൂത്ത് ലീഗ് വൈസ് പ്രസിഡണ്ട് ശിഹാബുദ്ധിൻ ചക്കംതൊടി, തുടങ്ങിയവർ സംബന്ധിച്ചു

അടിയന്തരമായി പ്രശ്നം പരിശോധിച്ച് വേണ്ട നടപടികൾ സ്വീകരിക്കാമെന്ന ഉറപ്പു നൽകിയതായി ഭാരവാഹികൾ അറിയിച്ചു

05/01/2024

എടത്തനാട്ടുകര പാലിയേറ്റീവിന് തുണയേകാൻ നൂറ് രൂപ ചലഞ്ചുമായി സൗപർണികയും എൻ.എസ്.എസ്സും

മണ്ണാർക്കാട്:സാന്ത്വന പരിചരണ രംഗത്ത് ജില്ലയിൽ മികച്ച പ്രവർത്തനങ്ങൾ നടത്തുന്ന എടത്തനാട്ടുകര പെയിൻ ആന്റ് പാലിയേറ്റീവ് കെയർ സൊസൈറ്റിയുടെ ഫണ്ട് സമാഹരണത്തിൽ കൈകോർത്ത് കുണ്ട്ലക്കാട് സൗപർണിക കൂട്ടായ്മയുടെയും കോട്ടോപ്പാടം കല്ലടി അബ്ദുഹാജി ഹയർ സെക്കന്ററി സ്കൂൾ എൻ.എസ്.എസ് യൂണിറ്റിന്റെയും നേതൃത്വത്തിൽ നടത്തുന്ന നൂറ് രൂപാ ചലഞ്ചിന് തുടക്കമായി.

ജീവകാരുണ്യ പ്രവർത്തനങ്ങളിൽ യുവജന,വിദ്യാർത്ഥി പങ്കാളിത്തം ഉറപ്പാക്കുകയെന്ന ലക്ഷ്യത്തോടെ പുതുവത്സരത്തിൽ സംഘടിപ്പിച്ച കാമ്പയിൻ തിരുവഴാംകുന്ന് സി.പി.എ.യു.പി സ്കൂളിൽ അലനല്ലൂർ ഗ്രാമപഞ്ചായത്ത് പ്രസിഡണ്ട് സജ്ന സത്താർ ഉദ്ഘാടനം ചെയ്തു.സൗപർണിക പ്രസിഡണ്ട് മുഹമ്മദലി പറമ്പത്ത് അധ്യക്ഷനായി.

ബ്ലോക്ക് പഞ്ചായത്തംഗം മണികണ്ഠൻ വടശ്ശേരി, പ്രിൻസിപ്പാൾ എം.പി. സാദിഖ്,കൂട്ടായ്മ രക്ഷാധികാരികളായ എ.അസൈനാർ മാസ്റ്റർ,സജി ജനത, സെക്രട്ടറി പി.എം. മുസ്തഫ,ഹമീദ് കൊമ്പത്ത്,പി.ഗോപി,നാസർ പുറ്റാനി, സി.രാജൻ,പാലിയേറ്റീവ് കെയർ പ്രതിനിധി വി.പി.റഹീസ്,എൻ.എസ്.എസ് പ്രോഗ്രാം ഓഫീസർ എൻ. ഹബീബ് റഹ്മാൻ,ടി.എം. അയ്യപ്പദാസ്,കെ.പി.നൗഫൽ, ഫസീല അബ്ബാസ്, ജി.ദിവ്യ പ്രസംഗിച്ചു.നൂറ് രൂപാ ചലഞ്ചിലൂടെ സ്വരൂപിക്കുന്ന തുക പാലിയേറ്റീവ് ദിനമായ ജനുവരി 15 ന് കോട്ടോപ്പാടം ഹയർ സെക്കന്ററി സ്കൂളിൽ നടക്കുന്ന ചടങ്ങിൽ എടത്തനാട്ടുകര പാലിയേറ്റീവിന് കൈമാറും.

05/01/2024

ദേശീയ ചലച്ചിത്ര പിന്നണി ഗായിക അവാർഡ്‌ ജേതാവ്‌ നഞ്ചിയമ്മയെ ആദരിച്ച് വട്ടമണ്ണപ്പുറം എ.എം.എൽ.പി സ്കൂളിലെ നല്ലപാഠം ക്ലബ്ബ് .

എടത്തനാട്ടുകര: വട്ടമണ്ണപ്പുറം എ.എം.എൽ.പി സ്കൂളിലെ നല്ലപാഠം ക്ലബ്ബിന്റെ നേതൃത്വത്തിൽ ദേശീയ ചലച്ചിത്ര പിന്നണി ഗായിക അവാർഡ്‌ ജേതാവ്‌ നഞ്ചിമ്മയെ ഉപഹാരം നൽകി ആദരിച്ചു. ക്ലബ് അംഗങ്ങളുമായി പാടിയും ആടിയും ഇറങ്ങാനിരിക്കുന്ന പുതിയ സിനിമകളെക്കുറിച്ചും അതിൽ താൻ പാടിയ പാട്ടുകളെക്കുറിച്ചും, ഊര് വാസികളുടെ ജീവിതരീതികളെക്കുറിച്ചും, കൃഷി രീതികളെ കുറിച്ചും ചടങ്ങുകളെയും ആചാരങ്ങളെക്കുറിച്ചും സംവദിച്ചത് ക്ലബ്ബംഗങ്ങൾക്ക് നവ്യാനുഭവമായി.

നല്ലപാഠം കോർഡിനേറ്റർ സി. മുഹമ്മദാലി സ്റ്റുഡൻസ് കോഡിനേറ്റർമാരായ ടി. ഇസ നൗഷാദ്, വി.ടി അൽമിഷ് എന്നിവർ ചേർന്ന് ഉപഹാരം നഞ്ചിയമ്മക്ക് കൈമാറി. അധ്യാപകരായ എ.പി ആസിം ബിൻ ഉസ്മാൻ, കെ.പി റോഷൻ കെ ഷംസീദാ ബീഗം, എം അജ്നാ ഷെറിൻ, കെ മുസ്തഫ നല്ലപാഠം ക്ലബ്ബ് അംഗങ്ങൾ എന്നിവർ സംബന്ധിച്ചു.

02/01/2024

"ചാമ്പ്യൻസ് എം.ഡി.കെ" മുണ്ടക്കുന്ന് എ.എൽ.പി.സ്കൂളിൽ കുട്ടികൾക്ക് കരാട്ടെ പരിശീലനം ആരംഭിച്ചു.

എടത്തനാട്ടുകര: മുണ്ടക്കുന്ന് എ.എൽ.പി. സ്കൂളിൽ "ചാമ്പ്യൻസ് എം.ഡി.കെ" എന്ന പേരിൽ ഒന്നു മുതൽ നാലു വരെയുള്ള കുട്ടികൾക്ക് കരാട്ടെ പരിശീലനം ആരംഭിച്ചു. സ്വയം സന്നദ്ധരായി മുന്നോട്ടു വന്ന 60 കുട്ടികളാണ് ആദ്യഘട്ടത്തിൽ പരിശീലനത്തിൽ പങ്കെടുക്കുന്നത്. ചടങ്ങ് പ്രാധാനാധ്യാപകൻ പി. യൂസഫ് ഉദ്ഘാടനം ചെയ്തു. പി.ടി.എ. പ്രസിഡണ്ട് ഷമീർ തോണിക്കര അധ്യക്ഷനായി.

എല്ലാ തിങ്കളാഴ്ചയും വൈകുന്നേരങ്ങളിൽ നടക്കുന്ന പരിശീലനത്തിന് ബ്ലാക്ക് ബെൽറ്റ് നേടിയ ട്രെയിനർമാരായ ഗായത്രി, ഫർഷാന, ഐശ്വര്യ എന്നിവർ നേതൃത്വം നൽകും. ഉദ്ഘാടന ചടങ്ങിൽ പങ്കെടുത്ത രക്ഷിതാക്കൾക്ക് അവരുടെ പങ്ക് വിശദീകരിച്ച് ട്രെയിനർ ഗായത്രി സംസാരിച്ചു. ഫർഷാന, ഐശ്വര്യ എന്നിവർ ഡെമോ ക്ലാസിന് നേതൃത്വം നൽകി. കുട്ടികൾക്ക് ആത്മവിശ്വാസം ഉണ്ടാക്കിയെടുക്കുക, പെൺകുട്ടികൾക്ക് പ്രതിസന്ധി ഘട്ടങ്ങളിൽ സ്വയരക്ഷക്ക് പ്രാപ്തി നൽകുക, ആരോഗ്യ സംരക്ഷണം എന്നിവ കരാട്ടെ പരിശീലനത്തിലൂടെ ലക്ഷ്യമിടുന്നതായി ഹെഡ്മാസ്റ്റർ സൂചിപ്പിച്ചു.

*സ്റ്റാഫ് സെക്രട്ടറി പി. ഹംസ, എസ്.ആർ.ജി. കൺവീനർ പി. ജിതേഷ്, സീനിയർ അസിസ്റ്റന്റ് ഒ. ബിന്ദു, പി.ടി.എ. വൈസ് പ്രസിഡണ്ട് രത്നവല്ലി, കമ്മറ്റി അംഗങ്ങൾ റുക്‌സാന, നജ്മുന്നീസ, ജംഷീന, ബുഷറ എന്നിവർ സംബന്ധിച്ചു.*

02/01/2024

ദേശീയ കർഷകദിനത്തിൽ കർഷകരെ ആദരിച്ച്‌ എടത്തനാട്ടുകര വട്ടമണ്ണപ്പുറം എ.എം.എൽ.പി സ്കൂളിലെ നല്ലപാഠം ക്ലബ്ബ്‌.

എടത്തനാട്ടുകര: വട്ടമണ്ണപ്പുറം എ.എം.എൽ.പി സ്കൂളിലെ മനോരമ നല്ലപാഠം ക്ലബ്ബിന്റെ നേതൃത്വത്തിൽ ദേശീയ കർഷക ദിനാഘോഷവും മികച്ച കർഷകനെ ആദരിക്കലും സംഘടിപ്പിച്ചു. പുതുതലമുറയിൽ കാർഷിക അവബോധം വളർത്തുന്നതിനും, കാർഷിക മേഖലയിലേക്ക്‌ കുട്ടികളുൾപ്പടെ കൂടുതൽപേരെ ആകർശിക്കുന്നതിനും വിഷവിമുക്ത ഭക്ഷ്യവസ്തുക്കൾ സ്വന്തം അധ്വാനത്തിലൂടെ പരിമിതമായ സ്ഥലസൗകര്യങ്ങൾ പ്രയോജനപ്പെടുത്തി ഉൽപ്പാദിപ്പിക്കുന്നതിനുള്ള പ്രോൽസാഹനം നൽകുന്നതിന് കർഷകദിനാഘോഷം സഹായകമായി.

നല്ലപാഠം കോ-ഓർഡിനേറ്റർ സി മുഹമ്മദാലിയും സ്റ്റുഡന്റ്സ്‌ കോ-ഓർഡിനേറ്റർമ്മാരായ ടി ഇസ നൗഷാദ്‌, വി.ടി അൽമിഷ്‌ എന്നിവർ ചേർന്ന് മുൻ ദേശീയ കർഷക അവാർഡ്‌ ജേതാവ്‌ ബെന്നി മാത്യു പാറക്കുടിയിലിനെ
പൊന്നാട അണിയിച്ച്‌ ആദരിച്ചു. കർഷകൻ ജോബി കുര്യക്കാട്ടിൽ അദ്ധ്യക്ഷത വഹിച്ചു. ചടങ്ങിൽ അഗളി പഞ്ചായത്ത്‌ മുൻ കർഷക അവാർഡ്‌ ജേതാവ്‌ ഷാജി പോത്തനാൻകുഴിയിൽ, ഷോളയൂർ പഞ്ചായത്ത്‌ മുൻ കർഷക അവാർഡ്‌ ജേതാവ് റജി തുണ്ടത്തിൽ എന്നിവരെയും ആദരിച്ചു.

ഐക്യരാഷ്ട്ര സഭ ഈ വർഷത്തെ ചെറുധാന്യ വർഷമായി പ്രഖ്യാപിച്ച ഈ സാഹചര്യത്തിൽ ചെറുധാന്യകൃഷികൾക്ക്‌ കൂടുതൽ പ്രാധാന്യം നൽകിയതുകൊണ്ടാണ് ഈ കർഷകരെ വട്ടമണ്ണപ്പുറം എ.എം.എൽ.പി സ്കൂളിലെ നല്ലപാഠം ക്ലബ്ബ്‌ അട്ടപ്പാടിയിലെത്തി ആദരിച്ചത്‌. നല്ലപാഠം കോ-ഓർഡിനേറ്റർ എ.പി ആസിം ബിൻ ഉസ്മാൻ അധ്യാപകരായ കെ.പി ഫായിഖ്‌ റോഷൻ, എം അജിന ഷെറിൻ, എം ഷംസാദ്‌ ബീഗം സംബന്ധിച്ചു.

24/12/2023

പതിനൊന്ന് കോടിയുടെ വികസന പ്രൊജക്ടുകൾ ചർച്ച ചെയ്ത് അലനല്ലൂർ ഗ്രാമ പഞ്ചായത്ത്*

▪️അലനല്ലൂർ• ഗ്രാമ പഞ്ചായത്ത് 2024 - 25 വാർഷിക പദ്ധതി രൂപീകരണ വർക്കിംഗ് ഗ്രൂപ്പ് യോഗം നടന്നു. പതിനൊന്ന് കോടി രൂപയുടെ വികസന പ്രവൃത്തനങ്ങളുടെ പദ്ധതി രൂപീകരണ ചർച്ചകാണ് വർക്കിംഗ് ഗ്രൂപ്പ് യോഗത്തിൽ നടന്നത്. റോഡ്, വീട്, കൃഷി തുടങ്ങിയവക്കാണ് കൂടുതലും പ്രമുഖ്യം നൽകിയത്.

അലനല്ലൂർ ഗ്രാമ പഞ്ചായത്ത് അധ്യക്ഷ പി പി സജ്ന സത്താർ ഉദ്ഘാടനം ചെയ്തു. ഉപാധ്യക്ഷ ആയിഷാബി ആറാട്ട് തൊടി അദ്ധ്യക്ഷത വഹിച്ചു. വികസന കാര്യ സ്റ്റാന്റിംഗ് കമ്മറ്റി ചെയർപേഴ്സൺ റംല, ക്ഷേമ കാര്യ സ്റ്റാന്റിംഗ് കമ്മറ്റി ചെയർമാൻ എം.കെ. ബക്കർ, ആരോഗ്യ വിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്സൺ എം.ജിഷ എന്നിവർ സംസാരിച്ചു
___________________________________

22/12/2023

എടത്തനാട്ടുകര വട്ടമണ്ണപ്പുറം എ.എം.എൽ.പി സ്കൂളിൽ സംഘടിപ്പിച്ച 'കരോൾ 2k23’ ക്രിസ്തുമസ്‌ ആഘോഷം വർണ്ണാഭമായി.

എടത്തനാട്ടുകര: വട്ടമണ്ണപ്പുറം എ.എം.എൽ.പി സ്കൂളിൽ സംഘടിപ്പിച്ച 'കരോൾ 2k23' ക്രിസ്തുമസ് ആഘോഷം വർണ്ണാഭമായി. ആഘോഷങ്ങൾ ഏത് മത വിഭാഗങ്ങളുമായി ബന്ധപ്പെട്ടതാണെങ്കിലും ആഘോഷങ്ങൾ എല്ലാം മത സൗഹാർദ്ധം ഊട്ടിയുറപ്പിക്കുന്നതിനുള്ള അവസരങ്ങൾ ആണെന്ന ബോധം പിഞ്ചു മനസ്സുകളിൽ സൃഷ്ടിക്കുന്നതിന് ക്രിസ്തുമസ് ആഘോഷം സഹായകമായി.

ശാന്തിയുടേയും സമാധാനത്തിന്റെയും ക്രിസ്തുമസ് ആശംസകളുമായി പ്രധാനാധ്യാപകൻ സി.ടി മുരളീധരൻ ആഘോഷ പരിപാടികൾക്ക്‌ തുടക്കം കുറിച്ചു. സ്റ്റാഫ്‌ കൺവീനർ സി മുഹമ്മദാലി അധ്യക്ഷത വഹിച്ചു.

അധ്യാപകരായ കെ.എം ഷാഹിന സലീം, കെ.എ മിന്നത്ത്‌, എം.പി മിനീഷ, എം ഷബാന ഷിബില, എ.പി ആസിം ബിൻ ഉസ്മാൻ ,കെ പി ഫായിക്ക് റോഷൻ , എൻ ഷാഹിദ് സഫർ, എം അജ്ന ഷെറിൻ, കെ. സൗമ്യ, കെ പി ഷംസീദാബീഗം, സി അശ്വതി, പി. അജിത, വി.അനിത, എൻ നിഷ എന്നിവർ പരിപാടിക്ക് നേതൃത്വം നൽകി.

പരിപാടിയുടെ ഭാഗമായി വിവിധ കലാപരിപാടികളും ഗ്രീറ്റിംഗ് കാർഡ് നിർമ്മാണവും , സ്റ്റാർ നിർമാണവും കേക്ക് വിതരണവും പായസംവിധാരണവും നടന്നു

22/12/2023

എടത്തനാട്ടുകര മൂച്ചിക്കൽ ജി.എല്‍.പി.എസ് എടത്തനാട്ടുകര കുരുന്നുകളില്‍ ആവേശത്തിരയിളക്കി മെറി ക്രിസ്തുമസ് 2k23 ആഘോഷം*

എടത്തനാട്ടുകര : സ്നേഹത്തിന്റെയും ത്യാഗത്തിന്‍റെയു൦ സന്ദേശം കുരുന്നുകളില്‍ എത്തിക്കാനു൦ പുത്തന്‍ പ്രതീക്ഷകളോടെ പുതു വ൪ഷത്തെ വരവേല്‍ക്കാനു൦ ജി.എല്‍.പി.എസ് എടത്തനാട്ടുകര മൂച്ചിക്കലില്‍ വ്യത്യസ്ത പരിപാടികളോടെ ക്രിസ്മസ് - ന്യൂ ഇയ൪ ആഘോഷിച്ചു. ക്രിസ്മസ് കരോൾ ഗാനങ്ങളു൦ വാദ്യങ്ങളുമായ കുട്ടികളുടെ സ൦ഘ൦ ആടിയു൦ പാടിയു൦ ആഘോഷമാക്കി.കുട്ടികൾ തയ്യാറാക്കിയ നക്ഷത്രങ്ങളു൦ ക്രിസ്മസ് ട്രീകളു൦ കൊണ്ട് മനോഹരമായി അലങ്കരിച്ചു.തുടർന്ന് കലാപരിപാടികൾ നടന്നു.

പരിപാടികളുടെ ഉദ്ഘാടനം പ്രധാനാധ്യാപകൻ പി.നാരായണൻ നിർവ്വഹിച്ചു.

പ്രധാനാധ്യാപകൻ പി.നാരായണൻ സ്പോൺസർ ചെയ്ത കേക്കുകൾ എല്ലാവർക്കും നല്‍കി.കരോൾ സ൦ഘ൦ മൂച്ചിക്കൽ അ൦ഗൻവാടി സന്ദർശിക്കുകയു൦ കേക്കുകൾ വിതരണ൦ ചെയ്യുകയു൦ ചെയ്തു.വ൪ണാഭമായ ആശ൦സക്കാ൪ഡ് തയ്യാറാക്കി സ്കൂൾ തുറക്കുമ്പോൾ ന്യൂ ഇയ൪ ഫ്രണ്ടിന് നല്‍കു൦.വിവിധ മത്സരവിജയികൾക്കുളള സമ്മാനങ്ങൾ വിതരണ൦ ചെയ്തു.
അധ്യാപകരായ എന്‍.അലി അക്ബ൪, കെ.രമാദേവി,സി.ജമീല,പി.ജിഷ,സി.പി വഹീദ,എ.നുസെെബ, കെ.പി സാലിഹ, പി.പ്രിയ, ഇ.പ്രിയങ്ക, സി.പി മുഫീദ, കെ.ഷീബ ,ബിന്ദു എന്നിവ൪ നേതൃത്വം നല്‍കി

22/12/2023

എടത്തനാട്ടുകര യുവഭാവന സീനിയേഴ്സ് ക്ലബ്ബ് നെല്ലിയാമ്പതിയിലേക്ക് സംഘടിപ്പിച്ച വിനോദയാത്ര വയോജനങ്ങൾക്ക് ആവേശമായി.

അലനല്ലൂർ:എടത്തനാട്ടുകര യുവഭാവന വായനശാലയുടെ സീനിയേഴ്സ് ക്ലബ്ബ് കഴിഞ്ഞ മാസം നിലമ്പൂരിലേക്ക് നടത്തിയ വിനോദയാത്രയിൽ നിന്നും പ്രചോദനം ഉൾക്കൊണ്ട് 'പാവപ്പെട്ടവരുടെ ഊട്ടി' എന്നറിയപ്പെടുന്ന നെല്ലിയാമ്പതിയിലേക്ക് നടത്തിയ വിനോദയാത്ര വയോജനങ്ങൾക്ക് ആവേശമായി.

യത്തീഖാന പ്രദേശത്ത് 55വയസ്സിനു മുകളിൽ പ്രായമുള്ളവരെ ഉൾപ്പെടുത്തി രൂപീകരിച്ച കൂട്ടായ്മയാണ് സീനിയേഴ്സ് ക്ലബ്. വിവിധ മേഖലകളിൽ നിന്ന് വിശ്രമ ജീവിതം നയിക്കുന്ന വാർദ്ധക്യ സഹജമായ പരിസ്ഥിതികളിൽ നിന്ന് വിട്ടുനിന്ന് ആശ്വാസവും സന്തോഷവും പകരുന്ന പ്രവർത്തനത്തിന്റെ ഭാഗമായാണ് യാത്ര സംഘടിപ്പിച്ചത്.

40 പേരടങ്ങുന്ന സംഘം, നെല്ലിയാമ്പതിയിലെ കേശവൻപാറ, സീതാർകുണ്ട്, പോത്തുണ്ടി ഡാം, മലമ്പുഴ ഡാം, പാലക്കാട് ലുലു മാൾ
എന്നിവിടങ്ങളിലേക്കാണ് യാത്ര നടത്തിയത്. പാർക്കിൽ കളികളിൽ
ഏർപ്പെട്ടും ജീവിതത്തിലെ അനുഭവങ്ങളും തമാശകളും പങ്കുവെച്ചും പാട്ടുപാടിയും ഏവരും യാത്ര ആസ്വാദ്യകരമാക്കി.

നെല്ലിയാമ്പതിയിലേക്കുള്ള ചുരം റോഡ് ഭാഗികമായി തകർന്നതുകൊണ്ട് യാത്ര നിയന്ത്രണം ഉണ്ടായിരുന്നതിനാൽ പല സീനിയർ മെമ്പർമാർക്കും ഈ യാത്രയിൽ പങ്കെടുക്കാൻ കഴിഞ്ഞില്ല. അവരെ കൂടി ഉൾക്കൊള്ളിച്ച് അടുത്തമാസം തന്നെ മറ്റൊരു യാത്ര സംഘടിപ്പിക്കാനും സീനിയേഴ്സ് ക്ലബ്ബ് തീരുമാനിച്ചു.

സിനിയേസ് ക്ലബ്ബ് കൺവീനർമാരായ കെ.രാംകുമാർ മാസ്റ്റർ, കെ.ടി അബ്ദുൽ കരീം മാസ്റ്റർ, ടി.കെ മുഹമ്മദ് മാസ്റ്റർ, വായനശാല പ്രസിഡൻറ് എം.കെ. യാക്കൂബ്, വായനശാല സെക്രട്ടറി കെ.ടി. സിദ്ദീഖ് മാസ്റ്റർ എന്നിവർ നേതൃത്വം നൽകി.

18/12/2023

ടീ ഗാല ചായപൊടി ഒരു വിഹിതം എടത്തനാട്ടുകര പാലിയേറ്റീവ് രോഗികൾക്കുള്ള ഭക്ഷണ കിറ്റിലേക്കും.*

▪️എടത്തനാട്ടുകര:നവംബർ 1 മുതൽ 30 വരെ വനിതാ ലീഗ് സംസ്ഥാന കമ്മിറ്റി നടത്തിയ ടീ ഗാല ഫീസ്റ്റിന്റെ ഭാഗമായി ഗിഫ്റ്റായി വിതരണം ചെയ്യുന്ന ചായപൊടി ഒരു വിഹിതം എടത്തനാട്ടുകര പാലിയേറ്റീവ് കെയർ ക്ലിനിക്കിന് കീഴിലെ മാസംതോറും വീടുകളിൽ എത്തിച്ചു നൽകുന്ന ഭക്ഷണകിറ്റിലേക്ക് നൽകി വനിതാ ലീഗ് ജില്ലാ സെക്രട്ടറി റഫീക്ക പാറോക്കോട്ട് വനിതാ ലീഗ് നിയോജകമണ്ഡലം സെക്രട്ടറി സൈനബ ടിപി എന്ന സൈനക്കുട്ടി എന്നിവർ ചേർന്ന് എടത്തനാട്ടുകര പാലിയേറ്റീവ് കെയർ ക്ലിനിക് ഫുഡ് കമ്മിറ്റി ചെയർമാൻ മുസ്തഫ കോയക്കുന്നിനും പാലിയേറ്റീവ് കെയർ വളണ്ടിയർ ഷൗലക്കലി പീക്കും ചായപ്പൊടി പാക്കറ്റുകൾ കൈമാറി
___________________________________
*🪀 ᴏɴʟɪɴᴇ ᴇᴅᴋ ɴᴇᴡs™* | 18 DEC 2023
https://chat.whatsapp.com/K7mQv7iWdrP1ZkNv71Ggom

18/12/2023

എടത്തനാട്ടുകര മൂച്ചിക്കൽ ഗവ.എൽ.പി സ്കൂളിൽ അന്താരാഷ്ട്ര അറബിഭാഷാദിന൦ വിപുലമായ പരിപാടികളോടെ ആചരിച്ചു.

എടത്തനാട്ടുകര : ഗവ.എൽ പി സ്കൂൾ മൂച്ചിക്കലിൽ അന്താരാഷ്ട്ര അറബിഭാഷ ദിനം വിവിധ പരിപാടികളോടെ ആചരിച്ചു. അലനല്ലൂർ ഗ്രാമ പഞ്ചായത്ത് പ്രസിഡന്റ്‌ പി. സജ്‌ന സത്താർ ഉദ്ഘാടനം നിർവ്വഹിച്ചു. മുഖ്യ അതിഥിയായെത്തിയ റിട്ട.അറബി അധ്യാപകൻ ഹംസ മഠത്തൊടിയെ പൊന്നാട അണിയിച്ച് ആദരിച്ചു.അദ്ദേഹ൦ തയ്യാറാക്കിയ നൂറിലധിക൦ വരുന്ന അറബി കാലിഗ്രാഫികളുടെ പ്രദർശനം രക്ഷിതാക്കളിലും വിദ്യാർത്ഥികളിലും അത്ഭുതം ഉളവാക്കി.

പി. നിഷിയ, പി. നജ നിയാസ് എന്നിവർ തയ്യാറാക്കിയ അറബി കാലിഗ്രാഫി എം. പി. ടി. എ പ്രസിഡന്റ്‌ എ.സമീന പ്രകാശനം ചെയ്തു. കുട്ടികളുടെ അറബി സംഘ ഗാനം, അറബി പദ്യം ചൊല്ലൽ , അറബി ക്വിസ്, പദകേളി,പദ പയറ്റ്,പദനിർമാണം, മെമ്മറി ടെസ്റ്റ്‌ എന്നീ മത്സരങ്ങൾ നടത്തി സമ്മാനങ്ങൾ വിതരണം ചെയ്തു. പ്രധാനാധ്യാപകൻ പി.നാരായണൻ,പി. ടി. എ പ്രസിഡന്റ്‌ എം. ജിനേഷ്, മുൻ അറബി അദ്ധ്യാപകൻ സി. മുസ്തഫ,,കെ.രമദേവി, സ്റ്റാഫ് കൺവീനർ എൻ. അലി അക്ബർ എന്നിവർ സംസാരിച്ചു. അദ്ധ്യാപകരായ സി. ജമീല, പി. ജിഷ, സി. പി. വഹീദ, എ. നുസൈബ, ഇ പ്രിയങ്ക, പി.മുഫീദ, പി. പ്രിയ ,എ൦.കൃഷ്ണപ്രിയ,ടി.കെ ഷഹബാന,എസ്. എം. സി ചെയർമാൻ പി. പ്രജീഷ്, പി. ടി. എ. വൈസ് പ്രസിഡന്റ്‌.പി. പി. നൗഷാദ് അലി, എം. പി. ടി. എ എക്സിക്യൂട്ടീവ് അംഗം സി. എ. ഉമ്മുൽ ഫസീലഎന്നിവർ നേതൃത്വം നൽകി

17/12/2023

എടത്തനാട്ടുകര ചലഞ്ചേഴ്സ് അഖിലേന്ത്യാ സെവൻസ് ഫുട്ബോൾ ടൂർണമെന്റിലെ രാജകീയ കിരീടം മലബാറിനെ മഞ്ഞപ്പട - സൂപ്പർ സ്റ്റുഡിയോ മലപ്പുറത്തിന്

▪️എടത്തനാട്ടുകര: ചലഞ്ചേഴ്സ് 9-ാമത് അഖിലേന്ത്യാ സെവൻസ് ഫുട്ബോൾ ടൂർണമെന്റ് കൊടിയിറങ്ങി. ഇരുപതിലധികം ടീമുകൾ മാറ്റുരച്ച ടൂർണമെന്റിന്റെ അത്യന്തം ആവേശകരമായ ഫൈനൽ പോരാട്ടത്തിൽ ഏകപക്ഷീയമായ ഒരു ഗോളുകൾക്ക് ഇസ്സ ഗ്രൂപ്പ് ചെർപ്പുളശ്ശേരിയെ പരാജയപ്പെടുത്തി സൂപ്പർ സ്റ്റുഡിയോ മലപ്പുറം കിരീടം ചൂടി

ഫൈനൽ മത്സരത്തിലെ മാൻ ഓഫ് ദ മാച്ചറായി സൂപ്പൻ സ്റ്റുഡിയൊ മലപ്പുറത്തിലെ അച്ചുഡുവിനെയും, മികച്ച സ്റ്റോപ്പറായി മലപ്പുറത്തിന്റെ അലിയേയും, മികച്ച കീപ്പറായി മലപ്പുറത്തിന്റെ നിഖിലിനെയും, മികച്ച കളിക്കാരനായി മലപ്പുറത്തിന്റെ സാമുവലിനയും മികച്ച ഫോർവേഡ് ആയി ചെർപ്പുളശ്ശേരിയുടെ ആന്റണിയേയും മികച്ച കാണിയായി കാപ്പുപറമ്പ് സ്വദേശി മുഹമ്മദ് ചേരിയത്തിനേയും മൂനാടി സ്വദേശി ഹംസ ഹാജിയേയും തിരഞ്ഞെടുത്തു
___________________________________
*🪀 ᴏɴʟɪɴᴇ ᴇᴅᴋ ɴᴇᴡs™* | 17 DEC 2023
https://chat.whatsapp.com/K7mQv7iWdrP1ZkNv71Ggom

17/12/2023

എടത്തനാട്ടുകര ചലഞ്ചേഴ്സ് അഖിലേന്ത്യാ സെവൻസ് ഫുട്ബോൾ ടൂർണ്ണമെന്റ് ഇന്ന് കൊടിയിറങ്ങും

▪️എടത്തനാട്ടുകര• ചലഞ്ചേഴ്സ് 9-ാമത് അഖിലേന്ത്യാ സെവൻസ് ഫുട്ബോൾ ടൂർണ്ണമെന്റ് ഇന്ന് കൊടിയിറങ്ങും ഇരുപതിലധികം ടീമുകൾ മാറ്റുരച്ച ടൂർണമെന്റിന്റെ കലാശക്കൊട്ട് ഫൈനൽ പോരാട്ടത്തിൽ ഇസ്സ ഗ്രൂപ്പ് ചെർപ്പുളശ്ശേരിയും സൂപ്പർ സ്റ്റുഡിയൊ മലപ്പുറവും തമ്മിൽ ഏറ്റുമുട്ടും

എടത്തനാട്ടുകര ഹൈസ്കൂൾ പച്ചപ്പുൽ മൈതാനിയിൽ ഇന്ത്യൻ സമയം രാത്രി 8:30 നാണ് മത്സരത്തിനു വിസിൽ മുഴങ്ങുക.
___________________________________
*🪀 ᴏɴʟɪɴᴇ ᴇᴅᴋ ɴᴇᴡs™* | 17 DEC 2023
https://chat.whatsapp.com/K7mQv7iWdrP1ZkNv71Ggom

16/12/2023

കെ.എൻ.എം എടത്തനാട്ടുകര ഏകദിന അധ്യാപക പരിശീലനം ശ്രദ്ധേയമായി

എടത്തനാട്ടുകര: കെ.എൻ എം എടത്തനാട്ടുകര സൗത്ത് & നോർത്ത് മണ്ഡലങ്ങളുടെ മദ്രസ അധ്യാപകർക്കുള്ള ഏകദിന ശില്പശാല തടിയംപറമ്പ് ശറഫുൽ മുസ്ലിമീൻ അറബിക് കോളേജിൽ വെച്ച് സംഘടിപ്പിച്ചു.

അലനല്ലൂർ ഗ്രാമപഞ്ചായത്ത് പ്രസിഡൻറ് സജ്ന സത്താർ ഉദ്ഘാടനം നിർവഹിച്ചു. ഉസ്മാൻ മിഷ്കാത്തി (എജുക്കേഷൻ ബോർഡ് മെമ്പർ), ഇസ്ഹാഖ് സ്വലാഹി, ഫസീഹ് അൻസാരി, അമീർ സ്വലാഹി, ഫജാസ് സ്വലാഹി എന്നിവർ സംസാരിച്ചു. കെ.എൻ.എം എജ്വുക്കേഷൻ സ്റ്റേറ്റ് ട്രൈനർ ആബിദ് സലഫി ശില്പശാലക്ക് നേതൃത്വം നൽകി.

15/12/2023

എടത്തനാട്ടുകര അഖിലേന്ത്യാ സെവൻസിൽ യുണൈറ്റഡ് എഫ്.സി നെല്ലിക്കുത്തിനെ തകർത്ത് മലബാറിന്റെ മഞ്ഞ പട സൂപ്പർ സ്റ്റുഡിയൊ മലപ്പുറം ഫൈനലിൽ*

▪️എടത്തനാട്ടുകര• ചലഞ്ചേഴ്സ് 9-ാംമത് അഖിലേന്ത്യാ സെവൻസ് ഫുട്ബോൾ ടൂർണമെന്റിലെ ഇന്ന് നടന്ന ആദ്യ സെമി ഫൈനലിന്റെ രണ്ടാം പാദ മത്സരത്തിൽ ഏകപക്ഷീയമായ മൂന്ന് ഗോളുകൾക്ക് യുണൈറ്റഡ് എഫ്.സി നെല്ലിക്കുത്തിനെ പരാജയപ്പെടുത്തി സൂപ്പർ സ്റ്റുഡിയൊ മലപ്പുറം ഫൈനലിൽ പ്രവേശിച്ചു

🏷️ ഫൈനൽ പോരാട്ടത്തിൽ സൂപ്പർ സ്റ്റുഡിയൊ മലപ്പുറത്തിന്റെ എതിരാളികളെ കണ്ടെത്തുന്ന നിർണായക രണ്ടാം സെമി ഫൈനലിന്റെ അവസാന പാദ മത്സരത്തിൽ നാളെ ഇസ്സ ഗ്രൂപ്പ് ചെർപ്പുളശേരിയും ലിൻഷ മെഡിക്കൽസ് മണ്ണാർക്കാടും തമ്മിൽ ഏറ്റുമുട്ടും എടത്തനാട്ടുകര ഹൈസ്കൂൾ മൈതാനിയിൽ ഇന്ത്യൻ സമയം രാത്രി 8:30 നാണ് മത്സരത്തിനു വിസിൽ മുഴങ്ങുക.
___________________________________
*🪀 ᴏɴʟɪɴᴇ ᴇᴅᴋ ɴᴇᴡs™* | 15 DEC 2023
https://chat.whatsapp.com/K7mQv7iWdrP1ZkNv71Ggom

15/12/2023

റോഡുകളിൽ സുരക്ഷാ കണ്ണാടികൾ സ്ഥാപിച്ച് മാതൃകയായി വട്ടമണ്ണപ്പുറം എ.എം.എൽ.പി സ്കൂളിലെ നല്ലപാഠം ക്ലബ്ബ്.

എടത്തനാട്ടുകര: വട്ടമണ്ണപ്പുറം എ.എം.എൽ.പി സ്കൂളിലെ മലയാള മനോരമ നല്ലപാഠം ക്ലബ്ബിന്റെ നേതൃത്വത്തിൽ റോഡപകടങ്ങൾ ഒഴിവാക്കുന്നതിനായി സുരക്ഷാ കണ്ണാടികൾ സ്ഥാപിച്ചു. എടത്തനാട്ടുകര -ആഞ്ഞിലങ്ങാടി മേലാറ്റൂർ റൂട്ടിലെ വട്ടമണ്ണപ്പുറം ഗ്രൗണ്ടിന് സമീപമുള്ള വളവിലും എടത്തനാട്ടുകര - ഉണ്ണിയാൽ റോഡിൽ നാലുകണ്ടം യു.പി സ്കൂളിന് സമീപവുമാണ് സുരക്ഷാ കണ്ണാടികൾ സ്ഥാപിച്ചത്.

റോഡരികിലുള്ള കെട്ടിടങ്ങളാലും മറ്റു നിർമ്മിതികളാലും വാഹനമോടിക്കുന്നവർക്ക് വളവുകളിൽ മറ്റു വാഹനങ്ങളുടെയും കാൽനടയാത്രക്കാരുടെയും സാന്നിധ്യം അറിയാത്തതു കാരണം അപകടങ്ങൾ പതിവാകുന്ന സാഹചര്യത്തിൽ ഇരുവശത്തു നിന്നുമുള്ള ദൃശ്യം ലഭ്യമാക്കുന്നതിന് സുരക്ഷാ കണ്ണാടികൾ സഹായകമാണ്. പരിപാടി മുൻ മണ്ണാർക്കാട് എം.എൽ.എ കളത്തിൽ അബ്ദുള്ള ഉദ്ഘാടനം ചെയ്തു. അലനല്ലൂർ ഗ്രാമപഞ്ചായത്ത്‌ വിദ്യാഭ്യാസ സ്റ്റാൻഡിംഗ്‌ കമ്മിറ്റി ചെയർപെഴ്സൺ എം ജിഷ അധ്യക്ഷത വഹിച്ചു..

വില്ലേജ്‌ ഓഫീസർ എസ്‌ ബാബുരാജ്‌, മുൻ ബ്ലോക്ക്‌ പഞ്ചായത്ത്‌ പ്രസിഡന്റ്‌ പ്രസിഡന്റ്‌ പി ജമീല ടീച്ചർ, മുൻ പഞ്ചായത്ത്‌ പ്രസിഡന്റ്‌ കെ.ടി ഹംസപ്പ, പി.ടി.എ വൈസ്‌ പ്രസിഡന്റുമാരായ പി മൂസ, അയ്യൂബ്‌ മുണ്ടഞ്ചീരി നല്ലപാഠം കോ-ഓർഡിനേറ്റർമ്മാരായ സി മുഹമ്മദാലി, എ.പി ആസിം ബിൻ ഉസ്മാൻ, പ്രധാനാധ്യാപകൻ സി.ടി മുരളീധരൻ, മുൻ പ്രധാനാധ്യാപിക വി.കെ ചന്ദ്രലേഖ, കെ.എസ്‌.എച്ച്‌.എം ആർട്സ്‌ കോളേജ്‌ പ്രിൻസിപാൾ എം അജിത്‌ കുമാർ, പി.ടി.എ അംഗങ്ങളായ റസാഖ്‌ മംഗലത്ത്‌, പി അഹമ്മദ്‌ സുബൈർ, എം മുസ്തഫ ജെ&ജെ ടെക്നോളജീസ്‌ ഉടമ എം ജുനൈദ്‌ പൂർവ്വ വിദ്യാർത്ഥികളായ നാസർ കാപ്പുങ്ങൽ, കെ കോയ, കെ ഫസൽ അലി മാസ്റ്റർ, ടി മുസ്തഫ, എൻ മുഹമ്മദ്‌ ബഷീർ, അബ്ദു മാസ്റ്റർ മറ്റത്തൂർ, എം സ്ബ്ഗത്തുള്ള, പി.ടി ജമാൽ, കെ മുഹമ്മദ്‌, പി.പി ഏനു, ടി.കെ ഷംസുദ്ദീൻ, പി മുഹമ്മദാലി മാസ്റ്റർ, കെ മുഹമ്മദ്‌, എം അലി, എ.പി അഫ്സൽ, പി.കെ ജുനൈസ്‌, ജാഫർ ആനമൂളി, ടി ഉമ്മർ അധ്യാപകരായ കെ.എം ഷാഹിന സലീം, കെ.പി ഫായിഖ്‌ റോഷൻ, എൻ ഷാഹിദ്‌ സഫർ, പി നബീൽ ഷാ സ്റ്റുഡന്റ്സ്‌ കോ-ഓർഡിനേറ്റർമ്മാരായ കെ.പി ഇഷ നസീർ, കെ മുഹമ്മദ്‌ റയ്‌ഹാൻ, കെ മുഹമ്മദ്‌ ബാസിം എന്നിവർ സംബന്ധിച്ചു.

15/12/2023

എടത്തനാട്ടുകര ചളവ സ്കൂൾ അറബിക് മാഗസിന് ജില്ലയിൽ ഒന്നാം സ്ഥാനം*

അലനല്ലൂർ• ഡിസംബർ പതിനെട്ട് അന്താരാഷ്ട്ര അറബി ഭാഷാ ദിനത്തോട് അനുബന്ധിച്ച് പാലക്കാട് ജില്ലാ അലിഫ് അറബിക് ക്ലബ് സംഘടിപ്പിച്ച അറബിക് കയ്യെഴുത്ത് മാഗസിൻ മത്സരത്തിൽ ചളവ സ്കൂൾ അറബിക് ക്ലബ് പുറത്തിറക്കിയ അൽമിസ്ബാഹ് അറബിക് മാഗസിൻ ജില്ലയിൽ ഒന്നാം സ്ഥാനം നേടി സംസ്ഥാന തല മത്സരത്തിലേക്ക് തെരഞ്ഞെടുക്കപ്പെട്ടു..

നേരത്തെ മണ്ണാർക്കാട് സബ്ജില്ല തലത്തിൽ നടന്ന മത്സരത്തിൽ നിന്നും ഒന്നാം സ്ഥാനം നേടി പാലക്കാട് ജില്ലയിലെ 12 സബ് ജില്ലകളെയും പിന്നിലാക്കിയാണ് അൽമിസ്ബാഹ് മാഗസിൻ സംസ്ഥാന തല മത്സരത്തിലേക്ക് തെരഞ്ഞെടുക്കപ്പെട്ടത്...

15/12/2023

ഫൈനൽ പോരാട്ടത്തിന് ആദ്യ ടീം ആര്; എടത്തനാട്ടുകര അഖിലേന്ത്യാ സെവൻസിൽ സൂപ്പർ സ്റ്റുഡിയോ മലപ്പുറം - യുണൈറ്റഡ് എഫ്.സി നെല്ലിക്കുത്ത് പോരാട്ടം*
*---------------------------------------*
*onlıne edαthαnαttukαrα*
*🔖 15-DEC-2023 വെള്ളി*
*----------------------------------------*
▪️എടത്തനാട്ടുകര• ചലഞ്ചേഴ്സ് 9-ാം മത് അഖിലേന്ത്യാ സെവൻസ് ഫുട്ബോൾ ടൂർണമെന്റിലെ ആദ്യ സെമി ഫൈനലിന്റെ രണ്ടാം പാദ മത്സരത്തിൽ ഇന്ന് - കാൽക്കളിയുടെ രൗദ്രഭാവങ്ങളിൽ എതിരാളികളെ ഭയപ്പെടുത്തി കീഴ്പ്പെടുത്തി എടത്തനാട്ടുകരയുടെ സെവൻസിന്റെ സാമ്രാജ്യം പിടിച്ചെടുക്കാൻ പോരാട്ട വീര്യവുമായി മലബാറിന്റെ മഞ്ഞപ്പട സൂപ്പർ സ്റ്റുഡിയോ മലപ്പുറം ഒരു ഭാഗത്ത് ബൂട്ടുകെട്ടുമ്പോൾ

ആദ്യപാദത്തിലെ അപ്രതീക്ഷിത തോൽവിക്ക് പകരം ചോദിക്കാൻ സോക്കർ ഭൂപടത്തിലെ മൂർച്ചയേറും ആക്രമണ അസ്ത്രങ്ങൾ തേച്ചുമിനുക്കി ദുർബല കണ്ണികളെ അഴിച്ചുമാറ്റി എന്ത് വില കൊടുത്തും ജയിക്കാനായി പടച്ചട്ടുകെട്ടി യുണൈറ്റഡ് എഫ്.സി നെല്ലിക്കുത്ത് മറുഭാഗത്തും ബൂട്ട് കെട്ടുന്നു

ഫൈനൽ പോരാട്ടത്തിനു വേണ്ടി ആദ്യ ടീം ആര് എന്ന വിധി നിർണയത്തിന്റെ വാശിയേറും പോരാട്ടം കാണുവാൻ ഏവർക്കും സ്വാഗതം - എടത്തനാട്ടുകര ഹൈസ്കൂൾ മൈതാനിയിൽ ഇന്ത്യൻ സമയം രാത്രി 8:30 നാണ് മത്സരത്തിനു വിസിൽ മുഴങ്ങുക.
___________________________________
*🪀 ᴏɴʟɪɴᴇ ᴇᴅᴋ ɴᴇᴡs™* | 15 DEC 2023
https://chat.whatsapp.com/K7mQv7iWdrP1ZkNv71Ggom

14/12/2023

"നൂറിൽ നൂറ്മേനി വിളഞ്ഞ് " അലനല്ലൂർ ഗ്രാമ പഞ്ചായത്ത്*

അലനല്ലൂർ ഗ്രാമ പഞ്ചായത്ത് പത്താംതരം തുല്യത പരീക്ഷയിൽ വീണ്ടും നൂറു ശതമാനം വിജയം കൈവരിച്ചിരിക്കുന്നു. 85 പഠിതാക്കളാണ് ഇപ്രാവശ്യം പഞ്ചായത്തിൽ രജിസ്റ്റർ ചെയ്ത് പരീക്ഷ എഴുതി വിജയിച്ചത്.
പഞ്ചായത്ത് ഭരണ സമിതിയുടെ പ്രോജക്ടിൽകോഴ്സ് ഫീസ് ഉൾപ്പെടുത്തി രജിസ്റ്റർ ചെയ്ത പഠിതാക്കൾക്ക് എല്ലാ ഞായറാഴ്ചകളിലും പൊതു അവധി ദിവസങ്ങളിലും കോൺടാക്റ്റ് ക്ലാസ്സുകൾ നൽകിയാണ് ഇവരെ പരീക്ഷക്ക് തയ്യാറാക്കിയത്. പി സിൽ ബി, സുബൈദ എന്നിവരാണ് സെന്റർ കോഡിനേറ്റർമർ .പി.നാസർ, എം അസ്ഹർ, മുഹമ്മദ് സലീം, അബ്ദുൾ സലീം, സോമി ടീച്ചർ, ജാഫർ , പ്രിയ, പി. മുസ്തഫ , കുട്ടിശങ്കരൻ എന്നിവരാണ് അധ്യാപകർ.

14/12/2023

ടീ ഗാല വനിതാ ലീഗ് വിഭവസമാഹരണ ക്യാമ്പയിൻ ചായപൊടി വിതരണം ആരംഭിച്ചു

എടത്തനാട്ടുകര• നവംബർ 1 മുതൽ 30 വരെ വനിതാ ലീഗ് സംസ്ഥാന കമ്മിറ്റി നടത്തിയ ടീ ഗാല ഫീസ്റ്റിന്റെ ഭാഗമായി ഗിഫ്റ്റായി വിതരണം ചെയ്യുന്ന ചായപൊടി എടത്തനാട്ടുകര മേഖലാതല ഉദ്ഘാടനം അലനല്ലൂർ ഗ്രാമപഞ്ചായത്ത് പ്രസിഡണ്ട് സജ്നാ സത്താർ മുതിർന്ന വനിതാ ലീഗ് നേതാവും മുൻ ജില്ലാ പഞ്ചായത്ത് മെമ്പറുമായ ഖദീജ ടീച്ചർക്ക് നൽകിക്കൊണ്ട് നിർവഹിച്ചു

173 ചായപ്പൊടി പാക്കറ്റുകളാണ് എടത്തനാട്ടുകര മേഖലയിൽ പങ്കാളിയായത് 57,609 രൂപ ഈ ഇനത്തിൽ സമാഹരിക്കാൻ സാധിച്ചു ക്യാമ്പയിനിൽ പങ്കാളിയായവർക്ക് ശുദ്ധമായ ഒരു കിലോ ചായപ്പൊടിയാണ് നൽകുന്നത് മണ്ഡലത്തിലെ ഏറ്റവും കൂടുതൽ പാക്കറ്റുകൾ നൽകിയ മേഖലാ കമ്മിറ്റി എടത്തനാട്ടുകര മേഖലാ കമ്മിറ്റിയാണ് ഏറ്റവും കൂടുതൽ പാക്കറ്റുകൾ വിറ്റ യൂണിറ്റ് കമ്മിറ്റി എടത്തനാട്ടുകര മേഖലയിലെ പടിക്കപാടം വാർഡ് കമ്മിറ്റിയാണ് ക്യാമ്പിനിൽ പങ്കാളിയായ എല്ലാവർക്കും ചടങ്ങിൽ നന്ദി അറിയിച്ചു

ക്യാമ്പയിനിൽ പങ്കാളിയായ എല്ലാവർക്കും ഒരാഴ്ചക്കുള്ളിൽ ചായപ്പൊടി പാക്കറ്റുകൾ എത്തിക്കും, വനിതാ ലീഗ് ജില്ലാ സെക്രട്ടറി റഫീക്ക പാറോക്കോട്ട് മേഖലാ ഭാരവാഹി ഫസീല റഫീഖ് തുടങ്ങിയവർ സംബന്ധിച്ചു

14/12/2023

മനുഷ്യാവകാശ സംരക്ഷണദിനത്തിൽ ഫലസ്തീൻ ജനതയ്ക്ക് വേണ്ടി ഒരു ചുവടുവെപ്പുമായി പീസ് പബ്ലിക് സ്കൂൾ

എടത്തനാട്ടുകര:- 1948 ഡിസംബർ പത്തിന് ഐക്യരാഷ്ട്രസഭയുടെ പൊതുസഭ അംഗീകരിച്ച സാർവത്രിക മനുഷ്യാവകാശ പ്രഖ്യാപനദിനത്തോടനുബന്ധിച്ച്, എടത്തനാട്ടുകര തടിയംപറമ്പ് പീസ് പബ്ലിക് സ്കൂളിൽ "ഫലസ്തീൻ ജനതയ്ക്ക് ഐക്യദാർഢ്യം" എന്നപേരിൽ മനുഷ്യാവകാശ ദിനം ആചരിച്ചു. പരിപാടി പീസ് പബ്ലിക് സ്കൂൾ പ്രിൻസിപ്പാൾ ടി.മുനീർ മാസ്റ്റർ ഉദ്ഘാടനം ചെയ്തു.

ഓരോ വ്യക്തിക്കും അന്തസ്സും സുരക്ഷയും ഉറപ്പാക്കി സമൂഹത്തിൽ ജീവിക്കാനുള്ള അവകാശമാണ് മനുഷ്യാവകാശം നൽകുന്നത് എങ്കിൽപോലും 2023ലും ഫലസ്തീനിലെ ലക്ഷക്കണക്കിന് ആളുകൾ അവകാശങ്ങൾ നിഷേധിക്കപ്പെട്ട് നരകതുല്യ ജീവിതം നയിക്കുന്നു. അധിനിവേശ സൈന്യത്തിന്റെ ക്രൂരതയിൽ ജീവൻ നഷ്ടമാകുന്ന ജനത. ഇനിയൊരു ജനതക്കും ഇതുപോലുള്ള ഒരു ക്രൂരത നേരിടേണ്ടി വരരുത് എന്ന പ്രതിജ്ഞയിലാണ് പീസ് പബ്ലിക് സ്കൂൾ വിദ്യാർത്ഥികൾ മനുഷ്യാവകാശ ദിനം ആചരിച്ചത്. പ്ലക്കാടുകളും മുദ്രാവാക്യങ്ങളും ഉയർത്തി മനുഷ്യാവകാശത്തിന്റെ പ്രാധാന്യം മനസ്സിൽ ഊട്ടിയുറപ്പിക്കാൻ വിദ്യാർത്ഥികൾക്ക് സാധിച്ചു.

പീസ് പബ്ലിക് സ്കൂൾ അധ്യാപകരായ എം. പി മുഹമ്മദ് റോഷൻ, ടി.അമീർ ബാബു, റാനിയ മുഹമ്മദ് കുട്ടി, സിൻസിന കെ.ടി. ഫർസാന.എൻ, സി.പി ആരിഫ എന്നിവർ പരിപാടിക്ക് നേതൃത്വം വഹിച്ചു.

14/12/2023

പലഹാര വൈവിധ്യ ങ്ങളാൽ ഒന്നാം ക്ലാസുകാരുടെ പലഹാര പ്രദർശനം "വെറൈറ്റി പലഹാരങ്ങൾ" ഗംഭീരമായി.

എടത്തനാട്ടുകര: മുണ്ടക്കുന്ന് എ.എൽ.പി. സ്കൂളിൽ ഒന്നാം ക്ലാസ് മലയാള പാഠപുസ്തകത്തിലെ "നന്നായി വളരാൻ" എന്ന യൂണിറ്റിന്റെ ഭാഗമായി "വെറൈറ്റി പലഹാരങ്ങൾ" എന്ന പേരിൽ നടത്തിയ പലഹാര പ്രദർശനം അതിഗംഭീരമായി. ഹെഡ്മാസ്റ്റർ പി. യൂസഫ് പ്രദർശനം ഉദ്ഘാടനം ചെയ്തു. ഒ. ബിന്ദു അധ്യക്ഷയായി.

കുട്ടികളും അധ്യാപകരും വീടുകളിൽ നിന്ന് തയാറാക്കി വന്ന കൊഴുക്കട്ട, ചട്ടിപ്പത്തിരി, നെയ്യപ്പം, ഉണ്ണിയപ്പം, പഴംപൊരി തുടങ്ങിയ 42 പലഹാരങ്ങളാണ് പ്രദർശനത്തിൽ അവയുടെ പേരുകൾ സഹിതം ലേബൽ ചെയ്ത് പ്രദർശിപ്പിച്ചത്. ഇതിന്റെ ഭാഗമായി ഒന്നാം ക്ലാസുകാർക്ക് പലഹാരങ്ങളുടെ പേരുകൾ വായിക്കൽ, എഴുതൽ, രുചി അറിയൽ, തരം തിരിക്കൽ, ആകൃതി അറിയൽ, പാചകക്കുറിപ്പ് പറയൽ, എഴുതൽ എന്നീ പ്രവർത്തനങ്ങളും നടന്നു.

സ്കൂളിലെ മറ്റു ക്ലാസുകാർക്ക് പ്രദർശനം കാണാനുള്ള അവസരവും വന്നവർക്കെല്ലാം ഒന്നാം ക്ലാസുകാരുടെ വകയായി പലഹാര വിതരണവും നടത്തി. സ്റ്റാഫ് സെക്രട്ടറി പി. ഹംസ, എസ്.ആർ.ജി. കൺവീനർ പി. ജിതേഷ്, സി. സൗമ്യ, എൻ.കെ. അബ്ദുൽ ഗഫൂർ, പി.എ. മുഹമ്മദ്‌ ഷാമിൽ എന്നിവർ സംസാരിച്ചു.*

14/12/2023

എൽ.എസ്.എസ് സ്കോളർഷിപ്പ് പരീക്ഷ പുനർ മൂല്യനിർണ്ണയത്തിൽ വട്ടമണ്ണപ്പുറo AMLP സ്കൂളിലെ രണ്ടു വിദ്യാർത്ഥികൾ കൂടി LSS നേടി. വിജയശതമാനത്തിൽ സബ്ജില്ലയിൽ ഒന്നാം സ്ഥാനം കരസ്ഥമാക്കി.

എടത്തനാട്ടുകര: 2022-23 അധ്യയന വർഷത്തെ LSS സ്കോളർഷിപ്പ് പരീക്ഷയിൽ നേരത്തെ വട്ടമണ്ണപ്പുറം എ.എം.എൽ.പി സ്കൂളിലെ 14 കുട്ടികൾ സ്കോളർഷിപ്പ്‌ കരസ്ഥമാക്കിയിരുന്നു. പുനർ മൂല്യനിർണ്ണയത്തിൽ രണ്ട് വിദ്യാർത്ഥികൾ കൂടി LSS നേടിയതോടെ. വിജയികളുടെ എണ്ണം 16 ആയി.വിജയശതമാനത്തിൽ മണ്ണാർക്കാട് സബ് ജില്ലയിൽ വട്ടമണ്ണപ്പുറം എ.എം എൽ .പി സ്കൂൾ ഒന്നാമതെത്തി.

പി അബീന സൈനബ്‌ 54 മാർക്ക്‌‌, പി മുഹമ്മദ്‌ അക്മൽ 62 മാർക്ക്, കെ മുഹമ്മദ്‌ ഹിജാൻ 59 മാർക്ക്, എൻ ഹാത്തിം ഹംദാൻ 54 മാർക്ക്,പി.പി നിഹ നസ്‌റിൻ 50 മാർക്ക്‌, ടി അസ്‌ലഹ്‌ 48 മാർക്ക്, എൻ അഷ്മിൽ 65 മാർക്ക്, പി.എച്ച്‌ ഷിൻസ ഫാത്തിമ 52 മാർക്ക്, കെ ഷഹ് മ 61 മാർക്ക്, എൻ നിമ 55 മാർക്ക്, സി ഹസ്‌വ 48 മാർക്ക്‌, മുഹമ്മദ്‌ റിയാൻ 57 മാർക്ക്, എം അഫ്നിദ 48 മാർക്ക്, എം.കെ അംന പർവ്വീൻ 58 മാർക്ക്, വി ദിൽന 59 മാർക്ക്, വി ഹിമ ഫാത്തിമ 55 മാർക്ക് എന്നിവരാണ് സ്കോളർഷിപ്പ്‌ കരസ്ഥമാക്കിയവർ.പുതുതായി LSS നേടിയ വിദ്യാർത്ഥികളുടെ വീടുകളിലെത്തി അധ്യാപകർ മധുരങ്ങൾ നൽകി അഭിനന്ദിച്ചു.പ്രധാനാധ്യാപകൻ സി ടി മുരളീധരൻ , സീനിയർ അസിസ്റ്റന്റ് കെ.എം.ഷാഹിനാ സലീം, സി.മുഹമ്മദാലി, എ.പി. ആസിം ബിൻ ഉസ്മാൻ , സി.എച്ച്.അബ്ദുറഹിമാൻ ,കെ.പി. ഫായിഖ്‌ റോഷൻ , എൻ.ഷാഹിദ് സഫർ , പി. നബീൽ ഷാ, കാർത്തികാ കൃഷണ എന്നിവർ സംബന്ധിച്ചു.

14/12/2023

ഡിസംബർ 18- ലോക അറബി ഭാഷാദിന ഗോൾഡൺ ജൂബിലി:ചളവ ഗവൺമെൻ്റ് യു.പി. സ്കൂളിൽ അറബിക് കാലിഗ്രാഫി പ്രദർശനവും അറബിക് ഭാഷാ സംഗമവും നടന്നു

എടത്തനാട്ടുകര : അറബി ഭാഷയുടെ അനന്യ സാധാരണമായ സവിശേഷതകളിലേക്കും അത് അന്തർ വഹിക്കുന്ന വൈജ്ഞാനിക സാംസ്കാരിക പൈതൃകങ്ങളിലേക്കും വെളിച്ചം വീശുന്ന കാലിഗ്രഫി പ്രദർശനം കുട്ടികൾക്ക് നവ്യാനുഭവമായി. ഭാഷാ സംഗമം പ്രശസ്ത എഴുത്തുകാരി ഊർമ്മിള വി ഉദ്ഘാടനം നിർവ്വഹിച്ചു. പ്രസ്തുത ചടങ്ങിൽ കുട്ടികൾ തയ്യാറാക്കിയ ആറ് കയ്യെഴുത്ത് മാഗസിനുകൾ പ്രകാശനം ചെയ്തു..

അധ്യാപകരായ സകരിയ്യ.പി.എം, അബ്ദുൽ ഗഫൂർ.പി, റമീസത്ത് എം എ, ബാബുരാജൻ കെ.പി, ഷൗക്കത്തലി വി.സി, വിദ്യാർത്ഥി പ്രതിനിധി മിയ സക്കീർ. കെ എന്നിവർ പ്രസംഗിച്ചു. തുടർന്ന് വിദ്യാർത്ഥികളുടെ കലാ പരിപാടികൾ നടന്നു.
ഭാഷാ ദിനാഘോഷത്തിൻ്റെ ഭാഗമായി സംഘടിപ്പിച്ച ക്വിസ്സ്, കാലിഗ്രഫി, ബാഡ്ജ് നിർമ്മാണ മത്സരം എന്നിവയിലെ വിജയികളെ ചടങ്ങിൽ അനുമോദിച്ചു.

12/12/2023

കാട്ടുപന്നി ശല്യത്തിനെതിരെ എടത്തനാട്ടുകര മേഖല യൂത്ത് ലീഗ് അലനല്ലൂർ പഞ്ചായത്തിന് നടപടി ആവശ്യപ്പെട്ട് പരാതി നൽകി.

എടത്തനാട്ടുകരയിലെ വിവിധ പ്രദേശങ്ങളായ ചളവ. ഉപ്പുകുളം .പടിക്കപ്പാടം.
മുണ്ടകുന്ന് ഭാഗങ്ങളിൽ കാട്ടുപന്നികളുടെ ശല്യം അതിക്രമിച്ച സാഹചര്യത്തിൽ എടത്തനാട്ടുകര മേഖല യൂത്ത് ലീഗ് ഭാരവാഹികൾ അലനല്ലൂർ പഞ്ചായത്ത് പ്രസിഡന്റ് നു അടിയന്തിര നടപടി ആവശ്യപ്പെട്ട് പരാതി നൽകിയത്.

കാർഷിക മേഖലയായ എടത്തനാട്ടുകര പ്രദേശത്തെ കർഷകരുടെ വിളകൾ തിന്നു നശിപ്പിക്കുന്ന സാഹചര്യം നിലനിൽക്കുമ്പോളും കഴിഞ്ഞ ദിവസങ്ങളിൽ പകൽ സമയങ്ങളിൽ പോലും പന്നികൾ വാഹനങ്ങൾക്കു കുറുകെ ചാടുന്നു. ഇത്തരത്തിലുള്ള അപകടങ്ങളിൽ ആറോളം പേർക്കാണ് ഈ മേഖലയിൽ പരിക്കേറ്റത്. രാത്രികാലങ്ങളിൽ ഇരുചക്രവാഹനങ്ങൾക്ക് സഞ്ചരിക്കാൻ പോലും പറ്റാത്ത സാഹചര്യം ആണ് നിലനിൽക്കുന്നത്.

നിലവിലെ ഈ സാഹചര്യം മുൻനിർത്തി ആണ് മേഖല യൂത്ത് ലീഗ് പ്രസിഡന്റ് ജഫീർ കെ. ടി ജനറൽ സെക്രട്ടറി നിജാസ് ഒതുക്കുംപുറത്തു, മണ്ഡലം യൂത്ത് ലീഗ് സെക്രട്ടറി നൗഷാദ് പുത്തൻകോട്ടിൽ . മേഖല വൈസ് പ്രസിഡന്റ് ഷിഹാബുദീൻ സി എന്നിവർ ചേർന്ന് അലനല്ലൂർ പഞ്ചായത്ത് അധ്യക്ഷ പി പി സജ്‌ന സത്താറിന് അടിയന്തിര നടപടി ആവശ്യപ്പെട്ട് പരാതി നൽകിയത്. ശല്യക്കാരായ പന്നികളെ ഗവ: സ്പെഷ്യൽ ഓർഡർ അനുസരിച്ചു വെടിവെച്ചു കൊല്ലാനും. അപകടത്തിൽ പെട്ടവർക്ക് ചികിത്സാസഹായം അനുവദിക്കാനുമുള്ള നടപടി സ്വീകരിക്കണമെന്നും പരാതിയിൽ ആവശ്യപ്പെട്ടു.

പഞ്ചായത് ഭരണസമിതി അംഗങ്ങളായ അലി മടത്തൊടി, കള്ളിവളപ്പിൽ ഹംസ,എം കെ ബക്കർ ,ബഷീർ പടുകുണ്ടിൽ,ജിഷ. എം ,ലൈല ഷാജഹാൻ ,റംല
എന്നിവർ ഇതുമായി ബന്ധപ്പെട്ട ചർച്ചയിൽ പങ്കെടുത്തു.

11/12/2023

എടത്തനാട്ടുകര ടി.എം.യു.പി സ്കൂളിൽ അലിഫ് അറബിക് ക്ലബ്ബിന്റെ നേതൃത്വത്തിൽ അറബി ഭാഷ ദിനാചരണം സംഘടിപ്പിച്ചു.

ഡിസംബർ 18 അന്താരാഷ്ട്ര അറബിക് അറബിഭാഷ ദിനത്തിന്റെ ഭാഗമായാണ് പരിപാടി സംഘടിപ്പിച്ചത്. കുട്ടികൾക്കുള്ള കാലിഗ്രാഫി മത്സരവും രക്ഷിതാക്കൾക്കുള്ള അറബിക് ക്വിസ് മത്സരവും വിവിധ കുട്ടികളുടെ കലാപരിപാടികളും അറബിക് അസംബ്ലിയും സംഘടിപ്പിച്ചു. കുട്ടികൾ തയ്യാറാക്കിയ അറബിക്ക് മാഗസിൻ പ്രകാശനം ഹെഡ്മാസ്റ്റർ ടി.പി സഷീർ മാസ്റ്റർ സ്‌കൂൾ ലീഡർ സ്വാലിഹ് CP ക്കു നൽകി നിർവഹിച്ചു. അറബിക് അസ്സംബ്ലി അലിഫ് അറബിക് ക്ലബ്ബ് കൺവീനർ C P ഷെരീഫ് മാസ്റ്റർ നേതൃത്വം നൽകി.

രക്ഷിതാക്കൾക്കും കുട്ടികൾക്കും ഉള്ള സമ്മാന വിതരണം ഹെഡ്മാസ്റ്റർ TP സഷീർ മാസ്റ്ററും സീനിയർ അദ്ധ്യാപിക സി.വി രജനി ടീച്ചറും നൽകി. സ്റ്റാഫ് സെക്രട്ടറി ടി.കെ അഷ്‌റഫ് മാസ്റ്റർ ആശംസകൾ നേർന്നു.

ചടങ്ങിൽ അലിഫ് അറബിക് ക്ലബ്ബ് അംഗങ്ങളായ അധ്യാപകർ കെ.ടി ജഫീർ, സി.പി ജാസ്മിൻ, ടി.പി അഫീഫ എന്നിവർ സംസാരിച്ചു.

07/12/2023

05/12/2023

ജൈവ പച്ചക്കറിത്തോട്ടത്തിൽ നിന്നും നൂറുമേനി വിളവെടുത്ത് മുണ്ടക്കുന്ന് എ.എൽ.പി. സ്കൂൾ

എടത്തനാട്ടുകര: മുണ്ടക്കുന്ന് എ.എൽ.പി. സ്കൂളിൽ രണ്ടാം ഘട്ടത്തിൽ ഒരുക്കിയ പച്ചക്കറിത്തോട്ടത്തിൽ നിന്ന് നൂറു മേനി വിളവ് ലഭിച്ചു. വളരെ ആവേശപൂർവം കാർഷിക ക്ലബ് അംഗങ്ങളും അധ്യാപകരും വിളവെടുപ്പ് ആഘോഷിച്ചു. ജൈവരീതിയിൽ രാസവളങ്ങൾ ഉപയോഗിക്കാതെ വർഷം മുഴുവൻ നീണ്ടു നിൽക്കുന്ന അടുക്കളത്തോട്ടം സ്കൂളിലെ ഉച്ചഭക്ഷണ വിഭവങ്ങളിൽ നല്ല പങ്കു വഹിച്ചു വരുന്നു.

കുട്ടികൾക്കും പി.ടി.എ. അംഗങ്ങൾക്കും അധ്യാപകർക്കും ഒപ്പം മാനേജർ കൂടി ഈ വിജയഗാഥയ്ക്കു പിന്നിൽ സഹകരിച്ചു വരുന്നു. 200 ലധികം ഗ്രോബാഗുകൾ ഈ വർഷം തുടക്കത്തിൽ തന്നെ പി.ടി.എ. അംഗങ്ങളുടെ *നേതൃത്വത്തിൽ നിറച്ച് നല്ലയിനം തൈകൾ നട്ടതിൽ നിന്നും സ്ഥിരമായി പച്ചക്കറികൾ ലഭിച്ചു വരുന്നു.

വിളവെടുപ്പിന് ഹെഡ്മാസ്റ്റർ പി. യൂസഫ് നേതൃത്വം നൽകി.* *സ്റ്റാഫ് സെക്രട്ടറി പി. ഹംസ, സ്കൂൾ ലീഡർ ഷിയാസാദിഖ്‌, അധ്യാപകരായ അബ്ദുൽ ഗഫൂർ, ഒ. ബിന്ദു, പി. ജിതേഷ്, കാർഷിക ക്ലബ്ബ് അംഗങ്ങൾ എന്നിവർ സംബന്ധിച്ചു.*

29/11/2023

1-3ന് പിറകിൽ നിന്ന ശേഷം കേരള ബ്ലാസ്റ്റേഴ്സിന്റെ മാരക തിരിച്ചുവരവ്!!

ഇന്ന് കൊച്ചിയിൽ കേരള ബ്ലാസ്റ്റേഴ്സ് എഫ് സിയുടെ വൻ തിരിച്ചുവരവ് തന്നെയാണ് കാണാൻ ആയത്. ചെന്നൈയിനെ നേരിട്ട കേരള ബ്ലാസ്റ്റേഴ്സ് 1-3ന് പുറകിൽ നിന്ന ശേഷം തിരിച്ചടി 3-3ന്റെ സമനില ഇന്ന് നേടി. ദിമി ഇരട്ട ഗോളുകളുമായി ഇന്ന് കേരള ബ്ലാസ്റ്റേഴ്സിന്റെ ഹീറോ ആയി മാറി. ഈ സമനിലയോടെ കേരള ബ്ലാസ്റ്റേഴ്സ് വീണ്ടും ഐ എസ് എല്ലിൽ ഒന്നാമത് എത്തി.

ഇന്ന് അപ്രതീക്ഷിത തുടക്കമാണ് കേരള ബ്ലാസ്റ്റേഴ്സിന് നേരിടേണ്ടി വന്നത്. ആദ്യ മിനുട്ടിൽ തന്നെ കേരള ബ്ലാസ്റ്റേഴ്സ് ഒരു ഗോളിന് പിറകിൽ ആയി. ക്രിവെലാരോ ഒരു ഫ്രീകിക്കിൽ നിന്ന് ചെന്നൈയിന് ലീഡ് നൽകുക ആയിരുന്നു. സ്കോർ 0-1. പക്ഷെ അധികം വൈകാതെ തിരിച്ചടിക്കാൻ കേരള ബ്ലാസ്റ്റേഴ്സിനായി. ക്വാമെ പെപ്രയെ വീഴ്ത്തിയതിന് പതിനൊന്നാം മിനുട്ടിൽ ബ്ലാസ്റ്റേഴ്സിന് ഒരു പെനാൾട്ടി കിട്ടി. ആ പെനാൾട്ടി ദിമി വലയിൽ എത്തിച്ചു. സ്കോർ 1-1
എന്നാൽ സമനില അധികം നീണ്ടു നിന്നില്ല. 14ആം മിനുട്ടിൽ നവോചയുടെ ഒരു ഫൗളിന് ചെന്നൈയിനും ഒരു പെനാൾട്ടി കിട്ടി‌‌. ആ പെനാൾട്ടി മറേ ലക്ഷ്യത്തിൽ എത്തിച്ച് അവർക്ക് വീണ്ടും ലീഡ് നൽകി. സ്കോർ 1-2. അവിടെ തീർന്നില്ല 24ആം മിനുട്ടിൽ മറേ വീണ്ടും ബ്ലാസ്റ്റേഴ്സ് വലയിലേക്ക് പന്ത് എത്തിച്ചു. സ്കോർ 1-3‌

കേരള ബ്ലാാസ്റ്റേഴ്സ് അറ്റാക്ക് തുടർന്നു. 37ആം മിനുട്ടിൽ പെപ്രയുടെ സ്ട്രൈക്ക് ദെബിജിതിനെ മറികടന്ന് വലയിലേക്ക്. പെപ്രയുടെ സീസണിലെ ആദ്യ ഗോളായി. സ്കോർ 2-3. ആദ്യ പകുതി ഈ സ്കോറിൽ അവസാനിച്ചു.

രണ്ടാം പകുതിയിൽ കേരള ബ്ലാസ്റ്റേഴ്സ് കൂടുതൽ അറ്റാക്കിലേക്ക് തിരിഞ്ഞു‌. 59ആം മിനുട്ടിൽ ദിമ കേരളത്തിന് സമനില നൽകി. പെനാൾട്ടി ബോക്സിന് പുറത്ത് നിന്ന് ഒരു ഇടം കാലൻ ഷോട്ടിലൂടെ ആയിരിന്നു ദിമി ഗോൾ കണ്ടെത്തിയത്. സ്കോർ 3-3.

ഇതിനു ശേഷം ലൂണയിലൂടെ കേരള ബ്ലാസ്റ്റേഴ്സ് നാലാം ഗോളിന് അടുത്ത് എത്തുന്നതും കാണാൻ ആയി. എന്നാൽ വിജയ ഗോളിനായി ഏറെ കാത്തു നിൽക്കേണ്ടി വന്നു. 94ആം മിനുട്ടിൽ ഗോളെന്ന് ഉറച്ച ഒരു ചാൻസ് ഡെയ്സുകെ നഷ്ടപ്പെടുത്തിയത് ബ്ലാസ്റ്റേഴ്സിന് തിരിച്ചടിയായി.

ഈ വിജയത്തോടെ കേരള ബ്ലാസ്റ്റേഴ്സ് 8 മത്സരങ്ങളിൽ നിന്ന് 17 പോയിന്റുമായി ലീഗിൽ ഒന്നാമത് നിൽകുന്നു‌. 8 പോയിന്റുള്ള ചെന്നൈയിൻ ഏഴാം സ്ഥാനത്താണ്.