ABS News Bulletin

06/02/2024

03/01/2024

#ଗାଡିଧକ୍କା_ନେଲା_ଜୀବନ
03_01_2024
ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ବୁର୍ଡl ବ୍ରିଜ଼ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ରୁ ଜଣଙ୍କ ମୃତ୍ୟୁ ହୋଇଛି l ସୂଚନା ଅନୁସାରେ ଲୋଇସିଂହା ବ୍ଲକ ବାଦିବାହାଲ ପଂଚାୟତ ଅନ୍ତର୍ଗତ ଚୌହାନପାଲି ଗ୍ରାମର ବିନୋଦ ବାରିକ (45) ପି. ନୀଳମଣି ବାରିକ କୌଣସି କାମଲାଗି ଆସି ସକାଳୁ ଲୋଇସିଂହା ରୁ ବାଇକ ରେ ଘରକୁ ଫେରୁଥିବା ସମୟରେ ବୁର୍ଡl ବ୍ରିଜ଼ ନିକଟରେ ଏକ ଅଜଣା ଗାଡି ତାଙ୍କୁ ଧକ୍କା ଦେଇ ଫେରାର ହୋଇ ଯାଇଥିଲା । ଧକ୍କା ଏତେ ଯୋର ଥିଲା ଯେ ବିନୋଦ ବାରିକ ଙ୍କ ସେଠାରେ ମୃତ୍ଯୁ ହୋଇଯାଇ ଥିଲା । ସ୍ଥାନୀୟ ଲୋକେ ତାଙ୍କୁ ତୁରନ୍ତ ଲୋଇସିଂହା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ଆଣିଥିଲେ ଏବଂ ଡାକ୍ତର ତାଂକୁ ବଲାଙ୍ଗୀର ଭୀମଭୋଇ ମେଡିକାଲ କୁ ପୋଷ୍ଟମର୍ଟମ ପାଇଁ ପଠାଇଲେ । କିନ୍ତୁ ପରିବାର ବର୍ଗ ବୁର୍ଡl ଛକ ନିକଟରେ ଶବ କୁ ରଖି 26 ନମ୍ବର ଜାତୀୟ ରାଜପଥ ଅବରୋଧ କରିବା ସହ ପ୍ରଶାସନ ଯେ ପର୍ଯ୍ୟନ୍ତ ସରକାରୀ ସହାୟତା ପ୍ରଦାନ ସହ ଦୋଷୀକୁ ଗିରଫ ନକରିବ ସେ ପର୍ଯ୍ୟନ୍ତ ରାସ୍ତା ଅବରୋଧ ରହିବ ବୋଲି ଚେତାବନୀ ଦେଇଥିଲେ ।ଲୋଇସିଂହା ପୋଲିସ ଓ ତହସିଲ୍ଦାର ଉକ୍ତ ସ୍ଥାନକୁ ପହଂଚି ପରିବାର କୁ ବୁଝାଇଛନ୍ତି l ପ୍ରକୃତ ଘଟଣା ପୋଲିସ ତଦନ୍ତ ପରେ ଜଣାପଡିବ ବୋଲି କୁହାଯାଇଛି।
* Saroj Padhan
ABS News

01/01/2024

#ନଅଗାଁ_କ_ଧନୁଯାତ୍ରାରେ_ବିଧାୟକ_ନରସିଂହ
ାଙ୍ଗୀର 01_01_2024
ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ନଅଗାଁ (କ) ଜନସାଧାରଣଙ୍କ ଦ୍ୱାରା ଆୟୋଜିତ ଆଂଚଳିକ ଧନୁଯାତ୍ରାର କଂସ ଦରବାର ରେ ରାଜ ଅତିଥି ଭାବେ ଯୋଗ ଦେଇଛନ୍ତି ବଲାଙ୍ଗିର ବିଧାୟକ ଶ୍ରୀ ନରସିଂହ ମିଶ୍ର । ସମ୍ମାନିତ ଅତିଥି ଭାବେ ଜିଲ୍ଲା କଂଗ୍ରେସ ସଭାପତି ଦିଲିପ ବେହେରା, ପୂର୍ବତନ ଆଗଲପୁର ବ୍ଲକ ଚେୟାରମେନ ମନମୋହନ ପଟେଲ ପ୍ରମୁଖ ଯୋଗ ଦେଇଥିଲେ ।ଏହି ଅବସରରେ ବିଧାୟକ ଶ୍ରୀ ମିଶ୍ର ବର୍ତ୍ତମାନ କେନ୍ଦ୍ର ଓ ରାଜ୍ଯ ସରକାର ଙ୍କ ବିଭିନ୍ନ ନୀତି ଓ ପଦକ୍ଷେପ କୁ ଜନ ବିରୋଧି ବୋଲି କହିଛନ୍ତି । ସେ କହିଛନ୍ତି ଯେ :-
* ବର୍ତ୍ତମାନ କେବଳ ରାଜ୍ୟରେ ନୁହେଁ ସାରା ଦେଶରେ କଂସ ମହାରାଜଙ୍କ ରାଜୁତି ଚାଲିଛି ।
* ଦେଶ ଓ ରାଜ୍ୟରେ ନାଗରିକମାନେ ଶାସନତନ୍ତ୍ରରୁ କୌଣସି ସୁଫଳ ପାଉ ନାହାନ୍ତି ।
* ଓଡ଼ିଶା ସରକାରଙ୍କ ପଶ୍ଚିମ ଓଡିଶା ପ୍ରତି କ୍ରମାଗତ ଅବହେଳା ଓ ବୈମାତୃକ ମନୋଭାବ କାରଣ ରୁ ଲୋକଙ୍କ ଭିତରେ ଅସନ୍ତୋଷ କୁହୁଳିବାରେ ଲାଗିଲାଣି ।
* ଏ ପରି ବୈମାତୃକ ମନୋଭାବକୁ ପ୍ରଶମିତ ନକଲେ, ସାରା ରାଜ୍ୟରେ ଏକ ସମତୁଳ ବିକାଶ ରାସ୍ତା ବାହାର ନକଲେ ଯେ କୌଣସି ମୁହୁର୍ତ୍ତରେ ରାଜ୍ୟ ଦୁଇ ଫାଳ ହେବା ପରି ଉଗ୍ର ଆନ୍ଦୋଳନ ହେବ।
* ଏବେ ରାଜ୍ୟରେ କୌଣସି ଗୋଟିଏ ବର୍ଗର ଲୋକେ ଖୁସିରେ ନାହାନ୍ତି ।
* କୃଷି କ୍ଷେତ୍ରରେ ଜଳସେଚନର ଅଭାବ, ସ୍ୱାସ୍ଥ୍ୟ କ୍ଷେତ୍ରରେ ଡାକ୍ତର ର ଅଭାବ, ଶିକ୍ଷା କ୍ଷେତ୍ରରେ ଶିକ୍ଷକ ଓ ଅଧ୍ୟାପକଙ୍କ ଅଭାବ ।
* ରୋଜଗାର ପାଇବାରେ ପାଠୁଆ ଯୁବକ / ଯୁବତୀ ବିଫଳ ହେବା ଦ୍ୱାରା ସାରା ରାଜ୍ୟରେ ଏକ ନୈରାଶ୍ୟଜନକ ପରିସ୍ଥିତି ସୃଷ୍ଟି ହୋଇଛି ।
* ନାରୀ ନିର୍ଯ୍ୟାତନାରେ ରାଜ୍ୟ ସରକାରଙ୍କ ଅନେକ ମନ୍ତ୍ରୀ ପୂର୍ବତନ ମନ୍ତ୍ରୀ ଜଡିତ ଥିବା ସତ୍ତ୍ବେ ଆଇନ ତା ବାଟରେ ଯିବ କହୁଥିବା ରାଜ୍ୟର ମୁଖ୍ୟମନ୍ତ୍ରୀ ସମ୍ପୁର୍ଣ୍ଣ ନିରବ ।
* ଯେ କୌଣସି ସମୟରେ ଜନଅସନ୍ତୋଷର ନିଆଁ କେବଳ ପଶ୍ଚିମାଂଚଳ ନୁହେଁ ସାରା ରାଜ୍ୟକୁ ବ୍ଯାପି ଯାଇପାରେ ।
* ଏପରି କୁଶାସନରୁ ମୁକ୍ତି ଚାହୁଁଥିବା ଲୋକେ ଏକଜୁଟ ହୁଅନ୍ତୁ ଏବଂ ଏପରି ଜନବିରୋଧି ରାଜ୍ୟ ଓ କେନ୍ଦ୍ର ସରକାରଙ୍କୁ ଆଗାମୀ ଦିଗରେ କଡା ଜବାବ ଦିଅନ୍ତୁ ବୋଲି ବିଧାୟକ ଶ୍ରୀ ମିଶ୍ର ନିଜ ବକ୍ତବ୍ୟରେ କହିଛନ୍ତି।
ଉଲ୍ଲେଖ ଯୋଗ୍ଯ ଯେ ଏହି ଧନୁଯାତ୍ରାର ନାଟ୍ୟ ଅଭିନୟ କାହିଁକି ନିଜ ମାତୃଭାଷା କୋଶଲି ରେ ହେଉ ନାହିଁ ବୋଲି ଶ୍ରୀ ମିଶ୍ର କ୍ଷୋଭ ପ୍ରକାଶ କରିବା ପରେ ଦରବାରରେ ଥିବା କଂସ ମହାରାଜ ତତ୍‌କ୍ଷଣାତ୍ କୋଶଲି ଭାଷାରେ ହିଁ ବାକି ଥିବା ନାଟ୍ୟ ଅଭିନୟକୁ ଆଗେଇ ନେବା ଦେଖାଯାଇଥିଲା ।
= ସତ୍ଯ ନାରାୟଣ ପାଣିଗ୍ରାହୀ =
ABS News

01/01/2024

#ବିନା_ହାକିମରେ_ଅଫିସ୍ !
01_01_2024
* ରାଜ୍ଯ ସରକାର ପଦ୍ମପୁର (ଘୋଷିତ ହୋଇ ଥିବା ଜିଲ୍ଲା) ପାଇଁ ଜଣେ ହାକିମ ଙ୍କୁ ଅତିରିକ୍ତ ଜିଲ୍ଲାପାଳ ରୂପେ ନିଯୁକ୍ତ କରିଛନ୍ତି।
* ଉପ ଜିଲ୍ଲାପାଳ ଙ୍କ ଅଫିସ କୋଠାକୁ ଜିଲ୍ଲାପାଳ କାର୍ଯ୍ୟାଳୟ ବୋଲି ( ଉପ କୁ ମେଣ୍ଟାଇ) ଲେଖିକି ଚିହ୍ନଟ କରାଇଛନ୍ତି । ସେଠି କିଏ ବସିବେ ?
* ଏଣେ ଏଯାବତ ଜିଲ୍ଲାପାଳ ନିଯୁକ୍ତ କରି ନାହାନ୍ତି।
* କେବଳ ଗୋଟିଏ କୋଠାକୁ ଜିଲ୍ଲାପାଳ କାର୍ଯ୍ୟାଳୟ ଲେଖିଦେଇ ସରକାର କେଉଁ ପ୍ରକର ସକ୍ରିୟତା ଦେଖାଉଛନ୍ତି ?
* ସରକାର ଏପରି ମଧ୍ଯ କରିପାରନ୍ତି ଯେ ଟିଟିଲାଗଡ ଠାରେ ମଧ୍ଯ କୌଣସି ଏକ ସରକାରୀ ଅଫିସକୁ ଜିଲ୍ଲାପାଳ ଙ୍କ କାର୍ଯ୍ୟାଳୟ ବୋଲି ଲେଖିଦେଇ ଆତ୍ମ ପ୍ରଶଂସା ସାଉଁଟି ପାରନ୍ତି।
=ସତ୍ଯ ନାରାୟଣ ପାଣିଗ୍ରାହୀ =
ABS News
( ସାମାଜିକ ଗଣମାଧ୍ୟମ ରୁ ସଂଗୃହୀତ ଫଟୋଚିତ୍ର)

31/12/2023

#ଇଂରାଜୀ_ନବବର୍ଷର_ଅଭିନନ୍ଦନ
ABS NEWS ର ଅଗଣିତ ପାଠକ ଏବଂ ଦର୍ଶକଙ୍କୁ NETWORK ତରଫରୁ ହାର୍ଦିକ ଶୁଭେଚ୍ଛା l
ସମସ୍ତେ ହସ ଖୁସୀ ଏବଂ ସୁଖ ଶାନ୍ତି ଲଭନ୍ତୁ
ମା ସମଲେଶ୍ୱରୀଙ୍କ ନିକଟରେ ପ୍ରାର୍ଥନା l
ସ୍ବାଗତଂ 2024 ମସିହା

31/12/2023

#ଲୋକ_କଳା_ମହୋତ୍ସବ_ଅନୁଷ୍ଠିତ
31_12_2023
ବଲାଙ୍ଗୀର ଜିଲ୍ଲା ସଇଁତଳା ବ୍ଲକ ଅନ୍ତର୍ଗତ କୁମ୍ଭାରୀ ଗ୍ରାମ ପଞ୍ଚାୟତ ର କୁମ୍ଭାରି ଠାରେ ଲୋକ କଳା ଉତ୍ସବ ଅନୁଷ୍ଠିତ ହୋଇ ଯାଇଛି । ଏଥିରେ ବ୍ଲକ ଓ ଜିଲ୍ଲା ସ୍ତରୀୟ ଅନେକ ନାଟକ,ଦଣ୍ଡ , ଓ ରାବଣ ଦରବାର କୁ ଜନସାଧାରଣ ମନ ଭରି ଦେଖିଥିଲେ। ରାବଣ ଦରବାର ରେ ରାବଣ ଭୂମିକା ରେ ଶ୍ରୀ ପାଣ୍ଡବ କର୍ମୀ ଅଭିନୟ କରି ଲୋକ ମାନମୋହିଥିଲେ। ଉକ୍ତ ମହୋତ୍ସବ ରେ ମୁଖ୍ୟ ଅତିଥି ଭାବରେ ଟିଟିଲାଗଡ ନିର୍ବାଚନ ମଣ୍ଡଳୀ ର ବିଜେପି ବରିଷ୍ଠ ନେତା ଶ୍ରୀ ନବୀନ ଜୈନ ଯୋଗଦେଇଥିଲେ। ଉଲ୍ଲେଖ ଯୋଗ୍ଯ ଯେ ଜୟ ଜଗନ୍ନାଥ କଳା ପରିଷଦ ଓ କୁମ୍ଭାରି ଗ୍ରାମ ବାସୀ ପ୍ରାୟ ୪/୫ବର୍ଷ ହେବ ଏହି ଲୋକ ମହୋତ୍ସବ ପାଳନ କରି ଆସୁଛନ୍ତି।
* ଚନ୍ଦ୍ର ଭାନୁ ପଧାନ
ABS News

31/12/2023

#ଫଳକକୁ_ନେଇ_ସମିତି_ବୈଠକ_ରେ_ମୁହାଁମୂହି
େଓଗାଁ 31.12.23
ବଲାଙ୍ଗିର ବିଧାସଭା ନିର୍ବାଚନ ମଣ୍ଡଳୀରେ ଗୁଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥାଏ ଜିଲ୍ଲାର ଦେଓଗାଁ ବ୍ଲକ । ଏହି ବ୍ଲକ୍ କୁ ନେଇ ବିଭିନ୍ନ ସମୟରେ ରାଜନୈତିକ ଦଳ ଗୁଡିକ ଦରଦ ଦେଖାଇଥାନ୍ତି । ଗତକାଲି ବ୍ଲକ୍ ଅଫିସ୍ ପରିସରରେ ଚାଲିଥିବା ପଞ୍ଚାୟତ ସମିତି ର ସାଧାରଣ ବୈଠକ ରେ କଂଗ୍ରେସ ଓ ବିଜେଡି ମଧ୍ୟରେ କଥା କଟା କଟି ହେବା ସହିତ ରାଜନୈତିକ ଓ ଦଳୀୟ ନାରାବାଜୀ ଦେଖିବାକୁ ମିଳିଥିଲା । ଉକ୍ତ ବୈଠକ ରେ କଂଗ୍ରେସ ବିଧାୟକ ନରସିଂହ ମିଶ୍ର ଙ୍କ ବ୍ଲକ୍ ପ୍ରତିନିଧି ଅସିତ୍ କୁମାର ମିଶ୍ର , ନରସିଂହ ମିଶ୍ର ଜିନ୍ଦାବାଦ ନାରା ଦେବା ପରେ ତାଙ୍କ ପ୍ରତିବାଦରେ ଦେଓଗାଁ ବ୍ଲକ ସରପଞ୍ଚ ସଂଘ ସଭାପତି ଗୋପାଲ ମିଶ୍ର ମଧ୍ଯ ନବିନ ପଟ୍ଟନାୟକ ଜିନ୍ଦାବାଦ ର ନାରା ଦେଇଥିଲେ । ଫଳରେ ପଞ୍ଚାୟତ ସମିତି ସଭାଗୃହ ମଧ୍ୟରେ ଅଧା ଘଣ୍ଟା ଧରି ବହୁତ ଜୋର୍ ପାଟି ତୁଣ୍ଡ ହେବା ସହିତ ବୈଠକ ବନ୍ଦ ହୋଇଯାଇଥିଲା ।
* Manoj Kumar Naik
ABS News

30/12/2023

#ବଲାଙ୍ଗୀର_ପୁଅ_ହେଲେ_ମହାନିର୍ଦ୍ଦେଶକ
ାଙ୍ଗୀର 30_12_2023
* ବଲାଙ୍ଗିର ମାଟିର ସୁଯୋଗ୍ଯ ସନ୍ତାନ ଅରୁଣ କୁମାର ଷଡଙ୍ଗୀ (1990 ବ୍ଯାଚ IPS ) ନିଯୁକ୍ତ ହେଲେ ଓଡିଶାର ଭାରପ୍ରାପ୍ତ ପୋଲିସ ମହାନିର୍ଦ୍ଦେଶକ ।
* ବଲାଙ୍ଗିର ରାଜେନ୍ଦ୍ରଭିଆନଙ୍କ ପାଇଁ ଗର୍ବ ଓ ଗୌରବର ଖବର ।
* Bureau office
ABS News

28/12/2023

#ଛାତ୍ର_ସଙ୍ଗଠନ_ତରଫରୁ_କମ୍ବଳ_ବଣ୍ଟନ
28_12_2023
ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଗୋଣ୍ଡୱାନା ତରଫରୁ ଝlରମୁଣ୍ଡା, ପରଧିଆପାଲି, ମନସାପାଲି, ଲୁଚିକି ବାହାଲ ଠାରେ ଗରିବ, ଅସହାୟ , ବୃଦ୍ଧବୃଦ୍ଧାଙ୍କୁ ଶୀତକାଳରେ କମ୍ବଳ ବସ୍ତ୍ର ପ୍ରଦାନ କରାଯାଇଛି l ଏହି ବସ୍ତ୍ର ବଣ୍ଟନ ସମୟରେ ଜି ଏସ ୟୁ ସଭାପତି ଲଳିତ ମୋହନ ପୁଟା, ଗୋଣ୍ଡୱାନା ଗୋଣ୍ଡ ଜିଲ୍ଲା ସଭାପତି ଶ୍ୟାମ ସୁନ୍ଦର ଭୋଇ, ଜି ଏସ ୟୁ ସଂପାଦକ ଚନ୍ଦ୍ରଶେଖର କୁଅଁର, ବ୍ଲକ ସଭାପତି ଭୁବନେଶ୍ୱର ଧରୁଆ, ଦେବେନ୍ଦ୍ର ପୁଟା, ରାଜ୍ୟ ସଭ୍ୟ ପବିତ୍ର ଧରୁଆ, ଭଗବାନ ଧରୁଆ, ଗୋପାଳ ଧରୁଆ, ପ୍ରମୁଖ ସମାଜ ର ମାନ୍ୟଗଣ୍ୟ ବ୍ୟକ୍ତି ମାନେ ଉପସ୍ଥିତ ରହି ସହଯୋଗ ପ୍ରଦାନ କରିଥିଲେ।
* Saroj Padhan
ABS News

27/12/2023

#ନିର୍ବାଚନ_ମଣ୍ଡଳିର_ସମୀକ୍ଷା_ବୈଠକ_କଲେ_ବିଧାୟକ
ାଙ୍ଗୀର 27_12_2023
ବଲାଙ୍ଗୀର ବିଧାୟକ ଶ୍ରୀ ନରସିଂହ ମିଶ୍ର ନିଜ ନିର୍ବାଚନ ମଣ୍ଡଳିର ବିଭିନ୍ନ କାର୍ଯ୍ୟକ୍ରମ ର ସମିକ୍ଷା ବୈଠକ କରିଛନ୍ତି । ଏହି ଅବସର ରେ ସେ କହିଛନ୍ତି ଯେ ସହରର ଇନ୍ଦିରା ନଗର, ଲକ୍ଷ୍ମୀଯୋର ଓ ମହାରାଣୀ ସାଗର ଅଂଚଳ ଲୋକଙ୍କୁ ବିସ୍ଥାପିତ ନ କରି ଜମିପଟ୍ଟା ପ୍ରଦାନ କରନ୍ତୁ ସରକାର । ସେ ଉଲ୍ଲେଖ କରିଛନ୍ତି ଯେ ସହର ମଧ୍ୟରେ ଅନେକ ଗରିବ ଜନସାଧାରଣ ବିଭିନ୍ନ ଗାଁ ରୁ ଆସି ଜିବିକା ନିର୍ବାହ କରୁଛନ୍ତି । ମୁଣ୍ଡ ଗୁଞ୍ଜିବା ପାଇଁ ବିଭିନ୍ନ ସରକାରୀ ଜମି ମାନଙ୍କରେ ଘର ଖଣ୍ଡିଏ କରି ସହରରେ ରହିଯାଉଛନ୍ତି । ଏହା ଧିରେ ଧିରେ ବ୍ୟାପକ ହୋଇ ଇନ୍ଦିରାନଗର, ମହାରାଣୀସାଗର କଡ ଏବଂ ଲକ୍ଷ୍ମୀଯୋର ର ଉଭୟ ପାଶ୍ୱର୍ରେ ଗରିବ ଲୋକଙ୍କ ଅନେକ ବସ୍ତି ବସିଯାଇଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଯେହେତୁ ଲୋକେ ନିଜର ଜିବିକା ନିର୍ବାହ ପାଇଁ ଉପରୋକ୍ତ ଜାଗାମାନଙ୍କରେ ଘର କରି ରହୁଛନ୍ତି ତେଣୁ କୌଣସି ପ୍ରକଳ୍ପ ପାଇଁ ସରକାର ସେମାନଙ୍କୁ ଯଦି ବିସ୍ଥାପିତ କରିବେ ତାହା ସେମାନଙ୍କର ମୌଳିକ ଅଧିକାର କ୍ଷୁର୍ଣ୍ଣ ହେବ । ତେଣୁ ଏପରି ଭୂମିହୀନ ଗରିବ ଲୋକ ମାନଙ୍କୁ ସରକାର ସେହି ଜାଗାରୁ ବିସ୍ଥାପିତ ନ କରି ଯେତେ ଶିଘ୍ର ହେବ ଜିଲ୍ଲା ପ୍ରଶାସନ ଜମି ପଟ୍ଟା ପ୍ରଦାନ ପାଇଁ ପଦକ୍ଷେପ ଗ୍ରହଣ କରୁ ବୋଲି ଆଜି ସ୍ଥାନୀୟ ପଂଚାୟତିରାଜ ସାଧନ କେନ୍ଦ୍ରର ସମ୍ମିଳନୀ କକ୍ଷରେ ନିଜ ନିର୍ବାଚନୀ ମଣ୍ଡଳି ସ୍ତରୀୟ ସମୀକ୍ଷା ବୈଠକରେ ଅଧ୍ୟକ୍ଷ ବଲାଙ୍ଗିର ବିଧାୟକ ଶ୍ରୀ ନରସିଂହ ମିଶ୍ର କହିଛନ୍ତି। ଶ୍ରୀ ମିଶ୍ର ଆହୁରି ମଧ୍ୟ କହିଛନ୍ତି ଯେ ନବୀନ ସରକାରଙ୍କ ଦ୍ୱାରା ଅଣାଯାଇଥିବା ଜମି ଜବରଦଖଲ ବିଲ ଯେଉଁ ଥିରେ କି ଜବର ଦଖଲକାରୀଙ୍କୁ 7 ବର୍ଷ ଜେଲ ଓ ଜରିମାନାର ବ୍ୟବସ୍ଥା କରାଯାଇଥିଲା ସେହି ବିଲକୁ କେବଳ ସେ ନିଜେ ହିଁ ଜଣେ ବିଧାୟକ ଭାବରେ ବିଧାନସଭାରେ ବିରୋଧ କରିଥିଲେ ଏବଂ ତା ସହ ଏଥିରୁ ଏ ଜେଲ ଓ ଜରିମାନାରୁ ଗରିବ ଭୂମିହୀନଙ୍କୁ ବାଦ ଦିଆଯାଇ ଏ ବିଲରେ ସଂଶୋଧନ ଅଣାଯାଉ ବୋଲି ପ୍ରସ୍ତାବ ଦେଇଥିଲେ । ପ୍ରସ୍ତାବ କୁ ପ୍ରଥମେ ସରକାର ମାନି ଥିଲେ କିନ୍ତୁ ପରେ ପୁଣି ସେହି ସଂଶୋଧନକୁ ବାତିଲ କରି ଗରିବଙ୍କ ସ୍ୱାର୍ଥ ପାଇଁ ସେ ଦେଇଥିବା ସଂଶୋଧନ ପ୍ରସ୍ତାବକୁ ସରକାର ଖାରଜ କରି ସମସ୍ତ ଜମି ଜବରଦଖଲକାରୀଙ୍କ ପାଇଁ 7 ବର୍ଷ ଜେଲ ଓ ଜରିମାନାର ବ୍ୟବସ୍ଥା କରିଥିଲେ । ତାଙ୍କ ଦାବୀ ପରେ ମହାମହିମ ରାଜ୍ୟପାଳ ଏହି ବିଲ କୁ ମଂଜୁର କରିନଥିଲେ ବୋଲି ବିଧାୟକ କହିଛନ୍ତି। ଏହି ସମୀକ୍ଷା ବୈଠକରେ ବିଧାୟକ ଶ୍ରୀ ମିଶ୍ର ଲକ୍ଷ୍ମୀଯୋରର ଉଭୟ ପାଶ୍ୱର୍ରେ ଥିବା ଲୋକଙ୍କୁ ସେହିଠାରେ ହିଁ ପଟ୍ଟା ପ୍ରଦାନ ସହ ଲକ୍ଷ୍ମୀଯୋରର ବନ୍ୟା ପ୍ରତିରୋଧକ ବାଡ କୁ ଆହୁରି ଉଚ୍ଚ କରି ନିର୍ମାଣ କରିବାକୁ ବିଭାଗୀୟ ଯନ୍ତ୍ରୀଙ୍କୁ ନିର୍ଦ୍ଦେଶ ଦେଇଛନ୍ତି । ଅତିରିକ୍ତ ଜିଲ୍ଲାପାଳ ଲମ୍ବୋଦର ଧରୁଆ ଙ୍କ ଉପସ୍ଥିତିରେ ଏହି ବୈଠକରେ ମହାରାଣୀ ସାଗର ର ଉନ୍ନତି ଓ ସୌନ୍ଦର୍ଯିକରଣ ପାଇଁ ଆସିଥିବା କେନ୍ଦ୍ରୀୟ ଅନୁଦାନ କୁ ରାଜ୍ୟ ସରକାର ଚଞ୍ଚକତା କରି ବାଟମାରଣା କରୁଥିବାର ଆଲୋଚନା ରୁ ଜଣାପଡିଥିଲା । କେନ୍ଦ୍ର ସରକାର ଦେଇଥିବା ଅନୁଦାନ କିପରି "ମୋ ପୋଖରୀ" ନାମରେ ରାଜ୍ୟ ଯୋଜନାରେ ବିନା ଟେଣ୍ଡରରେ ଖର୍ଚ୍ଚ କରାଯିବାର ଯୋଜନା କରାଯାଇଛି ସେ ଉପରେ ପଚାରିଥିବା ପ୍ରଶ୍ନର ସଠିକ ଉତ୍ତର ପୌର ପରିଷଦ ନିର୍ବାହୀ ଅଧିକାରୀଙ୍କ ପାଖରେ ନ ଥିଲା । ପୁର୍ତ୍ତ ବିଭାଗ ଆଲୋଚନା ସମୟରେ ମଧ୍ୟ ବିଭିନ୍ନ ରାସ୍ତା ଗୁଡିକ ନିର୍ମାଣ କାମ ଠିକ୍ ସମୟରେ ସମ୍ପୁର୍ଣ୍ଣ ହେଉ ନ ଥିବାରୁ ବିଧାୟକ ଶ୍ରୀ ମିଶ୍ର କ୍ଷୋଭ ପ୍ରକାଶ କରିବା ସହ ଅସମ୍ପୁର୍ଣ୍ଣ କାମ ଗୁଡିକୁ ଯେତେ ଶିଘ୍ର ସମ୍ପୁର୍ଣ୍ଣ କରିବା ପାଇଁ ନିର୍ଦ୍ଦେଶ ଦେଇଥିଲେ । ବ୍ଲକ ସ୍ତରୀୟ ରାସ୍ତାକାମ, ତଥା ଅନ୍ୟାନ୍ୟ ଯୋଜନାରେ ହିତାଧିକାରୀମାନଙ୍କୁ ହଇରାଣ କରାଯାଉଥିବାର ଅଭିଯୋଗ ଆସିଥିଲା । ବଲାଙ୍ଗିର ସଦର ବ୍ଲକରେ ଗୋଟିଏ ରାସ୍ତା ଉପରେ ତିନୋଟି ରାସ୍ତା ନାମ ଦେଇ ସରକାରୀ ଦଳର ଲୋକଙ୍କ ଦ୍ୱାରା ଅର୍ଥ ହଡପ କରାଯାଇଥିବା ଅଭିଯୋଗ କରି ତାହା ଉପରେ ଏକ ତଦନ୍ତ ରିପୋର୍ଟ ପ୍ରଦାନ କରିବାକୁ ବିଧାୟକ ଶ୍ରୀ ମିଶ୍ର ନିର୍ଦ୍ଦେଶ ଦେଇଥିଲେ । ଏହି ରାସ୍ତା ଗୁଡିକ ହେଲା ବୀରମୁଣ୍ଡା ସିନ୍ଦୁରବାହାଲ, ବୀରମୁଣ୍ଡା ବକ୍ସିଉଡାର, ବିରମୁଣ୍ଡା ଧୁବାଉଡାର । ଧାନକିଣା ଉପରେ ଅନେକ ଅଭିଯୋଗ ଆସୁଥିଲେ ହେଁ ଯୋଗାଣ ଅଧିକାରୀ ପାଖରେ କୌଣସି ଅଭିଯୋଗ କିପରି ନାହିଁ ବୋଲି ବିଧାୟକ ପ୍ରଶ୍ନ କରିଥିଲେ । ଆଇନ ଶୃଙ୍ଖଳା ଆଲୋଚନା ସମୟରେ ଲକ୍ଷ୍ମୀଯୋର ପୋଲିସ ଷ୍ଟେସନକୁ ଶିଘ୍ର ଚାଲୁ କରିବା, ଭୀମ ଭୋଇ ମେଡିକାଲ କଲେଜ ପରିସରରେ ଆଉଟ ପୋଷ୍ଟ ଏବଂ ପର୍ଯ୍ୟଟନ କ୍ଷେତ୍ର ଭୀମ ଡୁଙ୍ଗୁରି ଠାରେ ଏକ ଆଉଟ ପୋଷ୍ଟ ପାଇଁ ପଦକ୍ଷେପ ନେବାକୁ ଉପସ୍ଥିତ ପୁଲିସ ଅଧିକାରୀଙ୍କୁ କୁହାଯାଇଥିଲା । ଭୀମଡୁଙ୍ଗୁରି ଠାରେ ସ୍ଥିତ ପାର୍କ ର ରକ୍ଷଣାବେକ୍ଷଣ ଅଭାବରୁ ବିଭିନ୍ନ ଫୁଲଗଛ ଓ ଘାସ ମରିଯାଉଥିବା ଉପରେ ଉପସ୍ଥିତ ବନବିଭାଗ ଅଧିକାରୀଙ୍କୁ ଯତ୍ନବାନ ହେବାକୁ କହିଥିଲେ ବିଧାୟକ ଏହା ସହ ଗ୍ରାମ୍ୟ ଉନ୍ନୟନ, ପାନୀୟ ଜଳ ଯୋଗାଣ, ଜାତୀୟ ରାଜପଥ ବିଭାଗ ଅଧିନରେ ଚାଲିଥିବା ବିଭିନ୍ନ ପ୍ରକଳ୍ପ ଗୁଡିକ ଯେତେ ଶିଘ୍ର ହେବ ସମାପ୍ତ କରାଯାଉ ବୋଲି ବିଭାଗୀୟ ଅଧିକାରୀମାନଙ୍କୁ ବିଧାୟକ ଶ୍ରୀ ମିଶ୍ର ନିର୍ଦ୍ଦେଶ ଦେଇଥିଲେ ।
=ସତ୍ଯ ନାରାୟଣ ପାଣିଗ୍ରାହୀ=
ABS News

26/12/2023

ାରଣା
୍ଟାବାଞ୍ଜି 26_12_2023
ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ଆମ ଆଦମି ପାର୍ଟି ସଂଯୋଜକ ସୁରଥ ବେହେରାଙ୍କ ନେତୃତ୍ୱରେ ଆପ୍ ତରଫରୁ ଗଣଧାରଣା ଦିଆ ଯାଇଛି । ଜିଲ୍ଲାପାଳଙ୍କ ଉଦ୍ଦେଶ୍ୟରେ ସ୍ଥାନିୟ ତହସିଲ କାର୍ଯ୍ୟଳୟ ସମ୍ମୁଖରେ ଧାରଣାରେ ବସିଛନ୍ତି ଶହ ଶହ ମହିଳା ଓ ପୁରୁଷ l ଜନସାଧାରଣଙ୍କ ମୌଳିକ ସୁବିଧା ଦାବି ସହିତ ଆବଶ୍ୟକ ସୁବିଧା ର ଆବଶ୍ୟକତା ରହିଛି ବୋଲି କୁହାଯାଇଛି। ଦଳ ତରଫରୁ ଅନେକ ଦାବୀ ଉପସ୍ଥାପନ କରାଯାଇଛି । ପ୍ରମୂଖ ଦାବୀମାନ ହେଉଛି :- ବହୁତ ବର୍ଷ ଧରି ସରକାରୀ ଜମିରେ ରହିଆସୁଥୁବା ବସ୍ତିବାସିନ୍ଦା ଙ୍କୁ ଜାଗା ମିଶନ ଯୋଜନାରେ ଆନ୍ତର୍ଭୁକ୍ତ କରିବା, ଆବାସ ଯୋଜନା କାର୍ଯ୍ୟକାରୀ କରିବା, ପାଟଦାର ମାଲିକାନା କୁ ରଇତି ମାକିକାନା କରିବା, ପାଇପ ଯୋଗେ ସମସ୍ତଙ୍କୁ ପିଇବା ପାଣି ଯୋଗାଇବା, ଭିନ୍ନକ୍ଷମ ଓ ବୃଦ୍ଧ ବୃଦ୍ଧା ଭତ୍ତାଧାରିଙ୍କ ଭତ୍ତା ବୃଦ୍ଧି କରିବା, ସମସ୍ତ ସରକାରୀ ବିଦ୍ୟାଳୟରେ ଖେଳ ଓ ଶୌଚାଳୟ ସୁବିଧା, ସହର ର ସମସ୍ତ ନାଳି ନର୍ଦମା ସଫା, ସହରର ପ୍ରାଣ କେନ୍ଦ୍ର ପମ୍ପୁ ତାଲାବ ଶୀଘ୍ର ପୁନଃରୁଦ୍ଧାର, ସମସ୍ତ ପରିବାର କୁ 200 ୟୁନିଟ ଫ୍ରି ବିଜୁଳି ସୁବିଧା, ବୁଲା ଗାଈ ଗୋରୁଙ୍କ ପାଇଁ କାଞ୍ଜି ହାଉସ ବ୍ୟବସ୍ଥା କରିବା, ରାସ୍ତା ଉପରକୁ ବସିଥିବା ପନି ପରିବା ବିକାଳୀ ଙ୍କୁ ବିକ୍ରି କରିବା ପାଇଁ ଏନ ଏ ସି ପକ୍ଷରୁ ତିଆରି ହୋଇଥିବା ଛାତ ତଳେ ବିକ୍ରି ପାଇଁ ପ୍ରୋତ୍ସାହାନ କରିବା ଭଳି ଦାବି ରହିଛି ।
* Vinod Singh
ABS News

26/12/2023

#ଜୀବନ_ବିନ୍ଦୁ_କାର୍ଯ୍ୟକ୍ରମ_ଆୟୋଜିତ
ାଟାବାଞ୍ଜି 26_12_2023
BJD ର 27 ତମ ପ୍ରତିଷ୍ଠା ଦିବସ ଉପଲକ୍ଷ୍ଯେ ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଠାରେ "ମୋ ପରିବାର" ଆନୁକୂଲ୍ୟରେ ରକ୍ତ ଦାନ ଶିବିର ଅନୁଷ୍ଠିତ ହୋଉଯାଇଛି l ଏହି କାର୍ଯ୍ୟକ୍ରମ ରେ ରାଜ୍ଯସଭା ସାଂସଦ ଶ୍ରୀ ନିରଞ୍ଜନ ବିଶି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ରକ୍ତ ଅଭାବ ରୁ ଆଉ ଜୀବନ ସଂକଟରେ ପଡିବ ନାହିଁ , ରକ୍ତ ଦାନ କୁ ନେଇ ଯେଉଁ ପ୍ରକାର ସଚେତନତା ଆଜି ବ୍ୟାପିଛି, ସେହି ପ୍ରୟାସ ଜାରି ରଖିବା ପାଇଁ ଯୁବ ପିଢି ଙ୍କୁ ସେ ଅନୁରୋଧ କରିଥିଲେ l ମାନବ ସେବା ହିଁ ସତରେ ଇଶ୍ୱର ସେବା , ରକ୍ତ ଦାନ କରି ଆମ୍ଭେ ଇଶ୍ୱର ସେବା କୁ ଯଥାର୍ଥ କରିପାରିବା ବୋଲି କହିଥିଲେ ମୁଖ୍ୟ ଅତିଥି l ଏହି ଅବସରରେ ରକ୍ତ ଦାତା ମାନଙ୍କୁ ପ୍ରୋତ୍ସାହନ ପତ୍ର ପ୍ରଦାନ କରାଯାଇଥିଲା l ଜିଲ୍ଲା ସାଧାରଣ ସମ୍ପାଦକ ଫିରୋଜ ଖାନଙ୍କ ନେତୃତ୍ୱ ରେ ବିଜୁ ଜନତାଦଳ ପରିବାର ଏହି କାର୍ଯ୍ୟକ୍ରମ ସଫଳ କରିବାରେ ସହଯୋଗ କରିଥିଲେ l
* Vinod Singh
ABS News

26/12/2023

#ସୁରକ୍ଷା_ଅଭିଯାନ_ପକ୍ଷରୁ_ବିଷୋଭ_ପ୍ରଦର୍ଶନ
୍ଟାବାଞ୍ଜି 26_12_2023
ଫୂଡ଼ ବ୍ଲଗର ତାନୀୟା ଜାନିଙ୍କ ଗୋମାଂସ ଭକ୍ଷଣ କୁ ନେଇ ବିବାଦୀୟ ବୟାନ କୁ ନେଇ ସାରା ଓଡିଶାରେ ଜଗନ୍ନାଥ ସଂସୃତି ସୁରକ୍ଷା ଅଭିଯାନ ର ବିକ୍ଷୋଭ ଦେଖାଯାଉଛି l ଏହି ପ୍ରକାର ର ବିରୋଧ ଓ ବିକ୍ଷୋଭ ପ୍ରଦର୍ଶନ ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଠାରେ । ଗୋ ମାଂସ ବିଷୟରେ ବିବାଦୀୟ ବୟାନ ସତ୍ୱେ ବ୍ଲଗର ଙ୍କୁ ଶ୍ରୀ ଧାମରେ ଭୋଗ ସେବନରେ ସହଯୋଗ କରିଥିବା ପୂର୍ବତନ ସଚିବ ଭି କେ ପାଣ୍ଡିଆନ ଙ୍କ ଏହି ସହଯୋଗ କାର୍ଯ୍ୟକୁ ବିରୋଧ କରିବା ସହ ତୀବ୍ର ନିନ୍ଦା କରାଯାଇଛି । ଏହା ସହିତ 31 ଡ଼ିସେମ୍ବର ରେ ପୁରୀ ଜଗନ୍ନାଥ ଧାମ କୁ ରାତି ସାରା ଖୋଲା ରଖିବା ଯୋଜନା କୁ ମଧ୍ୟ ନିନ୍ଦା କରାଯାଇଛି । ଏହି ବିକ୍ଷୋଭ ପ୍ରଦର୍ଶନ ଅଭିଯାନରେ ରାଷ୍ଟ୍ରୀୟ ସ୍ୱୟଂ ସେବକ ସଙ୍ଘ, ବିଶ୍ୱ ହିନ୍ଦୁ ପରିଷଦ, ବଜରଙ୍ଗ ଦଳ, ଆଶ୍ରମ ପଡା ମନ୍ଦିର ସମିତି ଅଂଶ ଗ୍ରହଣ କରିଥିଲେ ।
* Vinod Singh
ABS News

25/12/2023

#ପୂର୍ବତନ_ଛାତ୍ରଛାତ୍ରୀ_ସମ୍ମିଳନୀ_ଅନୁଷ୍ଠିତ
ଁନ୍ତଲା 25_12_2023
ବଲାଙ୍ଗୀର ଜିଲ୍ଲା ସଇଁନ୍ତଲା ବ୍ଲକ ଟିକ୍ରାପଡ଼ା ଗ୍ରାମ ପଞ୍ଚାୟତ ହାଇସ୍କୁଲ 1988 ମସିହାର ଦଶମ ବ୍ଯାଚ ଛାତ୍ରଛାତ୍ରୀଙ୍କ ସମ୍ମିଳନୀ ଅନୁଷ୍ଠିତ ହୋଇଯାଇଛି । ସପ୍ତର୍ଷି ମଠ ଖପରାଡୁଙ୍ଗୁରି ଠାରେ ଅନୁଷ୍ଠିତ ଉକ୍ତ ସମ୍ମିଳନୀରେ ଆଇନଜୀବି ଗୌରଚନ୍ଦ୍ର ରାଜପଲିଆ ସଭା ସଂଯୋଜନା କରିଥିଲେ । ସଭା ପୂର୍ବରୁ ସ୍ବର୍ଗତ ଶିକ୍ଷକ ଚୈତନ୍ୟଦାସ ଠାକୁର ଓ ଗଦାଧର ଶତପଥୀଙ୍କ ଉଦ୍ଦେଶ୍ୟରେ ଶୋକ ପ୍ରକଟ କରାଯାଇଥିଲା । ଏହି ଅବସରରେ ଶିକ୍ଷକ ଚନ୍ଦ୍ରମଣି ସିଂଦେଓ, ଯୋଗେଶ୍ୱର ମେହେର, ଜୟଶଙ୍କର ସାହୁ, ଅରବିନ୍ଦ ସୁପକାରଙ୍କୁ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ସୁଷମା ସୁଆର, ଲକ୍ଷ୍ମୀପ୍ରିୟା ସାହୁ, ଆଇନଜୀବି ମନୋଜ ହାତୀ, ବରିଷ୍ଠ କ୍ରୀଡ଼ାବିତ ସୁଶାନ୍ତ ବେହେରା, ବୈଷ୍ଣବ ତାଣ୍ଡି, ପ୍ରକାଶ ମିଶ୍ର, ଅରୁଣ ରାଜପଲିଆ, ଗିରି କାଲସାଏ, ପ୍ରଶାନ୍ତ ପୃଷ୍ଟି ପ୍ରମୁଖ ଏଥିରେ ସାମିଲ ହୋଇଥିଲେ । ଅଦିପ ପାତ୍ର କାର୍ଯ୍ୟକ୍ରମ ର ଉଦ୍ଦେଶ୍ୟ ଜ୍ଞାପନ କରିଥିବା ବେଳେ କିଶୋର କୁମାର ବେହେରା ଧନ୍ୟବାଦ ଅର୍ପଣ କରିଥିଲେ ।
* ଚନ୍ଦ୍ରଭାନୁ ପଧାନ
ABS News

25/12/2023

#ଜଳସେଚନ_ପ୍ରକଳ୍ପର_ଭିତ୍ତିପ୍ରସ୍ତର_ସ୍ଥାପନ
ାଙ୍ଗୀର 25_12_2023
ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକ ମକୁନ୍ଦପୁର ପଞ୍ଚାୟତ ଅନ୍ତର୍ଗତ ପର୍ଯ୍ୟଟନ ସ୍ଥଳୀ ଭୀମଡୁଙ୍ଗୁରି ରେ ଜଳସେଚନ ପ୍ରକଳ୍ପର ଉନ୍ନତିକରଣ କାର୍ଯ୍ୟର ଭିତ୍ତିପ୍ରସ୍ତର ସ୍ଥାପନ କରାଯାଇଛି । ପୂର୍ବତନ ସାଂସଦ ତଥା ବର୍ତମାନ ରାଜ୍ୟ ହାଉସିଂ ବୋର୍ଡ ଅଧ୍ୟକ୍ଷ ଶ୍ରୀ କଲିକେଶ ନାରାୟଣ ସିଂହଦେଓ ଙ୍କ ଦ୍ୱାରା ଏହା ଅନୁଷ୍ଠିତ ହୋଇଯାଇଛି । ଏହି ଅବସରରେ ଆୟୋଜିତ କାର୍ଯ୍ୟକ୍ରମ ରେ ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷା ଦେବକୀ ସାହୁ ,ବ୍ଳକ୍ ଅଧ୍ୟକ୍ଷ ଦୟାନିଧି ଖମାରୀ,ପୂର୍ବତନ ଦେଓଗାଁ ବ୍ଲକ ଅଧ୍ୟକ୍ଷ ଲଷ୍ମଣ କୁମାର ମେହେର ଯୋଗ ଦେଇ ଥିଲେ। ବ୍ଲକ BJD ସଭାପତି ସୁଶୀଲ ଚାନ୍ଦ,ଦେଓଗାଁ ବ୍ଲକ ଉଭୟ ଜୋନ୍ 12 ଓ 13 ଜିଲ୍ଲାପରିଷଦ ସଭ୍ଯା ମମତା କୁମୁରା,ସୁମତୀ ସେଠ, ମକୁନ୍ଦ ପୁର ସରପଞ୍ଚ ଜାନକୀ ସାହୁ,ସମିତି ସଭ୍ଯ ଅଭିମନ୍ୟୁ ମାଝୀ, ପୂର୍ବତନ ବଡ଼ବନ୍ଧ ସରପଞ୍ଚ ଅନ୍ତର୍ଯ୍ୟାମୀ ଭୋଇ ସମେତ ଦେଓଗାଁ ବିଜୁ ଜନତାଦଳ ର ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ ।
* Manoj Kumar Naik
ABS News

25/12/2023

#ଅକ୍ଷତ_କଳସ_ବିତରଣ_ଉତ୍ସବ_ଆୟୋଜିତ
ାଙ୍ଗୀର 25_12_2023
ଆସନ୍ତା ଜାନୁୟାରୀ 22 ତାରିଖ ଦିନ ଅଯୋଧ୍ୟା ରେ ଭବ୍ୟ ରାମ ମନ୍ଦିର ଉଦ୍ଘାଟନ ହେବାକୁ ଯାଉଥିବା ବେଳେ ରାମମନ୍ଦିର ଟ୍ରଷ୍ଟ ବୋର୍ଡ ପକ୍ଷରୁ ସମଗ୍ର ଦେଶରେ ଓ ସମସ୍ତ ଘରକୁ ଅକ୍ଷତ ଚାଉଳ ବଣ୍ଟନ ଓ ନିମନ୍ତ୍ରଣ ପତ୍ର ବଣ୍ଟନ କାର୍ଯକ୍ରମ ରହିଛି । ଏହି ଉପଲକ୍ଷ୍ଯେ ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକ ରେ ଅଯୋଧ୍ୟାରୁ ଆସିଥିବା ଅକ୍ଷତ ଚାଉଳ ଓ ନିମନ୍ତ୍ରଣ ପତ୍ର କୁ ବ୍ଲକର 26 ଟି ପଞ୍ଚାୟତ କୁ ବଣ୍ଟନ କରାଯାଇଛି । ବ୍ଲକ୍ ସଂଯୋଜକ ସୌମ୍ୟ ରଞ୍ଜନ ପୁରୋହିତ ଙ୍କ ସଭାପତିତ୍ବ ରେ ଓ କଲିଷ୍ଠ ପ୍ରଧାନ ଙ୍କ ମାର୍ଗଦର୍ଶନ ରେ ଆୟୋଜିତ କାର୍ଯ୍ୟକ୍ରମ ରେ ମୋହନ୍ ସାମଲ୍, କୁନାଲ୍ ଥାନାପତି, ସରୋଜ ନାୟକ,ଡ଼. ଶଶିଭୂଷଣ ସାହୁ, ଶଶି ପାଣିଗ୍ରାହୀ, ବଳବନ୍ତ ପରୁଆ, ଶ୍ୟାମ ସାହୁ,ସୌମ୍ୟ ରଞ୍ଜନ ମିଶ୍ର ପ୍ରମୁଖ ଯୋଗ ଦେଇଥିଲେ । 26 ଗୋଟି ପଞ୍ଚାୟତ ରୁ ପ୍ରାୟ 26 ଦମ୍ପତ୍ତି ଆସି ଉକ୍ତ କଳସ କୁ ନିଜ ନିଜ ପଞ୍ଚାୟତ ମାନଙ୍କୁ ନେଇଥିଲେ।
* Manoj Kumar Naik
ABS News

25/12/2023

ସମସ୍ତ ଖ୍ରୀଷ୍ଟିଆନ ଭାଇ ଏବଂ ଭଉଣୀଙ୍କୁ ପବିତ୍ର ଖ୍ରୀଷ୍ଟମାସର ଅଭିନନ୍ଦନ ଏବଂ ଶୁଭେଚ୍ଛା l