Jorani Khorang

16/08/2024

"Je dopha, bosong bwsa bwsa kokthaini kokmang, bini phan, thukma tei morokmano bujina jeswk rwngnai, a dopha- bosong aswkno kuchugo kawi mannai"

By_Editor

15/01/2024

Thangnai 12th january 2024, "Bosong Sikla Salo" (National Youth Day) Sikla swikwrwng, wansukkwrwng rogno twiwi Dhaleswsr, Agartalani Rwbai nogo Jorani Khorangni luajimung bai kaisa panda songchajakkha. Pandao hasteni rwchap kwrwng Mg. Manik Debbarma, Mgj. Parmita Reang tei Mgt. Rumi Murasinghno Jorani khorangni bwkhaktwikhe Borom yapharjakkha.

08/03/2023

24/01/2023

:KOBOKMUNG:
Jottono borom rimani bisingtwi puilano sana kwlaio, Phainai 26th January, 2023 Salmario Chini Jorani Khorang Luku Bijapnok (Public Library) Bisisa pungma tei Kokborok Salno rwgwi panda khwlaijaknai Takarjala hatio.
Hohom-dodomni bisingtwi khwlai chini hoda, dopha, kokni hamkraino twiwi koklam tei kokrwbaini bahai sapuljak o pandao jotto lukurokno phaiwi logi rwphaina bagwi kobokmung narago. 🙏

Thai: Takarjala Hati
Jora: Sarikni Dam Tham Tamphuru(3 pm)

15/01/2023

Borok dophani Siri-sitini simi kurum-kuthum malailai, chalai-nwnglai, okrarogno borom, kusurogno hamjakma yapharmani tei ayang masing thangjanai sandairogno muitu khlaimani, phola kwtharni khakchangma sanwi surilaimani bisingtwi palaijagwi phaimani "Hangrai."
Oh Hangrai ni kwthar salo jotono-no Kha kaham tei Hamjakma yapharo.

Khatungwi...
Jorani Khorang

13/11/2022

"Nini mungwi bui jatrepod hamya sitrao sawi kok silsai tongphru siring siring tongnai sai sai bayapni slai, abohai khwnawi khorang tisanai khoroksa bayap tongma phano kaham."

_Editor

13/11/2022

"Agi borokrog pap-no kiriwi tatal sarakya.
Tabuk borokrog jorano kiriwi kubui sarakya."
______
Editor

30/10/2022

Jorani Khorang, Achaima Bisi Chi pungmano rwgwi tei Jorani Khorangni khoroksa adong wngwi jottono kok kwcharkha Sikla swinai Takhuk Samar Debbarma.

30/10/2022

Asham Jamatia kha kaham yapharkha jotono Jorani Khorang bisi chi pungmano twiwi.

30/10/2022

Espan Debbarma Khatungjak Jorani Khorang Bisi chi pungmani sal rwgwi.

29/10/2022

"Jorani Khorang" Achaima bisi chi pungma salno rwgwi, Jorani Khorangni Adong wngwi kok kaham thaisa thainwi saui khwnarikha lukurokno.

29/10/2022

JORANI KHORANG ACHAIMA BISI CHI PUNGMANO RWGWI.. KHA KAHAM TEI KOK KWCHARKHA, SWIKWRWNGJWK BUKHUK- SHYAMALI DEBBARMA

27/10/2022

"Jorani Khorang" Phainai 30th October, 2022, Salmario Bisi Chi achaima sal pungmano rwgwi kotor panda khwlainani thangwi tongo.

Bwskangni o Pandani bagwi jottono kobokmung rijao. Phaidi, Logi rwphaidi, Jorani Khorang norok jottono ringhorwi tongo, naisingwi tongo jephurubo.

23/10/2022

Phil Bisi Chi Yapiri semano rwgwi 'JORANI KHORANG'ni kotor panda..

Norok Jottono Phaiwi manjak phaina bagwi kobokjao tei Lamsogo💐

23/10/2022

10th Anniversary of JORANI KHORANG.
You are Cordially Invited
30th October, 2022
Time: 2.00 pm
Venue: Town Hall, Agartala.

15/07/2022

12/07/2022

"Manwi phalnai, boh hamyano kaham hinwino sanai,
Kaham-hamya sinina phan, nini thanise tongna nangnai"

_Editor

09/07/2022

Kobokmung....

26/06/2022

https://youtu.be/bRU1ujXFoLU

25/06/2022

Khapangni mare kichingsong, khwna 26th june, "International day against drug abuse." o salno rwgwi drugs eba phekjaknai manwi chama/naharma chini bagwi bwswk hamya, abono twiwi nini wansukmung kok kisabai swiwi eba sakni kok sama video swnamwi chini group eba o page-o rohorna bagwi jotoni thani kobokmung narwgo.
Komthingnai

22/06/2022

Hello, thanks for stopping by,If you are looking for and personality development , you came to the right channel. ARE YOU DEALING WITH ...

15/06/2022

"Jora kahamo jotono baithang wngnai. Jora hamyaose sabo bui, sabo baithang sisugwi mannai."
_Editor

11/06/2022

"Achuk khamplai, nwng aswkda kwplai ? Nini bagwi borokrog tabuk kok kobor sao, tong kobor tongo. Laibuma, Tabuk tei Thinangno pogwi thango....."

_By Editor

20/03/2022

MUITU KHWLAIRIMUNG:

Tini 20th March, 2022 Salmari 'Jorani Khorang' komthingnai Swikwrwng tei kokrwbaiphang Narendra Debbarmani swijak Bijap kwtal kangtham tei Rwchapmung Kwtal thaitham karijaknai. Bijap kwtal tei Rwchapmung kwtal karimungno twiwi a salo kotor Kokrwbai tei Hukumu pandabo khwlaijaknai.

Karijaknai Bijapni mungrok wngkha-
1. "Mwswi Rangchak" (Kothoma bwsa)
2. "Sanja damsa nini tabukbo ani thani" (Koklop)
3. "Dopha hamkrai boh lamatwi phainai" (Kokbiti)

Tei Rwchapmung thaitham, khorok nwichibrwi(24) mung gwnang rwchapkwrwngrogbai rwchapjak.

O Pandao jotto Kokrwbai, Hukumu, Rwchapmung hamjaknairokno phaiwi manjakna bagwi kobokjao tei logio bayap, sakchalairokno tubui chwngbai baksa kha gwdal phainanibo koijao Jorani khorangni bwkhaktwi.

Thai- Town hall, Agartala
Jora- 4.00pm
Luajinai- Jorani Khorang

18/03/2022

Phainai 20th March, 2022 Salmari 'Jorani Khorang' komthingnai Swikwrwng tei kokrwbaiphang Narendra Debbarmani swijak Bijap kwtal kangtham tei Rwchapmung Kwtal thaitham karijaknai. Bijap kwtal tei Rwchapmung kwtal karimungno twiwi a salo kotor Kokrwbai tei Hukumu pandabo khwlaijaknai.

Karijaknai Bijapni mungrok wngkha-
1. "Mwswi Rangchak" (Kothoma bwsa)
2. "Sanja damsa nini tabukbo ani thani" (Koklop)
3. "Dopha hamkrai boh lamatwi phainai" (Kokbiti)

Tei Rwchapmung thaitham, khorok nwichibrwi(24) mung gwnang rwchapkwrwngrogbai rwchapjak.

O Pandao jotto Kokrwbai, Hukumu, Rwchapmung hamjaknairokno phaiwi manjakna bagwi kobokjao tei logio bayap, sakchalairokno tubui chwngbai baksa kha gwdal phainanibo koijao Jorani khorangni bwkhaktwi.

Thai- Town hall, Agartala
Jora- 4.00pm
Luajinai- Jorani Khorang

10/03/2022

"ANG CHWRAI KAHAM WNGNAI"
SWIMUNG BATAIMUNG 2022.

Jorani Khorang bai Luwajijak o swimung bataimung batainani bagwi jotto Swrwngwi tongnai Rem Dok(vi)ni simi Rem Char(viii) jora jottono bataiwi mano. Norokni kaham kaham swimungno chwng naisingjak. Swimung yapharnani paithak Salmari- 15th March.
Teibo saimanna bagwi kwrwngdi tolao rijak WhatsApp Number o

23/01/2022

"Jorani Khorang Luku Bijapnok" eba Public Book Library, Bwskangni Sal Kaham 26th January, 2022 Salmario Takarjala Hatio Phiyokjaknani thangwi tongo tei Obono puila wngnai Jorani Khorang bai phiyokjakmung Bijapnok. A salo norok jottono phaiwi manjakphaina bagwi kobokhoro. 'Jorani Khorang'.

Thai: Takarjala Hati (Boyar Market)
Jora: 11am

13/01/2022

Thangnai salmari 12th January, 2022 Swrangsal, Bosong Sikla Salno rwgwi Jorani Khorangni bwkhaktwi kaisa panda luajijakkha Agartalani Rwbai Nogo.
Pandao hasteni rwchapkwrwngjwk Mjk. Usha Debbarma-no borom yapharjakkha. Jorani Khorangni Komthingnai Bg. Narendra Debbarma jotono lamsogwi Sikla Salo siklarogni panda luajijakmano rwgwi sukrubwi kok narwkha. Aboni ulo Mjk.
Usha Debbarma Sikla Salno rwgwi luajijak pandao bono kobokmani tei borom yapharmani bagwi khani Hambai yapharwi belai nangkukmani kok narwkkha. Abono karwibo kok narwkha Mg. Kumodh Debbarma, Mg.Sipangkal Debbarma tei Mg. Nani Gopal Debbarma.
Abono karwi aro manjakphainai koklob kwrwng Sikla tei Siklirog jani jani swijak khnathok khnathok koklob porilaikha. Chikonsa panda phano kaham tei morok koklam tei Koklob salaimani tei porilaimani bisingtwi morok tei kuchuk beremni panda wngwi bachakha.
Pandano yaphangni simi buchuk jora Komthingkha Mg. Samir Debbarma.
Oro kok thaisa khurchathai khlaio, o pandao Sikla Chalai Association ni bwkhaktwi Jorani Khorang komthingnai, swikwrwng borom gwnang Narendra Debbarma-no Sikla Chalai Inspiration Award-2022 yapharjakkha.
______________

28/10/2021