ლიტერატურული ჟურნალი ”განთიადი”

ჟურნალი „განთიადი“, საქართველოში მეორე პერიოდული გამოცემა, სათავეს XIX საუკუნის ოთხმოციანი წლებიდან იღებს.

პირველი ხელნაწერი ჟურნალი ამ სახელწოდებით 1887 წელს დააფუძნეს ჩვენმა სახელოვანმა წინაპრებმა, რომელთა შორის იყვნენ შემდგომში საქვეყნოდ განთქმული მოღვაწეები: კიტა აბაშიძე, დუტუ მეგრელი, შალვა ნუცუბიძე, აკაკი შანიძე, გიორგი ახვლედიანი ალექსანდრე ჯანელიძე და წმინდა ახალმოწამე სიმონ მჭედლიძე.

ჟ

ურნალი, გამოკვეთილი ეროვნული სულისკვეთების გამო, რამდენჯერმე დაიხურა რუსული მმართველობის ზეწოლით.

1975 წელს კიდევ ერთხელ _ მეხუთედ ქართველი მწერლების, მეცნიერებისა და ხელოვნების მოღვაწეთა ძალისხმევით მოხერხდა „განთიადის“ ბეჭდვის განახლება.

ის გახდა დედაქალაქსგარეთ გამომავალი რესპუბლიკური მნიშვნელობის ერთადერთი სამწერლო, სამეცნიერო, კულტუროლოგიური ჟურნალი.

დღეისათვის „განთიადი“ 128 წლის ისტორიის მქონე ბეჭდვითი ჟურნალია და მისი ანალოგი მსოფლიო მასშტაბით იშვიათად თუ მოიძებნება.