STAR TV GROUP

27/07/2024

Itoobiya oo ka jawaabtay eedeymo ay u jeedisay dowladda Soomaaliya

Dowlada Fedaraalka Itoobiya ayaa soo saartay Warsaxafadeed ay isaga fogeyneyso eedeymo ay u jeedisay dowladda Fedaraalka Soomaaliya oo ay ka mid aheyd hubkii dhawaan lagu boobay magaalada Caabudwaaq.

18/07/2024

Colaadda u dhaxaysa qoomiyadaha Soomaalida iyo Carabta ee dalka Itooboya ayaa marar badan ku soo noq noqotay deeganadaasi, taas oo dhalisay khasaarooyin dhimasho, dhaawac iyo barakac labada dhinacba ah.

11/07/2024

Madaxwene Ruto oo kala diray goloha wasiirrada https://bbc.in/4f16nxG

11/07/2024

10/07/2024

10/07/2024

29/06/2024

In ka badan 20 ruux oo ku geeriyootay dagaal beeleed ka dhacay Galbeedka gobolka Mudug
=======================
Wararka naga soo gaaraya Galbeedka gobolka Mudug ayaa sheegaya in maanta xaalad daganaasho aan caga buuran ku taagneyn ay ka jirto deegaanadii Shalay ay ku dagaalameen laba maleeshiyo beeleed oo kasoo kala jeeda beelaha Sacad iyo Leelakase.
STAR TV GROUP

22/06/2024

War-murtiyeed ka soo baxay Golaha Amniga ee Midowga Afrika ayaa lagu sheegay in hawlgalka oo ay hugaamin doonaan Midowga Afrika uu noqon doono mid diiradda lagu saarayo, sidii Soomaaliya looga kaalmeyn lahaa baabi’inta ururka argagixisada ah ee al Shabaab.

09/06/2024

Xulka kubadda cagta Gobalka Nogob oo ku guulaysatay tartankii 11aad ee koobka Kubadda Cagta DDS https://bbc.in/3VztMi8

17/01/2024

Ururka Jaamaccada Carabta oo Maanta kulan ka yeelanaya Xiisada Soomaaliya iyo Itoobiya

STAR TV GROUP

12/01/2024

Waxaa magaalada Jigjiga shil gaari ku galay Halgama abdikariim shekh muuse qalbi dhagax.

Waxaana hada lagu dabiibayaa isbitaalka Refefaralka ee magaalada jigjiga waxaana la iisheegay in gacanta iyo dhabarka ay wax ka gaareen xaladiisana lala tacaalayo..

STAR TV GROUP

11/01/2024

10/01/2024

Ururka Oromada Itoobiya oo aad uga walaacsan badqabka muwaadiniinta Itoobiya ee ku sugan Soomaaliya
==========================
Ururka mucaaradka Oromada ee dalka Itoobiya (OLF), ayaa walaac xooggan ka muujiyay xiisadda u dhaxeysa Itoobiya iyo Soomaaliya, kaddib markii ay dowladda Itoobiya iyo Somaliland kala saxiixdeen heshiis is-afgarad ah.

Waxaan ku baaqaynaa xasillooni iyo isfaham dhinacyada oo dhan ah, anagoo ku boorinayna ixtiraamka qaxootiga iyo muwaadiniinta rayidka ah ee labada dhinac inta lagu jiro waqtiyadan dareenka leh," ayaa lagu yiri bayaan ka soo baxay Xafiiska Xidhiidhka Dibadda ee xisbiga.

Ururka Oromada ayaa sheegay dhacdooyinka u dhexeeya labada dawladood inay dhaawac u gaysteen qaxootiga Oromada iyo dadka rayidka ah ee ku kula sugan labada dal.

Hadalkan ayaa daba socday baaqyo iyo kacdoono isa soo tarayay oo baraha bulshada lagu faafiyay oo ahaa in muwaadiniinta Itoobiya, gaar ahaan Oromada laga saaro Soomaaliya.

Xisbigu wuxuu ku booriyay beesha caalamka, iyo dhammaan waddamada deriska ah inay soo farageliyaan ka hor inta aan waxyeello weyni soo gaarin gobolka.

Saxiixa Is-afgaradka oo Itoobiya u ogolaatay inay hesho badda si ay Somaliland u hesho aqoonsi caalami ah, ayaa caro ka dhaliyay guud ahaan Soomaaliya.

06 Janaayo 2024, Madaxweynaha Soomaaliya Xasan Sheekh Maxamuud ayaa saxiixay sharci burinaya heshiiskaas.

STAR TV GROUP

09/01/2024

Waxaan u hambalyeynaa Walaalkay Madaxweyne Saciid Cabdullaahi Deni oo maanta mar kale dib loogu doortay Madaxweynaha Dowlad Gobolleedka Puntland.

Waxaan u rajeynayaa Madaxweyne Deni inuu Alle u fududeeyo gudashada waajibaadka culus ee loo doortay.

Sidoo kale waxaan boggaadinayaa dhammaan dhinacyadii ka qeyb qaatay in doorashadu ku qabsoonto si nabdoon iyo dadaalkii ay geliyeen sidii loo sii adkeyn lahaa midnimada iyo wadajirka shacabka Puntland, taasi oo muhiim u ah horumarka dowlad dhiska Soomaaliya.

06/01/2024

Itoobiya oo sheegtay xiliga ay Somaliland aqoonsanayso iyo meesha saldhiga ciidan laga siinayo
=======================
Itoobiya ayaa sheegtay in ay Somaliland aqoonsanayso kadib marka heshiiska la dhamaystiro, ee lagu wareejiyo dhulka ay saldhiga ciidan ka dhisanayaan.

Lataliyaha Amniga Qaranka ee Raysal Wasaaraha Itoobiya Naasir Xuseen oo waraysi gaar ah siiyay warbaahinta dowladiisa, oo ka jawaabay walaacyada uga imanaya beesha caalamka, ayaa sheegay in Somaliland ay h**eba u gashay heshiisyo kuwan la mid ah, sida kii dekeda Berbera ee 2017 kii.

Xuseen oo ka hadlay waxa ay Somaliland ku badalanayso heshiiska saldhiga ciidan, ayaa sheegay in marka heshiiska la dhamaystiro ay Somaliland aqoonsi siin doonaan, isla markaana ay shirkadooda duulimaadyada saami ka siin doonaan.

Xuseen ayaa markii ugu horaysay shaaca ka qaaday halka laga siin doono saldhiga ciidan, waxa uuna sheegay in madaxda Somaliland ay u sheegeen in ay dajin doonaan badda Lughaya, oo u dhaw xuduudka Itoobiya.

Dowlada Soomaaliya ayaa is afgaradka labada dhinac ku tilmaantay xad gudub ay Itoobiya kula kacday madaxbannaanida dhuleed ee Soomaaliya, iyada oo xidhiidhkeedii Itoobiya aanu wanaagsanayn.

Sidookale, urur goboleedyo dhowr ah iyo dowlado waa wayn ayaa ku baaqay in la ixtiraamo madaxbannaanida Soomaaliya, iyaga oo sheegay in ay Soomaaliya garabtaaganyihiin.

STAR TV GROUP

04/01/2024

Go’aamadii ka soo baxay shirka maanta Shirka Golaha Wasiiradda & xadgudubkii dowladda Ethiopia

STAR TV GROUP

02/01/2024

Madaxweynaha Jamhuuriyada Federaalka Soomaaliya mudane Xasan Sheekh Maxamuud oo khadka Taleefanka ay ku wada xiriireen dhiggiisa dalka Masar Mudane Cabdulfataax Al-siis ayaa ka wada hadlay xaaladda gobolka iyo danaha ay wadijrka u wadaagaan Labada shacab ee walaalaha ah.

Labada Madaxweyne ayaa kawada hadlay xoojinta iskaashiga taariikhiga ah ee Soomaaliya iyo Jamhuuriyadda Masar, iyagoo xusay muhiimadda ay leedahay in la mideeyo dadaallada lagu wajahayo caqabadaha wadajirka ah ee gobolka.

STAR TV GROUP

02/01/2024

Madaxweynaha Dowladda federaalka Soomaaliya, Xasan Sheikh Maxamuud oo khudbad u jeediyay labada aqal ee baarlamaanka, ayaa ku tilmaamay heshiiskii magaalada Addis Ababa ku dhexmaray Itoobiya iyo Somaliland mid aan waxba ka jirin oo kasoo horjeeda Qaanuunka caalamiga ah.

STAR TV GROUP

27/12/2023

Shacabka Somaliland oo diiday inay Ormada dir tahay wada dhasheen

STAR TV GROUP

22/12/2023

01/12/2023

Garaad Jaamac Garaad Cali: Diyaar ayaanu u nahay nabadgalyo, gogol hala dhigo
=====================
Garaadka Guud ee SSC Garaad Jaamac Garaad Cali, ayaa ku baaqay nabad, isaga oo sheegay in colaada ka taagan qaybo kamid ah gobolka Sool nabad lagu dhameeyo.

Garaadka oo ka jawaabay shir ay dhawaan yeesheen beel kamid ah beelaha Somaliland oo ay xurguf colaadeed dhexmartay beeshiisa, ayaa sheegay in loo baahanyahay in colaada wada hadal lagu dhameeyo.

"Garxajis waxaanu ka rajaynaynaa in ay qabtaan cida ay xadhiga u yihiin oo Habarjeclo ah, anaga Harti ayaa na qabta, dhibaatadani haday sii socoto way idin saamaynaysa, idinku gogosha dhiga, ama aynu isla meeraysano, diyaar ayaanu u nahay nabadgalyo" ayuu yidhi Garaad Jaamac.

Beesha Bariga Burco oo dhawaan shir ugu soo xidhmay magaalada Burco, ayaa sheegtay in ay nabad ku wadanoolaansho rabaan, lakiin ay dagaalamayaan, oo ay is difaacayaan.

Dagaalada ayaa sababay khasaare soo kala dhaagay labada dhinac iyo gubashada tuulooyinka Buqdharkayn iyo Boodhlay, waxaana laga cabsi qaba in ay markale qarxaan xili dhinacyadu ay is horfadhiyaan.

STAR TV GROUP

19/11/2023

Madaxwayne Xasan sheek iyo wasiirkiisa koobaad ma khilaaf ayaa ka dhaxeeya(Warbixin)

14/11/2023

13/11/2023

Raysal wasaarihii h**e ee Ingiriiska oo loo magacaabay wasiir
===================
Raysal wasaarihii h**e ee Ingiriiska David Cameron ayaa loo magacaabay, xog hayaha arrimaha dibadda ee dalkaas kadib isku shaandhayn lagu sameeyay golaha wasiirada.

Isku shaandhayntan waxaa shaqadeeda ku wayday xoghayihii arrimaha gudaha ee Britain Suella Braverman oo aad ugasoo horjeeday dibad baxyada lagu taageerayo Falastiin ee dalkaas ka socday tan iyo bilowgii dagaalka Xamaas iyo Israa'iil.

David Cameron ayaa raysal wasaare ka ahaa dalkaas 2010-kii ilaa 2016 kii oo uu is casilay kadibna ay ka dambeysay Theresa May.

Waxyaabaha lagu xasuusto waxaa kamid ah inuu ahaa maskaxdii ka dambeysay shirkii ballaarnaa ee Soomaaliya iyo beesha caalamka loo qabtay sanadkii 2012kii, kaas oo uu ka dhashay waxa hadda loo yaqaano 'New Deal'.

Dhawaan ayey ahayd markii Raysal wasaare ka dambeeyay David ee lagu magacaabo Boris Johnson uu helay shaqo saxafinimo.

STAR TV GROUP
Mohamud Abdikhadar

12/11/2023

Sida ay qoyskan ugu dhacday labo geeri oo ka dhalatay youtuber la soo dhaweynayey
========================
Qoyskii ay ka baxday Allaha u raxmadee Kowsar Cabdi Sheexo oo ku dhimatay rasaas ay is waydaarsadeen ciidamo galbinayey Youtuber iyo kuwo diiddanaa in lagu soo dhaweeyo Garoowe ayaa BBC-da u sheegay inaysan ku qancin sida wax u dhaceen iyo tallaabada ugu dambayn lagu xalliyey xiisaddaas balse si nabadgalyada loo ilaaliyo ay dan bideen.

Cabdi Sheexo Cilmi Gurey oo ah aabbaha dhalay gabadha dhimatay ayaa xusay in sida wax ugu dhaceen barxadda Garoowe ay foolxumo ku ahayd dowladda iyo dadka deggan gobolka.

“Maalmo ka dib marxuumadda waa la aasay, waxaana sidaa u samaynay inaysan wax ka wayn dhicin oo ammaanka waxyeello gaarto. Way ku adkayd qoyska sida wax u dhaceen kuma qanacsanayn sida lo maareeyey laakiin qaab siyaasad ahaan ayaa laga eegay balse waxaan aakhirkii u aragnay inay sidaan xalka tahay oo dan ayaan bidnay,” ayuu yiri Sheexo.

Kowsar ayaa ku baxday gacanta rag ka tirsanaa ciidamo hubaysay oo toddobadii bishan is hortaag rasaas la isku adeegsaday ku sameeyey youtuber Kabtan Ayuub oo xilligaas gaaray magaalada Garoowe.

Guddiga amniga ee gobolka Nugaal ayaa mucaaradka Puntland ku eedeeyey inuu ka danbeeyey rabshadda ka dhacaday magaalada, iyagoo dhankooda mucaaradku ay dowladda ku dhaleeceeyeen inay si siyaasadaysan u adeegsatay ninkan baraha bulshada caanka ah.

Afar cisho ayey xiisadi ka taagnayd aaska marxuumadda ka dib markii qoyskeedu diideen in la aaso inta la aqoonsanayo cida riday rasaasta gabadhoodu ku dhimatay.

Cabdi Sheexo Cilmi waxaa uu BBC-d-da u xaqiijiyey in mid ka mida murashaxiinta Puntand uu qaaday bixinta magta marxuumadda muddo bil gudaheeda si looga fogaado isku dhacyo kale oo dhacdaas ka dhasha.

Allaha u naxariistee marxuumada ayaa ifka ugu tagtay saddex wiil iyadoo xilligii rasaastu haleeleysay ku sugnayd barxadda Garoowe halkaas oo dhacdadu ka dhacday.

STAR TV GROUP

Mohamud Abdikhadar Hassan Sheikh Mohamud Puntland Future

11/11/2023

11/11/2023

Ethiopia waxay soo dhawaysay saxaabadii Nabiga scw markii cadaalad darada lagu haystay,raysul wasaaraha Ethiopia Abiye Ahmed

08/11/2023

SSC-Khaatumo oo Somaliland ku eedaysay dagaal ka dhacay deegaanka Yeyle ee gobolka Sool
====================
ayaa dagaal saaka ka dhacay deegaanka Yeyla ee gobolka Sool ku eedaysay Somaliland, iyada oo sheegtay in Somaliland ay dagaal beeleed adeegsanayso.

Qoraal kasoo Xoghayaha Amniga iyo Difaaca Maamulka SSC-Khaatumo ayaa lagu yidhi "Waxay saaka maleeshiyaadka argagixisada Somaliland weerar gaadmo ah kusoo qaadeen fadhiisimada ciidamada difaaca SSC-Khaatumo ee aaga deegaanka Yeyle ee gobolka Sool".

Qoraalka ayaa intaa ku daray in Ciidamada Difaaca SSC-Khaatumo oo heegan buuxa ku jiray ay iska caabiyeen maleeshiyaad weerar kusoo soo qaaday.

"Maamulka Hargeysa farsamada cusub iyo dadaalka Muuse ku bixinayo in dagaalka loo badalo dagala beeleed iyo isku dhufashada beelaha daaqsin wadaaga ah ma aha mid maamulka Ssc-khaatumo iyo caalamkaba lagu khaldi karo" ayaa lagu yidhi qoraalka SSC-Khaatumo.

Ugu danbayn, SSC-Khaatumo ayaa Somaliland ku eedaysay in ay caqabad ku tahay nabada sida lagu sheegay qoraalka

STAR TV GROUP

04/11/2023

Raysul wasaaraha soomaaliya Hamse abdi bare oo noqday hogaamiyihii loogu hadal haynta badnaa ka gadaal markii uu qadiyada Falastiin uga hadlay si aan looga baran madaxda wadamada islaamka aha.

STAR TV GROUP
Mohamud Abdikhadar

03/11/2023

Somaliland oo jabkii ciidankeeda soo gaadhay ku micnaysay wixii Israa'iil Qasa kaga dhacay oo kale

Xukuumada Somaliland ayaa sheegtay in lacag gaadhaysa 2 milyan oo dollar ay kaga bixi jirtay dagaalkasta oo dhaca, intii ciidanku Goojacadde joogay.

Wasiirka Maaliyada Somaliland Sacad Cali Shirre oo hortagay guddida dhaqaalaha ee Golaha Wakiilada, ayaa sheegay in lacag badani ay Somaliland kaga baxday dagaalkii Laascaanood.

"Intii Goojacadde la joogay dagaal walba waxa ku bixi jiray wax lacag 2 milyan gaadhaya, waxan doonayay in aan idinku baraarujiyo uun khasaaraha iyo kharashka uu leeyahay marka dagaal la galo, waana sax weeyi" ayuu yidhi Wasiir Shirre.

Wasiirka oo wax laga waydiiya jabkii ku dhacay ciidanka Somaliland ee sababay in ay ka baxaan Goojacadde, ayaa sheegay in ilaa hada aan la micnayn karin sida ay wax u dhaceen.

"Siday wax u dhaceen wax la micnayn karaba maaha, waa tii ka dhacday Qasa oo kale, yaa islaha Xamaas ayaa galaysa Israa'iil oo kun ka dilaysa" ayuu Shirre u sheegay xubnaha guddida dhaqaalaha.

Kadib, 8 billood oo Ciidamada Somaliland ay ka dagaalamayeen Laascaanood, 25 August, ayuu jabwayni soo gaadhay, iyaga oo lagu qasbay in ay usoo guuraan saldhiga Oog.