Damiri داميري

08/08/2024

السبت اللي فات في طرابلس تحقق هدف من اهدافي!

الهدف هو اني نقابل ونسمع من جمهور بودكاست داميري

سبب ترتيب الحدث كان مقترح في جلسة عفوية من وكالة "زينة"

الحضور خليط مميز من متابعين بودكاستي، صناع ومنتجين البودكاست، وناس شغوفين بعالم سرد القصص والتوثيق.

لو ما حضرتش هذا اللي فاتك:

- 118 شخص سجلوا اهتمامهم، وحضروا 62

- الجلسة والتشبيك بعدها خدت ساعتين.

- الجو كان حميمي وتفاعلي لدرجة أني شاركت 5 قصص شخصية،

- عرضنا 3 فيديوهات، وجاوبت على 22 سؤال.

وفي الختام، زينة قدمو 85 فطيرة بالعسل! 🍯

شكرًا لكل من حضر، ولزينة على التنظيم الرائع ولغذي كفالة على الإدارة والنقاش الممتع.

زينة Zina
#لوكلوك #بودكاست #حدث

27/07/2024

أول جلسة حية حنديرها هذا الأسبوع في طرابلس مع وكالة زينة يوم السبت 3 اغسطس
زينة Zina

وصف الحدث:
في أولى جلسات لوكلوك، حيشاركنا طارق الميري -صاحب بودكاست داميري-، كواليس رحلته وهوسه بقصص الناس والتوثيق من خلال البودكاست.. وحيتكلم بكل صراحة وحماس عن تجاربه، والدروس اللي تعلمها في الرحلة، وحيقدمنا مجموعة من النصائح اللي حتختصر الطريق على المهتمين بالمجال.

وحيكون فيه وقت كبير لاسئلتكم اللي حابين تطرحوها على طارق وحتسمعوا منه كل الإجابات والحاجات اللي تساعدكم في إتخاذ الخطوات الأولى لإنتاج البودكاست الخاص بيكم وتبدوا رحلتكم.

لو كنت مهتم بالمجال وحاب تكون جزء من الجلسة، تقدر تسجل في النموذج التالي:

https://forms.gle/78hT16u9vxQ2qVEc7

أنا متحمس، انتو واتيين؟

24/12/2023

غسان: كنت نستنى فيها تصير، وصارت❗️ #قصة #ابي #ماضي

22/12/2023

غسان: اللــــــغة المكتوبة حمالة اوجه
طارق: شن يعني ؟

Ghassan Atiga

#داميري

17/12/2023

عندك مخاوف ومش عارف كيف تتجاوزها ؟

#بـودكــاست اليــوم مع غســان عتيـــقة، هدرزنــا عن طريقة التعامل مع الصدمـــات، ومرينا بتجربتـــه في سجن والده
وكيف تعامل مع الخـوف والحـــلول يلي قدر يتجـــاوز بيــها واثــرها على شخصــيته، وشــــارك بذكريـــاته وتفــاصيل عن درنـــة، وغطــينا كتابـــــاته ومحطات كونت فلسفته الخاصــــة.

ومــــرينا بمحـــطات في رحلة دامـــيري وشن الطرق اللـــي ممكن ياخذها #البودكاست في ال 2024.

غســـان عنــده خبــرات حياتية مهمة، صــاحب تجربة طـــويلة في القطــــاع البنكي، متخـــصص فـــي تمويل الشركات لأكثر من عشرين سنة.

🎧اسمعها كاملة الرابط في اول تعليق 👇

#داميري
Ghassan Atiga

16/12/2023

#بودكاست غدوة مع غســان عتيقة، شخصـــية مركبة، وعنده خبـرات حياتيــة مهمة.
ليه أكثر من عشريـــن سنة في القطاع البـــنكي، بالأخص في تمويـــل الشركات.

هـــدرزنا عن عبقرية المكــان وعلاقتها بالــذاكرة وكيــف تقدر تتخطى الصدمات، وحكينا عن تجــارب مهمة كونت فلســفته الخـــاصة للتعامل مع الخـــوف و الصــــدمات الكبيرة منــها أحــداث درنــــــة.

حلقة استمتــعت بتسجيلها ونتمنى تلاقــي فيــها فــائدة.

Ghassan Atiga

#داميري

09/11/2023

المراحل التي مر بها الليبيون بعد #استقلال #ليبيا غام 1951 🇱🇾

30/10/2023

"أفضل الأفكار هي افكار التي تم إعادة تدويرها" منذر الشحومي #شغل #مشروع #بزنس

26/10/2023

قصة حسني بي مع مصنع كان على وشك الإفلاس #شراكة #بزنس

19/10/2023

قصة حارث وكيف طلع 60 دينار في ساعتين 💰 #خدمة #فلوس #شغل

16/10/2023

احيانا الطالب بتفوق على معلمه 👨‍🎓 #طالب #تفوق #استاذة

02/10/2023

شعب داميري العزيز،

يوم 11-09، استيقظنا على أخبار فيضان مروع في مدينة درنة والبيضاء، وسوسة والقبة وقرى البياضة والوردية ومنطقة الجبل الأخضر في شرق ليبيا. أثر الدمار كان كبير وفي لحظات غير حياة الكثيرين إلى الأبد.

أنا وكل الفريق نمد يدينا بأحر التعازي للعائلات المتضررة.
ربنا يتقبلهم شهداء كاملين ويخفف على أهاليهم.

خلال هذه المحنة، من خلال الأصدقاء والزملاء كنا نحاولوا تقديم أي مساعدة ممكنة. نجحت بعض المحاولات، واستمرت بعضها. وبسبب المشاعر الفياضة، كانت في صعوبة في تقبل بعضها. واحنا في كل الاوقات نتعلم ونستفيد من الدروس. الخيار اللي ما كانش متاح لنا اننا نوقفوا ونتفرجوا.

بدأت داميري في سنة 2019 والسبب كان إنشاء مساحة نشارك من خلالها قصص ورحلات إنسانية مؤثرة، سواء كانت جيدة أو سيئة، للتعلم والفهم والترفيه وتلخيص دروس وأفكار تهمك وتقدر اتطبقها في حياتك. أكثر الحلقات اللي استمتعت بتسجيلها كانت مع أشخاص لا أتفق معهم، وأشخاص ما عشتش تجاربهم. ونقدر نقول أني تعلمت بنفس القدر ومرات أكثر من الناس اللي اتفق معهم أو نعرفهم مسبقاً. بدون داميري مش حتتقاطع أفكاري أو حياتي ولا عندي سبب للاستماع لكل الأطراف. وهذا من أساسيات فكرة داميري والفائذة اللي توصل من خلاله.

• داميري مش مكان للحكم أو المقاضاة، ولكن مكان للاستماع والتعلم.
مرات تستفيد شيئ جديد ومرات تأكد معتقداتك القديمة. ووجود ضيف لا يعني اتفاقك معه.

• ومع ذلك، أفهم أن الاستماع إلى الآخرين المختلفين عن تفكيرنا مش حاجة مناسبة لكل الناس. الخيار يرجع لك فيما يتعلق بمتابعة الحاجة اللي تناسبك وتتماشى مع قناعاتك ونظرتك للعالم والشي اللي انت تحتاجه لهذه الفترة.

• لم ولن نتبع أو نخلق “ترندات” من أجل “الترند”. ولما تصبح أي حلقة مصدر تشتيت خلال الأوقات الحساسة، مثل الفيضانات، حنراجعو الهدف ونتعاملو مع الوضع بما نراه مناسب.

في هذه اللحظة بالذات نحن نقف مع المتضررين من الفياضانات. لو عندك اقتراح يا ريت تتواصل مباشرة.

لاحظنا مؤخراً نشاط من “الذباب الالكتروني” الخاص بتشتيت والإبلاغ عن محتواى الصفحة. إذا كنت ترغب في دعم داميري في هذه الفترة، يا ريت تشارك الحلقات اللي عجباتك مباشر مع أصدقائك أو شاركها على وسائل التواصل الاجتماعي حتى نستطيع تقليل اثر هذه الحملة.

سنستمر في البحث عن الضيوف والأفكار والموضوعات لحلقات الجديدة.
مؤقتاً لن نسجل أي حلقات جديدة.

شكرا شكرا شكراً
على صبرك ودعمك

فريق داميري

19/09/2023

الطريق من سوسة الى شحات شرق ليبيا في ال 2012.

نتمنى سكون كل الناس اللي مرينا عليهم وكل اهل المنطقة آمنين.

#ليبيا

17/09/2023

📢 مهم جداً لو تعرف حد في بنغازي شارك:

‏"عندي صديقتي في درنة عندها عملية قيسرية، وعندها بنت، بعد العملية المتطوعين حيحطوها في منطقة بلعون، بنغازي، محتاجة سيدة تهتم في بنتها تنسق معاها كل يوم تجيها تساعدها في ببنتها وتروح.
‏لانها خايفة تحطها مع عائلة ما تعرفهاش."

16/09/2023

نتمنى انه كل من في الفيديو يكون "حي" 💙
في ال 2012 درت رحلة لفيت فيها 37 مدينة ومنطقة خلال شهرين مع منظمة محامون.

زيارة سوسة كانت سريعة، بس قصص الاطفال اللي في المدرسة ذكرى ثابتة وحلوة من كثر قوة شخصياتهم وكبر احلامهم.
Translate post

14/09/2023

14/09/2023

سامحونا مقصرين هنا شوية لانه نشر الاخبار وتنسيق افضل في المنصات الثانية.
بس للي يبي يعاون في رابط تحت لصفحة موحدة فيها كل شي.
ارقام ومعلومات وحاجات تهم اي شخص او جهة يبي يفهم او يساعد شن صاير.