Lexoshpejt

11/07/2024

Historia e yllit Yamal

Vjen nga një familje e varfër, bleu shtëpi për gjyshen dhe prindërit sapo mori pagesën e parë
Ylli i ri i futbollit, Lamine Yamal, heroi i Spanjës mbrëmjen e djeshme, ka një histori frymëzuese, por jo vetëm. Përveç asaj që bën në fushë, ai ka treguar edhe anën e tij të ndjeshme dhe të kujdesshme ndaj familjes. Sapo mori pagesën e parë si futbollist profesionist, ai vendosi të investojë në një shtëpi të re për gjyshen e tij dhe prindërit.
Yamal, i cili është vetëm 16 vjeç, ka treguar se përveç aftësive të jashtëzakonshme sportive, ai posedon edhe vlera të larta familjare. Ky gjest ka prekur zemrat e shumë tifozëve dhe futbollisti ka fituar admirim të gjerë edhe për këtë gjest.

Lamine Yamal është një futbollist i ri spanjoll, i cili ka tërhequr vëmendjen për talentin dhe aftësitë e tij të jashtëzakonshme. Ai luan si sulmues dhe është pjesë e ekipit të Barcelonës. Lamine Yamal lindi më 13 korrik 2007 në Esplugues de Llobregat, një qytet afër Barcelonës.
Pavarësisht moshës së tij të re, Yamal ka arritur të spikasë në nivelet e të rinjve dhe është konsideruar si një nga talentet më premtues në futbollin spanjoll. Ai ka qenë pjesë e akademisë së Barcelonës, La Masia, që është e njohur për prodhimin e shumë yjeve të futbollit botëror.

09/07/2024

Zero tolerancë për të gjithë drejtuesit e motoçikletave që bien në kundërshtim me ligjin

Gjilan, 08 korrik 2024

Me qëllim të ruajtjes së sigurisë në trafikun rrugor dhe parandalimit të aksidenteve të trafikut, me theks të veçantë të drejtuesve të motoçikletave dhe mjeteve të ngjashme, Drejtoria Rajonale e Policisë në Gjilan ndaj të gjithë drejtuesve të motoçikletave të cilët bien ndesh me rregullat e trafikut rrugor do të i ndërmarr të gjitha masat ligjor, pa përjashtime dhe me zero tolerancë.

Kjo masë vjen si një përgjigje ndaj rritjes se numrit të aksidenteve në të cilat aksidente viktima kanë qenë shoferët e motoçikletave dhe sjelljeve të papërgjegjshme të disa drejtuesve të motoçikletave që rrezikojnë jetën e tyre dhe të pjesëmarrësve të tjerë në trafik. Kontrolli do të jetë intensiv dhe i përhershëm.

Drejtoria Rajonale e Policisë në Gjilan kërkon që kujdesi dhe përgjegjësia gjatë ngasjes së motoçikletave janë të domosdoshme, andaj:

- Përdorimi i pajisjeve mbrojtëse: Gjithmonë përdorni helmetë të përshtatur mirë. Pajisjet e tjera mbrojtëse si xhaketa, dorezat, mbrojtëset e gjunjëve dhe çizmet janë po ashtu të rëndësishme për të minimizuar dëmtimet në rast të aksidenteve.
- Kontrolloni i motoçikletës: Para çdo udhëtimi, kontrolloni gjendjen e motoçikletës tuaj.
- Respektoni i rregullat të trafikut: Respektoni gjithmonë sinjalizimet dhe rregullat e trafikut. Mos ngisni me shpejtësi të lartë dhe respektoni kufizimet e shpejtësisë në zona të ndryshme. Kujdesuni që të jeni të dukshëm, veçanërisht gjatë natës ose në kushte të këqija të motit.
- Ngasja e sigurt dhe e përgjegjshme: Mbani distancën e duhur nga mjetet e tjera dhe mos bëni manovra të rrezikshme. Gjithashtu, shmangni ngasjen nëse jeni të lodhur ose nën ndikimin e alkoolit apo substancave të tjera.

Njësitet policore të Drejtorisë Rajonale të Policisë në Gjilan në kuadër të zbatimit të planit operativ ‘’Motoçikletat’’ vetëm gjatë javës së kaluar për shkak të parregullsive të ndryshme kanë përjashtuar nga komunikacioni dyzet e tetë (48) motoçikleta dhe janë shqiptuar tetëdhjetë e shtatë (87) gjoba ndaj ngasësve të motoçikletave.

09/07/2024

Pasi hoqëm tërësisht kontrollat kufitare me Shqipërinë në pikë kalimin kufitar në Vërmicë dhe filloi së zbatuari marrëveshja e trafikut lokal për banorët e brezit kufitar të Kosovës dhe Shqipërisë, jam jashtëzakonisht i lumtur që sot, bashkë me mikun dhe homologun tim të Republikës së Shqipërisë Taulant Balla nënshkruam protokolin i cili lehtëson procedurat e kalimit kufitar në pikat kufitare Qafë Morinë, Qafë Prush, Shishtavec-Krushevë, Borje-Glloboçicë dhe Orgjost-Orçush.

Nga sot e tutje, do të aplikohet procedura një ndalesë - një kontroll.

Me vullnetin më të mirë, lehtësojmë procedurat tona duke lehtësuar kështu edhe jetën dhe zhvillimin e qytetarëve tanë ndërsa bashkëpunojmë në luftimin me çdo kusht të të gjitha llojeve të krimit.

24/06/2024

Edhe një lajm i mirë për Qeverisjen tonë! Këtë herë nga Zyra Kombëtare e Auditimit, e cila pas procesit të auditimit për vitin 2023, ka nxjerr raportin zyrtar në të cilën komunën tonë e vlerëson (me: opinion i pamodifikuar) në nivele të larta të menaxhimit të pasqyrave finaciare, sipas standarteve ndërkombëtare.
E gjithë kjo falë përkushtimit tonë të përbashkët dhe të përgjegjshëm!
Fadil Nura

24/06/2024

Komuna e Kamenicës nënshkruan marrëveshjen e parë me Ndërmarrjen Publike "Dardana"🤝

Qëllimi i marrëveshjes së nënshkruar është mirëmbajtja e hapësirave publike dhe menaxhimi i litarit rrëshqitës.✅

Falënderoj Bordin për angazhimin. Në këtë nënshkrim marrëveshjeje na mungoi anëtarja Shkurte Kastrati, por përfaqësuan Vehap Zuka, Jetulla Sylaj, Donjeta Morina e Kryeshefi Rinor Rrudhani.😊
Kadri Rahimaj

24/06/2024

Njoftim❗️

Për arsye të realizimit të kontratës “Ndërtimi i rrugës Nekibe Kelmendi, faza III”, rruga “Nekibe Kelmendi” do të mbyllet përkohësisht:

🗓️ Të hënën, më datë 24.06.2024, deri më 24.08.2024.

Qytetarët mund të përdorin rrugët alternative.

Vazhdojmë me hapërimin e projekteve!

DIKMK

💙

24/06/2024

🌎🚲Si adhurues i biçikletës, me kënaqësi mora pjesë sot në hapjen e festivalit më të madh të çiklizmit në Kosovë "Bikefest" ku bëmë edhe një xhiro me biçikleta përgjatë rrugës unazore të qytetit me moton “Pedalo me pasion, festo me Bikefest” që organizohet nga K.Ç. Pro Bike Prizren dhe mbështetet nga Komuna e Prizrenit.

🚵‍♀️Ishte i bukur bashkimi i entuziastëve të biçikletave nga Kosova dhe rajoni për aktivitete sportive, rekreative, argëtuese dhe edukative në Prizren, duke promovuar kulturën e çiklizmit, stilin e shëndetshëm të jetë dhe ndërgjegjësimin për ruajtjen e mjedisit.
Shaqir Totaj

24/06/2024

Zëvëndësministri Kelmendi takoi zv. ministren e Arsimit të Shqipërisë, Nina Guga dhe zv. ministren për Evropën dhe Punët e Jashtme, Artemis Malo

Zëvëndësministri i Arsimit, Taulant Kelmendi bashkë me zv. ministren e MPJD, Liza Gashi kanë zhvilluar takim pune me zv. ministren e Arsimit të Republikës së Shqipërisë, Nina Guga dhe zv. ministren për Evropën dhe Punët e Jashtme, Artemis Malo.

Gjatë takimit u vlerësua bashkëpunimi i deritanishëm në mes të institucioneve tona në shumë dimensione por fokus i veçantë mbetët përpjekja e përbashkët për ruajtjen e identitetit kombëtar në mërgatë përmes arsimimit dhe përdorimit të gjuhës shqipe, ruajtjes dhe promovimit të vlerave dhe trashëgimisë kulturore.

Për këtë qëllim u dakorduan të angazhohen në:organizime të përbashkëta në fushatat sensibilizuese dhe promovuese për mësimin e gjuhës shqipe në diasporë, dixhitalizimin e procesit mësimor të gjuhës shqipe në diasporë

Po ashtu, u dakorduan për inkurajimin e partneritet midis universiteteve të Tiranës dhe Prishtinës, për certifikimin e gjuhës shqipe si dhe angazhimin e përbashkët për të mbrojtur gjuhën shqipe në kornizën e gjuhëve evropiane.

24/06/2024

Presidentja Vjosa Osmani priti në takim ambasadorin e Mbretërisë së Bashkuar, Jonathan Hargreaves

Presidentja e Republikës së Kosovës, Vjosa Osmani, ka pritur sot në takim ambasadorin e Mbretërisë së Bashkuar në Kosovë, Jonathan Hargreaves.

Në takim u diskutua për zhvillimet e fundit politike në vend, përgatitjet për Samitin e Komunitetit Politik Evropian, si dhe për bashkëpunimin bilateral midis Kosovës dhe Mbretërisë së Bashkuar.

Në Samitin e Komunitetit Politik Evropian, Presidentja Osmani, sikurse në Samitet e kaluara, do ta përfaqësojë Republikën e Kosovës. Në këtë drejtim, Presidentja dhe ambasadori diskutuan për temat që do të trajtohen në këtë Samit, si dhe për kontributin e Kosovës në këto tema. Samiti do të mbahet në Blenheim Palace në Mbretërinë e Bashkuar në korrik.

Në takim u diskutua po ashtu edhe për bashkëpunimin bilateral në mes të Kosovës dhe Mbretërisë së Bashkuar në fusha të ndryshme.

Në veçanti, Presidentja Osmani shprehu mirënjohjen për mbështetjen e vazhdueshme të partnerëve tanë britanikë në fushën e mbrojtjes, dhe tha se si Komandante Supreme e Forcës së Sigurisë së Kosovës, ndihet krenare për arritjet e vazhdueshme të vajzave dhe djemve të FSK-së në akademitë më prestigjioze ushtarake në Mbretërinë e Bashkuar.

24/06/2024

Pas reshjeve të dendura të shiut që ranë gjatë pasdites së djeshme 🌧️, dolëm në terren për të vlerësuar situatën dhe për të ndërhyrë në pikat kyçe, në mënyrë që të evitohen dëmet në raste të ngjashme 🛠️.

Pas konsultimeve me institucionet përkatëse, krijuam shtabin e krizës për menaxhimin e situatës në ditët në vijim, duke marrë parasysh parashikimet për reshje të ngjashme 🌧️. Së bashku me zjarrfikësit 🚒, ekipet tona të emergjencës kanë ndërhyrë në 100 raste të lajmëruara nga qytetarët 🚑.

Lutim qytetarët që të shmangin përdorimin e automjeteve gjatë pasdites 🚗❌ dhe sugjerojmë që institucionet publike dhe private të lirojnë punëtorët më herët nga puna 🏢⏰, për të shmangur trafikun e rënduar në orët e pasdites meqë parashihen shira me intensitet të lartë sikur dje.

Siguria e të gjithëve është prioriteti ynë kryesor prandaj jemi në terren në çdo kohë!

Për çdo problem, telefononi në numrat kujdestarë (pa pagesë) 📞 080012233 dhe 080012244.

Drejtoria për Siguri dhe Emergjenca
Lulzim Fushtica
Drejtoria e Shërbimeve Publike
Bekim Brestovci
Drejtoria e Investimeve Kapitale dhe Menaxhimit të Kontratave
Krenar Xh Xhaferi
Brigada e Zjarrfikësve-Prishtinë
Malë Gashi
Kompania Rajonale e Ujësjellësit "Prishtina" sh.a
Kosovo Police Perparim Rama

24/06/2024

Përgjatë javëve të fundit, vajzat dhe djemtë e Forcës sonë të Sigurisë dëshmuan përkushtim dhe rezultate të jashtëzakonshme në akademitë, kolegjet dhe qendrat profesionale ushtarake amerikane më prestigjoze në botë.

Krenarë me Agron Muratin, Alban Bujupin, Alban Bunjakun, Albert Kuçin, Albin Bytyçin, Andrin Vuthaj, Arbnor Haxhanin, Shpresa Gashin, Vesa Ibrahimin dhe shumë e shumë të reja e të rinj, të cilët personifikojnë të ardhmen e FSK-së!

24/06/2024

Dogana e Kosovës gjen mallra të fshehura në një automjet në pikën kufitare të Vermicës

📍 Prizren, 20 Qershor 2024, Dogana e Kosovës ka parandaluar futjen e mallrave të padeklaruara në Pikën Kufitare Vermicë.

Pas ndalimit të një automjeti, drejtuesi është pyetur nëse kishte ndonjë gjë për të deklaruar për Doganën, dhe ai është përgjigjur negativisht. Mjeti është selektuar për kontroll të dytë, me asistimin e zyrtarëve policorë. Gjatë ekzaminimit të mjetit, janë gjetur mallra të padeklaruara dhe të cilat ishin kamufluara nën pajisjet e peshkimit në sediljen e pasme dhe në bagazh.

Mallrat e padeklaruara përfshinin tonera të llojeve të ndryshme, në sasi prej 57 copë, me vlerë totale mbi 1000 euro, bazuar në faturën e gjetur. Bazuar në këtë fakt, pala ka shkaktuar kundërvajtje doganore të sanksionuar sipas nenit 244.1.1 të KDAK-së.

Të gjitha mallrat janë konfiskuar dhe ka filluar procedura kundërvajtëse kundër personit përgjegjës.

Dogana e Kosovës mbetet e përkushtuar në zbatimin rigoroz të ligjeve dhe rregulloreve në fuqi për të siguruar një tregti të drejtë dhe të sigurt për të gjithë qytetarët dhe bizneset e Kosovës.

24/06/2024

Së bashku më të fortë

Profesionalizmi, disiplina, përkushtimi e besimi i ndërsjellë me aleatët tanë, kanë ndikuar në ecjen dhe ngritjen e kapaciteteve të Forcës së Sigurisë së Kosovës, bazuar në planin 10 vjeçar të tranzicionit.
Në kuadër të bashkëpunimit bilateral me partnerin tonë strategjik, Shtetet e Bashkuara të Amerikës, një ekipë mobile nga Security Assistence Training Menagment Organization (SATMO) e ushtrisë Amerikane ka realizuar trajnimin me mortaja për pjesëtarët e FSK-së, pjesa teorike është realizuar në Komandën e Doktrinës dhe Stërvitjes në Ferizaj ndërsa pjesa praktike në poligonin në Melle të Republikës së Shqipërisë.
Qëllimi i trajnimit ishte ngritja e kapaciteteve të artilerisë, avancimin e operimit me sistemet e armatimit, ngritja e aftësive taktike, rritjen e saktësisë në objektivat e qitjes, me qëllim ngritjen profesionale të pjesëtareve te FSK-së.
Forca e Sigurisë së Kosovës

24/06/2024

🥈🥈🥉Tri medalje të fituara është bilanci i atletëve tanë në Kampionatin Evropian të atletikës për shtetet e vogla, që po mbahet në Gjibraltar.

🏃‍♀️Gresa Bakraqi fitoi dy medalje. Të argjendtën e fitoi në 1500 metra, ndërsa të bronztën në 5000 metra.

💪Medaljen e argjendtë e fitoi edhe Muhamet Ramadani në hedhjen e gjylës.

Urime atletëve tanë, të cilët janë edhe bursistë olimpikë, si dhe Federatës Atletike të Kosovës.

24/06/2024

Njësia Rajonale e Komunikacionit Rrugor ndërmerr veprime me qëllim përmirësimin e sigurisë rrugore

Gjakovë, 21 qershor 2024

Drejtoria Rajonale e Policisë në Gjakovë, Njësia Rajonale e Komunikacionit Rrugor vazhdon të mbetet e përkushtuar në sigurinë rrugore dhe uljen e numrit të aksidenteve.

Në periudhën nga 19 deri më 20 qershor 2024, u ndërmorën masa të rëndësishme ndaj ngasësve që rrezikojnë sigurinë rrugore, veçanërisht ndaj drejtuesve të motoçikletave. Gjatë kësaj periudhe, katërdhjetë e një (41) motoçikleta u sekuestruan për shkelje të ndryshme, duke përfshirë: mos respektimin e kufizimeve të shpejtësisë, mos bartjen e helmetës gjatë qarkullimit në rrugë, pa regjistrim dhe pa doganim. Po ashtu, u shqiptuan edhe treqind e nëntëdhjetë e dy (392) gjoba si dhe janë marr dhjetë (10) patentë shoferi si masë mbrojtëse, për një gamë të gjerë shkeljesh të tjera në komunikacionin rrugor, me anë të së cilave synohet të nxitet dhe promovohet respektimi i rregullave të trafikut.

Drejtoria Rajonale e Policisë në Gjakovë inkurajon të gjithë përdoruesit e rrugëve të përqendrohen në respektimin e rregullave të trafikut, pasi ato janë të rëndësishme për parandalimin e aksidenteve dhe sigurinë e të gjithë pjesëmarrësve në rrugë.
Kosovo Police

24/06/2024

Këshilla për ngasje të sigurt me motoçikletë!
Kosovo Police

24/06/2024

Sot bashkë me nxënësit dhe prindërit e tjerë, ishim në komunikimin e suksesit për vitin shkollor, që po lëmë pas, me rastin e përfundimit të klasës së parë.

Harisa me shoqe dhe shokë të klasës janë vetëm disa nga mijëra nxënës të tjerë, që në shtator të këtij viti do të vazhdojnë rrugëtimin e dijes.

Urime e përgëzime për suksesin Harisa, gëzimi i parë i familjes! Alban Hyseni

24/06/2024

FSK zhvilloi me sukses ushtrimin për testimin e kapaciteteve të komunikimit “Sinjali 2024”

Në kuadër të testimit të gatishmërisë operacionale, me urdhër të Komandantit të Forcës së Sigurisë së Kosovës është zhvilluar ushtrimi fushor “Sinjali 2024” i cili kishte për qëllim testimin e komunikimit në FSK, në tri nivelet, Strategjik, Operacional dhe Taktik.
Ushtrimi është zhvilluar në territorin e Republikës së Kosovës, ku njësitë e komunikimit të FSK-së, të udhëhequra nga Departamenti i Komunikimit dhe Teknologjisë Informative i Shtabit të Përgjithshëm të Forcës së Sigurisë së Kosovës, janë dislokuar në terren, në lokacione të ndryshme dhe kanë testuar kapacitet e komunikimit duke ofruar shërbime me radio rrjetin luftarak, radio rrjetin administrativ mbështetës, intranet, internet dhe ndërveprueshmëri të sistemeve dhe rrjeteve të komunikimit.
Shefi i Stafit të Shtabit të Përgjithshëm, Gjeneralbrigade Ilir Qeriqi me bashkëpunëtor vizatuan Qendrën e Komunikimit të dislokuar në terren, prej nga u njoftuan nga afër me ecurinë dhe rrjedhjen e ushtrimit “Sinjali 2024”. Shefi i G6 në Shtabin e Përgjithshëm, kolonel Fidaim Elshani i prezantoi Gjeneral Qeriqit kapacitetin dhe gatishmërinë e komunikimit, duke demonstruar direkt mbështetjen me komunikimin në disa zona të operacionit në të njëjtën kohë, me qëllim për të ofruar komandim-kontroll për trupat e angazhuar në operacione.
Ushtrimi është përmbyllur me analizën pas aksionit, kthimin e forcave në vendbazime.

23/06/2024

Kemi pyetur Qytetartët se a ngasin Kosovarët që jetojnë në Kosovë apo Mërgimtarët më mirë

23/06/2024

Shi i dendur godet kryeqytetin

Pas temperaturave të larta të nxehtësisë, një mot me shi të dendur ka goditur në orët e mbrëmjes Prishtinën.

Në rrugët e qytetit shihen pak vetura, derisa nuk ka pengesa serioze në qarkullim.
Kujtojmë, ditëve të fundit kanë mbretëruar temperatura të larta deri në 36 gradë Celsius.

Pas temperaturave të larta të nxehtësisë, një mot me shi të dendur ka goditur në orët e mbrëmjes Prishtinën.

Në rrugët e qytetit shihen pak vetura, derisa nuk ka pengesa serioze në qarkullim.
Kujtojmë, ditëve të fundit kanë mbretëruar temperatura të larta deri në 36 gradë Celsius.

18/06/2024

Batllava Lake Kosovo 🇽🇰💚

18/06/2024

Mirëmëngjesi me këtë pamje të bukur nga Ballabani i Prishtinës🌳

📸Besnik Fetiu Photography

18/06/2024

Punimet e rrugës në fshatin Malësi e Re

🚧🚗Në vazhdën e punimeve në gjithë territorin e Komunës së Prizrenit, pas ndërtimit të infrastrukturës nëntokësore dhe trotuareve,…

18/06/2024

Caktohet gjyqtari i ndeshjes Kroaci-Shqipëri

Shqipëria do të luajë të mërkurën ndaj Kroacisë ndeshjen e dytë në finalet e Kampionatit Evropian “Gjermani 2024”…

18/06/2024

Njoftim

Njoftim 18.06.2024 e martëKuvendit për Këshillin Lokal të Lagjes “Qendër” Vendi: Shkolla “Faik Konica” Regjistrimi i qytetarëve me…