Yaga

Nous sommes une organisation de jeunes, experte dans les approches digitales. Bienvenue sur la page Facebook de Yaga. Yaga signifie « raconter », en Kirundi.

Yaga raconte des histoires des hommes et femmes du Burundi, de ses champs, de ses oiseaux, de ses vaches et de ses collines. Nous sommes une organisation de jeunes, experte dans les approches digitales (création de contenu en ligne, campagnes de communication, plaidoyer, renforcement des capacités, communication organisationnelle, etc.) et dans l’animation des espaces d’expression en ligne et hors

ligne. Nos approches sont basées sur les évidences et les vécus personnels, et sont centrées sur les jeunes dans toute leur diversité. Nous collaborons avec tous les acteurs ayant pour mission de promouvoir la paix, la santé, la culture, l’environnement et contribuant au développement inclusif. Yaga, c’est aussi un réseau de jeunes défenseurs de la liberté d’expression. Ces hérauts de la vie sont appelés Yaguistes. Ils racontent leur quotidien tout en croyant en l’apport de la diversité d’opinions, de réflexions et d’expériences. Il est dit que des chocs des idées jaillit la lumière. Notre fil conducteur est le respect mutuel dans la diversité. Yaga enfin, c’est vous les lecteurs, qui participez, grâce à vos commentaires. Chez nous nous disons: venez on va « yaguer. »

Yaga c’est un témoin, un récit.

02/12/2024

🇧🇮 Uburundi hejuru cane mu vyerekeye kurwanya umugera wa SIDA

👌🏾Kuno kwezi kwa Kigarama kwahariwe kurwanya umugera wa SIDA. Turabire hamwe uko ivyawo vyifashe hano mu Burundi.

02/12/2024

🤓 Utabeshe, kano gapfindo ntikokurabisha hejuru ?

🤗 Kagira kati : "Njejwe kugorora ivyagoramye. Imisi yanje irangwa n’impome n’umwanya usa nk’aho utava aho uri n’ubwo hari ibirangamisi vyinshi. N’aho abantu batankunda iwanje haba benshi. Hari imyambaro y’ubwoko bumwe. Ndi inde ?"

🫠 Ukaba utariko wiyumvira kwishura ibohero, vyagusheshe !Ico kibazo, ni co catumye umupfasoni umwe mu bitavye isekeza Sigaho atahukana iterefone ngendanwa kubera yagikubise rumwe. Hari mu ntara ya Kayanza i Bandaga. Iryo sekeza Sigaho ryateguwe n’amashirahamwe atandukanye, kugira ngo ahimirize abanyagihugu bo mu Kayanza n'ahandi ku mabi ashingiye ku gitsina, n'ingene yoranduranwa n'imizi.

🤌🏾 Agiheza gutora ako gapfindo, yagiriyeko aburira abakora amabi afatiye ku gitsina boba bariko baramwumva, ko batabihevye, bashobora kujanwa muri iryo gororero.

👌🏾 Abantu batari bake bari bahash*tse, barashimye ubutumwa bwatanzwe, banemeza ko amabi nk'ayo ahari, kandi inyigisho baronse zizobafasha kurwanya ayo mabi. Izo nyigisho zari zacishijwe mu gikino kiryoshe cashikirijwe n’abakinyi b'ibikino nyuramico bahurikiye mw’ishirahamwe Umunyinya, aho hamwe n'abarorerezi baja barasemerera , mu gihe cose hagaragaye ibimenyetso vy'amabi ashingiye ku gitsina.

👉🏾Ivyo, vyabaye mu gihe haheze imisi twinjiye mw'isekeza mpuzamakungu ryo kurwanya amabi afatiye ku gitsina, ryatanguye itariki 25 Munyonyo rikazorangira itariki 10 Kigarama 2024.

👏🏾 Abatari bake barahigiye bongera baratahukana udushimwe dutandukanye inyuma yo kwishura neza ibibazo babajijwe bihuye n'icivugo: "Gukinga amabi ashingiye ku gitsina n'ihohoterwa no kwivyukiranya mu gihe bish*tse".

02/12/2024

🙋🏾‍♂️ Abashikiranganji bose barandikiwe ngo bahagarike ibikorwa bidakenewe cane

📄Biri mu rwandiko rw'umushikiranganji mu vyo ajejwe harimwo ikigega ca Reta, Audace Niyonzima, rwateweko umukono itariki 29 Munyonyo 2024.

✍🏾Icatumye basabwa ivyo, uwo mushikiranganji asigura ko ari mu ntumbero yo kurindira isubirwamwo ry'itegeko rigenga amafaranga Reta iriko irakoresha, muri uno mwaka w'2024 ushira uw'2025.

📃 Muri urwo rwandiko nyene, ubwo bushikiranganji bumenyesha ko bwatanguye igikorwa co gutunganya gushasha amafaranga Reta y'Uburundi iriko irakoresha, bufatiye ku buryo buhari.

💁🏾 Twibutse ko muri uno mwaka, Uburundi buriko bukoresha amafaranga y'amarundi arenga imiriyaridi 4397. Aho, ni mu gihe amafaranga yari ategekanijwe kwinjira mu kigega ca Reta (igihe hemezwa itegeko riyagenga), yari kuba arenga gato imiriyaridi 3941. Twarabigarutseko hano : https://lc.cx/y2ceur.

🫙 Nayo igihengeri (ayataboneka aho azova), kirenga imiriyaridi 456 y'amarundi. Ukaba udatahuye ivy'igihengeri ku mafaranga Reta ikoresha, Yaga yarabiciye irya n'ino hano : https://lc.cx/3i7tka.

02/12/2024

😉 Ni nde yamumenye ?

02/12/2024

🙋🏾‍♂️ Bavyeyi mufise abana bato, murabire hafi ingeso bakura ku bayaya n’ababoyi birirwana

🤔 Uku kuntu abavyeyi badafise imyanya yo kwirirwana n'abana babo, maze bakikora ku baboyi n’abayaya, rimwe rimwe ntibibura ingaruka mbi ku ndero y’abana. Na rirya abo bana baba batazi gutandukanya icatsi n’ururo, kwakira buri kintu uwo birirwanye abahaye biroroshe cane.

👉🏾 Jean-Luc ni umwe mu bo vyabayeko. Akiri muto, afise imyaka 10 gusa, umuyaya yari amureze yamweretse amasanamu y’abantu bakora imibonano mpuzabitsina. Ntiyasobanukiwe ivyo ari vyo. Kuva ico gihe, yagumye ashaka kuraba amasanamu nk’ayo, ivyamuviriyemwo akaranda ko kuyaraba kugeza n’ubu vyanse ko abiheba.

🤷🏾‍♂️ Nico kimwe n’umwigeme yitwa Sarah. Afise imyaka 14, yafashwe ku nguvu n’umuboyi wo muhira iwabo. Nyawayo yakoze iryo bara, yafatwa nk’umwizigirwa muri urwo rugo. Uwo mwana yaragize ubwoba bwo kubivuga, yibaza ko abavyeyi bataja kuvyemera.

👌🏾Umwanditsi aduhaye izo ntahe avunira akagohe abavyeyi ati : "Mu guha akazi ababafasha kurera abana, mube maso, murabire hagufi abana banyu. Ikindi, mwigishe abana kubahuka kuvuga ibibabako mu buzima bwa misi yose, munabaganirize kugira mubimenye, na cane cane ivyerekeye ubuzima ndorabitsina."

Fyonda aha : https://lc.cx/jKt0Op, murahasanga igisomwa ciwe.

02/12/2024

💰Ideni Reta y'Uburundi yasavye ibanki Exim yifuza ko ryokoreshwa mu yindi migambi canke amasezerano agafutwa

☝🏾Iryo deni Reta y'Uburundi yari yafashe mw'ibanki Exim yo mu gihugu c'Ubuhindi ryangana n'imiriyoni 161 360 y'amadorari y'abanyamerika. Ryari ryafashwe kugira azokore mu gutanganya inyubakwa z'inama nshingamateka na nkenguzamateka hamwe n'iz'ubushikiranganji. Reta rero ikaba igiye kuzosaba ibiganiro iyo banki Exim kugira ayo mafaranga azokore mu yindi migambi y'iterambere.

✍🏾 Ivyo vyigiwe mu nama nshikiranganji yabaye mu ndwi iheze itariki 27 Munyonyo, nk'uko bishikirizwa na Jérôme Niyonzima, umunyamabanga akaba n'umuvugizi wa Reta. Imvo nazo zotuma bihinduka ni izi twasiguye hepfo. 👇🏾

📃 Amasezerano y'iryo deni yateweko umukono itariki 2 Mukakaro 2019, rero akaba yavuga y'uko ibice 75% y'ibizokora bizova mu Buhindi, nayo ibindi bice 25% bive mu bindi bihugu, ariko ivyo ngo bikaba vyotuma izo nyubako zica zitwara uburyo bwinshi cane, bwokoreshejwe mu bindi.

💁🏽 Aho mwomenya ko kuva ayo masezerano ateweko umukono mu 2019 gushika ubu ngo nta rufaranga na rumwe ruratangwa. Baravye igihe giheze, ishirwa mu ngiro ry'ayo masezerano ryobangigwa baravye ivyo Reta yoriha.

📜 Inama nshikiranganji isaba Reta ko yokwemera hagatangura ibiganiro, ayo masezerano agafutwa canke iryo deni rigakoreshwa mu yindi migambi Reta nyene yoca ishira mu ngiro.

❓Biramutse bikunze agashirwa mu yindi migambi, ni uwuhe mugambi wokwihutirwa ?

02/12/2024

🤓 Abari kw’ishure ubu, murazi amateka ya "concours" yo mu wa gatandatu ?

🤗 Abize aho hambere muca mwibuka umwaka gatandatu ico ari co. Hari umwanditsi agira aducire ku mayange ibintu awibukirako. Agira ati :

👨🏿‍🦱"Nakoze ikibazo ca Reta "Concours national" yo mwaka w’ishure w’2000-2001. Ico gihe, umunyeshure akiri mu mwaka wa gatanu, abavyeyi nta gahengwe bamuha. Bamubwira bati : "Ukayayata mu wa gatanu, muri "concours" ntaco uzokwatsa." No mu wa gatanu ntivyari vyoroshe. Ivyigwa vyose niho twatangura kuvyiga mu gifaransa kiretse ic'ikirundi gusa.

Uwo mwaka warangoye. Ndibuka ko hageze umusi wo kuvuga amanota, barahamagara bakaruha, bakagera kunshikira nanibagiye ko bindaba. Igihe umuvyeyi namwereka "bulletin" yo mu wa gatanu, akabona amanota y’ibiharuro, yararahiye ararengwa ko ntayajana mu wa gatandatu. Ni ko kumbwira ati : "Ehe rero gahungu, emera udubure, kugira uzoronke amanota meza muri "concours" yo mu wa gatandatu."

Vyarangoye kwakira. Ariko, kubera yanyemereye agashimwe k’ikinga n’igodiyo (ikirato bakinana umupira), naravyemeye. Niganye ishavu, umwaka wa gatanu ndawurengana n’amanota meza, mbona kuja mu wa gatandatu. Ijoro rishira umusi w’ikibazo citwa "Concours national’’ sinasinziriye. Naguma nikanga ngo burakeye.

Ryagiye kera burateba buraca. Akoba ari kose, mu nzira, nagenda ndibaza ko nsanga abandi batekanye bariko bariga utwa nyuma. Naratangaye nsanze hari abariko bariterera umupira, abandi biyagira nk’uko womenga ni ibisanzwe. Erega nanje naragiyemwo ndakina.

Bazanye ikibazo, nasanze vyinshi twari tumaze kubikora. Naratangaye cane nti : "Iyi ni ya 'concours' yadutera ubwoba ?" Si ukwiyemera ariko narabikubise hasi. Hageze gutanga amanota, naronse ayarenga gato 80 kw’ijana. Ivyo rero, biranyibutsa ingene umwaka wa gatandatu w'aho hambere wari uteye ubwoba."

👉🏾 Inkuru yose iri aha : https://lc.cx/eqZ3Kg.

🤪 Nta wundi yodusangiza ico yibukira ku mwaka wa gatandatu wa kera ?

02/12/2024

“Shaa! Ko ata ndwano wabonye, urorohewe!”

🙄 Nimba uri "umujeune", ako kajambo baramaze kukakubwira. Kimwe co, ingwano siyo yonyene yogutera “stress”.

Ng’ibi ibindi ⬇️

02/12/2024

❔I Gitega, tugiye kuhabona mu yindi shusho nshasha ?

🏙️ Ku mugwa mukuru wa poritike, harategekanijwe kubakwa amazu y'akarorero mu kibanza kirenga ihegitari 6 (6 hectares 87 ares). Hazokubakwamwo amazu meza yigenga n'ayandi ageretseko, ikigo c'idandarizo, ishure ry'abana bimenyereza, ikibanza co kwinonoramwo imitsi no kuruhukiramwo.

👉🏾 Ico gikorwa kizoshirwa mu ngiro n'ishirahamwe mpuzamakungu "DACC" ryo mu gihugu ca Nigéria mu vyo rikora harimwo ibijanye n'inyubako, ryasavye Reta y'Uburundi kwubaka amazu y'akarorero mu gisagara ca Gitega. Uwo mugambi uri mu ntumbero ya Reta yo kurwiza uburaro.

☝🏾Ivyo ni bimwe mu vyapfunditswe mu nama nshikiranganji yabaye itariki 27 Munyonyo 2024, nk'uko bishikirizwa n'umuvugizi wa Reta Jérôme Niyonzima, mu cegeranyo c'iyo nama nshikiranganji yashikirije kw'iradiyo nkuru y'igihugu.

✍🏽 Imbere y'ishirwa mu ngiro ry'uwo mugambi, inama nshikiranganji yasavye ko hoba amasezerano hagati y'ubushikiranganji bujejwe inyubako n'iryo shirahamwe mpuzamakungu DACC, mu kwubahiriza ingingo ziri mu gitabu c'amategeko agenga amatongo, itomora neza ingene amatongo ya Reta atizwa.

🤔 Ariko rero, si ubwa mbere Reta y'Uburundi ikora imigambi yo guteza imbere uburaro. Imyaka hafi ibiri igira ihere, ubushikiranganji mu vyo bujejwe harimwo inyubako bushize ahabona umugambi wo kwubaka inzu 33 000 buri mwaka. Hari mu ntumbero yo guhangana n’ikibazo c’iduga ry’ibiciro vyo gupanga amazu mu bisagara. Inyuma y’ico kiringo, uwo mugambi nturaja mu ngiro.

🗣️ Mw'isekeza Yaga yabashikirije mu kwezi kwa Mukakaro 2024 ryitwa , ryagaruka kw'iduga ry'ibiciro vy'amazu na cane cane ari mu bisagara, umushakashatsi Déo Baranderembako wo mu kigo CURDES yavuze ko "gushiraho ingingo yorohereza abanyamitahe kwubaka uburaro rusangi canke kikorohereza abashaka ingurane zo kwubaka, vyofasha mu gutora umuti urama". Iyibutse inkuru aha : https://lc.cx/JbY0EQ

I Gitega hakaka, muriteguye kuhabona ? ☺️

29/11/2024

👏🏾 Tubafitiye agakuru : nta biza n'isibe bizobira kuba giturumbuka ku Barundi.

Muti uwo mugambi upanze gute ? Inyishu ni mu makuru y'uno musi 😃

29/11/2024

🤔 Ng'aha, hariho abantu batazi iyo rirya zina ngo "28 novembre" rya rirya barabara ryazananye

Haraciye imyaka 58 bibaye. Ido n'ido ni muri iki kiganiro 👇🏽

29/11/2024

😎 Nk'ubu uraziko ushobora kuba 'manager' w'umu 'artiste' utagira amafaranga ?

💁🏽 Hari abatanguye kwibaza ngo ivyo bishoboka gute ?

🧠 Bigusaba kuba ufise ivyiyumviro birashe, ubumenyi n'uburambe mu mwuga, ugashira ku rutonde ivyo mwokora n'umu "artiste" kugira mwinjize inoti haba muri "concert", guhayanisha ibintu, n'ibindi. Ivyo wiyizi ko ubishoboye nta nkeka uraba manager w'umu "artiste" yaba uwuririmba canke uwukora ibindi bikorwa mvabwenge.

👆🏽 Iryo ni ibanga twibiwe na Ismaël Nzeyimana, azwi kw'itazirano 'Manager Kent-P'. Hari muri rya sango twabaha ry'Impamba yaraye ibaye itariki 28 Munyonyo 2024, mu kigo ndangamico c'Abafaransa, IFB.

🤔 Muti manager w'umu "artiste" yunguka gute ?

😎 Ico mwomenya coco manager ni umukozi w'umu "artiste". Umaze kuba wamu manager arondera inoti ku mpande zose, atahura neza ivyo akora, uko yinjiza bivana na "contrat" afitaniye n'umu "artiste". Kuko birashobora gushika aho umu "artiste" afise amahera yironderera umu "manager" amufasha gushira ku murongo ivyiyumviro vyiwe, co kimwe n'umu "manager" arashobora kuba ari uwuzanye amafaranga gusa.

🤷🏾‍♂️ Ariko rero, umu "artiste" arashobora kugira "manager" arenga umwe; nk'akarorero uwushiramwo amahera, uwuzana ivyiyumviro, uwujejwe kumwandikira canke ku mwambika.... Gukora ivyo vyose si mpaka ube waraminuje mu kuvyiga, upfa kuba ubikunda hama ukagira ubushakashatsi bw'uko wobikora nabo mukorana.

📌 Nta kazi kabura intambamyi erega. Zimwe mu ntambamyi aba "managers" bagira ni mu gihe umu "artiste" wiwe bariko baramuvugako amajambo atari meza canke yakoze ikosa akaba ariko aravugwa hose.Ngo ivyo biratuma atakaza icizere mubo bakorana bamwinjiriza amafaranga. Muri ico gihe, "manager" afise akazi ko gutorera inyishu ico kibazo hataragira icononekara

✍🏽 Nko mu bindi bisata, umu "manager" biramusaba ko abandanya gukarisha ubumenyi kugira we n'umu "artiste" wiwe batere imbere, bazane ibintu vy'akabirya.

🤗 Murumva ko atakidashoboka. Muriteguye kuba ba "managers" b'aba "artistes"? ☺️

29/11/2024

🥲 Tubwire …

28/11/2024

🙋🏾‍♂️Twabateguriye inkuru yishura ku kibazo kimwe rudende

Mbega agateka k'abana mu Burundi gaseserejwe n'intambamyi izahe ?

Kaze mu makuru 👇🏾

28/11/2024

😒 "Ndabiyamye, si jewe ntuma imibonano mpuzabitsina itaryoha"

🫣 Hemwe, agakingirizo ishavu riraniga. Kurya kuntu abantu bakavugako ibi na biriya, kavuye mu gacerere karisigura ku vyo kagirizwa. Kagira kati : "Nama ndiko ndatukwa. E mama ngo abankoresheje bariko barakora imibonano mpuzabitsina ntibaryoherwa. Ivyo mubikura hehe ? Nimwe biba vyananiye kunkoresha neza, umunezero nimwe muwibuza.

🤔 Nta soni mugira muriko muvuga ko ndi mugufi ? Vyemere ko mudasoma ivyanditse ku gapapuro kerekana ingene nkoreshwa, vyose biriko. Mwanashima, ndakweguka cane na "pastèque" yose noyikwira.

😏 Ukuntu munshingura na vyo birababaje cane. Munterera mu dupukuru nkavundirayo, mukanshira mu tubweta nk**arayo imisi n'iyindi, hanyuma hagera ko munkenera mukabona kuntora. None mwonyitegako ibitangaza bivuye hehe mumfata gutyo ?

😄 Iki coco kiranantwenza iyo mucidoze : "Agakingirizo uwugakoresheje ntiyumva urukundo mu mibonano mpuzabitsina." Mbe ndababaze, mworyoherwa uwo muriko mukora imibonano mpuzabitsina atwaye imbanyi itipfujwe canke akandura indwara ? Nimureke kwigirisha munyishure.

🤌🏾 Jewe sindiko nsaba mumpe amapete n'imidari, oya ! Nshaka munyubahirize, nanje ndabubahe. Mureke kumvuga, mukwiragiza ibinyoma uko mwishakiye kandi nkingira ubuzima bwanyu."

👉🏾 Fyonda hano murahasanga igisomwa cose : https://lc.cx/Sb6bG1.

28/11/2024

Muze tuvuge vyabintu vy'akumiza tubona mu manza zacu 😂

28/11/2024

😒 "Nahora numva umenga vyoba vyiza nipfiriye, "estomac" ikandya nibutse ivyo naciyemwo"

👆🏾Iyo ni intahe y'umukenyezi wo mu Rumonge. Ni inyuma y'igikino Yaga yabashikirije, kigaruka ku kungene imitima y'abantu ikwiye kuremuruka imvune za kahise.

👌🏾Fata kanya urabe ino "vidéo", urasangamwo intahe z'abo cafashije, zikora ku mutima.

28/11/2024

😕« Ingorane y’umururazi w'isi ndimwa, iri mu bituma umwimbu utongerekana mu Burundi »

👆🏽 Ivyo vyashikirijwe na Malick Fall arongoye ishirahamwe mpuzamakungu rifasha mu buryo bw’amafaranga biciye mw’ibanki y’isi yose (IFC), ejo hahise itariki 27 Munyonyo 2024.Yabivugiye mu nama yahuje bamwe mu bakorera mu gisata c’uburimyi, mu kurabira hamwe ivyavuye mw’itohoza ku bijanye n’igiterwa c’ikawa, icayi, isukari n’ifumbire uko vyifashe mu Burundi, yabereye i Bujumbura.

♻️ Bamaze kurabira hamwe ibibazo bihanze igisata c’uburimyi, barashikirije bimwe mu vyokorwa mu kurwiza umwimbu mu biterwa twadondaguye hejuru :

👉🏾 Ku giterwa c’ikawa ngo hakwiye amahugurwa no gukarisha ubwenge ku bantu bose berwa n’ico gisata, kuko hasanzwe hariho amategeko agenga kurima ikawa utegerezwa gukurikiza.

👉🏾 Ku giterwa c’icayi ngo abarimyi bofatwa mu mugongo kuko nibo hanini barwiza umwimbu, bagahembwa neza, icayi kikagira agaciro ntigisumbwe n’ibiterwa mbumbarugo.

👉🏾 Ku kijanye n’igiterwa c’igikaju kivamwo isukari ngo hakwiye ivyirwa vya poritike ifasha kugira ibikaju birimwe mu buhinga bushasha.

📍 Ibindi bashikirije vyokorwa ni guhimiriza abarimyi gukoresha umwavu k**a no gukwiragiza ibiterwa bitandukanye mu ntara nyinshi, guteza imbere ubushakashatsi mu bijanye n’ibiterwa, gukoresha ubuhinga bugezweho mu bijanye n’uburimyi, n’ibindi... Inkuru dusanga aha : https://lc.cx/JHU2dz .

◀️ Turamaze kubashikiriza ibisomwa bigaruka k'uburimyi, aho abahinga bagiye barashikiriza ko kurima kijambere hakoreshejwe i mashini, ndetse no kubungabunga amazi y'imvura ku buryo avomera imirima igihe c'ici, vyosahiriza ico gisata gutera imbere. Twabibabwiye hano (https://lc.cx/0nFaVj ).

💰 Iyindi ntambamyi twagarutseko ni uko igisata c'uburimyi kironswa ingurane ziri ku rushi kandi bwitwa inkingi y'ubutunzi. Mu 2022, ingurane zatanzwe mu migambi y'uburimyi zangana ibice 9,1. Mu 2021 naho zari 7,1. Iyibutse aha : https://lc.cx/v9lOjC.

Address

Rohero

Telephone

+257 22279797

Website

http://www.yaga-burundi.com/

Alerts

Be the first to know and let us send you an email when Yaga posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Yaga:

Videos

“Shaa! Ko ata ndwano wabonye, urorohewe!” 🙄 Nimba uri "umujeune", ako kajambo baramaze kukakubwira. Kimwe co, ingwano siyo yonyene yogutera “stress”. Ng’ibi ibindi ⬇️ #UmuntuNUwundi #amagara

Uwo musi, Micombero atembagaza intwaro ya cami

🤔 Ng'aha, hariho abantu batazi iyo rirya zina ngo "28 novembre" rya rirya barabara ryazananye Haraciye imyaka 58 bibaye. Ido n'ido ni muri iki kiganiro 👇🏽 #UwoMusi #BarundiTuyage

Kubûra ibiza n'isibe mu Burundi ?

👏🏾 Tubafitiye agakuru : nta biza n'isibe bizobira kuba giturumbuka ku Barundi. Muti uwo mugambi upanze gute ? Inyishu ni mu makuru y'uno musi 😃 #KuMusi #IhindagurikaRyIbihe

Inyishu ku bibazo bijanye n'agateka k'abana

🙋🏾‍♂️Twabateguriye inkuru yishura ku kibazo kimwe rudende Mbega agateka k'abana mu Burundi gaseserejwe n'intambamyi izahe ? Kaze mu makuru 👇🏾 #KuMusi #AgatekaKaZinamuntu

😒 "Nahora numva umenga vyoba vyiza nipfiriye, "estomac" ikandya nibutse ivyo naciyemwo" 👆🏾Iyo ni intahe y'umukenyezi wo mu Rumonge. Ni inyuma y'igikino Yaga yabashikirije, kigaruka ku kungene imitima y'abantu ikwiye kuremuruka imvune za kahise. 👌🏾Fata kanya urabe ino "vidéo", urasangamwo intahe z'abo cafashije, zikora ku mutima. #UmuntuNuwundi #kahise

Kwivuza mu kirundi, biremewe ?

😎 Nk'ubu murazi ko ibice 90 % vy'Abarundi bivuriza mu miti y'ikirundi ? 🤷🏾‍♂️ Erega ubuvuzi bw'imiti kama bwemewe hano mu Burundi. Kaze tubisorongore 👇🏾 #KuMusi #amagara

Ibijanye na Sida mu Burundi

🇧🇮 Uburundi hejuru cane mu vyerekeye kurwanya umugera wa SIDA 👌🏾Kuno kwezi kwa Kigarama kwahariwe kurwanya umugera wa SIDA. Turabire hamwe uko ivyawo vyifashe hano mu Burundi. #KuMusi #amagara

Aho hambere ''ababoyi'' bari abubahwa

🤔 Abakozi bo mu nzu (abayaya n'ababoyi) akatari gake ntibahembwa ku gihe, birukanwa batategujwe, ... 📄 Murazi ko burya na bo babwirizwa kuba bagengwa n'itegeko ry'igihugu rigenga akazi ? Muti gute ? Kaze, inyushu ni mu makuru y'uno musi 👇🏾 #KuMusi #akazi

Kuvukana umugera wa Sida vyatumye ngira ubuto bubabaje

😢 Kuvukana umugera wa SIDA uri umwe mu muryango w’abana 3 si icoroshe. Gukumirwa, kwihebura, vyose bizira rimwe 💔 Ino nkuru ya Landry Arakaza irateye agahinda 😕 #AkariKuMutima #amagara

🫣 Umwami Mwambutsa IV yararusimvye iryo joro ⏮️ Tujane i Muramvya, dusubire inyuma muri Gitugutu 1965. Ico gihe, akagwi k’abasirikare karateye ikirimba c’umwami, gashaka gutembagaza umwami Mwambutsa IV. Uti vyagenze gute ? Hakurikiye iki ? #BarundiTuyage #UwoMusi #kahise

Ivy'iduga ry'ibiciro vyabaye...

😒 Gabriel Rufyiri ati : "Umushikiranganji w'ikigega ca Reta, mbere na Reta yose, bakwiye gutangaza ko bananiwe ..." 👆🏾 Ivyo yabivuze mu ndwi iheze, afatiye ku kuntu ibiciro vy'ivyankenerwa biguma biduga ku murindi munini. Niyo nkuru duca irya n'ino uno musi. Kaze ! 👇🏾 #KuMusi #ubutunzi

Ubugumu bwa Billy

😒 Haduga hamanuka, uramuha tuu! #Rolex #ukubaho

Shortcuts

Our Story

Bienvenue sur la page facebook de Yaga. Yaga signifie « raconter », en kirundi. Nous sommes une communauté de blogueurs, amoureux du Burundi, avocats de la liberté d’expression, et par notre diversité de réflexions et d’expériences nous voulons changer les mentalités. Rassemblés aux prémices des élections présidentielles de 2015, nous souhaitons, par nos plumes et nos voix, faire entendre les aspirations de la jeunesse burundaise pour contribuer à l´édifice d´une société pacifique en mouvement vers le progrès. Notre slogan, « Un témoin, un récit », est notre fil conducteur. Nous croyons que du choc des idées jaillit la lumière. Par cette approche singulière, dans un pays parfois divisé, nous voulons montrer aux Burundais que notre diversité est notre force. Nous proposons quotidiennement des sujets qui créent du débat et nous nous efforçons de modérer les échanges. Si toutes les opinions sont tolérées, nous n’acceptons pas les commentaires racistes, sexistes, diffamatoires et injurieux. Prenez part à la discussion dans le respect ! L´équipe Yaga.

Nearby media companies

La puissance du Salut
De la Democracies, Bujumbura

Other Media/News Companies in Rohero

RegionWeek
Avenue du Gouvernement
Lovely King Salomon

Show All

Yaga

02/12/2024

02/12/2024

02/12/2024

02/12/2024

02/12/2024

02/12/2024

02/12/2024

02/12/2024

02/12/2024

29/11/2024

29/11/2024

29/11/2024

29/11/2024

28/11/2024

28/11/2024

28/11/2024

28/11/2024

28/11/2024

Address

Telephone

Website

Alerts

Contact The Business

Videos

Uwo musi, Micombero atembagaza intwaro ya cami

Kubûra ibiza n'isibe mu Burundi ?

Inyishu ku bibazo bijanye n'agateka k'abana

Kwivuza mu kirundi, biremewe ?

Ibijanye na Sida mu Burundi

Aho hambere ''ababoyi'' bari abubahwa

Kuvukana umugera wa Sida vyatumye ngira ubuto bubabaje

Ivy'iduga ry'ibiciro vyabaye...

Ubugumu bwa Billy

Shortcuts

Share

Category

Our Story

Nearby media companies

Other Media/News Companies in Rohero