Cndd-Fdd Province Makamba

01/10/2022

. Urugendo rwo gushigikira umukuru w'igihugu cacu c'Uburundi Général Major Evariste NDAYISHIMIYE, ku migambi myiza imaze kurangurwa mu ntara ya Makamba. 01/10/2022.
Urugendo rwari ruhagarikiwe n'icegera c'umunyamabanga w'umugambwe mu ntara CIZA Ernest. Ibirori vyari vyatewe iteka n'umunyamabanga ntunganyabisata ajejwe kumenyesha amakuru Nancy Ninette MUTONI.

11/12/2021

. Kur'uyu wa gatanu 10/12/2021, umukuru w'umuhari w'abakenyererarugamba ku rwego rw'igihugu, YAMUREMYE Goreth, yari mu ntara ya Makamba aho yagiranye inama n'abaserukira abakenyererarugamba bo muma komine agize intara ya Makamba, iyo nama yabereye ku murwa mukuru wa komine Mabanda. YAMUREMYE Goreth yahamagariye abakenyererarugamba kubumbatira amahoro n'umutekano, gukomeza urukundo mu kibano, kwijukira ibikorwa vyo kwiteza imbere biciye mu gukorera muma koperative, n'ibindi.
Mu kwerekana akanyamuneza n'igishikika abakenyererarugamba bo mu ntara ya Makamba bari bamufitiye, inama iheze baciye bamugabira inyana y'inka iherekejwe n'ibiseke.

09/12/2021

. NTIVYIZANA ! BIRARONDERWA. Commune Makamba, colline Makamba I. Le 09/12/2021

18/11/2021

. Kur'uyu wa kane 18/11/2021, hatunganijw muri komine Makamba umusi mukuru wahariwe intwari ku rugamba, ibirori vyaberey ku mutumba Nyankara, i gahara. Umunyamabanga wa biro hamwe n'umukuru w'umuhari w'abakenyererarugamba mu ntara ya Makamba niho bari bibereye https://t.co/GeYfhUWGv7

21/10/2021

. Nk'uko vyatunganijwe mu gihugu cose, kur'uyu wa kane 21/10/2021 habaye ku murwa mukuru w'intara ya Makamba ibirori vyo kwibuka imyaka 28 irangiye hagandaguwe incungu ya demokrasi mu Burundi, bikaba vyari bihagarariwe na Nyakubahwa Buramatari w'intara ya Makamba, NGOZIRAZANA Françoise. Ibirori vyaranzwe no gushira ingori z'amashurwe ku cibutso, kwumviriza ijambo ry'umuhisi NDADAYE n'irya Buramatari. Mu gushira ingori z'amashurwe ku cibutso, umugambwe CNDD-FDD waserukiwe n'icegera c'umunyamabanga w'umugambwe mu ntara, umukuru w'umuhari w'abakenyererarugamba mu ntara hamwe n'umukuru w'umugambwe CNDDFDD muri komine Makamba.

20/10/2021

. Kur'uyu wa gatatu 20/10/2021, umukuru w'umuhari w'imbonerakure mu ntara ya Makamba yagirishije inama abarondezi b'akazi bo muri komine kibago. Baganiriye ibijanye no guteramira amahoro n'umutekano no kwiteza imbere biciye mu gukorera muma koperative.

17/10/2021

. Kur'uyu wa mungu 17/10/2021 wari umunsi udasanzwe mu muhari w'imbonerakure muri komine Nyanza-lac mu ntara ya Makamba, aho hari hateguwe ibirori bitandukanye bikaba vyari vyatewe iteka n'ubuserukizi bw'umugambwe mu ntara. Ibirori vyatanguwe na défilé ndende y'imbonerakure haca hakurikira urukino rw'umupira w'amaguru rwahuje imigwi y'imbonerakure: umurwi w'abo muma zone muyange-kabonga bakinye n'umurwi w'abo muma zone mukungu-kazirabageni-nyanza lac. Urukino rwarangiye ku bitsindo 2-1.
Inyuma y'amajambo yashikiye n'indongozi z'umugambwe uhereye muri komine n'abo mu ntara, haciye hatangwa impene 26 zahawe amakoperative y'imbonerakure.
Abafise amikoro make 55 baronkejwe ikarata zo kwivurizako CAM.

13/10/2021

. Umunyamabanga w'umugambwe CNDDFDD mu ntara ya Makamba yifatanije n'abenegihugu bo mu ntara ya Makamba, mu birori vyo kwibuka imyaka 60 irangiye umuganwa RWAGASORE Louis agandaguwe.

13/10/2021