Isôko Fm-Rbdc

03/07/2024

02/07/2024

: Ikibanza kizokwubakwamwo ikivuko ca Rumonge kirakenewe kunyungu rusangi.

ivyo vyashikirijwe n'umuvugizi reta akaba n'umunyamabanga wayo aho yariko ashikiriza icegeranyo c'inama nshikiranganji yakoranye mundwi iheze.

Jérôme Niyonzima akavugo ko ugwandiko rwerekeye ico kibanza rusaba ko reta yokwimura imiryango 13 iri murico kibanza nyene nayo uburyo bwo kuyimura bukazova mumugambi ushigikiwe n'ibanki y'isi yose naho amategeko y'igihugu ubwayo yategekanya ko bokwimuwe atakirinze gusabwa.

29/06/2024

: Ingorane ziva mu miryango harimwo inyifato z'abavyeyi biratuma umwana adakurikira neza ivyigwa mw'ishure.

Bishikirizwa na Professeur Joseph Ndayisaba umuhinga akaba n'umwigisha muri kaminuza, yanonosoye ibijanye n'inyifato,

uwo muhinga akavuga ko iyo umwana abaye murivyo bibazo, niyo agiye kwi shure agumana ivyo bibazo vyo mumuryango mbere ugasanga arananiwe ataruko abuze ubwenge.

Professeur Ndayisaba agakenguruka ko hari amashirahamwe ariko yinjira mubantu akaraba ingorane bafise. akabona ariko ko nya mashirahamwe yorwizwa kugira aze gufasha abarezi canecane mukuraba izo ngorane z'abana.

Uwo muhinga akemeza ko iyo umwigisha ariko yigisha umwana afise ibibazo aba asa nkuwuriko arahatirizako mugihe nyene kwiga ataba ariko arakurikira.

28/06/2024

Ishirahamwe ry'abaganga bitaho amagara yo mumutwe PPSM mu mpfunyapfunyo y'igifaransa rimenyesha ko ritewe impungenge canecane n'amagara yo mumutwe y'abana. Ivyo navyo ngo bigatumwa n'inyifato abavyeyi usanga bereka imbere yabana.

Bivurwa na Prosper Mvuyishanga, arongoye Umugambi uraba ibijanye n'amagara yo mumutwe mwi shirahamwe PPSM, hari mu kiganiro n'abamenyeshamakuru kuruno wa 4. Mvuyishanga akavuga ko ibihe igihugu kiba caraciyemwo hamwe n'itituka ry'imici y'igihugu bishobora gutosekaza magara yo mumutwe ku bana, bitewe nuko abavyeyi babo baba barakozweko nivyo bihe. Nayo ngo ingorane nyamukuru nuko ikibano kitaratahura ko umwana iyo ari mumuryango udatekanye bimugirira ingaruka mbi.

Mvuyishanga agasaba reta gushira mu bisata vyose vy’ubuzima bw’igihugu cane cane mugisata c’indero igisata kiraba ibijanye n’amagara yo mumutwe.

28/06/2024

: Ugusaza kw'imihora ijana umuyagankuba hamwe n'umuyagankuba muke kandi abawukeneye ari benshi ni bimwe mubituma haba icikagurika n'ikena ry'umuyagankuba.

Bishikirizwa n'umushikiranganji muvyo ajejwe harimwo amasoko ntanganguvu, mukiganiro c’inzego za Reta cari kiremesherejwe mu ntara ya Makamba.

Ibrahim Uwizeye akavuga k’urugomero rwa rusumo falls, ibikorwa vyasa nivyaheze ariko hashizwemwo umuyagankuba mu mihora kugira bawugabure n’ibihugu biwusangiye arivyo Uburundi, Tanzania n’Urwanda ariko vyaciye vyononekara n’ubwo urugomero rwari rushasha. Akemeza ko ibikoresho vyo gukora ivyo vyononekaye vyamaze kuva mu Budagi iyo vyakorewe kugira urwo rugomero rukorwe.

Umushikirangani Uwizeye akizeza ko mundwi itangura imachini 1 y’urwo rugomero izoba yashizwemwo na nyarirya urwo rugomero rufise imachine 3.

24/06/2024

Ishirahamwe ngo riratangazwa no kubona uburundi butarashira mu mabwirizwa y’igihugu amasezerano ya Afrika ajanye ‘n'intwaro ibereye hamwe n’intwaro rusangi.

Vyashikrijwe n’umuvugizi wiryo shirahamwe kuruno wa mbere, mu kiganiro yahaye abamenyeshamakuru.

Jean Nduwimana yibutsa ko ayo masezerano yashizweho mugihe muri Afrika ibibazo vy’amatora hamwe nivyo gufata ubutegetsi kunguvu vyari vyimonogoje. Akavuga ko igisigaye ari intambwe yuko igihugu kimwe kimwe gisinya kigaheza kikayinjiza mu mategeko kibanje kuyaha inama nshingamateka ikayemeza. Gutyo akinjira mw’ibwirizwa shingiro.

Jean Nduwiman akavuga ko ivyo bimaze gukorwa, haba hinjijwe ivyo gukora ku mugaragaro. Akavuga ko hamwe ayo masezerano yoja mu mategeko vyofasha mu gukorera kumugaragaro no gukuraho ibituma hataba iterambere mu gihugu.


Olucome Burundi
Isôko Fm-Rbdc

24/06/2024

: Umupfakazi ngo yisanga ingorane ziwe atawuzitwararika ibiheza bikavamwo ukudashobora kurera abana hamwe no kubigisha kuko kenshi ngusanga umugabo ariwe yari kirumara.

Ivyo bishikirizwa n'uwurongoye ishirahamwe ry'abapfakazi bazi ico bajejwe (Association des Veuves Responsables), hari kuruyu w'Imana, igihe amashirahamwe y'abapfakazi na yariko ahimbariza hamwe umusi mpuzamakungu wahariwe abapfakazi.

Adèle Ahishakiye, arongoye iryo shirahamwe akamenyesha ko uwo musi mpuzamakungu arumusi wo kumenyesha uburundi n'amakungu zimwe mu ngorane abapfakazi bahura nazo harimwo gukumirwa, ugukubagurwa no kunyarwa ivyabo.

Uwo arongoye AVR akanegura abagabo bamwe babuza abakenyezi babo gukora. Agahamagarira abakenyezi Bose n'abigeme gushira imbere umwete bagakora.

Adèle Ahishakiye agasaba reta ko yoshiraho amategeko akingira abapfakazi mbere ntibanakumirwe mu nteguro zayo hamwe no kwigisha abajejwe intwaro Ku mitumba ukubahiriza agateka k'umupfakazi hamwe nibindi. Ivyo navyo ngo nibimwe muvyotuma ubuzima bw'umupfakazi bw'isununura.

Nayo kubwa Donavine Niyonsaba, umuyobozi w'iterambere ridakumira mu bushikiranganji bwo gushigikirana yamenyesheje ko reta atako idakora mu gushigikira umurundi wese. Agatanga akarorero k'imigambi ya reta yo guteza imbere abakenyezi n'abigeme ngo babeho neza, nk'umugambi w'igihugu mera mera nkabandi niyindi.

Donavine Niyonsaba akamenyesha Abo bakenyezi b'abapfakazi kwitura inzego zibijejwe mugihe zihungabanijwe canecane zihungabanjwe. Akibutsa kandi ko ivyaha vyose bakorerwa bihanwa n'amategeko.

21/06/2024

Mi-temps Slovaquie 1-0 Ukraine !!!birahererahe? Kwirikirana igice cakabiri!!!

21/06/2024

Kwirikirana ikibiriraho match iriko ihuza Ukraine na Slovaquie kuri Radio isoko fm.

19/06/2024

׃ Umwana aronse urucanco rumukingira indwara aba yikingiye, agakingira umubanyi mbere agakingira nꞌigihugu.
Bishikirizwa nꞌumuyobozi w'umugambi w'igihugu ujejjwe gucandaga mu bushikiranganji bw'amagara y'abantu. Hari mu kiganiro yahaye insamirizi isôko fm kuruyu wa wa gatatu. Jean claude Bizimana akaba yabishikirije mugihe kuruno wa gatatu ariho harangira isekeza ryo gucandanga indwara yꞌagasama, ryari ryatanguye kuwa 13 ruheshi uno mwaka turimwo
Jean claude Bizimana amenyesha ko, kugera kumusi ugira 5 wiryo sekeza, abana bagera ku bice 75 kwꞌ100 vy'abari bategekanijwe kuronswa urwo rucanco aribo bari bamaze gucandagwa. Uyo arongoye umugambi wꞌigihugu wo gucandaga avuga ko ibitigiri vyabana basigaye bizeye ko bazoba bacandazwe muriki kiringo cꞌimisi 2 giherutse kongerwa nꞌubushikiranganji bwo kubungabunga amagara yꞌabantu.
Bizimana akavuga kandi ko muri rusangi isekeza ririko rigenda neza naho hibonekeza ukutamenya kw'abavyeyi bamwebamwe bashikiriza ko abana babo bari bararonkejwe ugwo rucanco. Agahamagarira abavyeyi ko urucanco canecane rwo mwꞌisekeza ruguma rukenewe kuko ruba ruje gukinga akaranda kaba kateye. Agahamagarira abavyeyi kwirinda ibihuha bagacandagisha abana na nyarirya urucanco ari kirumara.

14/06/2024

: Ingorane zo gutwara abantu n’ibintu zigiye gutorerwa umuti.

Reta y'uburundi iriko irakora ibishoboka vyose kugira itorere umuti ingorane zihanze igisata co gutwara abantu n'ibintu na cane cane mur'iki gihe hibonekeza ubukene bw'igitoro.

ivyo vyashikirijwe n'umushikiranganji muvyajejwe harimwo ukwiyunguruza kuruyu wa kane aho mwikoraniro rukokoma ry'abakorera mu gisata co gutwara abantu n'ibintu n'umutekano wo mumabarabara. Maria chantal Nijimbere akameyesha kandi ko reta y'uburundi ikorera muma politike yo gushiraho ubuhinga bwa none mubisata vyose harimwo n'ico gutwara abantu n'ibintu ari nayo yerekana imbonakazoza y'uburundi.

14/06/2024

: Ugutanga amaraso ngo bifise uruhara runini mu buvuzi bikongera bikagirira akamaro kanini abarwayi bayakeneye harimwo kuramba no kugira ubuzima bwiza.

Biri mwitangazo ryasohowe n'ubushikiranganji bwo kubungabunga amagara y'abantu no kurwanya sida ryo kuruno 4.

Ubwo bushikiranganji bakamenyesha KO uburundi bugeze kurugero rwo gutanga amaraso kudusaho 7,4 kubantu 1000 buri mwaka mugihe ishirahamwe ryitaho amagara y'abantu kwisi OMS ryo risaba ko igihugu cose cotanga udusaho 10 tw'amaraso kubantu 1000 buri mwaka.

Ivyo biruko, mugihe kuwa 14 ruheshi uko umwaka utashe, amakungu ahimbaza umusi wahariwe gutanga amaraso. Icivugo c’uno mwaka kikagira giti ‘’imyaka 20 hahimbazwa umusi wo gutanga amaraso : turashimiye abatanga amaraso bose’’.

13/06/2024

KURIKIRA AMAKURU Y'IKIRUNDI KURI RADIO ISOKO FM YO KURI UYU WA 13.6.2024

13/06/2024

SUIVEZ LE JOURNAL EN FRANÇAIS SUR LA RADIO ISOKO FM DE CE 13.6.2024

11/06/2024

Ishirahamwe ryishinze gukangurira abarundi guhindura ingendo parcem ribona ko iyo leta yerekana ko ibintu biriko biragenda neza mugihugu atarivyo hari ibibigaragaza.

N'umwihwezo w'uwurongoye iryo shirahamwe akaba abivuze mugihe ikibazo c'ikena ry'igitoro gisa nikinanije abarundi.

Faustin Ndikumana akerekana ikibazo c'ikena ry'amafaranga y'agaciro uburundi bumazemwo igihe ibigira ingaruka mbi kugihugu.Uwo arongoye ishirahamwe Parcem asaba itunganywa neza ry'amafaranga mvamakungu narirya asanzwe akenye muri kino gihe.



Parcem Burundi

11/06/2024

: Ihayanisha-gurisha vy'ibikorerwa mu Burundi ‘’Made in Burundi 2024’’ rirafasha mu gushira ahabona impano n'ubuhinga Uburundi bufise biciye mubanyagihugu.

Bishikirizwa n‘umushikiranganji muvyo ajejwe harimwo urwaruka, igihe hataguzwa icese iryo hayanisha-gurisha.

Ambassadeur Gervais Abayeho akavuga ko iryo hayanisha-gurisha rituma uburundi bushika kw'isoko mpuzamakungu maze bukaronka n'amafaranga y'agaciro. Uwo arongoye ubwo busikirangai agasigura kandi ko iryo hayanisha-gurisha rituma n'amahinguriro yarsanzwe akora kirundi ahinduka akaja ahabona maze agakorera mu mategeko. Ivy biruko mugihe bamwe mu rwaruka basanzwe bitunganiriza imigambi bari bitabiriye iryo hayanisha-gurisha bamenyesha ko zimwe mu ntambamyi bahura nazo harimwo ukubura ibikoresho bakoresha mu guhingura hamwe n'abaguzi batizera ibiba vyakorewe mu burundi. Bakavuga ko benshi bizera ibiba vyakorewe mu mahanga.

Mariza Gabin arongoye ishirahamwe rihingura amasakoshi n'imigufu ‘’Shee collection’’, yari yitabiriye iryo hayanisha-gurisha, agasaba urwaruka kwitunganiriza imigambi rukareka kurindira akazi ka reta, nayo reta akayisaba gushigikira imigambi y'urwaruka.