Mass Media

07/12/2023

Հայաստանն ու Ադրբեջանը համակարծիք են, որ տարածաշրջանում խաղաղության հասնելու հնարավորություն կա։

Հայաստանը և Ադրբեջանը կշարունակեն իրենց քննարկումները վստահության կառուցման ավելի շատ միջոցառումների իրականացման վերաբերյալ

06/03/2023

Արտակ Բեգլարյանի կոշտ արձագանքը՝ ադրբեջանական դիվերսիային Տոյվո Կլաարի ռեակցիային

03/03/2023

Ադրբեջանի ԶՈւ-ն Արցախում խախտել է հրադադարի ռեժիմը

Արցախի Հանրապետության Ասկերանի, Մարտակերտի և Մարտունու շրջանների օկուպացված տարածքներում տեղակայված Ադրբեջանի ԶՈւ ստորաբաժանումները մարտի 2-ին և մարտի 2-ի լույս 3-ի գիշերը խախտել են հրադադարը` կիրառելով հրաձգային զինատեսակներ։ Հայտնում է ԱՀ ՊՆ մամուլի ծառայությունը։

Ըստ հաղորդագրության՝ հայկական կողմից տուժածներ չկան։

Հրադադարի խախտման մասին հաղորդվել է ՌԴ խաղաղապահ զորակազմի հրամանատարությանը։

Ներկայումս իրավիճակը շփման գծում հարաբերականորեն կայուն է։

20/02/2023

Շարժման մեկնարկից 35 տարի անց մեր հայրենիքը հայտնվել է շատ ավելի անբարենպաստ վիճակում. Արթուր Վանեցյան

17/02/2023

Թուրքիայում երկրաշարժից մահացածների թիվն անցել է 38 հազարը

Թուրքիայի նախագահականին առընթեր Աղետների և արտակարգ իրավիճակների վարչության տվյալների համաձայն՝ մահացածների թիվը կազմում է 38.044-, իսկ վիրավորներինը՝ 108.068։

16/02/2023

Դեմիրթաշը շնորհակալություն է հայտնել նաև հայերեն

Թուրքիայում գործող ընդդիմադիր «Ժողովուրդների դեմոկրատական» քրդամետ կուսակցության (HDP-ԺԴԿ) նախկին համանախագահ, այժմ բանտարկված Սելահաթթին Դեմիրթաշը Twitter-ում գրառում է արել երկրաշարժից հետո Թուրքիային օգնության հասած երկրների վերաբերյալ։

Նա մեջբերել է Թուրքիայի նախագահ Ռեջեփ Թայիփ Էրդողանի՝ այլ երկրներին բազմիցս հնչեցրած այն հայտնի սպառնալիքը, թե «մի գիշեր հանկարծակի կարող ենք գալ»։ Դեմիրթաշը թուրքական իշխանություններին նկատել է տալիս, որ «ում դուք թշնամի էիք համարում ու սպառնում, մի առավոտ հանկարծակի եկան օգնության»։

«Մինչ շարունակում ենք միասին բուժել մեր վերքերը, մեր բոլոր բարեկամներին աշխարհի բոլոր լեզուներով շնորհակալություն»,-ընդգծել է ընդդիմադիր գործիչը և տարբեր լեզուներով՝ այդ թվում նաև հայերեն, գրել «շնորհակալություն» բառը։

16/02/2023

Ոստիկանությունն ուժեղացնում է պաշտպանության նախարարության նախկին շենքի հսկողությունը, որտեղից այսօր վտարել էին բնակիչներին

16/02/2023

Լուսաղբյուրի դպրոցում բացվել է շարքային Ազատ Ներսիսյանի անվան դասասենյակը և փառքի անկյունը

16/02/2023

Ադրբեջանի մարտավարությունը նպատակ ունի հասնելու Արցախի հայերի տեղահանմանը

Ադրբեջանն օգտագործում է այս մարտավարությունը՝ հասնելու Արցախի բնիկ հայ բնակչության բռնի տեղահանմանը։ Անդրադառնալով Ադրբեջանի կողմից Արցախի գազամատակարարման խափանումներին՝ թվիթերյան մկրոբլոգում գրել է Արցախի պետնախարար Ռուբեն Վարդանյանը։

«Ձմեռային ցրտաշունչ ջերմաստիճանի պայմաններում և գերբեռնված էներգացանցով Ադրբեջանն օգտագործում է այս մարտավարությունը վախ, անորոշություն և անբնակելի պայմաններ ստեղծելու համար, որպեսզի հասնի իր վերջնական նպատակին՝ Արցախի բնիկ հայ բնակչության բռնի տեղահանմանը», - նշել է նա։

16/02/2023

ՊԵԿ-ն ո՞վ ա, որ ՊՆ-ին պատկանող գույքը ՊԵԿ-ին են տալիս․ ահաբեկում են․ եթե զգուշացնեին, դուրս կգայինք

16/02/2023

Բաքվին ուղարկել ենք խաղաղության պայմանագրի մեր տարբերակը, այն պետք է ընդունելի լինի Ադրբեջանի համար։

Այս մասին կառավարության նիստի ժամանակ հայտարարել է վարչապետ Նիկոլ Փաշինյանը։

15/02/2023

Թուրքիան չի օգնում երկրաշարժից տուժած քրդաբնակ շրջաններին

Հայաստանում քրդական համայնքի ներկայացուցիչները ՄԱԿ-ի հայաստանյան գրասենյակի դիմաց միջազգային հանրությունից պահանջում են օգնություն ցուցաբերեն ավերիչ երկրաշարժից տուժած քրդերին և ազատ արձակեն Քուրդիստանի աշխատավորական կուսակցության համահիմնադիր, քաղբանտարկյալ Աբդուլլահ Օջալանին, ով դատապարտված է ցմահ ազատազրկման թուրքական Էմրալի կղզում։

«Երկրաշարժի հետևանքով զոհերի և վիրավորների շուրջ 90 տոկոսը քրդեր են։Թուրքական իշխանությունները դիտմամբ անուշադրության են մատնել քուրդ ժողովրդին, չեն շտապում օգնել և դուրս բերել մարդկանց փլատակներից։Մենք դատապարտում ենք թուրքական իշխանությունների անգործությունը»,- նշեց «Քաղաքացիական պայմանագիր» խմբակցության քուրդ պատգամավոր Կնյազ Հասանովը։

«Քուրդիստան» կոմիտեի համանախագահ Սլո Դրբոյանի հավելեց, որ Թուրքիայի կառավարությունը միայն լրատվամիջոցների տեսախցիկների դեմ է ներկայացնում, թե ամեն ինչ անում է երկրաշարժի հետևանքները վերացնելու համար, բայց իրականում ոչինչ չի անում։

15/02/2023

Ստեղծվել է արցախահայության ազգային-ազատագրական շարժման 35-րդ տարեդարձի տոնակատարության կազմակերպման և համակարգման պետական հանձնաժողով

15/02/2023

Ամենայն Հայոց Կաթողիկոսն ընդունել է Կորեա-Հայաստան բարեկամական խմբի պատվիրակությանը

15/02/2023

Արցախի ԱԱԾ-ն միջոցներ է ձեռնարկում շուկայում թուրքական գյուղմթերքի հայտնվելը պարզելու ուղղությամբ

Երեկ «Ֆեյսբուք» սոցիալական ցանցում տեղեկություն էր տարածվել Արցախում թուրքական ծագում ունեցող գյուղատնտեսական մթերքի վաճառքի վերաբերյալ:

Արցախի ազգային անվտանգության ծառայությունը միջոցներ է ձեռնարկում նշված դեպքի հանգամանքները պարզելու, այդ թվում հիշյալ ապրանքի ծագման աղբյուրը և արցախյան շուկայում հայտնվելու ճանապարհը պարզելու ուղղությամբ:

Ձեռնարկված միջոցների ու արդյունքների վերաբերյալ կտրվի լրացուցիչ տեղեկություն:

15/02/2023

ՀՀ ԱԳ նախարար Արարատ Միրզոյանի գլխավորած պատվիրակությունը քիչ առաջ վայրէջք կատարեց Թուրքիայի մայրաքաղաք Անկարայում:

Արարատ Միրզոյանի այցը նպատակ ունի ցույց տալ Հայաստանի աջակցությունը փետրվարի 6-ի ավերիչ երկրաշարժից մեծամասշտաբ վնասներ կրած Թուրքիային։

15/02/2023

Թուրքիայում երկրաշարժից մահացածների թիվը հասել է 35.418-ի

Թուրքիայում երկրաշարժի հետևանքով մահացածների թիվը հասել է 35.418-ի, իսկ վիրավորներինը՝ 105.505-ի։ Ինչպես փոխանցում է Ermenihaber.am-ը, այս մասին հայտնել է Թուրքիայի նախագահ Ռեջեփ Թայիփ Էրդողանը կառավարության նիստից հետո։

Նա տեղեկացրել է, որ Թուրքիայում տեղի ունեցած երկրաշարժներից հետո որոնողափրկարարական աշխատանքները կշարունակվեն այնքան ժամանակ, քանի դեռ վերջին ողջ մնացածը չի փրկվել:

Երկրաշարժը վնաս է հասցրել Թուրքիայի կենտրոնական և հարավային շրջաններին։ Թուրքիայի 81 նահանգներից 10-ում հայտարարվել է արտակարգ դրություն և աղետի գոտի։

15/02/2023

Հայաստանը հումանիտար օգնության 2-րդ խմբաքանակն է ուղարկել Թուրքիա

Հայաստանը շարունակում է մարդասիրական օգնություն ուղարկել երկրաշարժից տուժած շրջաններ, այս մասին «Թվիթեր»-ում գրել է ՀՀ ԱԳՆ մամուլի խոսնակ Վահան Հունանյանը:

«Երեկ՝ ուշ գիշերով, հումանիտար օգնության 2-րդ խմբաքանակով բեռնված բեռնատարները Մարգարայի կամրջով հատել են հայ-թուրքական սահմանը», - գրել է նա:

14/02/2023

Արցախում գործունեությունը դադարեցրել է շուրջ 1000 հարկ վճարող, մյուսները գործում են մասնակիորեն

14/02/2023

Իշխանությունների հետ առկա են որոշ տարակարծություններ. Ամենայն Հայոց Կաթողիկոս

Իշխանությունների եւ Եկեղեցու միջեւ հարաբերություններն արարողակարգային բնույթի են։ Այս մասին «Հրապարակ» օրաթերթին տված հարցազրույցում ասել է Ամենայն Հայոց Կաթողիկոս Գարեգին Երկրորդը։

«Մայր Աթոռը զանազան առիթներով անդրադարձ ունեցել է այդ խնդիրներին։ Տեղին չենք համարում հիշյալ հարաբերությունները հաշտ կամ հակառակ որակելը։ Եկեղեցին գիտակից է իր կոչմանն ու առաքելությանը՝ իր հավատավոր զավակների նկատմամբ, եւ նախանձախնդրորեն իր կարելի ավանդն է բերում՝ ի խնդիր մեր ժողովրդի բարօր ու անվտանգ կյանքի եւ հայոց պետականության զորացման։ Այս ոգով պետք է ընկալվեն Եկեղեցու կողմից արտահայտվող դիրքորոշումներն ազգային, հասարակական հարցերի առնչությամբ», - ասել է Վեհափառ Հայրապետը։

14/02/2023

Արցախում լուրջ փոփոխություններ կլինեն

Արցախում կրկին ակտիվանում են ներքաղաքական գործընթացները։ Նախօրեին Արցախի Հանրապետության նախագահի աշխատանքից հայտնեցին, որ Արայիկ Հարությունյանը Սահմանադրության փոփոխության գործընթաց է նախաձեռնում։

Զուգահեռ մամուլում տեղեկություններ են տարածվում այն մասին, որ Արցախում կլինեն նաև բարձրաստիճան պաշտոնյաների փոփոխություններ։ Մասնավորապես խոսվում է պետնախարար Ռուբեն Վարդանյանի հրաժարականի մասին։ Ավելին, լուրեր կան, որ Արցախում նույնիսկ պետնախարարի պաշտոնը կարող է վերանալ՝ կրկին վերականգնելով վարչապետի ղեկավարությամբ կառավարություն ձևավորելու նախկին համակարգը։

Այս վերջին գաղափարի հիմնական լոբիստը Արցախի ՊԲ նախկին հրամանատար, ԱԽ նախկին քարտուղար Սամվել Բաբայանն է։ Վերջինս այս օրերին Արցախ է վերադարձել և ակտիվ զբաղվում է ներքաղաքական վերադասավորումների գործընթացով։

13/02/2023

Հարգելի ընթերցողներ, Mass Media ալիքը մի խումբ ազատ լրագրողների նոր նախագիծն է։ Այստեղ դուք կտեղեկանաք մեր երկրի ամենակարևոր նորություններին, կհետևեք հարևան պետությունների իրադարձություններին և կծանոթանաք տարածաշրջանային զարգացումների տրամաբանությանը։ Մենք ուշադիր հետևելու ենք մեր շուրջը տեղի ունեցող գործընթացներին և տեղեկացնենք ձեզ ամենակարևորի մասին։

Շնորհակալ ենք մեզ հետևելու և մեր ալիքի միջոցով Հայաստանի ու տարածաշրջանի լրահոսին հետևելու համար։

Հարգանքով՝
Mass Media թիմ