SHOTA

30/07/2024

Emaile si këto na e bëjnë verën më të përballueshme, përmbajtësore dhe frymëzuese për të vijuar. 🤗

02/07/2024

During Skopje Pride Week earlier in June, we had the privilege of attending Sara Ahmed's lecture. Hosting such a prominent feminist scholar in the Balkans—a region often exoticized, racialized, and marginalized in intersectional feminist discourse—was an act of resistance, thanks to . Sara Ahmed's speech on q***r tables, q***r ears, and the politicization of "No" as a collective mechanism and a call for killjoy resistance was deeply moving. She organically intertwined the talk’s trajectory from the genocide in Palestine to feminist resistance, and the framing of Pride as a protest, embodying the essence of killjoy joy.

By the end, Liri Kuci, the co-founder of our magazine, introduced Ahmed to the transnational magazine S***a.al, and presented her with the latest edition, "URE" (BRIDGE). This edition critically deconstructs narratives of war and conflict, offering a vision of symbiotic coexistence inspired by transnational feminist principles.

Thank you Sara, for your solidarity and contribution that fuels our collective resistance.

———

Në fillim të qershorit, patëm nderin të marrim pjesë në ligjëratën e mbajtur nga mendimtarja Sara Ahmed, në organizimin e javës së krenarisë në Shkup. Falë pritja e një studiueseje të një kalibri të tillë në Ballkan — hapësirë shpesh e ekzotifikuar, e racializuar dhe e palëvruar në diskursin feminist interseksional — ishte njëmend akt rezistence.
Ligjërimi mbi tryezat dhe veshët q***r, si dhe politizimi i "JO-së” si mekanizëm kolektiv në thirrjen për rezistencë “killjoy" (plangprishëse), ishte vërtet frymëzues.
Sara Ahmed, krejt organikisht e ndërlidhi trajektoren e bisedës së saj nga gjenocidi në Palestinë te rezistenca feministe, dhe riapelimi i Paradës si një formë proteste, duke e trupëzuar në thelb të konceptit të gëzimit “killjoy”.

Gjithashtu, bashkë-themeluesja e revistës sonë, Liri Kuçi, pati rastin t’i prezantojë Sara Ahmed-it revistën transnacionale S***a.al, duke i dhuruar vëllimin, "URË” (BRIDGE). Ky edicion analizon kritikisht narrativat e luftës dhe konfliktit, duke kultivuar vizionin e bashkëjetesës simbiotike të frymëzuar nga parimet feministe transnacionale.

Faleminderit, Sara, për solidaritetin dhe kontributin që frymëzon qëndresën tonë kolektive

07/05/2024

Prej ditës së sotme mund të gjeni kopje të revistës S***a - Vëllimi Urë - në raftin e larmishëm të titujve të kafe-librarisë Dit' e Nat', stafin e së cilës e falënderojmë për mikpritjen dhe dashamirësinë.

Sqarojmë se S***a NUK është në sh*tje, por atë mund ta shfletoni (dhe referoni) falas në mjediset ku gjendet.

Duke e vlerësuar përzemërsisht interesimin dhe mbështetjen e vazhdueshme në këtë proces, ju urojmë lexim të mbarë!

P.S në vijim do të postojmë edhe vendodhjet e tjera të URË-s☺️

12/04/2024

"It is estimated that Roma men live 9.1 years shorter than the majority of men, while Roma women live 11 years shorter than the majority of women (ibid, 18), making Roma women a rare case of women living shorter than men globally.
..Far from humanistic ideals of education, which were closer to the socialist and post-socialist governments and times, it is a telling sign of the idea of Roma subjectivity reduced to the role of cheap labour in neoliberalism. Indeed, bearing in mind Fraser’s multiple models of critical theory, for Roma, knowing slavery and mostly living at the bottom of the 99% of the population, any wage might be a promise of emancipation, as, for many, paid exploitation represents an advance to their position (Fraser 2014).”

Theoretical Analysis for Beyond Borders, by Jelena Savic.

Check out the whole article here:

Eastern Europe is home to the majority of an estimated 10-12 million Roma, half or close to half of whom are women, most of whom live in severe deprivation (EU Fundamental Rights Agency 2023; Blazevski et al. 2018; UNICEF Serbia 2020). It is estimated that Roma men live 9.1 years shorter than the ma...

27/03/2024

"A mund të ketë pajtim e paqtim, pa njohje e drejtësi? Pa mundur njerëzit të qajnë dhimbjen që ka emër, trup e varr? Si mund të qetësohen zemrat e atyre që presin në pezm vdekjen, pa ditur atë të bijve të tyre?
Në mund të shikojë përtej një popull që i mohohet të përjetojë të gjallët dhe amshimin në dinjitet…”

VARRET PA TRUPA - nga Dardan Konjufca, për vëllimin “Urë” të revistës S***A.

Artikullin e plotë mund ta shfletoni në këtë lidhje:

Lufta e Kosovës, lindur si akt i nevojshëm për çlirim nga varësia shumëvjeçare serbo-jugosllave, u zhvillua përgjatë viteve 1998-1999 e solli pas edhe shumë humbje njerëzore përveç dëmeve materiale e infrastrukturore. Mendohet se gjatë kësaj lufte janë vrarë më shumë se 13,500 pe...

05/03/2024

"Sigurisht, kultura patriarkale e kujtesës kolektive apo e të prodhuarit njohuri mbi luftën dhe kombin nuk janë specifikë ekskluzive e shoqërisë shqiptare. Ato i tejkalojnë kufijtë shtetërorë e kulturorë. E njëjta logjikë vlen për rezistencën ndaj përfshirjes së kontributeve feministe në studimet e luftës dhe sigurisë.
Thënë kjo, ky tekst i drejtohet publikut shqiptar dhe pjesërisht është i motivuar nga përshtypja se ekziston një kokëfortësi institucionale, që synon ruajtjen e strukturave të cilat dekurajojnë prodhimin e dijes lokale feministe dhe studimeve kritike në përgjithësi.”

S***A IV
Çati - Analizë Teorike:
“GJINIA E BËN LUFTËN DHE LUFTA E BËN GJININË: KONTRIBUTE FEMINISTE NË STUDIMIN E LUFTËS DHE GJINISË” - nga Drivalda Delia

Shkrimin e plotë mund ta shfletoni në lidhjen e mëposhtme:

Ekziston një formë mbizotëruese sesi ende mendojmë e shkruajmë për luftën dhe si e kujtojmë atë. Për shembull, te shqiptarët/et kjo mund të vrojtohet çdo 28- Nëntor, në festën e Pavarësisë dhe Ditën e Flamurit. Qoftë në mesazhet e rastit që tejmbushin mediat sociale apo program...

24/02/2024

Sot dy vite, cila është rrugëdalja?

24 Shkurti shenjon përvjetorin e pushtimit të Ukrainës nga Rusia. Një pushtim i pasuar nga një luftë përplot me humbje, incidente, rritje të furnizimit me armë nga perëndimi, dyndje të mëdha refugjatësh dhe retorikë që ngjall frikë për më të keqen. Me kontributin e katër studiues/eve të shkencave humane nga disiplina të ndryshme; Laurien Crump, Jolle Demmers, Gertjan Plets dhe Iva Vukusić, analizojmë aktualitetin politik dhe hulumtojmë në perspektivë mbi disa nga pasojat e mundshme të kësaj lufte.

Ju ftojmë të shfletoni artikullin e mëposhtëm për vëllimin “URË”, përkthyer nga Gresa Hasa.

Një vështrim pas dhe në perspektivë nga katër studiues të shkencave humane: Laurien Crump, Jolle Demmers, Gertjan Plets, Iva Vukusić.   Artikulli është botuar fillimisht në faqen zyrtare të Universitetit të Utrecht-it më 23 shkurt 2023. Përktheu nga anglishtja Gresa Hasa.   24 Shkurt...

22/02/2024

GJURMË
“Isha e pozicionuar pranë Antigonës dhe patëm mundësi të bisedonim derisa u afruan forcat serbe. Më kujtohet sesi gjatë bisedës, Antigona shpalosi planet e saj të jetës pas përfundimit të luftës. Më foli për fakultetin, muzikën dhe familjen. E dëgjoja me ëndje dhe çdo fjalë e saj rëndonte sa toka në kokën time.”

ANTIGONA, DËSHMORJA 18-VJEÇARE E KOSOVËS -
nga Fitim Salihu

Artikullin e plotë për S***A IV mund ta shfletoni në lidhjen e mëposhtme:

Porsi e frymëzuar nga Antigona e tragjedive greke të Sofokliut, më 1981, një vajzë të posalindur në Drenicë do ta pagëzonin me emrin e saj. Antigona e Kosovës, e emërtuar si Antigona e tragjedive greke, sapo arriti moshën madhore do të bëhej heroinë e tragjedisë së Kosovës. Në nj....

03/10/2023

“Shumë prej atyre që mbijetuan, vdiqën ndër vite pa hedhur dritë mbi përvojat e tyre dhe pa mundur të dëshmojnë. Ndërsa të tjerave, më tepër sesa si mënyrë rezistence dhe ringritjeje, u ka ndihmuar të heshtin, si izolim i turpit dhe gjurmëve të së shkuarës "së palavdishme.”

BALLAFAQIMI ME ERRËSIRËN: GRATË, LUFTA DHE PËRBALLJA ME TRAUMËN NË KOSOVË

Serbeze Haxhiaj

Shkrimin të plotë mund ta lexoni te kjo lidhje: https://s***a.al/ure/ballafaqimi-me-erresiren-grate-lufta-dhe-perballja-me-traumen-ne-kosove/

__________________________

©

Ky botim është mundësuar me mbështetjen e Fondacionit Heinrich Böll në Shqipëri. Përmbajtja e tij është përgjegjësi e vetme e autorit/es dhe revistës "S***a" dhe nuk pasqyron domosdoshmërisht pikëpamjet e donatorit.

26/09/2023

Vëllimi i katërt “Urë”, është gati për shfletim në lidhjen www.s***a.al. Falënderojmë, sipas rendit alfabetik, kontribuesi/et për punën e tyre, durimin dhe dashamirësinë për të qenë pjesë e kësaj përpjekjeje të përbashkët:

DARDAN KONJUFCA, DRIVALDA DELIA, EDON QESARI, ELVIRA DONES, FITIM SALIHU, FLORIAN BIEBER, GRESA HASA, HASAN HASANOVIÇ, JELENA SAVIÇ, KRISTINA MILLONA, LIRI KUÇI, MERIMA OMERAGIÇ, SARA MILENKOVSKA, SELMA JAHIÇ, SERBEZE HAXHIAJ, SINDI KUÇI, SOKOL ÇUNGA

Në mënyrë të veçantë, i shprehim mirënjohje punueses grafike të revistës “S***a”, Gea Madhit dhe studios Parallelogram; programuesit Shpresim Ndrukaj, pa të cilët vëllimet tona online nuk do të ishin të mundura, si dhe Livia Stavrit dhe Egzon Sadikut, për të gjitha ndërhyrjet emergjente, në detajet plotësuese të vëllimit.

________

Disclaimer: Botimi virtual i këtij vëllimi është mundësuar me mbështetjen e Fondacionit Heinrich Böll në Shqipëri. Përmbajtja e tij është përgjegjësi e vetme e kontribuese/ve dhe revistës “S***a”, si dhe nuk pasqyron domosdoshmërisht pikëpamjet e donatorit.

26/09/2023

1/2
Kemi kënaqësinë t’ju njoftojmë mbërritjen e vëllimit të IV-ët të Revistës S***a, me titullin “Urë”.

Ky vëllim ka për synim çmontimin e narrativave të luftës dhe konflikteve nga një perspektivë kritike e ndërthurur, si dhe artikulimin e një kërkese ndryshe për të ardhmen e Ballkanit: projektimin e një bashkëjetese në paqe e drejtësi frymëzuar mbi parimet e feminizmit transnacional.
Aty ku diversiteti gjinor, etnik, fetar dhe shoqëror shërbejnë si urë drejt njerëzve, vendeve dhe nocioneve sa teorike aq edhe të materializueshme në botë.

Revistën do të mund ta shfletoni përmes lidhjes në ueb: www.s***a.al
Falënderojmë, sipas rendit alfabetik, kontribuesi/et për punën e tyre, durimin dhe dashamirësinë për të qenë pjesë e kësaj përpjekjeje të përbashkët:

DARDAN KONJUFCA, DRIVALDA DELIA, EDON QESARI, ELVIRA DONES, FITIM SALIHU, FLORIAN BIEBER, GRESA HASA, HASAN HASANOVIÇ, JELENA SAVIÇ, KRISTINA MILLONA, LIRI KUÇI, MERIMA OMERAGIÇ, SARA MILENKOVSKA, SELMA JAHIÇ, SERBEZE HAXHIAJ, SINDI KUÇI, SOKOL ÇUNGA

Në mënyrë të veçantë, i shprehim mirënjohje punueses grafike të revistës “S***a”, Gea Madhit dhe studios Parallelogram; programuesit Shpresim Ndrukaj, pa të cilët vëllimet tona online nuk do të ishin të mundura, si dhe Livia Stavrit dhe Egzon Sadikut, për të gjitha ndërhyrjet emergjente, në detajet plotësuese të vëllimit.

Dëshirojmë gjithashtu t’ju njoftojmë se ky vëllim do të jetë i pari që do të shoqërohet me kopje të printuara.

______________

Disclaimer: Botimi virtual i këtij vëllimi është mundësuar me mbështetjen e Fondacionit Heinrich Böll në Shqipëri. Përmbajtja e tij është përgjegjësi e vetme e kontribuese/ve dhe revistës "S***a”, si dhe nuk pasqyron domosdoshmërisht pikëpamjet e donatorit.

05/05/2023

Faleminderit “Maailman Kuvalehti” mediumit të njohur finlandez për botimin, si dhe gazetares Heidi Nummi, për artikullin dhe bisedën e gjerë në lidhje me veprimtarinë tonë.
Dukshmëria dhe artikulimi i kontributit të revistës “S***a” në çarjen diskursive dhe aktiviste në përpjekjen feministe përtej hapësirave shqipfolëse, na bën të lumtura për besimin ndaj punës sonë dhe na inkurajon më tej në rezistencën për drejtësi sociale gjithëpërfshirëse dhe pa kufi.

Neljä viidestä albanialaisesta naisesta on kokenut kotiväkivaltaa viimeisen vuoden aikana. Aiemmin tilanteeseen oli mahdoton puuttua, sillä maasta puuttui tasa-arvon työkalu. Nyt pioneeri Liri Kuçi tuo feminismiä Albaniaan.

30/03/2023

"Nga ana tjetër, teksa ne rregullisht patologjizohemi e na thuhet se nuk jemi “normalë”; teksa çdokush jashtë kontureve të heteronormativitetit dhe standardit patriarkal konsiderohet “i/e neveritshëm/me”, një gjë është e sigurt: ne ekzistojmë, jemi këtu dhe identiteti ynë në trupat tanë, është fakt i pazhbëshëm."

EDHE BURRAT MENSTRUOJNË - nga Blert Morina

Shkrimin e plotë mund ta lexoni në këtë lidhje: https://s***a.al/turp-trup/edhe-burrat-menstruojne-blert-morina/

04/03/2023

Çaste nga takimi “Nga skajet drejt qendrës: Një ligjërim feminist i ndërthurur dhe transnacional”, i cili u mbajt përkundër tronditjes së thellë nga vrasja e Etleva Kurtit, Hasime Dafkut e Mevlute Hysës dhe pamundësisë për ta procesuar dhimbjen e humbjes së tyre. Megjithatë, ky diskutim na shërbeu për të na e rikujtuar domosdoshmërinë e gjallimit në kolektiv si mjedis i sigurtë për të ndarë dhimbjen, problematizuar pasigurinë e jetës dhe solidifikuar përpjekjet feministe, që konkretizojnë mundësitë për drejtësi e barazi sociale.

Faleminderit për praninë dhe solidaritetin e nevojshëm për vijimin e rezistencës së përbashkët.

03/03/2023

Nga skajet drejt qendrës - Një ligjërim feminist i ndërthurur dhe transnacional

02/03/2023

“Lulet e Shën Valentinit e 8-Marsit po na i kthejnë në lule morti. O gra, po na vrasin!”

Nga fjalimi i Liri Kuçit - mbrojtja ndaj femicidit të trajtohet si emergjencë kombëtare.

I duam të gjitha gratë e gjalla, prandaj do dalim prapë në rrugë!

27/02/2023

Këtë 8-Mars bashkohemi nën thirrjen “Marshojmë, S’festojmë! Për një jetë pa dhunë ndaj vajzave dhe grave!”

Dhuna strukturore e shtresëzuar në dhunë ekonomike, fizike, seksuale dhe femicid - na nxjerr në rrugë edhe në vitin 2023. Porse rrugët e çdo hapësirë private dhe publike, do t’i bëjmë tonat përmes jehonës së zemëratës kolektive për një jetë pa dhunë; një jetë në dinjitet, liri, drejtësi e zhvillim.

Ky marshim na përkujton se përpjekja për të drejta të plota e trajtim të barabartë mes njerëzve - është një qëllim i papërmbushur në historinë e qëndresave feministe, për të cilin dalim në rrugë edhe këtë 8-Mars.

Në orën 12.00 mblidhemi te sheshi “Nënë Tereza, marshojmë përgjatë bulevardit, për ta përmbyllur te Ministria e Drejtësisë.

23/01/2023

"Ajo nuk është liberale, as e majtë, as feministe apo ndonjë libaneze/myslimane/shiite e neveritshme ndaj vetvetes. Është thjesht nëna ime. Nuk shpjegohet as me arsye ideologjike dhe as me arsye morale. Porse mua më dha, gjithë sa nuk pati dot vetë."

DASHURI NË KOHËN E TRAPAVE TË SQULLUR
Përktheu: Liri Kuçi

Esenë e plotë mund ta lexoni në këtë lidhje: https://s***a.al/.../dashuri-ne-kohet-e-trapave-te-squllur/

09/01/2023

“Unë, e virgjëra, fytyra etere e së përkëdhelurës, nëna-dashnore dhe gruaja-burrë. Nata, sepse jam dita, ana e djathtë sepse jam e majta, Jugu, sepse jam Veriu.

Jam gruaja e banketit dhe të ftuarit e saj. Djall me krahë i natës, sumerët dhe kanaanitët më quajtën mbretëresha e joshjes dhe e dëshirave, e kënaqësisë së çmendur dhe shenjtore e dëshirave vetmitare. Më kanë çliruar nga riprodhimi, në mënyrë që unë të jem fati i përjetshëm.”

EVA APO LILITH? IDENTITETI FEMËROR NË SHOQËRINË (POST)PATRIARKALE - Flaminia Nucci

Për të lexuar shkrimin e plotë klikoni në këtë lidhje: https://s***a.al/turp-trup/eva-apo-lilith-identiteti-femeror-ne-shoqerine-postpatriarkale/

15/12/2022

Revista “S***A” mirëpret kontribute për vëllimin IV, tema ombrellë e së cilës do të jetë “Lufta”, dekonstruktuar nga një perspektivë kritike feministe.

Jeni të ftuar/a të na dërgoni artikuj mbi çështje që lidhen me temën më lart deri në datën 15 janar 2023, te kjo adresë: revistas***[email protected]. Për t’u orientuar në brendësi të rubrikave tona mund të shfletoni vëllimet e mëparshme te kjo lidhje: https://s***a.al/

Ju lutem të keni parasysh që artikujt e dërguar:

- Të jenë në përputhje me rregullat gramatikore dhe drejtshkrimore të gjuhës shqipe.
- Në rast citimesh, këto të fundit të përmbajnë referenca konkrete.
- Artikujt nisur drejt redaksisë sonë, të mos jenë botuar ose dërguar njëkohësisht në të tjera redaksi.

Gjithashtu, për arsye kapacitetesh e kemi të pamundur t’i përgjigjemi çdokujt individualisht. Nëse artikulli juaj është në përputhje me kërkesat, natyrën e revistës sonë dhe temën e radhës, do t’ju përgjigjemi brenda tri ditëve pune. Nëse nuk ju kontaktojmë nuk do të thotë se teksti juaj domosdoshmërisht nuk është i përshtatshëm por se kapacitetet e redaksisë sonë janë të limituara për të përballuar një numër të lartë punimesh.

Ju falënderojmë për përkrahjen dhe angazhimin!

Solidaritet,
redaksia e revistës “S***a”

30/11/2022

“I wanted my blood to not be lost, not like the young girls who were extrajudicially killed by the entire village (and those who continue to be, by femicide). As someone who is an immigrant, whose life is deeply marked by displacement, the idea that my blood had a home was attractive to me. So I took the concept of blood being held in our nation’s flag, and re-interpreted it in a feminist perspective by adding my own blood.”

OUR BLOOD IS NEVER LOST - Ada X

The article can be read for free here:
https://s***a.al/autoret_e_turp_trup/ada-reso/

09/11/2022

Kemi kënaqësinë të njoftojmë se revista “S***a” është ftuar të marrë pjesë në konkursin e organizuar nga Banka Kombëtare e Shqipërisë për shtypjen e monedhës numizmatike me motiv “Sevasti Qiriazi Dako (1871-1949), Veprimtare e Lëvizjes Kombëtare për emancipimin e gruas shqiptare.”

Në këtë konkurs do të përfaqësohemi nga puna grafike mjeshtërore e Gea Madhit e cila ka ilustruar për vëllimin e tretë të revistës “S***a”, figurën dhe veprën e Sevasti Qiriazit të sjellë si kontribut nga studiuesja Teuta Toska.

Duke i uruar Geas dhe pjesëmarrëse/ëve të tjerë suksese, përshëndesim nismën e marrë nga BKSH në lidhje me përkujtimin dhe njohjen e veprimtarisë së grave të shquara në historinë e jetën shoqërore të vendit, si dhe shpresojmë që revista jonë të frymëzojë të tjera gjurmë publike.

31/10/2022

Kur thonjtë e dorës tem t’vogël janë mbush me dhe t’u lujt tezesh n’mahallë
Kur dollapat janë mbush me kukullat e mia të blemë te sh*toret e kinezve te Qafa
E kur fustanin e synetisë e kam mbajt vesh 2 muj ditë rresht,
Nuk jam kanë veç fëmijë i vogël, jam kanë marrja e shpisë.

Kur ent’ i kam la me shumë vullnet
E kur zani jem s’asht kanë si i djemve t’tjerë
E n’mahallë kur çik-o-djalë m’kanë thirrë
Nuk jam kanë veç fëmijë i vogël, jam kanë marrja e shpisë.

Kur shoqnia jem asht’ kanë veç me çika
E ecja jem s’asht’ kanë fort burrnore
E as kur me sha nuk kam dijt’.
Nuk jam kanë veç fëmijë i vogël, jam kanë marrja e shpisë.

Kur krejt shkolla “pederr” më ka thirrë
E kur jam depilu për herë të parë
Kur për çika s’kam fol me moshatarë
S’jam kanë veç adoleshent, jam kanë marrja e shpisë.

Kur nji djalë për herë t’pare e kam puth
Kur ereksion prej nji mashkulli kam pasë
E kur në za kam kajt t’u ju lut perenisë me m’shëru
S’jam kanë veç adoleshent, jam kanë marrja e shpisë.

Kur kamerat e Klanit në paradë t’krenarisë m’kanë fokusu
E kur krejt akraballaku e kanë pa
S’jam kanë ma gzimi i familjes, jam kanë marrja e shpisë.

Kur veten e kam pranu si homoseksual
E krenar jam ndje
Kur ftyra m’asht përgjak veç për kët’ fakt
S’jam kanë ma sugari i fisit, jam kanë marrja e shpisë.

Kur t’shpisë e kanë kuptu që gruja të cilën edhe në ninulla ma kanë përmend
asht burrë e të njëjten lumtuni ma jep
E kur botës i kam kallxu sa krenar për vete jam
S’jam kanë ma i tyne, jam kanë marrja e shpisë.

Prej që jam ba me dijt’
Jam kanë marrja e shpisë.
Edhe sot jam,
Marrja e shpisë, pa shpi.

Poezinë e Agon Rexhepit mund ta lexoni gjithashtu në këtë lidhje:
https://s***a.al/turp-trup/revistas***a-marrja-e-shpise-agon-rexhepi-s***a/

19/10/2022

"Gratë meritojnë të jenë të pajisura me fakte, të çliruara nga frika, turpi apo fshehja përballë ndryshimeve që pësojnë trupat e tyre. Një menopauzë feministe nënkupton të refuzuarit e konceptit patriarkal që vlerën e gruas e mat me funksionin e vezoreve të saj. Fundi i jetës riprodhuese të gruas nuk përfaqëson gjithashtu fundin e jetës së saj prodhuese."

NJË MENOPAUZË FEMINISTE - JEN GUNTER

Përktheu: Gresa Hasa

Shkrimin e plotë mund ta lexoni në këtë lidhje: https://s***a.al/turp-trup/nje-menopauze-feministe-jen-gunter/

12/10/2022

"Dukshëm, përgjigjet e mia ishin pikërisht ato që do të ma kushtonin këtë vend pune, të cilin në këtë pikë as që e doja më, pavarësisht nevojës. U largova prej aty ligsht. Të qenit në mbrojtje të të drejtave themelore të njeriut dhe autonomisë tënde si grua, qenkësh e barazvlefshme me të qenit pjesë e organizatave okulte, e dyshuar për lezbike dhe kërcënuese për jetën në planet…"

SEKSUALITETI DHE FEMINIZMI SI KRITER (MOS)PUNËSIMI - Bora Milloshi

Shkrimin e plotë mund ta lexoni në këtë lidhje:
https://s***a.al/turp-trup/seksualiteti-dhe-feminizmi-si-kriter-mos-punesimi/

05/10/2022

"Përndjekja e shtrigave fillon në shekullin e XV-të dhe kulmin e ka përreth viteve 1580- 1630. Kjo përndjekje nxit popullin të denoncojë në mënyre arbitrare gratë, fqinji-fqinjën, fëmijët nënën dhe kështu, u morën gra të veçuara njëra nga tjetra, u stigmatizuan dhe iu bë gjyqi. Këto metoda brutale që paraqet Federici na kujtojnë jo më pak se përndjekjen e hebrenjve: të ashtuquajturat shtriga duhej të mbartnin shenja te veçanta në rrobat e tyre, në mënyrë që njerëzit të mund të distancoheshin prej tyre."

SILVIA FEDERICI – TRUPI I GRUAS, KY POLITIKUM, analizë libri nga IRMA C.

Shkrimin e plotë mund ta lexoni në këtë lidhje: https://s***a.al/turp-trup/silvia-federici-trupi-i-gruas-ky-politikum/

revista s***a, S***A, S***A.AL, Caliban, Caliban and the Witch, Silvia Federici, Albania, feminism, shtrigat, gjuetia e shtrigave 2022.

27/09/2022

“Shumica e përmbajtjes pornografike e prodhuar nga industria është e përqendruar në masë të madhe rreth fantazisë dhe kënaqësisë seksuale mashkullore, çka shpesh mbështetet në sjellje mizogjine ose raciste. Pornografia nuk është reflektim i vërtetë me seksin që bën një person mesatar; nuk është gjithaq as reflektim i trupit që ka një person kushdo. Me kalimin e viteve, pornografia është bërë gjithnjë e më e dhunshme dhe mizogjine. Një nga efektet e kësaj është mënyra sesi burrat flasin dhe i referohen seksit.”

Ky kapitull është shkëputur nga libri “Mask Off: Masculinity Redefined” i autorit J J Bola, nga shtëpia botuese PLUTO PRESS (2019).

Përkthyen: Dardan Konjufca dhe Liri Kuçi

Shkrimin e plotë mund ta lexoni në këtë lidhje:
https://s***a.al/turp-trup/si-lidhet-dashuria-me-dashurine-seksin-dhe-pelqimin/

15/09/2022

“Familja LGBTQ+ meriton të shihet me empati. Identiteti gjinor dhe orientimi seksual i partnere/ëve apo (pa)mundësia e tyre për të sjellë vetë në jetë fëmijë, nuk përcakton aftësinë e tyre si prindër. Prindërimi është aftësi e fituar shoqërore, jo fakt biologjik. Askush nuk lind nënë apo baba.'”

FAMILJA LGBTQ+: NJË TJETËR FOLEZË DASHURIE - Reportazh nga Gresa Hasa mbi familjen e parë LGBTQ+ me fëmijë në Shqipëri dhe sfidat e saj.

Shkrimin e plotë mund ta lexoni te kjo lidhje:
https://s***a.al/turp-trup/revistas***a-familja-lgbtq-nje-tjeter-foleze-dashurie/

07/09/2022

“Pëlqimi seksual mund të kuptohet shkurtimisht si një marrëveshje informale midis dy (apo më shumë) palëve përpara apo gjatë aktit seksual që kërkon një detyrim moral nga ana e palëve për tu respektuar. Pra, pëlqimi nga ana e të dyja (apo më shumë) palëve ka karakter transformues, mund të kthejë një veprim të pranueshëm etik në joetik dhe moralisht të papranueshëm (dhe anasjelltas) ose pëlqimi ka fuqinë të transformojë një veprim të dëmshëm, në një veprim të padëmshëm (ndoshta edhe pa e hequr efektin e dëmit të shkaktuar) dhe anasjelltas.”

PËLQIMI SEKSUAL: NJË ÇËSHTJE ETIKE PËRTEJ “PO” DHE “JO” - Xhenis Shehu

Shkrimin të plotë mund ta lexoni te kjo lidhje: https://s***a.al/turp-trup/pelqimi-seksual-nje-ceshtje-etike-pertej-po-dhe-jo/