Revista Obelisk, Tirana (2025)

20/03/2025

Shtëpia botuese ADA promovoi ditën e enjte, më 20 mars, ora 11.00, krijimtarinë e gjërë (posaçërisht shtatë librat e fundit) të poetit Fatmir Musai.
Veprimtaria u zhvillua në QKLL (Qendra Kombëtare e Librit dhe e Leximit)
Miqtë e dashamirët e autorit e të Shtëpisë botuese ADA ishin pjesë e këtij takim të bukur letrar!

17/03/2025

Agim Lika sot ka ditëlindjen dhe shtëpia botuese ADA i uron atij jetë e krijimtari të begatë dhe një surprizë duke publikuar librin e sjellë për botim!

Vendlindja për mua është një atdhe i vogël. Ajo është dhimbje dhe dashuri njëkohësisht. Ajo është fuqia dhe pafuqia jote. Pikërisht, ajo që ti doje të ishte më e mira.
Autori

Titulli: Krenar për origjinën time
Autor: Agim Lika
Redaktor: Kujtim Xhebexhiu

Botimi i parë: 2025

ISBN: 978-9928-823-90-8
Formati : 14x20cm

Të gjitha të drejtat i takojnë autorit

Përgatiti për botim: Roland Lushi

Shtëpia botuese “ADA”
Adresa: Rr. Mihal Grameno Pall.32 Ap. 7
www. botimetada.com
Cel: 068 22 190 16

Tiranë, mars 2025
Shtypur në shtypshkronjën e shtëpisë botuese ADA

CIP Katalogimi në botim BK Tiranë
Lika, Agim
Krenar për origjinën time : poezi / Agim Lika ; red. Kujtim Xhebexhiu.
- Tiranë : Ada, 2025.
124 f. ; 20 cm.
ISBN: 978-9928-823-90-8
1.Letërsia shqipe 2.Poezia
821.18 -1

P A R A T H Ë N I E

Përveç librave të tjerë që ka botuar, “Vendlindja e harruar" dhe “Si hënë e kristaltë”, janë dy vëllimet poetike të poetit dhe studuesit pasionant Agim Lika, i njohur dhe afirmuar tashmë në një masë të madhe lexuesish, jo vetëm brenda kufijve të vendit, por edhe më gjerë si: në Itali, Kosovë, Greqi etj.
Ky është vëllimi i tretë poetik i këtij autori, të cilin e ka titulluar “ Krenarë për origjinën time”, një titull i goditur, që shpreh thelbin e librit dhe atë, që poeti kërkon të përcjellë te lexuesi.
Titullin e librit, poeti e përzgjodhi nga poezia me të njejtin titull, me të cilën ai e hap këtë vëllim poetik. Ja si shkruan autori:
Për vendlindjen, prap kam për t'shkruar
Si në prozë dhe në poezi
Vlerën, Ishmit për t'ia lartësuar
E kam bërë dje, do ta bëj përsëri

Vërtetë kështu ndodhi me këtë poet, pena e të cilit nuk reshti së shkruari për vendlindjen e tij, Shetajn dhe Ishmin, ku përfshihet ky fshat dhe ku Agimi, për një vit rresht, udhëtoi në këmbë dhe në kushte shumë të vështira, për të studjuar në shkollën e Ishmit, prandaj ai e quan veten “ishmak”.
Rallë të gjeshë poetë, qofshin këta nga më të famshmit, që të shkruajnë kaq shumë poezi për vendlindjen e tyre, siç bëjnë Agim Lika dhe shoku i tij i ngushtë, Urim Mezini, të pasionuar tmerrësisht pas Ishmit. Ky i fundit, megjithëse jeton në Torino, Ishmin e ka si oksigjen.
Edhe pse i larguar me kohë, për shkak të arsimimit në Tiranë dhe punësimit e krijimit të familjes atje, Agimi nuk e hoqi nga mendja dhe zemra vendlindjen, ku kaloi fëmijërinë e tij dhe mori arsimimin deri në fillimet e arsimit të mesëm.
Edhe pse larg saj, dashuria për vendlindjen iu ndez edhe më tepër, prandaj dhe poezitë e para ia kushtoi kryesisht asaj. Ato ishin aq shumë në numër, saqë arriti t’i grumbullojë në një libër, titulluar “Vendlindja e harruar”. E harruar jo nga Agimi, por nga të tjerë, që e braktisën dhe nuk u kujtuan kurrë për ‘të.
Pas këtyre poezive, Agimi shkroi dhe mjaft të tjera, të cilat vendosi t’i grupojë, bashkë me disa të tjera nga vëllimi i parë, duke na i dhuruar sot nën titullin “Krenarë për origjinën time”: Po rendis disa vargje të shkëputura nga poezia me të njejtin titull:
Ishmi im, më thërret çdo ditë në gjirin e vet e të njerëzve t’mi
Çdo gjë gjallon bukuri në këtë vend mjaft magjepsës
Të shkruaj për ‘të fjalë zemre, përherë më frymëzon
Përjetime, meditime, rrugëtime shpirtërore Ishmi im i shenjtë, shekullor, brenda meje qëndron
Poem t**e, simfoni dashurie, me përmasa qiellore
Ai është magji, është legjendë, është kushtrim bukurie
Sa të goditura epitetet metaforike emërore: “poem t**e, simfoni dashurie, magji, legjendë, kushtrim bukurie”, të cilat përcjellin qartë vlerësimin e poetit për vendlindjen e tij. Në një poezi tjetër ai e quan “E Bukura e Dheut”, një element i marrë nga përrallat popullore, pra poeti e quan vendlindjen “vend përrallor”. Diku shkruan:

O Shetaj, shpesh më ke frymëzuar
Se shumë të ndjen ky shpirti im
S’mund të rri unë, për ty pa shkruar
Kujtimet më sjellin te ti, pambarim

Mundohem t'vij shpesh e, sa më gjatë të rri
I bie rreth e qark që syri im të çmallet
Largohem, me shpresë për t'u kthyerpërsëri
Pranë teje shërohem, harroj të gjitha hallet.

Mjafton vetëm vargu i fundit për të treguar vlerësimin e poetit për vendlindjen e tij. Ajo,sipas poetit, është ilaç shërues dhe një qetësues i fuqishëm, i pazëvendësueshëm për ‘të.
Poezitë e Agimit janë të larmishme : herë meditative, njohëse, përshkruese, rrëfyese, ku nuk mungojnë dhe elementet historike, nëpërmjet të cilave poeti përcjellë krenarinë për vendlindjen, krahinën. Ai e shpalos haptas patosin (ndjenjën e zjarrtë, me frymëzim të lartë), që përshkon çdo poezi të tijën.
Fëmijërinë, poeti e kujton me nostalgji, Detin, ai e ka pikë të dobët dhe e përmend në shumë poezi që përfshihen në këtë vëllim:
Për vendlindjen time, kam shumë nostalgji
Pse pranë detit, shumë e bukur m'duket
Dua që atje të kthehem përsëri
Nostalgjia për ‘të, kurrë s'më zhduket
Ose
Ah, deti, deti është ilaç e të mbush me gaz
Që na jep ndjesinë më të bukur, të shijuar
Ku e harrojmë lodhjen dhe e lëmë pas
Javën, e fillojmë të relaksuar.
Përveç poezive për vendlindjen, në këtë vëllim gjejmë edhe poezi që quhen “këshilluese”, apo edhe me motive të tjera që fshikullojnë dukuri negative, me të cilat poeti nuk pajtohet dot, por jep edhe mendimin e tij për eleminimin e këtyre dukurive. Ai indinjohet ndaj hipokritëve, egoistëve, të paftëve, mashtruesve dhe kërkon që këtyre u duhet kundërvënë pa mëdyshje, edhe pse:

Bëhesh i urryer për t'gjithë, në jetë
S'pyetet për ndershmëri, por për kuletën
Nuk bën hajër i drejti i shkretë
Kur ua thua troç të vërtetën

Kështu, merr vlera padrejtësia
Dhe, në heshtje, ajo vuloset
Humbet vlerat drejtësia
Dhe i drejti vetëm fundoset

Gjuha e përdorur nga autori është e pasur, e pastër, e thjeshtë dhe tepër komunikuese, pa aludime dhe shtresa të tjera kuptimore.
Si përfundim, lexuesit të konkludojnë vetë për vlerat e këtij vëllimi, pa u ndikuar nga unë.
Suksese të tjera Agimit dhe lexim të këndshëm të gjithë lexuesve të librit !

Kujtim Xhebexhiu, Prezë, Tiranë
Shkurt 2025

15/03/2025

NGA E HËNA NË TREG NUMRI MË I RI I REVISTËS OBELISK 284
Organ i Shtëpisë Botuese”ADA”
www.botimetada.com
Periodike letraro-artistike
Viti XVII-të i botimit - Nr.284
MARS 2025
Del në datë 15 të çdo muaji.

Rregjistruar në ISSN
International Centre 45
rue de Turbigo, 75003 PARIS
FRANCE
ISSN: 2225-7896

Adresa e redaksisë:
Rruga : Mihal Grameno Pall.32 Ap.7 Tiranë
cel: +355 68 221 9016
e-mail: [email protected]

Revistën “Obelisk” mund ta gjeni në libraritë kryesore në Shqipëri
(me çmim 150 lekë).

“Obelisk” mund ta lexoni edhe në internet në adresën:
www.botimetada.com

Abonimet Europë: 1 vit - 25 euro+pp,
Amerikë: 1 vit - 30 usd+pp.

Për çdo vërejtje, sugjerim apo bashkëpunim kontaktoni në
e-mail: [email protected]

Nr. llog. B.K.T
Lekë: 515001834
IBAN – AL0220511650001834VAIDALLA
Shtypet në shtypshkronjën
e Shtëpisë Botuese “ADA”

Tiranë 2025
Tirazhi: 250 copë

NË KËTË NUMËR:

- Nisma që duhen vlerësuar e mbështetur...
Të rinj nga Elbasani, miq në OBELISK...

- Tregimi i numrit
Romanca Romane
Vladimir SHYTI

- KUR POETI ZBULON DHE PARALAJMËRON DRAMËN E EKZISTENCËS NJERËZORE
- Konkluzione rreth disa poezive me temën e Fjalës, të poetit Iliaz Bobaj Robert Martiko

Cikël poetik nga:
-Basir Bushkashi
-Vilam Nika
-Fatmir Musai

-Lamtumirë, Grigor Jovani

14/03/2025

NJOFTIM
Shtëpia botuese ADA promovon ditën e enjte, më 20 mars, ora 11.00, krijimtarinë e gjërë (posaçërisht shtatë librat e fundit) të poetit Fatmir Musai.
Veprimtaria do të zhvillohet në QKLL (Qendra Kombëtare e Librit dhe e Leximit)
Miqtë e dashamirët e autorit e të Shtëpisë botuese ADA janë të mirëpritur në këtë takim letrar!

03/03/2025

…Autorja kthen në retrospektivë gjithë fëmijërinë e saj në Shqipërinë e atyre viteve, ku shfaqet si vogëlushja Ami, e cila kishte memorizuar çdo gjë nga ajo kohë, çdo ngjarje e histori që kishte parë a dëgjuar, me bindjen e plotë se një ditë do të kishte mundësinë për t’i hedhur në letër, pasi do të kishte gjetur lirinë!...

Titulli: Epoka e zezë
Autore: Bajame Hoxha Çeliku
Redaktore: Begeza Gërbi
Botimi i parë: 2024

ISBN: 978-9928-823-63-2
Formati: 14x20cm
Të gjitha të drejtat i takojnë autores

Përgatiti për botim: Roland Lushi

Shtëpia botuese “ADA”
Adresa: Rr. Mihal Grameno Pall.32 Ap. 7
www. botimetada.com
Cel: 068 22 190 16

Shtypur në shtypshkronjën e shtëpisë botuese ADA

Sponsorizuar nga Instituti i Intergimit ish të Përndjekurve Politikë

CIP Katalogimi në botim BK Tiranë
Hoxha, Bajame
Epoka e zezë : dy vërsnike - dy botë të ndara /
Bajame Hoxha Çeliku : red. Begeza Gërbi.
- Tiranë : Ada, 2024.
248 f. ; 20 cm.
ISBN: 978-9928-823-63-2
1.Letërsia shqipe 2.Romane
821.18 -31

Dy fjalë për romanin

Shpesh herë kam lexuar romane të shkruara në kohën e komunizmit, me nëntekste të fuqishme, që inicionin vetë periudhën e regjimit diktatorial të kohës, me në krye diktatorin e padiskutueshëm – Enver Hoxhën, përndryshe ato romane nuk do ta gjenin kurrë dritën e botimit, do të griseshin e digjeshin nga flakët e tmerrshme të komunizmit, e ndërkaq vetë autorët do të kishin një fat edhe më të keq: internimin e sigurt e persekutimin jo vetëm të tyre, por edhe të familjarëve të tyre. Më duhet të them se janë ndër romanet më të bukur, më realist, më prekës që mbart letërsia shqipe, e që janë krijuar jo nga njerëz dosido, po nga elita e kombit tonë, të cilët diktatori i lartpërmendur i shpallte kundërshtarët e tij të drejtpërdrejtë, ndaj shumë prej këtyre romaneve kanë mundur të botohen vetëm pas viteve 90-të, kur në shumicën e rasteve autorët e tyre nuk kishin mbetur gjallë, nga ajo periudhë famëkeqe e popullit tonë. Romani në fjalë, “Dy vërsniket”, që pata kënaqësinë ta redaktoja, është një krijim i një gruaje të hekurt, që e jetoi atë kohë kolere të atdheut të vet, me të gjitha vuajtjet e sakrificat e atyre familjeve të prekura nga keqdashja e udhëheqësit të vet, pra ajo bënte pjesë në familjet e internuara, por me vlera të mëdha. Autorja kthen në retrospektivë gjithë fëmijërinë e saj në Shqipërinë e atyre viteve, ku shfaqet si vogëlushja Ami, e cila kishte memorizuar çdo gjë nga ajo kohë, çdo ngjarje e histori që kishte parë a dëgjuar, me bindjen e plotë se një ditë do të kishte mundësinë për t’i hedhur në letër, pasi do të kishte gjetur lirinë! Kështu, paraqiten në roman të gjitha vuajtjet e njerëzve përreth saj, brenda dhe jashtë kampit, ku përmend rastet e shfrytëzimit të postit nga spiunët komunistë, besnikët e flaktë të pushtetit, mbulimit të ngjarjeve të ndyra që bënin mes tyre, përdhunimeve të shumta, rastet e aborteve të detyruara e pa zë, shfrytëzimi i familjeve të kampeve për të punuar tokat për një copë bukë, e deri te marrja e jetës së foshnjave të porsalindura, për zgjatjen e jetës së diktatorit Enver Hoxha. Mirëpo, të gjitha këto autorja i ruante në memorien e saj, e me shpresën se një ditë do ta gjente lirinë përtej gardhit, ajo arrin t’i hedhë në letër e t’i botojë këto histori në romanet e saj, vetëm pas vdekjes së diktatorit, e rënies së pushtetit të tij të fëlliqur... Përveç këtyre, nuk mungojnë edhe historitë e bukura të dashurive të fshehura të kohës, që i japin ngjyra këtij romani dhe e bëjnë tërheqës e emocionues, se në fund të fundit, dashuria mbart tipare e ndjenja të fuqishme në çdo kohë, ndaj kam bindjen se me këtë roman autorja e ka përmbushur detyrën e saj për të njohur brezat e rinj me këto histori rrallë të thëna me zë të lartë, e që besoj se do t’i rezistojë kohërave dhe brezave të lexuesve shqiptarë e më gjerë, kudo që janë...

Begeza Gërbi

03/03/2025

… Vëllimi poetik "Muzgu i diellit" i autorit Hasan Imeraj shpalos kolorit melodioz dialektikor në mendimin që përcjell duke zbërthyer konteksin artistik në detaje e konceptim. Poezitë ofrojnë imazhe vizuale në ngjyrë e formë për të transmetuar idenë. Elementet e poezisë paraqiten si bohemë metaforash në dominimin e natyrës, yjeve, diellit, duke dhënë strukturën shpirtërore të ndjenjave dhe përvojave artistike…

Autor: HASAN IMERAJ
Titulli: MUZGU I DIELLIT
Redaktor: RUDINA PAPAJANI
Botimi i parë: 2025
ISBN: 978-9928-823-80-9
Të gjitha të drejtat i takojnë autorit
Shtëpia botuese “ADA”
Adresa: Rruga Mihal Grameno Pall. 2 Ap. 7
Cel.: 068 22 190 16
Tiranë, shkurt 2025

CIP Katalogimi në botim BK Tiranë
Imeraj, Hasan
Muzgu i diellit : poezi / Hasan Imeraj ;
red. Rudina Papajani.
- Tiranë : Ada, 2025.
116 f. ; 20 cm.
ISBN: 978-9928-823-80-9
1.Letërsia shqipe 2.Poezia
821.18 -1

RECENSION MBI VËLLIMIN POETIK "MUZGU I DIELLIT"!
Të shkruash mbi artin e poezisë duhet të ndalesh në idetë dhe kompozimin si vjen një libër tek lexuesit. Vëllimi poetik "Muzgu i diellit" i autorit Hasan Imeraj shpalos kolorit melodioz dialektikor në mendimin që përcjell duke zbërthyer konteksin artistik në detaje e konceptim. Poezitë ofrojnë imazhe vizuale në ngjyrë e formë për të transmetuar idenë. Elementet e poezisë paraqiten si bohemë metaforash në dominimin e natyrës, yjeve, diellit, duke dhënë strukturën shpirtërore të ndjenjave dhe përvojave artistike. Kjo qasje e poezisë me natyrën na flet për të kuptuar më mirë thellësinë e poezisë përmes elementeve vizual. Në këtë drejtim vargjet na vinë në imazhe verbale me natyrën në funksion të një dashurie të pamundur. Bota e brendshme e autorit vjen në disa poezi në imazhe gri, apo diell i vonuar me yje që zbresin, apo duke biseduar me hënën në imagjinatë selektive. Përsa i përket strukturës artistike figurat na dalin shumëplanëshe me një konotacion të thellë simbolik.
Natyra dhe bota shpirtërore e autorit ngre krye, rebelohet, qan, preket për vajzën që dashuron. Me anë të përdorimit të metaforave autori ëndërron vajzën pastaj aty-këtu "I shfaqet hija që zhytet në ujëra të thella, si një humbje e padukshme për këtë ndarje. Tipari i poezisë së tij ndalet në modernitetin poetik që na vjen me një sfond poetik tradicional. Në disa poezi shfaqet dialekti gegnisht duke shfaqur një kulturë gjuhësore lokale me një stad kohor të zhvilluar. Poezitë të gjitha vendosen si dialog i brendshëm midis traditës dhe kohës për të shpalosur një dashuri të pamundur. Reflektimet për largimin e vajzës dhe ndjenjave të autorit përfaqësojnë një sfidë të heshtur të një identiteti që vuan. Boshti i veprimit me motivet realizohet me kreativitet përmes një gjuhe të pasur letrare. Njohja dhe vlerësimi i ndjenjës ka si objektiv pastërtinë e dashurisë së djalit për vajzën "që ikën dhe kokën kthen pas".
Një tjetër pistë e poezisë është dhe dashuria për prindërit e cila vjen me nota malli ku dashuria për kohën e shkuar me ta merr nota ngjitje. Kjo vjen përmes një kronologjie të pastër ku dashuria për babanë, nënën s'ka limit. Shfaqen më tej forma trishtimi duke u përjetuar si një narrativë me vlera letrare reflektuese për të shkuarën. Një detaj tjetër është simboli i diellit ku përmes dritave të muzgjeve shfaqen ëndrrat e autorit për një dashuri që lindi si një fshehtësi dhe iku si një hënë e larguar në mëngjes. Vëllimi poetik në brendësinë e vet ka nivel artistik, estetik në hapësirë e kohë, ardhur bukur me një rrëfim të çiltër në ëndrra e imagjinata.
Ndjenja e dashurisë vjen si bukuri e mrekulli shpirti që mbushin zemrën e imagjinatën. Autori nuk paragjykon por tregon me klas sekretin e një dashurie hyjnore që ngeli në harresë dhe merr frymë vetëm përmes shpirtit të tij të ndjeshëm. Së fundmi cilësoj se poezitë e autorit dëshmojnë se rrugëtimi jetësor që ai përcjell mbart vlera për shpirtin njerëzor në atë ndiesor e artistik. Të gjitha poezitë mbartin vlera nihiliste me një dëshirë të thellë që buron nga shpirti duke dhënë një mesazh të fortë se mbi gjithçka dashuria ngelet ajo më njerëzorja, më shpirtërorja që flet nga skutat Muzgu i diellit më të thella të zemrës aty ku ëmbëlsia dhe bukuria mbart vlera përtej hyjnores.
Rudina Papajani.

01/03/2025

… Hyji është realiteti më i qartë i përvojës njerëzore. Nëse nuk e vërejmë Atë, kjo ndodh sepse jemi shumë të ndërlikuar dhe ngremë kokën me krenari, ndërsa Ai është në këmbët tona.
Hiri i Hyjit vjen mbi njeriun në atë masë sa njeriu e hap shpirtin për t'a marrë atë: Vështirësia e vetme në aftësinë e njeriut për të pranuar Hyjin është vullneti i vetë njeriut…

Zoti është streha ime
Autore: Lunida Luca
Redaktore: Lunida Luca

Botimi i parë: 2025

ISBN: 978-9928-823-81-6

Të gjitha të drejtat i takojnë autores

Shtëpia botuese “ADA”
Adresa: Rruga Mihal Grameno Pall. 2 Ap. 7
Cel.: 068 22 190 16
Tiranë, 2025

CIP Katalogimi në botim BK Tiranë
Luca, Lunida
Zoti është streha ime / Lunida
Luca. - Tiranë : Ada, 2025.
176 f. ; 20 cm.
ISBN :978-9928-823-81-6
1.Kisha katolike 2.Jezu Krishti 3.Besimi
272 -532.4

Parathënia

Tek libri i parë i Lunidës kudo jepet ideja: luftojeni të keqen me të mirën! Këto janë fjalët e Zotit tonë Jezus Krisht.
Kjo jo vetëm sepse ne nuk duhet të bëhemi të këqinj, por gjithashtu sepse e vetmja shpresë për t'i ndryshuar të këqinjt është me i përballur me të mirën.
Vetëm duke e përballë të mirën kundrejt të keqes, ata mund të dallojnë dhe dëshirojnë ma fort të mirën sesa të keqen. E keqja gjithmonë dështon, ndërsa e mira gjithmonë triumfon. Armiku më i fortë i të keqes është e mira.
Nëse nuk e gjejmë Hyjin në jetën tonë, faji është i yni, jo i Hyjit!
Pra, nëse Hyji është aq i lehtë për t'u gjetur dhe mund të zbulohet përmes bukurisë së yjeve ashtu si në çdo bukuri të thjeshtë tokësore, pse janë pak shpirtrat që shkojnë tek Ai?
Faji është i yni, jo i Hyjit!
Shumë shpirtra janë si ata njerëz që jetojnë në një dhomë të errët gjatë ditës, dhe ankohen se e kanë të vështirë për t'a gjetur dritën!
Hyji është realiteti më i qartë i përvojës njerëzore. Nëse nuk e vërejmë Atë, kjo ndodh sepse jemi shumë të ndërlikuar dhe ngremë kokën me krenari, ndërsa Ai është në këmbët tona.
Hiri i Hyjit vjen mbi njeriun në atë masë sa njeriu e hap shpirtin për t'a marrë atë: Vështirësia e vetme në aftësinë e njeriut për të pranuar Hyjin është vullneti i vetë njeriut.
Thuaje këtë lutje për shpëtim.
I dashur JEZUS KRISHT.
Të ftoj të vish në zemrën dhe jetën time.
E pranoj që jam mëkatar, pendohem dhe kërkoj të më falësh.
Besoj që je Djali I ZOTIT
që vdiqe në kryq për mëkatin tim
dhe ZOTI të ngjalli ditën e tretë dhe jeton,
JEZUS, të pranoj si ZOTIN
dhe Shpëtimtarin tim përsonal, për këtë jetë dhe përgjithmonë.
Amen
O Zot, Perëndia im, ti je jashtëzakonisht i madh; je veshur me shkëlqim dhe madhështi.
Ai të mbështjell me dritë si të ishte një mantel dhe i shtrin qiejt si një çadër; Ai ndërton mbi ujërat dhomat e tij të larta, i bën retë si qerren e tij dhe ecën mbi krahët e erës. I bën erërat lajmëtarë të tij dhe flakët e zjarrit shërbëtorë të tij. Ai e ka krijuar tokën mbi themelet e saj; kjo nuk do të luajë kurrë përjetë. Ti e kishe mbuluar me humnerë si me një rrobë; ujërat ishin ndalur mbi malet.
Lavdia e Zotit të rrojë përjetë; le të gëzohet Zoti me veprat e tij; Ai shikon tokën dhe kjo dridhet; Ai prek malet dhe ato nxjerrin tym. Unë do t'i këndoj Zotit thotë vajza ime Lunida derisa të kem jetë; të njëjtën gjë thonë dy motrat binjake dhe vëllau i tyre.
Ne dy prindërit i rritëm këta fëmijë me dashurinë për Zotin. Babai i fëmijve, im shoq Ludoviku, para se të hanin buk, i kapte prej dore katër fëmijët dhe luteshin.
Ne do t'i këndojmë gjithmonë lavde Perëndisë. Le të jetë mendimi ynë i pëlqyer prej tij; do të ngazëllohemi tek Zoti.
Kryqi është simbol i Jesu Krishtit, i Kishës dhe i të krishterëve. Me Kryqin kujtohet dhe përjetohet dashuria e madhe e Perëndisë dhe flijimi i Zotit tonë Jezu Krisht për të gjithë njerëzit, prej të cilit rrjedh hiri, shenjtërimi dhe shpëtimi i njeriut.
Zoti nuk e merr forcën e ekzistencës së tij nga faktori i jashtëm, Ai është vetë burimi i vetë ekzistencës së tij. Zoti është jeta.
Faktor i jashtëm jam unë dhe ti, është shkenca.
Faktor i jashtëm janë me mijra religjionet..
Kryqi nuk është religjion, ka shumë fuqi dhe hir, sepse fuqia dhe hiri shenjtërues i Krishtit, kur u kryqëzua, i kaloi në mënyrë mistike dhe të pakonceptueshme Kryqit të Tij të nderuar, “edhe pse duket dru në thelb, është i veshur me pushtet hyjnor, edhe pse është i dukshëm në botë, shpirtërisht bën mrekullinë e shpëtimit të njeriut...”. Kryqi, nëpërmjet Krishtit, nga mjet dënimi u bë mjet shpëtimi, nga simbol mallkimi u bë “zhdukje e mallkimit të lashtë”, ku dhe njerëzve iu falën mëkatet e fajet (Kol. 2:14), (Vep.13:38), (2 Korint.5:18-20). Kështu Kryqi u bë shenjë e pajtimit të njerëzve me Perëndinë, shenjë fuqie dhe mbrojtjeje, shenjë bekimi dhe shpëtimi, shenjë fitoreje mbi vdekjen, mbi sëmundjet dhe mbi demonët, prej të cilit edhe dridhen. U bë shenjë lutjeje dhe ndriçimi, shenjë paqeje dhe gëzimi, shenjë falënderimi dhe lavdërimi.
Joeli-2;12,13=

01/03/2025

MUAJ TË MBARË MIQTË E MI!

28/02/2025

… Si poet i hershëm dhe i ri, me krijimtari të begatë, poezia e Basir Bushkash*t vazhdon të
kumbojë jo me tinguj gjëmues-shurdhues, por me tinguj, që vijnë nga thellësia e shpirtit dhe sjellin
gjëmimin e tij të butë prej dashurisë.

Titulli: Përditë shoh malet...
Autor: Basir Bushkashi
Redaktor: Kujtim Stana
Recensent: Gegë Tusha
Arti grafik dhe kopertina: Artan Kurti

© Të gjitha të drejtat janë të autorit

ISBN: 978-9928-823-77-9

Shtëpia botuese “ADA”
Adresa: Rr. Mihal Grameno Pall. 32 Ap. 7
www.botimetada.com
Cel. 06822190 16
Tiranë, shkurt 2025
Shtypur në shtypshkronjën e shtëpisë botuese ADA

Falenderoj mikun tim, poet, Gëzim Buna,
me banim në Florida, ShBA, që si ngahera,
dha ndihmesë në botimin e këtij vëllimi poetik.

28/02/2025

Nga botimet më të fundit

Autor: Dr. Gëzime SHEHU - Prof. Dr. Luigj TURMALAJ
Titulli: MENAXHIMI I FERMAVE TE LEPUJVE
Reçenzentë: Prof. Asc. Ilirjan BAKIASI, Dr. Gerald MUÇA

Kjo monografi është miratuar në datë, 10.05.2024 në Departamentin e Lëndëve Klinike të Fakultetit të Mjekësisë Veterinare, Universiteti Bujqësor i Tiranës .

Të gjitha të drejtat janë të rezervuara nga autorët.
Nuk lejohet shumëfishimi ose kopjimi me çdo mjet apo formë, pa lejen me shkrim nga autorët.
ISBN :978-9928-823-85-4
Monografia u shtyp në Shtypshkronjën e Shtëpisë Botuese ADA

CIP Katalogimi në botim BK Tiranë
Shehu, Gëzime
Menaxhimi i fermave të lepujve : (monografi) / Gëzime
Shehu, Luigj Turmalaj ; rec. Ilirjan Bakiasi, Gerald Muça. -
Tiranë : Ada, 2025.
164 f. ; 24 cm.
ISBN: 978-9928-823-85-4
I.Turmalaj, Luigj
1.Lepuj 2.Riprodhimi 3.Sëmundje 4.Veterinaria
636.92 .09

PARATHËNIE

Monografia: “Menaxhimi i Fermave të Lepujve” me bashkëautorë Dr. Gëzime Shehu dhe Prof. Dr. Luigj Turmalaj është një kontribut i çmuar në fushën e botimeve teknike, profesionale dhe shkencore jo vetëm për mjekët veterinarë por edhe për mbarështuesit e lepujve për qëllime biznesi dhe amatorët e kësaj specie.
Referuar zbulimeve antropologjike lepuri ka ekzistuar për rreth 30-40 milion vjet më parë dhe i përhapur gjërësisht në të gjitha kontinentet, duke krijuar rreth 11 grupe genetike, që shprehin shumëllojshmëri në raca me parametra dhe ngjyra të ndryshme gëzofi, kushtëzuar nga faktorë dhe habitate diverse jetësore.Vitet e fundit kultura e lepurit ka tendencë zhvillimin, jo vetëm në nivel global por edhe në vendin tonë, për shkak të vlerave të veçanta që ofron jo vetëm si kafshë përkëdhelie për fëmijët, duke zëvëndësuar shpesh macet dhe qentë, por dhe për cilësitë dietetike të mish*t, gëzofit dhe lesh*t. Lepuri është përdorur në fushën e imunologjisë për prodhimin e vaksinave, hulumtimin e sistemit riprodhues tek meshkujt dhe si testues në industrinë e produkteve kozmetike.
Strukturalisht monografia është e ndarë në tre pjesë dhe 33 kapitujt, ku përshkruhet anatomia e fiziologjia, sipas sistemeve, mbarështimi, riprodhimi dhe sëmundjet kryesore të lepujve.
Autorët metodikisht përshkruajnë në tërësi dhe në mënyrë komplekse anatominë dhe fiziologjinë e sistemeve, të organeve të lëvizjes, të tretjes, të frymëmarrjes, të qarkullimit të gjakut, limfatik dhe endokrin, aparatit urinar, gjenital mashkullor dhe femëror, sistemit nervor, organeve shqisore, lëkurës dhe derivatet e saj. Të gjithë kapitujt shoqërohen me foto, skema, norma dhe tregues biologjikë dhe fiziologjikë.
Në monografi vëmendje e posaçme i kushtohet praktikave dhe metodave të mbarështimit dhe riprodhimit, ku prezantohen llojet, veçoritë e rracave, përfshirë dhe të dhëna të lepujve të vendit tonë. Me vlera për praktikën veterinare dhe zhvillimin e këtij biznesi është edhe prezantimi i sistemeve të mbërshtimit dhe faktorëve ndikues mbi performacën riprodhuese, karakteristikat stinore, llojet e ndërzimit dhe teknikat e realizimit të insiminit artificial, si dhe menaxhimi i elementët ndikues në barsmërinë e lepujve.
Vëmendje të posaçme autorët i kanë kushtuar strukturës ushqimore, vlerave minerale, vitaminoze dhe bilancit energjitik, të cilat janë shoqëruar me norma dhe tregues fiziko-kimik.
Referuar garancive për shëndetin dhe mirëqenjen me nivel profesional dhe shkencor janë trajtuar kërkesat për mirëmbajtjen dhe zbatimin e masave sanitoro-veterinare si dhe realizimi i sistemit të identifim®jistrimit.
Një vend të merituar në monografi autorët i kanë kushtuar trajtimit të sëmundjeve kryesore të lepujve, përfshirë ato infektive, bakteriale, parazitare, mykotike, por edhe disa patologji të tjera të trashëgueshme, neoplazitë, të keqmenaxhimit, etj.
Përshkrimi i sëmundjeve është mbështetur në zbatimin e skemave klasike, të gërshetuara në mënyrë origjinale me shembuj nga praktika në terren. Përvoja që jepet në fushën e diagnozës, imuno-profilaksisë, lidhjes me laboratorin veterinar dhe sidomos e skemave parambrojtëse sanitaro-veterinare është e dobishme dhe praktikisht e lehtë për t’u zbatuar në kushte praktike edhe nga veterinerët që japin asistencë të kualifikuar për këtë specie.
Monografia është mbështetur në një bibliografi të pasur që përfshinë 108 botime të autorëve të huaj dhe vendas, nga të cilat mbi 70% e tyre i përkasin dhjetë vjeçarit të fundit. Autorët kanë prezantuar me thjeshtësi kuptueshëm dhe një gjuhë të pastër metodat dhe teknikat e reja të diagnozës, mjekimit e zooprofilaksisë të disa sëmundjeve në lepuj, duke dhënë rekomandime praktike dhe të vlefshme lidhur me skemat e rritjes, të të ushqyerit dhe karantinës, të cilat do t’ju shërbejnë jo vetëm studentëve, studjuesve dhe mjekëve veterinarë por edhe mbarështuesve për qëllime biznesi si dhe amatorëve të lepujve që kanë hobi këtë specie.
Monografia shoqërohet natyrshëm me tabela, skema, norma, të dhëna dozimetrike për sëmundjet dhe medikamentet e kohës, mënyrat dhe rrugët e trajtimit, e të tjera që kanë vlera praktike.
Monografia me bashkëautorë Dr. Gëzime Shehu dhe Prof. Dr. Luigj Turmalaj është një punim serioz dhe e ka arritur objektivin, duke ofruar njohuri të qarta dhe të plota teknike, profesionale dhe shkencore, të vlefshme për shërbimin veterinar.

Dr. Ymer ELEZI

28/02/2025

Nga botimet më të fundit
Titulli: BLETA
Autore: Dr. Gëzime Shehu

Redaktor: Agron BIÇAKU

Të gjitha të drejtat janë të autores.
Botimi i parë, 2019
ISBN: 978-9928-296-21-4

Botim I dytë, 2025
ISBN: 978-9928-823-86-1

Përgatiti për botim: Roland Lushi

Formati : 14x20cm

Shtëpia botuese “ADA”
Adresa: Rr. Mihal Grameno Pall.32 Ap. 7
www. botimetada.com
Cel: 068 22 190 16
Tiranë shkurt 2025

CIP Katalogimi në botim BK Tiranë
Shehu (Biçaku), Gëzime
Bleta / Gëzime Shehu (Biçaku) ;
red. Agron Biçaku.
– Tiranë : Ada, 2019
164 f. : me il. ; 24 cm.
Bibliogr.
ISBN 978-9928-296-21-4
1.Bletë
638.12
Parathënie

Familja bletë paraqet një njësi biologjike dhe ekonomike, ku të gjitha proceset janë të lidhura me mjedisin e jashtëm. Bletët kanë ekzistuar, për sa kohë janë shfaqur në tokë bimët, evolucioni i luleve ka ndodhur paralelisht me atë të bletëve.
Bletët janë pjesë e rëndësishme e ekosistemit natyror, ato ndihmojnë të mbajnë biodiversitetin dhe të rrisin produktivitetin e bujqësisë, duke siguruar pllenim të vlefshëm dhe shërbime, bazuar në principin ekologjik dhe ndërveprime reciproke mes bimëve.
Efektiviteti i bletëve tek prodhimet bujqësore është për shkak të numrit të tyre të madh, jetës sociale, marëdhënieve simbiotike me bimët dhe aftësisë së tyre për të polenizuar një shumëllojshmëri bimësh.
Nga studimet janë arritur përfundime, që ekonomia botërore kursen nga pllenimi natyral një shumë prej 265 miliardë euro, por edhe nëse kjo kosto do të ishte e mundur të mbulohej, sërish rezultati nuk do të ishte i njëjtë me atë të punës së bletëve.
Megjithëse në origjinën e saj bleta e organizonte vetë jetesën, sot ajo nuk mund të mbijetojë pa njeriun. Patogjenë viralë, parazitë, faktorë të ndryshëm të ekosistemit, stresit si dhe kombinimi i tyre, kanë tejkaluar kapacitetin e rezistencës së bletëve.
Në vitet e fundit, produktet e bletës kanë marrë interes si një burim thelbësor natyror, që mund të përdoren në terapi të reja, të lira nga efektet anësore, që hasen shpesh me përdorimin e ilaçeve kimike dhe sintetike.
Megjithatë konkurenca e tregut për këto produkte imponon kushte shtesë, që mund të sigurohen vetëm në përputhje me sigurimin e cilësisë dhe protokollet e çertifikimit.
Bleta është insekti më i shfrytëzuar nga njeriu përsa i përket produkteve dhe interesit, gjithashtu më i studiuari në fushën e shkencës.
Për bletët dhe produktet e tyre sot ka shumë studime, libra dhe literturë profesionale, por përsëri ato mbeten në qendër të vëmendjes për shumë institucione kërkimore shkencore, për faktin se bletaria është në rritje dhe zhvillim të pandërprerë.
Në hartimin e këtij libri krahas kënaqësisë, kam ndjerë përgjegjësi për interesin dhe vlerat që do të pëçojë ai tek bletarët, specialistët e bletarisë dhe amatorët.

Autori

Gëzime Shehu ka përfunduar studimet e larta në vitin 1996 në Fakultetin e Mjekësisë Veterinare, Tiranë. Pas diplomimit ka ushtruar profesionin si mjeke veterinere në sektorin privat dhe atë shtetëror. Që nga viti 2006 punon në Drejtorinë Rajonale të Bujqësisë, Qarku Tiranë. Në vitin 2015, mbron Doktoraturën me temë: “Klamidioza në shpendët e zbukurimit të qytetit të Tiranës”.
Ka botuar artikuj kërkimorë në shtypin vendas dhe të huaj, si dhe ka marrë pjesë në disa konferenca shkencore.
*Serology Research for the Presence of Chlamydia psittaci Ornamental Birds, in the City of Tirana. Journal of International Environmental Application & Science ISSN-1307- 0428.2012. Turkey.
*Isolation of chlamydia psittaci in the ornamental birds of the city of Tirana. ISSN: 2218-2020, (Special Edition) Copyright © Agricultural University of Tirana International Conference, 71, 31 October 2012, Tirana.
*Chlamydiosis disease in the parrot, pigeons and canaries in the city of Tirana. The First Western Ballkan. Internacional Conference About Zoo and Wildlife Diseases. Proceedings of Conference, 9-10 May 2013.
*Chlamydia psittaci in the parrot, pigeon and canaries in the city of Tirana. Scientific Bulletin, Series F, Biotechnologies volume XVII-2013, Romania. ISSN 2285-1364, CD-ROM ISSN 2285-5521, ISSN Online 2285-1372, ISSN-L 2285-1364.
*Klamidioza në shpendët e zbukurimit: (Monografi). ISSBN 978-9928-269-04-1. Tiranë 2018.

Revista Obelisk

20/03/2025

17/03/2025

15/03/2025

14/03/2025

03/03/2025

03/03/2025

01/03/2025

01/03/2025

28/02/2025

28/02/2025

28/02/2025

Address

Website

Alerts

Contact The Business

Videos

BOTIMET ADA 2024

Shortcuts

Share

Category