Hekmat Nazari

02/10/2024

که څه هم حقیقي عزت په تقوا، پوهه او دین کې دی، خو متاسفانه چې د اوس زمانې انسانان عزت په پیسو او شهرت سره اندازه کوي، او تاسره ستا د پیسو، او شهرت په کچه ټولنیز سلوک او اړېکې پالي، او دا د اوسني ژوند تر ټولو ناوړه خو ریښتینۍ حقیقت دی؛ نو ځکه خو دا باید ومنو چې که پیسې هر څه نه دي، خو هر څه دي. او څومره چې ژ ر پرې پوه شو، هومره به غوره وي.


#اړیکې

#کاروبار
#اقتصاد
#افغانستان
#نظري

01/07/2024

ډېره ګټوره ویډیو!

ماشومانو ته مو د کب (ماهي)خوړلو په ځای کب (ماهي) نیول وروښایاست، تر څو په یوازې ځان ژوند او مبارزه کول زده کړي.

15/02/2024

31/01/2024

که تاسو یو کاروباري یاست، او یا هم غواړئ یو کاروبار پیل کړئ، نو دا ویډیو ستاسو لپاره ده.

ويډیو وګورئ او په کاروبار کې د ټکنالوژۍ په ارزښت مو خپل معلومات نور هم پراخه کړئ.

ویډیو وګورئ او د خپلو ملګرو سره یې شریکه هم کړئ.

درنښت!

30/01/2024

د کاروبار پیل او د کاروباري نظریې ټاکل ستاسو تر صلاحیتونو او مهارتونو پورې محدوده خبر ده!

که چېرې غواړې د خپلې دندې تر څنګ ځانته د عایداتو یوه بله لاره راخلاصه کړې، نو ته اړ یې لومړی له خپل ځان لاندې پوښتنې وپوښتې:

١. زه کوم داسې عام مهارتونه لرم؟
٢. زه کوم داسې خاص مهارتونه او وړتیاوې لرم، چې زه یې له نورو هغو بېل کړی یم؟
٣. زه کومه داسې وړتیا او مهارت لرم چې په کاري مارکیټ کې ورته اړتیا ده او زه یې خرڅولی شم؟
٤. زه کومو نورو داسې مهارتونو ته اړتیا لرم چې کولای شم پرې په آنلاین توګه پیسې وګټم؟
٥. د آنلاین (دیجیتل) دنیا سره څومره بلد یم؟
٦. د کاروبار (بېزنس) پیلول ولې غواړم؟
٧. د کاروبار (بېزنس) پیلولو لپاره څومره متعهد یم؟
٨. د کاروبار (بېزنس) لپاره څومره مالي بودیجې ته اړتیا لرم؟
٩. د کاروبار پیلولو لپاره کومې ستونزې او فرصتونه راته مخ دي؟
١٠. د کاروبار (بېزنس) پیلولو لپاره څومره خطر منلو ته چمتو یم؟

وروسته له دې چې یادې پوښتنې مو ځواب کړې، نو بیا تاسې کولای شئ یو کاروبار پیل کړئ، ځکه تر هر څه د مخه د ځان پېژندل اړین دي.
اوس تاسې کولای شئ د خپل مهارتونو په رڼا کې تصمیم ونیسئ او یو ګټور کاروبار پیل کړئ.

که چېرې تاسې دنده نشئ پرېښودای؛ نو د دندې تر څنګ تر هغه وخته چې د خپل شخصي کاروبار په ګټه نه یاست مطمین شوې، کولای شئ په فارغ وخت کې له کوره د انټرنټ او ټکنالوژۍ څخه په ګټه اخیستنې ځیني آنلاین کارونه ترسره کړئ.

د بېلګې په توګه:
که ته کوم خاص مهارت لکه ګرافیک ډیزاین، وب سایټ جوړونه، دیجیتل مارکیټینګ، محاسبې (اکونټینګ)، بلاګینګ لرئ، نو کولای شئ د آزاد کاروبار په توګه هغه په آنلاین ډول په خلکو وپلورئ، ددې لپاره ځيني اپلیکشنونه لکه (Fiever, upwork,freelanc.com) او داسې نور شته چې کولای شي تاسې سره مرسته وکړي تر څو د عاید یوه بله لار پرانیزئ.

که په کريپټو کرنسۍ، سټاک مارکیټ، آمازون، افلیت مارکیټینګ، نیټورک مارکیټینګ او یا هم بلاګینګ کې مسلکي یاست؛ نو کېدلای شي په یادو برخو کې کار وکړئ او پیسې وګټئ.

خو که چيرې داسې کس یاست چې پورته یوه برخه کې هم مهارت نلرئ؛ نو لومړی هڅه وکړئ یاد مهارتونه زده کړئ، ځکه تر ټولو غوره پانګونه په ځان پانګونه ده؛ اوس که چېرې داسې کس یاست چې زده کړې نلرئ او یا هم نشئ کولای نوی مسلک یا مهارت زده کړئ؛ نو غوره ده تاسې ځینې کوچني ساده کاروبارونه پیل کړئ، د بېلګې په توګه:
په یو مناسب موقیعت کې داسې یو تولید په نښه کړئ چې خلک ورته صرورت لري او د خلکو ستونزې پرې حل کیږي، همدا تولید له بلې ساحې څخه په ټيټه بیه واخلې او په مناسبې ګټې سره یې په خپله نښه شوې ساحه کې وپلورئ.
په یو وړوکي دوکان، درملتون، رستورانت یا هم مارکيټ کې له یو ډاډمن او مومن کاروباري شریک سره په ګډه کاروبار پیل کړئ.

په پاي کې بیاهم وایم، ښايي د کاروبار پیل درته ناشونی ښکاره شي؛ خو که چېرې دې پیل کړ نو نه تنها چې د مالي پلوه به دې خپل ځان ډاډمن کړئ وي، بلکې ټولنې او هېواد ته به دې هم خیر ورسیږي.

که غواړۍ نوي مهارتونه زده کړئ، نو له قدم بیزنس سلوشن سره زمونږ په آنلاین ټولګیو کې ګډون وکړئ.
Www.qadams.com
Qadam Business Solutions
[email protected]
Whatsaap:(0093) 70 65 69 974

Qadam, A Strategy to Growth! Qadam Business Solutions At Qadam, we lead the way in innovative solutions, dedicated to your business’s prosperity. Contact us today and let’s shape the future of your business together. Request quote How Qadam help you? At Qadam Business Solutions, we elevate busin...

28/01/2024

که غواړې کاروبار یا بیزنس پیل کړې، نو اړیاست له مالي پلوه لازم مهارتونه ترلاسه کړئ! له مالي پلوه منظم مدیریت کولای شي کوچني کاروبارونه په لویو، لویو کاروبارونو بدل کړې. که غواړئ کاروبار مو لوی او پرمختګ وکړي غوره ده لازم کاروباري مهارتونه ترلاسه کړئ.

21/01/2024

یوازې وړتیا (استعداد) بسنه نه کوي.

د بریا لپاره دسپلین (نظم)، غوره شخصیت، پیاوړې اراده، دوامداره هڅه او په بریا باور اړین دی.

#بریا

19/01/2024

د ښاغلی رحمت الله نوروز دا لیکنه به مو ژوند بدل کړي!

څنگه بریالی شو؟
لیکنه: رحمت الله نوروز

زه غواړم تاسو ته یوه نړیواله تګلاره تشریح کړم چې واقعاً د خلکو ژوند ته یې بدلون ورکړی، او که ته هم غواړې ژوند د مثبت لوري ته بدلون وکړي او راتلونکي کې یو څوک درڅخه جوړ شي نو دا تګلاره تعقیب کړه، خصوصاً هغه ځوانان چې کار هم کوي، درس هم وایي او د کورنۍ مسئولیت هم ور له غاړې دی.

دا تګلاره 8+8+8=24 دی، یوه شپه او ورځ 24 ساعته دی، نو دا 24 ساعته په دریو برخو باید وویشل شي چې هرې برخې ته اته، اته ساعته رسیږي.

لومړني 8 ساعتونه: ته باید 8 ساعته کار وکړې، د کار کولو مانا دا نده چې ته څومره ډیر کار وکړې، نو پایله به یې هم ډیره وي، نه! بلکه ته چې څومره مفیده کار وکړې، نو بیا به یې پایله ډیره وي؛ مثلاً، که ته په یو کار کې 20% سم فعالیت وکړې، نو 80% پایله به لاسته رواړې، او که چیرې 80% ناسم فعالیت وکړې، نو 20% پایله به هم لاسته رانوړې، ځکه که کار ته د پاملرنه ونکړې، نو پایله یې هم سمه لاسته نشې راوړلای. د مونږ د ځوانانو عمده ستونزه دا ده چې غواړي ټول کار پخپله وکړي؛ مثلاً، غواړي هم مدیریت وکړي، هم ډایرکټري وکړي او هم پرډیوسري وکړي، چې نباید داسې وي، ځوانان باید وټاکي چې کوم کار خپله وکړي او کوم کار بل کس ته وسپاري چې ده ته په انګلیسي کې Delegation وایي او دا ډیر زیات مهم دی.

یو بله ستونزه د ځوانانو دا ده چې چاته نه نشي ویلای، چې د هر کار وړاندیز ورته وشي ځوانان به ورته د هو ځواب ووایي، نو ځوانان باید 80% وړاندیزونو ته نه ووایې او 20% هغو وړاندیزونو ته هو ووایې چې واقعاً ګټور ثابتیدلای شي.

د ځوانانو بله ستونزه دا ده چې کله سهار له خوبه پاڅیږي نو خپل ورځني کارونه نه پلانوي چې باید پلان شي او همغه کارونه په سمه توګه په همغه ورځ پای ته ورسوي، او د شپې بیا ځان سره محاسبه هم وکړي چې کوم کار مې ښه وکړ او کوم کار مې ښه ونکړ، او کوم کار مې پای ته ورساوه، که چیرې کوم کار یې پای ته نه وي رسولای هغه د بیا د سبا پلان کې ونیسي چې پای ته یې ورسوي.

دویمي 8 ساعتونه: دا 8 ساعته د ځان لپاره وي، په دې 8 ساعتو کې 2 ساعته په داسې څه باید مصرف کړل شي چې هغه اخرت ته په درد وخوړل شي. 4 ساعته نور خپلې کورنۍ ته وخت ورکړل شي؛ مثلاً، که ماشومان چیرې بیایي، یا د کوم مریض عیادت ته ځي او یا که د خپلوانو کور ته ځي، نو دا ټول کارونه په دې څلورو ساعتو کې باید پای ته ورسیږي. پاتې 2 ساعته نور لازمي ده چې یا خپله رشته کې درس ووایي او یا هم بله رشته چې علاقه ورسره لري زده یې کړي؛ مثلاً، که ته انجینر یې، غواړې Finance هم زده کړې، نو د ورځې 2 ساعته وخت ورکړه، نو ته به په دوه کلونو کې همغه رشته کې سم Expert شې، ساینس وایي که چیرې یو کس یوه رشته کې په یوه شپه او ورځ کې دوه ساعته سم درس ووایي، نو دوه کلونو کې به همغه رشته کې سم Expert شي، نو تاسو کولای شئ چې Ulearna ته لاړ شئ او په یوه برخه کې درس ووایئ.

دریمي 8 ساعتونه: پاتې 8 ساعته خوب ته باید ورکړل شي، ساینس وایي چې یو انسان په 24 ساعتو کې 8 ساعته خوب ته اړتیا لري، که چیرې انسان مناسبه خوب ونکړي، ویښتان به یې لاړ شي، سترګې به یې ضعیفې شي، حافظه به یې ضعیفه شي او نور هم ډیرې مریضیو سره به خدای مکړه سر او ګریوان شي، نو خوب هم ډیر اړین دی چې باید وخت ورته ورکړل شي.

نو تاسو دا تګلاره یوه میاشت عملي کړئ، سبحان الله! نتیجه به یې هتماً مثبته وي، که د عملي کړ، یو کامیابه، اباده، سوکاله او یو خوشحاله انسان به یې.

که چیرې پوهیږئ چې دا لیکنه تاسو ته ګټوره وه، نو ملګرو سره یې هم شریکه کړئ.

26/05/2023

له دې عکس سره لیکل شوي وو:

ته به ډېر لوړ ارزښت لرې؛ خو چې په غلط ځای کې قرار ولرې بې ارزښته به یې!

09/04/2023

آیا د کاروبار لپاره بیزنس مهارتونه اړین دي؟

08/04/2023

د کاروبار (بیزنس) پیل لپاره کومې زده کړې اړینې دي؟

لیکنه: حکمت الله نظري

که څه هم د یو بریالي سوداګر په ژوند کې د نا ممکن په نوم کومه کلمه شتون نه لري؛ خو بیا هم د کاروباري پوهې نه شتون د ځان لپاره ستر ګواښ ګڼي. د یو بریالي کاروبار شاته تل د یو پوه، با تدبیره او په ګڼ شمیر مهارتونو مالامال ځیرک کاروباري شتون دی. دا چې اکثرسلنه کاروبارونه له پیل څخه لږ ځنډ وروسته ماتې خوري او د کاروباري نړۍ سره د تل لپاره مخه ښه کوي تر ټولو ښکاره لامل یې د کاروباري پوهې نه شتون دی. همدارنګه دا چې افغانستان کې اکثره کاروبارونه ماتې خوري او یاهم د تل لپاره په ډیره کمه ګټه قانع پاتې کیږي او حتا د خپل کاروبار د ودې او پرمختګ په هکله هم فکر نه کوې؛ یوازینۍ دلیل یې د کاروبار د مالک په کاروباري نړۍ کې د اړینو او مسلکي زده کړو او پوهې نه شتون دی.

دا چې ژوند کې هرڅه یو خاص نظم، تدبیر او سیستماتیکې پروسې ته اړتیا لري او د هر څه د مخه باید ځینې خاص اصول او لومړني قدمونه پلي شي؛ نو د کاروبار د پیل څخه د مخه هم اړیو د کاروبار په هکله هر اړخیز مالومات، هنرونه او پوهه ترلاسه کړو؛ تر څو په مستقبل کې د ستونزو او ګواښونو په داسې ډول ښکار نه شو چې د وتلو او بیرته تګ لپاره مو ځانته هیڅ لاره هم نه وي پریښودلې.

د يو بریالي کاروبار د پیل کیدو څخه د مخه ګڼ شمیر مهارتونه شتون لري؛ چې پوهیدل پرې اړین دي. که چیري تاسو په یوازې او په خپله د شخصي کاروبار پیل کول غواړئ، اړیاست د لاندینیو او دې ته ورته نورو مهارتونو شتون او روزل په ځان کې پیدا کړئ:

۱. د کاروبار د پیل په هکله لومړني مالومات:
د کاروبار د پیل لومړني پړاوونه لکه د کاروباري انګیزې پيدا کول، په هکله یې مالومات ټولول، د کاروباري پلان جوړول، کاروباري انګیزې ته د عمل بڼه ورکول د کاروباري انګیزي ثبتول، د شرکت د کار جواز اخیستل، په دولت کې د شرکتونو د مالیاتو او اصولو په هکله مالومات کول، د مارکيټ او کاروباري سیالانو په هکله مالومات ټولول، د کاروباري شریک پيدا کول او داسې نور هغه څه دي چې د کاروبار د پیل څخه د مخه یې په هکله هراړخیزه څیړنه ضروري ګڼل کیږي.

۲. د مالي چارو مدیریت او پوهنه:
د مالي چارو مدیریت او پوهنه تر هر څه اړینه ګڼل کیږي. د پیسو منظم مدیریت او ساتل کولای شي ستاسو بریا حتمي کړي. ستاسو مالي مسؤولیتونه د کاروبار د پيل څخه پخوا پیل کیږي. تاسو اړیاست د کاروبار د پیل څخه د مخه خپلې پیسې او سرمایه مدیریت کړئ. ښه به دا وي؛ چې د کاروبار د پیل لپاره مو بیله بودیجه او اکاونټ پرانیزئ تر څو وکولای شئ هغه مقدار بودیجه چې د کاروبارد پیل او او دوام لپاره مو بسنه کوي د پیل څخه د مخه ترلاسه او وسپموئ؛ ترڅو آینده کې مو کاروبار د مالي اړخه ونه ګواښل شي.
یادې موخې ته د رسیدو لپاره تاسو اړیاست د مالي چارو مدیریت او پوهنه لکه( د ورځنیو مالي پیښو او راکړې-ورکړې ثبتول، د آینده په هکله د مالي اړخه وړاندوینه، د مالي راپورونو برابرول، د پیښیدونکې ګټې او تاوان وړاندوینه کول، د کمپنۍ بیلانس شیټ جوړول، د تولیداتو او خدماتو د نرخونه محاسبه کول او ټاکل او دې ته ورته نورو چارو په هکله د کاروبارد څښتن پوهاوي اړین او د کاروبار د بریا لپاره بنسټیز رول لوبوي.

۳. د بازار موندنې، خرڅلاو او پیرودونکو په هکله پوهنه:
د بازارموندنې پلان جوړول، د بازار په هکله لومړني مالومات، د کاروباري سیالانو په نښه کول او ځان سره پرتله کول، د تولیداتو او خدماتو د خرڅلاو د کچې لوړول، پیرودونکو ته د ښه او لوړ کیفیت چوپړتیاوو وړاندې کول او دا چې څنګه کولای شي خپل توکې خرڅ او پیرودونکي خوښ وساتي هغه څه دي چې د یو نوي او په یوازې ځان سره د کاروبار پیلیدونکي کاروباري لپاره یې پوهنه غوره ده.

۴. رهبري:
که چیرې ستاسو کاروبار د بریا او لویوالي خواته روان دی؛ نو تاسو نه شئ کولای په یوازې سره ټولې چارې تنظیم کړئ. د دې لپاره اړیاست د ځینو چارو د پرمخ بیولو لپاره ځینې کارکوونکي په دندو و ګومارئ. د کارکوونکو ساتل او په هغوي کنټرول درلودل او په دې مطمین کیدل چې د کمپنۍ چارې پر نورمال ډول روانې دي یو قوي او په هر څه پوه مشرتابه ته اړتیا لري. مشر کیدل او رهبر جوړیدل ځینې زده کړو ته اړتیا لري تر څو وکولای شي کارکوونکي کنټرول او د شرکت چارې روانې وساتي. یو ښه کاروباري تل یو ښه رهبر وي او يو ښه رهبر تل خپل کارکوونکي کنټرول، تشویق او خوشحاله ساتي؛ تر څو وکولای شي د کمپنۍ چارو او تولیداتو کې مثبت بدلون رامینځته کړي. یو ښه رهبر هغه دی چې وکولای شي د خپل ځان، کمپنۍ او کارکوونکو موخې سره یوځای او کارکوونکي دې ته تیار کړي؛ څو یادو موخو ته تر هرڅه لومړیتوب ورکړي.

۵. اړیکې او خبرې کول:
خبرې وکړه؛ تر څو ګټونکی شې. د انسان په ژوند کې ډیری شمیر بریاوې د ښو، پخو او پرځای خبرو کولو وروسته پیلیږي. همدا خبرې او ښې اړیکې دي چې تاسو به خلکو ته وروپیژني او هغه پټې وړتیاوي چې ستاسو په وجود کې نغښتي به خلکو ته په ډاګه کړي. یو بریالی کاروباري باید وکولای شي په کاروبار کې د عرضه کوونکو، پانګه اچوونکو، پیرودونکو او کارکوونکو سره ښو خبرو او اړیکو جوړولو وړتیا ولري.

۶. د پروژې سمبالښت او پلان جوړونه:
د یو بریالي کاروبار جوړولو لپاره کاروباریان اړ دي تر څو ګڼ شمیر پروژې مدیریت او ورته پلان جوړونه وکړي. د خپلې کاروباري انګیزې لپاره د کاروباري (بیزنس) پلان جوړول، د پرمختګ په موخه يې سټراټیژیانې او ګڼ شمیر پالیسۍ جوړول او پلي کول، د خپلو شته سرچينو او وسایلو لکه(وخت، پیسې، او کارکوونکو) څخه د اعظمي ګټې اخیستنې په هکله د کاروباریانو پوهاوی د کاروبار بریا حتمي کوي.

۷. د ستونزو حلولو وړتیا:
کاروباریان تل د دې لپاره پلان جوړونه کوي تر څو چارې یې منظمې، ښکاره او له ستونزو خالي وي. خو بیا هم که هر څومره پلان جوړونه وشي بیا به هم ځینې ستونزې او خنډونه ضرور پیښیدونکي وي. دا په دې معنا چې کاروباریان اړ دي تر څو ستونزمنو او سختو شیبوکې د ستونزو حلولو مهارت، د ستونزو په وړاندې مقاومت او په ورته شیبو کې د ښې او پرځای تصمیم نیوونې مهارتونه په ځان کې پيدا او زده کړي. کاروباریان باید دا زده کړي چې که چیري کله هم حالات د کنټرول څخه بهر شي؛ څنګه وکولای شي ورته حالات د ځان په ګټه کابو کړي.

۸. د زغم او حوصلې هنر:
هوښیار او بریالي کاروباريان تل په دي باورمند دي؛ چې په لوبه کې د بریا او ماتې شتون حتمي دی. کاروباریان باید په دې پوه شي چې کاروبار کې ګټه په تاوان کیږي او د ګټې لاسته راوړل وخت ته اړتیا لري. باید وکولای شي د ستونزمنو حالاتو، خلکو خبرو، نقدونو او ماتې خوړلو خو ماتې نه منلو په هکله پوره زغم او حوصله ځان کې پیدا کړي.

دا چې پورتنۍ او دې ته ورته نورې کړنې د یو داسې کاروباري لپاره چې د ادارې او سوداګرۍ زده کړې نه لري زده کول ستونزمن دي؛ خو په اړه یې د حد اقل او لومړنیو مالوماتو زده کول بیا ستونزمنه خبر نه ده. دا چې په لومړیو کې کاروبارونه واړه وي او کاروباري اړ دی ټولې چارې په خپله سمبال او مدیریت کړي؛ نو د یادو حالاتو او مهارتونو زده کول د یو ګټور او تل پاتې کاروبار لپاره بنسټیز رول لوبوي.

07/04/2023

کورني توکي ( داخلي تولیدات) د هېوادونو د اقتصادي ځواک او پراختیا په بیارغونه کې بنسټیز رول لرې، او لازمه ده چې دولتونه د هېواد د اقتصادي پراختیا د ګراف په حرکت ورکولو کې ورڅخه ګټوره استفاده وکړي. که چېرې دولت د کورنیو تولیداتو د تقویې لپاره ځینې لازم حرکتونه لکه د کورنیو تولیداتو د تقویې لپاره داسې مالوماتي کمپاینونه په لاره واچول شي، چې پکې د هېواد اوسېدونکي د بهرنیو تولیداتو په ځای د کورنیو توليداتو پېرلو ته وهڅول شي، پانګوال په هېواد دننه پانګونې ته وهڅول شي، کورنیو او بهرنیو پانګوالو ته په هېواد دننه د پانګونې شرایط برابر شي، د مالیاتو په مسله کې په کورنیو تولیداتو، کورنیو کاروباري کمپنیو او پانګوالو مالیاتي اداینې راټيټې شي، د صادراتو د تقویې لپاره په هغو توکو چې په هېواد د ننه تولیديږې په وارداتو لازم شرایط لکه په وارداتو د مالیې او ګمرکې تعرفې لوړوالی پلی شي، کورنیو تولیداتو ته لومړی د هېواد دننه د پلور مارکیټ وشي او په هېواد دننه له تکافو وروسته په نړیوالو مارکیټونو کې ورته مارکيټ وکتل شي، د دولت او عامه وګړو په خاصه توګه بزګر او دولت تر مینځ واټن له مینځه لاړ شي؛ نو زه ډاډه یم چې د هېواد ملي اقتصاد به مو په پښو درولي وي.
د کورنیو تولیداتو تقویه زمونږ ټولو ملي دنده ده!

06/04/2023

د بریا کیسې!

ژوند د ماتې او بریا تر مينځ لوبه ده. په ژوند کې ماتې او بریا حتمي ده، موږ نه شو کولای د خپلې ماتې او بریا مسوولیت په بل چا پورې وتړو، بلکې یو بریالی انسان د هرې ماتې او بریا مسوولیت، جزا او امتیاز په ځان پورې تړي. مونږ هر یو په ژوند کې لوړې هیلې لرو او هر څوک د بریا هڅې کوو؛ خو یوازې هغه څوک د بریا خوند څکي چې د بریالیتوب له فورمول استفاده کوي، د بریالیتوب فورمول ډېر ساده دی، هر هغه څه چې اړین دي یوازې مالومې موخې درلودل، پلان جوړونه، عملا لاس په کار کېدل، په ځان او بریا باور او دوامداره مبارزه ده چې کولای شي مونږ له نورو هغو بېل او بریالی کړي.

01/04/2023

What is Marketing 4 P's:

1. Proudct (تولید)
2. Price (قیمت)
3. Place (ځای)
4. Promotion (اعلانات)

31/03/2023

د اوسنۍ نړۍ نالوستي هغه څوک نه دي، چې لیک او لوست نشي کولای، بلکې هغه دي چې دوامداره مطالعه نه کوي، ځان د دنیا له نویو، ټکنالوژیکي او نورو علمي پرمختګونو نه خبروي.
نړۍ ډېره په چټکۍ روانه ده، که غواړې تل په کاري مارکیټ کې مهم واوسې، مطالعه وکړه، نوي مهارتونه زده کړه او د نړۍ له پرمختګونو سره همغږی لاړ شه.

31/03/2023

__کاروباري پوهه__
لیکوال: حکمت الله نظري

که څه هم د یو بریالي سوداګر په ژوند کې د نا ممکن په نوم کومه کلمه شتون نه لري؛ خو بیا هم د کاروباري پوهې نه شتون د ځان لپاره ستر ګواښ ګڼي. د یو بریالي کاروبار شاته تل د یو پوه، با تدبیره او په ګڼ شمیر مهارتونو مالامال ځیرک کاروباري شتون دی. دا چې اکثرسلنه کاروبارونه له پیل څخه لږ ځنډ وروسته ماتې خوري او د کاروباري نړۍ سره د تل لپاره مخه ښه کوي تر ټولو ښکاره لامل یې د کاروباري پوهې نه شتون دی. همدارنګه دا چې افغانستان کې اکثره کاروبارونه ماتې خوري او یاهم د تل لپاره په ډیره کمه ګټه قانع پاتې کیږي او حتا د خپل کاروبار د ودې او پرمختګ په هکله هم فکر نه کوې؛ یوازینۍ دلیل یې د کاروبار د مالک په کاروباري نړۍ کې د اړینو او مسلکي زده کړو او پوهې نه شتون دی. دا چې ژوند کې هرڅه یو خاص نظم، تدبیر او سیستماتیکې پروسې ته اړتیا لري او د هر څه د مخه باید ځینې خاص اصول او لومړني قدمونه پلي شي؛ نو د کاروبار د پیل څخه د مخه هم اړیو د کاروبار په هکله هر اړخیز معلومات، هنرونه او پوهه ترلاسه کړو؛ تر څو په مستقبل کې د ستونزو او ګواښونو په داسې ډول ښکار نه شو چې د وتلو او بیرته تګ لپاره مو ځانته هیڅ لاره هم نه وي پریښودلې. د يو بریالي کاروبار د پیل کیدو څخه د مخه ګڼ شمیر مهارتونه شتون لري؛ چې پوهیدل پرې اړین دي. که چیري تاسو په یوازې او په خپله د شخصي کاروبار پیل کول غواړئ، اړیاست د لاندینیو او دې ته ورته نورو مهارتونو شتون او روزل په ځان کې پیدا کړئ:

۱. د کاروبار د پیل په هکله لومړني معلومات: د کاروبار د پیل لومړني پړاوونه لکه د کاروباري انګیزې پيدا کول، په هکله یې معلومات ټولول، د کاروباري پلان جوړول، کاروباري انګیزې ته د عمل بڼه ورکول د کاروباري انګیزي ثبتول، د شرکت د کار جواز اخیستل، په دولت کې د شرکتونو د مالیاتو او اصولو په هکله معلومات کول، د مارکيټ او کاروباري سیالانو په هکله معلومات ټولول، د کاروباري شریک پيدا کول او داسې نور هغه څه دي چې د کاروبار د پیل څخه د مخه یې په هکله هراړخیزه څیړنه ضروري ګڼل کیږي.

۲. د مالي چارو مدیریت او پوهنه: د مالي چارو مدیریت او پوهنه تر هر څه اړینه ګڼل کیږي. د پیسو منظم مدیریت او ساتل کولای شي ستاسو بریا حتمي کړي. ستاسو مالي مسؤولیتونه د کاروبار د پيل څخه پخوا پیل کیږي. تاسو اړیاست د کاروبار د پیل څخه د مخه خپلې پیسې او سرمایه مدیریت کړئ. ښه به دا وي؛ چې د کاروبار د پیل لپاره مو بیله بودیجه او اکاونټ پرانیزئ تر څو وکولای شئ هغه مقدار بودیجه چې د کاروبارد پیل او او دوام لپاره مو بسنه کوي د پیل څخه د مخه ترلاسه او وسپموئ؛ ترڅو آینده کې مو کاروبار د مالي اړخه ونه ګواښل شي. یادې موخې ته د رسیدو لپاره تاسو اړیاست د مالي چارو مدیریت او پوهنه لکه( د ورځنیو مالي پیښو او راکړې-ورکړې ثبتول، د آینده په هکله د مالي اړخه وړاندوینه، د مالي راپورونو برابرول، د پیښیدونکې ګټې او تاوان وړاندوینه کول، د کمپنۍ بیلانس شیټ جوړول، د تولیداتو او خدماتو د نرخونه محاسبه کول او ټاکل او دې ته ورته نورو چارو په هکله د کاروبارد څښتن پوهاوي اړین او د کاروبار د بریا لپاره بنسټیز رول لوبوي.

۳. د بازار موندنې، خرڅلاو او پیرودونکو په هکله پوهنه: د بازارموندنې پلان جوړول، د بازار په هکله لومړني معلومات، د کاروباري سیالانو په نښه کول او ځان سره پرتله کول، د تولیداتو او خدماتو د خرڅلاو د کچې لوړول، پیرودونکو ته د ښه او لوړ کیفیت چوپړتیاوو وړاندې کول او دا چې څنګه کولای شي خپل توکې خرڅ او پیرودونکي خوښ وساتي هغه څه دي چې د یو نوي او په یوازې ځان سره د کاروبار پیلیدونکي کاروباري لپاره یې پوهنه غوره ده.

۴. رهبري: که چیرې ستاسو کاروبار د بریا او لویوالي خواته روان دی؛ نو تاسو نه شئ کولای په یوازې سره ټولې چارې تنظیم کړئ. د دې لپاره اړیاست د ځینو چارو د پرمخ بیولو لپاره ځینې کارکوونکي په دندو و ګومارئ. د کارکوونکو ساتل او په هغوي کنټرول درلودل او په دې مطمین کیدل چې د کمپنۍ چارې پر نورمال ډول روانې دي یو قوي او په هر څه پوه مشرتابه ته اړتیا لري. مشر کیدل او رهبر جوړیدل ځینې زده کړو ته اړتیا لري تر څو وکولای شي کارکوونکي کنټرول او د شرکت چارې روانې وساتي. یو ښه کاروباري تل یو ښه رهبر وي او يو ښه رهبر تل خپل کارکوونکي کنټرول، تشویق او خوشحاله ساتي؛ تر څو وکولای شي د کمپنۍ چارو او تولیداتو کې مثبت بدلون رامینځته کړي. یو ښه رهبر هغه دی چې وکولای شي د خپل ځان، کمپنۍ او کارکوونکو موخې سره یوځای او کارکوونکي دې ته تیار کړي؛ څو یادو موخو ته تر هرڅه لومړیتوب ورکړي.

۵. اړیکې او خبرې کول: خبرې وکړه؛ تر څو ګټونکی شې. د انسان په ژوند کې ډیری شمیر بریاوې د ښو، پخو او پرځای خبرو کولو وروسته پیلیږي. همدا خبرې او ښې اړیکې دي چې تاسو به خلکو ته وروپیژني او هغه پټې وړتیاوي چې ستاسو په وجود کې نغښتي به خلکو ته په ډاګه کړي. یو بریالی کاروباري باید وکولای شي په کاروبار کې د عرضه کوونکو، پانګه اچوونکو، پیرودونکو او کارکوونکو سره ښو خبرو او اړیکو جوړولو وړتیا ولري.

۶. د پروژې سمبالښت او پلان جوړونه: د یو بریالي کاروبار جوړولو لپاره کاروباریان اړ دي تر څو ګڼ شمیر پروژې مدیریت او ورته پلان جوړونه وکړي. د خپلې کاروباري انګیزې لپاره د کاروباري (بیزنس) پلان جوړول، د پرمختګ په موخه يې سټراټیژیانې او ګڼ شمیر پالیسۍ جوړول او پلي کول، د خپلو شته سرچينو او وسایلو لکه(وخت، پیسې، او کارکوونکو) څخه د اعظمي ګټې اخیستنې په هکله د کاروباریانو پوهاوی د کاروبار بریا حتمي کوي.

۷. د ستونزو حلولو وړتیا: کاروباریان تل د دې لپاره پلان جوړونه کوي تر څو چارې یې منظمې، ښکاره او له ستونزو خالي وي. خو بیا هم که هر څومره پلان جوړونه وشي بیا به هم ځینې ستونزې او خنډونه ضرور پیښیدونکي وي. دا په دې معنا چې کاروباریان اړ دي تر څو ستونزمنو او سختو شیبوکې د ستونزو حلولو مهارت، د ستونزو په وړاندې مقاومت او په ورته شیبو کې د ښې او پرځای تصمیم نیوونې مهارتونه په ځان کې پيدا کړاو زده کړي. کاروباریان باید دا زده کړي چې که چیري کله هم حالات د کنټرول څخه بهر شي؛ څنګه وکولای شي ورته حالات د ځان په ګټه کابو کړي.

۸. د زغم او حوصلې هنر: هوښیار او بریالي کاروباريان تل په دي باورمند دي؛ چې په لوبه کې د بریا او ماتې شتون حتمي دی. کاروباریان باید په دې پوه شي چې کاروبار کې ګټه په تاوان کیږي او د ګټې لاسته راوړل وخت ته اړتیا لري. باید وکولای شي د ستونزمنو حالاتو، خلکو خبرو، نقدونو او ماتې خوړلو خو ماتې نه منلو په هکله پوره زغم او حوصله ځان کې پیدا کړي. دا چې پورتنۍ او دې ته ورته نورې کړنې د یو داسې کاروباري لپاره چې د ادارې او سوداګرۍ زده کړې نه لري زده کول ستونزمن دي؛ خو په اړه یې د حد اقل او لومړنیو معلوماتو زده کول بیا ستونزمنه خبر نه ده. دا چې په لومړیو کې کاروبارونه واړه وي او کاروباري اړ دی ټولې چارې په خپله سمبال او مدیریت کړي؛ نو د یادو حالاتو او مهارتونو زده کول د یو ګټور او تل پاتې کاروبار لپاره بنسټیز رول لوبوي.

لیکنه له ملګرو سره شریکه کړئ، تر څو ډېر ملکري ترې ګټه پورته کړي.

30/03/2023

کله چې انسان هدف ونه لري، فرصتونه هم نه شي لیدلی.

لومړی تر هر څه د خپلو آندونو (فکرونو) مثبته روزنه په کار ده، لومړی په خپل ځان باور په کار ده، لومړی له خپل ځان د ټولو هغو بریاوو لپاره چې ترلاسه کړې مو دي مننه کول په کار ده، لومړی ځان ته مینه ورکول او احترام کول په کار ده، لومړی د ځان دقیقه پېژندل په کار ده.

کله مو چې دا وکړل؛ نو بیا ته نه ماتېدونکی یې، ته نه تسلېمېدونکی یې، ته بیا هر ناممکن ته ممکن وایې او همدا ته بیا ګټونکی یې.

په یاد ولره هر ناممکن، ممکن دی، هره ستونزه فرصت دی، او هره ماته بریا ده، یوازې هغه څه چې اړین دي تر خپلې موخې (هدف) پورې د سفر دوام ورکول دي.

زه تاسې ټولو ته په ډاډ وایم څومره چې ستونزې زیاتې وي، هومره به فرصتونه هم ډېر وي، ته ځان تکړه کړه، ستونزه وپېژنه، ورته یوه بریالۍ حل لاره راپیدا کړه؛ نو همدا ته به بریالی وې.

که زما له خبرو سره فکري یووالی لری؛ نو پوسټ له ملګرو سره شریک (شییر) کړه.

- نظري -