https://www.facebook.com/104853914287963/

صدای بیداری / د ویښی غږ

Home
Afghanistan
Kabul
صدای بیداری / د ویښی غږ

دلته به د غوره لیکوالانو لیکنې نشریږي

17/03/2021

ډیر څه په کې دي که مو ولوستله!

لیکوال: مولوي عبدالرقیب رقیب.

هيواد يعني څه؟!

هيواد د هيوادوال لپاره د ځانګړې جغرافيې, دين او عنعناتو مجموعه ده.
که د دين حدود يې مات شي معنی دا چې هيواد يې تجزيه شو!
د چا په هیواد کې چې د هغوی کلتور بدل شي نو په خپل هيواد کې د پرديتوب احساس کوي!

د يرغل په درشل کې ډيرځله جغرافيه نه غصبيږي. د يرغلګرو هدف دين او کلتور وي; کوم خلک چې يرغلګرو ته د دين او کلتور په اړه تنزل ومني هغوی يرغل ته تسليم شوي او د هيواد له تماميته لاس پرسر دي!

يرغلګر چې د مستعمره هيواد په دين او عنعناتو کې د خپلې خوښې لاسوهنه وکړي معنی دا چې هيواد يې خپل کړ

زموږ په ګران هیواد چې دوه لسيزې مخکې امريکا يرغل وکړ, طبعي ده چې زموږ د جغرافيې انضمام يې هدف نه و, ځکه د هغوی سره زرګونه متره فاصله لرو، بله دا چې هغوی په موږ د حاکميت لپاره زموږ د توکم خلک انتخاب کړل; مطلب دا چې زموږ د جغرافيې د مستقيم يرغمل اراده نه لري…

نو هدف يې څه و؟!

هغوی غوښتل چې زموږ د دين سرحدات مات کړي, زموږ په دين کې ځانونه ځای کړي, زموږ عقيدې ته لاره ومومي، زموږ هغه قانون نقض کړي چې ورباندي ايمان لرو ..
هغوی غوښتل زموږ په کلتور راننوزي, زموږ وګړي په خپل رنګ ورنګوي او له ځان سره يې ځان کړي…

د دوی پکې ګټه څه ده؟

په دغسي يرغل سره دوی اقلاً دوه ګټې لري
لومړی دا چې زموږ خلک خپل دين ته اړولی شي; کله چې دلته د دوی د دين خلک پيدا شول نو هغوی ته به زموږ د هیواد واک په لاس ورکوي او زموږ هیواد به مکمل د دوی اداره وي.
ټاکنه خو د ولس له خوا ترسره کيږي?!
په اسلامي خاوره جمهوريت او ټاکنې د دوی غولونکې لوبه ده، په ټوله اسلامي نړۍ کې داسي بيلګه نشته چې ټاکنې د يرغلګرو د طمع خلاف نتيجه ورکړي او دوام ولري; لومړی خو هغوی وار د مخه د ټاکنو نتيجه بررسي کړې وي، هغه څوک يې نصب کړي وي چې د دوی په چوپړ کې وي او د دوی شرائط يې منلي وي. که احياناً فرصت يې له لاسه ووزي بيا نو د زور او کودتا له لارې هغه چاته د جمهوري هيواد واګې سپاري چې له دوی سره تعامل لري…
دغه چاره په ټولو اسلامي جمهوريتونو کې مسلم حقيقت ده؛ هو, شوپرک لمر نه ويني!.

په ياد يرغل سره د دوی دوهمه ګټه دا ده چې زموږ کلتور د ځان تابع کړي نو د وخت له تيريدو سره به دوی راته پردي نه ښکاري، د دوی په وړاندي حساسيت به نه لرو، د دوی وجود به راته زغم وي, له دوی او د دوی له مديرانو سره د پرديتوب احساس به نه لرو… نتيجه به دا وي چې د دوی نظريه به زموږ په هيواد کې په موږ باندي واکمنه وي او زموږ ذهنيت به داسي جوړ وي لکه خپل خلک چې راباندي حاکمان وي!

امريکا په افغانستان کې د چنګيز, انګريز او شوروي له ماتیدو خو د صحابه کرامو له کاميابيدو مکمل درس اخستی ده

صحابه کرامو د افغانانو سره نژدې سل کاله مقاومت وکړ ترڅو دغه خاوره د توحيد د سجدې مقر شي; خو افغانانو د تسليمۍ سر ټيټ نه کړ, اګر چې په باطله هم و.
وروسته چې صحابه کرامو افغانانو ته د خپلواکۍ روح ومنل, د هغوی په خاوره د هغوی واکمني يې تسليم کړه او خپل ټول نظاميان او حاکمان يې ورنه بهر کړل… خو په افغانانو يې هغه افغان حاکمان واکمن کړل چې د صحابه کرامو په رنګ رنګ شوي او د هغوی په عقيده سمبال و نو افغانستان يو اسلامي هيواد شو, چې زر کاله پس هم د صحابي نوم په احترام اخلي، د هغوی د قدم خاوره ښکلوي او د هغوی د قبرونو زيارتونه غنيمت ګڼي…

اما چنګيز, انګريز او شوروي چې د افغانانو په حساسو نقطو ګوتې وهلې، د افغانانو په معتقداتو يې مستقيم تيری وکړ, د افغانانو د اذهانو له صيقل پرته يې ورباندي خپل اجيران مسلط کړل, افغانانو ته يې داسي روح ورکړ چې ګواکي دوی يې مستقیمه اداره غواړي… ; هماغه و چې افغانانو يې په خلاف سر او مال ميدان ته وړاندي کړ, تر هغه ورسره وجنګيدل چې هيواد يې له دوی او د دوی له نوکران پاک کړ…

برعکس، امريکا چې افغانستان ته د اسلام د راتګ رمزونه څيړلي و, په افغانانو کې د اسلام د روح پوکلو راز يې تشخيص کړی و هماغه و چې څو لسيزې مخکې يې د افغانستان د ماشومانو او ځوانانو تربيه پيل کړه؛ ورسره يې د ځيني منل شويو افغاني شخصيتونو پير او پلور هم جاري وساتل…

دوه لسيزې -چې د يو نسل د روزلو مکمله موده ده- وروسته يې په افغانستان د يرغل فيصله وکړه، خو داسي يرغل چې هرڅه ته يې افغاني رنګ ورکړ, آن ساده خلکو بيخي داسي نه انګيرله چې د امريکا بريد په افغانستان بريد ده!
هماغه افغانان چې د امريکا په غير مستقيمه تربيه په مصر او ځيني نورو هيوادونو کې يې د شيخوخت او دوکتورا القاب تر لاسه کړي و, دلته يې فتوا ورکړه چې د امريکا راتګ مشروع راتګ ده؛ په خلاف يې هرډول حرکت بغاوت ګڼل کيږي!!
امريکا د بني اسرائيلو له سخوندرکي )ملګرو ملتونو( نه هم د بريد جوازنامه اخستې وه; ترڅو دلته ذهنيتونه ورباندي مسخر کړي
امريکا هغه تر ميعاد تير, افغان پاچا هم د ايمانونو د ګوزار مخي ته بيا رامخکي او سپر کړ چې څو کلونه مخکي يې طلاق ورکړی و!
هماغه افغان پاچا امريکا ته فرمان ورکړ چې په افغانانو «غت غت بمونه وغورځوه, واړه وخت نيسي»!
دغه لوبه د ځيني ساده او ځيني بوده ذهنيتونو د ايلولو لپاره کافي ګوزار وه.

خو امریکا پوهیده چې افغانستان د ايمان مجسم زمريان لري چې د دوی منتر ورباندي اثر نشي کولای، خو بيا هم امريکا غوښتل چې پورتنې ياد شوي د شګو بندونه د ايماني سيلابونو په وړاندي تجربه کړي، اقلاً مومنان خوبه ورته مشخص شي, چې بيايې د وخت سره چاره وکړي…

دوه لسيزې وروسته امريکا چمتو شوه چې له افغانستان نه خپل عسکر وباسي او ځای يې د خپلې عقيدې, خپلو ګټو او خپل کلتور محافظينو ته مهيا کړي.
امريکا غواړي دلته خپل معنوي وجود مستقر کړي او په اساس يې د افغانستان اداره په خپل کنترول کې ولري.

دغه نيرنګ يې دومره واري دی چې آن ځيني هغوی هم ورته خمار شول چې تر اوسه د امريکا په وړاندي سنګر کې ناست و.
اوس تقريباً ټول په يوه خوله وايې چې جهاد او مقاومت له چا سره؟!

خو اصيل افغانان پوهيږي چې جهاد ترکومه وخته او د چا په وړاندي!
مومنانو ته اسماني کتاب قران داسي درس ورکړی چې د ابليس لارويان به يې هيڅلکه رام نکړي.
مومنان ايمان لري چې جهاد له هغوی سره چې مسلمانان په فتنه کې اچوي، د شيطان دام ته يې ټيلوهي او د باطل نوک وروسته د سوک ځای غواړي…
مومنان پوهيږي چې د امريکا روزلي نه پوهيږي، د ناپوه په وړاندي تساهل کوي او شعوري اجيران تر تیغ تيروي.
مومنان پوهيږي چې افغان خاوره د اسلام خاوره ده، د استقلال خاوره ده او هيڅکله به کفري چوکاټونه او پردي معيارونه ورباندي تطبيق نشي.
مومنان لازمه ګڼي چې کوم افغان سرونه امريکا خوسا کړي يابه ﷲ ﷻ ته په ځمکه ښودل کيږي يابه ليږ نور هم پورته کيږي، د دار په لور …
د مومنانو په نزد معيار يواځي يو شئ ده, چې ايمان او اسلام ورته وايې, نور معیارونه شاتنۍ مرتبه کې دي.
موږ ته چې هرچا اسلام راوړی, په هره طريقه چې يې راوړی موږ يې منندوی يو او څوک چې کفر راوړي په هره طريقه چې يې راوړي مخه يې نيسو…

04/03/2021

لیکوال: مولوي عبدالرقیب رقیب.

عرب ليکوال ليکي:
اوسنی جهالت له مخکيني هغه نه ډير بد ده؛
هغوی د خپل پلار, نيکه تقليد کاوه خو اوسني جاهلان د خپل قاتل, دښمن تقليد کوي.

په زړه کې مې ويل چې موږ هم دغې تبې نيولي يو
په افغاني رواجونو ردونه کيږي ځای يې غربي او هندي کلتور ته خالي کيږي.

اسلامي احکام په دې بهانه ردوي چې په قطعي نصوصو ثابت نه دي او ځای يې هغو احکامو ته خالي کيږي چې د سور او زرغون کارت په پورته کولو تصويبيږي!

پټکي په دې بهانه غورځوي چې واجب نه دي، ټايې په غاړه ټومبي چې ناروا خو نه ده!
په مړي پسي د دعا ځای شمع لګولو ونيو!
معززين مو ډومان شول او ډمتوب هنر شو !
بي کمسيه, بي پرتوګه لکه د پاليزه څلي په ډانګ پييلي ګرزي..
ذميان مو د مقننه قوې غړي دي!

زموږ هغه پخواني جاهلانو يومخ او پوره غيرت لرل, خو اوسني جاهلان شپږ مخونه لري، ترلکۍ ديوثان دي.

03/03/2021

لیکوال: مولوي صاحب عبدالرقیب رقیب
که ډيموکراسۍ په رښتينې معنی حاکمه شي؟!

ډيموکراسي ډير ناوړه مواد لري، دلته يې په يوه پديده غږېدو چې "فردي ازادي" ده.
اسلام افرادو ته ازادي ورکړې ده، خو دغې ازادۍ ته يې حدود هم ټاکلي دي.
ډیموکراسي هم افرادو ته ازادي ورکړې ده، خو هغه حدود يې مات کړي چې اسلام ټاکلي وو، آخوا يې حدود ټاکلي دي.

د بيلګې په توګه به ووايو
د افغانستان په اوسني اساسي قانون کې فردي ازادي په لاندي توګه تثبيت شوې
"څلیرویشتمه ماده لومړۍ فقره وايې
آزادي د انسان طبیعي حق دی، دا حق د نورو له آزادۍ او له عامه مصالحو پرته، چې د قانون له لیارې تنظیمېږي، حدود نه لري"

د اساسي قانون دغه ماده په صراحت سره وايې چې هرڅوک هرې کړنې ته ازاد دي، د حکومت له لوري د دوی د انحصار لپاره هيڅ ديني او ټولنيز حدود نه عملي کېږي، يواځي هغه کړنې چې نورو ته ضرر وي ممنوع دي.
په څو بيلګو به يې تشريح کړو
يو څوک له شرعي (معتبرو) عذرونو پرته د رمضان روژه خوري ، يا لمونځ نه کوي؛ دا کارونه چې د نورو ازادي نه ګواښي او عامه مصالحو ته زيان نه رسوي د ډيموکراسۍ له مخې په ټولنيز اعتبار جواز لري، حکومت او بل هيڅوک يې د مخنيوي اجازه نه لري، يعني مخنيوی يې د انسان په ازادۍ تيری او جرم ګڼل کېږي!

حال دا چې په اسلام کې له هر ډول ناوړه عمل نه خلک منع کول لازمي کار دی, جرم نه, بلکي ضروري عمل دی، الله ﷻ او د الله رسول ﷺ ورباندي امر کړی دی ; الله ﷻ فرمايې :

وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ ۚ وَأُولَـٰئِكَ هُمُ الْمُفْلِحُونَ ﴿١٠٤﴾ آل عِمرَان-٣
په تاسي کښي بايد څه خلك هرو مرو داسي وي چي د نېکۍ لوري ته بلنه وکړي، په ښو امر وکړي او له بدو منع وکړي. كوم خلك چي دا كار وکړي هماغوى به بريالي شي.

رسول الله ﷺ فرمايې :
"ﻣﻦ ﺭﺃﻯ ﻣﻨﻜﻢ ﻣﻨﻜﺮا ﻓﻠﻴﻐﻴﺮﻩ ﺑﻴﺪﻩ، ﻓﺈﻥ ﻟﻢ ﻳﺴﺘﻄﻊ ﻓﺒﻠﺴﺎﻧﻪ، ﻓﺈﻥ ﻟﻢ ﻳﺴﺘﻄﻊ ﻓﺒﻘﻠﺒﻪ ﻭﺫﻟﻚ ﺃﺿﻌﻒ اﻹﻳﻤﺎﻥ". رواه مسلم
يعني څوک که ناوړه کار وويني نو د لاس او زور په وسېله دي يې بدل کړي, که يې زور نشو کولای نو د ژبې او خبرو په وسېله دي يې بدل کړي، که يې هغه هم نشو کولای نو په زړه کې دي ورنه کرکه وکړي او دغسي شخص نو په ايمان کې ډير ضعيف دی.

يوه بله بېلګه يې را اخلو
يوه ښځه او سړی له نکاح پرته په خپلو کې په خپله خوښه جنسي اړيکې ساتي, د ډيموکراسۍ د قانون په اساس دا کار هيڅ جرم نه دی, ځکه دوی خو د نورو ازادي نه ګواښي; کله چې دا ازادي په قانون کې جرم نه دی نو مخنيوی يې جرم دی، ځکه چې مخنيوی يې د نورو د ازادۍ د مخنيوي په معنی دی; لنډه دا چې د ډيموکراسۍ په قانون کې له زور زیاتي پرته زنا جرم نه ده، خو له دغه ډول زنا څخه خلک په زور منع کول جرم دی!

حال دا چې په قران کې الله ﷻ د زناکارو په اړه داسي فرمايې :

الزَّانِيَةُ وَالزَّانِي فَاجْلِدُوا كُلَّ وَاحِدٍ مِنْهُمَا مِائَةَ جَلْدَةٍ ۖ وَلَا تَأْخُذْكُمْ بِهِمَا رَأْفَةٌ فِي دِينِ اللَّهِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ۖ وَلْيَشْهَدْ عَذَابَهُمَا طَائِفَةٌ مِنَ الْمُؤْمِنِينَ ﴿٢﴾ النُّور-٢٤
زنا كاره ښځه او زنا كار سړی، له دواړو څخه هر يو سل دُرى ووهئ. او پر دوى باندي د زړه سوي احساس دي د الله د دين په باب په تاسي کي نه پاريږي كه تاسي پر الله تعالٰى او د اخرت په ورځ باندي ايمان لرئ. همدا راز هغو ته د سزا وركولو په وخت کښي دي د مؤمنانو يوه ډله موجوده وي.

دلته هم ډیموکراسي له قران سره په جنګ ده, قران وايې زناکاران په درو ووهئ او رحم ورباندي مه کوئ, خو ډيموکراټان وايې که مو رضاکاره زناکاران ووهل نو تاسي به ترهګر, بنسټپال او سخت دريزه ونومول شئ, بيابه په تاسي رحم ونه شي له سختو بندیزو او کړاوو سره به مخ شئ!

ځيني خلک وایي چې د مسلمانو هیوادونو ډيموکراسي او فردي ازادي په اسلامي حدودو مقيده ده, له اسلام سره ټکر نه لري
مثلاً , په افغانستان کې يې را اخلو;
دلته د اساسي قانون دريمه ماده داسي وايې
"په افغانستان کې هېڅ قانون نشي نافذیدلی چې د اسلام د سپېڅلي دین او په دې اساسي قانون کې د راغلو ارزښتونو، مخالف وي"

دوی په دا ډول (تيرايستونکو) مادو باندي استدلال کوي او وايې چې دا دی هرڅه په اسلامي چوکاټ مقيد دي، هيڅ ناوړه کار ته قانوني جواز نه ورکول کېږي.

خو دوی په څلرويشتمه ماده سترګې پټوي، چې په ټوله نړۍ کې د ډېموکراسۍ له اساساتو ګڼله کېږي ; دغې مادې په ډير صراحت دريمه ماده نقض کړې ده او په ډېره سپینسترګۍ يې د قراني ارشاداتو مخالفت کړی دی.
سودي بانکونو ته قانوني جواز ورکولو هم دغه ماده خوړلې ده.
او داسي نورې هم ډيرې شته چې ذکر کولو ته يې دلته ځای نشته..

که يوڅوک بالفرض په دغو نقضونو سترګې پټې کړي..
بيا يې له بله اړخه څېړو
هغه دا چې اسلام یواځي نفي نه دی بلکي له اثبات او نفي مرکب دی, په دې قانون کې د اسلام د نفي اړخ اخست شوی دی اما د اثبات په اړخ يې پښه ايښودله شوې ده, اسلام الزام لګوي چي 1_ د الهي قانون ضد قوانین به لغو کیږي. 2_ الهي قانون به نافذیږي. دلته دوی یواځي د ضد د لغو کيدو ذکر کړی ده اما د شریعت د نفاذ الزام پکي نشته, په دې سره د اسلام ډیر احکام مهمل پاتي شوي دي چې ورته د اسلام ضد کړنه ویلای شو.
مثلاً اسلام په زاني حد جاري کوي, د شرابو په څښونکي حد جاري کوي, لمونځ او روژه پرېښودونکي ته تعزير ورکوي او داسي نور..
خو ډیموکراسي د فردي ازادي ترعنوان لاندي دغه ټولو ته ازادي ورکوي او دا کارونه هيڅ جرم نه ګڼي..
مثلاً د افغانستان په اساسي قانون کې اوه ویشتمه ماده وايې:
"هېڅ یو عمل جرم نه ګڼل کېږي خو دهغه قانون له مخې چې د جرم تر ارتکاب دمخه نافذ شوی وي"
کله چې د قانون تر نافذ کيدو مخکي هيڅ عمل جرم نه دی, نو د زنا, سود, لمونځ پرېښودلو, روژه خوړلو او… د جرم ګڼلو لپاره قانون چيرته دی؟ !
دلته يې د اسلام د "امر بالمعروف او نهي عن المنکر" همدا راز د "حسبة" څانګې بالکل تړلې دي، هيڅوک د هيڅ چا په شخصي چارو کې (ولي) نه شي ځايولای!

نو ويلای شو چې ډيموکراسۍ ته مثبته عقيده لرل د اسلام په وړاندي د سنګر نيولو معنی ورکوي.
او که څوک ډیموکراسي ته عقيده نه لري خو په عمل کې يې کوي نو فاسق ګڼل کېږي.

خو په کوم ولس چې ډيموکراسي وتپله شي د هغوی ..
ځوانان به زانيان شي..
پېغلانې به يې له واده پرته اولادونه څڅوي..
پاخه به يې سود خواره وي..
%50 ماشومان به يې بې پلاره وي..
لمونځ به د (زړه مې سپين دی) په پلمه پريښودل کېږي..
روژه به د (پهٹان جاڼی رمضان جاڼی) په حواله خوړله کېږي..
کوم پلار چې د خپلې لور د ناروا اړيکو مخه نيسي د ډيموکراټانو له لورې د "امن خونو" په عنوان تيارې لومې جوړې شوې دي , لور به يې هلته ورنه ځي, هوسۍ به ليوه ته پنا وړي..
په اروپا کې د فردي ازادي يوه بېلګه
هغوی په خپلو هيوادونو کې د ارمونو احصائيه کړې ده او نتيجه يې څه داسي ده:
فرانسويانو په کال 2016م کې 60% ارموني توليد کړي وو!
استونيا 56%
سويد 55%
ډنمارک 54%
پرتګال 53%
احصائيه ښيې چې حراميانو په تيرو ديرشو کلونو کې د پام وړ زياتوب کړی دی - ته به وايې ماشيني چرګوړي دي!
د بلجيم حراميان 8% وو, خو ديرش کاله وروسته تقريباً 50% ته ورسيدل!

په اسلامي هيوادونو کې که مسلمانانو هرڅومره په خپل اسلاميت تکيه وکړي اخير انسانان دي, ګنا له هرچا کيدونکې ده, خو د قانون له مخکې ګنا ته ګنا نه ويل، او د ګنا دروازه پرانيستې پرېښودل يا خو مسلمان ارتداد ته رسوي يا يې فاسق ګرزوي.

رب العزت دي ټوله اسلامي نړۍ له ديغې ناولې پدیدې پاته وساتي.

11/03/2020

د کرونا په اړه
اړين معلومات يو ځل يی ضرور ولولی.

دکرونا ويروس د وقايي او مخنيوى لپاره د نړيوال صحى سازمان يا WHO نوى سپارښتونه!
1- د کرونا ويروس د جوړ پوستکى څخه نه سى تيريدلى او تر 10 لسو دقيقو پورى پر پوست يا جلد ژوندي پاته کيږى ،نو که چيرى دستکشى نه لرى مه وار خطا کيږى فقط لاسونه پزى،سترګو او خولى ته مه وړى.
2- د کرونا ويروس پر پاچى (ټوکر) پر سطحه باندى 6-12 ساعته،پر فلزى سطحه باندى12-20 ساعته او پر فولادى سطحه تر 20 ورځو پورى ژوندى پاته کيږى.
3- دا ويروس تر منفى 60- درجى د سانتى ګراد ژوندى پاته کيږى او تر مثبت 30 درجى د سانتى ګراد لوړ حرارت کى له منځه ځي .
4- د کرونا ويروس د ګرمو اوبو او کورنى مينځونکو موادو پواسطه له منځه ځي.
5- لباسونه د لمر د مستقيمو وړانګو او يا مرکز ګرمى پواسطه وچ کړى.
6- په ګرمو او بو حمام وکړى. 7- د سړو اوبو د چښلو او سړى غذا د خوړلو څخه جدأ پر هيز وکړى ګرمى اوبه ،ګرمى چاى او ګرمه قهوه وچښي.
8- ددى ويروس د را ټوليدو ځاى په پزه کى دى، نو پزه په مکرر ډول د ګرمو او بو پواسطه پريولى.
9-که ګرم چښاک ته لاس رسى نه لرى نو ژاولى وژووى تر څو ستونى مو په دوامداره ډول د خولى په مايعاتو مر طوب او پريول سى.
10- د اوسيدلو ځاى مو بايد مناسبه تهويه (د هوا جريان) ولرى. 11- يو بل مهم او حياتى کار دادى چى د ورځي څو څو ځلي د10-15 ثانيو لپاره خپل تنفس ودروى او وروسته بيا سا واخلى که چيرى ټوخى او يا نفس تنګى درته پيښ سو حتما و يو صحى مرکز ته مراجعه وکړى مه پريږدى چى تنفسى ستونځي درته پيدا سى او بيا تاسو شفاخانى ته مراجعه وکړى کيداى سى بيا ناوخته وى .
12- که دکوره بهر کار کوى (په دفتر ،مغازه،دوکان او بل ځاى کى) نو! اول:- يونيم متر 1,5 ميتر فاصله د نورو خلکو سره ولرى. دوهم:- لکه څرنګه چى ددى ويروس وزن دروند دى (400-500 ننومتره) او پر ځمکه لويږى نو ستاسو بوټونه د ويروس يوه منبع ده نو په هيڅ حالت کى بوټونه د اطاق داخل ته مه وړى. 13- د پړنجى په وخت کى تر هغه چى امکان لرى د نورو خلکونه فاصله واخلى او هر شى چى مو په لاس درسى(دسمال ،کاغذ ،خپل لاس او بازو) پواسطه خپل پزه او خوله تر څو ثانيو پټه کړى ترڅو د پزى او خولى افرازات جذب سى او په محيط کى خپاره نه سى. 14-دا ويروس د کلک والى له سببه د هر ماسک پواسطه راګرځي يعنى هر ډول ماسک ددى ويروس مخنيوى کوى که هغه( پارچه يي؛ويبريلى،دسمال او کاغذى) وى ټول يي په ککړ محيط کى ساتونکى تماميږى په شرط ددى چى ماسک بايد وچ اوسى او دوامداره بايد تبديل سى.
15- لازمه نه ده چى ټول هغه لباسونه کوم چى موږ يي اغوندو پريولل سى بلکه حرارت او د لمرمستقيمو وړانګو ته ايښودل هغه پاکوى. 16- وروسته تر هغه چى لاسونه په انتي سيپتيکو يا الکولو ووهى او بيا و ميکروبى ساحى ته نه ځي نو لاسونه په مر طوب کونکى کريم يا واسلينو ووهى تر څو د جلدى ناروغيو څخه په امن کى سى. مننه ستاسو د ښه صحت په هيله ډاکتر احمد ضيا (حيات)

29/01/2020

د فلسطین لپاره د ټرمپ عجیبه طرحه

ليکوال : قاري سعید

د مسئلې سوابق

په ۱۹۴۷ م کال کې چې د ملل متحد تر نظارت لاندې فلسطین تقسیم شو، د دې هیواد ۵۷ فیصده یهودو او ۴۳ فیصده مسلمانانو ته ورکړل شوی و. خو یهود چې تر دې یې هم زیاته برخه غوښته د نړیوالو زبرځواکونو په ملاتړ یې جګړو او اغتشاش ته مخه کړه، د ملل متحد استازی کونت برنادوت چې د تقسیم د عملي کولو لپاره فلسطین ته راغلی و یهودي جنګیالیو وواژه او د نقب د صحرا په شمول ډيرې سیمې چې د تقسیم له مخې د مسلمانانو حق وې په زور یې لاندې کړې، مسلمانان یې په ختیځ کې د اردن سیند لویدیځې غاړه او په لویدیځ کې د غزې تړانګې ته په تګ مجبور کړل.

د اسرائیلو لخوا د اسلامي ځمکو د اشغال دوهمه مرحله د ۱۹۶۷ جنګ و، اسرائیلو د امریکا په ملاتړ په دې جنګ کې د مسلمانانو ټولې سیمې اشغال کړې او د لویدیځې او غزې مکمل کنترول یې په لاس کې واخیست. اسرائیلو حتی د سوریې ګولان او د مصر سینا هم اشغال کړه چې بیا یې په ۱۹۷۸م کال کې د کمپ ډیویډ تړون نه وروسته کله چې مصر اسرائیل په رسمیت وپيژندل سینا یې بیرته مصر ته وسپارله. اما د فلسطیني ځمکو واک له اسرائیلو سره و او په دې سیمو کې یې د اسرائیلو وګړو اسکان او د ښارګوټو جوړول پيل کړل.

په ۱۹۹۳م کال کې چې د امریکایي ولسمشر بل کلنټن په منځګړیتوب د یاسر عرفات اواسرائیلي مشر اسحاق رابین تر منځ د اوسلو توافق وشو، له مخې یې فلسطینیانو ته په غزه او لویدیځه غاړه کې د خپلواکو تشکیلاتو د جوړولو اجازه ورکړل شو، خو اسرائیل له دغو غصب شویو سیمو ونه وتل، د شهرک سازۍ پروژو ته یې دوام ورکړ ، د لویدیځې غاړې ۶۰ فیصده خاوره او د غزې دیرش فیصده خاوره یې تر خپل کنترول لاندې وساتله او سلګونه اسرائیلي ښارګوټي او کلي یې ورباندې ودان کړل. د لویدیځې غاړه په ختیځ کې اردن دره چې له بهر نړۍ سره د لویدیځې غاړې د ارتباط یوازینۍ لاره ده اسرائیلو تر واک لاندې وساتله، دغه راز یې په شرقي بیت المقدس ښار چې مقدس مقامات په کې دي او دتقسیم له مخې د مسلمانانو سیمه ده اسرائیلو ورباندې خپل اشغال ته دوام ورکړ.

اوسنی حالت او د ټرمپ له طرحې د اسرائیلو موخې

اسرائیل چې د ملل متحد د تقسیم له مخې د فلسطین ۵۷ فیصده خاوره ورکړل شوې وه اوس یې ۸۵ فیصده خاوره تر واک لاندې ده، مسلمانانو ته یوازې ۱۵ فیصده خاوره ورپاته ده. چې د لویدیځې غاړې او غزې ځینې برخې دي. اسرائیلو په لویدیځه غاړه کې د فلسطینیانو په ځمکو شاوخوا څلور نیم سوه کلي او ښارګوټي جوړ کړي چې شپږ لکه یهود په کې میشت دي. خو په دې سیمه کې د یهودو او مسلمانانو کلي سره تېر او بېر ګډوډ پراته دي. اسرائیل غواړي دغه نقشه اصلاح کړي، بنیامین نتانیاهو ویلي چې د ټرمپ د طرحې له مخې به په لویديځه غاړه کې د مسلمانانو ټولې سیمې په یوه ټوټه بدلې شي همدا ډول به داسرائیلو ټولې سیمې سره متصلې شي. په دې ډول اسرائیل کولای شي د خپلو سیمو امنیت ښه وساتي.

اسرائیل غواړي د لویدیځې غاړې په شرق کې د ( اردن درې) په مکمل خپلولو سره لویدیځه غاړه هم د غزې په شان مکمله محاصره کړي تر څو دې سیمې ته له اردن او نورې نړۍ وسلې ونه رسیږي.

غزه که څه هم اسرائیلو محاصره کړې، مګر هلته د حماس اسلامي تنظیم شته چې مسلح تشکیلات لري، د ټرمپ د طرحې یو شرط دا دی چې غزه به تلاشي کیږي، حماس او جهاد اسلامي ډلې به خلع سلاح او نظامي تشکیلات به لغو کوي. اسرائیل غواړي د غزې له اړخه له توغندیزو بریدونو هم ځان په امن کړي. د دې طرحې بل شرط دا دی چې راتلونکی فلسطیني حکومت به اسرائیلي دولت په رسمیت پيژني، بیت المقدس به د اسرائیلو رسمي پایتخت وي. له دې طرحې د ټرمپ موخه د اسرائیلو د موقف نوره تقویه او بل دا چې نوموړی غواړي د امریکایي ولسمشرانو، ترومن، جیمي کارتر او بل کلنټن په شان ځان ته تاریخي نوم وګټي. چې لومړني یې تر ټولو مخکې اسرائیلي دولت په رسمیت وپيژاند، دوهم یې د کمپ ډیويد په توافق سره اسرائیلي دولت په مصر او اردن ومانه او دریم یې د مادرید او اوسلوکانفرانسونو په تدویر سره د عرب مشرانو هغه تعهد مات کړ چې په ۱۹۶۷ کې یې د خرطوم په کانفرانس کې له اسرائیلو سره د تفاهم نه کولو په اړه کړی و.

د ټرمپ په طرحه کې څه دي؟

د پيړۍ د معاملې په نوم د فلسطیني موضوع د حل په اړه تر اوسه د ټرمپ طرحه رسما نه ده اعلان شوي، اما د بي بي سي فارسي په استناد یې ځینې جزئیات په لاندې ډول دي.

ــ د فلسطینیانو لپاره به په اوسنیو ورپاته ځمکو د فلسطین په نوم هیواد جوړیږي او اسرائیلي دولت به یې په رسمیت پیژني. فلسطینیان به په مکمل ډول مسلح فعالیت پريږدي، حماس او جهاد اسلامي ډلې به له جنګه لاس اخلي او غزه به خلع سلاح کیږي.

ــ بیت المقدس به مکمل د اسرائیلو برخه او پایتخت وي او فلسطیني دولت به یې په رسمیت پیژني، د بیت المقدس له ښاره بهر ختیځ اړخ ته به فلسطینینانو ته ځمکه ورکول کیږي تر څو په کې خپل پایتخت جوړ کړي.

ــ مقدس مقامات په خاص ډول مسجد اقصی به مکمل د اسرائیلو په واک کې وي.

ــ اسرائیل به د لویديځې غاړې د نیول شویو ځمکو اشغال ته دوام ورکوي او دا به د اسرائیلو د خاورې برخه ګڼل کیږي، یوازې د ځمکې په بدل کې د ځمکې په ورکړه سره اصلاحات راتلای شي تر څو د مسلمانانو خاوره سره متصله او یوه ټوټه شي.

ــ شرقي سرحد په خاص ډول د اردن سیند په غاړه غور الاردن ( اردن دره) به مکمله د اسرائیلو برخه ګرځي، د دې خبرې معنی دا ده چې فلسطیني دولت به له بهر نړۍ ره هیڅ پوله نه لري او د اسرائیلي دولت په خیټه کې به پروت وي.

ــ اسرائیلو چې کوم ښارونه او سیمې اشغال کړې، د هغو مهاجر وګړي که بیرته راځي یوازې فلسطیني سیمو ته راتلای شي خپلو اصلي سیموته ځکه نه شي راتلای چې هغه سیمې اوس د اسرائیلي دولت برخه دي.

ــ که فلسطینیان دا طرحه ومني امریکا به له فلسطیني حکومت سره ۵۰ میلیارده ډالره نقدي مرسته کوي( د بیت المقدس نقدي بیه) امریکا به په خپلو مرستو فلسطیني دولت په پښو دروي، په لس کاله کې به یو میلیون دندې ورته پیدا کوي خو په دې شرط چې فلسطیني دولت به امریکایي مرستې په شفاف ډول استعمالوي او د اداري فساد مخه به نیسي.

د یادونې وړ ده چې ډونالډ ټرمپ هم د دې طرحې اړوند یوه نقشه خپره کړې چې تر ډیره لوړ یاد شوی جزئیات تائیدوي. د ټرمپ طرح حتی ډيری امریکایي سیاستوالو هم مسخره بللې ده، د کانګریس دموکراتو استازو ویلي چې د سولې په طرحه کې باید د منازعې دواړه اړخونه موجود وي، اما د ټرمپ په طرحه کې یوازي اسرائیلي اړخ شتون لري، نو ځکه دا طرحه د سولې نه بلکې د منازعې د شدت طرحه ده.

ټرمپ په داسې حال کې دغه طرحه اعلان کړې چې فلسطینیان د هر وخت په نسبت په کمزوري موقف کې دي، مسلمانان ویشل شوي او عرب مشران دومره ذلیل شوي چې عمان، متحده عرب امارات او بحرین د ټرمپ د طرحې د افتتاح مراسمو ته خپل سفیران ورلیږي. ټرمپ چې په راتلونکو ټاکنو کې د بریا لپاره د یهودي لابۍ مالي او تبلیغاتي ملاتړ ته اړتیا لري، غواړي د دې طرحې په اعلان سره په یوه ډز څو ښکاره وکړي. په یوه جمله کې ویلای شو چې د طرحې معنی د ابد لپاره د فلسطین محو کول او په ټوله خاوره یې اسرائیلو ته مستقیم یا غیرمستقیم واک ورکول دي او بس.

25/01/2020

نویسنده: احمـــد (عــــارفی)

👈 ﴿لفظ دیوث در حدیث مبارک﴾:

آیا میدانستید که دیوث در احادیث مبارک برای مردانِ بی غیرت اطلاق شده است؟

ثَلَاثَةٌ قَدْ حَرَّمَ اللَّهُ عَلَیْهِمْ الْجَنَّةَ مُدْمِنُ الْخَمْرِ وَالْعَاقُّ وَالدَّیُّوثُ الَّذِی یُقِرُّ فِی أَهْلِهِ الْخَبَثَ (احمد ۵۳۴۹)

★ سه کس هستند که الله تعالی بهشت را بر آنها حرام گردانیده است:

﴿شرابخوار، و کسی که نافرمانی والدینش میکند، و دیوثی که بر پلیدی زنش راضی میشود﴾.

رسول کریم صلی الله علیه وسلم در مور دیوث ها می فرماید:

«لا یدخل الجنة ‏دیوث».

★ شخص دیوث هرگز به بهشت وارد نخواهد شد.

پرسیدند: ای رسول خدا! دیوث چه کسی است؟ و ایشان جواب داد: ‏‏

«الذی لا یغار علی محارمه»

★ کسی که در مورد محارم خود غیرت ‏نمی ورزد.

آری، آنانی که در مقابل ناموس شان غیرت نمیکنند و پروای چشم چرانی مردانِ بوالهوس را که از سر تا پا، چشم های گرگ صفت شان را بر محاسنِ دختران، خواهران و زنان شان میخ کرده اند، ندارند.

بدون شک که بد حجابی زن از بی غیرتی مرد است.

یک مرد با غیرت محاسنِ خواهر و ناموسش را از چشم گرگان محافظت میکند. ولی مردان بی غیرت، همه زنده جانها را به تماشای محاسن ناموس های شان دعوت میکنند.

حتی دیدن و نگاه کردن به ناموس مردم در تمام ادیان فعلی زشت است.

هندو ها، سِیک ها، پروتستانت ها، کاتولیک ها، آرتودکس ها، و حتی یهود و زرتشتیان رو سری بر سر میکنند.

شرم و ننگت باد که غیرتِ هندو و سِیک و آرتودکس ها از تو بر تر است.

حجاب فرض عین است و حفظ حجاب، حفظ نوامیس اسلام و خانواده ی مسلمان است.

هر کسی در مقابل اوامر الهی بایستد، خوار و ذلیل میشود. و ذات غیور، آن یکی را که خودش را مسلمان میگوید، و در مقابل نوامیس الهی و دینی غیرت نمیکند، در این دنیا، در قبر و عالَمِ برزخ، و بالاخره در آخرت، خوار و ذلیلش میکند.

این سنت الهی است و بخاطر داشته باشید که الله سبحانه و تعالی سنتش را تغییر نمیدهد، چون ذات غیورِ مقتدرِ احدِ صمد است، و در سنتِ او تغییری نمی آید.

خوار و ذلیل باد سیکولار هائی چاپلوس، پله بین و درباری که بنام عالِمِ دین بر کرسی های وزارت حج و اوقاف، با تلبیسِ ابلیس در مقابل غیرتِ الهی بی غیرتی میکنید.

ان شاء الله تعالی چهره های شما مسخ، مرگ های شما قبیح، قبر های شما تنگ و تاریک، و برزخ شما نیز مالامال از آتشی باد که غیرت میکند و فرمان خالقش را با تعظیم حمل میکند.

سختم آيد که به هر ديده تو را می نگرند
سعديا غيرتت آمد نه عجب سعد غيور

20/12/2019

دوهمه برخه

هغه ګړندي آسونه میدان ته را ووتل چې د عربو له صحرا به د توندې سېلۍ په څېر راښکاره او په ګردونو کې به ورک شول بیا به یا د سند پر دروازو ولاړ ول یا به یې د چین دروازې ټکولې او یا به یې د افريقې دښتې وهلې د بغداد لمر او د دجلې سیند د اتلس زره سر ښندونکو ځوانانو د پوځ جلوس لیده، چې د غیرت او عزت د ازادۍ په تکل یې ځمکه او اسمان په تکبيرونو لړزاوو، د دې سپېڅلې ځمکې مخ بیا د هغو آسونو پښې ښکلولې چې د عصمت او عزت ساتلو په تکل یې مزلونه لنډول، د برېښنا په څېر ګړندي آسونه د عموریه کلا په درشل ودرېدل او ډېر ژر یې د عموريه کلا د ظلم ځنځيرونه مات کړل او د بري بیرغونه یې پرې ورپول.
معتصم د کلا په درشل کې په برګ اس سپور د ازادۍ له زيري سره خپلې مظلومې خور ته ولاړ و او دا مظلومه خور یې هغه ځای ته راوستله چې کافر په څپېړه وهلې وه، وروسته معتصم ورته وويل! آیا معتصم ستا فریاد ته لبیک ووایه او که نه؟
آیا ستا مرستې ته را ورسېد او که نه؟
هغې د شکرانې اوښکې د ګرېوان په لور بدرګه کولې او په ګرمو اوښکو یې له معتصم څخه مننه کوله، معتصم هغه کافر راوست چې دا مسلمانه یې ځوروله، او له خپل ټول مال سره یې د دې ښځې غلام وګرځاوه، ورته يې وويل چې موږ د خپلو خويندو فرياد ته داسې لبیک وايو، کافر ته هغه وخت پته ولګېده چې د هغه معتصم په مخکې ولاړ و چې د وا معتصما چیغې له سلګونه ميليونه لرې دلته د برېښنا په څېر را رسولی و، اوس یې پر دې سر خلاص شوی و چې دا هغه قوم ده چې د يوې غریبې او مظلومې ښځې لپاره خپل سرونه شیندي او د هغوی د عزت ساتلو لپاره سترې پاچاهۍ تر پښو لاندې کوي، د يوې ښځې فریاد دوی دومره په جوش او جذبه کې راولي چې هر يو تر بل مرګ ته ور مخکې کېږي او مرګ ته خاندي، په رښتيا دا هغه قوم دی چې خپلو ښځو او لوڼو ته یې داسې عزت او ازادي ورکړې ده چې يو قانون هم نده ورکړې، خپلې ښځې یې د نړۍ په ښځو کې سر لوړې کړې او دا فریاد چې دې مسلمانې خور معتصم ته کړی دی تر ننه‌ پورې د هغو خويندو په خوله جاري ده چې د کفر او جبر په منګولو کې زنداني دي، هغوی د وا معتصما! او وا محمدا! نارې وهي او د وخت معتصم بالله او محمد بن قاسم ته خپل مظلومیت د وا معتصما! او وا محمدا! په کلیمه کې بیانوي چې د وخت هر يوه ځوان ته خطاب ده، اوس راځو د هغو خويندو حال ته چې په ننني دور کې ورسره هغسې ظلمونه کېږي او د وا معتصما! چیغې وهي.

20/12/2019

وا معتصما!!!

لومړۍ برخه

د عباسي خليفه معتصم بالله په وخت کې رومیانو پر يوه سرحد باندې حمله وکړه د عموریه کلا یې چې ونيوله، نو کفارو يوه مسلمانه تور سرې له ځان سره بوتله او د خپل وحشیانه کردار له مخې یې دې مظلومې ته تعذیب او ډول ډول تکلیفونه ورکړل، نو مسلمانه مېرمن مجبوره شوه چې خپل غیرتي قوم ته فرياد وکړي، څو هغه لاسونه غوڅ کړي چې د دې د حیا او عفت لمن یې شکولې ده، کله چې يوه وحشي کافر دې مظلومې ته په مخ څپېړه ورکړه، نو د دې له خولې نه بې اختیاره هغه تاريخي او زړه لړزونکې چیغه ووته چې زرګونه ځوانان یې د غفلت له خوبه را پاڅول او تر ننه یې د دې په څېر مظلومې او معصومې نجونې خپلو غیرتي وروڼو ته وهي، د دې مظلومې تور سرې له خولې د وا معتصما! چیغه ووته او وې ويل چې اې معتصمه ته چېرته یې، ستا پر بې وسه خور څه روان دي، کافر په خندا او تمسخر ورته وايي، چې اوهو معتصم چېرې دی!
هغه به اوس په برګ اس سپور ستا مرستې ته راورسیږي هغه په سلګونه ميليونه لرې دی او ستا فریاد نه اوري، دا فریاد او خبرې یوه مسلمان واورېدې او د دیني جذبې له لوري سمدلاسه د معتصم دربار ته راغی او د بغداد زړور بچي ته يې د دې مظلومې تور سرې فریاد ورساوه.
معتصم بالله چې د عربۍ مور شيدې رودلې وې او د يوه غیرتي پلار وينه یې په رګونو کې چلېده ډېر په غیرت په جوش او جذبه يې د خپلې مسلمانې خور فریاد ته لبیک ووایه او قسم یې وکړ چې دا مظلومه به د دې وحشي کفارو له پنجو ازادوي.
خپل غیرتي پوځ ته يې د تيارسئ امر وکړ، د ده له امر سره یو ځل بیا هغه تورې وپړکېدې چې پخوا یې هم د ظلم ځنځيرونه شکولي و، له شعارونو او جذباتو سره هغه تورې هم له تېکو راووتې چې د مسلمانانو د برم او عروج داستانونه پرې ليکلي و.

دوام لري......

20/12/2019

ټولپوښتنه:

"طیار" د کوم صحابي مبارک لقب وو؛ او ولې ورته طیار وایي؟

19/12/2019

شپږمه برخه

د بشريت په بڼ کې د عدل مساوات او برابرۍ ګلونه غوړېدل، کله چې محمد بن قاسم (هغه ستر غازي چې د ژوند په پړاونو کې یې د ماتې نوم نه پېژانده ) د سند له فتحې څخه خلاص شو نو هندوستان ته یې د تلو تکل وکړ خو له بده مرغه د وخت خلیفه وليد بن عبدالملک وفات شو، او سلیمان بن عبدالملک د خلافت پر ګدۍ کېناست، حجاج بن يوسف هم اوس ژوندی نه و، سلېمان چې مخکې له ده سره مخالفت درلود، نو د ده انتقام یې له محمد بن قاسم څخه واخیست، ده محمد بن قاسم ته د یزید بن ابي کبشه په لاس لیک لېږلی و، چې د امیرالمؤمنین سلیمان بن عبدالملک امر دی چې د پوځ مشري یزید بن ابي کبشه ته وسپاري او د ده په اطاعت زولنې په لاس د خلافت دربار ته حاضر شي، یزید بن ابي کبشه چې کله سند ته ورسېد له سپاهیانو یې وغوښتل چې له محمد بن قاسم سره وګوري او د خلیفه ضروري پېغام ورته واوروي کله چې دی د محمد بن قاسم د خوب خونې ته ورننوت ګوري چې دا د غیرت، شجاعت او معصومیت مجسمه د خوب په نړۍ کې ده او پر شونډو یې فاتحانه او ماشومه معصومه مُسکا خپره ده، یزید چې ورته ځیر شو په سترګو کې یې اوښکې راغلې، زه څنګه داسې لوی انسان د خلیفه دربار ته ولېږم، بېرته له کوټې را ووت، سهار چې کله ورغی لیک یې ورښکاره کړ هغه ډېر بې پروا وويل چې د خلیفه امر دی زه په لاسو کې د زولنو اچولو ته تیار یم، یزید ورته کړه هېڅکله نه! ته به د خلیفه دربار ته نه ځې! ځکه د هغه په څنګ کې خاینان دي او تاته یې ارادې ښې نه دي، ده ټینګار کاوه چې خامخا به د خلیفه امر مني کله چې دی د خلیفه له سپاهیانو سره روانېده نو د سند د لښکر قومندان را وړاندې شو چې د تلو سبب وپوښتي، چې پوه شوه نو محمد بن قاسم ته یې وويل: ته مه ځه ته د سند خلکو ته امر وکړه د دمشق د خلافت د دربار لوټې به سند ته درته راوړي موږ ستا ملاتړي يو، ده ورته وويل زه هېڅکله داسې نشم کولی چې مسلمانان په خپل منځ کې سره ټکر شي، کله چې د سند خلک خبر شول ټول لارو کوڅو ته راووتل په چغو چغو یې ژړل، د ځوانانو، سپین ږیرو، نجونو او ښځو قطارونه ورته ولاړ و او ده ورسره مخه ښه کوله د ټولو په سترګو کې اوښکې وې او داسې احساس یې کاوه لکه د هر چا ډېر نږدې خپلوان چې جدا کیږي، محمد بن قاسم دمشق ته ورسېد، او د خلیفه په امر د صالح په لاس په واسط ښار کې اعدام شو، دا د غیرت او شجاعت لمر ولوېد.
(زموږ مطلب محمد بن قاسم او ناهیده و چې محمد بن قاسم په ناهيد باندې غیرت وکړ).

دا برخه پای ته ورسېده له دې وروسته به د ( وا معتصما ) دردونکې برخه پيليږي.

Address

Kabul University
Kabul

Telephone

+93787164507

Website

facebook.com

Alerts

Be the first to know and let us send you an email when صدای بیداری / د ویښی غږ posts news and promotions. Your email address will not be used for any other purpose, and you can unsubscribe at any time.