Pearl Press Media

24/09/2023

ATTENTION AUTHORS!!!
We are pleased to announce the return of MEGA DISCOUNT... you print 5 coppies of your book and get 2 FREE copies.

Hurry Hurry Hurry!!!

You can only get this from Pearl Press Media.

05/09/2023

Just print 5 copies and you get 2 copies of the same book free of charge

09/05/2023

PROMOTION PROMOTION!!!🥁🥁🥁

I have good news today. Pearl Press Media is running a promotion until 31 May 2023. We are giving out TWO FREE COPIES for every Five books printed. Isn't that awesome? Just order some with us and get your two free copies. For more information please contact us on 0775101750 or 0719452102

14/02/2023

This one is for them that want to publish their written works, hit our inbox and let's roll our sleeves up and start the work.

19/05/2022

One of our clients Grettelle launched her book on Saturday. It was a successful book launch. .

25/04/2022

HOW TO GET YOUR BOOK ON AMAZON

In our Publishing business, one of the things we desire is seeing our clients, the authors, have as much control of their books as possible.

I have created this post because of the question our clients have asked us the most, "Do you also publish books on Amazon?"

Most of these authors would be expecting us to offer this service to them but knowing how easy one can upload his/her book on Amazon, it would do them a lot of good to do it themselves.

I am going to lay down simple steps you need to take to upload and have your book available on Amazon.

Post by
Pearl Press Media
Facebook: Pearl Press Media
WhatsApp: +263 775 101 750; | +263 777 031 230

19/04/2022

Contact us for book publishing services. Editing, Typesetting, Cover Design, ISBN, Printing and many more...

16/04/2022

Contact us

13/04/2022

Talk to us for a free quote

21/01/2022

Talk to us and we will design a very beautiful cover design for your book.

19/01/2022

There's nothing satisfying more than having a look at you well published manuscript. A book with a well designed cover page, well typeset, edited by the best and on top of that, printed at Pearl Press Media. Visit us or contact us on 0775101750.

18/01/2022

Don't just keep your unpublished books in your phone or PC. Give us a call on 0775101750 and we will help you get them published.

15/01/2022

Some benefits of Self Publishing include:

Having 100% total rights to your work
You're able to work closely with the service provider and air your views on the project
All the profits belong to the author when the books are sold.
All these are just for a small fee but in return you'll be getting an excellent service.

19/10/2021

Proud to work on the cover of this masterpiece 👏👏

24/09/2021

22/09/2021

23/05/2021

22/05/2021

We're very glad to be part of the team that worked on the design of this album art project for Munyaradzi Soka Welarynx. The song is coming out very very soon.

Ichi ndechemashefu ega ega ichi👐👐

18/05/2021

Of the 2 songs that we're releasing next month, ladies and gentlemen, this is for you

08/05/2021

Dzakuda kutopera nyaya dzacho

12/10/2020

Ko Zhanje chaakanga atumirwa nhume yamambo ingava nyaya yei? Mambo vainyanyodei kumukomana uyu? Kuti munzwe kutapira kwerungano urwu muzvitsauko zviri mberi batai munyori wedu panumber dzinoti 0717 834 434 kana kuti 0784 429 359

10/10/2020

MUBUTIRO REMHUTE

CHITSAUKO 4

Mbiri yaZhanje yekurwisana negarwe kusvika pakuriuraya yakatekeshera matunhu ose emunyika yashe Rukamabaire nekumativi mana ose enyika. Munharaunda yaaigara nematunhu akapoteredzana hapana akange asisamuzivi. Akange ozivikanwa nevanhu vose kubva kuvadiki kusvika kuharahwa nechembere. Mushure mekunge vanzwa nezvemujaya akange aratidza hushingi nehumhare pakurwisana nechikara chemumvura, Mambo Rukambaire vakatuma nhume kumusha kwana Zhanje kuti auye kumuzinda kwamambo. Nhume iyi yakasvika pamusha paVaGotora ruri rungwananingwanani uri musi wesvondo. Yakasvikowana VaGotora vari padare pavo vachipfura zvavo simbi dzavo. Imbwa dzaZhanje mbiri Mahuyanikwa naHukudzambwa dzakatanga kuhukura mushure mekunge dzanzwa izwi remunhu aishevedzera ari nechekure kwemusha. ''Tisvikewo pano mhanduwe! Gogogoi vashe vangu,'' Bonderai uyo aive nhume yakange yabva kuna mambo akashevedzera nezwi gobvu raka shoshomera. Akaita seari kurova bembera akamira padurunhuru. VaGotora vakamboiti zii vachida kunyatsoteerera kuti munhu ainge achishevedzera nechekunze kwemisha aiti chii chaizvo? Bonderai akange angosvika chimhukutira, neizvozvo varidzi vemusha vakange vaitwa zvekufutwa. VaGotora vakazoshevedzera kuna Zhanje kuti abate imbwa dzake kuitira kuti dzipe mukana muyenzi ainge achisvika mumusha Zhanje akabuda mugota make achiita zvekuzvuva makumbo, meso ake akange achiri akaputirwa nemazikope eguti. Akapukuta pukuta maziso ake kuti adzinge hope kumeso kwake. Akaridza mheterwa kamwechete imbwa dzake mahuyanikwa naHukudzambwa ndokubva dzapeta miswe chiriporipo. Dzakakotamisa huso hwadzo ndobva dzanorara mugudzururu mehozi. ''Svika zvako muchinda. Kunze kwachena," akashevedera Zhanje achitaura naBonderai kuti asvike pamusha. Akabva adzokera mugota make kunokandazve matama pasi kuti apedzise hope dzake dzakange dzagurirwa panzira paakange ashevedzwa nababa vake kuti adzinge imbwa dzake dzakange dzichihukura muyenzi. Asika papi pacho paange achadzokera akabatwazve nehope iye akange atombomuka kare uye kunze kwakange kwachena? Uku kwakange kwangove kuita kweashaya, kutsvaga uta nemugate. Bonderai akapinda mumusha maVa Gotora zvinyoronyoro ndokubva angonanga kudare kwaive nasamusha. Akasvika padare ndokunzi agare pachidanda chaivepo. Vaviri vakakwazisana mushure mezvo Bonderai akazivisa kuna vaGotora kuti aive ani, aibvepi uye akange afambirei. ''Vakuru vangu ini ndinoitwa Bonderai, ndiri nhume yabva kwamambo Rukambaire,'' akadaro Bonderai. ''Heya nhai? Kwakanaka here mambo kwava kutuma kuno muchinda?" Vakabvunza VaGotora. ''Hongu kutsvene baba. Hakuna kana chimwe chete chakaipa zvacho. Ose machena." “Hooo nhai? Zvanzi chiiko namambo?'' Vakabvunza VaGotora. Bonderai akambotura befu ndokuzoenderera zvake mberi achitaura. ''Mambo vari kuda kuti jaya renyu Zhanje risvike kumuzinda. Pane matama maviri matatu avari kuda kukurukura naye.” "Zvakanaka muchinda,Zhanje ndiyeye anga akamira paGota pake apo anga achikutandira imbwa.Rega ndimuzivise kuti uri muyenzi wake."Vakadaro VaGotora vachisimuka vakananga kuimba yaZhanje yekurara.

09/10/2020

MUBUTIRO REMHUTE

CHITSAUKO 4

Hapana kupera makore maviri kubva musi waitirwa Zhanje bira rehuhombarume hwake apo vasekuru vake VaGunguwo vakabva vashaya. Sezvo makore avo okuberekwa akange afamba,ruzhinji rwevanhu haruna kukanuka nerufu rwaVaGunguwo. Havana kumbopedza mwaka yakawanda vakarara panhowo vachirwara . Kwakange kwava kusakara kwaro dowo serisakambodyiwa nyama. Vakangoita svondo mbiri vachiti musoro musoro. Pasvondo retatu vakange vasungwa shaya vasisataure. Divi ravo rese reruboshwe kubva kumusoro kusvika kumakumbo rakange raoma mitezo. Havana kuzomboita mazuva ndiye ramabika sarai mudye. Zhanje akange ave nemakore gumi nemana pakashaya sekuru vake. Panguva iyoyo akange atove hombarume yakakwana kuburikidza nemhuka dzaaiuya nadzo kubva kwavainovhima nevamwe vakomana vezera rake. Paakazorwisana negarwe akariuraya murwizi Munwahuku ave nemakore gumi nemanomwe ekuberekwa,Zhanje akange otopinda mumasango aiyera pamwechete nevamwe vavhimi vakange vatove anasaimba kare. Aiti pose paainodzoka kubva kunovhima aibva akaremerwa nenyama yemhuka. Achisvika pamusha, amai vake VaMatirozva vaimutambira vachidzana nekupururudza vachidetamba vachiti; Maita mwoyo! Titambire vahombarume Titambire baba Mwoyo yangu yiyi Maita vadyegora vadye mangava Mangwana rinokudyawo Maita vari Shangure Varere Muzarabani Vari Dzimbahwe Vene venyika Varozvi vakapera nendaa Maita vari Dombotombo Maita vahombarume,vadzimba Mwoyo yangu yiyi. Ngazvirambe zvakadaro namangwana! Maita moyo yangu yiyi Vahombarume Vachengeti vemhuri Maita baba! Paainge achidetemberwa kudai, Zhanje aibva amera mapapiro, ndiye zenze tuku obva aita manyawi. Aibva anyemwerera mwoyo wake wobva wazara nemufaro mukuru. Izvi zvaibva zvamupa shungu nesimba rekuda kuita zvakapfuura zvaaive aita. Zhanje aiti kana ovhima aiita semunhu asvikirwa. Ko zvaigozivikanwa nani? Pamwe aitosvikirwa. Pane mazwi aaitaura paaive achivhima. Wainzwa oti; "Mwana waGotora! Ndoita chapa chapa ini! Zha, zhu, zhi Yave nyama yekugocha!'' Ipapo mhuka dzaiita murakatira dzichidonha pasi. Panenge pabatwa basa. Ana hombarume vanenge vaita zvinorova. Pakukura kwake achiyaruka Zhanje akange ashamwaridzana nevakomana vatatu vezera rake vaiti Tamanikwa, Pariwa naTichaenda. Kunyangwe vakomana ava vaitamba pamwe nekuita mabasa akasiyana siyana vari vese, Zhanje aiwanzofarira kutamba naPariwa, ndiye aive shamwari yake yepamwoyo. Pariwa naZhanje vakange vasina kunyanya kusiyana pakuzvarwa kwavo. Vaive vazvarwa gore rimwe chete asi Pariwa aive mudiki kuna Zhanje nemwedzi miviri chete. Kwaizotiwo uyu Tamanikwa ndiye aive mukuru kwavari vose. Aive mukuru kuna Zhanje naPariwa negore rese. Kuna Tichaenda Tamanikwa aive mukuru nemakore maviri. Tamanikwa naTichaenda vaive mukoma nemunini'na, buda ndibudewo, baba vamwe chete amai vamwechete. Vakomana ava vaiwanzoti zvavo kana vasiri kuvhima musango kana kuraura hove vaifarira kutamba mitambo yakasiyana siyana vachizvivaraidza zvavo. Mitambo yaiwanzotambwa nevakomana ava yaisanganisira horikotyo, hwishu nekutuhwina munzizi. Muchirimo ndomavaita chihwandehwande, chisweru pamwe nekuridza ngoma, kuimba nekutamba papfonda. Misha yanaZhanje neyanaPariwa yaive yakabatana. Vaive vari vavakidzani. Mumwe musi Zhanje akati apedza kudya kwemasikati, akafunga kuenda kumba kweshamwari yake Pariwa kuti vapinde musango vambonotanha michero. Akati achingoti vhu kusvika pachivanze panaPariwa, Zhanje akasvika shamwari yake ichikwatisa kakari kadiki kaive nehurimbo hwekuzoteyesa shiri. Amai vaPariwa vaive mubishi rekusuka mudziyo yavo yavakange vabikira kudya kwavo kwavaive vadya masikati iwayo. Uyuwo Ndarukwa chinini'na chaPariwa chaive nemakore masere ekuberekwa, chaive chichiseredzera zvacho chiri mumba yekubikira. Chakange chaguta zvacho sadza rezviyo nerupiza. Chikomana chakati zvacho gumbo uko rimwe uko ndokurara zvacho nemanhede. Chakatanga kuridza dumbu racho raiita kunge chimimbamutashu ndokuridandaura zvacho saTagutapadare. Chakatanga zvacho kuimba chikomana chakarara nemanhede kudaro; "Uku ndokunonzi kuguta uku, Uku kauku! Chigutiro kutamba wakaguta! Chigutiro kutamba wakaguta Hukamaiko, Hunenge husahwira Chigutiro, Tamba wakaguta Ndokunonzi kuguta uku! Ukuka uku!" Ichokwadi kuti mwana wehuku anoguta ndiye aripo. Kana iri nherera inotoguta chete musi wafa amai vayo "Masikati amai,’ akadaro zvake Zhanje achikwazisa amai vaPariwa. ''Masikati mwanangu Zhanje, waswera sei?'' "Ndaswera zvangu maswerawo amai?'' ''Ndaswera zvangu mwanangu, vaswera sei anaamai nababa kumba?'' vakabvunza amai vaPariwa vachikwesha hadyana yavo nedota kuti vazoidira mvura kuti ichene. ''Vamboswera zvavo. Aripo here Pariwa pano amai?'' akabvunza zhanje sezvo akange asati aona kuti mumwe wake aivepi ''Hongu aripo mumwe wako mwanangu. Ariko kudare kwavo uko kwaari kubika hurimbo hwake," vakapindura VaMandinema amai vaPariwa. ''Zvakanakai amai, regai ndisvike padare ipapo ndimuone,'' Akadaro Zhanje atonanga nzira yaienda padare revarume remusha wana Pariwa. Musha wega wega waive nevanhurume nevanakomana waive nedare rawo. Padare apa ndipo paiitwa chipi nechipi zvacho chaitwa nemwanakomana wese kana munhurume wese chaive nechekuita netsika nemagariro avo. Padare ndipo paikangirwa mhandire nevakomana. Ndipowo pavaikangira nzungu dzemutetenerwa dzekuti vazodya zvavo vakatandara. Ndipowozve paigochwa zvimwe zvose zvaigocheka kana zhizha rave kudyiwa Vanhurume nevakomana kana dzave nguva dzekudya ndipo pavaidyira sadza ravo remasikati neremanheru. Ndipowozve paidzidziswa vakomana nezvehupenyu hwavo kubudikidza nengano dzavaiudzwa ipapo vachitandara uyewo nekurayirwa netsumo nemadimikira. Kana pamusha apa paine mhare dzaive nehumhizha hwekuveza miti kana kupfura simbi, padare ndipowo pavaibatira basa ravo ipapo. Ndiko kusaka Zhanje akasvikowana shamwari yake Pariwa ari padare. Pariwa aive hombarume saZhanje naizvozvo akasvikirwa neshamwari yake ari mubishi nekugadzira hurimbo hwake hwaaida kuzoteyesa shiri. Pariwa akabura kahari kaive nehurimbo ndokukatsveta kwakadaro uko kuti kapore. Vakomana vakakwazisana uyuwo Pariwa ndokubva ashevedzera kuna amai vake kuti vaida kumbopinda musango kunotanha muchero sezvo iye neshamwari yake vakange vagara vazvironga kare. Zvikomana zviviri izvi zvakapoterera nekuseri kwedumba ndokupfuura nekumatanga emombe neembudzi. Hezvo zvorurama zvakananga nekujiri remazhanje raive mugomo raive pedyo nemisha yavo nechedivi rekuchamhembe. Vachingoti kwede kupinda mujiri iri, vakatambirwa netsoko nemakudo aitoita zvawo dambe achidya mazhanje pamadiro Vakomana vaviri ava havana kuda kuita mapitse nezvipuka izvi. Vakangozvisiya zvakadaro. Ivo vakanonga nonga mazhanje avaida mamwe ndokupakira mutunhava twavo mamwe ndoaiperera pamuromo. Vakazofuratira jiri iri vananga nechemberi kwaro kwaive nechisango chaiveko. Zvichakadaro ambuya Muchaenda kachemberebande nekazukurusikana kavo Maonei vaingonotsvaka zvavo huni muchisango ichi. Vaiti vakamboti fambe fambe vachiunganidza huni kudziita zvisvinga zviviri, vombotura befu vakagara pasi vachizorora. Havo vese munzira vachinzunzutira musangomo sezvo musango umu makange muine muchero yakasiyana siyana. VaMuchaenda naMaoneyi vaimbopota vachidzora mwoyo netsvanzva ne mazhanje zvakange zvakachiti tekeshere nesango rese. Maonei akasvika pane Munhengeni waive nenhengeni dzakatsvuka kuti piriviri akatanga kutanha muchero iye achiita zvekupotsera mukanwa make. Dzakambotanga dzichaita munakira kure mvura yemubvumbi. Kuri kuvavira ikoko. Asi gare gare akasvipira dzimwe nhengeni pasi ndokubva ashevedzera kuna ambuya vake achiiti, ''Yowe ambuya ndadya nhengeni dzakaora. Yuwi- kushata kwadziri kuita!” Ambuya vake vakangomutarisa neziso raiti, ''Chibva wanyarara muromo wako iwoyo! Handina kumbokuudza here kuti musango hamutaurwe mashoko akaipa iwayo?'' Maonei akabva asona, muromo wake oenderera mberi nekuunganidza huni. Vati fambe fambe vakasvika paive namatombo makuru. Vakaona kuti pamatombo apa paive pakazara nemakudo aitambirapo. Makudo aya aitamba achitandanisana achirovana. Matambiro akadai akanakidza Maonei zvekuti akatadza kuzvibata kana kuzvidzora Akangoerekana ati pwati kuseka, wanike ogegedzera sango rese. VaMuchaenda vakaviruka nehasha. Vakada kusvetukira muzukuru wavo kuti vamubate muromo kuti asangoseka zviitiko zvesango, Vasati vambodii nekudii kwese hameno kuti chaunga chenyuchi chakabva nepi. Chakange chiine hukasha ndokusvikomomotera pana VaMuchaenda nemuzukuru wavo. Vaviri vakarumwa zvisina ani ati akaona. Vakamboedza kuda kutiza vachipumha pumha iyo mhere yakwetsurwa asi zvakashaya basa. Vose vakawira pasi idzo nyuchi navo momomo. Chakava chisionekwi mbare yegotsi.Nyuchi dzakavaruma kusvika vachiti tasa. Vakati pfuru pfuru muvhu, tindinywa, zii ndiye sarai. Padzakapedza kuruma vaviri ava kusvika vafa, nyuchi hadzina kuonekwa kuti dzafamba sei. Ndiyowo nguva yakabva yaroverera Zhanje naPariwa kusvika pakange pabva kuitika chiitiko chaiomesa mate mukanwa ichi. Vakomana vaviri ava pavakaona kuti VaMuchaenda nemuzukuru wavo vakange vatotonhora kare havana kuzombopedza nguva. Vakabva vamhanya kumusha kunomhangara zvavakang e vaona musango kuvakuru. Nenguva isipi vanhu vakange vatoungana voronga kuti zvitunha zviviri izvi zvaambuya nemuzukuru wavo zvingaendeswa sei kumusha kuti zvinochengetedzwa.

08/10/2020

MUBUTIRO REMHUTE

CHITSAUKO 3

Pamazuva akatevera VaGotora vakaraira vadzimai vavo VaMatirozva kuti vaburitse zviyo. Mushure mekuburitswa kwezviyo zvakabva zvanyikwa Zvanyikwa kudaro zvakazoyanikwa kuti zviome uye kuti zvimere. Vakanokoka madzisahwira avo maviri aiti VaChisutumwe naVaMandinema kuti vavabatsire kubika hwahwa. Nezuva retatu hwahwa hwakabva hwaparurwa. Hwakaita machavo maviri huchitsva pamazitanda emoto.Hwapiswa kudaro, hwakabva hwadirwa nezuva rechishanu. Pakazonosvika zuva rechitanhatu, machembere matatu aya akange atove mushishi rekuhusvina. Hwasvinwa kudaro hwakambonzi hurare husiku humwechete mumakate ahwo huchishinyira nekupupa furo hurimo. Muhozi mahwakachengeterwa makanzi hamuna anopindamo kunze kwechembere nhatu dzakange dzahukanga hwematanda hwemazuva manonwe. Pakapera svondo iroro shoko rakange ratofamba mumisha yakapoteredzana kuti kwaive nebira. Vanhu vaizorara nemusi weMugovera wacho. vachinwa nekuridza ngoma nembira. Vaizoimba nekutamba husiku hwese. Vaizoswera svondo yacho vachienderera mberi nemutambo kusvika kwasviba kuitira vanagararirimo navanaMusiyadzasukwa Kujekerere revanhu, VaGotora vakange vasina kunyatsobuda pachena kuti bira iri raive rei. Vakange vangoti waive mutambo wekupembera nekutenda vadzimu vavo nekuvakokomborera nehupenyu nehutano nekuvapa gohwo rakanaka pazvirimwa zvavo zvavakange varima mwaka wakange wapfuura. Zvino vanaMusiyadzasukwa ndipo pavanodanwa vakadavira ipapo. Waivanzwa anaTumbare navanaTagutapadare vachikokerana nemuridzo nemheterwa. ''KwaGotora hanzi kwaita doro! Hanzi kwaita hwahwa!'' Vaibva varutsenhura rwekudhakwa. “Ndati kwaGotora kwaita hwaaahwa!” ''Handei tinohukebeda, tinohushapira, tigohumedza! Kudya zviyo isu vana vehurudza!'' Nemusi wacho vanhu vakazosara zvavo voswera vachidy sadza nenyama yembudzi vachihushapira hwakange hwakang nechembere nhatu. VaGotora naVaGunguwo naZhanje, vakange vatopedza chivanhu chavo kare apo vanhu vakazosara vachipfichuka zvavo nekurasa miswe. Vemhuri iyi vakangotorana pahuna hwavo hwaiti ivo VaGotora, baba vavo VaGunguwo, Zhanje naamai vake VaMatirozva. Vakanopinda mumba yaisapindwa neruzhinji. Vakaita chiverevere pavakaona kuti ruzhinji rwechita chevanhu chakange chiripo rwakange rwagarwa matunduru mutsinga nemuhuropi naihwo hwematanda. VaGunguwo vaive nekasha yavo yefodya yebute. Zhanje akapinda akabata mbiya diki yemuti. VaMatirozva ndivo vaive nekapfuko kadiki kaive nehwahwa. Vapinda mumba iyi vakavhara musuwo. Varume vakasviko chonjomara vari vatatu. Mudzimai mumwechete ndokusvikopfugama. Zhanje akarairwa kuti aise mbiya yake pasi. VaMatirozva ndokusvikogadzika pfuko yavo yehwahwa padivi. VaGunguwo vakagumha gumha tufodya kubva mukasha yavo vachigumhira muruoko rwavo rweruboshwe. Vakatswinya tufodya neminwe yavo miviri yekutanga ndokuipakira mumhino dzavo vachiita zvekukweva. Vakatanga kuombera nemaoko maviri. Vamwe vose vaive mumba umu ndokutsinhira. VaGunguwo vakasuma kuna baba vavo VaChivhiya vakanga vatungamira kare vaenda mbire. Vakati vasvitse kuna baba vavo VaGarati vaive vasekuru vaivo VaGunguwo. VaGarati vaizosvitsawo kuna baba vavo vaive tateguru waVaGunguwo kuti vasvitse mberi kune vamwewo vavaisaziva. Voudzana udzana kumusoro ikoko kusvika zvasvika kuna Musikavanhu. Chidzivachepo. Chibwechitedza. Nyadenga. VaGunguwo vaiita izvi vachitaurira kuvadzimu vavo vachivaudza kuti basa ravaive naro musi uyu raive rekukumikidza mashavi emuzukuru wavo Zhanje ekuti akomborerwe ashingiswe akundiswe mukuvhima kwake. Bu,bu, bu! Vakatanga nekuombera,ndokuzoti, "Vayera mwoyo, vadyegora Varozvi vakapera nendaa! Chiri mumusakasaka chinozvinzwira! Ndinotanga nemi baba vangu Vachivhiya nyakutumbura, Ndini Nevanji wenyu Gunguwo Mhuri yangu ndiyoyi Iri pano iyi. Tati tikusumei, Tisvitse kwamuri gono Bira ratiinaro pano Chivara Uri mutambo wekupembedza Kukumikidza,kuchenura Nekusimbisa Pamwe nekutsigisa Mashave ehuhombarume Ari pamhwere yenyu Zhanje. Mupeiwo hugamba,humhare nehushingi Pakushava kwake. Agotivhimirawo isusu, Dzakakora,nzombe dzine nguwo. Agoriritira nekushavira mhuri yake, Honaiisu vamwe Tangove hari dzofanzirofa. Tinoda kudya tichiguta, Tateterera mwoyo yangu yiyi. Motisvitsirawo kuna baba venyu VaGarati, Vosvitawo kuna baba vavo VaMaguranyanga, Vosvitsawo mberi kwatisingazive. Handingaite dunga munhuka, Dzamara zvasvika kuna Musikavanhu, Chidzivachepo, Chibwechitedza!" Bu,bu,bu Mhururu yakaridzwa. Zhanje akange akapakatiswa zvombo zvake nguva yese apo vasekuru vake pavakange vachipira kuvadzimu vavo. Pedzezvo akanzi atsvete zvombo zviye pasi kuitira kuti agadzirire chikamu chaitevera. Zhanje akarayirwa kuti apfugame pasi nemabvi pamwe nemagokora. Aita saizvozvo vasekuru vake vakamutemera nyora pamakumbo ake kusanganisa pamusoro petsoka, pamupimbira nepazvidya. Vakamutemerazve pamapendekete ake pachipfuva, pamhanza nepamusoro pezvanza zvemaoko ake. Vapedza kudaro vakadira doro pasi katatu. Maoko akarovaniswa, mhururu ndokuridzwa, mheterwa ndokutsviriridzwa. VaGunguwo vakazopedzisira nekuburitsa nhekwe yavo yefodya yaive yakagadzirwa nenyanga yehondohwe yehwai. Vakaguma guma fodya vachigumira muchanza chavo cheruboshe imwe ndokuputa imwe ndokukanda pasi. Vakatarisa pfuko yaive nehwahwa ndokuiti piku. Vakaikakata kusvika hwasara pakati nepakati pepfuko. Vakatambidza pfuko kuna VaGotora avo vakahukakata kusvika hwati hwaa kupera. VaMatirova vakapururudza varume ndokuombera.VaGunguwo vakasimuka ndokubuda panze vachiombera. Vakateverwa naVaGotora naVaMatirozva naZhanje vakatungamidzana kudaro.

07/10/2020

MUBUTIRO REMHUTE

CHITSAUKO 2

Zhanje aiva mukomana ane makore gumi nemanomwe ekuberekwa. Aive murefu akasimba zviri pakati nepakati, ari mutema. Chiso chake chairema zvikuru sei kana achinge akanyarara kana kuti paanenge ashatiriswa. Kubva achiri mwana mudiki Zhanje airatidza hushingi nehuchenjeri. Haana kumbobvira atambudza amai vake VaMatirozva muhucheche hwake nehundonda kana hutera hwekungorwara pese pese kana kuita hosha dzenhandonhando. Zvirwere zvaiti dzihwa chikosoro, gwirikwiti kana humhetamakumbo izvo zvaitambudza pwere zhinji makore iwayo, Zhanje haana kumbobvira abatwa nazvo. VaMatirozva amai vaZhanje vakange vaita rushambwa rwekuzvarira ivhu. Pavana vavo vatanhatu vavakange vatumbura pauzima, Zhanje chete nehanzvanzi yake diki Matirasa ndivo vakange vararama hupwere kusvika pahujaya nehumhandara. Vamwe vose vana vakange vafa vachiri vacheche. Mumwechete musikana ndiye akange abuda mudumbu maamai vake akatonhora chiri chitunha kare. Akange azvarwa iri pfunda.Vamwe vakomana vatatu ava vaitombokwetsura mhere pakuzvarwa votomboyamwa mukaka waamai wavo asi vaizongoshaya pamwedzi iri pakati pemitatu nemitanhatu. Izvi zvaikatyamadza vazhinji dzokono voguma voshaya neremuromo. Kana vari ivo VaMatirozva vaive vawirwa nejambwa iri, vakamboita rushamhu nekufunga. Mundangariro dzavo nemuhana yavo vakange varozwa sezita ravo. Vakange vongogara vachibvunda serutsanga pakati perwizi, havo vogara misi yose vachifunganya. Yavo yakange yave nhamo yenzuma pairere kufunga chakadya nyanga dzayo. Vakaita sevachabata denga nemufaro pavakaona pwere dzavo mbiri dzayaruka. Vaitozodzikamiswa netsumo dzevakuru dzaiti usazochenjedza nyamukuta iwe kuzvara uchada uye gore jena chiregopenyesesa nekuti unozotorerwa ushe nedema. Baba vaZhanje VaGotora vaive mhizha yekupfura simbi. Vaizivikanwa samare nehumhare hwavo ihwohwo. Nyika yese yashe Rukambaire yaiziva kuti kune murume anonzi Gotora mupfuri wesimbi. Vaigadzira mapfumo, miseve, matemo mapakatwa nemimwe midziyo yakasiyana siyana yaishandiswa nevanhu pamisha yavo. Vaigadzirawo zvombo zvaishandiswa nevavhimi musango pamwe nevarwi vehondo. Pavakaona kuti mwanakomana wavo Zhanje akange ave nemakore gumi nemaviri ekuberekwa, VaGotora vakatsvaga simbi yemhando yepamusoro nemuururo nemutobvu ndokunyatsotora nguva yavo nekudzamisa pfungwa nekuisa rudo rwavo rwese pabasa ravo rekukwenenzvera nekuswatanudza zvombo zviviri zvaiti pfumo pamwe nebakatwa. Vakanyatsoveza nekuurura kunopinza kwacho nekunobaya uku. Nechekumubato kwacho vakanyora mufananidzo wezishiri rinonzi gora icho chaive chidawo chemutupo wedzinza ravo revayera mwoyo. Vapedza kugadzira zvombo izvi vakazvitarisa ndokuona kuti zvakanaka. Vakazvirova vachizvitutumadza vazere nemanyemwe vakati, "Ndini ndaita izvi!'' dundundu Vakashevedza mwanakomana wavo Zhanje kuti vamutambidze. Izvi vakazviita mushure mekunge vaongorora kuti mhwere yaro yaive nechipo chekushava. Zhanje akange atanga kuratidza huhombarume paakange ave nemakore matanhatu ekuberekwa. Pamakore aya akange atotanga kuteya mariva achibata mbeva dzakasiyana dzaisanganisa nhika, mbende neshana. Aive neruoko rweruboshwe rwakati tsveyamei rwakange rwusingapotse chipi nechipi zvacho chaaitema nedombo kana vhinga. Remadunhurirwa zita akange ave kutonzi Haripotse. Zvikwari, zvihuta nenjiva zvakange zvaoneswa nhamo mumasango. Paakange ave nemakore gumi ekuberekwa, Zhanje akange otoredza hove zvine mbiri. Pamusha paVaGotora naVaMatirozva paisadyiwa nemuriwo. Kudya mumhodzi nyevhe, hwohwa nederere kwaive kutoda zvavo, kwete kushaya. Vaishayeyi zvavo, iyo hombarume Zhanje aripo zvake pauzima. "Uyu afanana nababa vangu VaChivhiya uyu," Vaigarodaro asekuru vake VaGunguwo baba vaaGotora vachireva muzukuru wavo Zhanje. "Baba vangu vaive neshavi rekuvhima, ndorandiri kuona riri kuda kusvika pamwana uyu. Baba vangu ainzi Chivhiya nekuda kwekugara vachivhiya matehwe emhuka dzakasiyana siyana dzavaivhima mumasango." Vaigarotsinhira zvavo VaGunguwo vachiputa fodya yavo yebute vachihushapira zvavo hwematanda. Mushure mekugadzira pfumo nebakatwa zvaiyevedza VaGotora vakasuma baba vavo VaGunguwo avo vakange vatove zvavo hariyofanzirofa mayererano nehurongwa hwavaive nahwo. "Pamusoroi Gono," vakadaro VaGotora vachitaura nababa vavo mangwanani mumwe musi apo vaive vakagara zvavo padare remusha wavo pavaishanda basa ravo rekupfura simbi. Padare apa paigara pakabatidzwa moto waionekwa kuti vai vai nechekure uyo wavaishandisa pabasa ravo rekupfura simbi. "Hekani chivara, dzinonzwa hadzirime." Vakapindura zvavo VaGunguwo vachitaura mushure mekunge vaona kuti nevanji wavo aive aine matama aaida kutura kwavari. Ko handizvo here kuti mbudzi kuzvarira pane vanhu hunzi ndigotandirwa imbwa? ''Honai midziyo miviri yandinayo pano mwoyo yandagadzira iyi," akaenderera mberi Gotora achisuma baba vake asekuru vaZhanje. ''Hongu ndiri kuiona chivara.Yaka naka."Vakadaro vachipindura VaGunguwo. ''Zvino ndizvo zvombo zveuhombarume zvandakagadzirira muzukuru wenyu Zhanje zvandiri kuda kuturira kwaari kuti ashandise mukushava kwake." ''Zvakanaka mwoyo, itai sekudaro gono," VaGunguwo vakapindura. ''Ndisingazivi, ndimi vakuru makatanga kuona zuva," VaGotora vakaenderera mberi, "Ndanga ndichida kubvunza kuti patinomuturira zvombo izvi, hapade kukurungwa kakari ketuhwahwa here poitwa kamutambo kadiki kekupembedza mashave ekushava aya?” Vakabvunza VaGotora vachitaura nababa vavo. ''Gwara! ndiro gwara chairo iroro mwoyo rinofanira kuutevedzwa. Ipapo wanyatsobaya dede nemumuromo. Ndicho chivanhu chaicho chakanangana netsika nemagariro edu. Kana ivo vari pasi ndokuti vagozvitambira vozosimbisa hushavi hwake.” Vakaenderera mberi vachitsanangura VaGunguwo.