19/08/2024
E FULA MOO E ROPUOENG
Likate Likate (28) oa Ha Chaba, Botha-Bothe ea lulang Ha Pita, PontΕ‘o Cocola (26) oa Sekamaneng, Berea, Molebali Senyane (29) oa Lifelekoaneng, Mafeteng, ea lulang Qoaling, βMasenatla Morake (31) oa Mathokoane, Leribe, ea lulang Sehlabeng, Itumeleng Mashopha (32) oa Khukhune, Botha-Bothe, ea lulang Katlehong, Mookho Lekoekoe (35) oa Matsepe, Mafeteng, ea lulang Ha Thetsane le Lineo Machachamise (38) oa Taung, Mohaleβs Hoek, ea lulang Ha Thetsane, ba hlahile Lekhotleng La βMaseterata Maseru, ka pelβa βMaseterata TΕ‘osane bochochising ba Mochochisi RatΕ‘ita, Ka La 15 Phato Monongoaha; ba qosoa ka bosholu ba thepa.
Puisanong le Sub-Inspector (Sub-Insp) Thato Phephetho ho tsoa Lefapheng la MatΕ‘olo a Ikhethang Ntlo-Kholo ea Sepolesa Maseru, o re ho fihlile tlaleho ofising ea habo ka mohai oa Khubetsoana; a bontΕ‘a h**e ho utsuoe likhoebong tsa hae tse peli, tse ka harβa toropo ea Maseru, tse rekisang liphahlo le lieta. Tlaleho ea molli e tsoetse pele ho bontΕ‘a ha a utsoelitsoe thepa e hakanyetsoang ho M1,600,000.00.
Sub-Insp Phephetho o re ba ile ba etsa liphuputso tse ileng tsa ba lebisa ho baqosuoa bao e bileng e neng e le basebetsi likhoebong tseo, moo ba ileng ba fumana thepa e βngoe ho bona ha tse ling ba ne ba se ba li rekisitse. A hlalosa ba ile ba ba tΕ‘oara.
A re baqosuoa e bile basebetsi ho tloha ka 2017. O re Likate o ne a utsoitse thepa ea boleng ba M4,200.00, PontΕ‘o ea boleng ba M13,700.00, Molebali ea boleng ba M15,550.00, βMasenatla ea M6,850.00, Itumeleng ea boleng ba M28,900.00, Mookho ea boleng ba M14,850.00, ha Lineo a utsoitse ea boleng ba M8,200.00.
Baqosuoa ba ile ba hlahisoa lekhotleng ka letsatsi le boletsoeng, βme ba fuoe beile ea M2,000.00 motho ka mong le ho beha paneng M10,000.00 eo ba atlehileng ho e lefa. Ba tla boela ba hlaha Lekhotleng ka La 27 Phato Monongoaha.
Hβa phethela Sub-Insp Phephetho, o ipilelitse ho Basotho ba tlohele ho utsoetsa beng ba bona ka ha ba be ba fuoe mesebetsi h**e ba phelise malapa e seng ho ba senyetsa ka bosholu. A re bahoebi ba shebe batho bao ba ba hirang h**e na ba tΕ‘epahala ha kae h**e litlolo tsa molao tse kang tsena li tle li be sieo.
Limakatso Nkabi | LMPS