Yamkelwe ngovuyo inkundla yamatyala ezoxoxa amatyala odlwengulo nokuxhatshazwa ngokwesondo eMthatha kulandela ukuphehlelelwa kwayo ngusekela mphathiswa wesebe Justice and Consititutional development uAndries Nel namhlanje.
Ummandla waseMthatha uyankqenkqeza ngamatyala odlwengulo ephondweni. Umseki wequmrhu elingenzi nzuzo Indlezana Yezwe uSiya Ndlela uphefumla ngomahluko ozokwenziwa yilenkundla.
Video: Sinikelo Goqweni
Usekela mphathiswa wesebe lezobulungisa nophuhliso lomgaqo siseko(Justice and constitutional development) uAndries Nel uphehlelele ngokusesikweni namhlanje inkundla yokuchophela amatyala ezesondo eMthatha(Sexual offences court).
Ngokwengxelo yesebe ummandla waseMthatha unkqenkqeza phambili kwiziganeko zokudlwengulwa kwabasetyhini nabantwana kwiphondo leMpuma koloni. Ukanti kuzwelonke lo mmandla ukwindawo yesine.
Le nkundla izonceda ukukhawuleziswa kwalamatyala ukuze kubuyiselwe ithemba nesidima kumaxhoba odlwengulo.
UAndries Nel uncokole namajelo eendaba eMthatha magistrate court.
Video: Sinikelo Goqweni
Usekela mongameli welizwe uPaul Mashatile wenze intetho ephambili kwiNational Mens parliament yesine ibibanjelwe eKapa ngempelaveki. Khawuphula phule amagqabantshintshi.
Video: Sinikelo Goqweni
Ipalamente yamadoda iyaqhuba eKapa
Sele egalelekile kwiMens Parliament usekela mongameli uPaul Mashatile apho kulindeleke enze intetho kwindibano yamadoda entsuku mbini eqhubeka eParrow eKapa.
Rhabula apha ungafinci!!!
Video: Sinikelo Goqweni
Iyaqhuba ipalamente kuzwelonke yamadoda eKapa
Ingena lusuku lwesibini namhlanje ipalamente yamadoda ebanjelwe eParrow eKapa kulandela ukuqala kwayo phezolo.
Injongo zayo kukunika ingxelo kwidabi eliquka ukulwa GBV neminye imiceli mngeni. Kukwashukuxwa izisombululo nendlela yokuqinisa iphulo elibizwa Better Man 4 Tomorrow. Ngokwengxelo amadoda ahambe kude namaziko empilo. Eliphulo likwagxeleshe ukuwakhuthaza akhathalele impilo kuquka nokuncedisa kuliwe ukwanda kweHIV, TB, STIs nezinye.
Usekela mongameli uPaul Mashatile kulindeleke abesisithethi esiphambili kulendibano yamadoda asuka kumaphondo onke.
Usekela mongameli welizwe uPaul Mashatile okwaphinde abengusihlalo weSouth African Aids Council (Sanac) unqwalile ukuba isiphakamiso seTreatment Action Campaign (TAC) sokunikezwa kwabantu ARVs zenyanga ezintandathu sizokwenzeka. Ubephendula amalungu eTAC kwibala Sisa Dukashe stadium emva komngcelele obungena zidubedube. UMashatile uthethe wenjenje:
Umbutho Treatment Action Campaign (TAC) umemela kurhulumente ukuba aphumezele inyathelo lokunika abantu abaphila nentsholongwane kagawulayo ARVs unyango lwenyanga ezintandathu. Ngokwengxelo karhulumente kweli abantu abaphila nentsholongwane kagawulayo basondele kwizigidi ezisibhozo. Namhlanje bekubanjwe usuku lwesifo sikagawulayo World Aids day. Lo msitho ububanjwe eMdantsane eMonti.
Usosiba jikelele weTAC uAnele Yawa ucacisa ngezizathu zesiphakamiso sabo kurhulumente. Uncokole neentatheli yeliphephandaba emva komngcelele obuzolile eMdantsane namhlanje.
Usodolophu wasePort St Johns uCebisa Mazuza unyanzelisa ukufumana iimpendulo kumagosa karhulumente emva kokuba abahlali baseMajola begcadwe yingqatsini yelanga kungekho ndawo yokubambela umsitho weWorld aids day namhlanje. Lo msitho ubanjelwe phandle eNqileni kuMachibi ntoleyo ishiye imibuzo ngezizathu zoku. Nangona amagosa karhulumente exolisile kubahlali kodwa akucaci kungani amagosa efedile ukufumana indawo yalomsitho.
Usodolophu uCouncillor Mazuza uthe akazuhleka nenye ehlekisayo ngelihlazo lenzeke namhlanje. Uthethe wenjenje:
Kuphawulwe usuku lwesifo ugawulayo( World aids day) kwilali Machibi eMajola ePort St Johns namhlanje. Olu suku luphawulwa rhoqo ngomhla wokuqala kuDisemba. Kwenziwa amaphulo ukulungiselela olusuku.
Injongo zalo ziquka ukukhuthaza abantu bazivavanyele HIV, kuxhaswe abo sele besitya amachiza njalo njalo.
Omnye wonozakuzaku besifo ugawulayo ufundise abahlali wathetha ngoluhlobo!!
Kuphehlelelwa iqumrhu lamadoda eFlagstaff phantsi komasipala Ingquza Hill elizowanceda enze bhetele kwodabi lokulaa ukuxhatshazwa kwabasetyhini nabantwana. Lo msitho ububanjelwe kwiholo laseWesile kwidolophu yaseFlagstaff. Usosiba jikelele weMens sector uSiya Ndesi uncokole namajelo eendaba bucala eFlagstaff edakanca ngokulindelwe sisizwe.
Ubusela bemfuyo, impindezelo nokusetyenziswa kweziyobisi ngoonozala bokubulawa kwabantu eBityi eMthatha. Oku kuchazwe ngusodolophu waseKSD namhlanje ngethuba etyelele komkhulu eMqhekezweni eMthatha apho kudutyulwe kwabulawa umakhulu uNogcinile Thenjiwe Mtirara kubusuku obugqithileyo.
Usodolophu uncokole neliphephandaba eMqhekezweni watsho wavakalisa ukuxheleka sisiganeko. Kukwadlungulwe abafundi abaliqela besikolo Jongintaba kwakulelali. Ngentlazane kuphindwe kwafunyanwa omnye umzimba womntu wasetyhini kude kufuphi nakomkhulu.
Rhabula apha ungafinci!!!
Video: Sinikelo Goqweni
