Vula Music Records, Bream Hill, Richards Bay (2024)

20/08/2023

The full album by Mabree N is finally out. Please check it our on digital platforms. Let us know what you think and your favourite track.

15/08/2023

First single of uMhlathuze Rise Vol.2 dropping on the 5th September.

11/05/2023

Very sad story

USEHLEKWA NGOBULOPHOLO OWAPHUNYELWA YIZIGIDI

JOHN HLONGWA

USEPHENDUKE uphuya waseMshwathi owayeyimpunyela ephunyelwe yizigidi zemali yokulimala njengoba esephila ngemali kahulumeni eyisibonelelo sezingane zakhe uNKZ Zanele Dlamini (35) waseNhlawukeni, eJolivet, eMzinto.

UNkz Dalami onezingane ewu-4, ubaziwa njengenkinsela yaseMgungundlovu ngakubo ngemuva kokuphunyelwa yisamba semali ewu-2,9 million, yakwaRoad Accident Fund (RAF) yokulimala engozini yemoto ngo 2016. Wayibhubhudla yonke ngonyaka owodwa.

Engxogxweni ekhethekile abe nayo neLANGA, ulitshele ukuthi usephenduke ihlaya endaweni yangakubo njengoba esebizwa ngoma-million ekubeni engesenalo ngisho isenti.
Kumanje ufuna bonke ayebasize ngesihle ngesikhathi esanemali bambuyisele konke okungokwakhe.

ILANGA lifike kubo engekho, limthungathe zonke izindawo zokucima ukoma ahlala kuzona, wangatholakala, uze waqhamuka ntambama ehamba exhuga ejuluke emanzi te. Ubuze leli phephandaba ukuthi lifunani kuyena: "Nani nize la ukuzongiphula umoya. Uyabona lolu daba enizokhuluma ngalo angikwazi ukulikhuluma ngingaphuzile ngoba ngivele ngikhale,"esho ehlala phansi.

Uqede lapho walilandisa ukusuka nokuhlala ngempilo abeyiphila esanemali. Udaba lokubhubhudla imali yakhe lusakazwe esiteshini sikamabonakude uMzansi Magic Channel 161 ohlelweni "I Blew It" ngeledlule.
"Ngalimala engozini yemoto ngonyaka ka-2001, ngisesibhedlela kwafika ummeli owayezongisiza ngenkokhelo yakwa-RAF," esho eveza inkebenkebe yomthungo.
Uthi imali yakhe ize yaphume ngoMandulo (September) 2016.

Uyavuma ukuthi imali uyisebenzise budlabha futhi uyazisola ngalokho, uthi abangani nomndeni wakhe yibona ebebemhlohla ngokumthengisa izimoto, abangani bemthengisa utshwala. Uthi ingaphezulu kuka R300.000.00 imali ayibhubhudla ngotshwala ejabulisa abangani. Uthi into ayenza ebalulekile ngale mali, walobola unina, wazishaya zonke izinkomo.

"Ngaqala ngokwenza usiko lokushadisa abazali bami njengoba ubaba washona engakwenzanga konke lokhu. Lo mcimbi usuhlangene namalobo wangidla imali engano-R400 000.00, echaza

Uthe uyazisola ngento ayenza yokuzilobola waze wazishadisa. "Impilo yami yayingasaphephile ngifunwa yizinkabi ngoba sezizwile ukithi nginemali. Ngibe sengizilobola ngazishadisa ngenhloso yokuthi ngibe nomuntu wesilisa ozongigada. Umcimbi wokuzishadisa wangidla isamba esibalelwa kuR500.000.
Ngiyazisola ngoba ngigcine sengihlukumezeka kulobo budlelwano," esho zehla mi izinyembezi.

"Kunabantu engabanika imali izinto zisahamba kahle, ngiyayifuna manje.Abantu sebeyangibhuqa, bangibiza ngoma-million ngibe ngingesanamali. Ngiyazisola kakhulu indlela ebese ngiphuza ngayo utshwala. Bengingasakwazi ukulala ngingaphuzile,"esho.
Udlulise iseluleko kunoma ngubani ongaba nenhlanhla yokuthola isamba esikhulu semali. "Makwenzeka umuntu ebanenhlanhla yokuthola isamaba semali, abaqaphele abangani nomndeni, kumele ukwazi ukukhetha ngoba bathanda ngoba kusenaleyo mali make yaphela bayanyamalala.

Uthi uqaphele ukuthi imali isiyaphela maphakathi nonyaka ka 2017, lapho wafika ebhange bamtshele ukuthi usesalwe uR95 000.00. UNkz Dlamini unezingane eziwu-4