Boermedia

07/08/2024

Vat 'n bus na die Sakeliga KragDag Selfstandigheid Ekspo. Hier vertel P.Bier Busdienste hoe dit werk.

06/08/2024

Boer, Bou, Beskerm.... 🤫Moet vir niemand sê nie.

05/08/2024

Bloemfontein word alweer bederf!

Kyk net hier!

02/08/2024

Die openingseremonie en die vroue boks begin aan die integriteit van die Olimpiese spele te knaag. Lees gerus hierso....

KBS verklaring – Sport of Spot: Olimpiese Spele 2024 by Ds. Schalk Strauss | 2 Aug 2024 | SKK Verklarings., Verklarings KBS verklaring – Sport of Spot: Olimpiese Spele 2024 LAAI AF

02/08/2024

𝐖𝐞𝐧 '𝐧 𝐕𝐀𝐊𝐀𝐍𝐒𝐈𝐄!
TLU SA is op soek na die beste veiligheidspatent.
Ontwerp jou patent, maak jou patent en stuur 'n video na [email protected] om die kans te staan om 'n midweek-of naweekwegbreek by ATKV Buffelspoort te wen!

31/07/2024

Die tegniese duiwels het ons beduiwel.

31/07/2024

Julle kan hier op bakkiesblad of op Youtube saam kuier.

Kom kuier vanaand om 20:00 saam met Alwyn en Johan en deel jou teorie of die waarheid wat afgemaak word as samesweringsteorie.

30/07/2024

Barrel Racing (Dromresies) is in Suid Afrika en groei elke jaar. Ons gesels met Charlene Oosthuizen van hierdie vereniging en luister hoe borge, lede en nuwelinge betrokke kan raak en bly. Hierdie is 'n sport wat gaan bly!

Luister saam hoe lekker hulle hierdie sport wil aanbied en waarheen hulle oppad is - dit is nou die tyd om jou ryperd weer op te saal en saam te begin deelneem.

Het jy al ooit gewonder hoe dit voel om so tussen deur die vate te jaag? Hier is jou kans om dit uit te probeer! Hulle gaan tydens opwindende werksessies aanbied elke oggend van 8-10 Augustus voor die kompetisies!

💥 GRATIS werksessies! Hierdie werksessies is ingesluit in jou inskrywingsfooi – geen ekstra koste nie! 🙌🏽

🤩 As jy as 'n nie-lid vir al drie dae inskryf, sal jou dag-lidmaatskapfooi slegs een keer gehef word!

🐎 Beperkte perdekrale beskikbaar! Ons het 20 krale op 'n eerste-kom-eerste-bedien basis. Jou eie mobiele kampe is welkom, maar spasie is beperk.

Vir kampbesprekings, kontak:

Melissa: 072 443 5011
Charlene: 082 041 2269
Inskrywings is nou OOP:
Hou jou oog op die Kragdag Reeks, vir Rondtes 1, 2 & 3! 🥳

Moenie hierdie wonderlike geleentheid misloop nie – sien jou daar! 🌟

29/07/2024

VIVO BOEREBEMARKINGSDAG 2024 – GROOTSTE LANDBOU-EKSPO IN LIMPOPO!
Limpopo se grootste landbou-ekspo, die jaarlikse Vivo Boerebemarkingsdag 2024 beloof om groter en beter met meer pret en plesier te wees as ooit tevore!

Koop jou kaartjies aanlyn: https://vist.ly/379sm

Hierdie asemrowende landbouskou-naweek vind op 30 & 31 Augustus 2024 te Vivo, Limpopo, plaas.

Die Vivo Boerebemarkingsdag is die hartklop van die dorpie Vivo en die hoofbron van inkomste vir die plaaslike skool – CVO Skool Vivo.

Dit is ‘n wonderlike bemarkingsgeleentheid vir besighede om met boere van regoor die hele Limpopo sake te doen. Die Vivo Boerebemarkingsdag bied ook ‘n unieke platform waar produsente hul kennis kan uitbrei t.o.v die nuutste tegnologie, produktiwiteitsoplossings en ander landbou verwante kwessies.

Verder bied die Vivo Bemarkingsdag ook aan sakelui die geleentheid om op op ‘n informele, hartlike boeremanier saam met plaaslike en provinsiale boere te kuier.

“Ons hoofdoel is om boere en besighede by mekaar te kry. Ons nooi boere van regoor Limpopo om die naweek by te woon en moedig besighede aan om op ‘n interaktiewe, kuier-manier hul dienste en produkte te bemark. In die verlede het boere van so ver as Koster in Noordwes die Vivo Boerebemarkingsdag bygewoon. “

- C.T. van der Merwe, voorsitter van die Vivo Boerebemarkingsdag en hoof uitvoerende beampte van AL 3 Boerdery
In 2023 het sowat 5 000 besoekers oor die verloop van die twee dae deur die hekke gekom en amper 200 besighede het uitgestal. Met vermaak vir die hele gesin, is dit ‘n uitstekende geleentheid om sommer ‘n plesierige familienaweek te geniet.

Vanjaar gaan vier beroemde gaskunstenaars optree. Besoekers kan uitsien na optredes van Jay en Arno Jordaan op die Vrydagaand en Saterdagaand niemand anders nie as Demi Lee Moore en Adam. Gedurende die dag sal daar ook deurgaans vermaak vir oud tot jonk wees.

In die MammaMall se unieke snuffelmark sal daar iets vir almal se smaak wees en lekkerbekke sal kan kies en keur tussen die plaas-proe-produkte uitstallers. Plaaslike skole, kerke en fondse gaan verversings en liplekker wegneemetes verkoop – so help ons ook die gemeenskap groei!

Ons gaan beslis weer die boervrou vier. Vir die Vrouefees beplan ons sprekers, gaskunstenaars, werkswinkels, en nog meer. Alles wat die skoner geslag sal geniet.

En natuurlik (hoe dan anders?) word daar uitstekende landboudemonstrasies aangebied. Boere kan die nuutste landboutegnologie, trekkers en toerusting kom uittoets.

Kom besoek die Vivo Boerebemarkingsdag op 30 & 31 Augustus. Jy sal arriveer as a besoeker, maar vertrek as ‘n vriend en lid van ons hartlike boerefamilie.

27/07/2024

Die Koinonia Sinode staan op teen die anti-christelike rituele en die WOKE-VIRUS wat tydens die opening van die Olimpiese Spele 2024 aangebied was.

Deel gerus met ons jou waarnemings en kommentaar.

Ons sal meer hieroor in die komende dae met ons volgers deel.

Wat is jou opinie oor die opening van die Olimpiese Spele waar die Laaste Pasga maaltyd uitgebeeld was?

26/07/2024

BCVO = Beweging vir Christelike Volkseie Onderrig. Dit kan nie meer anders nie!!

𝐎𝐍𝐒 𝐖𝐀𝐀𝐑𝐃𝐄𝐒𝐓𝐄𝐋𝐒𝐄𝐋

𝐂𝐡𝐫𝐢𝐬𝐭𝐞𝐥𝐢𝐤
Christelike aard en karakter – wat primêre opvoedingsgesag en verantwoordelikheid van verbondsouers erken.

𝐕𝐨𝐥𝐤𝐬𝐞𝐢𝐞
'n Skoolgemeenskap waar moedertaal-onderrig in Afrikaans gegee word.

𝐈𝐧𝐭𝐞𝐠𝐫𝐢𝐭𝐞𝐢𝐭
Vertroue in en respek vir ons mense (personeel, ouers en kinders) met handhawing van integriteit en selfbeheer ooreenkomstig ons waardestelsel.

𝐃𝐚𝐧𝐤𝐛𝐚𝐚𝐫𝐡𝐞𝐢𝐝
Dankbaarheid teenoor God vir al die gawes en talente wat ons uit liefde vanuit sy versorgende hand ontvang het.

𝐎𝐫𝐝𝐞 & 𝐃𝐢𝐬𝐬𝐢𝐩𝐥𝐢𝐧𝐞
Handhawing van orde en dissipline en erkenning van gesag van ouers en Direksie.

𝐇𝐨ë 𝐒𝐭𝐚𝐧𝐝𝐚𝐚𝐫𝐝𝐞
Uitnemende gehalte onderrig waardeur hoë standaarde gehandhaaf word.

𝐊𝐨𝐬𝐭𝐞-𝐞𝐟𝐟𝐞𝐤𝐭𝐢𝐞𝐟
Koste-effektiewe diens aan lede.

Klik op die skakel om meer oor ons waardestelsel te lees:
https://bcvo.co.za/index.php/meer-oor-ons/

25/07/2024

Boermedia gesels met Mnr Jaco Schoeman wat die voorsitter van TLU SA se Eiendomskomitee is asook sameroeper van die Adhoc Groep vir die beskerming van Privaat Eiendomsreg. Gesels gerus saam in die kommentare.

Hier is die 19 artikels van die TLU SA Handves vir die beskerming van Privaat Eiendomsreg:
Artikel 1 [Die reg op privaat eiendom is 'n Bybelse beginsel]
Artikel 2 [Staatlike magswellus is die bron van nasionalisering, ontkenning van privaat eiendomsreg en aantasting daarvan deur ontneming van eiendom sonder vergoeding]
Artikel 3 [Onteiening sonder behoorlike en billike vergoeding is 'n oortreding van die Agste Gebod]
Artikel 4 [God Drie-enig se gebod teen diefstal beskerm eerlike en wetsgehoorsame eienaars van privaat eiendom]
Artikel 5 [Ontneming van privaat eiendom op onregverdige wyse en sonder voldoende vergoeding is 'n ontneming van die reg op vryheid]
Artikel 6 [Die Bybelse beginsels van God Drie-enig se roepings- en beheersingsopdrag het oor eeue neerslag gevind in die bepalings van die internasionale en gemenereg]
Artikel 7 [Gedwonge ontneming van privaat eiendom en ondermyning van ekonomiese volhoubaarheid]
Artikel 8 [Aantasting van private eiendomsreg gebaseer op Marxisties-sosialistiese ideologieë lei noodwendig tot ondermyning van voedselsekerheid, hongersnood en ekonomiese verval]
Artikel 9 [Privaat eiendomsreg en burgerlike vryheidsregte]
Artikel 10 [Die reg tot roepingsvervulling en privaat eiendom]
Artikel 11 [Privaat eiendomsreg en die benutting van beskikbare hulpbronne]
Artikel 12 [Vryemarkbeginsels en privaat eiendomsreg]
Artikel 13 [Identiteit en privaat eiendomsreg]
Artikel 14 [Privaat eiendomsreg en ontwikkeling van die landbou- en ander bedrywe]
Artikel 15 [Privaat eiendomsreg en welstand van die bevolking]
Artikel 16 [Privaat eiendomsreg en ontwikkeling van die kommersiële landbou]
Artikel 17 [Privaat eiendomsreg en stabilisering van die ekonomie]
Artikel 18 [Privaat eiendomsreg en georganiseerde landbou]
Artikel 19 [Individuele en kollektiewe optrede ter beskerming van privaat eiendomsreg]

Vir meer inligting oor die handves, volg die volgende skakel: https://www.tlu.co.za/bekendstelling-tlu-sa-handves-vir-beskerming-van-privaat-eiendomsreg/

24/07/2024

TLU SA se ondertekening en bekendstelling van die Handves vir die Beskerming van Privaat Eiendomsreg vind op 'n kritieke tydstip in Suid-Afrika se politieke en ekonomiese geskiedenis plaas.

https://www.tlu.co.za/bekendstelling-tlu-sa-handves-vir-beskerming-van-privaat-eiendomsreg/

24/07/2024

Bekendstelling | TLU SA Handves vir Beskerming van Privaat Eiendomsreg

TLU SA se ondertekening en bekendstelling van die Handves vir die Beskerming van Privaat Eiendomsreg vind op 'n kritieke tydstip in Suid-Afrika se politieke en ekonomiese geskiedenis plaas.

Sosialistiese retoriek, onhaalbare verwagtinge en rasgedrewe wetgewing oor privaat eiendomsreg het die Suid-Afrikaanse ekonomie en landbousektor ernstig benadeel en volhoubare produksie in gevaar gestel.

Die landbousektor, wat eens trots as die kosmandjie van Suid-Afrika en die Afrika-kontinent bekend gestaan het, is binne drie dekades geknou. TLU SA gebruik die bekendstelling van die Handves as 'n teenvoeter teen sosialistiese mislukkings wat lande soos Zimbabwe en Venezuela tot armoede gedryf het.

"Ons doen 'n beroep op waardes wat internasionaal as vanselfsprekend aanvaar word, wat ekonomiese stabiliteit en groei oor eeue bevorder het en wat in talle internasionale konvensies as basis vir die beskerming van burgerregte neerslag gevind het," sê Bennie van Zyl, hoofbestuurder van TLU SA.

Hierdie Handves word geloods as 'n standaard ter beskerming van privaat eiendom, en ons hoop dat individue, sosiale entiteite en instellings dit sal onderskryf en internasionale bewustheid en ondersteuning vir privaat eiendomsreg sal bevorder.

In negentien artikels verbind TLU SA homself en sy bondgenote in landbou tot die teenwerking van ideologies-gedrewe herverdeling van eiendom, die verwerping van anti-vryemark ekonomiese beginsels en die bevordering van die landbou tot voordeel van alle Suid-Afrikaners.

TLU SA doen 'n ernstige beroep op alle Suid-Afrikaners om 'n verenigde front te vorm ter beskerming van privaat eiendomsreg, wat noodsaaklik is vir die uitoefening van ander burgerregte soos menswaardigheid, godsdiensvryheid, bewegingsvryheid, handelsvryheid, beroepsvryheid, huisvesting, onderwys, taal en kultuur.

Met die loods van die Handves roep TLU SA individue en sosiale instellings op om saam te staan teen enige ingrepe op privaat eiendom en om alle grondwetlike en ander meganismes te gebruik om ontneming en/of beperking van privaat eiendomsreg vir sosialistiese doeleindes met alle beskikbare middele teen te staan.

Die bekendstelling en ondertekening het Woensdag 24 Julie te Pretoria plaasgevind.

TLU SA

24/07/2024

Gesels saam in die kommentare!

23/07/2024

Doen jou eie ding, want jy is 'n rebel wat staatsbestand wil word!!

22/07/2024

Wat doen jy vooraf of tydens 'n grondbesetting?

19/07/2024

Bring hom huistoe Tiaan Theron 👍🏻👍🏻

Ontmoet vir Tiaan Theron, 'n bekende deelnemer van wat terug is vir nog 'n rondte!

Op 20 Julie 2024 kan jy hom kom ondersteun by die Pretoria Nasionale Botaniese Tuine!

Maak gereed vir 'n groter en beter jaar! Koop vandag nog jou kaartjies, https://bit.ly/LC2024Kaartjies

16/07/2024

Het jy die vaardigheid om 'n nutsman op die Bloedrivier-erfenisterrein te kan wees?

Vakante pos: Nutsman

Nutsman-posisie beskikbaar by Bloedrivier-erfenisterrein

Posbeskrywing:
* Elektries (Herstel en nuwe installasies)
* Bouwerk (Instandhouding, bou, vergaderings en nuwe planne uitwerk)
* Staalwerk (Sweis en vervaardiging van begin af en herstel van ou toerusting)
* Loodgieter (Herstel en installasies)
* Meganies (Diens van alle motortipes, voertuigdienste en herstel van grassnytoerusting, trekkers, voertuie en kragopwekkers)
* Basiese onderhoud van plaasomgewing (Omheining herstel en nuut, Gronde onderhou, Fauna en Flora en algemene instandhouding)
* Moet saam met aflos werk indien bestuurspaar af of op verlof is (Kelner, kosmaak, skottelgoed was, ens.)

Voorvereistes:
* Enkellopend, slegs kamer beskikbaar, geen troeteldiere, geen afhanklikes.
* Kontakbare verwysings ’n vereiste

Aanvangsdatum: 1 Augustus 2024
Stuur CV asb. aan [email protected]

Indien jy binne 2 weke van die sluitingsdatum geen terugvoer ontvang het nie, moet jy asseblief aanneem dat jou aansoek onsuksesvol was.

16/07/2024

Onthou ons reg?

Het menswees verander?

As kind was ek mal oor ‘n storie met die naam Alf. Baie opgewonde, sien ek nou die dag die reeks raak op die internet en maak dadelik plan om dit vir my kinders te wys. Wat ‘n teleurstelling, vir hulle en vir my! Dit is nie meer so goed as wat ek onthou nie.

Ek wonder baie keer of het mense verander of onthou ek net verkeerd? Het ons as kinders dalk iets ervaar, soos om te d**k Alf is fantasties, of was dit regtig goed? Was menswees anders ‘n paar dekades terug of onthou ons dit verkeerd?

Ek onthou hoe mense vir mekaar goed geleen het, vandag moet ons alles huur of koop. Ek onthou hoe mense onvoorwaardelik vir hulle bure goed gegee het, vandag kan ons mekaar nie meer bo-oor die hoë mure sien nie. Ek onthou hoe mense omgegee het vir mekaar, maar vandag lyk dit of meeste net omgee vir hulle self. Ek onthou ‘n tyd toe ons respek gehad het en opgekyk het na mense oor hulle integriteit, waardes en karakter. Vandag word daar opgekyk na rykdom en status.

Kan mens so verkeerd onthou of het ons verander? Het die idee van menswees so verval dat ons dit nie meer herken nie? En as ons reg onthou, wanneer en hoekom het dit gebeur? Hoekom het ons toegelaat dat die warm, omgee-menswees vervang word met ‘n koue, selfsugtige kultuur?

Maak geen fout- daar is nog menswees-mense daar buite. Ek sien hulle so af en toe. Hulle het ‘n ander manier aan hulle. Hulle kan verby die geld en status kyk en sien wie en wat iemand regtig is. Hulle het ‘n deernis in hulle doen en late en hulle weet nog wat dit beteken om om te gee. Hulle het skaars geword, maar hulle is daar. Hulle verstaan daarvan om mens te wees is soos ek dit onthou.

Dit sal hartseer wees as ek menswees verkeerd onthou, want dit is iets waarna ek terug verlang. Dit is iets mooi en dierbaar waarnatoe ek wil streef. Dit is iets wat ek vir my kinders wil wys en hoop hulle is nie so teleurgestel met menswees as wat hulle was met Alf nie.

Die van julle wat destyds Alf gekyk het sal onthou dat hy kamma van die ruimte af gekom het. Voel dit nie ook vir jou partykeer of jy ‘n vreemdeling, uit die ruimte, is tussen mense nie? Hulle jaag haastig verby mekaar, altyd kwaad vir wie ookal voor hulle is, alles moet altyd groter en blinker wees en klaarblyklik kan hulle nie meer ontspan sonder ‘n dop in die hand nie.

Die planeet waarop ek groot geword het was ‘n menswees planeet. Die wesens van daardie planeet het die ‘super-krag’ gehad om na mekaar om te sien, in mekaar se geluk en sukses te deel en om mense in nood by te staan sonder betaling of verwagting. Hulle was vriendelik, ordentlik en het goeie maniere gehad. Menswees was soos asem vir hulle.

Ek hoop nie ek onthou verkeerd nie…

11/07/2024

AFRIKANER AKKOORD - Tabok Trust het die internasionale regspan tydens 'n funksie bekendgestel aan die publiek op 6 Junie 2024. Dit volg nadat die regspan die voorafgaande dae deur die meriete van die saak gewerk het en tot die gevolgtrekking gekom dat die saak wel meriete het om verder gedryf te word.

Die internasionale span het leiding gegee oor die prioriteite veral op die volgende aspekte:

1. Die voorbereiding van die hofsaak moet prioriteit geniet sodat alle aspekte totaal gedek word wat 'n moontlike volkstaatgebied insluit.

2. Die ooreengekome gebiede van 1993 word uiteraard hierby ingesluit. Dit is na 30 jaar nie meer haalbaar nie. Daardie gebiede was net 'n aanvanklike wegspringgebied. Die Volkstaatraad moes met 'n finale aanbeveling vir 'n finale volkstaatgebied kom. Hierdie hou 'n kritiese belangrike regsimplikasie in naamlik dat daar 'n reg gevestig is per die ooreenkoms.

3. Die Volkstaatraad se aanbevelings sal bestudeer word en op grond van die aanbevelings en bepalings van die internasionale reg, om daarvolgens 'n moontlike volkstaatgebied te identifiseer.

'n Komitee met die nodige kundiges sal aangestel word om hierdie take uit te voer en ook om insette van die breër Afrikaner Publiek te ontvang en in prosesse uiteen te sit.

Die finale volkstaagebied sal uiteindelik in 'n finale internasionale bemiddelde proses afgehandel word. SA howe kan nie vir ons 'n volkstaat proklameer nie, dit sal deur internasionale bemiddeling onderhandel moet word.

Om hierdie saak te ondersteun kan u een van die volgende persone kontak:
Louis Smuts: 081 757 0833
Piet Kleynhans: 083 262 0235
Koos Odendaal: 082 902 9660
TABOK TRUST

10/07/2024

Gesels saam in die kommentare.

10/07/2024

KragDag vind plaas op 8,9,10 Aug 2024. Dit gaan groooooot wees.

09/07/2024

Wat is die effek wat die REG en die REGSTELSEL op Landbou het? Sal dit gebruik kan word in die geveg om eiendomsreg in Suid-Afrika te verseker? Wat maak ons as die regbank nie meer binne die wet optree nie?

09/07/2024

Misdaad in Suid-Afrika is buite beheer. Vanaf 1990 tot en met 15 Junie 2024 is daar reeds 6437 plaasaanvalle en 2276 plaasmoorde in Suid-Afrika.

TLU SA Oos-Streek gaan 'n gedenkmuur in Ermelo oprig ter nagedagtenis aan die (tot op datum) 310 plaasmoorde wat in die Mpumalanga provinsie plaasgevind het. Hulle wil jaarliks 'n kranslegging reël om nie hierdie mense te vergeet nie.

Hierdie gesprek met Mnr Henry Geldenhuys (President van TLU SA) is opgeneem op 15 Junie 2024 tydens die Oppiplaasfees, waarby TLU SA ook betrokke is.

Kort na die onderhoud het TLU SA met 'n mediaverklaring uitgekom wat stel dat plaasaanvalle en plaasmoorde is tereur en sabotasie. Lees die volledige berig hierso: https://www.tlu.co.za/plaasaanvalle-en-moorde-is-terreur-en-sabotasie/

08/07/2024

Ons BOERE in landbou is die grootste stabiliseerder en bate van SA. Hierdie gesprek met Mnr Bennie van Zyl (Hoofbestuurder van TLU SA) is opgeneem op 15 Junie 2024 tydens die Oppiplaasfees, waarby TLU SA ook betrokke is.

Die ANC het elke jongmens se toekoms van hom gesteel. Die ongesonde beleidsomgewing, tuimelende infrastruktuur, swak veiligheidstoestande, swak ekonomiese groei skep eerder wantroue en jaag beleggers weg.

Hier is die skakel na die brief aan die president wat vermeld was in die onderhoud: https://www.tlu.co.za/ope-brief-aan-president/

TLU SA Oppi-Plaas Fees Dullstroom