Ditaba Tsa Sepedi Iri ka Iri Go Thobela FM

Ditaba Tsa Sepedi Iri ka Iri Go Thobela FM Madireng a lefase...

25/02/2025

Thobela!!!

Magareng ga ditaba tša Thobela FM ya SABC ka iri ya 15h00 ka Phuti Mahlo re ka letela tša gore....

***President Cyril Ramaphosa o re mmuso o gatisitse molawana wa dikoma kuranteng ya mmuso, gore setshaba se ntshe maikutlo.

***Kgoro ya bosetshaba ya maphelo e tsebisitse lesolo le leswa la kalafo ya HIV, ka maikemisetso a gore batho ba milione o 1,1 bao ba sa humanego kalafo, ba be lenaneong la kalafo goya kgweding ya Manthole lenyaga.

***Setopo sa lesogana la mengwaga ye 18 se humanwe letamong la kua Postmasburg probenseng ya Northern Cape

25/02/2025

Thobela!!!

Magareng ga ditaba tša Thobela FM ya SABC ka iri ya 14h00 ka Phuti Mahlo re ka letela tša gore....

***Kgoro ya bosetshaba ya maphelo e tsebisitse lesolo le leswa la kalafo ya HIV, ka maikemisetso a gore batho ba milione o 1,1 bao ba sa humanego kalafo, ba be lenaneong la kalafo goya kgweding ya Manthole lenyaga.

***Tonakgolo ya Gauteng Panyaza Lesufi,o re o laetse dihlopha tsa Johannesburg Roads Agency, go di thibe mekoti ya mo ditseleng mo sebakeng sa diiri tse 72 go tloga sebakeng seo e tla bego e begilwe ka sona.

***Mekgahlo ya go fapana ya bodumedi le khomisene ya merero ya setso,bodumedi le ditokelo tsa maleme ere go fisa ditopo ga gwa swanelwa goba kgapeletso go malapa.

24/02/2025

Thobela!!!

Magareng ga ditaba tša Thobela FM ya SABC ka iri ya 15h00 ka Phuti Mahlo re ka letela tša gore....

***Molato kgahlanong le modudi wa naga ya DRC wa mengwaga ye 41 yo a golegilwego ditatofatsong tsa tiragalo ya go betha, lefelong la boithabiso la bosego la Zanzou ka Hatfield gola Pretoria, o sutisitswe goba go fihla ka mosupologo wa beke e tlago.

***Tona ya maphelo Dr Aaron Motsoaledi o re go lefela tirelo ya kalafo go swanetswe go fediswa.

***Mopresidente wa China Xi Jingping o boditse wa mphato wa gagwe gotswa ka Russia Vladimir Putin gore o thabiswa ke go bona naga yeo le dinaga tse dingwe, di tseya kgato ya go leka go rarolla ntwa ya magareng ga naga yeo le ya Ukraine.

24/02/2025

Badudi ba Bothaville mmasepaleng wa Nala,ba ikgašitše mebileng go dira boipiletšo bja gore,ramotse Nozililo Mashiya le molaodi wa mmasepala Lehloenya Scotch,ba itokolle.Bo-2 bo latofatšwa ka bomenetša le taolo-mpe.Tshepedišo ya kabo ya dithuto le yona e šarakantšhitšwe,mola dikgwebo di tswaletšwe.Mmasepala o kolota Eskom diranta tše dimilione tše 936.Moeta-pele wa setšhaba ke Thami Makau.

24/02/2025

Tona-kgolo ya Northern Cape,Zamani Saul,o re mmušo wa profense o tla lekola tšhomišo ya diranta tše dibilione tše 2,5,tšeo di abilwego ke kgoro ya bosetšhaba ya ditšhelete go mmasepala wa Sol Plaatjie,gore o šogane le dihlotlo tša kabo ya meetse.Saul o boletše tirelong ya go tsebišwa semmušo ga projeke ya Budget Facility for Infrastructure,ka Riverton..kgauswi le Kimberley mesong ya lehono.Maikemišetso a projeke yeo ke go šogana le mathata a meetse ao a tšwelago-pele,ao gape a bakilego ditiragalo tša kgaotso ya kabo ya meetse,go dutla ga di-phaephe le mananeo-kgoparara a kgale.Tšhelete yeo e tla lokollwa ka dikgao-kgao, mo sebakeng sa mengwaga ye 7 yeo e latelago.

24/02/2025

Tona ya maphelo Dr Aaron Motsoaledi,o re go lefela tirelo ya kalafo go swanetšwe go fedišwa.O re Afrika Borwa ke ye nngwe ya dinaga tše 2 go kgabaganya le dinaga tša lefase tšeo go tšona,ditirelo tša kalafo di sa lefišwago.Tona Motsoaledi o re,go swanetšwe go budubutšwe mekgwa ye mengwe ya go fihlella kalafo.Tona o boletše seo go babegi ba ditaba ka Johannesburg,morago ga ditheeletšo tša Competition Commission,tša mabapi le mmaraka wa tša kalafo...

24/02/2025

Thobela!!!

Magareng ga ditaba tša Thobela FM ya SABC ka iri ya 15h00 ka Phuti Mahlo re ka letela tša gore....

***Tona ya maphelo Dr Aaron Motsoaledi o re go lefela tirelo ya kalafo go swanetswe go fediswa.

***Badudi ba Bothaville mmasepaleng wa Nala, ba ikgasitse mebileng go ipiletsa go ramotse Nozililo Mashiya le molaodi wa masepala Lehloenya Scotch go itokolla maemong ao.

***Lefelo le legolo la bodulo bja baithuti la privete leo le thekgwago ke NSFAS ka Mahikeng la Tholo Residence, le latofatswa ka go lefisa seroto sa godimo sa go fedisa dikwano tsa bodulo.

24/02/2025

Mo-kaptene wa Di-Springboko,Siya Kolisi,o butše lefelo la bodulo bja baithuti leo le reeletšego ka yena Universiting ya North-West,khamphaseng ya Potchefstroom.
Lefelo leo le tla dulwa ke baithuti ba 100 le metšo ye 2,bao e bago maloko a NWU Rugby Institute.Kolisi o hlohloleditše baswa bao ba nago le kgahlego ya go raloka papadi ya Rugby gore,ba šome ka maatla gore ba atlege bophelong.

24/02/2025

Tshepedišo ya go tloša mašole a Afrika Borwa ka bohlabela bja DRC,e tšwela-pele.Ga gwa hlaka gore ke mašole a ma kae ao a tlago boela mono gae.Kgweding ya go feta mašole a 14 a Afrika Borwa a bolailwe dikgohlanong magareng ga mašole a DRC,le marabele a M23.

24/02/2025

Maloko a MK Party,a gwanta ka ntle ga kgoro-tsheko ya magistrata wa Pretoria fao go letetšwego gore,monna wa mengwaga ye 41 o tla tšwelela gona ditatofatšong tša go betha baithabiše,lefelong la bošego la boithabišo la Zanzou,ka Hartfield.

Seo se latela morago ga gore,kgatišo ya video yeo e bontšhago masogana a mengwaga ya go balelwa go 20 ba tlaišwa ka thobalano lefelong leo,e phatlalatšwe makaleng a dikgokagano tša leago mo dibekeng.Monna yo o golegilwe ka Yeoville,Johannesburg,ka Labohlano.Mmoleledi wa MK Party,Abel Tau,o re ba ikgašitše kgorong-tsheko go laetša thekgo go batšwasehlabelo.

24/02/2025

Thobela!!!

Magareng ga ditaba tša Thobela FM ya SABC ka iri ya 14h00 ka Phuti Mahlo re ka letela tša gore....

***Maloko a phathi ya MK ,a gwanta kantlenyana ga kgorotsheko ya maseterata wa Pretoria fao go letetšwego gore, monna wa mengwaga ye 41 o tla tšwelela gona ditatofatšong tša go betha barekiši, lefelong la boithabiso la bošego la Zanzou, ka Hartfield gola Pretoria.

***Eskom e re dihlopha tša yona di dirile tšwelo-pele ye kgolo mo go bušetšeng kabo ya mohlagase go tšwa dibong tše 8 godimo ga tše 10,tšeo di bego di sa šome mo mafelelong a beke.

***Tshepedišo ya go tloša mašole a Afrika Borwa ka bohlabela bja DRC,e tšwela-pele.

24/02/2025

Go humanwe setopo sa monna yo a sa tsebjwego kua Lamberts Bay ka West Coast. Mmoleledi wa National Sea Rescue Institute Craig Lambinon o re ba ntšhitše dihlopha morago ga dipego ka ba bangwe tša gore ba bone setopo, fao meetsing. O re setopo seo se humanwe kgauswi le maswika a fao lebopong.

24/02/2025

Mokgahlo wa baithuti wa SASCO o šišintše gore makala a thuto ya godimo a šomiše madulo a boleng bja tlase, go leka go šogana le mathata a madulo ao baithuti ba lebanego nawo. Baithuti bao ba lefago go tšwa merabeng ya bona, ba palelwa ke go hwetša madulo a boleng bja tlasana. Kagisho Sedikila wa SASCO o re baithuti ba yunibesithi ya technology ya Tshwane ba gapeletšega go dula ele ba bantši.

24/02/2025

Eskom e re go n ale kgatelopele yeo dihlopha tša yona di e dirilego, go lokišeng dikarolo tše 8 go tše 10 tšeo di itemogetšego mathata mo mafelelong a beke.Khamphani yeo ya mohlagase e phethagaditše kgato ya 6 ya kgaotšo ya kabo ya mohlakgase mesong ya maabane go tšwa go kgato ya 4 ka mokibelo.

Seo ke ka baka la go se šome gabotse ga dikarolo tša ditiši tša go fehla mohlagase tša Camden, Majuba le Medupi. Mo lebakeng le naga e ka gare ga kgato ya 4 ya kgaotšo ya kabo mohlakgase, goba go fihla mo nakong yeo e sa tsebjwego. Mmoleledi wa Eskom ke Daphne Mokoena.

24/02/2025

Magareng ga tšeo di ka letelwago iring ya pele ka Sthembiso Maebela go Thobela FM,ke tša gore:

Eskom e re go na le kgatelopele yeo dihlopha tša yona di e dirilego, go lokišeng dikarolo tše 8 go tše 10 tšeo di itemogetšego mathata mo mafelelong a beke.

***Mokgahlo wa baithuti wa SASCO o šišintše gore makala a thuto ya godimo a šomiše madulo a boleng bja tlase, go leka go šogana le mathata a madulo, ao baithuti ba lebanego nawo.

***Go humanwe setopo sa monna yo a sa tsebjwego kua Lamberts Bay ka West Coast.

24/02/2025

Go letetšwe gore bagononelwa ba 2 bao ba lletšwego ke ditšhipi godimo ga go thuntšha le go gobatša lephodisa, ba hlwe ba tšweletše-pele pele ga kgorotsheko ya maseterata wa Nebo, seleteng sa Sekhukhune mono Limpopo, tšatšing la lehono.

Maphodisa a re bagononelwa bao ba hutše lephodisa leo le bego le se mošomong, sethunya sa lona sa mošomo, lefelong la kantlenyana ga Jane Furse kgwedi ya go feta. Mmoleledi wa maphodisa Stephen Thakeng o re bagononelwa ba lletšwe ke ditšhipi ba le magaeng a bona a ka Gauteng, morago ga gore maphodisa a longwe tsebe. Go feta fao o re ba humane gape le dithunya tše mmalwa.

24/02/2025

Ditona tša matlotlo le batlatša-babušiši ba dipanka tša gare tša dinaga-maloko tša G20, ba ya go sohla-sohla taba tša go ama di-ikonomi le matlotlo, kopanong ya sebopego sa dinaga tšeo tše maatla mono lefaseng, yeo e kgahlampanago ka Cape Town. Motlatša-mmušiši wa panka ya Reserve mono nageng Rashad Cassim o re baya go rerišana gape le ka ga mekgwa yeo e yago go somišwa go godiša ikonomi ya lefase.

24/02/2025

National Energy Regulator of South Africa/NERSA e re Eskom e swanetše go tla ka lenaneo la ditheko tša boleng bja tlase tšeo di amogelegago le goba pepeneneng, bjale ka ge e filwe tumelelo ya go hlatloša ditheko tša mohlagase mo ngwageng wa dithelete wa 2025/26.

Dipolelo tšeo tša NERSA di latela morago ga gore Eskom e tsebiše kgato ya bo6 le ya bo4 ya kgaotšo ya kabo ya mohlagase. Le ke lekga la bobedi bjale ngwageng wo, badudi ba ikhwetša ba le leswiswing. Mmoleledi wa NERSA ke Charles Hlebela.

Address

19 Hospital Street
Polokwane
0699

Opening Hours

Monday 05:00 - 22:00
Tuesday 05:00 - 22:00
Wednesday 05:00 - 22:00
Thursday 05:00 - 22:00
Friday 05:00 - 22:00
Saturday 05:00 - 22:00
Sunday 05:00 - 22:00

Website

Alerts

Be the first to know and let us send you an email when Ditaba Tsa Sepedi Iri ka Iri Go Thobela FM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ditaba Tsa Sepedi Iri ka Iri Go Thobela FM:

Videos

Thanks for being a top engager and making it on to my weekly engagement list! 🎉 Raesibe Rose, Glecious Kha Sebola, James Marumo Monare, Dolph Romero Speelopark, Jackson Peterson Re leboga kudu kudu. Thekgo ya Lena e re dira seo re lego sona

Raditaba wa SABC, Abongile Dumako o boledisana le Mosioua Lekota wa COPE... #sabcnews

Maloko ao a lego kgahlanong le boetapele bja Mosiuoa Lekota, a sarakantsh*tse kopano ya babegi ba ditaba lehono ka Boksburg, ka Johannesburg morago ga gore a tsebise gore o swere ke kankere ya setho sa bong...

Maphakga a ka gare ga COPE

Shortcuts

Share

Category