20/02/2017
Hy het gesê hy sal my doodmaak” – 76-jarige slagoffer aan media na ouetehuisrooftog die afgelope naweek.
Maritza van Zyl | February 15, 2017
Lena Heystek, 76, wat deur vyf indringers beroof is.
Lena Heystek, 76, ‘n inwoner van Sashca’s Ouetehuis, is getraumatiseer nadat vyf booswigte Vrydagaand, 10 Februarie omstreeks 8.30nm haar kamer binnegestorm het.
Lena Heystek, 76, wat deur vyf indringers beroof is.
Die Herald het die ouetehuis gaan besoek, waar Heystek van die aand se gebeure vertel het. Dit was duidelik dat sy steeds aan skok gely het. “Dit was so teen 8.30nm, en ek het in my kamer, wat ek met my man Jan deel, gesit en krieket kyk. Ek sluit nooit my deur nie, aangesien die nagskofpersoneel my man elke nou en dan moet kom draai, aangesien hy bedlêend is,” het sy gesê.
Heystek het verder vertel dat die nagskofpersoneel gewoonlik eers aan die deur klop, maar dié aand het hul kamerdeur net oopgegaan en vyf indringers, sonder enige vermomming, het die kamer binnegestorm. “Ek kan nie onthou hoe hulle lyk nie, ek was in skok. Ek onthou net dat een van hulle ‘n rooi h**p aangehad het,” het sy gesê. Heystek het vertel dat hulle baie haastig was, en ook met mekaar in hul taal gepraat het.
Die een verdagte het dadelik vir haar gesê om stil te bly en gesê, “This is just a robbery“. Hulle het haar ringe, oorbelle en haar horlosie afgehaal en gevat. Hulle het ook haar handsak met al haar bankkaarte, haar man se identiteitsboekie en twee selfone gevat. Daarna het hulle glo dadelik na ‘n spesifieke kas in haar kamer gestap. “Dit was ‘n inside job,” glo Heystek.
Haar kluis was in daardie spesifieke kas.
Lena Heystek, 76, wat deur vyf indringers beroof is.
“Ek dra gewoonlik die sleutels om my nek, maar daardie oggend het ek dit afgehaal omdat dit my seergemaak het. Nadat hulle die kluis gekry het, het die een my beveel om die sleutels wat om my nek is vir hulle te gee, anders sou hy my doodmaak. Ek het vir hom gewys dat daar nie sleutels om my nek was nie, en vir hom gesê dat dit in die groot kluis in ‘n ander deel van die ouetehuis gebêre word. Ek vra myself af, hoe weet hulle ek het altyd my sleutels om my nek? Hulle het toe ook my kluis met alles daarin net so gevat en is na die volgende kamer toe.”
Die rowers het net twee kamers se inwoners beroof, en die ouetehuis se groot plasmatelevisie gesteel. Wat Heystek die meeste pla, is dat haar trouring wat haar man 58 jaar gelede vir haar gegee het, in die kluis was. “Die sentimentele goedjies kan nie vervang word nie,” het sy hartseer gesê.
Hoewel die meerderheid by die ouetehuis glo dat die rowers ‘n rooi BMW gebruik het, glo Heystek dat dit ‘n rooi bakkie was.
Lena Heystek, 76, wat deur vyf indringers beroof is.
Crystal Stellenberg, 30, Sashca’s Ouetehuis se senior toesighouer, het gesê sy was die naweek af, en dat wat gebeur het, skrikwekkend is. Sy en Heystek het vertel dat dit die derde keer was dat inwoners beroof word. Stellenberg werk glo al nege jaar by die ouetehuis, wat vanjaar 11 jaar bestaan.
Stellenberg het gesê dat die besoektyd by die ouetehuis wat altyd van 7nm tot 8nm was, opgeskort gaan word. Toe die Herald vertrek het, het al die inwoners en die eienaar bymekaar gekom vir ‘n vergadering aangaande die roof van Vrydagaand.
“As dit donker word, word ek angstig, as iemand die deur oopmaak, is ek angstig. Ek sal nie so in hierdie kamer kan bly nie. Ek d**k nie ek gaan ooit hieroor kom nie,” het Heystek gesê.
Vir die personeel en ander inwoners van die ouetehuis is beter sekuriteit nou ‘n belangrike kwessie.
Het jy dalk meer inligting rakende dié storie? Stuur gerus vir ons ‘n e-pos na [email protected] (sluit asseblief kontakbesonderhede in) of skakel ons by 011 693 3671.
Lees ook:
Old age home targeted by armed robbers
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes Roodepoort Record, Krugersdorp News en Get It Joburg West Magazine
Besoek ook ons Facebook, Twitter
