20/12/2022
Wanuna wa 38 wa malembe hi vukhale u tidlayile na wansati wa yena wa 35 wa malembe hi vukhale hiku hisa yindlu leyi a va ri eka yona mahelo ya vhiki lawa ya nga hundza.
Mhangu leyi yi humelerile emugangeni wa Madimbo ehansi ka Tshamutumbu Vhembe exifundzheninkulu xa Limpopo hi Sonto.
Maphorisa ya vula leswaku ya kumile riqingo mayelana na yindlu leyi nga hisiwa kwalomu ka awara ya 07:00 naswona loko va fika laha mhangu yi nga humelela kona, va kume yindlu yi tshwile naswona endzeni a kuri na nuna na nsati .
Vulavisisi byo sungula lebyi endliweke hi Maphorisa kusuka eka munghana wanuna wa malembe ya 38 hi vukhale, u paluxe leswaku mixo wolowo u vonile munghana wa yena a rhumela n’wana wa yena ku ya xava petirolo exitichini xa mafurha ya swifambo kuya xa petirolo ya jeneretara naswona loko a vuya.
Wanuna loyi u n’wi rhumele nakambe exitolo ku ya xava swakudya swo karhi. Loko mufana loyi a vuya swi tikomba a hlamarile ku vona yindlu ya ndyangu wa yena yi ri karhi yi hisiwa, yi rhendzeriwe hi vanhu.
Mufi u tiveka tani hi Thovhowani Masakona wa malembe ya makume nharhu ntlhanu na munghana wa yena Christopher Mudau wa malembe ya makume nharhu nhungu.
