https://www.facebook.com/132563437287741/

V. Mutasa stories

Home
South Africa
Johannesburg
V. Mutasa stories

Author and content creator.
(2)

17/07/2024

Big shout out to my newest top fans! 💎 Kudzu Bote

Drop a comment to welcome them to our community,

12/07/2024

Varoyi vaya vatanga, Network yeCell C haichabatizve 🤣🤣🤣🤣

11/07/2024

Chirungu handichinzwe hangu asi kana Tinashe Mugabe akati 0% ziva kuti mwana haasi wako

08/07/2024

EVIL SISTER

STORY BY V.MUTASA

CHITSAUKO 49
Final

+27626831225

Ndakaramba kubvuma zvandaiona nemaziso angu, Jaya rangu raivapo zvaro rakati dzii kumira nechepakakwirira.
Kuti akanga abva nepi Justrice achisvika apa handizivi uye akanga akamira pakaita paStage saka ndakafamba ndakabatirwana kukwira paaiva.

Akanga akachena kani Justice, suit yake nga nebhutsu dzaiita kuvaima.
Ndichingosvika ndakaona Justice achiti gwadagwa pasi achivhura chibox chaiva nering.

Handina kuwana mukana wekumumhoresa kana kumumbundira ndakanzwa mashoko aya achibuda mumuromo make.
"Masciline Muganga will you make me the happiest man in the world?".

Ndisati ndapindura pfungwa dzakanga dzichiri confused, kubhodhereka chaiko kuti ibirthday raBamukuru baba Kim neEngagement party yangu here kana kuti chiiko ichi.
Misodzi yaiyerera pamatama.
Achitaura kudaro Justice akanga akaisirwa Mic pamuromo naMC.
Inini ndakanga ndakabatwa uku nekuku ndobva ndaisirwawo Mic pamuromo zvekuti zvose zvataitaura zvese zvainzikwa negumi nefararira revanhu vaiva apa.

"Yes..."
Ndakadavira ndakazara misodzi pamatama angu ndikanzwa vanhu vachiita ruzha rwekupembera nemufaro.
Mimhanzi yakatanga kudandauka ipapo pakamboita ruza takambundirana naJustice.

"Its our weddding day babe, i decided to surprice you, harisi birthday raBamukuru".
Akataura munzeve dzangu ndikarohwa nehana.
Ndisati ndapindura kana kubvunza kuti wakazvironga sei Mimhanzi yakabva yanyaradzwa.

"Yeah yea yeaaah, our bride has arrived and yes yes she doesnt know that it it is her weddding day....vaEngage ka vanhu ava!!!"
Akadaidzira kuda ndiye MC wakanga watsvagwa asi ini ndaisamuziva.
Vanhu vakabva vamboita ruzha akanyarara zvake MC uya.

Ruzha parwakandoti mhoo akabva atanga kutaura.
"Yah Yah nhasi tauya kuzopemberera muchato wa Justice Muchawaya naMasciline Muganga.
Eh Mondiregererawo Maiguru ndinoziva kuti imi makaudzwa kuti murikuuya kuBirthday raBamukuru asi bodo bodo, chaunga chese ichi chafambira imimi pano".

Ndakatenderedza maziso angu akanga akaputirwa nemisodzi sezvo hana yangu yairova zvekumhanya chaizvo.
Ndakatarisa asi vamwene vangu, vatete vangu baba Vangu vekumusha vese vanhu ava handina kukwanisa kuvaona.

Handina kuwana mukana wekutaura kana kubvunza hangu Justice kuti zvirikufamba sei panapa asi ndaiva nemibvunzo yakawandisa.
Zvakanga zvachibatana zvino mufaro pamwe nekubhodhereka pfungwa.

"Saka now, nguva ino tichaipa kuvachati vedu kuti vandogadzirira, vapfeke dzemuchato, vozouya tichitangidza program yedu".
Akaenderera mberi achidaro shuwa Mercy akandibata ruoko ndokubva tapinda mukati umo mandakasvika hama dzedu dzese dzirimo. Ndakwazisa vose vaiva umu nemufaro uye vose vairova mhururu imomo, Baba vangu vekumusha vaiita kuridza muridzo.

Ndakakandopinzwa maiva nerimwe kamuri maiva neWedding Gown, Tete Mai Kim vaivamo, uye ndakatambirwa imomo zvakanaka.
Munin'ina wangu mwana waBamunini vekumusha aivamo.
Vamwene vangu vaivamo,mufaro wandakava nawo wakanga wakanyanyisa asi wakandichemedza.
Ndakazotoona kuti Hall yataga tapinda iyi yakanga inemakamuri akawanda zvekuti hama dzose dzaikwana imomo.
Maivazve neziBig screen rekuti zvose zvaiitika panze zvose zvaionekwa.

Mukamuri mandakapinzwa ndakangosvikogara ndigotangwa patsva kubatwabatwa kumeso musoro zvese kani.
Vamwe vaipfanyapfanya tsoka dzangu uku waingonzwa "relax...reax Massie, izuva rako nhasi unofanira kufara".
Mercy akanga ari leader wevanhu vaiva umu.

Ndichipedza kubatwabatwa ndakati gown rangu wii, imi kani, waizomboda here.
Rakanga rakandifita nemimba yangu kudero, ndainzwa misodzi ichiti ngarangara mumaziso asi hana yairoverera ndichizvibvunza mumoyo kuti shuwa ndini here uyu.

Ehe chaiva chokwadi kuti ndaiva ndiri ini nekuti ndakazvitsunya ndikanzwa kurwadziwa.
Mimhanzi yaiva dhindidi panze
Wainzwa kuti parikutambwa vanhu vachipemberera.

NdapedzaTete Mai Kim vakadanwa nekuti vakanga vambobuda vakauya vakagara pasi.
"Massie mwanangu, nhasi izuva rako, nhasi tose pano nehuwangu hwedu tauya kupemberera iwe.
Murume wako ndiye akaita zvose izvi, kumusha kwakaenda bhazi kuti ritakure vanhu vese vaida kuuya pano.
Vanhu vabuda nehuwandu hwavo kuti vazofara newe.
Chirega kufunga zvekumashue, wofunga zvekumberi.
Kanganwa zvose ende uye bamukuru vako Baba Eze takavatumira invitation havana kupindura asi iwe siyana nezvisina basa rangarira chakakosha chirimumaooko ako.
Now tichapinda mukati umo munevanhu vese uchatorwa imomo naIrvine wakananga kundoiswa mumaoko emurume wako".
Vakataura Tete ndichingunogutsurira hangu ndaibvuma zvose zvavaitaura nekuti chaiva chokwadi ende uye ndaida kuti ndimbonzwa mashoko esimbiso ndisati ndabuda panze paiva nevamwe.

Ndakabuda panze panguva iyi ndakanga ndavakunzwa kuti ndini uyu, pfungwa dzakanga dzadzokedzana.
Mufaro wakanga wavapo zvekuti chero vanhu ndakanga ndavakukwanisa kuona kuti uyu ndinhingi uyu ndinhingi.

Ndichisvika Maiva makaungana vehukama ndakanzwa mhururu dzichirira, mheterwa nekoko.
Veduwee mufaro wacho wakanga wakanyanyisa kani.
Vanhu vese vaindikurudzira nekundisimbisa kuti ndive nemufaro.
Zvakanga zvatumwa wabvira zvokwadi chembere kutumwa mutsago wanei iyo yondopereka nendiro.
Ndakazobuda umu ndabatwa ruoko naIrvine uku Bamunini vekumusha vakanga varipowo vakabva vandibata kunerimwe divi tichifamba tichibuda paiva nevanhu.
Tichisvika padoor Bamunuini vakabva vadzokera ndokubva taramba tichienda naIrvine.
Ndaifamba ndakatsikitsira asi ndaiita ndichibiridzira kutarisa Justice, nyemwerero yake yaibva yandipedza mafuta.
Ndakatombokanganwa kuti ndinepamuviri nemufaro.

Takasvika ndokubva Irvine andisiya mumaoko aJustice.
Pastor vaivapo apo Justice akandivhura kaveil kanga kakandivhara kumeso.
Ndakaona misodzi ichiti mokoto mumaziso ake
Aiwa takava nenguva yakanaka pamuchato wangu chero yakanga iri surpriceasi ndakafara zvikuru.
Hana yairova nemufaro ipapo kaJustice kadiki kaitamba zvako mudumu.
Takaita zvese zvingadiwa kutwa pamuchato ndokuzobva apa tichipinda mumota ndiye hutu takananga kwandaisaziva.

Mota yataifamba nayo handina kutomboziva kuti ndeyani kana kuti yakanga yawanikwepi.
Taingunozemberana naJustice pasina zvakawanda zvaitaurwa
Kuda kwakanga kuri kuneta uye nekuda kwedumbu randakanga ndakatakura ndakabva ndati kwati pachifuva chaJustice hope dzikati tasvikawo changamire.
Dzakandirova ndikazomuka kunze kwatosviba uku mota ichirova pasi.

"Mamukasei?".
Akadaro Justice.

"Ndamuka daddy, but why kusandinyeurirawo nyaya yakakura kudai".
Ndakabvunza.

"Did you enjoy the surprise babe?".
Akabvunza apa achitadza kupindura wangu mubvunzo.

"Hongu i had a good day Daddy but why usina kundiudzawo shar".
Ndakadzokorora wangu mubvunzo.

"Babe usanditsamwira hako, Ini ndaitoda kukuudza at first but sisi vako insisted kuti at least ikaita surprise zvinogona kukunakidza".
Jussie uyo.

"Oh so iplan yaMercy yese iyi".
Ndakabvunza.

"Babe she is trying, your sister is trying by all means to make you happy.
She knows she wroged you big time and she is up for corrections.
Takaumba a very big company yekutengesa maparts emota and it has four branches akamirira kuvhurwa once tabva kuHoneymoon.
I weanted it to be a surprise again but ndaona kuti unemibvunzo yakawanda.
We used Mukoma, murume waMaiguru Mercy ndiye akaita run around kuti zvose zvizobuda.
Yesterday we visited all the branches and everything is set.
Munhu akauya neIdea ndiBamukuru baba Kim saka yes i am the Majority Shareholder but Baba Kim vanechidimbu chavovo.
Then Bamukuru ndovachange vachiona kuti all these four branches are running smoothlty and he showed that he is Capable.
We need to uplift them, they are humans after all.
Iwewe uchingozvara tirikuenda zvedu UK nekuti ini im not ready kumira basa plus kuvako kuUk kwangu kuchabatsira business redu kuti every part inenge ichidiwa ndinokwanisa kumhanya ndonoitenga ndotounza kuZim".
Akataura Jussie ndakanyarara uku mota ichingoenda.

Moyo wangu wakarwadza shuwa ndikaona kuti Mercy arikuzama zvekurevesa.
Ndakavhomora nhare yangu ndokubva ndafonera Mercy.

"Mainini murisei, Mafamba zvakanaka here?".
Akadavira achidaro Mercy.

"Ndiribho ini yah tirikufamba zvakanaka hedu....."
Ndakambonyarara ndokubva ndazoti "Sisi Mercy!".
Akabva ati "Yes matii Mainini".

"I forgive you and thanks for everything that you have done for me in the past few days".
Hongu aiva seri kweNharembozha Mercy asi ndakanzwa achitura mafemo.

"Thank you Mainini and i will never dissapoint you mwana wamai vangu".
Akadaro Mercy ndokubva tatanga kutaura nyaya dzakasiyana zvedu panhare asi ayindiudza marongero avakaita muchato naTete mai Kim.

"Nhasi kanochiona kumupfana kako nhasi tichingopinda muHotera ini kata pamusoro handibvipo".
Justice akabva apindira nyaya dzedu akanga atoonakuti tavakuwirirana.

"Hii imika, musashungurudza mupfana wangu zivai kuti akazvitakura ka uyo".
Mercy akapindura achiseka, takazotauravo naBamukuru aiwa ukama hwedu hwakanga hwadzoka zvino.
Takanga tavakuwirirana uye neni mumoyo ndakanga ndazvitambira kuti Mercy ndivakoma vangu.

"Takaenda kuVictoria Falls tikandofara ikoko kwevhiki yese. ndokubva tazodzoka.
Chokwadiwo tichidzoka Bamukuru ndivo vakatitakura tichishanyira JC car parts mabranches avo ese arimana.
two aiva muHarare one raiva Masvingo rechifour raiva KwaMutare
Akavhura ese akatanga kushanda zvaimwisa mvura.

THE END

Ndichingobatsirwa mwanasikana wangu ndakabva ndazoenda UK kundogara nemurume wangu asi kushusha taigara tichiuya zvedu.
Irvine akanga azovakisa ziimba rakanga rakanaka kumusha nekuti Chikoro akazoendeswa naJustice.
Mercy akavakawo yake imba muHarare makare asi mwana akaramba kuuya.
Best ayikwatura chikoro kwete zvekutamba.

08/07/2024

EVIL SISTER

CHITSAUKO 48

STORY BY V. MUTASA

"Hello...Mainini masara zvaskanaka here?".
Akadavira achidaro Mercy.
Ndakashama wangu muromo kuda kutaura asi mashoko akarambira padundundu.

Pachinguva chidiki ichi ndakafunga Irvine zvaaitaura nezvaaifunga pamusoro pedu moyo wangu ukarwadza.
Hanzvadzi yedu yaida kuwirirana pakati pedu ende ndakanyatsoona kuti Irvine akanga akapinda munezvemitoriro nekuda kwechimiro chehupenyu chairarama.
Izvi ndakazviona nekuda kwekuti kuchinja kwake hakuna kunetsa kana kuba tumaturusi achitengesa haana kubvira azviita.

"Mainini muri right here?, kwakanaka here ndidzoke ikoko?".
Akabvunzazve Mercy mushure mekunge aona kuti nguva yareba ndakanyarara.

"Haa kwakanaka kwakanaka Sisi, ndatofona hangu ndichida kunzwa kuti mafamba zvakanaka here, manje ndanga ndatorivara nezvirikuitwa naBest pano".
Ndakazodavira ndichivharavhara hangu.

"Oh okay Mainini, haa handisati ndasvika ini asi haa tirikufamba zvakanaka chaizvo".
Akadaro Mercy ndokubva ndati okay.

Akaenda Mercy vhiki dhau asina kudzoka.
Isu hupenyu hwakanga hwatova normal asi Justice ndakamuudza zvakanga zvaitwa naMercy zvese ndikamuudza kuti ndinofungira kuti she is on to something bad futi.

"Massie dont worry iwe usabvunza kusvika ndauya ikoko, dont worry my love, i am here to stay and nothing will happen to you under my watch".
Kuzodaro Justice akabva anyevenutsa moyo wangu zvekuti ndakanzwa kufara chaiko.

Vhiki yepiri akauyazve Mercy and chokwadi apa ndakanga ndavakupretender chaiko.
Ndakanga ndavakungoseka seka zvinyaya zvake asi moyo wangu wakanga urikure.

Takaenda tikandotora dress rakanga rakanaka, Hama wee ndirikuti dress rakanga rakanaka uye rakanga rakandifita, hongu dumbu rakanga rakura asi mumimba imomo rakanga rakafita.
Rakanga rakandigara kuti goo, ndakadzoka kuita chigagairwa nekuti rakanga rakandifita dress iri.

"Mainini Mangwana friday ndichatorawo Best naIrvine, kuneBirthday raBamukuru Baba Kim saka vachandorara kwaTete ini ndichauya ndorara kuno tozomuka tichienda kubirthday musi weMugovera, ndiko kwandinoda kuti muzopfeka dress renyu iri".
Akadaro Mercy ende uye apa zvakatomboita kuti ndifunge kuti shuwa ndosaka akanditengera dress.
Chakandinetsa ndechekuti ini ndakanga ndisina chandaiziva pamusoro peBirthday raBamukuru.
Zvisinei hazvo takabvumirana naye Mercy uye handina kuramba ndozvineta nekufunga nekuti daddy Jussie vakanga vavimbisa kutichengetedza zvemhando yepamusoro.

Akawoneka zvake Mercy nemufaro wake ndokuenda.
Achingobuda ndakasimudza nhare ndokufonera Justice.
Ndakafonera Justice shuwa nhare akabata.
"Taura tinzwe babe pandiri hapasi kuita".
Akadaro Justice ende uye kubva kare kese akanga asati ambondidavira nenzira iyi.

Ndakati Gagaga nyaya yangu yese kuna Justice nekukasira.
"Okay Babe iwewe dont worry, i'm putting extra security ipapo, just mind her pachikafu, make sure you know kunenge kwabva food kuti haana kusvikako here, bye babe totaura mangwana chaiwo nekuti zvanhasi hapasi kuita pandiri network irikunetsa".
Akapedza kudaro ndokudimbura nhare zvake mwanakomana wavaMwene.

Ndakasara ndirimurima ndakanzi tiba nepfungwa ndichifunga kuti Mercy arikuda kumboitei.
Ndaakadana Netsai akauya.

"Netsai, mangwana Sisi vangu vachauya pano kurara nesu saka iwewe make sure havatombotambiri kumapoto kana kuchikafu zvacho.
Handisi kuziva zvavarikuda chaizvo saka handisati ndavatemba".
Ndakadaro ndichiudza munin'ina wangu uyu wandaigara naye uye taiva vaviri chete.

"Vakoma handizivi hangu zvakamboitika kumashure asi kutaura chokwadi maonero angu ndeekuti Sisi venyu vakachinja, munofanira kuchinja moyo wenyu vakoma asizve munozviita makachenjera muchiziva pekugumira".
Akataurawo netsai uye ayiziva kuti kana achitaura ndinomuterera nekuti takanga tisina kunyaya kusiyana pamakore.

"Thank you Netsai asi mangwana please please, ini ndichange ndakamutarira nekuku iwe nekuku".
Ndakazodaro tichipedza nhaurirano yedu shuwa takanzwanana.

Ndakanga ndanaka ini saka confidence chaidzo dzakanga dzavapo.
Mangwana acho akauya Mercy shuwa takaita mufaro.
Takatandara zvekusvika kuma01am tichitaura tichireva vanhu vekumusha kwedu.
Iyewo Mercy haana kubvira atambira kumapoto kana kuda kundipa chikafu ayisatombozvizama hake.

"Hmm asi shuwa chasungwa pasi chatosungwa nekudenga, Vashoma vanhu vanopinda vese chikoro vagodanana kusvika pakuroorana, Aiwa Mainini munofanira kutenda Mwari wenyu".
Akataura nyaya yandakanga ndisingafungiri kuti angayitaura Mercy.
Ndakangosekaseka ndichishaya kuti ndopindura kuti kudii.

"Davira zvako mwana wamai vangu, ini ndini ndakakubhaizira hupenyu hwako.
Chero ndozotadzira Mwari nevanhu haa iwe ndakakutadzira and handina kumbofunga kuti uchazondiregerera".
Mercy akaenderera mberi achidaro.

"Haa zvakatopfuura izvi, ndoona sekuti imi makatokurumidzawo kuroorwa saka paya makanga muchiri mudiki pfungwa dzakanga dzisati dzakurawo".
Ndakadaro.

"Hi ndizvo hazvo asi haa ndakanganisa Munin'ina wangu, ukazonzwa zvonzi ndakuitira godo kana kuti ndakukanganisira hii Mwari ngavandirove neshamhu chaiyo.
Panguva ino ndinonyatsonzwa kukosha kwehukama hwedu kana ndichitaura newe kudai, ndinoziva zvangu kuti chero newe kukanganwa kuchanetsa asi ndinotenda hangu nekuregererwa chete".
Akaenderera mberi shuwa akanga avakunzwisa tsitsi zvake Mercy.

Takatandara zvedu tikazorara uye takarara mukamuri rimwe.
Takamuka Netsai atomuka kare kumiramira kwacho kwakanga kwakanyanya.

Netsai akanditora akanditi atoisa mvura yekugeza apa pakufamba kwacho aibva andibata ruoko.
Handina kunzwisisa kaSpecial treatment kandakapihwa musi uyu.
Bathroom raivamo mukamui mangu asi ndakanzi huyai kuno uku.
Vakandiyemedza vasikana ava pamwe naye Netsai naMercy
Ndakazotofunga kuti kuda zvandakanga ndamuudza Netsai zvekuti angwarire Mercy ndizvo zvaimuitisa zvose zvaakanga avakuita.

Dress rangu ndakasvika raiswa padhuze, ini wi...wi kupfeka haa kuzondoti kawig kachopo tsvee, haa imi kani, yaiva mimba hayo asi ndakanga ndakachena.
Bhutsu ndakatora gogo dzangu dzaienderana nedress kwakuti ngaa here, haa ndaiyevedza zvandaiona ndega

Driver wedu akauya nemota pamukova ndokuimisa zvekuti handina kana pasi pandakatsika asi kubuda mumba ndichipinda mumota ndiye hutu takanga kuBirthday raBamukuru Baba Kim.
Chakandinatesa ndechekuti hatina kunanga kumba kwavo asi takatorawo imwe diection yandaisaziva.

Hongu taifara zvedu asi ndakanga ndavanekakusuruvara nekuti kubva zvandakanga ndataura naJustice achiti network irikunetsa kwaaiva handina kuzombotaurazve naye.
Ndakambozama kufona phone yake asi yaisapinda.

Zvisinei hazvo takaenda kuBirthaday, haa tichisvika paVenue pakanga pakazara kani.
Paiva neHall yakanga yakanaka zvikuru asi vanhu vaiva panze.
Zvakandishamisa kuti Birthday raBamukuru rabva raunganirwa nevangu kudai zvambodiiko.
Mota yedu yakapindawo paRed carpet yairatidza kuti hapana kana kutombofambwa.
Ndaingunotarisa ndichicheuka cheuka ndichifunga kuti zvimwe ndichaona munhu wandoziva asi hapana wandakaziva.

"Ndichibuda nechekumberi mota yakasvikomira ndokubva madoor avhurwa nevanhu vaiva panze.
Pekutanga ndakaona Irvine ndikaona Best.
Pfungwa dzaipishana, nguva yekubvunza Mercy handina kuiwana.
Paiva pasingadanwi anonzwa nekuti paiva neruzha.

Takadzika mumota tichitambirwa negreen carpet ipapo ndopandakasimudza musoro.
Ndakarohwa nehana ndikanzwa mabvi angu achidedera.
Simba rakatanga kupera asi ndakanzwa ndakabatwa zvaiva nesimba zvekuti ndaisazodonha.

Magumo echitsauko 48

08/07/2024

EVIL SISTER

STORY BY V.MUTASA

CHITSAUKO 47

+27626831225

Takasara tati tuzununu kunga madzukununu akarinda makudo.
Tose taingunotarisana kunga vanhu vasingazivani.
Tete Mai Kim ndiye munhu akanyara zvikuru. Vakashaya pekupinda nekuti vakanga vongosekaseka sekabenzi.

"Saka vagumbuka nekuda kwedu here?".
Ini ndini ndakazobvunza mushure mekunge ndaona kuti runyarararo rwanyisa uye ndaifunga kuti Baba Eze naTete vanhu vanogaroshanyirana.
Handina zvangu kuziva kuti mari yaiva yaiuya naBamukuru yaiva yei.

"Haa zvababa vako here mwanangu, ndiniwo ndavafonera ndichivaudza kuti muripano zvimwe mungaonana sezvo tirimhuri imwe".
Vakapindura Tete.

"Zvino manje kaBag kavasiya imari yei?"
Ava ndiBamukuru Baba Kim vakazobvunza asi Tete havana kuda kupindura kunze kwekuvhura kaBag kaya ndokutiratidza chitsama chemari.

"Mari yakabviswa pamarooro aMassie ndiyo yavauya nayo iyi".
Vakataura vachiratidza kupererwa Tete.

"Kk*kk*k, vanhu vekwaMuganga drama racho harisi ravakuwandisa here?"
Vakataura zvavo vachisekaBamukuru.

"Munotoseka henyu Baba Kim?"
Vakabvunza Tete.

"Ndotadza nei kuseka nhai Mai Kim, shuwa munhu mukuru akaita saBambo Baba Eze ava ndewekuita zvakapusa kudai.
Ipai tsano Irvine mari iyi vaishandise zvavanoda hazvina kana mhosva pazviri izvi. Mungatoshushishakana nemadhara makuru akadai anogarira pfungwa here, ndakazviona hangu kuti ndivo vakanga vakufurirai kusada kumusha kwenyu".
Bamukuru vakataura vachiratidza kushoora mhuri yedu.

'Hii Baba Kim...."
Vakada kutaura Tete vakavharirwa.

"Hadzisi nhema dzandirikutaura idzi, hanzvadzi yako iyi inonyima haidi zvehama chete".
Vachipedza kudaro Bamukuru takabva tati bvuu kuseka zvedu..

"Ooh Irvine mwanangu iyi mari iyi ndiyo yakabvisirwa hanzvadzi yako iyi, imwe shoma yakashandawo uye imwe yakagovewawo kune vaivapo, uyishandise zvinemusoro mwanangu".
VaTete vakadaro vachitambidza Irvine mari iya.
Akaitora mari iya Irvine ndikaona achihutahuta huta, handina kuda kutaura ndakaramba ndakati ziii kunyarara.
"Ma..masimbisa tete".
Akadaro Irvine kamutauro kavo kemumastreet kakanga kasati kapera.

"k*k*k Unotendeiko Irvine, ko manje uchaishandisei?".
Vakabvunza tete vanenge vakanga vanakirwawo nemataurire ake.

"Ah zvamanje manje tete ndirikunyara, Mkwambo akamiramira kudzora life yangu back saka apa ndakuda kuti nditsvage course yandingaita, bag riripo tete asi handisati ndaziva kuti imarii saka mukunda wangu achandibatsirawo kuzheta ndikete manumbers then ndoziva Course yandingaita inoda maslow slow seni kudai".
Akapindura asi moyo wangu wakarwadza ukaenda kure ndichinzwa mwana wamai vangu achitaura zvinemusoro kudai.
Chero vaTete vakapururudza zvavo kuratidza mufaro, chimwe chandakafarira ndechekuti vaTete vakanga vazvipira kutida zvavo nemoyo wese, ini ndini ndakanga ndichikuita fambedzoke asi musi uyu ndakaona rudo rwavo.
Zvisinei takava nemufaro zvikuru.

"Aiwa apa mafunga chaizvochaizvo mukoma, tsvagai zvekuita mobva matangawo zvenyu, mari yenyu inokukwanirai iyi".
Vakadaro vaTete vachisimbisa Irvine uye takava nemufaro.

Tichisvika kumba Irvine akawararidza mari zvikanzi Sisi ndibatsirei kuverenga.
Ini handina kuda kumuendera mberi nekuti ndaida kuona kuti pfungwa dzake dziripapi.
Takapedza kuverenga ndokubva anditarisa.

"Saka ndoitasei nayo nhai Sisi Massie?".
Akabvunza Irvine.

"No,you must lead the way bro, what do you think?".
Ndakabvunzawo.

"Okay first dakumbotengerawo kamupfana karimudumbu aka something, second ndoda kuita party timbodya tiripamwe, Sisi ndoketa kuti beef iripo pakati penyu naSisi Mercy asi ndaida kumboti timbosangana tose timbodya tiripamwe, kana zvichibvira taindozviitira kumusha hedu then the rest ndeyangu yechikoro ndoda kuita motor mechanic pamwe nekubhadharirawo Best school fees".
Akapedza achidaro Irvine ini ndiri zii zvangu handina kuda kutaura asi ndakabatikana paakataura zvekusangana kwangu naMercy.

List yake zvayo ndakaifarira asi pakundisanganisa naMercy ndopakaresveka.

"Okay zvimwe zvose zvakanaka asi pakuzoti tisangane naMercy apa......"
Handina kupedza kutaura Irvine akaswedera pandaiva kwakutanga kundikumbira achiiita kudemebeterera.

"Okay oky Irvine tinoita kana zvirizvo zvaunoda zvacho, asi kwete izvozvi".
Ndakazopindura ende uye akafara zvikuru
Takataura zvakawanda naIrvine and takasvika pakunzwanana pamwe naBest akanga avakunzwisisa chose kuti ndini Mai vake.
Kushanyirana kwedu naMercy kwaiva kushoma chero nabamukuru chaivo taionana pano neapo.

Kubva zuva ratakanga tatanga kusangana ndaiona hangu kuchinja kunaBamukuru chero kunaMercy.
Iyewo Mercy kwangu kumba ayaisangosvikasvika paadira.
Zvose izvi zvakanga zvakavengwa naIrvine, Irvine ayida chose kutibatanidza asi ini hangu wangu musoro ndakamboramba ndakaomesa.

Yekuenda kuMusha ndaingotizatiza nekuda kwepamuviri ndaingomuka rimwe zuva ndomuka ndichiti ndirikurwara saka kuti anyatsoronga zvakamunetsa asi ayitoratidza kuti Mercy akanga akatomuudzawo.

NaJustice taitaura patadira nevideo call neCall zvese aiwa handishoori hangu baba vaigona kutichengeta havo ivava.

Pakapera Mwedzi inokwana kuita mishanu, ini dumbu rakanga rachiti ndendende kunga huma yeAvm.
Ndakanga zvino ndambopopotera Justice ndichimuudza kuti haachandidi nekuti ndakanga ndamufunga samare.
Ndainzwa kuda kuti avepadhuze neni chero zvake ayingunokumbira ruregereo asi ndakambomuvhevhetedza nawo mashoko.

Chimwe chakanga chavakundibhohwa ndechekuti vaMwene vangu vakanga vasingachazivi kusvika kumba kwangu, Tete vangu chaivo vakanga vatovanemwedzi vasina kumbotsika chivanze changu.
Mercy wakanga urimugariro asi ndakanga ndava nekakumufunga hangu.

Ndakanga ndirere paverander munhu ariuko dumbu irikoko, apo takanzwa intercom ichirira ndokubva Netsai avhura.
Pakapinda Mercy achifamba ega, denga denga munhu ndeuno wakanga avamutete.

Ndichingomuona ndakanzwa moyo wangu kufuratira.
Ndakaridza tsamwa zvekuti pamwe akazvinzwa.
Tichingopinda mumba Mercy akatanga kuzavaza, ayitaura Mercy zviya zvekuti unonyatsoona kuti panechaari kunyengerera.
Ndakaziva zvangu kuti inyadzi dzezvaakanga andiita kubva kare asi ndaingomudavira one word answer kana kumurafura.

"Zvunhu zvangu zvambova nane Mainini, ndakutokwanisawo kuhodha zvinhu zvichitengwa kubva zvatasangana, hiii Mwari anenge akanditarira nekufara shuwa".
Ayitaura zvake Mercy ndichingoti hoo, ndakamboda kuti ko mari yekuhodha makaiwanepi asi zvakazoperera mumuromo hazvo.

"Manje ndanga ndauya kuti ndimbokutorai ndoda kumbopinda nemi mutown umo".
Mercy uya uyo.....

"Haa ndakaneta ini handidi zvekufamba".
Ndakaramba ende uye ndakataura ndakamutarira kumeso chaiko ndikaona kupusa nekunyara kumeso kwake.
Moyo wangu wakarwadza ndikazoti Okay tinoenda.

"Ndakagadzirira tikabuda naDriver ini pamwe naMercy.
Umwe Moyo wakamboti kunondobuda chakanaka here uko kana kuti kwavakundopedziswa naMercy uyu.

Chakandishamisa ndechekuti nzvimbo yatakaendeswa naMercy veduwee yakanga yakanaka uye kwairatidza kuti kunotengwa zvinodhura.
Takasvika tikapinda mulift ndokundoti ngee pamusorosoro chaipo apo takafamba ndokupinda muneimwe shop mairatidza kuti munosonwa.

"Mainini ndoda kukusoneserai dress ramunoda saka muchatorwa ma measurements acho pano".
Akadaro Mercy ndokubva ndangomutarira.
Zvakandinetsa kuti why aketa kunditengera teneti.

"Ah handiti ndimi munoda kundisonesera here, motosarudza imi ramunoda chairo, your choice".
Ndakapindura.

"Ooh okay then saka torwai mameasurements tione hedu".
Mercy ayitaura akafara, kakumujinyura kandaiita haana kana kumboita basa nako kana kumboita shungu zvake, ayitoratidza kuti arikufarira zose.

Takaita zvatakaita tikaenda kuchikafu tikadya tikadzoka kumba uye Mercy haana kuzogara akabva adzokera kumba kwake asi akavimbisa kuzodzoka achitiona.
Ndakapinda mukamuri mangu musoro wangu uchitenderera, ndaingunofunga kuti Mercy kunditengera hembe ndiwo akava mavambo ehutsinye hwake achinditengera zviMini, manje izvozvi atangazve, asi anoda kundirambisa nemurume here.
Arikurongei Mercy uyu
Ko iko kudhura kunoita hembe dzacho kwaaida kusonesa mari yacho akamboiwanepi.
Asi akadzokerana nanaMai Sithole vavakuda kundiparadzazve here, akaiwanepi mari yekuita zvese izvi.
Iko kuchena akanga avakuchenachena chero zvaro ganda rakanga ravakuramba kudzokera panzvimbo asi akanga avakuchena Mercy.
Phone chaiyo akanga avanetouch screen yakanaka Mercy hameno kuti akanga ayitengepi nemari ipi.

Ndakazvitambudza mupfungwa asi handina kuwana mhinduro yezvandaida.
Ndakatora nhare yangu ndokubva ndavhura number dzake dzaakanga andipa.
Ndakamufonera ndikanzwa ichirira nhare yake ende uye ndaida kuti ndimubvunze kuti chii chaizvo chaavakuronga this time around.

Magumo echitauko 47

08/07/2024

EVIL SISTER

STORY BY V.MUTASA

CHITSAUKO 46

+27626831225

Takangotarisana naJussie neziso riye rekuti inzwawo idzi dziri apa.
Hongu Mercy akanga akabika mbodza yake, akanga akakanganisa nezvose zvaakanga akaita kwandiri kunamai nekuna Irvine asi mushure mazvose izvozvo ndakatora mashoko aJustice ndikamabatarisisa.

Ndakamurega Mercy uye tichibva apa takabvumirana kuti Irvine tichaenda naye pamwe naBest.
Best akanga andifarira sezvo ndakanga ndamuvigirawo twekudya tunonaka asi akanga asati audzwa kuti ndini mai vake chaivo.

Takaenda navo kumba kwangu asi takangosvika pamba ndokubva Justice abuda natsano vake Irvine hameno kwakaendwa.
Ndakasara naBest veduwee ndaisakwanisa kubvisa maziso angu paari mwana uyu.
Ndaiti ndikarasira maziso angu kwaari ndaibva ndabata dumbu rangu, nechemumoyo ndaibva ndangoti living testmony.
Apa ngaataure mwana wangu nyaya dzake dzaisambopera.

Justice ndiye akanga avakutonyanya kufonerana naBamukuru achibvaudza kuti mwana ariryt zvake asi inini ndakaga ndisati ndavaready kutaura navo nyaya.
Zvekutowanza nyaya naBamukuru kana naMercy zvaindiremera

Hongu ndakanga ndaregerera asi ndakanga ndisati ndakanganwa.
Ndakanga ndisati ndanzwa moyo wangu uchida kuramba ndichitaura navo Bamukuru kana kutaura naye Mercy.

Best ayitaura nyaya achindibvunza kwandaiva, haa mibvunzo yacho yakanga yakawandisa asi imwe yakanga iriyeIcecream yaaidya pamwe nemayoghurt.
Ndakamubvunzawo zvakawanda zvakasiyana siyana ndichida kunzwa paiva nepfungwa dzake asi ndakaona kuti mwana anefungwa dzakanaka.
Ndakasara padiki kumuudza kuti urimwana wangu nekuti takanga tataura zvakawanda naye panguva diki tichiwirirana.

Nguva ngani akadzoka Justice naIrvine nezvikafu zvakasiyanasiyana sezvo kwakanga kwatosviba.
Takadya tichifara kusvika pakurara.

Mazuva akafamba uye Irvine akanga avakutogara kumba kwangu.
Chandisina kubvunza ndechekuti Justice ayifanira kudzokera riini kubasa asi chandakafarira ndechekuti vakanga vachiwirirana naIrvine uye vaienda vose kwaDoctor kaindobaiwa Irvine maJikiseni kwanzi ekuflaher madrugs ese akanga avamuropa rake.
Ini moyo nepfungwa zvangu zvakanga zvakaringana ndichiona mwana wangu padhuze neni zuva nezuva.

"Babe, in two days ndirikurova pasi, kubasa kwava kundida but i want you to take it easy on them, ndoreva Mercy naBamukuru vako".
Akataura zvake Justice achigadzira vhudzi rangu ndakanga ndavamumhu wekunyemwerera chete nekuti zvandaida zvose ndaizviwana.

Moyo wangu waimboti dzokera undoona muroyi uya Mercy umwe moyo wobva wati siyana nevanhu vasina basa.
Zveshuwa Mercy akanga andibuda nekuti chero kumuregerera kwandakaga ndaita zvaiita zvichidzoka mufungwa kuti uyu muroyi.

Justice akada kuti handei kumba kwaBamukuru naMercy achida kundowoneka ndikamurambidza.
Ndakamuudza kuti siyana navo tiite zvedu ivo vaite zvavo.

Hoyo Justice hameno kana akazoenda kundowoneka asi akasvika pakundokwira ndege tisina kuenda tose kundoona vanaMercy.
Achingosvika kuUk akandifonera.

"Babe wangu".
Akadaro Justice mushure mekunge ndadavira nharembozha yangu.

"Mukoma Justice".
Ndakadavira zvangu izvi taigona kuzviita zvedu kana tirimukamuri medu.

"Usadakumutsa zvakarara iwe Masciline Muganga k*k".
Akataurawo achiseka Justice.

"Zvikamuka ndozviradzika ka k*k".
Ndini uyo.

"Haaa iwe nekuomera kwako nezvinhu kuya unozviradzika sei, haa wakanga wakaomera zvako Massie, akambonditambudza mwana wekwaMuganga, unoziva kuti ndaizoti ndabva paya waramba nezvinhu ndaizondopedzisa neruoko here?".
Justice akataura ndikafa zvangu nekuseka mushure mekunge ndarangarira pandairamba kurara naye.

"Deno wakatarisa ruoko rwangu rwerudyi mazuva aya waizoona kuti rwakanga rwatova nemhasuru nekuti ndirwo rwakangaka rwavamukadzi k*kk*k"
Akaenderera mberi achipwatika zvake nekuseka apa inini wacho ndakanga ndisingachagoni, mbabvu dzakanga dzorwadza nekuseka.

"Haa iwe chisiyana nenyaya iyoyo, how was your journey?"
Ndakabvunza.

"My Journey was fantastic my dear, i am missing you already"
He said and i felt his smile over the phone.

"I miss you more Daddy, boy boy arikuti mundivigire zvihwitsi'.
Ndakataura ndichipuruzvira dumbu rangu.

"k*k ukatanga nemukomana ndokuramba iwe, ini ndoda kutanga nemusikana, ndoda kutotanga nekuvaka danga k*k'.
Takabva taseka zvedu tose uye takataura zvakawanda tichiseka kusvika tabhabhaisana.

Chiiko chandakanga ndisina pamusha uyu, Daddy Jussie vaifona nguva nenguva zvaiguma zvotobhohwa, mari yakanga iripo uye driver wemota ndakanga ndasiirwa.
Pamba pedu pakanga panemota mbiri saka ndaisarudza yandada kubuda nayo pandadira nekuti ndaimboendawo kundonhonganhonga tuhembe twevana.

Takabuda rimwe zuva ndokuenda kwaTete, ndakaenda naIrvine pamwe nemwana wangu Best, ndakanga ndatsvagira Best chikoro kwacho chaayienda uye akaratidza kuchifarira.
Irvine ndakanga ndisati ndamutemba saka ndaigara ndakamutarisa pamba.
Kana ada kubuda taibuda tese, ndaitya kuti akatanga kuenda kuchikoro ayizondotanga zvemadrugs.

Takasvika kwaTete vakapururudza kuona Irvine.
wavasina kuziva ndiBest asi ndakazovaudza ende ndakavaudza iye aripo.
Ndakakaruka ndataura ndokubva ndabata muromo.

"Ah ndimi mhamha vangu chaivo nhai?, ndakambonzwa Baba vachitaura kuti Massie shuwa akabva angonyangarika here achikanganwa mwana, vakataura zvakawanda namhamha Mercy ende ndakanyatsonzwa nyaya yacho yese.
Musi wamauya kumba uya wekutanga ndakazviziva asi ndakaona kuti kunyarara kurinane".
Akataura Best tikati kanhama nazvo ini naTete. takanga tachingoti tuzu kunga shiri dzabatwa neurimbo.

Ndakamudhonzera padhuze ndikatanga kuchema ndakamubata.
Ndakashaya kuti ndochimuti kudii saka ndakachema pasina shoko randakataura.

"Saka nhai Best, iwe unoti kudii nenyaya iyi?, zvawakaziva nyaya yese ukaketa kunyarara hako".
Tete vakabvunza mushure mekunge ndamuregedza agara pasi.

"Ah ndakanga ndakamirira hangu kuti vazotaura vamene, musi wavauya kumba vakataura nyaya yese ndiripo wani".
Akapindura zvake ndiye zii, tete ndovakazomubvunzabvunza tunyaya twekurasisa pfungwa dzake asi tose takaona kuti akanga atova munhu mukuru kudarika zvataifungira.

Aiwa tete vakamiramira pavakagona napo nekuti takaurairwa huku ikabikwa yese tikaibotsonya zvedu.
Tichingopedza kudya tete vakabuda vachiratidza kuti panemunhu wavakandotambira.
Hatina kuzviisa mumusoro zvedu nyaya dzaitsva naBamukuru vaitaurisa baba ava.

Nguva ngani takaona Tete vapinda nemumwe murume murefu.
Chakandishamisa Murume uyu akanga akafanana nababa vangu.
Ndakaramba ndakati ndee ndikayeuka kuti ndivo bamukuru ava mukoma wababa.
Mood yavaiva nayo bamukuru handina kuinzwisisa especially Irvine vaiti vakamutarira vaiita kunge varikuona zvinhu zvinosemesa.

Vakapiwa pekugara bamukuru ndokubva vakwazisana naTete zvakanakanaka asi tose takaramba takanyarara.

"Mukoma Baba Eze ava ndovana vemuynin'ina wenyu baba Mercy....".
VaTete vakataura vachiratida kuti vanoda tizivane.

"Mai Kim okay ndakunzwa mwana wamai vangu asi ini nyaya dzevana ava dzandakanzwa dzakawandisa ende dzakawanda-wanda saka ini zvinhu zvinehuhurehure mukati handizvidi.
Hazvishamise fuma yamakatambira iyi ikateverwa".
Vakataura Bamukuru vachitambidza Tete kaBag kadiki.

VaTete vakadongorera vakaona zvavakaona asi ndakaona vachiratidza kushamisika.
"Nhai mukoma saka izvi zvava zvekuramwirana here?"
Vakabvunza Tete.

"Ini ndakuenda ndasiya maiguru vako mumota umo, Ndiyo mari yawakandipa iyoyo Mai Kim saka chionai yekutamba nayo ini handidi kupinda mazviri".
Vakataura vachisimuka bamukuru ndokutonanga kumukova.
Tete vakada kutevera vachidana asi havana akavacheuka.

Magumo echitsauko 46.

Address

Springs
Johannesburg

Telephone

+27626831225

Website

facebook.com

Alerts

Be the first to know and let us send you an email when V. Mutasa stories posts news and promotions. Your email address will not be used for any other purpose, and you can unsubscribe at any time.

Contact The Business

Send a message to V. Mutasa stories:

Videos

Shout out to my newest followers! Excited to have you onboard! Tamuka Vhengere, Sheutah Kuziva Muyambo Chabvukwa, John Kimu, Handson Hore, Brunette Mikateko Maluleke, Tichaona Fanuel, Queen Chinake, Gabriel Sunshine, Tafadzwanashe Botha, Estery Kawinga, Pedzisai Tsingano, Kelvin Magangeni, Patience Ndlovu, Svondo Melody, Pamela Zinabwa

Hi everyone! 🌟 You can support me by sending Stars – they help me earn money to keep making content that you love. Whenever you see the Stars icon, you can send me Stars. #StarsEverywhere