Nostalgooi

01/09/2022

Luister Nostalgooi- Nuwe episode: Boet Pretorius

As 'n musiekregisseur, -vervaardiger en -verwerker, is Boet Pretorius ongetwyfeld ’n legende, en pionier, in die Afrikaanse vermaaklikheidsbedryf.

Volgens Pretorius het hy egter bloot sy passie nagevolg.

Van die talle kunstenaars wat hy oor die jare met hul musiekloopbane bygestaan het, sluit in Die Briels, Gé Korsten, Min Shaw, Lance James, Groep Twee en Carike Keuzenkamp.

Nadat hy aanvanklik by Brigadiers Musiek sy loopbaan begin het, het Pretorius in 1981 die platemaatskappy Decibel Musiek op die been gebring, wat ongeveer 130 goue en 15 platinum plate sou oplewer.

Hoewel daar hope talent daarbuite is, glo Pretorius dat dit nie die kunstenaar is wat ’n liedjie maak nie, maar wel die liedjie wat die kunstenaar maak…

Luister die potgooi hier: http://www.nostalgooi.co.za/

nr7media Klipkouers Helpende Hand - Deel van die Solidariteit Beweging Lydia Wi******er

25/07/2022

Luister Nostalgooi- Nuwe episode: Annie Malan

Hierdie blonde bondeltjie dinamiet het geen bekendstelling nodig nie.

As ’n diep gelowige mens, glo Annie Malan dat ‘die engeltjies’ vir haar op 11-jarige ouderdom die rol van Nina in Fiela se Kind gegee het, 34 jaar gelede…

Met opvolgrolle in, onder andere, Saartjie, Supersnuiters, ’n Pot Vol Winter, en Glaskasteel, het sy haar gevestig as ’n kinderaktrise van formaat.

Hoewel sy steeds nou en dan voor die kameras verskyn, het Malan van jongs af ook ernstige besigheidsaspirasies gehad, en, nadat sy aanvanklik naam gemaak het in die versekeringsindustrie, bedryf sy die afgelope 19 jaar haar eie direkte bemarkingsmaatskappy.

Volgens haar is entrepreneurskap nie iets wat ’n mens leer nie; dis ’n leefwyse…

Luister die potgooi hier: http://www.nostalgooi.co.za/

nr7media Klipkouers

08/07/2022

Luister Nostalgooi- Nuwe episode: Lydia Wi******er

Lydia Wi******er kan nie sing of ’n instrument bespeel nie, maar het een van die skerpste ore in die Afrikaanse musiekbedryf.

As promotor, het sy ’n beduidende rol gespeel in die loopbane van huishoudelike name soos Gé Korsten, Anneli van Rooyen, Rina Hugo, Carike Keuzenkamp, André Schwartz, Lance James en die grapjas Bill Flynn, en was sy selfs skakelbeampte vir die Reggae-legende Eddy Grant.

Wi******er se loopbaan in die musiekbedryf het bykans 40 jaar gelede posgevat, toe sy deur die platevervaardiger Boet Pretorius aangestel was as skakelbeampte van die Decibel-platemaatskappy.
Hierdie dinamiese vrou is reeds met talle toekennings vereer, onder andere ’n Ghoema vir lewensbydrae, en haar motto is eenvoudig: Die lewe is ’n lied, en môre lyk dit anders…

Luister die potgooi hier: http://www.nostalgooi.co.za/

nr7media Klipkouers

27/05/2022

Luister Nostalgooi- Nuwe episode: Anton Goosen Liedjieboer

Anton Goosen staan nie verniet as ‘Liedjieboer’ bekend nie.
Hy het letterlik as kind op ’n kleinhoewe begin musiekmaak, waar die plaashulp, Jantjie (Lui dit ’n klokkie?), hom geleer melk, rook en kitaarspeel het!

’n Meer plat op die aarde mens is daar nie, maar Goosen se musiek is allermins platvloers. Hy is diep, met ’n ontsaglike kennis van musiek. En, ’n fenominale vermoë as liedjieskrywer. Sy musiek het dikwels die owerhede uitgedaag, soos ‘Boy Van Die Suburbs’, wat meer as 80,000 kopieë verkoop het, maar aanvanklik byna verban was.

Wat die gebruik van ironie om protes aan te teken teen sosiale ongeregtighede betref, kan Goosen met reg bestempel word as die Bob Dylan van Afrikaans.

Luister die potgooi hier: http://www.nostalgooi.co.za/

Klipkouers nr7media

15/04/2022

Luister Nostalgooi Episode 4: Lochner de K**k

Lochner de K**k erken dat hy nooit geweet het wat hy wil doen nie.
Toe doen hy maar sy naam gestand.

Die naam Lochner is afgelei van die Skotse riddersnaam ‘Lochinvar’, en ’n ridder moet dien. Lochner dien al vir bykans 50 jaar Suid-Afrikaanse gehore, hetsy as akteur, sanger, omroeper, skrywer of sjef.

Hy was selfs ’n sweefstokkunstenaar in ’n Londense sirkus! Praat van veelsydigheid!

Sy eerste liefde bly egter die verhoog. Want, sê Lochner, die verhoog het geen grense nie, en hy put sy inspirasie uit die wisselwerking van emosies tussen akteur en gehoor.

Luister die potgooi hier: http://www.nostalgooi.co.za/

Klipkouers Helpende Hand - Deel van die Solidariteit Beweging

01/04/2022

Luister Nuwe Episode: Jannie du Toit

Ek wens dat jy jou liedjie vir ons kon sing…

Wel, Jannie du Toit het, vir Nostalgooi, presies dit gedoen.
Hierdie gevierde sanger en liedjieskrywer, en pionier van die Musiek-en-Liriekbeweging, gee ook vir ons ’n blik op sy legendariese loopbaan van 50 jaar in die Afrikaanse musiekbedryf.

Vir hom staan woord-toon verhoudinge voorop, en hy vertel van hoe wyle Christa Steyn sy tekste tot hul reg laat kom en hoe hulle saam blyspele regoor die wêreld op die planke gebring het.

Onlangs het die ATKV ook ’n werkswinkel, ‘’n Nuwe Baadjie’, van stapel gestuur waartydens Du Toit met opkomende talent werk om nuwe lewe in van sy ikoniese liedjies te blaas.

Luister die potgooi hier: http://www.nostalgooi.co.za/

Helpende Hand - Deel van die Solidariteit Beweging Klipkouers

25/03/2022

!

Onthou om Vrydag 1 April in te skakel vir die derde van !

In hierdie -reeks gesels Jacques Basson van Klipkouers met Jannie du Toit.

Indien jy nog nie na verlede week se episode geluister het met Deon Meyer nie, luister gerus hier: www.nostalgooi.co.za!

Helpende Hand - Deel van die Solidariteit Beweging Boma21 nr7media

18/03/2022

Luister Nuwe Episode: Deon Meyer

Nié alleen het hy bykans eiehandig misdaadfiksie in Afrikaans laat herleef sedert 1994 nie, Deon Meyer is ook een van die ‘Nuwe Suid-Afrika’ se beroemdste uitvoerprodukte.

Sedert sy eerste blitsverkoper, Feniks, het daar 14 verdere romans uit sy pen verskyn, wat in 40 lande wêreldwyd gepubliseer en in 27 tale vertaal is.

Meyer se pad na roem was egter allermins met rose besaai.
In die genadelose leerskool van joernalistiek en later as aspirantskrywer moes hy leer om die onvermydelike kritiek, afkeuring en mislukking wat daarmee gepaardgaan, te verwerk.

Nie eens vlymskerp kritiek, soos ‘Hierdie ou sal nooit kan skryf nie’, kon hom egter van stryk bring nie, en na sy deurbraak met die TV-reeks, Orion, in 1998, het Deon Meyer nooit weer teruggekyk nie.

Luister die potgooi hier: http://www.nostalgooi.co.za/

Helpende Hand - Deel van die Solidariteit Beweging Klipkouers

04/03/2022

04/03/2022

Luister Potgooi Loods Episode: David Kramer

Benewens die kommersiële sukses wat hy in die vroeë tagtigerjare behaal het met supertreffers soos ‘Blokkies Joubert’, kan David Kramer tereg beskou word as ’n baanbreker van alternatiewe Afrikaanse liriek.

Ironies genoeg, het Kramer op universiteit, gedurende die apartheidsjare, Afrikaans ook afgemaak as taal van die onderdrukker, totdat hy mettertyd besef het dat dit inderwaarheid nié net 'n witmens taal was nie.

Dit was ook op Leeds Universiteit dat die liedjieskrywer-saadjie, wat tot sy roemryke loopbaan en bekroonde blyspele saam met wyle Taliep Petersen sou lei, geplant is.

Vir David Kramer was die belangrikste altyd om die Suid-Afrikaanse identiteit te ondersoek, om iets eg-Suid-Afrikaans te skep…Wat ’n ‘Bakgat’ mens!

Luister die potgooi reeks hier: http://www.nostalgooi.co.za/

Helpende Hand - Deel van die Solidariteit Beweging Klipkouers

04/03/2022