Errieda & Kie Talentspens

07/08/2019

Winter, bly tog ‘n bietjie langer ... daar's koue-weer geregte wat ek nog wil maak. Die meer tradisionele wintergeregte en hartskosse waarmee die Kaap van Storms aangedurf word, soos die kerries, wildspasteie, lensiesop met murgbene en plaaskombuis-groentesoppe met kluitjies het klaaar gesig gewys in my kombuis. Ek het midwinter al cassoulet, die legendariese wintershuiskos uit die suidweste van Frankryk gemaak, (‘n liefdestaak wat tyd, vleis en hul erfenisboon coco-tarbais vra), my kosbare slopie heerbone deurgewerk en 'n paar keer outydse boontjiesop met dobberende blokkies spek gemaak. [ 911 more words ]
http://huiskok.com/2019/08/07/baby-its-cold-outside-geregte-kerrie-en-klappermelk-ertjiesop-met-geroosterde-blomkool-kortrib-bier-en-boonbredie-boereworsfrikkadelle-in-sticky-tamatiesous/

Winter, bly tog ‘n bietjie langer … daar’s koue-weer geregte wat ek nog wil maak. Die meer tradisionele wintergeregte en hartskosse waarmee die Kaap van Storms aangedurf word, soos die …

09/07/2019

Die storie loop dat die enigste verslankingsdieet wat Jackie Onassis ooit gevolg het een was waar sy elke dag kaviaar en aartappel moes eet. Kaviaar was egter ver van my gedagtes toe ek agter ‘n baie besondere aartappel aan van vendeur na vendeur geloop het op die opelugmark in Rue Mouffetard, een van Parys se oudste strate. Nie dat ek alleen was in my soektog na die ondergrondse lekkerny nie, want in die lente is die gesogte Île de Ré eiland-aartappel met sy babafyn skilletjies en bekbederf-tekstuur op elke gourmand se tafel in Parys. [ 1,978 more word ]
http://huiskok.com/2019/07/09/franse-ervaring-affaire-met-n-aartappel-galette-aartappelterte-konsertina-dauphinoise/

Die storie loop dat die enigste verslankingsdieet wat Jackie Onassis ooit gevolg het een was waar sy elke dag kaviaar en aartappel moes eet. Kaviaar was egter ver van my gedagtes toe ek agter ‘n ba…

17/08/2017

Kokkedoortjie-wenner Edwin Theron is môreoggend op Die Groot Ontbyt, kyknet Kanaal 144. Saterdagmiddag tree hy op by Die Boekejol in Pretoria.
Edwin se program raak vol! Kontak my by [email protected] as jy die koskarnallie wil nooi na 'n funksie of fees. Sy demonstrasies is 'n fees van energie en idees vir lus en jonk.

29/06/2017

Edwin Theron, Kokkedoortjie-wenner, is om 22h00 vanaand op Flits, kykNET Kanaal 144.

29/06/2017

Geluk aan Edwin Theron, wenner van Kokkedoortjie. As jy hierdie jong kok met sy sprankelende persoonlikheid en avontuurlike benadering tot kook wil bespreek vir 'n optredes, demonstrasie of praatjie, stuur 'n e-pos met besonderhede aan Errieda Du Toit by [email protected].

23/01/2017

Martjie Malan se pragtige babaseun, Hugo, is op 19 Januarie gebore. Baie geluk, ons hoop hy verskaf julle baie vreugde Martjie.

18/11/2016

Sanet Vd Berg Eigelaar het ons asems weggeslaan met haar nuwe voorkoms by die Tuistafel boekbekendstelling Woensdagaand. Kyk hoe mooi lyk sy!

05/11/2016

Die pragtige somerkoek gebak deur Martjie Malan vir haar dogtertjoe Feresa se verjaarsdag.

02/11/2016

Wessels tree Saterdag op by die -fees. In sy bakmandjie is droëvrugte.

31/10/2016

Sanet Eigelaar, Koekedoor Top 3 deel haar Vonkelkoek met weskus-karamel en roosmarynspringmielies

Vonkelwynkoek

Bestanddele:
250g botter
250g botter
2 ¼ koppie suiker
4 eiers
250ml suurroom
5ml vanilla
3½ koppie koekmeel
5ml koeksoda
2,5ml bakpoeier
5ml sout
250ml vonkelwyn

Metode:

Voorverhit oond tot 180°C
Voer 4 X 15cm ronde panne met bakpapier of smeer met botter, strooi koekmeel liggies in die panne, skud oortollige meel uit.
Room botter en suiker tot romerig en liggeel in 'n mengbak met die spaanhegstuk.
Voeg eiers een op 'n slag by en meng goed na elke byvoeging.
Voeg suurroom en vanilla by en meng goed.
Sif meel, koeksoda, bakpoeier en sout in 'n apart bak.
Voeg gesifte bestandele in 3 dele by die mengsel, afwisselend met die vonkelwyn (begin en eindig met die droë bestanddele).
Verdeel beslag tussen die 4 voorbereide panne.
Bak vir 45 minute tot gaar en laat afkoel vir 10 minute en keer uit op 'n afkoelrak.


Roomkaasversiersel:

Bestanddele

250g botter
250g roomkaas
2 koppies versiersuiker
5ml vanilla

Metode:

Klits botter tot romerig en sag, Voeg roomkaas by en klits tot gemeng.
Voeg versiersuiker by, klits tot goed gemeng en roer vanilla by.

Gesoute Weskuskaramel:

Bestanddele

1 koppie suiker
90 g botter
125ml room
5ml soutvlokkies

Metode

Verhit suiker in 'n medium pot oor matige hitte, roer aanhoudend met 'n houtlepel of silikoonskraper. Die suiker maak klonte en begin verkleur
As al die suiker opgelos hét, voeg die botter by en roer tot al die botter gesmelt is. Voeg room stadig by terwyl jy roer en kook vir 1 minuut. Haal die sous van die hitte af en roer sout by.
Laat afkoel.

Die karamel kan gestoor word in 'n ligdigte houer in die yskas vir ±20 dae.
Maak dit 'n klein bietjie warm as jy dit wil gebruik. Veral lekker oor roomys of net so uit die pot

Roosmaryn-karamel springmielies:

Bestanddele

½ koppie springmielies
30ml olie
⅔ koppie suiker
½ koppie donker bruinsuiker
¼ koppie molasse
⅓ koppie vonkelwyn
5ml seesoutvlokkies
30 g botter
30ml vars opgekapte roosmaryn

Metode
�
Springmielies
Verhit olie in groot pot oor mediumhitte en voeg springmieliepitte by
Plaas deksel op pot tot al die mielies gespring is
Haal van hitte af en gooi springmielies in 'n groot skottel

Karamel

Voer 2 bakplate met bakpapier.
Kook suikers, melasse, vonkelwyn en sout in 'n medium pot op hoë hitte sonder deksel
Moenie roer nie.
Gee die pan n effense skud om alles te meng en kook tot 140°C op suikertermometer. Haal van hitte af en roer botter en roosmaryn in.
Gooi karamel oor springmielies en roer met houtlepel sodat elke pit met karamel bedruip is
Plaas springmielies op uitgevoerde bakplate en last effe afkoel.
Breek springmielies los van mekaar en bêre in ligdigte houer (sit 'n oop klein bakkie met rys in bak om te voorkom data springmielies klam raak).

Saamstel van koek
Sny die koeke se bokant af sodat al die koeklae ewe dik is. Smeer of spuit versiersel tussen die lae en plaas lae op mekaar. Smeer versiersel aan die kante met paletmes en skraap dit weer effens af. Spuit horinkies bo-op koek met ronde punt.
Bedruip koek met karamelsous en versier met springmielies, vars roosmaryn en seesoutvlokkies.

31/10/2016

Sanet Eigelaar, top drie Koekedoor, het sukses behaal met haar kreatiewe uitkyk tot bak en 'n quirky persoonlikheid wat oud en jonk betower. So pitting en Vol sprankel soos 'n bak Vol sout-karamelspringmielies.
Sanet bied unieke inspirasie praatjies en demonstrasies aan. Soos sy graag sê: kom ons bak 'n ding. Kontak [email protected] om haar te bespreek.

31/10/2016

Wessels se praatjies en demonstrasies kan bak en blomme kombineer.

21/10/2016

Sjef Nic van Wyk berei 'n Leipoldt+rooibos-geïnspireerde Sondagete voor by die Cederberg Kunstefees. Bekroonde Cederberg-wyne in die glas.

21/10/2016

Martjie Malan, fynbakker van -faam het vandag harte gesteel met haar melktert-vertelling, en die storie van koeksisters en haar Bo-Kaap niggies (die koesister en bollas).
Dankie aan Cederberg Kunstefees vir die verhoog om ons kosstories te vertel.