Laban Kapamilya

25/01/2025

BETERANANG AKTRES AT TINAGURIANG "QUEEN OF PHILIPPINE CINEMA" NA SI GLORIA ROMERO, PUMANAW NA SA EDAD NA 91

Isang malungkot na balita sa mundo ng Philippine showbiz.

Pumanaw na ang beteranang aktres at tinaguriang "Queen of Philippine Cinema" na si Gloria Anne Borrego Galla o mas kilala bilang si Miss Gloria Romero ngayong araw na ito, Enero 25. Siya ay 91 taong gulang.

Kinumpirma ito sa isang social media post ng aktres na si Lovely Rivero.

Pumasok siya sa showbiz noong 1949 sa edad na 16, at mula noon, hindi na mabilang ang mga pelikula at programang pang-telebisyon ang nagawa niya sa loob ng higit pitong (7) dekada, kung saan kabi-kabila rin ang parangal at lifetime achievements ang kanyang natanggap.

Ilan lang sa mga tumatak na pelikula ni Tita Glo ay ang "Madame X", "Dalagang Ilocana", "Iginuhit ng Tadhana", "Condemned", "Saan Nagtatago Ang Pag-ibig?", "Nagbabagang Luha", "Bilangin Ang Bituin Sa Langit", "Tanging Yaman", "Bahay Ni Lola", "Magnifico", "Rainbow Sunset" at marami pang iba. Sa larangan naman ng telebisyon, nakilala siya sa mga sitcom na "Palibhasa Lalake" at "OK Fine, Whatever", at ilang markadong teleserye at soap operas gaya ng "Familia Zaragoza", "Labs Ko Si Babe", "Sana'y Wala Nang Wakas", at marami pang iba. Huli siyang napanood sa isang television series sa "Daig Kayo ng Lola Ko".

Ang amin pong taos-pusong pakikiramay sa mga naulila ng nag-iisang Gloria Romero. 😢🙏🕊️

14/01/2025

Amdam na ba mo?

Kay ang SINULOG KAPAMILYA KARAVAN 2025, andam na!

Makauban nato ang Bgyo_ph, ato’ng paborito’ng Kapamilya stars; Sam Milby, Emilio Daez & PJ Endrinal from ; Donny Pangilinan & Belle Mariano from ; ug si Coco Martin & the cast of !

See you all at The Terraces, Ayala Center Cebu karong Sabado, January 18, 2024, 4:00 pm.

Pit Señor, Kapamilya!

13/01/2025

| House bill para sa panibagong legislative franchise ng ABS-CBN, kasalukuyang dinidinig para sa unang reading nito ng Kongreso ngayong araw na ito, Enero 13, 2025.

Di man po tayo umaasa para dito, wishing for the best para sa ating Kapamilya Network.

07/01/2025

Mga Kapamilya, panahon na ba upang bigyan na muli ng prangkisa ang ating ABS-CBN?

ISANG KONGRESISTA, NAGHAIN NG HOUSE BILL UPANG BIGYAN NG PANIBAGONG PRANGKISA ANG KAPAMILYA NETWORK

Naghain si Albay Representative Joey Salceda ng isang house bill na naglalayong bigyan ng panibagong legislative franchise ang media giant na ABS-CBN upang muling makapag-operate at magsahimpapawid.

Ayon sa inihain ni Salceda na House Bill No. 11252, “The Securities and Exchange Commission and the Bureau of Internal Revenue certified that the franchise grantee did not violate ownership restrictions and did not have pending tax liabilities."

Nauna nang pinawi ng ABS-CBN ang anumang hakbang para sa bagong prangkisa. Ayon sa pamunuan ng kumpanya, hindi nila prayoridad sa ngayon ang isang broadcast franchise at mas nagiging kuntento sila sa pagbabahagi ng mga kwento sa mga Kapamilya bilang nangungunang content creator sa bansa.

Pero sa tingin ninyo, mga Kapamilya, panahon na ba upang bigyan na muli ng prangkisa ang ating ABS-CBN?

03/01/2025

TELESERYENG "SAVING GRACE", ISA NA RIN SA MGA AABANGAN SA PRIMETIME BIDA NGAYONG 2025

Ang nangungunang TV series sa digital platform na Prime Video, isa na rin sa mga aabangan sa ating Primetime Bida ngayong 2025!

Ito ay ang Pinoy adaptation ng pinakamatagumpay na scripted format sa Asya na "Mother" ng Japan, na "Saving Grace", na pinagbibidahan nina Prime Actress Julia Montes, Megastar Sharon Cuneta at ang isa sa New Gen Child Wonder na si Zia Grace.

Kasama rin nila sina Miss Janice de Belen, Sam Milby, Elisse Joson, Jennica Garcia, Christian Bables, Eric Fructuoso, Mary Joy Apostol, Adrian Lindayag, Sophia Reola, Andrez Del Rosario, Miss Fe de Los Reyes at marami pang iba.

Nauna na po nating ibinalita noong July 2024 na ang "Saving Grace", na ika-10 na adaptation ng "Mother" ay nakatakdang ipalabas N AG BUO ngayong taong ito, na tiyak na mas aabangan ng viewers at netizens sa bansa at sa iba pang panig ng mundo. Hindi pa natin masasabi sa ngayon kung kailan ito ieere sa free TV.

Kaya habang hinihintay natin ang full length version nito, laging abangan ang "Saving Grace" sa Prime Video, with 2 fresh episodes tuwing Huwebes.

03/01/2025

BASAHIN | Ang pahayag ng Department of Health (DOH) ukol sa kumakalat na balita na may panibagong virus o sakit sa social media.

Ibayong pag-iingat ang kailangan laban sa misinformation.

28/12/2024

28/12/2024

Gabi ng Parangal
TOTAL DISTRIBUTION OF AWARDS

GREEN BONES (6)
✨Best Picture
✨Best Actor (for Dennis Trillo)
✨Best Screenplay (for Ricky Lee & Angeli Atienza)
✨Best Actor in A Supporting Role (for Ruru Madrid)
✨Best Cinematography (for Neil Daza)
✨Best Child Performer (for Sienna Stevens)

ISANG HIMALA (5)
✨4th Best Picture
✨Special Jury Prize
✨Best Actress in A Supporting Role (for Kakki Teodoro)
✨Best Original Theme Song (for "Ang Himala ay Nasa Puso by juan karlos)
✨Best Editing (for Vincent de Jesus)

THE KINGDOM (5)
✨2nd Best Picture
✨Best Director (for Michael Tuviera)
✨Gatpuno Antonio J. Villegas Cultural Award
✨Best Production Design (for Nestor Abrogena)
✨Best Visual Effects (for Riot Inc.)

MY FUTURE YOU (4)
✨3rd Best Picture
✨Best Director (for Crisanto B. Aquino)
✨Breakthrough Performance Award (for Seth Fedelin)
✨Best Editing (for Vanessa Ubas de Leon)

TOPAKK (3)
✨Special Jury Prize
✨FPJ Memorial Award for Excellence
✨Best Float

AND THE BREADWINNER IS... (2)
✨Special Jury Citation (for Vice Ganda)
✨Gender Sensitivity Award

STRANGE FREQUENCIES: TAIWAN KILLER HOSPITAL (1)
✨Best Sound (for Ditoy Aguila)

UNINVITED (1)
✨Best Float

ESPANTAHO (1)
✨ Best Actress in A Leading Role (for Judy Ann Santos)

HOLD ME CLOSE (0)

23/12/2024

Balikan po natin ang mga balitang at mga pangyayari na yumanig at tumatak sa ating bansa ngayong 2024.

SA LIKOD NG MGA BALITA: The ABS-CBN Year-end Special

DECEMBER 29, 2024, Linggo, alas-8:30 ng gabi sa ating Kapamilya Channel, Kapamilya Online Live sa YouTube at Facebook, ABS-CBN News YouTube Channel, iWantTFC at A2Z.

20/12/2024

GMA NETWORK, KINUMPIRMA ANG PATULOY NA PAG-ERE NG NOONTIME SHOW NA "IT'S SHOWTIME" SA KAPUSO STATION

Patuloy pa ring eere ang Kapamilya-produced show na "It's Showtime" sa Kapuso station GMA Network!

Isang magandang balita ang inihatid ng GMA Corporate Communications sa publiko upang kumpirmahin na patuloy pa ring mapapanood ng mga Kapuso ang naturang top-rating program sa 2025.

"It's Showtime will continue to air in GMA in 2025! Maligayang Pasko, madlang Kapuso at Kapamilya!" buong mensahe ng GMA CorpComm ngayong araw na ito, Biyernes, Disyembre 20.

Ito na rin marahil ang tutuldok sa mga samu't saring espekulasyon at haka-haka ukol sa magiging kapalaran ng palabas sa GMA.

Tiyak na masaya ang mga puso ng Madlang Pipol dahil sa balitang ito na tuloy ang misyon ng Showtime sa lahat, mapa-Kapamilya, KaA2Z at lalo na ng mga Kapuso... To "make people happy" ✨❤️💚💙🌈

16/12/2024

BALITANG MAY PAGKAKAUTANG UMANO ANG "IT'S SHOWTIME" SA GMA, WALANG KATOTOHANAN, AYON SA GMA EXECS

Pinabulaanan ng isang executive ng GMA Network ang mga kumalat na balitang may pagkakautang umano ang Kapamilya-produced noontime show na It's Showtime sa blocktime fee na pinag-usapan nila ng kampo ng Kapuso Network.

Ayon kay Atty. Annette Gozon-Valdes, may hinintay lang silang data kaya daw sila natagalan na bumalik sa kanila. Nakikita naman ng top honcho na wala naman silang nakikitang problema sa magkabilang kampo at konting pag-uusap na lang ang kailangan. Wala rin silang nakitang problema sa TV ratings ng Kapamilya program dahil mula nang napanood ito sa main channel ng GMA ay consistent na mataas ang ratings na binibigay nito tuwing tanghali. Maging siya ay umaasa na mare-renew na ang kanilang kasunduan sa lalong madaling panahon.

At doon na ipinagdiinan ni Ma'am Annette na walang pagkakautang ang Showtime sa kanila pagdating sa blocktime fee.

Ito ay kasunod ng mga umuugong noon na balita ukol doon na ipinakalat ng ilang entertainment sites at maging ang ilang Kapuso trolls at bashers na matagal nang nanawagan na nais raw na mawala ang Showtime sa noontime slot.

Sa kasalukuyan, malinaw na po na mapapanood pa rin ang naturang programa para sa Madlang Pipol sa GMA at maging sa sister station na GTV sa susunod na taon at tuloy pa rin ang pagbibigay nila ng sorpresa, saya at inspirasyon sa mga Kapamilya, Kapuso at mga kaA2Z.

06/12/2024

KAPAMILYA NETWORK, HUMAKOT NG 45 PARANGAL SA 2024 ANAK TV AWARDS

Umani ng 45 na parangal ang mga programa at personalidad mula sa ating ABS-CBN, kabilang ang Hall of Famer na si Kabayan Noli De Castro, sa 2024 Anak TV Awards para sa pagtataguyod ng temang pampamilya at sa pagiging mabuting ehemplo sa kabataan.

Kabilang sa mga programang nakatanggap ng Anak TV seal para sa television category ay “ASAP,” “My Puhunan,” at “TV Patrol”. Ang mga programa ng Knowledge Channel na “Agrikids,” “Lakbay Aral,” “Mathdali,” “Siklo ng Enerhiya,” “Tropang K!likasan,” at “Wow Bukidnon” ay tinanggap din ang Anak TV seal para sa television category.

Tinanggap din ng “Team YeY Explains,” at ng mga programa ng Knowledge Channel na “MathDali Online,” “Wikharian Online World,” “Knowledge on the Go,” at “Knowledge Channel’s Art Smart” ang Anak TV seal para sa online category. Samantala, kinilala din ang “TV Patrol” at “Matanglawin” na Household Favorite Programs. Ang Anak TV seal ay isang pambansang parangal na ibinibigay sa mga huwarang programa na may temang angkop sa mga bata.

Sina Belle Mariano, Francine Diaz, Jodi Sta Maria, Karylle Tatlonghari-Yuzon, Donny Pangilinan, Joshua Garcia, Luis Manzano, Paulo Avelino, at Robi Domingo ay pinarangalan bilang Makabata Stars (television and online categories) para sa pagiging mabuting halimbawa sa susunod na henerasyon.

Samantala, ang 12 na babae at 12 na lalaki na ibinoto ng netizens para sa pagiging huwaran sa mga batang Pilipino ay kinilala bilang Net Makabata Stars 2024. Labing-siyam dito ay mula sa ABS-CBN at sila ay sina Alexa Ilacad, Anji Salvacion, Argus Aspiras, Ariel Rojas, Belle Mariano, Bgyo_ph, BINI_ph, Darren Espanto, Donny Pangilinan, Francine Diaz, Jeff Canoy, KD Estrada, Kim Chiu, Loisa Andalio, Noli de Castro, Paulo Avelino, Sarah Geronimo, Seth Fedelin, at Vice Ganda.

Si Kabayan Noli de Castro ay kinilala bilang Hall of Famer, para sa sunod-sunod nitong pagkapanalo noong nakaraang mga taon.

Ang Anak TV awards ay ibinibigay ng Anak TV, isang organisasyon na nagsusulong ng literasiya sa telebisyon at nagtataguyod ng mga palabas at programang angkop sa mga batang Pilipino. Ang Anak TV seal ay nagsisilbing gabay sa mga magulang na ang programang kanilang pinapanood ay angkop sa kanilang mga anak. Ang Makabata Star na parangal ay iginagawad sa mga mga personalidad na nakakuha ng mataas na boto sa mga symposia na itinanghal ng Anak TV sa mga paaralan at unibersidad sa Luzon, Visayas, at Mindanao. Samantala, ang Net Makabata na parangal naman ay base sa resulta nang online voting mula Nobyembre 9-13, kung saan ibinoto ng netizens ang mga personalidad na nagsisilbing mabuting ehemplo sa mga kabataan.

ℹ️ © ABS-CBN PR

02/12/2024

: Dumaan man ang maraming pagsubok, mapupuno pa rin ng kulay at liwanag ang ating mundo. Patuloy na mananaig ang mga kwento ng pag-ibig, ligaya, at pag-asa na magniningning ngayong Pasko!

Mga Kapamilya, handog namin sa inyo ang : Our Stories Shine This Christmas! Maligayang Pasko, mga Kapamilya! 🌟❤️💚💙

27/11/2024

25/11/2024

Liliwanag ang mundo sa handog nilang himig!

Malapit na nating mapanood at mapakinggan ang inaabangang ABS-CBN Christmas ID 2024 kasama ang mga malalaking bituin ng Kapamilya Network gaya nina Vice Ganda, Anne Curtis, Sarah Geronimo, Ogie Alcasid, Martin Nievera, Gary Valenciano, Angeline Quinto, Erik Santos, Yeng Constantino, Zsa Zsa Padilla, Vhong Navarro, Jhong Hilario, Kim Chiu, Darren, Bamboo, Regine Velasquez-Alcasid, Piolo Pascual, Coco Martin, ang Nation's Girl Group na BINI_ph at marami pang iba.

KIKISLAP NA sa December 2, 8:00 pm, pagkatapos ng TV Patrol sa Kapamilya Channel at Kapamilya Online Live. Mapapanood din ito sa ABS-CBN Entertainment YouTube channel at ABS-CBN page. 🌟❤️💚💙🎄

24/11/2024

Kapag sinabing UNDISPUTED QUEEN OF PINOY CHRISTMAS IDs, NAG-IISA LANG 'YAN! ☝🏼

SIYANG TUNAY!

At siya lang naman ang walang kapantay at PINAKAkinikilalang , Miss Sarah Geronimo! ✨❤️💚💙