https://www.facebook.com/512118745947280/

Anadrini PRESS

Home
Kosovo
Rahovec
Anadrini PRESS

Anadrini PRESS Portal informativ kombëtar me qendër në Rahovec.

23/02/2025

ALI DULA DHE SMAJL LATIFI BALLAFAQOHEN NË BALOTAZH!

Nëse zgjedhjet lokale do të organizoheshin pas një muaji, bazuar në rezultatet e sondazhit të organizuar nga portali Anadrini PRESS, kandidati për kryetar të Rahovecit nga radhët e VV-së Ali Dula do të ballafaqohej në balotazh me kandidatin e AAK-së Smajl Latifi.

48 orë pas hapjes së sondazhit Ali Dula ka dal fitues duke marr 34% të përkrahjes derisa i dyti mbetet kryetari aktual dhe kandidati i AAK-së Smajl Latifi me 28% të përkrahjes në sondazh.

I treti përfundoi Idriz Vehapi i PDK-së me 21%. Lista mbyllet me kandidatin e LDK-së Burim Krasniqi i cili renditet i katërti me 14% të përkrahjes.

Ali Dula do të jetë risi e garës për të parin e Rahovecit i cili do të ballafaqohet me kandidatë të sprovuar disa herë por falë performancës së lartë elektorale të Lëvizjes Vetëvendosje, Ali Dula pritet të jetë kandidati më i votuar për kryetar të Rahovecit.

Kadidati i dytë që do të jetë pjesë e balotazhit do të jetë Smajl Latifi i AAK-së i cili bart një përvojë shumë të madhe pasi kandidon pë herë të gjashtë nga të cilat tri herë ka dal fitues dhe tani është në mbyllje të mandatit të tretë si kryetar komune.

Idriz Vehapi i PDK-së do të tentojë rikthimin në skenën politike lokale të Rahovecit duke konkuruar për herë të tretë. Idrizi pati fituar në vitin 2013 përball Smajl Latifit, falë një organizimi shumë të mirë të PDK-së por e humbi garën në vitin 2017 po përballë Smajl Latifit të AAK-së pasi që Idrizi u tregua shumë i pasuksesshëm në organizimin partiak. Në vitin 2025 Idriz Vehapi i hyn garës me optimizëm përshkak të numrit të votave të grumbulluara në nivel vendi ku ka grumbulluar rreth 12 mijë vota por thembra e Akilit për Idrizin mbetet humbja e përkrahjes në Rahovec ku mori më pak se 3 mijë vota, që janë shumë pak për të qenë kandidat potencial për fitore, në anën tjetër PDK-ja ende mbetet parti shumë e pairganizuar pasi që ka probleme të mëdha organizative. Pothuajse të gjitha nëndegët e PDK-së janë me kryetarë të dorëhequr e disa edhe pa kryesi fare.

Kandidati i LDK-së Burim Krasniqi kandidon për herë të dytë, me pretendimin e fitores duke u bazuar në një përkrahje optimale në zgjedhjet e vitit 2021 por rezultatet e zgjedhjeve qendrore që u organizuan me 9 shkurt tregojnë për një nivel mjaft të ulët të votuesve të kësaj partie. Edhe rezultatet e sondazhit tonë e nxjerrin Burimin si të katërtin në listë me vetëm 14% që është një paralajmërim se duhet shumë punë për t’a rikuperuar situatën dhe për të sfiduar hyrjen në balotazh.

Edhepse jemi ende largë zgjedhjeve lokale, sondazhet e organizuara të portalit Anadrini PRESS janë treguar shumë të suksesshme duke rezultuar me një saktësi të lartë dhe kjo falë paanshmërisë politike të politikave redaksionale të portalit tonë dhe përcjellësve tanë besnik të cilët vazhdimisht reflektojnë nivel të lartë kulturor dhe intelektual.

17/02/2025

MOMENTE HISTORIKE NGA SHPALLJA E PAVARËSISË SË KOSOVËS

Me 17 shkurt 2008, parlamenti i Kosovës shpalli pavarsinë e Kosovës.

Pas shpqlljes së pavarsisë, në një konferencështypi presidenti amerikan Bush, deklaroi;
“-Mirëmëngjesi. Të dielën, populli i Kosovës shpalli pavarësinë e tij. Ata i kanë kërkuar Shteteve të Bashkuara njohjen diplomatike. Dhe dje, Shtetet e Bashkuara e njohën zyrtarisht Kosovën si një shtet sovran dhe të pavarur
Në deklaratën e saj të pavarësisë, Kosova u angazhua për standardet më të larta të demokracisë, përfshirë lirinë, tolerancën dhe drejtësinë për qytetarët e të gjitha grupeve etnike. Këto janë parime që nderojnë dinjitetin njerëzor. Janë vlera që Amerika i kërkon te një mik. Dhe së shpejti, ne do të vendosim marrëdhënie të plota diplomatike me shtetin e ri të Kosovës”,

17/02/2025

✍️ Xhafer Bytyqi

SHQIPTAR

Shqiptar me gjak kudo që je,
Që gjuhë e komb mohuar ke;
Kulturë e flamur në zemër që mbanë
Ka ardhur koha ta dinë te tanë.

Duro pak dhimbje e pak torturë,
Lufto për dritë e për flamur,
Duro pak terr duro nënçmim,
Liria vjen si frymëzim.

Vare në mur a mbi oxhak
Fotografinë e babës plak,
Me plis të bardhë, tirq me gajtana,
Me krenarinë në zemër ta mbana!

Mësoje shqip fëmijën në djep,
Këtë gjuhë hyjnore që nana ja jep;
Mos ja moho emrin shqiptar,
Ashtu ç’tha Zoti i tillë ka ardhë.

Jo me braktisë kullën e babës,
Me jetu shqip me djersë të ballit;
Me lindë, me u rritë, aty me vdekë,
Varri yt fortesë me mbetë!

17 shkurt 2025

14/02/2025

✍️ Ismail Gashi

UJ I JETËS

I dashur uj i jetës,
Që rrjedh pa pushim,
M'i trego fshehtësitë e kohës
Ku shkon,
Kur buron,
I fshinë kujtimet nëpër brigjet e stepura të tokës,
Si mbarten ëndrrat e tua sot,
Që askush s'i thotë.

Ti ec i lirë,
Pa i marrë leje askujt,
Prek gurët,
Prek lulet,
Prek drurët
Prek dhe shpirtin tim.

Je lot në faqe për njerëzit,
Je shi për fushat me ara,
Je dritë me avull për retë e bardha,
Je shpresë e kaltërsisë së vërtetë,
Në rrjedhën e një lumi më të blertë,
Je dashuria e qiellit për të shuar etjen.

A ndjen ndonjëherë lodhjen e jetës?
A ndalesh të pushosh një çast i qetë?
Apo veç ecën, ecën, ecën,
Si fryma e erës,
Duke harruar gjithçka
Që e lë për ne.

I dashur ujë,
Më merr edhe mua,
Më udhëheq nëpër rrugët e tua,
Qoftë ajo edhe humbje,
Qoftë ajo edhe një shpresë,
Veç rrjedhë si ti të jem në jetë,
Uj i bekuar përjetë.

14/02/2025

✍️ Xhafer Bytyqi

MILIONER I DASHURISË

Nuk di të shkruaj poezi
As t’këndoj zëri nuk më shkon
Por zemrën kam plotë dashuri
Gjithë jetën ty ta lumturon.

Në banka jam varfanjak
S’kam as makinë të jam shofer
Por zemrën kam plot dashuri
I dashurisë jam milioner.

Jam milioner i dashurisë
Gjithë jetën ty ta lumturoj
S’dashuroj për ditë të dashurisë
Gjithë jetën time dashuroj.

S’kam diamante të t’dhuroj
As t’shetisim botën anë e mbanë
Por zemrën kam plotë dashuri
I dashurisë jam oqean.

14.02.2019

14/02/2025

✍️ Fatime Kalimashi

TESTAMENTI

Vendosa të them një fjalë,
Fjalën e bukur në vargun e shkruar
Të mbetet dëshmi e gjallë
Për fatin tonë që kemi në duar
Ta mbajmë fort duke përqafuar

Vendosa t’ju shkruaj një letër
Për ju që lumturi kërkoni
Lumturinë në shpirtin tuaj mund ta gjeni
Nëse ndjenjën tuaj respektoni
Dhe duke respektuar tjetrin, ju vetën tuaj e nderoni

Bëhuni të dashur dhe të arsyeshëm
Përpiquni të jepni gjithçka nga vetja
Pasuria rrjedh natyrshëm
Kur nga shpirti buron e vërteta
E ju mbetëni gjithmonë vetvetja

Mbilleni mirësinë të mbetet testament
Mos u mërzitni kur të tjerët ju shkelin me këmbë
Nëse ju kujtohet sa herë keni mbjellur arën
Me duart punëtore keni hedhur farën
Pastaj me këmbë të mbara arën kemi shkelur
Frutat edhe më shumë kanë lulëzuar e çelur
Se me dashuri,mund e sakrificë janë mbjellur.

14.02.2025

09/02/2025

✍️ Banush Morina

VOTO, BËHU PJESË E TË ARDHMES TËNDE

Të nderuar qytetarë, i nderuar komuniteti im, të dashur vllëzer dhe motra.
Sot ështe ditë e veçantë në Republikën e Kosovës.
Populli i Kosovës sot gëzon të drejtën ligjore dhe obligative për zgjedhjen e përfaqësuesve të saj.

Vota jonë përcakton të ardhmen tonë, të ardhmen e komunitetit tonë, të ardhmen e qytetit tonë, të ardhmen e shtetit tonë.

Sot zgjidhen mbrojtësit e demokracisë, andaj sot bëhu pjesë e të ardhmesë tënde...

07/02/2025

✍️ Sali Bytyqi

SI TË VOTOJMË?

Dita e votimit po vjen dhe shumica e njerëzve shkojnë te kutia e votimit pa menduar fare. Unë mendova dhe mendimet e mia i sistemova në disa pikë. Shkurt, ky është mendimi im lidhur me pyetjen: Si të votojmë?
Ky shkrim nuk e obligon askënd, ndërsa unë, edhe nëse mbetem i vetëm, kështu do të votoj.

Përgjigjen në pyetjen: Si të votojmë?, do ta gjeni në përgjigjen në pyetjen: Kujt nuk duhet dhënë vota?

1. Mos ia jepni votën dikujt me arsyetimin se ai është i afërt i juaj nga gjaku, se është i rrethit tuaj, se është i krahinës tuaj, se është i sektit apo i religjionit tuaj;
2. Mos ia jepni votën dikujt që e kërkon votën tuaj në emër të meritave të babait të vet, të nënës së vet, të birit/ bijës së vet, të xhaxhallarëve apo të dajallarëve;
3. Mos ua jepni votën yjeve të estradës, përveç rasteve kur e dini se ylli i estradës ka njohuri edhe në fushën e politikës;
4. Mos ia jepni votën as atij që e kërkon votën nga ju në emër të Ibrahim Rugovës apo të Luftës së UÇK-së;
5. Mos ia jepni votën as atij që e dini për njeri të mirë, po që është kandidat për deputet i një partie që dihet publikisht se është e korruptuar;
6. Përpiquni të mos ua jepni votën partive që kanë qenë në pushtet disa mandate, edhe nëse kanë qeverisur mirë, sepse duke ua dhënë votën, ato parti do të mendojnë se janë të pazëvendësueshme dhe do të degjenerohen.
Shteti nuk ndërtohet me mentalitet fisnor, krahinor apo religjioz!
Vetëm një votë e liruar nga këto, mund të bëhet bazament mbi të cilin ndërtohet një shoqëri demokratike, një shoqëri e mirëqenies së përgjithshme, shoqëri në të cilën konkurrojnë vlera të mirëfillta në çdo fushë.
Vetëm një votë e tillë mund ta nxjerrë nga bataku ku ka rënë, shoqërinë kosovare!
Mendoni mirë kujt do t’ia jepni votën!
Vota është e shenjtë!
Mos abuzoni me të!

VOTËN JEPJANI ATIJ QË E KËRKON NË EMRIN E VET PERSONAL DHE QË PUNON E VEPRON NË HARMONI ME LIGJET NË FUQI, POR QË EDHE LIGJET, KUR NUK JANË FUNKSIONALE, PËRPIQET T’I NDRYSHOJË, GJITHNJË NË TË MIREN E PËRGJITHSHME!

05/02/2025

KRENAR DULAJ HUAZOHET TE KEK-u

Sipas një njoftimi të lëshuar nga faqja zyrtare e FC Ballkani, talenti anadrinas Krenar Dulaj huazohet te skuadra e ligës së parë FC KEK-u.

Më poshtë mund ta lexoni lajmin e plotë;

“Tifozë të dashur,

Futbollistët tanë Krenar Dulaj dhe Engjëll Ajazaj, do ta vazhdojnë pjesën e mbetur të kampionatit në Ligën e Parë, si lojtarë të huazuar. Dulaj te skuadra e KEK-ut, derisa Ajazaj te Liria

Klubi i dëshiron dyshës sulmuese suksese në muajt vijues, duke dhënë më të mirën e tyre te ekipet që do t’i përfaqësojnë.

Ju priftë e mbara djelmosha!
”

05/02/2025

(Postim i sponsorizuar nga kandidati)

* * *

Sporti, si çdo sektor tjetër i rëndësishëm, ka nevojë për organizim të mirëfilltë, mbështetje të fuqishme dhe politika të drejta e vizionare që mundësojnë zhvillimin e tij të qëndrueshëm. Pa një platformë të qartë, të qëndrueshme dhe të hartuar nga ata që e njohin sportin nga afër, nuk mund të presim një të ardhme të ndritur për këtë sektor.

Si komunitet sportiv, shpesh kemi kërkuar kushte dhe politika të drejta nga vendimmarrësit. Megjithatë, ka ardhur koha që të gjithë ne, që ia duam të mirën sportit dhe vendit tonë, të marrim përgjegjësinë për të ndikuar drejtpërdrejt në krijimin dhe zbatimin e këtyre politikave. Ndryshimet nuk vijnë vetvetiu; ato kërkojnë përkushtim dhe angazhim të përbashkët.

Prandaj, vendimi im për t’iu bashkuar Lëvizjes Vetëvendosje buron nga një bindje e thellë dhe një vlerësim i qartë për vizionin e kësaj lëvizjeje. Gjatë këtij mandati qeverisës, janë ndërmarrë hapa të rëndësishëm për përmirësimin e kuadrit ligjor për sportin, duke përfshirë miratimin e Ligjit të ri për Sport, Udhëzimin Administrativ për licensimin e federatave sportive, si dhe rritjen e ndjeshme të investimeve në këtë sektor. Këto hapa dëshmojnë përkushtimin e qeverisë ndaj sportit dhe përmirësimin e tij. Por, sporti kërkon ende më shumë politika të drejta dhe zhvillim të qëndrueshëm për të arritur potencialin e tij të plotë.

Gjithashtu, mbështetja dhe këmbëngulja e kryeministrit Albin Kurti, që të angazhohem në politikë dhe të kontribuoj në zhvillimin e sportit, kanë qenë vendimtare. Besimi i tij në aftësitë e profesionistëve më ka dhënë forcën për të ndërmarrë këtë hap.

Për mua, kjo është një mundësi unike për të ndikuar drejtpërdrejt në politikat që përcaktojnë të ardhmen e sportit në Kosovë. Jam thellësisht mirënjohës për hapësirën që më është dhënë dhe i vendosur për të dhënë maksimumin tim në këtë drejtim. Ky angazhim politik është një përpjekje e përbashkët e të gjithë neve që ia duam të mirën sportit dhe vendit tonë, për të shtyrë përpara politika të drejta dhe vizionare që sporti ynë të zërë vendin që meriton në prioritetet kombëtare.

Në fund, dua të falënderoj familjen, të gjithë njerëzit e sportit, miqtë, dashamirët e sportit, të cilët më kanë shkruar, më kanë ofruar këshilla dhe sugjerime, si dhe kanë shprehur gatishmëri për bashkëpunim në këtë rrugëtim të ri. Me të gjithë ju, do të diskutojmë bashkë për të mirën e sportit, për politika që e lartësojnë këtë sektor dhe i japin vendin që meriton.

Bylbyl Sokoli

02/02/2025

✍️ Bahri Cani

* * *
Kurrë në Serbi nuk ka pasur protesta kaq të mëdha në 25 vitet e fundit, që nga koha e rrëzimit të Millosheviqit në tetor të vitit 2000. Vuçiqi akoma po reziston dhe nuk po jep dorëheqje, por protestat po vazhdojnë dhe po bëhen edhe më të mëdha jo vetëm në Beograd por edhe në shumë qytete të tjera të Serbisë. Deri tani dorëheqje ka dhënë kryeministri Vuçeviq, kështu që Serbia është me qeveri në detyrë. Por protestat kanë vazhduar. Protestat më të mëdha në muajt e kaluar janë mbajtur në Beograd. Por aktualisht më së shumti studentë dhe njerëz të tjerë janë mbledhur dhe po protestojnë në Novi Sad, ku edhe ka filluar vala e protestave, për shkak të shembjes së një një kulmi të stacionit hekurudhor dhe vdekjes së 15 njerëzve para plot tre muajve. Pikërisht në tremujorin e tragjedisë në Novi Sad kanë shkur mijëra studentë nga Beogradi në këmbë, për të bllokuar disa ura dhe rrugë të qytetit. Atje janë mbledhur edhe dhjetëra mijëra qytetarë të tjerë që po kërkojnë dorëheqjen e Vuçiqit. Protestat po zhvilllohen në moton "I keni duart e përgjakura". Vuçiqi ka qenë shumë aktiv si politikan e ministër edhe në kohën e luftërave dhe krimeve të mëdha të viteve 90-të, në Kroaci, Bosnjë-Hercegovinë e Kosovë. Por ai nuk është akuzuar kurrë për krimet e atëhershme të bëra nga forcat serbe. Kjo me "duart e përgjakura" ka të bëjë me vdekjet në Novi Sad, vrasjet në Beograd etj. Ka të bëjë pra me gjendjen aktuale në Serbi.

31/01/2025

(Postim i sponsorizuar nga kandidatja)

TË DASHUR QYTETARË,

Me krenari dhe përgjegjësi të lartë, njoftoj kandidimin tim për deputete në Kuvendin e Kosovës si pjesë e Partisë Demokratike të Kosovës.
Ky hap reflekton përkushtimin tim për t’i shërbyer vendit dhe qytetarëve me përvojën, njohuritë dhe energjinë time.

Gjatë karrierës sime si gazetare në RTK, kam dhënë kontribut të rëndësishëm në informimin dhe edukimin e fëmijëve dhe të rinjve, si dhe në promovimin e kulturës përmes Festivalit të Këngës në RTK. Përmes projekteve ndërkombëtare kam avokuar për edukimin medial dhe fuqizimin e rinisë, ndërsa angazhimi im në Forumin FARDI ka përforcuar zërin e gruas dhe të të rinjve në shoqërinë tonë.

Vij nga një familje patriotike që ka dhënë një kontribut të vazhdueshëm në zhvillimet politike dhe kombëtare ndër vite, dhe ky trashëgim i pasur më motivon për t’u angazhuar më tej në interes të Kosovës dhe të qytetarëve të saj.

Ftoj të gjithë ata që ndajnë të njëjtat vlera dhe vizion për një të ardhme më të mirë që të më mbështesin në këtë rrugëtim të përbashkët.

Me respekt,
Albana Haxhimustafa Murseli

26/01/2025

NDËRRON JETË ANËTARI I GRUPIT ARTISTIK ASHIKËT E XËRXËS, SAHIT KRYEZIU

Sot, në orët e para të ditës, familjarët njoftojnë se ka ndërruar jetë Sahit Kryeziu.
Varrimi i të ndjerit bëhet sot, e dielë, 26 janar 2025 në ora 16:00, në fshatin e tij të lindjes në Xërxë.

Sahiti ishte njëri nga anëtarët e grupit artistik Ashikët e Xërxës, me të cilët dha kontribut të çmuar në fushën e kulturës shpirtërore shqiptare në përgjithësi duke marr pjesë në eventet më të rëndësishme kulturore.
Së fundmi, emrin e Sahit Kryeziut e gjejmë edhe në studime folklorike ku radhitet mes artistëve më të mëdhenjë, me pjesëmarrjet e tij në festivalet kryesore kombëtare folklorike si REVISTA E FOLKLORIT BURIMOR SHQIPTAR në Drenas, FESTIVALI KOMBËTAR I FOLKLORIT në Gjitokastër e shumë të tjerë.

19/01/2025

✍️ Ismail Gashi

FLAKË E PËRGJAKUR

Një flakë në terr shqeu natën e zezë
Gjaku që rrodhi
Tokën e shenjtë ndez
Një gjëmim i largët me britmë troket
Në zemrën e dheut
Një kujtim vret.

Ajo flakë drite nga zemra lindi
Shtatin i përvëloi
E asgjë s’e priti
Nëpër erëra të egra lagur në shi,
Një ëndërr e vjetër
Një plagë brenda në gji.

Përgjaket qielli,
Përgjaket toka,
Në flakën e zjarrtë kushtrimi thërret
Shpirtërat digjen,
Kënga t'u këndoi një amanet,
Një luftë fitore me trup të hekurt

Në këmbë ndezi flakën e përgjakur,
Një dhimbje britmë zemra e të rinjve
Një zë në terr,
Një dritë në kujtesë
Me amanet në brez
Që kurrë nuk vdes

Gjaku ku rrjedh në tokën e shtrenjtë,
Si një lumë historie me këngë të denjë
Dhe zjarri
Që ndizet në zemrat kreshnike
S'e shuan dot as bora,
As gjëmime armike

Tani ai e flet
Me zërin e vrarë,
Në kujtesën plagë që s’ka të tharë.
Në çdo sy loti ku bie si kristal,
Na lind një forcë,
Një dritë mbi mal.

E ndezi flakën,
Por jo për t'u shuar,
Janari ynë një thirrje për ta përkujtuar
Një shpresë që s’vdes,
Një agim i ri,
Një zemër që rrah për tokën liri.

18/01/2025

✍️ Jahja Drançolli

DILEMA RRETH VITIT TË VDEKJES SË SKËNDERBEUT: Sipas Kalendarit Gregorian dita e sotme, 17 janari i vitit 1468 shënon ditën e vdekjes së Gjergj Kastrioti-Skënderbeut.

Rizbulimi i dy mbishkrimeve në grafikën e Skënderbeut të vitit 1466, çojnë të dyshohet se vepra “Historia de vita et gestis Scanderbegi Epirotarum Principis”, e humanistit Marin Barleci është shkruar në vitin 1493 përkatësisht 15 vjet para se të botohet në Romë, rreth viteve 1508/10.
Në grafikën që e kemi në dorë i ndeshim dy mbishkrime në pjesën e sipërme dhe në pjesën e poshtme të saj të njohura ç’prej shekujve XVIII-XIX në historiografinë angleze, hungareze e kroate. Në mbishkrimin e sipërm lexojmë këtë përmbajtje: “Obiit anno Domini 1466. XIV. Kalend (as) Februar (ias) Aetatis A(nn)o 63. Impero vero XXIV.”, që në përkthim të lirë do të thotë: “Vdiq në vitin e Zotit 1466, datën e 17 janarit në moshën 63-vjeçare, në vitin 24 të sundimit.”. Ndërkaq, në mbishkrimin e poshtëm të grafikës fiksohet viti 1493 (14-93), si datë që shënon shkruarjen e veprës kushtuar Skënderbeut nga Barleci. Data në fjalë paraqitet në të dy anët e mbishkrimit: “Signor Scander Bego” (“Kryezoti Skënderbe”). Mbështetur në mbishkrimin e sipërm, data e vdekjes së Atit të Kombit (1466) vlerësohet si një shmangie nga data 17 janar 1468, datë kjo të cilën e ndeshim përgjithësisht në historiografinë shqiptare. Mirëpo, në historiografinë e vjetër botërore, përveç vitit 1468 do të ndeshim edhe vitet 1466 dhe 1467. Vitet e përmendura dalin si rrjedhojë e varieteteve kalendarike (kronologjike) të shekullit XV. Në rastin konkret është fjala për llogaritjen e viteve sipas stilit venedikas (Mos Venetus), e cila ndryshonte nga ndonjë llogaritje të stilit tjetër nga koha që ndërlidhet me jetën dhe veprën e Skënderbeut. Së këtejmi, llogaritja e fillimit të vitit sipas stilit venedikas nuk është 1 janari por 1 marsi, që në raport me vitin tonë qytetar mbetet pas për dy muaj. Stili venedikas i llogaritjes ka qenë i pranishëm në pjesët bregdetare të Arbërisë ç’prej fillimit të shekullit XIII!

Address

Rahovec
21000

Website

facebook.com

Alerts

Be the first to know and let us send you an email when Anadrini PRESS posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Anadrini PRESS:

Videos

MOMENTA HOSTORIKA NGA SHPALLJA E PAVARËSISË SË KOSOVËS

MOMENTE HISTORIKE NGA SHPALLJA E PAVARËSISË SË KOSOVËS Me 17 shkurt 2008, parlamenti i Kosovës shpalli pavarsinë e Kosovës. Pas shpqlljes së pavarsisë, në një konferencështypi presidenti amerikan Bush, deklaroi; “-Mirëmëngjesi. Të dielën, populli i Kosovës shpalli pavarësinë e tij. Ata i kanë kërkuar Shteteve të Bashkuara njohjen diplomatike. Dhe dje, Shtetet e Bashkuara e njohën zyrtarisht Kosovën si një shtet sovran dhe të pavarur Në deklaratën e saj të pavarësisë, Kosova u angazhua për standardet më të larta të demokracisë, përfshirë lirinë, tolerancën dhe drejtësinë për qytetarët e të gjitha grupeve etnike. Këto janë parime që nderojnë dinjitetin njerëzor. Janë vlera që Amerika i kërkon te një mik. Dhe së shpejti, ne do të vendosim marrëdhënie të plota diplomatike me shtetin e ri të Kosovës”,

NDËRRON JETË ANËTARI I GRUPIT ARTISTIK ASHIKËT E XËRXËS, SAHIT KRYEZIU Sot, në orët e para të ditës, familjarët njoftojnë se ka ndërruar jetë Sahit Kryeziu. Varrimi i të ndjerit bëhet sot, e dielë, 26 janar 2025 në ora 16:00, në fshatin e tij të lindjes në Xërxë. Sahiti ishte njëri nga anëtarët e grupit artistik Ashikët e Xërxës, me të cilët dha kontribut të çmuar në fushën e kulturës shpirtërore shqiptare në përgjithësi duke marr pjesë në eventet më të rëndësishme kulturore. Së fundmi, emrin e Sahit Kryeziut e gjejmë edhe në studime folklorike ku radhitet mes artistëve më të mëdhenjë, me pjesëmarrjet e tij në festivalet kryesore kombëtare folklorike si REVISTA E FOLKLORIT BURIMOR SHQIPTAR në Drenas, FESTIVALI KOMBËTAR I FOLKLORIT në Gjitokastër e shumë të tjerë.

NUK ËSHTË LIONEL MESSI POR DONJETA HALILAJ

NUK ËSHTË LIONEL MESSI POR DONJETA HALILAJ Me këtë gol spektakolar nga futbollistja anadrinase e Beshiktash*t Donjeta Halilaj filloi përmbysja e rezultatit ndaj Fatih Vatan, ekip ky i cili ishte duke udhëhequr ndeshjen me rezultat 1-0. Fundi i ndeshjes zyrtarioi shifrat 2:1 në favor të Beshiktash*t. Donjeta Halilaj e cila është duke zhvilluar edicionin e dytë garues me klubin turk të Beshiktash*t, gradualisht, me punë, përkushtim dhe profesionalizëm, është shëndrruar në lidere të ekipit të saj si brenda dhe jashtë fushave të blerta. Këtë sezon vjeshtor, pak ditë më parë, Donjeta ka shënuar gol kundër ish kampiones në fuqi, ekipit të Galatasaray duke bërë që ekipi i Beshiktash*t të arrijë fitore minimale 1:0. Ajo poashtu ka shenuar golin e dytë edhe në derbin tjetër përballë ekipit nikoqir të Fenerbahqes për rezultatin final 0:2. Donjeta është lojtare e padiskutueshme e 11-shes së parë edhe e Kombëtares së Kosovës për femra ku ka gjithashtu një rol shumë të rëndësishëm në lojë. Me këto rezultate Donjeta Halilaj është pretendente serioze për çmimin Sportiste e vitit në komunën e Rahovecit për vitin 2024, çmim të cilin e ka fituar edhe vitin e kaluar.

Goli i futbollistes anadrinase Donjeta Halilaj në derbin Besiktas – Galatasaray Goli i vetëm në këtë ndeshje i shënuar nga futbollistja anadrinase e Kombëtares së Kosovës, Donjeta Halilaj.

KUR SHPIRTI FLET Video e një fëmije shqiptar, emigrant në Greqi, ku shpreh dëshirën e tij për të jetuar jetën në shqipëri, po bën xhiron e botës. Kush flet më sinqerisht se fëmijët?! A duhet ti kushtojmë më shumë vëmendje të jetuarit në trojet tona?!

Ordinanca Specialistike Gastroenterologjike & Infermieria - Ratkoc Dr. Gazmend Zeka - Gastroenterolog Ahmet Latifi - Infermier

U MBAJTËN GARAT ME KËRCIMET NGA URA E SHENJTË

U MBAJTËN GARAT ME KËRCIMET NGA URA E SHENJTË Në brigjet e lumit Drini i Bardhë, në Urën e Shenjtë, me organizimin e klubit të "Kërcyesit e Urës" dhe me mbështëtje të komunës së Gjakovës, sot u mbajtën garat tradicionale, kërcimet nga Ura e Shenjtë. Me pjesëmarrëjen e afro 20 garuesëve, me kërcimet e tyre atraktive që shfaqën për shikuesit që ishin prezent u arritën këto rezultate: Kërcime në stil dallëndyshe nga trampolina(10m) 1. Astrit Berisha🥇 2.Zigur Gashi🥈 3.Shkelqim Selimi🥉 Kërcime në stil në këmbë nga Ura 1. Berat Krasniqi🥇 2.Zigur Gashi🥈 3.Hysen Sylmeta🥉 Kërcime në stil dallëndyshe nga Ura 1.Vedat Krasnqi🥇 2.Florid Gashi🥈 3.Shkelzen Goqi🥉 Në këto gara pas 20 vjetësh karrierë, për herë të fundit si kërcyes aktiv Florid Gashi u pensionua nga ky sport, pas një karriere me shumë suksese si kampion i këtij sporti.

ELEMINOHET BALLKANI

Ballkani eliminohet nga Conference League ❌ Larne kualifikohet pasi fitoi në penallti 4-1 Nga 3 penallti të Ballkanit, vetëm anadrinasi Krenar Dulaj shënoi

FARDI Fest

FARDI FEST Për nder të mërgimtarëve, të premten, më 2 Gusht 2024, duke filluar nga ora 18:00 për të vazhduar deri në ora 23:00, në Kompleksin Memorial në Gradish (fshati Xërxë), buzë Drinit të Bardhë, do të organizohet festivali i argëtimit dhe i traditës FARDI Fest. Festivali pesë orësh, do të ketë këtë përmbajtje; 🔸 Lojëra tradicionale - Lojërat që ju kanë sjell gëzim brezave të kaluar. 🔸 Muzikë dhe Performanca - Koncert kulturor dhe artistik. 🔸 Ushqime tradicionale - Shijet e kuzhinës tradicionale anadrinase. 🔸 Artizanate unike - Mjeshtëria e artizanëve anadrinas dhe punimet e tyre të mrekullueshme. Festivali organizohet nga shoqata FORUMI ANADRINI - FARDI.

FILLON REGJISTRIMI

FILLON REGJISTRIMI I NXËNËSVE NË SHKOLLA TË MESME, SHML “12 MAJI” E FILLON VITIN E RI SHKOLLOR ME INFRASTRUKTURË TË KOMPLETUAR Nga nesër, e mërkurë 10 korrik, për të vazhduar edhe të enjten dhe të premten përkatësisht me 11 dhe 12 korrik, do të bëhet regjistrimi i nxënësve në shkollat e mesme të komunës së Rahovecit, ngjajshëm si ato në nivel vendi. Për t’u regjistruar në klasën e dhjetë, nxënësit duhet të paraqesin dëftesën origjinale të shkollës fillore dhe Çertifikatën e lindjes. Një nga risitë e këti fillimviti është kompletimi i infrastrukturës shkollore nga shkolla e mesme “12 Maji” në Ratkoc e cila shkollë viteve të fundit e fillonte vitin me mungesa infrastrukturore dhe me ekipe punëtorësh nëpër objekte, duke dobësuar ndjeshëm cilësinë e punës së shkollës. Për të parë nga afër kushtet e kësaj shkolle, para fillimit të vitit të ri, redaksia e portalit Anadrini PRESS vizitoi këtë shkollë ku xhiroi ambientet dhe mori disa komente nga stafi i shkollës.

Nga nesër, 8 prill 2024 Comodita Home edhe në QTX Mall në Xërxë

Anadrini PRESS

23/02/2025

17/02/2025

17/02/2025

14/02/2025

14/02/2025

14/02/2025

09/02/2025

07/02/2025

05/02/2025

05/02/2025

02/02/2025

31/01/2025

26/01/2025

19/01/2025

18/01/2025

Address

Website

Alerts

Contact The Business

Videos

MOMENTA HOSTORIKA NGA SHPALLJA E PAVARËSISË SË KOSOVËS

NUK ËSHTË LIONEL MESSI POR DONJETA HALILAJ

U MBAJTËN GARAT ME KËRCIMET NGA URA E SHENJTË

ELEMINOHET BALLKANI

FARDI Fest

FILLON REGJISTRIMI

Shortcuts

Share

Category