TV Opinion - Prizren

Home
Kosovo
Prizren
TV Opinion - Prizren

Pershendetje nga kryeqyteti historik shqiptar, Prizreni

27/09/2024

PROKURORIA E PRIZRENIT SEKUESTRON DHE KËRKON SH*TJEN E DY KAMIONËVE QË TRANSPORTONIN ZHAVORR NË MËNYRË TË KUNDËRLIGJSHME

Prokuroria Themelore në Prizren ka njoftuar se ka sekuestruar dy kamionë që po transportonin zhavorr në mënyrë të kundërligjshme. Bëhet e ditur se kamionët janë vë në sh*tje.
“Brenda afatit ligjor nga Prokuroria Themelore e Prizrenit, në të dyja rastet e ndara është lëshuar urdhri ndalues i përkohshëm dhe gjithashtu brenda afatit ligjor, për mjetet e kryerjes së veprës penale më datë 27.09.2024 është paraqitur kërkesa për urdhër ndalues përfundimtar, me masat e përkohshme për sigurimin e pasurisë së specifikuar – sh*tjen e pasurive të specifikuar/kamionëve për çmim të tregut”, thuhet në komunikatë.
Prokuroria ka bërë të ditur se në koordinim me Policinë e Kosovës, Inspektorët e KPMM-së dhe Inspektorët Komunal, në fshatin Landovicë – Komuna e Prizrenit, në dy raste të ndara ka ndaluar vozitësit e dy kamionëve, të cilët po transportonin zhavorr në mënyrë të kundërligjshme. Sipas Prokurorisë dyshohet se zhavori është përgjatë shtratit të lumit Drini i Bardhë.

27/09/2024

Agjencia për Mbrojtjen e Mjedisit kërkon ndalimin e aktiviteteve ilegale me mjete motorike në Parkun Kombëtar “Sharri”

Agjencia për Mbrojtjen e Mjedisit të Kosovës ka paralajmëruar ndërmarrjen e masave ndaj aktiviteteve ilegale me mjete motorike në territorin e Parkut Kombëtar “Sharri”.

AMMK përkatësisht Drejtoria për Administrimin e Parkut Kombëtar “Sharri” ka bërë të ditur se në vazhdimësi është duke u ballafaquar me probleme të shumta të veprimeve ilegale në territorin e parkut, raporton Telegrafi.

“Së fundmi janë shtuar rastet e veprime ilegale të motoristëve dhe veturave për bjeshkatari duke shfrytëzuar ilegalisht terrenin e Parkut Kombëtar “Sharri” për lëvizje dhe gara të ndryshme në pronat publike dhe private”, thuhet në reagimin e AMMK-së.

Këto veprime, sipas Agjencisë, po shkaktojnë ndërhyrje të drejtpërdrejt në prishjen e peizazheve natyrore, ndotjen e mjedisit, krijimin e mbeturinave si dhe po ndikojnë negativisht në shqetësimin e kafshëve të egra që jetojnë në këto zona me vlera të mëdha te biodiversitetit.

“Përkundër përpjekjeve dhe paralajmërimeve të vazhdueshme për parandalimin e këtyre aktiviteteve ilegale përmes shkresave informuese, kërkesave dërguar Policisë së Kosovës që të ndalojë këto aktivitete, kallëzimeve penale, vërejtjeve etj., deri më sot nuk janë përfillur veprimet e AMMK përkatësisht të stafit të DAPK ’Sharri’”, thuhet në reagimin e AMMK-së.

Aty theksohet se në javët dhe muajt në vazhdim, me qëllim të parandalimit të këtyre aktiviteteve ilegale do të intensifikohen angazhimet në bashkëpunim me institucionet relevante, raporton Telegrafi.

“Do të veprohet përmes ndërmarrjes së masave shtesë, në kuadër të së cilave ndaj kryerësve të këtyre veprimeve do të shqiptohen gjoba bazuar në legjislacionin në fuqi, do të konfiskohen mjetet motorike si dhe do të ngriten kallëzime penale për shkeljet ligjore”, thuhet në reagim.

AMMK përkatësisht Drejtoria për Administrimin e Parkut Kombëtar “Sharri” përmes këtij paralajmërimi ka kërkuar nga të gjithë ata që janë duke kryer këto veprime që të tërhiqen nga këto aktivitete ilegale, “sepse në të kundërtën do të përballen me masa ligjore përkatëse”.

27/09/2024

Osmani publikon foto me Presidentin Biden dhe Zonjën e Parë të ShBA’së: Aleancë që qëndron në themelet e shtetit tonë

Presidentja Vjosa Osmani është takuar me Presidentin e ShBA’së, Joe Biden, dhe Zonjën e Parë të ShBA’së, Jill Biden, dhe kanë realizuar foton tradicionale që lideret e shteteve bëjnë me çiftin presidencial të ShBA’së, gjatë pritjes së organizuar në kuadër të Asamblesë së Përgjithshme të OKB-së, raporton Express.

Krahas fotos, Osmani ka shkruar “Aleancë që qëndron në themelet e shtetit tone”.

“Faleminderit Presidentit Biden dhe Zonjës së Parë Dr. Biden për mikpritjen dhe bashkëbisedimin!”, ka shkruar Osmani.

26/09/2024

Kuvendi dështon t’i votojë tri marrëveshje ndërkombëtare, s’ka kuorum

Kuvendi i Kosovës ka dështuar të ratifikojë tri marrëveshje ndërkombëtare në seancën e sotme, në mungesë të kuorumit, raporton Express.

Projektligji i parë që u hodh në votim ishte ai për për ratifikimin e Marrëveshjes së financimit, për programin e parë për “Financimin e politikave zhvillimore për efektivitetin fiskal, konkurrueshmërinë dhe rritjen e gjelbër”, në mes të Republikës së Kosovës dhe Asociacionit Ndërkombëtar për Zhvillim,

“Nuk ka kuorum për ta votuar këtë marrëveshje ndërkombëtare. I mbetet një seance të ardhshme”, ka deklaruar Kryeparlamentari Glauk Konjufca.

Në mungesë të kourumit, Kuvendi s’arriti ta kalojë as Projektligjin për ratifikimin e amendamentimit të Marrëveshjes për anëtarësimin e Republikës së Kosovës në Fondin Monetar Ndërkombëtar dhe organizatat e grupit të Bankës Botërore. Në votim morën pjesë 74 deputetë.

Marrëveshja e tretë që dështoi të miratohej ishte ajo për kredi mes të Republikës së Kosovës dhe Bankës Evropiane për Investime për Projektin Energjia diellore fotovoltaike në KEK – Porta Globale.

26/09/2024

Haradinaj për blerjen e rrymës: Pushteti nuk i ka shërbyer shtetit të Kosovës dhe popullit të saj, por mafisë energjetike

Kandidati i AAK-së për kryeministër, Ramush Haradinaj përmes një postimi në Facebook ka listuar disa nga ‘gabimet’ sipas tij të Qeverisë Kurti në lidhje me rrymën.

Ai ka thënë se për dy vite shteti i Kosovës ka paguar rrymë 4.5 herë më shumë apo 282€ milionë më shumë se kur ishte ai kryeministër.

Sipas tij, për dy vjet mesatarja e pagesës ditore për rrymë elektrike është hiç më pak se 500.000 euro në ditë.

“Më shanë e më fyen sepse deshta që Kosova C të prodhonte rrymë me çmim prej 83€. E morën pushtetin dhe blejtën rrymë në vitin 2022 me çmim mesatar prej 268.82€ dhe në vitin 2023 prej 129€. I shërbyen jo shtetit të Kosovës dhe popullit të saj, por mafisë energjetike. Figurat kryesore të VV-së po i heton Prokuroria dhe do të hetojë dhe gjejë gjithçka, por një dihet; se ky është krim që i është bërë këtij vendi dhe askush nuk duhet të shkojë në përgjegjësi para Kryeministrit aktual të Kosovës. Krenohej nga foltorja e Parlamentit “se ka ç’montuar Contour Globalin”, po del se ka dashtë ta ç’montojë popullin e vet”, ka shkruar Haradinaj.

26/09/2024

Shkatërrohen tri parcela me kanabis në Malishevë

Njësitë e Drejtorisë për Hetimin e Trafikimit me Narkotikë (DHTN) nga Gjakova kanë zbuluar dhe shkatërruar tri parcela të mbjella me 1757 fije kanabis.

Aksioni është realizuar në orët e para të mëngjesit të 21 shtatorit në një zonë të Malishevës, ku pas verifikimit dhe dokumentimit të rastit, bimët janë shkatërruar në vend-ngjarje.

Policia njofton se hetimet janë duke vazhduar për të identifikuar personat përgjegjës për këtë veprimtari të paligjshme.

Organet e hetuesisë janë angazhuar maksimalisht për të luftuar kultivimin dhe shpërndarjen e substancave narkotike në mbarë vendin.

26/09/2024

Kurti kujton dy masakra të regjimit të Millosheviqit, u kryen me 26 shtator të 98-tës

Kurti kujton dy masakra të regjimit të Millosheviqit, u kryen me 26 shtator të 98-tës

Postimi i plotë:

“Kur i pashë trupat e vajzave dhe nënës së tyre, ishte e qartë që ato kishin ikur dhe kishin provuar të fsheheshin nën shkurre. E kuptova që ata burrat i kishin kërkuar dhe i kishin qëlluar me armë aty ku i kishin gjetur. Kishte edhe anëtarë të tjerë të familjes të vrarë përreth. Ishte e qartë që ata ishin përpjekur të zvarriteshin nëpër pyll për të shpëtuar. Isha i shokuar nga brutaliteti, urrejtja…” Kështu rikujton gazetari dëshmitar, Wade Goddard, që dëshmoi para botës me fotografi masakrën e parë në Abri të Epërme të Drenasit. Më 26 shtator 1998, pjesëtarë të tri njësive të policisë së Serbisë dhe kontigjente të Ushtrisë Jugosllave, hynë në fshat. Anëtarët e familjes Deliu po strehoheshin në mal. Ata i qëlluan nga afërsia e pastaj ua gjymtuan kufomat. Masakra e Abrisë është një nga krimet më mizore të gjenocidit të Serbisë në Kosovë. Për të askush nuk është dënuar. Atë ditë i masakruan 22 anëtarë të familjes Deliu. Më i moshuari ishte Fazli Deliu 94 vjeç. Më i riu, u privua nga jeta që në barkun e nënës. Luljetës shtatzënë ia prenë barkun me foshnjën e palindur. E vranë edhe Mihanen, në krah me të birin, Mirin. Mihane Gashani Deliu, më 25 shtator kishte pasur ditëlindjen e 28-të. Valmir Deliu, më 21 shtator, kishte pasur ditëlindjen e dytë. Diturije Deliu, foshnja që ishte gjetur e gjallë në kraharorin me gjak të nënës, nuk mbijetoi. Ajo vdiq më 19 nëntor 1998, rrugës për në fshatin Tërdec, derisa po dërgohej te një mjek i luftës. I kishte vetëm 95 ditë jetë. Më 26 shtator 1998, forcat e armatosura serbe hynë edhe në fshatin Gollubovc të Malishevës. Aty i vranë 13 burra shqiptarë, civilë të paarmatosur. Pas torturave disa orëshe, ata i shtrinë përtokë, me duar pas koke. U ekzekutuan nga policia, një nga një, me nga dy plumba. Për këto krime askush nuk është dënuar. Në përvjetorin e 26-të, përkujtojmë 23 martirët e masakrës në Abri të Epërme dhe 13 martirët e vrarë në Gollubovc. Përkujtojmë Valdet Xhemajlin, Vesel Demakun e Afrim Hajdarajn, që ranë dëshmor atë ditë, duke mbrojtur popullatën civile. Nuk i harrojmë të rënët në rrugën e vështirë deri te çlirimi. Nderojmë kujtimin për ta duke u angazhuar për forcimin e Republikës sonë. Lavdi të gjithë të rënëve për lirinë e Kosovës! I përmotshëm qoftë përkujtimi i të gjallëve për ta” shkruan Kurti në Facebook.

26/09/2024

Osmani i shtrëngon duart me Biden, Shtëpia e Bardhë e ftoi bashkë me më shumë se 30 liderë në takimin për Ukrainën

Presidentja e Kosovës, Vjosa Osmani i ka shtrënguar duart me presidentin e SHBA-së, Joe Biden, por edhe me kryeministrin e Mbretërisë së Bashkuar, Keir Starmer.

Ajo e ka falënderuar Shtëpinë e Bardhë që e ftoi t’u bashkohet liderëve botërorë në një samit për Ukrainën që u mbajt në kuadër të javës së nivelit të lartë të OKB-së në New York.

“E nderuar me ftesën e Shtëpisë së Bardhë që t’i bashkohem liderëve të tjerë botëror në samitin e radhës për Ukrainën, i cili kësaj radhe u mbajt në New York, në kuadër të javës së nivelit të lartë të Kombeve të Bashkuara”, shkroi Osmani në një postim në Facebook.

25/09/2024

Vazhdon ardhja e ushtarëve nga Mbretëria e Bashkuar, KFOR: Po testohet dislokimi i shpejtë i trupave shtesë

KFOR-i ka njoftuar se Regjimenti Mbretëror i Yorkshire i Mbretësirë së Bashkuar po vazhdon vendosjen e përkohshme në Kosovë si “një forcë rezervë e caktuar në mbështetje të misionit të KFOR-it të udhëhequr nga NATO”.

“Personeli dhe automjetet zbarkuan në Durrës të Shqipërisë dhe do të lëvizin përmes rrugëve për në Kosovë”, thuhet në një komunikatë të lëshuar nga KFOR-i.

KFOR-i thotë se Regjimenti Mbretëror i Yorkshire “do të punojë së bashku me njësitë e tjera të KFOR-it, në një stërvitje rutinë të stërvitjes së provave operative, deri në fund të tetorit”.

“Qëllimi i këtij ushtrimi është t’i testojë procedurat ekzistuese për dislokimin e shpejtë të trupave shtesë dhe integrimin e tyre me misionin e KFOR-it. Stërvitja mbështet gatishmërinë e KFOR-it për t’iu përgjigjur zhvillimeve përkatëse të sigurisë, në mënyrë që të sigurojë zbatimin e vazhdueshëm dhe efektiv të mandatit tonë të OKB-së – bazuar në Rezolutën 1244 të Këshillit të Sigurimit të Kombeve të Bashkuara të vitit 1999 – për të kontribuar në një mjedis të sigurt dhe të qetë për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme”, thuhet në komunikatë.

Në përfundim të stërvitjes, KFOR-i thotë se “kontingjenti do të zhvendoset dhe do të kthehet në Mbretërinë e Bashkuar”.

“KFOR-i do t’i marrë të gjitha masat e nevojshme për t’i zbutur efektet në trafikun rrugor, të cilat mund të priten si rezultat i lëvizjeve të personelit ushtarak dhe automjeteve në mbështetje të kësaj stërvitjeje”, thuhet në komunikatë.

25/09/2024

Shtyhet seanca fillestare për rastin e sulmit në Banjskë

Për shkak se mbrojtja e të akuzuarve Blagoje Spasojeviq, Vladimir Toliq dhe Dushan Maksimoviq kërkoi të ndërprehet seanca fillestare në rastin “Banjska” me arsyetimin se kanë pranuar shkresat e lëndës në mënyrë elektronike dhe me vonesë, seanca u ndërpre.

Fillimisht, mbrojtësi i të akuzuarit Blagoje Spasojeviq, avokati Ljubimir Pantoviq kërkoi ndërprerje të seancës me arsyetimin se shkresat i ka pranuar në mënyrë elektronike dhe jo fizikisht. Ky deklarim i Pantoviq u përkrah edhe nga mbrojësit e të akuzuarve Maksimoviq dhe Toliq, avokatët Jovana Filipoviq dhe Millosh Deleviq.

Në anën tjetër, avokati Koci tha se kërkesa s’ka mbështetje ligjore sepse kanë mundur që ato shkresa t’i printojnë vetë

Kurse, prokurori special Naim Abazi tha se ka qenë e pamundur që shkresat e lëndës të dorëzohen fizikisht, andaj i kanë dorëzuar në mënyrë elektronike.

Më pas, gjyqtari Hoti tha se konsiderojnë që Prokuroria e ka përmbushur obligimin ligjor të dorëzimit të shkresave të lëndës, andaj kërkoi që të kalohet me leximin e aktakuzës.

Mirëpo, avokati Pantoviq kërkoi sërish fjalën, duke thënë se shkresat i kanë pranuar në mënyrë elektronike të hënën pasdite dhe se nuk janë pëgatitur për seancë pasi që aktakuza është voluminoze dhe se të mbrojturit e tyre nuk e dijnë përmbajtjen e saj.

E prokurori Abazi tha se është e papranueshme kërkesa për shtyrje të shqyrtimit fillestare pasi që aktakuza dhe shkresat e lëndës janë dorëzuar dhe për këtë kanë dëshmi.

Më pas, Gjykata mori aktvendim dhe ndërpreu shqyrtimin fillestar, me qëllim që të akuzuarit të pajisen me akuzën dhe ta dijnë përmbajtjen e saj, e më pas t’iu jepet e drejta për deklarim rreth fajësisë./Betimi për Drejtësi

25/09/2024

Sulmi terrorist në Banjskë, mbërrijnë në gjykatë të dyshuarit – i pranishëm në cilësinë e dëshmitarit edhe polici i plagosur, Alban Rash*ti

Sot mbahet seanca e shqyrtimit fillestar lidhur me rastin e sulmit terrorist në Banjskë të Zveçanit.

Në seancën e parë fillestare në rastin e sulmit terrorist në Banjskë të Zveçanit ka prani dhe interesim të madh nga mediat, ndërkaq i pranishëm në seancë në cilësinë e dëshmitarit është polici i plagosur në Banjskë, Alban Rash*ti.

Sulmi terrorist ishte organizuar nga një grup serbësh, ku organizator dhe pjesëmarrës ishte ish-nënkryetari i Listës serbe, Milan Radoiçiq, person ky i afërt me presidentin e Serbisë, Aleksandar Vuçiq.

E pak para se të bëhet një vit nga sulmi terrorist, Prokuroria Speciale e Kosovës ka ngritur aktakuzë kundër 45 personave, ndërkaq ata akuzohen për veprat penale “Kryerja e veprës terroriste”, “Veprat e rënda kundër rendit kushtetues dhe sigurisë së Republikës së Kosovës”, “Lehtësimi dhe financimi në kryerjen e terrorizmit” si dhe “Shpëlarje e parave”.

Të akuzuarit që ngarkohen bashkë me kreun e grupit kriminal Milan Radoiçiq janë: Milan Radoiçiq, Blagoje Spasojeviq, Vladimir Toliq, Dushan Maksimoviq, Vladimir Radivojeviq, Ugljesa Jarediq, Milorad Jevtiq, Vlastimir Andriq, Aleksandar Milosavljeviq, Lazar Smigiq, Veljko Djordjeviq, Vladimir Vuçetiq, Stefan Jovanoviq, Milovan Krstoviq, Uros Miliq, Trajko Vasiq, Danilo Vasiq, Vukasin Jarediq, Sasa Periq, Nemanja Stankoviq, Momçilo Vuçkoviq, Stefan Radojkoviq, Marjan Radojeviq, Marko Arsiq, Zarko Cvetkoviq, Krsto Damjanoviq, Stefan Milosavljeviq, Marko Saviq, Aleksandar Jevremoviq, Radosh Gvozdiq, Ivan Miliq, Gojko Zubaq, Nemanja Radivojeviq, Radak Adziq, Millos Milenkoviq, Dorde Baloviq, Danijel Dukiq, Danilo Virijeviq, Aleksandar Tanaskoviq, Millos Kragoviq, Miljan Nedeljkoviq, Nikola Iliq dhe Vladan Iliq.

Nga aq sa dihet deri tani, nga këta 45 të akuzuar, vetëm tre prej tyre janë arrestuar nga autoritetet e Kosovës dhe ata janë Vladimir Toliq, Blagoje Spasojeviq dhe Dushan Maksimoviq.

Të njëjtit janë në paraburgim.

25/09/2024

Rama: Nxënësit e mësuesit në diasporë kanë në duar librat “Gjuha shqipe dhe Kultura shqiptare”

Kryeministri i Shqipërisë Edi Rama tha se në diasporë tashmë në klasat shqipe janë shpërndarë librat “Gjuha shqipe dhe Kultura shqiptare”.

Rama shkroi në Facebook se këto libra janë në duart e nxënësve dhe mësuesve, të cilët u mësojnë me shumë dashuri dhe përkushtim gjuhën, traditën dhe kulturën shqiptare.

“MIRËMËNGJES dhe me fillimin e mbarë për klasat shqipe në diasporë, ku librat “Gjuha shqipe dhe Kultura shqiptare” niveli I dhe II janë tashmë në duart e nxënësve dhe mësuesve, që me shumë dashuri dhe përkushtim po u mësojnë gjuhën e bukur shqipe, traditat dhe kulturën shqiptare, uroj një ditë të mbarë”, shkruan Rama.

25/09/2024

“I civilizuar, intelektual, i pari në top listë”, Muharremaj flet për politikanët shembuj jashtë AAK-së

Kryetari i Komunës së Suharekës bëri thirrje që “të lihen inatet politike” ndërsa tregoi në në T7 disa politikanë që nuk i ka bashkëpartiakë në AAK, por që i vlerëson shumë.

Gazetarja Vjosa Haxhijaj e pyeti se cilët politikanë mund t’i konsiderojë shembuj, ndërsa Bali Muharremaj nuk hezitoi t’i përmendte disa.

Kryetari i Komunës së Suharekës bëri thirrje që “të lihen inatet politike” ndërsa tregoi në në T7 disa politikanë që nuk i ka bashkëpartiakë në AAK, por që i vlerëson shumë.

Gazetarja Vjosa Haxhijaj e pyeti se cilët politikanë mund t’i konsiderojë shembuj, ndërsa Bali Muharremaj nuk hezitoi t’i përmendte disa.

24/09/2024

Kurti: Serbia është përgjegjëse për vrasjen e Afrim Bunjakut, për këtë kërkojmë ndihmën e ndërkombëtarëve

Kryeministri Albin Kurti bashkë me kryetarin e Kuvendit, Glauk Konjufca, si dhe një pjesë të kabinetit të tij qeveritar, kanë bërë sot homazhe pranë varrit të heroit të Kosovës, Afrim Bunjaku në njëvjetorin e rënies së tij.

Ai tha se heroi Afrim Bunjaku lartësoi shtetin e Kosovës edhe për popullin e Kosovës, por edhe opinionin publik ndërkombëtar.

“Rënia e Afrim Bunjakut është dëshmi që Kosova edhe i del zot vetes edhe ngadhënjen në çdo betejë. Sot që po flasim, Kosova nuk ka burime të brendshme që e cenojnë sigurinë apo stabilitetin e të cilat ne nuk arrijmë t’i kontrollojmë apo menaxhojmë. Anembanë Kosovës, në çdo cep është shteti i Kosovës, shteti i Republikës demokratike dhe të pavarur të Kosovës, të cilës i shërbejmë me nder dhe përkushtim. Numri i policëve me kadetë të rinj po rritet, morali i policisë sonë edhe ushtrisë tonë kurrë s’ka qenë më i lartë, andaj kjo sakrificë, ky flijim i rreshterit të policisë, të heroit Afrim Bunjaku ia ka vlejtur fort për Policinë, për shtetin dhe për gjeneratat e ardhshme”.

Ai tha se me rënien e tij nuk ranë policë të tjerë, ndërsa për kolegët e Afrim Bunjakut që ishin me të kur u sulmuan, tha se nuk lejuan që trupi i tij të bie në dorën e grupit terrorist.

“Duke rënë Afrim Bunjaku nuk kanë rënë shumë policë të tjerë dhe ata policë që ishin në betejë bashkë me të nuk lejuan që trupi i pajetë i heroit tonë të bie në duart e forcave armike e forcat që ishin të financuara dhe të dirigjuara nga Serbia me paramilitarë që kishin shumë më tepër armatim sesa Afrim Bunjaku me shokë ikën me turp, i lanë të vrarët dhe të plagosurit e tyre dhe sot fshihen nëpër Serbi sepse e dinë që e kanë humbur betejën njëherë e përgjithmonë me shtetin tonë dhe me popullin tonë liridashës”.

Kurti tha se për vrasjen e rreshterit Afrim Bunjaku përgjegjëse është Serbia dhe se ajo duhet të japë përgjegjësinë. Këtu ai kërkoi ndihmën e ndërkombëtarëve.

“Serbia është përgjegjëse, andaj Serbia duhet të japë përgjegjësi. E në këtë pikë ne kërkojmë mbështetjen, ndihmën, përkrahjen e faktorëve ndërkombëtarë. Idealet e dëshmorëve për neve do t’i jetësojmë e po i jetësojmë, ndërkaq kujtimin tonë për ta do ta përjetësojmë e po e përjetësojmë. Sot në Banjskë të Zveçanit është vendosur tabela në të cilën shkruan rruga “Afrim Bunjaku”. Kjo është rruga e të gjithë neve”.

24/09/2024

Konjufca: Afrim Bunjaku dha shembullin se si jepet jeta kur rrezikohet atdheu

Kryeparlamentari Glauk Konjufca ka nderuar veprën e Afrim Bunjakut, duke thënë se ai është shembull se si jepet jeta e si vetëmohohet individi për të mirën e përgjithshme.

Këto komente Konjufa i bëri pas homazheve që bënë bashkë me kryeministrin Albin Kurti te varri i heroit Afrim Bunjaku.

“Ai e dha shembullin më të vyer se kur atdheu rrezikohet dhe kërcënohet se si duhet të jepet jeta dhe si të duhet vetëmohohet individi për të mirën e përgjithshme, për lirinë tonë, e cila duhet të kultivohet pandërprerë për të gjithë ne. Prandaj, ai e dha shembullin më të vyer edhe për vëllezërit dhe motrat e tij që vazhdojnë detyrën në Policinë e Republikës së Kosovës sesi duhet të veprojë njeriu në momentet vendimtare kur e kërkon shteti dhe Republika”, tha Konjufca.

Ai shtoi se kujtimi për të dhe për Enver Zymberin që ra për të njëjtën arsye vite më parë nuk do të harrohet kurrë.

“Prandaj, ne do ta kujtojmë gjithmonë Afrim Bunjakun, ashtu siç e kujtojmë edhe Enver Zymberin, i cili ra për të njëjtin qëllim 13 vite më parë. Këto janë idealet të cilat i kultivojnë dhe i ushqejnë heronjtë tonë e të cilët ne nuk do t’i harrojmë kurrë. Lavdi Afrim Bunjakut! Lavdi Enver Zymberit! Lavdi të gjithë atyre që e dhanë jetën për lirinë dhe mbrojtjen e territorit dhe të tokave tona të shenjta!”.

24/09/2024

Në Grejkoc të Suharekës i vjedhin bulonat e anësoreve të rrugës

Të hënën në Bjeshkët e Grejkocit, në Suharekë një burrë ka raportuar që disa persona të panjohur i kanë vjedhur anësoret e rrugës.

“Ankuesi mashkull kosovar, ka raportuar se persona të panjohur i kanë vjedhur bulonat e anësoreve të rrugës në gjatësi 60-70 metra. Rasti është duke u hetuar”, thuhet në raport.

24/09/2024

Vendoset tabela e rrugës me emrin ‘Afrim Bunjaku’

Në anë të rrugës që të çon nga Ballabani në Banjskë, sot janë vendosur tabela të rrugës të emërtuara në emër të heroit Afrim Bunjakut, polici i cili u vra nga terroristët serbë një vit më parë në Banjskë.

Tabela është vendosur në kthesën nga rruga kryesore, si dhe në hyrje të Banjskës.

Në veri të Kosovës është shtuar prania e Policisë së Kosovës si dhe e njësive speciale, si dhe vërehet edhe numri i patrullave të KFOR-it.

Vendimi për emërtimin e kësaj rruge në emër të heroit Bunjaku është marrë nga Qeveria e Kosovës, në një mbledhje të jashtëzakonshme të mbajtur të hënën.

24/09/2024

Vidhen para, pulla postare, e mbushje të telefonave në Postën e Kosovës

Policia ka njoftuar se persona të panjohur kanë kryer vjedhje në Postën e Kosovës në Fushë Kosovë.

Persona të panjohur kanë vjedhur 850 euro, pulla postare e pesë vula, e mbushje të telefonave.

Rasti i vjedhjes ka ndodhur më 23 shtator.

“Fushë Kosovë 23.09.2024 – 03:30. Ankuesi mashkull kosovar, zyrtarë i Postës së Kosovës, ka raportuar se persona të panjohur me forcë kanë depërtuar në brendinë objektit dhe kanë vjedhur një kasafortë në të cilën kishte rreth 850 €, pulla postare, 5 vula postare të pagesave dhe disa mbushje të telefonave me vlerë 300-400€.

Rasti vazhdon të hetohet.

Address

Kuvendi I Arberit/C1
Prizren
2000

Website

http://www.tv-opinioni.com/

Alerts

Be the first to know and let us send you an email when TV Opinion - Prizren posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TV Opinion - Prizren:

Videos

Në librarinë Altera, në Prizren, u përurua sot, libri “Qeverisja e Shqipërisë” e autorit Gjet Ndoji, e cila është e shkruar në fakte të nxjerra nga arkivi i Shqipërisë, ku autori për shumë vite ishtë drejtor.

Përballë Qendrës Kryesore të Mjekësisë Familjare në Prizren është hapur Klinika private “Spitex Plus”, e cila bënë trajtimin shtëpiak të pacienntëve. Edita Ametaj në hapje të klinikës tha se “Spitex” do të thotë shrëbim i jashtëm ambulantor. Spitex ofron një gamë të gjerë të shërbimeve mjekësore. Përvojat zvicerane do të barten në Prizren. Kontaktet me specialist zviceran janë duke u zhvilluar dhe pritet që ky bashkëpunim të konkretizohet. Endrita Ahmetaj motër medicinale që punon në Zvicër thotë se janë të përkushtuar të punojnë në Klinikën Spitex dhe qëllimi është që t’i shërbejnë pacientëve në shtëpi. Mjeku Rron Zajmi thotë se kjo Klinikë do të ofrojë vizita mjekësore dhe shumë shërbime të tjera. Qëllimi është që të mbështet ruajtjen dhe promovimin e pavarur ne shendetin, cilësisë së jetës brenda mjedisit ku ju jetoni.

TV Opinion - Prizren

27/09/2024

27/09/2024

27/09/2024

26/09/2024

26/09/2024

26/09/2024

26/09/2024

26/09/2024

25/09/2024

25/09/2024

25/09/2024

25/09/2024

25/09/2024

24/09/2024

24/09/2024

24/09/2024

24/09/2024

24/09/2024

Address

Website

Alerts

Contact The Business

Videos

Shortcuts

Share

Category