InfoKomuna

Përurohet projekti “Parkingu Solar Prishtina” në Parkun e Gërmisë Kryetari Perparim Rama, përmes kësaj video të publikuar ka njoftuar se: “Prishtina hapi një faqe të re të qëndrueshmërisë me inaugurimin e “Parkingu Solar Prishtina” në Parkun e Gërmisë. Kjo nismë, e cila është e para në Ballkanin Perëndimor, përfshin një sistem diellor me 35 kW panele fotovoltaike dhe një stacion karikimi për automjetet elektrike, duke promovuar lëvizshmërinë e gjelbër. E bashkëfinancuar nga Kryeqyteti, Bashkimi Evropian 🇪🇺, si dhe Ministria Federale Gjermane 🇩🇪 për Bashkëpunim me një investim prej 50,000 €. Ky projekt pritet të ulë emetimet e CO2 me 44.7 ton në vit, duke vendosur standarde të reja për qëndrueshmërinë në Kosovë dhe Ballkan.”

Po vazhdojnë punimet për rregullimin e varrezave në lagjen "Arbëria" në Kryeqytet, ku tani po shtrohen me kocka shtigjet! Video publikuar nga kryetari Perparim Rama.

Afro 1 milionë euro investim për zonën turistike në Neredime-Jezerc

Kryetari Agim Aliu, përmes kësaj video të publikuar ka njoftuar se: “Afro 1 milionë euro investim për zonën turistike në Neredime-Jezerc Zonës turistike në vargmalet e Neredimes dhe Jezercit do t'i kthehet nami i dikurshëm, me projektin që parasheh investim prej afro 1 milionë euro, që sot nisëm së zbatuari për rregullimin e infrastrukturës së nevojshme, që pasionantëve të natyrës dhe gjithë qytetarëve tonë, t'i japim mundësinë që ta shijojnë këtë atraksion natyror. Me këtë projekt, parashihet rregullimi i shtigjeve të ecjes urës fushave sportive vatrave të zjarrit ulëseve verandave, parkingut publik ndriçimit publik e nyjeve tjera të nevojshme.”

Vazhdimi i investimeve për ndriçim publik brenda zonës së qytetit të Gjilanit në gjatësi totale prej 1110 m.

Kryetari Alban Hyseni, përmes kësaj video të publikuar ka njoftuar se, po vazhdojnë investimet për ndriçim publik brenda zonës së qytetit në gjatësi totale prej 1110 m. - Rruga Bill Clinton - 200m gjatësi; - Rruga Pashko Vasa - 380m gjatësi; - Rruga Mërgimtarët e Gjilanit - 450m gjatësi. Vetëm 200m do jenë ndriçim me energji elektrike, ndërsa pjesa tjetër me energji diellore.

Zona e Sportit në Suharekë

Kryetari Bali Muharremaj, përmes kësaj video të publikuar na prezanton me zonën e sportit në Suharekë, e cila në çdo detaj ka përfunduar në fazën e projektimit.

Renovimi i tërësishëm i Qendrës së Mjekësisë Familjare-1 në Vushtrri

Kryetari Ferit Idrizi, përmes kësaj video të publikuar ka njoftuar se: “Renovimi i tërësishëm i Qendrës së Mjekësisë Familjare-1 tashmë ka përfunduar dhe do të jetë në shërbim të qytetarëve. Dyshemeja antibakteriale, lyerja e mureve dhe komplet inventar i ri, janë punët që janë kryer në këtë qendër të shëndetësisë primare. Përmirësimi i infrastrukturës në objektet shëndetësore, që stafi të ketë kushte më të mira të punës e pacientët një ambient adekuat për të marrë shërbime, është prioritet i punës sonë.”

Gjobat e shqiptuara nga Inspektorati i Kryeqytetit për shkelje të ndryshme në Prishtinë gjatë vitit 2023.

Gjobat e shqiptuara nga Inspektorati i Kryeqytetit për shkelje të ndryshme në Prishtinë gjatë vitit 2023. Natyrisht, këtu nuk hyjnë vendimet e inspektoratit mbi ndërprerjen e punimeve si dhe vendimet për rrënim ose kthim në gjendjen e mëparshme.- thuhet në njoftim të Inspektoratit.

Nënshkruhet marrëveshje bashkëpunimi në mbështetje për fëmijët me dëmtime në të pamur në procesin edukativo-arsimor në Komunën e Junikut

Me qëllim të promovimit të rëndësisë së shëndetit okular dhe diagnostikimit me kohë të problemeve me të pamur, Kryetari i Komunës së Junikut Ruzhdi Shehu, ka nënshkruar marrëveshje me Poliklinikën Shoshi & Optika Ylli. Kryetari Ruzhdi Shehu ka nënshkruar marrëveshje bashkëpunimi në mbështetje për fëmijët me dëmtime në të pamur në procesin edukativo-arsimor, me Flaka Shoshi oftamologe në Poliklinikën Shoshi & Optika Ylli. Marrëveshja parasheh vizitën e parë dhe ekzaminimin oftamologjik FALAS në Optikën Shoshi në Deçan për të gjithë nxënësit e komunës së Junikut të cilët identifikohen që kanë probleme në të pamur. Video publikuar nga Komuna e Junikut.

Qyteti i rrush*t

Krahas kësaj video të publikuar, kryetari Smajl Latifi ka shkruar: “BALLKONI PANORAMIK E FUQIZON RAHOVECIN ME EPITETIN “QYTETI I RRUSH*T” Së bashku me ministrin e Ministrisë së Zhvillimit Rajonal, z. Fikrim Damka, nënshkruam marrëveshje të mirëkuptimit për bashkëfinancim të projektit “Ndërtimi i Ballkonit Panoramik mbi qytetin e Rahovecit’’. Ky projekt ka vlerën e parallogaritur prej 320,117.00€. MZhR-ja, nga buxheti i saj vjetor i vitit 2024, financon këtë projekt në shumën prej 130,00.00€. Komuna e Rahovecit, nga buxheti i saj vjetor i vitit 2024, financon këtë projekt në shumën prej 50,000.00€. MZhR-ja, nga buxheti i saj vjetor i vitit 2025, financon këtë projekt në shumën prej 70,000.00€. Komuna e Rahovecit, nga buxheti i saj vjetor i vitit 2025, financon këtë projekt në shumën prej 70,117.00€. E falënderoj ministrin, z. Fikrim Damka, për bashkëpunimin dhe për mbështetjen për Komunën e Rahovecit!”