https://www.facebook.com/368066016385642/

Humans of Peja

Home
Kosovo
Pejë
Humans of Peja

Portali lokal i Pejës
(1)

18/09/2024

Gjendet mjet shpërthyes në Pejë, fëmijët e marrin në dorë pa e ditur rrezikun

Një mjet shpërthyes është zbuluar në oborrin e një ndërtese banimi në Pejë, ku fillimisht është gjetur nga disa fëmijë të cilët, të pavetëdijshëm për rrezikun, e kanë marrë në dorë. Incidenti ka ndodhur rreth orës 14:05 në rrugën "Mirvete Maksutaj", pranë qendrës së mjekësisë familjare.

Zëdhënësi i Drejtorisë Rajonale të Policisë në Pejë, Fadil Gashi, ka konfirmuar ngjarjen. "Një qytetar ka njoftuar se kishte hasur në disa fëmijë të cilët në dorë po mbanin një mjet shpërthyes. Ai e kishte marrë atë nga fëmijët dhe e kishte vendosur në një vend më të sigurt," tha Gashi. Pas njoftimit, njësitë kompetente të policisë kanë dalë në vendin e ngjarjes për të lokalizuar vendin dhe për të marrë masat e nevojshme.

18/09/2024

Nepotizmi në Pejë: Familjarët e drejtoreshave fitojnë konkurse në Komunën e Pejës

Dy familjarë të drejtoreshave në Komunën e Pejës janë zgjedhur fitues në konkurse të fundit për pozita të larta zyrtare. Bashkëshorti i drejtoreshës së Administratës dhe motra e drejtoreshës për Mirëqenie Sociale janë përzgjedhur për pozitat "Zyrtar i Lartë për Ndërtimtari – Projekte" dhe "Zyrtar i Lartë për Çështje Pronësore", respektivisht.

Egzon Mullarama, bashkëshorti i drejtoreshës së Administratës Nita Panduri Mullarama, është shpallur fitues i konkursit për pozitën "Zyrtar i Lartë për Ndërtimtari – Projekte" me 86.8 pikë. Ndërkohë, Elodijana Mujaj Spahija, motra e drejtoreshës për Mirëqenie Sociale Albulena Mujaj Bajraktaraj, është zgjedhur e dyta fituese për pozitën "Zyrtar i Lartë për Çështje Pronësore" me 83.4 pikë.

Kur u pyet për këtë çështje, drejtoresha e Administratës mohoi çdo ndikim në procesin e përzgjedhjes, duke theksuar se bashkëshorti i saj ishte i vetmi aplikant dhe se konkursi ishte afër dështimit. "Egzon Mullarama nuk është punësuar ende. Konkursi ka qenë i hapur 30 ditë dhe të drejtë aplikimi kanë pasur të gjithë personat që i mbushin standardet," tha ajo.

Këto emërime kanë ngritur shqetësime për nepotizëm dhe konflikt interesi në administratën lokale. Nëse brenda 30 ditëve nuk ka ankesa ose anulim të konkursit, Mullarama dhe Mujaj Spahija do të fillojnë punën në pozitat e tyre të reja. Komuna e Pejës nuk ka dhënë ende ndonjë koment zyrtar lidhur me këtë çështje.

17/09/2024

Arrestohet një grua në Pejë e dyshuar për mashtrim me sera

Policia e Kosovës ka arrestuar një grua në fshatin Loxhë të Pejës, e dyshuar për mashtrim në vlerë prej rreth 30,000 euro. Dyshohet se gjatë periudhës 2022-2024, e arrestuara ka mashtruar persona të ndryshëm duke u premtuar sera xhami me subvencione.

Sipas policisë, e dyshuara ka kërkuar nga viktimat pagesa prej 300 deri 400 euro për transport dhe montim të serave. Gjatë bastisjes së shtëpisë dhe objekteve përcjellëse të së dyshuarës, janë sekuestruar prova materiale, përfshirë një laptop, një vulë, disa dosje me dokumente të ndryshme, si kontrata e fletëpagesa, si dhe një telefon.

"Gjatë punës hetimore janë identifikuar dhe intervistuar disa persona si palë të mashtruara dhe vlera e dëmit të përgjithshëm konsiderohet rreth 30,000.00 euro," tha policia në komunikatën e saj. E dyshuara është intervistuar në prani të avokatit mbrojtës dhe me vendim të prokurorit kompetent i është caktuar masa e ndalimit prej 48 orësh. Hetimet për këtë rast vazhdojnë.

17/09/2024

Shtatë të lënduar në aksident me tri vetura në magjistralen Pejë-Prishtinë

Një aksident trafiku që përfshiu tri automjete ndodhi të martën pasdite në fshatin Zahaq, në magjistralen Pejë-Prishtinë, duke rezultuar me shtatë persona të lënduar. Incidenti u raportua rreth orës 17:28.

Zëdhënësi i Policisë së Kosovës për rajonin e Pejës, Fadil Gashi, konfirmoi se të gjithë të lënduarit u transportuan menjëherë në emergjencën e spitalit rajonal të Pejës për trajtim mjekësor. "Katër janë liruar, tre kanë mbetur për trajtim të mëtejshëm. Sipas mjekut kujdestar, të gjithë janë jashtë rrezikut për jetë", tha Gashi. Policia ka nisur hetimet për të përcaktuar rrethanat e sakta të aksidentit, ndërsa u bën thirrje drejtuesve të automjeteve të jenë të kujdesshëm gjatë vozitjes, veçanërisht në zonat me trafik të dendur.

16/09/2024

Radio Dukagjini shënon 25-vjetorin e themelimit

Radio Dukagjini, një nga mediat më të rëndësishme në Kosovë, festoi 25-vjetorin e themelimit të saj. E themeluar më 16 shtator 1999 në Pejë, radioja ka luajtur një rol të rëndësishëm në informimin e publikut kosovar gjatë dy dekadave e gjysmë.

"Filloi në Pejë e më pas vetëm ngjarjet dhe zhvillimet politike të hovshme të atyre viteve imponuan edhe nevojën që të kemi një studio në Prishtinë. Kishim një mënyrë të veçantë të punës. Kishim dy studio që lidheshin në të njëjtën kohë. Dëgjuesi nuk e vërente," tha Sebiha Ramaxhiku, redaktore në Radio Dukagjini, e cila ka qenë pjesë e radios që nga fillimi.

Ramaxhiku, e cila tani punon në sektorin e informacionit, theksoi se dita e shpalljes së pavarësisë së Kosovës ishte një nga momentet më të rëndësishme gjatë karrierës së saj. Në përvjetorin e 25-të, ambasadori i SHBA-së në Kosovë ka folur për rëndësinë e Radio Dukagjinit në skenën mediale të vendit.

Për të shënuar këtë përvjetor të rëndësishëm, Radio Dukagjini transmetoi një edicion special që nisi në Pejë dhe vazhdoi në Prishtinë, duke përfshirë muzikë, intervista dhe dhurata për dëgjuesit besnikë.

Vlen të theksohet se shumica dërmuese e stafit fillestar të Dukagjinit, tani kanë themeluar Radio Njëshi. Respekt për punën e secilit prej tyre, që informuan pejanët në kohën kur vendi sapo kishte dalë nga lufta.

15/09/2024

Ish-presidenti Meta sot qëndron në Pejë

Ish-presidenti i Shqipërisë, Ilir Meta, ka marrë pjesë në një aktivitet kulturor të rëndësishëm në Pejë. Bëhet fjalë për Takimin Letrar Ndërkombëtar "Azem Shkreli", ku morën pjesë poetë nga të gjitha trevat shqiptare dhe të huaj.

Gjatë këtij eventi, Meta pati nderin t'i dorëzonte çmimin "Bulëzat" poetit të ri Rijad Berisha për veprën e tij "Aortë Jete". Ky çmim i jepet poetit më të talentuar të ri.

"Promovimi i letërsisë, kulturës dhe artit është një mundësi e shkëlqyer për forcimin e identitetit tonë kombëtar dhe bashkimit mes shqiptarëve", u shpreh Meta në një postim në rrjetin social Facebook.

Kjo vizitë në Kosovë vjen si pjesë e një serie vizitash të shpeshta që ish-presidenti shqiptar ka ndërmarrë kohët e fundit në Kosovë, duke treguar një angazhim të shtuar në aktivitetet kulturore dhe sociale ndërmjet dy vendeve.

15/09/2024

Arrestohet burri në Pejë për dhunë psikike ndaj bashkëshortes

Një burrë është arrestuar mbrëmë në Pejë nën dyshimet për ushtrim të dhunës psikike ndaj bashkëshortes së tij. Incidenti ka ndodhur rreth orës 21:35 të datës 14 shtator 2024.

Sipas raportit të policisë, i dyshuari ishte nën ndikimin e alkoolit kur ka kryer veprën. "Është arrestuar i dyshuari mashkull kosovar pasi që, i njëjti nën ndikim të alkoolit ka ushtruar dhunë psikike ndaj bashkëshortes së tij viktimës femër kosovare," ka deklaruar policia. Me vendim të prokurorit, i dyshuari është dërguar në mbajtje për procedura të mëtejshme.

14/09/2024

Vëllaznimi triumfon ndaj Pejës në hapjen e sezonit të basketbollit kosovar

Vëllaznimi ka shënuar fitore ndaj Pejës me rezultat 73-65 në ndeshjen hapëse të sezonit 2024/25 të elitës së basketbollit kosovar. Pavarësisht fillimit premtues të pejanëve, gjakovarët arritën të kthejnë rezultatin në favor të tyre.

Peja nisi ndeshjen me vrull, duke fituar çerekun e parë me rezultat 17-13. Megjithatë, Vëllaznimi u rikthye fuqishëmun e dytë, duke mbyllur pjesën e parë me epërsi 44-37. Forma e mirë e kuqezinjve vazhdoi edhe në dy çerekët e mbetur, duke siguruar fitoren përfundimtare.

Shizz Alston u shfaq si lojtari më i spikatur i Vëllaznimit me 28 piksa Jitobah dhe Anderson kontribuan me nga 13 pikë secili. Për Pejën, Shahade Wells realizoi 18 pikë, pasuar nga Musab Mala me 12 pikë.

Kjo fitore shënon një fillim pozitiv për Vëllaznimin në sezonin e ri të basketbollit kosovar, ndërsa Peja do të kërkojë të rikthehet në formë në ndeshjet e ardhshme.

13/09/2024

Projekti Borea në Pejë has në pengesa, kryetari Muhaxheri kërkon falje

Kryetari i Komunës së Pejës, Gazmend Muhaxheri, ka dhënë sqarime në një seancë të jashtëzakonshme lidhur me vonesat në realizimin e projektit Borea. Ai ka theksuar se shumica e procedurave janë përmbushur, por dy raste shpronësimi mbeten ende në gjykatë.

"Krejt procedurat çka kanë qenë për t'i plotësuar, shpronësimit, kës në emër të komunës, shpronësimet që është dasht me i bë për trasen e Boresë, kanë përfun dy që jemi në gjyq, përndryshe nukë pengesë për t'u realizuar ky projekt", ka deklaruar Muhaxheri.

Kryetari Muhaxheri ka kërkuar falje nga qytetarët dhe anëtarët e Kuvendit Komunal për mosrealizimin e projektit, duke pranuar se kishte menduar se projekti ishte afër finalizimit. Ai shtoi se miratimi i hartës zonale të Parkut Nacional të Bjeshkëve të Nemuna kishte hapur rrugën për realizimin e projektit, por situata rezultoi ndryshe. "Në një debat kam pas thënë që nuk munden ata nga Prishtina me vendos për projektin e Boreas, tash unë po dua të ju kërkoj falje qytetarëve të Pejës dhe juve asamblistëve që e kam pas gabim", tha Muhaxheri. Seanca e jashtëzakonshme vazhdon me diskutime të mëtejshme rreth këtij projekti të rëndësishëm për komunën e Pejës.

12/09/2024

Të premten, ndërprerje e energjisë elektrike në disa zona

KEDS njofton se më 13 shtator 2024 do të ketë ndërprerje të energjisë elektrike në disa lokalitete të Kosovës për shkak të pundomosdoshme për sigurinë e sistemit energjetik.

Në zonën e Pejës, do të ketë dy ndërprerje të ndara. E para do të ndikojë në fshatrat Babiq, Dobërdol, Duboqakë, Firaj, Gorazhdecë, Llozhan, Millovancë, Pishtan, Poqestë, Ramun, Strellcë i Ulët, Vragoc, Zhllopek dhe pjesë të qytetit nga ora 10:30 deri në 15:00.

Ndërprerja e dytë do të prekë Vitomiricën dhe zonat përreth nga ora 08:00 deri në 13:00.

"Këto ndërprerje janë të nevojshme për mirëmbajtjen preventive dhe sigurinë e sistemit energjetik," shpjegon KEDS, duke shtuar se "punët përfshijnë pastrimin e trasesë dhe shtrëngimin e përçuesve në disa zona."

12/09/2024

Apel për ndihmë

11/09/2024

Forumi i Paqes në Pejë: Ndërtimi i paqes në një botë rivaliteti

Peja do të mirëpresë për herë të parë Forumin e Paqes më 11 shtator në Universitetin "Haxhi Zeka". Nën temën "Ndërtimi i paqes në një botë rivaliteti", forumi do të trajtojë sfidat aktuale globale për paqen.

Pesë panele do të diskutojnë nevojën urgjente për ndërtimin e paqes dhe parandalimin e konflikteve në një kohë mosbesimi dhe pasigurie në rritje. Fokusi do të jetë në fuqizimin e dialogut midis palëve në konflikt dhe ndërtimin e besimit në familje, komunitet dhe mes fqinjëve.

"Paqja është më shumë se mungesa e luftës... ajo është gjithashtu mungesa e varfërisë, papunësisë dhe pabarazisë," theksojnë organizatorët. Forumi synon të bëhet një ekosistem për ide dhe inovacione, duke mbledhur ekspertë nga SHBA, Gjermania, Italia, Ukraina, Japonia, Kolumbia, Shqipëria, Bosnja e Hercegovina dhe Kosova.

Rotary Club Peja dhe Universiteti "Haxhi Zeka" mbështesin këtë iniciativë, duke e parë edukimin si mjetin kryesor për të luftuar dhunën dhe ekstremizmin. Forumi i Paqes në Pejë synon të kontribuojë në ndërtimin e një paqeje të qëndrueshme globale, duke bashkuar të rinjtë, studentët, liderët dhe ekspertët nga fusha të ndryshme.

10/09/2024

Peja, Prizreni dhe Podujeva më të prekurat nga rënia e popullsisë, ndikojnë në financimin komunal

Komunat e Pejës, Prizrenit dhe Podujevës janë ndër më të prekurat nga rënia e popullsisë, gjë që ka ndikuar drejtpërdrejt në uljen e financimit të tyre. Sipas një analize të prezantuar nga Instituti Kosovar për Qeverisje Lokale, këto tri komuna kanë humbur rreth 17 mijë banorë, duke rezultuar në një ulje të financimit prej 1,401,452 euro.

"Peja ka përjetuar një rënie prej 13,790 banorësh," tha Besnik Muçaj, menaxher i programeve në KLGI. Ai shtoi se Prizreni ka pësuar një rënie të madhe prej 30,353 banorësh, ndërsa Podujeva ka humbur 17,481 banorë.

Në anën tjetër, Prishtina ka parë rritjen më të madhe në financim, si pasojë e rritjes së popullsisë me mbi 29 mijë banorë. Fushë-Kosova gjithashtu ka shënuar një rritje të konsiderueshme financiare prej 5,930,800 euro.

Analiza vlerëson ndikimin e regjistrimit të popullsisë të vitit 2024 në shpërndarjen e financimeve komunale, duke u fokusuar në grantet kryesore si ai i Përgjithshëm, Specifik për Arsim dhe Specifik për Shëndetësi. Gjithashtu, studimi shqyrton ndryshimet në numrin e punonjësve komunalë dhe pagat e tyre, si dhe ndryshimet në strukturën e anëtarëve të Kuvendeve Komunale.

10/09/2024

Arrestohet i mituri në Pejë, policia i gjen thikë gjatë kontrollit

Një i mitur është arrestuar të hënën mbrëma në Pejë, pasi policia i ka gjetur një thikë gjatë një kontrolli rutinë. Incidenti ka ndodhur rreth orës 22:08 në rrugën "Orfej Berisha".

Sipas raportit 24-orësh të policisë, i dyshuari, një mashkull kosovar i moshës së mitur, është ndaluar për kontroll ku është gjetur dhe sekuestruar një mjet i mprehtë - thikë. "Pas intervistimit me vendim të prokurorit i dyshuari është liruar në procedurë të rregullt," thuhet në njoftimin e policisë. Ky rast nxjerr në pah shqetësimet për mbajtjen e armëve të ftohta nga të miturit dhe rëndësinë e kontrolleve policore për parandalimin e incidenteve të mundshme.

10/09/2024

Korzo e Pejës mbyllet për qytetarët, fillojnë punimet për modernizim

Pjesa qendrore e Pejës, e njohur si korzo, do të jetë e mbyllur për qytetarët për një periudhë të pacaktuar. Kompania fituese e tenderit ka nisur punimet intensive për modernizimin e kësaj zone të rëndësishme të qytetit.

Në ditët e fundit, kompania ka filluar heqjen e disa objekteve ekzistuese në zonën e korzos, të cilat janë planifikuar të shkatërrohen sipas projektit të ri. Ky veprim shënon fillimin e një transformimi të madh urban, me synim krijimin e një hapësire moderne për banorët e Pejës.

"Kjo mbyllje e përkohshme është e nevojshme për të siguruar një proces të shpejtë dhe të sigurt të ndërtimit," ka deklaruar një zyrtar i kompanisë. Megjithëse kjo situatë mund të shkaktojë pakënaqësi të përkohshme për qytetarët, pritet që rezultati përfundimtar të ofrojë një hapësirë publike më tërheqëse dhe funksionale për të gjithë banorët e Pejës.

10/09/2024

Reshjet e shiut shkaktojnë kaos trafiku në magjistralen Pejë-Prishtinë

Reshjet e vazhdueshme të shiut kanë shkaktuar kolona të gjata në rrugët kryesore të Kosovës, duke krijuar vështirësi të konsiderueshme për shoferët. Veçanërisht e prekur është magjistralia Pejë-Prishtinë, e cila sot është shndërruar në një kaos trafiku.

Në zonën e Sllatinës, kolonat e automjeteve janë veçanërisht të gjata, duke penguar lëvizjen normale të trafikut. Kjo situatë ka krijuar vonesa të konsiderueshme për udhëtarët dhe ka rritur rrezikun e aksidenteve rrugore. Autoritetet këshillojnë shoferët të ushtrojnë kujdes të shtuar gjatë udhëtimit në këto kushte.

Parashikimet meteorologjike për ditën e sotme paralajmërojnë vazhdimin e reshjeve të shiut në të gjithë vendin. Për më tepër, disa zona janë në rrezik të vërshimeve, gjë që mund të përkeqësojë më tej gjendjen e trafikut dhe të sigurisë rrugore. Qytetarët këshillohen të ndjekin me kujdes njoftimet e autoriteteve dhe të marrin masat e nevojshme paraprake.

09/09/2024

Tentativë për rrëmbim në Pejë: Policia në kërkim të të dyshuarit

Një grua në Pejë u bë viktimë e një tentative për rrëmbim të dielën mbrëma, kur një burrë u përpoq ta fuste me forcë në veturë. Ngjarja ndodhi në rrugë, ku i dyshuari fillimisht e kërcënoi verbalisht viktimën para se të tentonte ta rrëmbente.

"Viktima femër kosovare ka raportuar se derisa ka qenë në rrugë i dyshuari mashkull kosovar duke e kanosur verbalisht ka tentuar me forcë ta fus në veturë," njoftoi policia. Gruaja arriti t'i shpëtonte sulmit dhe menjëherë kërkoi ndihmën e autoriteteve.

Policia ka nisur hetimet intensive për të identifikuar dhe kapur të dyshuarin, i cili arriti të largohej nga skena e krimit. Rasti është klasifikuar si "Dhunë në familje", çka sugjeron se viktima dhe sulmuesi mund të kenë pasur lidhje të mëparshme.

08/09/2024

Peja siguron vendin në gjysmëfinale të Superkupës së Kosovës, mposht bindshëm Prizrenin

Peja ka shfaqur formë të shkëlqyer në basketboll duke mposhtur Prizrenin me rezultat 100-81 në ndeshjen e Superkupës së Kosovës. Skuadra pejane arriti fitoren si mysafire, duke siguruar kështu një vend në gjysmëfinale të këtij kompeticioni prestigjioz.

Ndeshja u karakterizua nga loja dominuese e Pejës, e cila arriti të shënojë 100 pikë, duke demonstruar forcën e sulmit të tyre. Prizreni, pavarësisht përpjekjeve, nuk arriti t'i rezistojë presionit të kundërshtarit, duke mbetur në 81 pikë.

08/09/2024

HANDIKOS Pejë, mbështetje jetike për 2 mijë persona me aftësi të kufizuara

Organizata HANDIKOS në Pejë ofron shërbime thelbësore për rreth 2 mijë persona me aftësi të kufizuara në rajon, duke u fokusuar veçanërisht në mbështetjen e 64 fëmijëve me nevoja të veçanta.

Egzon Qorkadiu, drejtori i HANDIKOS Pejë, shpjegon: "HANDIKOS-i në Pejë numëron përafërsisht 64 fëmijë që marrin shërbime direkt sepse numri total i fëmijëve apo i gjithë anëtareve sepse ne pajisemi me një karton për persona me aftësi të kufizuara fizike shkon 1.834 për momentin". Shërbimet e organizatës mbulojnë një gamë të gjerë moshash, nga dy vjeç e deri në moshë madhore.

Dea Broqi, fizioterapiste në HANDIKOS Pejë, thekson natyrën e specializuar të shërbimeve të ofruara: "Unë këtu ofroj shërbime terapeutike për fëmijët të cilët kanë probleme të shumta siç është paraliza cerebrale, kontrakturat, hemipareza dhe vështirësitë e tjera të cilat janë të kombinuara. Ne këtu pra ofrojmë shërbime terapeutike ku një seancë zgjatë 45 minuta".

Ndikimi i HANDIKOS-it shkon përtej terapisë fizike, duke ofruar mbështetje emocionale dhe sociale për familjet. Bajram Rexhepi, prind i një fëmije përfitues, vlerëson: "Ku ka fëmijë të sëmurë Zoti i ruajt sepse duhet të dalin pak me shëtit pak ndokund e të gjitha këto i ofron Egzoni nga HANDIKOS-i".

Krahas shërbimeve terapeutike, HANDIKOS siguron edhe pajisje të domosdoshme si shtretër dhe karrige ortopedike, duke përmirësuar ndjeshëm cilësinë e jetës së personave me aftësi të kufizuara në Pejë dhe rrethinë.

01/09/2024

Bordi i ri i “Hidrodrini”-t bashkë me aktivistin e VV’së e anulojnë konkursin për kryeshef, pa dhënë arsye

Në Mbledhjen e sotme konstituive – virtuale, Bordi i përkohshëm i Drejtorëve të KRU ‘Hidrodrini’, në përbërje të znj. Qëndresa Kukaj-kryesuese, znj.Mirjeta Heta, z.Noli Carrabregu, z.Samir Lleshi – Drejtorë dhe z. Besnik Zeqiraj – U.D. Kryeshef Ekzekutiv i KRU ‘Hidrodrini’, ka anuluar Konkursin për pozitën Kryeshef Ekzekutiv të kompanisë, me numër 1384 të datës 02 Gusht 2024”, thuhet në njoftim.

Besnik Zeqiraj, aktivist i motmotshëm Lëvizjes Vetëvendosje, po mban një nga postet më të rëndësishme të ndërmarrjes publike ‘KRU Hidrodrini. Atë të ushtruesit të detyrës së kryeshefit ekzekutiv.
Gjykata Themelore në Pejë kishte dënuar më 2017-ën aktivistin e VV’së nga Peja, Besnik Zeqirajn, me 6 muaj burg.
Ai akuzohej se në dhjetorin e vitit 2015 i kishte vënë zjarrin një makine të Gjykatës për Kundërvajtje, së bashku me një person tjetër.
Zeqiraj një kohë e ka mbajtur edhe pozitën e sekretarit organizativ të Vetëvendosjes.
Ai kishte kandiduar edhe si deputet në zgjedhjet parlamentare nga radhët e Lëvizjes Vetëvendosje, por nuk e ka fituar besimin e qytetarëve.

01/09/2024

Aksident mes dy automjeteve në Pejë, lëndohen dy persona

Një aksident i rëndë ka ndodhur sot ora 16:40 në rrugën Pejë-Istog, në fshatin Vitomiricë, ku janë përfshirë një motoçikletë dhe një veturë.

Si pasojë e këtij aksidenti, dy persona kanë pësuar lëndime trupore. Të lënduarit janë dërguar në emergjencën e spitalit rajonal në Pejë për tretman mjekësor.

29/08/2024

Zjarri vazhdon të përhapet në Majen e Hasanit

Maja e Hasanit në Lipë të Pejës është përfshirë nga një zjarr i fuqishëm që ka shpërthyer dhe është aktiv për më shumë se tre ditë.

Zjarri ka prekur një zonë të ndjeshme dhe ka vazhduar të përhapet në të gjitha drejtimet.
Autoritetet lokale dhe ekipet e emergjencës janë angazhuar intensivisht për të menaxhuar këtë situatë alarmante.

28/08/2024

Të shtëna me armë në Pejë

Incidenti ka ndodhur mbrëmë rreth orës 20:20, pranë një punëtorie.

Ankuesi, pronar i punëtorisë, ka raportuar në polici se kishte dëgjuar të shtënat nga një veturë në lëvizje, e cila është larguar në drejtim të panjohur.

“Në vendin e ngjarjes si provë materiale është gjetur dhe konfiskuar një gëzhojë që dyshohet të jetë e armës me gaz”, bën të ditur policia.

Rasti i iniciuar si “Përdorim i armës apo mjetit të rrezikshëm” është duke u hetuar nga organet.

26/08/2024

Peja gati për vitin e ri shkollor - rënie e numrit të nxënëseve në zonat rurale

Në prag të fillimit të vitit shkollor, shkollat e qytetit të Pejës po përgatiten për të mirëpritur rreth 1313 nxënës në klasën e parë.

Zonat rurale mbeten sfidë, pasi rënia e numrit të banorëve në fshatra ka ndikuar në rënien edhe të numrit të nxënësve.

Përveç sfidave me regjistrimet, dy shkolla në Pejë po përballen edhe me vonesa në përfundimin e projekteve infrastrukturore. Nxënësit e shkollës Vaso Pashë Shkodrani do të vazhdojnë mësimin në objektin e vjetër, ndërsa nxënësit e shkollës së Vitomiricës do të transportohen në shkollat në Fierzë dhe Ozdrim.

25/08/2024

Gjendet pa shenja jete një person në Pejë

Një person është gjetur pa shenja jete në banesën e tij sot rreth orë 15:30 në rrugën “Lekë Dukagjini” në Pejë.

Këtë për Indeksonline e ka konfirmuar zëdhëndës polici për rajonin e Pejës, Driton Rugova.

“Sot me datë 25.08.2024, rreth orës 15:30, Policia është njoftuar se në një banesë në rrugen ” Lekë Dukagjini” në Pejë, një person është pa shenja jete.

Njësitet relevante menjëherë kanë shkuar ne vendngjarje, gjithashtu edhe ekipi mjekësor të cilët kanë konstatuar vdekjen e viktimës, për rastin është njoftuar Prokurori i shtetit i cili ka urdhëruar që trupi i pajetë i viktimës të dërgohet në IML-Prishtinë për obduksion, ndërsa rasti cilësohet ” Hetim i vdekjes””, ka thënë Rugova.

24/08/2024

Zhduket një person në Pejë

Policia e Kosovës ka njoftuar se të premtën është raportuar një person i humbur në Pejë.

Sipas policisë, një person ka njoftuar se vëllai i tij ka dalë nga shtëpia dhe nuk dihet për vendndodhjen e tij.

Rasti është nën hetime.

“Lagjja Tophane, Pejë 23.08.2024 – 13:30. Një mashkull kosovar, ka njoftuar se vëllai i tij ka dalë nga shtëpia dhe nuk dihet për vendndodhjen e tij. Rasti në hetime”, thuhet në raportin 24-orësh të policisë.

22/08/2024

Një pejan gjen para në rrugë, policia kërkon pronarin

Një qytetar i Pejës ka gjetur një shumë të parave në rrugën “Jani Vreto” dhe të njëjat i ka dorëzuar në stacionin policor të këtij qyteti.

Policia përmes një njoftimi në Facebook, ka ftuar personin që i ka humbur ato.

“Stacioni policor në Pejë informon qytetarët se më 21.08.2024, një qytetar ka gjetur një shumë parash në rrugën “Jani Vreto” në Pejë dhe i ka dorëzuar këto para në Stacionin policor Pejë. Personi që ka humbur këtë shumë parash është i ftuar të paraqitet në Stacionin Policor Pejë për të identifikuar dhe marrë mjetet e humbura. Falënderojmë qytetarin për veprimin e tij dhe për nivelin e lartë të përgjegjësisë qytetare. Policia e Kosovës vazhdon të angazhohet për ruajtjen e rendit dhe sigurisë në komunitet dhe inkurajon çdo veprim të tillë që kontribuon në mirëqenien e përgjithshme”, thuhet në njoftimin e policisë.

22/08/2024

KRU Hidrodrini publikon emrat e antarëve të rinj

Njoftimi i plotë i zyrës për media të Hidrodrinit:
Qeveria e Republikës së Kosovës, shkarkon Bordin e Drejtorëve të KRU ‘Hidrodrini’ Sh.A. dhe emëron Bordin e ri të përkohshëm

Me propozim të Ministrisë së Ekonomisë dhe arsyetimin e dhënë në mbledhje nga Ministrja e Ekonomisë znj.Artan Rizvanolli, Qeveria e Republikës së Kosovës, në mbledhjen e sotme të rregullt ka shkarkuar Bordin e gjertanishëm të KRU ‘Hidrodrini’ Sh.A.-Pejë, në përbërje të z. Jusuf Nikqi – kryetar, znj. Mevlyde Kelmendi-Begolli, z.Simon Balaj, z. Driton Sylqa – Drejtorë.

Po në këtë mbledhje Qeveria ka emëruar Bordin e ri të përkohshëm të KRU ‘Hidrodrini’Sh.A. – Pejë, në përbërje të: Qëndresa Kukaj – kryesuese, znj. Mirjeta Heta, z. Samir Lleshi dhe z.Noli Carrabregu – anëtarë.

21/08/2024

Zhduket një grua në Pejë
Një grua është raportuar e zhdukur në Pejë. Sipas Policisë së Kosovës rasti është lajmëruar nga një burrë.

“Pejë /19.08.2024-09:30. Me 20.08.2024 ankuesi mashkull kosovar ka raportuar se viktima femër kosovare është larguar nga shtëpia dhe nuk kanë njohuri për vend ndodhjen e saj, rasti është duke u hetuar”, thuhet nga Policia e Kosovës.

20/08/2024

Ish-Komisioni i Auditimit reagon pasi Qeveria shkarkoi Bordin e Drejtorëve të KRU “Hidrodrinit”

Ish-Komisioni i Auditimit të KRU “Hidrodrini” ka reaguar ashpër pas vendimit të Qeverisë së Kosovës për shkarkimin e Bordit të Drejtorëve të kësaj ndërmarrjeje publike, vendim i marrë më 14 gusht 2024 me propozimin e Ministres së Ekonomisë, Artane Rizvanolli.

Sipas Komisionit, shkarkimi i Bordit pasoi vendimin e Bordit për të larguar Kryeshefin Ekzekutiv, Driton Cena, për shkak të dyshimeve për shkelje ligjore, mashtrim dhe mosrealizim të objektivave strategjike.

Të gjitha këto shkelje sipas Komisionit janë denoncuar në krime ekonomike për dyshime për keqpërdorim të detyrës zyrtare. Një ndër shkeljet kryesore përfshinte dyshimin për mashtrim me pasqyra financiare, të cilat ishin evidentuar nga Zyra Kombëtare e Auditimit.

Në reagimin e tyre, ish-anëtarët e Komisionit të Auditimit theksojnë se kishin informuar rregullisht Ministrinë e Ekonomisë për shkeljet e kryeshefit, por pavarësisht kësaj, ministrja Rizvanolli kishte kërkuar nga Bordi të bashkëpunonte me të dhe kishte paralajmëruar shkarkimin e Bordit në rast të mosreflektimit.

Komisioni shpreh zhgënjimin që përpjekjet e tyre për të adresuar këto keqpërdorime dhe për të luftuar korrupsionin, nepotizmin dhe krimin, u përballën me shkarkim nga qeveria, duke akuzuar ministren Rizvanolli dhe ministrin Krasniqi për favorizim të kryeshefit për shkak të marrëdhënieve të ngushta miqësore.

Ish-Komisioni i Auditimit shprehet se shkarkimi i Bordit ishte një hakmarrje për denoncimin e kryeshefit të preferuar dhe se asnjë nga arsyet e përmendura nga ministrja nuk qëndrojnë. Ata theksojnë se kanë shërbyer me integritet dhe përkushtim gjatë mandatit të tyre, por për vlerat e tyre ndoshta kanë paguar një çmim të lartë.

Komisioni përfundon deklaratën e tij duke nënvizuar se ky veprim i qeverisë është një reflektim i një lloj autokracie dhe abuzimi me pushtetin, duke i bërë thirrje institucioneve përkatëse që të hetojnë rastin dhe të zbardhin të vërtetën.

Address

Mbretëresha Teutë
Pejë

Website

facebook.com

Alerts

Be the first to know and let us send you an email when Humans of Peja posts news and promotions. Your email address will not be used for any other purpose, and you can unsubscribe at any time.

Videos

Aksidentohet kamioni i "Birra Peja"

Xhudistja pejane, Distria Krasniqi do ta nis nesër (e diel) garën në Lojërat Olimpike Paris 2024.

Dielli A. Vranoci nokautoi boksierin sllovak Kristian Patko në raundin e dytë. Kamera e Humans of Peja në vend të ngjarjes, në Kërçovë të Maqedonisë Veriore, në përkrahje të kampionit 🇽🇰🇦🇱

Qytetari nga Peja, Valdet Zekaj, i dënuar me burgim të përjetshëm në Maqedoni të Veriut, për rastin Kumanova, në intervistë për Paparaci, tregon të pathënat e ngjarjes së 9 dhe 10 majit 2015. https://www.facebook.com/videopaparaci

Pjesa e dytë e tregimit jetësor të z. Skender Pepa. Familja Pepa: 100 vjet traditë në artin e fotografisë. - A ishte profitabile puna si fotograf në kohën e okupimit? - Kur nisi të punojë fotografi me ngjyra? - Si është gjendja e sotme e profesionit të fotografit? - Sa film dhe letër ka shpenzuar Skender Pepa?

Familja Pepa: 100 vjet traditë në artin e fotografisë. Pjesa e parë e tregimit jetësor të z. Skender Pepa. - Kush e nisi zanatin e fotografit në familje? - Ku ishte dyçani i parë i familjes Pepa? - Si ishte mënyra e fotografimit para Luftës së Dytë Botërore? - Në cilin vit e nisi z.Pepa punën si fotograf dhe pse? - Skender Pepa komenton 3 fotografi të vjetra të viteve 1928, 1938 dhe 1951.

Pjesa e fundit e rrëfimit ekskluziv të luftëtarit Shpëtim Agusholli: - Si e kapi plumbi i dytë i armikut - Mjekët që i dhanë ndihmën e parë - Si e kuptuan shokët e njësisë që Shpëtimi ka shpëtuar gjallë - Sa i mungojnë shokët e rënë dëshmorë - Kujtimi për bashkëluftëtarët e vdekur pas luftës Jetullahun dhe Isniun - A është penduar Shpëtimi për pjesëmarrjen në luftë

Aksion i madh i Policisë në Pejë, kundër fajdexhive. Të përfshirë Drejtoria kundër krimit të organizuar dhe FIT. Video nga indeksonline.

EKSKLUZIVE: Rrëfimi i luftëtarit pejan Shpetim N Agusholli - Pjesa e tretë Për herë të parë, pas 25 vjetësh, Humans of Peja, sjell për publikun rrëfimin e tij ekskluziv. - Kujtimet për dëshmorin Milazim Mavraj - Çeçeni - Si quhej njësia ku veproi Shpëtimi? - Vendimi që ndryshoi jetën e tij përgjithmonë - Plagosja me 28 prill 1999

EKSKLUZIVE: Rrëfimi i luftëtarit pejan Shpetim N Agusholli - Pjesa e dytë Për herë të parë, pas 25 vjetësh, Humans of Peja, sjell për publikun rrëfimin e tij ekskluziv. - Rreshtimi në vijën e frontit - Takimi me Dëshmorin Shpëtim Bojku - Luftimet e para

EKSKLUZIVE: Rrëfimi i luftëtarit pejan Shpetim N Agusholli - Pjesa e parë Për herë të parë, pas 25 vjetësh, Humans of Peja, sjell për publikun rrëfimin e tij ekskluziv. - Inkuadrimi në UÇK - Rruga drejt kufirit Shqipëri - Kosovë - Luftëtari i Pejës që Shpëtimi e takoi afër kufirit - Si i përjetoi granatat e para të armikut?