17/08/2024
Ndërron jetë veterani i arsimit Hashim Binishi
P***a shkuar në amshim veterani i fundit i Normales së Gjakovës, z.Hashim Binishi.
“Më than të zgjedhë se a dua të punoj në Dragash apo në Kamenicë, u përgjegja: ku të më dërgoni” ishin fjalët e tij në një intervistë para disa kohe në mediat tona, kur tregonte veprimtarinë e tij.
Ka lindur ne Gjakovë me 17 shtator 1927, ndërsa me 1 tetor 1946, kur u hap Normalja e Gjakovës (me program intenziv dyvjeçar), Hashim Binishi ishte një ndër nxënësit e parë që e paraqiti lutjet për regjistrim.
Pa i përfunduar mësimet e rregullta të gjysëmvjetorit të dytë të maturës, për shkak të nevojave të mëdha në arsim, z.Hashim Binishi ishte në mesin e dhjetë maturantëve më të rritur që u emruan mësues dhe i dërguan në vendbanime të ndryshme.
Në shtator të vitit 1948, vazhdoi studimet në SHLP- grupin biologji, dhe nga viti 1950 e deri në vitin 1967, z. Hashim Binishi vazhdoi të punojë si arsimtar i biologjisë në shkollat e ndryshme të Gjakovës, aty ku e kërkonte nevoja si në gjimnazin e ulët, në shkollën e amvisërisë, në gjimnazin e plotë, etj.
Përkushtimi i mësimdhënësve të kësaj periudhe ishte i madh. Punohej me mish e me shpirtë, para e pas dite, me kurse analfabetike e konferenca nëpër lagje e fshatra, e kudo.
Hashim Binishi si njëri ndër normalistët e gjeneratës së parë, u tregua i suksesshëm edhe si punëtorë shoqëroro – politik.
Hashim Binishi në vitin shkollor 1967/68 kalon si arsimtar në shkollën fillore “Mustafa Bakija” nga e cila 20 vjet më vonë pensionohet.
Veterani i arsimit z.Hashim Binishi do të kujtohet gjithmonë për përkushtimin e tij në arsimimin e shumë brezave.
I qoftë i lehtë dheu i Kosovës!
