https://www.facebook.com/100851855677833/

Televizioni Liria

Home
Kosovo
Ferizaj
Televizioni Liria

Televizion lokal në Ferizaj, Kosovë

18/01/2025

Më datë 18.01.2025, rreth orës 01:10, kemi pranuar një informacion për një incident zjarri në një ndërtesë banimi, ku pullazi i saj ishte përfshirë nga flakët.

Policia e NJRSH-së dhe policia e rendit nga stacioni i Ferizajt reaguan menjëherë, duke evakuuar të gjithë banorët. Pas tyre, zjarrfikësit mbërritën dhe arritën ta lokalizojnë zjarrin. Dëmet materiale janë të konsiderueshme, por fatmirësisht nuk është raportuar për të lënduar.

Lidhur me rastin, prokurori i shtetit është njoftuar dhe nën autorizimin e tij, kanë nisur hetimet për të përcaktuar shkaqet e incidentit.

14/01/2025

Ftesë Përkujtimi nga OVL UÇK - Dega Ferizaj

Të dashura Familje të Dëshmorëve e bashkëluftëtarë, të nderuar bashkëqytetarë,

Me ndjenja të veçanta respekti dhe nderimi, OVL UÇK – Dega në Ferizaj këtë vit i bashkohemi iniciativës nenukharrojme, andaj ju ftojmë që të bëheni pjesë e këtij akti të përbashkët përkujtues për viktimat e gjenocidit serb në Kosovë.

Në kuadër të manifestimit kombëtar “Ne nuk harrojmë – Ndize një qiri për viktimat e gjenocidit në Kosovë”, më 15 Janar 2025, para objektit të Komunës së Ferizajt, në ora 19:30, do të organizohet ndezja e qirinjve për të kujtuar me dinjitet dhe dhimbje të gjithë ata që humbën jetën nga një krim që mbetet plagë e hapur për popullin tonë.

Në këtë ditë, të gjithë ne që mbajmë në shpirt idealin e lirisë dhe kujtojmë sakrificën sublime të të rënëve, ftoheni të ndezim një qiri në shenjë nderimi e respekti.
Le ta bëjmë këtë akt të vogël, por me peshë të madhe emocionale e historike, për të treguar se populli ynë nuk harron asnjëherë dhimbjen e tij dhe se kujtesa jonë mbetet e përjetshme.

Veteranë të luftës së UÇK-së dhe ju bashkëqytetarë të Ferizajt, bashkohuni me ne!
Të mbledhur bashkë, le t’i tregojmë botës se populli shqiptar qëndron i bashkuar përballë plagëve të tij dhe se kujtimi për ata që ranë për liri nuk do të shuhet kurrë.

Me respekt dhe krenari,
OVL UÇK – Dega Ferizaj

04/01/2025

Me datën 04.01.2025 rreth orës 07:10 kemi pranuar një informatë se në rrugën magjistrale Ferizaj-Prishtinë, pikërisht në fshatin Prelez i Jerlive të Ferizajt ka ndodhur një aksident komunikacioni rrugor, ku është përfshirë një veturë me targa vendore .

Në vendin e aksidentit menjëherë kanë dalë ekipe të policisë së Njësisë së Komunikacionit Rrugor, ndërsa hetuesit e aksidenteve kanë kryer ekzaminimin e vendit të ngjarjes. Nga hetimet e para dyshohet se shoferi i veturës, derisa ishte duke qarkulluar nga Ferizaj në drejtim të Prishtinës, me të arritur në fshatin Prelez i Jerlive, e humb kontrollin mbi drejtimin e veturës dhe kalon në anën e majtë të rrugës, duke goditur fillimisht ulësen në pikëstacionin e busëve dhe ndalet në rrethojat e një autosalloni.

Në vendin e ngjarjes ka dalë edhe një ekipë e mjekëve nga Qendra Emergjente e Ferizajt, të cilët kanë konstatuar se shoferi F.I ( M/) i moshës 37 vjeçar është pa shenja jete.

Për të gjitha veprimet policore është njoftuar prokurori i shtetit, i cili ka dalë edhe ai në vendin e ngjarjes dhe me vendim të tij, trupi i pajetë i është liruar familjarëve.

31/12/2024

Të dashur bashkëqytetarë!

Tashmë kur jemi në ditën e fundit të këtij viti, vit që u shënua me suksese e sfida në rrugëtimin tonë për Ferizajn më të mirë, dua që në emrin tim dhe institucionit që drejtoj - Komunës së Ferizajt, t'ju uroj ju dhe familjes suaj, Vitin e Ri 2025!

Qoftë i mbarë, i begatë, mundësiplotë për të gjithë, Viti i Ri 2025!

Shëndeti e mirëqenia të mbizotëroj jetën tuaj, mbarësitë e sukseset qofshin të pandashme në çdo hap tuajin.

Urime festat e fundvitit!
Gëzuar Viti i Ri 2025!
Shëndet e mbarësi!

Agim Aliu

25/12/2024

Agim Aliu: I gjithë Ferizaj në terr, kjo është e pashembullt!

Ditëve të fundit e veçanërisht sot, Ferizaj po përballet me gjendje të pashembullt e të pandodhur më parë sa i përket furnizimit me energji elektrike.

Vetëm sot, mbi 5 orë pa rrymë i gjithë Ferizaj, e kjo gjendje po vazhdon edhe tani. Në terr familjet, në terr mërgimtarët që kanë zgjedhur të kalojnë festat me familjarët e tyre në vendlindje, në terr bizneset që po humbin mijëra euro çdo orë nga dëmet që sjell mungesa e energjisë elektrike.

Ndonëse përgjatë 7 viteve, Komuna e Ferizajt ka siguruar investime milionëshe në kapacitete të energjisë elektrike, siç është Nënstacioni 110/35/10 kV që do të përurohet më 31 Dhjetor, prapë ferizajasit, përballen me terr.

Kush do t'i paguaj këto dëme, familjeve e bizneseve ferizajase?

Kërkoj ndërmarrjen e masave të menjëhershme nga Qeveria e Republikës së Kosovës, Ministria e Ekonomisë, KEDS/KOSTT që Ferizaj të trajtohet barabarësisht, që reduktimet e energjisë elektrike të kësaj përmase enorme, pa orar e pa arsye të qëndrueshme të marrin fund.

24/12/2024

Vëllëzërve të besimit katolik për shumë mote gëzuar Kërshëndellat. Kjo festë shpërfaqë paqe, mirësi e solidaritet, mes njerëzve, simbolizon lindjen si bazament të jetës !
Urime !

24/12/2024

NJOFTIM PËR MBLEDHJE KOMEMORATIVE

Me rastin e ndarjes nga jeta të juristit të dalluar në gjithë gjeografinë shqiptare, ish Kryetarit të Gjykatës Supreme të Kosovës, ish Kryetarit të Gjykatës Komunale të Ferizajt, drejtuesit të institucioneve gjyqësore lokale e qendrore

REXHEP HAXHIMUSA

Familja Haxhimusa, me mbështetjen e Komunës së Ferizajt dhe Këshillit Gjyqësor të Kosovës/Gjykata Supreme e Kosovës, organizojnë HOMAZHE dhe MBLEDHJE KOMEMORATIVE - NESËR më 25.12.2024 në Teatrin "Adriana" në Ferizaj sipas agjendës si vijon:

10:00 - Homazhe në hollin e Teatrit "Adriana";

11:00 - Mbledhje përkujtimore në Teatrin "Adriana"

Ngushëllime familjes Haxhimusa, kolegëve, miqve e të njohurve të të ndjerit.

24/12/2024

“ALBA GROUP” SH.P.K., në këtë kohë festash dhuron 2 shtëpi për 2 familje në nevojë në qytetin e Hanit të Elezit

Familja Ramuka nga Hani i Elezit, si pronarë të Kompanisë “ALBA GROUP” SH.P.K. dhe rrjetit të tyre të bizneseve në Kosovë dhe rajon, ka kënaqësinë të iu njoftoj se në përmbyllje të vitit 2024, në këtë sezon dimri, i dhuron 2 shtëpi për 2 familje në nevojë në qytetin e Hanit të Elezit, me qëllim të përmirësimit të kushteve të tyre të jetesës.
Dhurimi i këtyre 2 shtëpive është vazhdimësi e humanizmit të treguar të familjes Ramuka dhe kompanisë “ALBA GROUP” SH.P.K., ndër vite dhe ky humanizëm do të vazhdoj edhe në të ardhmen, në mënyrë që sadopak të mund të kontribuojnë në përmirësimin e kushteve të jetesës për familjet që kanë nevojë në tërë Kosovën.

24/12/2024

TELEGRAM NGUSHËLLIMI

Me dhembje e pikëllim, morëm lajmin për ndarjen nga jeta të juristit të dalluar në gjithë gjeografinë shqiptare, ish Kryetarit të Gjykatës Supreme të Kosovës, ish Kryetarit të Gjykatës Komunale të Ferizajt, drejtuesit të institucioneve gjyqësore lokale e qendrore, autorit të punimeve shkencore në fushën juridike, ekspertit juridik që shërbeu në vendimmarrjen publike në ngritjen e forcimin e institucioneve të Kosovës, bashkëqytetarit tonë, Rexhep Haxhimusa.

Rexhep Haxhimusa paraqet një shembull të përkushtimit profesional, gjersa vepra e tij mbetet trashëgimi e çmuar ndër breza në fushën e drejtësisë. Sistemi ynë juridik humbi sot, një nga emrat më të shquar të tij, duke lënë veprën e tij testament të punës me përkushtim profesional.

Ngushëllime të sinqerta familjes Haxhimusa, kolegëve, miqve e të njohurve të të ndjerit. U prehtë në paqe, shpirti i tij!

Agim Aliu

18/12/2024

Arrestohet një person për keqpërdorim të sigurimeve në Ferizaj

Me datën 17.12.2024 Sektori Rajonal i Hetimeve nga Njësia e Komunikacionit Rrugor ka pranuar informata se personi G.B ( M/K) i moshës 23 vjeç, me qëllim të përfitimit material ka keqpërdorur sigurimet e veturave. Ai dyshohet se me datën 08.12.2024, tek rreth rrotullimi që të dërgon në rrugën " Rexhep Bislimi" në Ferizaj me veturë ka shkaktuar aksident komunikacioni rrugor dhe ka raportuar se janë lënduar edhe dy bashkudhtarët e tij.

Hetuesit rajonal nën autorizim të prokurorit të shtetit i kanë zgjeruar hetimet dhe në bazë të shikimit të kamerave të sigurisë në vendin e aksidetit të raportuar, dyshohet se qëllimisht shoferi e rritë shpejtësinë e veturës, duke e goditur një veturë tjetër.

Gjatë zhvillimit të hetimeve, hetuesit rajonal kanë siguruar të dhënat shtesë se i dyshuari G.B në periudha të ndryshme ishte përfshirë në 19 aksidente të komunikacionit rrugor, 10 prej tyre në rreth rrotullime dhe kryesisht si viktimë ( i lënduar) i rasteve, ndërsa edhe dy persona tjerë (pasagjerë), në disa raste të këtyre aksidenteve dyshohet se kishin inskenuar rastet se janë lënduar.

I dyshuari në të gjitha rastet kishte përdorur veturat, të cilat i kishte marrë me qira.

I dyshuari në prani të avokatit mbrojtës është intervistuar nga hetuesit rajonal dhe me vendim të prokurorit të shtetit është ndaluar në mbajtje për 48 orë për procedura tjera hetimore.

07/12/2024

Mbledhje Komemorative me rastin e ndarjes nga jeta të Dr. Abaz Beqa

06/12/2024

Iu dha lamtumira e fundit mjekut nga plejada e parë e mjekëve ferizajas Dr. Abaz Beqa

Në ambientet e Teatrit "Adriana" në Ferizaj, me rastin e ndarjes nga jeta të mjekut të plejadës së parë të mjekëve ferizajas, "Nderit të Qytetit të Ferizajt" Dr. Abaz Beqa, nën organizimin e familjes Beqa me mbështetjen e Komunës së Ferizajt, u mbajt mbledhje komemorative.

Në këtë mbledhje komemorative ku ishin të pranishëm shumë mantelbardhë, drejtues të institucioneve shëndetësore e të tjera, familjen Beqa, kolegët e të njohurit e të ndjerit i ngushëlloi në emër të Kryetarit të Komunës së Ferizajt, Agim Aliu, drejtori i Drejtorisë së Shëndetësisë dhe Mirëqenies Sociale, Dr. Kemajl Emini.

"Dr. Abazi ishte i veçantë si personalitet. I rrallë me dijet e tij. I dashur e korrekt gjithnjë. Shembulli që ai la pas vetes, është shembulli i profesionistit të përkushtuar, atdhetarit të veçantë, mjekut të dalluar. Kudo ku punoi Dr. Abazi, la gjurmë të pashlyeshme e të skalitura në zhvillimin e shëndetësisë. Emri e vepra e tij, të tilla janë edhe për shëndetësinë ferizajase, gurthemel i saj, frymëzim për brezat e ardhshëm. Më lejoni që në emrin e Kryetarit të Komunës së Ferizajt, Agim Aliu, në emrin tim si Drejtor i Drejtorisë së Shëndetësisë dhe gjithë mantelbardhëve ferizajas t’ju shpreh ju, familje e respektuar Beqa, kolegë e miq të të ndjerit, ngushëllimet më të sinqerta për ndarjen nga jeta të Dr. Abazit" tha mes tjerash drejtori i DSHMS-së, Dr. Kemajl Emini.

Me fjalë plot emocion, duke kujtuar kohën e punës e angazhimeve të përbashkëta në shëndetësinë ferizajase, të pranishmëve iu drejtuan edhe Dr. Agim Bytyçi, Dr. Shyqeri Hyseni si dhe drejtori i Spitalit të Përgjithshëm Dr. Fikret Arifi, gjersa në emër të familjes, djali i të ndjerit, Halim Beqa, shprehu falënderimin për folësit dhe gjithë të pranishmit për kujtimet që ndanë, vlerësimet e dhëna e mbështetjen që po japin për familjen në këto momente dhembje për kalimin në amshim të Dr. Abaz Beqës.

05/12/2024

TELEGRAM NGUSHËLLIMI

Me dhembje e pikëllim të thellë, mora lajmin për ndarjen nga jeta të mjekut nga plejada e parë e mjekëve ferizajas, bashkëqytetarit tonë shembullor, mjekut të shquar, Dr. Abaz Beqa.

Dr. Abazin, Ferizaj dhe gjithë Kosova do ta kujtoj për profesionalizmin e tij të rrallë, dijen e tij të çmueshme, shembullin që la pas vetes me vlerat profesionale e atdhetare. Jeta e tij, ishte përpjekje për të mirën e përgjithshme, të cilës iu përkushtua me devotshmëri, korrektësi e fisnikërinë që e shquante.

Dr. Abazi - "Nderi i Qytetit të Ferizajt" do të mbetet i pavdekshëm në kujtesën e ferizajasve për shërbimin që i bëri qytetarëve dhe modelin e punonjësit të përkushtuar shëndetësor që la pas vetes.

Ngushëllime familjes Beqa, kolegëve - mjekëve e punonjësve shëndetësor në Ferizaj e më gjerë, miqve e të njohurve të të ndjerit. U prehtë në paqen e parajsës së paskaj, shpirti i tij!

Agim Aliu

04/12/2024

Përfaqësuesit e Programit të USAID-it Drejtësia Komerciale vizituan Gjykatën Themelore në Ferizaj

Kryetari i Gjykatës Themelore në Ferizaj z.Mustaf Tahiri, ka pritur në takim Drejtorin e Programit Drejtësia Komerciale z.Chris Thomspon, Zëvendësdrejtorin e Programit Drejtësia Komerciale z.Qemajl Marmullakaj, Specialisten e Ndërmjetësimit në Programin Drejtësia Komerciale znj. Vionë Aliu dhe Specialisten e Çështjeve Gjinore në Programin Drejtësia Komerciale z. Edona Hajrullahu.

Në këtë takim është diskutuar bashkëpunimi i vazhdueshëm ndërmjet Gjykatës Themelore në Ferizaj dhe Programit për Drejtësi Komerciale lidhur me forcimin e kapaciteteve të Gjykatës në referimin e lëndëve, veçanërisht atyre civile në procedurat e ndërmjetësimit. Kryetari i Gjykatës falënderoi Programin për përkrahjen e vazhdueshme, veçanërisht përmes praktikantëve të angazhuar në Zyrën për Ndërmjetësim, të cilët kanë kontribuar në mbarëvajtjen e kësaj procedure.

Ndër të tjera, Kryetari theksoi përkushtimin e Gjykatës për rritjen e numrit të rasteve të referuara në ndërmjetësim, duke synuar zvogëlimin e ngarkesës së lëndëve në sistemin e rregullt gjyqësor, me fokus të veçantë në lëndët që burojnë nga Kontratat Kolektive.

Gjykata Themelore në Ferizaj mbetet e përkushtuar të vazhdojë referimin e rasteve në ndërmjetësim, duke synuar t’u ofrojë qytetarëve shërbime sa më cilësore, efikase dhe të shpejta.

30/11/2024

Aksident trafiku me të lënduar

Me datën 30.11.2024 rreth orës 13:00 kemi pranuar informatën se në rrugën magjistrale Shtime-Lipjan në fahatin Gjyrkovc të Shtimes ka ndodhur një aksident komunikacioni rrugor , ku janë përfshirë një kamion i mallrave dhe një veturë mercedes me targa vendore. Si pasoj e këtij aksidenti, veç dëmeve të shkaktuara materiale në kamion dhe veturë, shoferi i veturës ka pësuar lëndime trupore. Ndërsa dëme materiale janë shkaktuar edhe në reklamën e një pikë karburanti që gjendet skaj rrugës magjistrale. Njësia e Hetimeve të Aksidenteve ka dalë në vendin e ngjarjes për hetimin e rastit të aksidentit.

29/11/2024

16 Ditë të Aktivizmit Kundër Dhunës me Bazë Gjinore

28/11/2024

Parada e Shqiptarve 2024

28/11/2024

Atmosfera para fillimit te defileut në Tiranë

Address

Rruga "Ahmet Kaçiku" Ferizaj
Ferizaj
70000

Telephone

+38344981618

Website

facebook.com

Alerts

Be the first to know and let us send you an email when Televizioni Liria posts news and promotions. Your email address will not be used for any other purpose, and you can unsubscribe at any time.