Televizioni Liria

27/08/2024

Me datën 26.08.2024 rreth orës 23:17 kemi pranuar një informatë se në fshatin Greme të Ferizajt, nga personi/persona të panjohur, para shtëpisë së tij kanë plagosur me armë zjarri një person, mashkull, kosovar i moshës rreth 37 vjeçar. Viktima fillimisht
është dërguar për ndihmë mjekësore në Qendrën Emergjente në Ferizaj, e më pas për tretman të mëtutjeshëm mjekësor është dërguar në QKUK- Prishtinë.
Ndërsa i dyshuari/të dyshuarit me një veturë menjëherë janë larguar në drejtim të panjohur.

Policët e rendit e më pas hetuesit dhe krimteknikët rajonal menjëherë kanë dalë në vendin e ngjarjes dhe i kanë marrë të gjitha masat e nevojshme për hetimin e rastit.

Për të gjitha veprimet policore është njoftuar prokurori i shtetit dhe nën autorizim të tij, hetuesit rajonal janë duke punuar intenzivisht në zbardhjen e rastit, ndërsa rasti është cilësuar " Vrasje e mbetur në tentativë"

Për informata shtesë do të njoftoheni më pas.

10/08/2024

Përurimi i segmentit të parë të Nënkalimit të Ri afër Stacionit të Policisë në Ferizaj.

09/08/2024

Njoftim

Të nderuar bashkëqytetarë!

Ju njoftojmë se sot, përurohet segmenti i parë i Nënkalimit të Ri afër Stacionit Policor në Ferizaj, gjersa i njejti lëshohet për qarkullim nga ora 20:00 e ditës së sotme.

08/08/2024

Drejtori rajonal i policisë thirri në takim komandantin e stacionit të Ferizajt dhe komandantin e Njësisë së Komunikacionit Rrugor

Në mbështetje të detyrave dhe përgjegjësive që ka Drejtori Rajonal i Policisë, Nënkoloneli Faton Pllana sot ka thirrur në takim komandantin e stacionit të policisë në Ferizaj Kapiten Ismet Dërvishi dhe komandantin e Njësisë së Komunikacionit Rrugor Kapiten Brahim Shatrolli. I pranishëm ishte edhe Zëvendësdrejtori Rajonal Majori Qazim Reka.
Temë diskutimi në këtë takim ishte siguaria në komunikacionin rrugor në rajonin e Ferizajt dhemasat shtesë që do të ndërmerren nga policia rajonale e Ferizajt në parandalim të aksidentevenë rrugë. Drejtori Rajonal Pllana urdhëroi që të shtohen aktivitetet e policisë, duke i kooridinuar punët me njësi të përbashkëta, deri në kapërcimin e situatës së rënduar në komunikacionin rrugor gjatë
sezonës së verës, ku numër i madh i automjeve qarkullojnë në rrugët e Ferizajt.
Drejtori Rajonal Pllana rekomandoi që të hartohen plane veprimi, karshi situatave të paraqitura, duke i paraprirë një analize të thuktë të shkaktarëve të askidenteve.
Ai përmendi aksidentin fatal që ndodhi me datën 07.08.2024, në rrugën ‘’Driton Islami’’ në
Ferizaj, ku për pasoj humbi jetën një këmbësore e moshës 42 vjeçare, shtetase e Shqipërisë, e cila derisa po kalonte në vendkalim të këmbësorëve u godit nga një drejtues 18 vjeçar, i cili po drejtonte veturën me një shpejtësi të pakontrulluar dhe pa e fituar të drejtën për ngasje , pa patent shoferi.
Në këtë takim janë përcaktuar disa objektiva cilësore, siç janë:
* Përforcimin e zbatimit të ligjit të komunikacionit rrugor
* Zvogëlimi i numrit të aksidenteve të rënda
* Ulja e shpejtësisë së lëvizjes së automjeteve
Më pak ngasje pa patentë shofer
* Respektimi i personave të pambrojtur (këmbësorëve, fëmijëve dhe i të moshuarve)
* Të mos ketë ngasje nën ndikim të alkoolit, drogës dhe narkotikëve të ndryshëm etj.
* Mos përdorimi i telefonit celular gjatë ngasjes
* Përdorimi i rripit të sigurisë
* Mbajtja e distancës në mes të automjete
* Rritja e ndërgjegjësimit dhe krijimi i një kulture për siguri rrugore
* Trajtimi i pikave të rrezikut (të zeza).
Të dy komandantët e stacioneve u zotuan se do të shtojnë angazhimet e zyrtarëve policorë, të
cilët janë nën menaxhimin e tyre dhe do ti koordinojnë aktivitetet me qëllim të parandalimit të
aksidenteve në rrugë, ndërsa do të ftojnë edhe inspektorët e trafikut të komunës së Ferizajt, por
dhe të Minsitrisë së Infrastrukturës që të vendosin shenja shtesë paralajmëruese dhe të
vendosin pengesa në disa rrugë të Ferizajt.
Drejtori Rajonal Faton Pllana siguron qytetarët e rajonit të Ferizajt se do të ndërrmerren masa të
nevojshme, duke shtuar prezencën policore në të gjitha rrugët e Ferizajt . Veç policëve me
uniformë do të angazhohen edhe pjesëtarë të policisë me rroba civile dhe me automjete zyrtare
civile, për të parandaluar aksidentenet në rrugë.

24/07/2024

U mbajt takimi i Mekanizmit Koordinues Komunal Kundër Dhunës në Familje

Komuna e Ferizajt bashkë me OSBE-në, ishin organizatore të takimit që u mbajt sot të Mekanizmit Komunal Kundër Dhunës në Familje. Ky strukturë ku përfaqësohen institucione të ndryshme si Policia, Gjykata, Prokuroria Themelore, Qendra për Punë Sociale, Strehimorja, institucione shëndetësore e të tjera mbajti takimin me qëllim ristrukturimi dhe funksionalizimi me kapacitet të plotë, në krye të së cilës u zgjodh Nënkryetari i Komunës, z. Lulzim Aliu gjersa zëvendës i tij, u zgjodh drejtorja e QPS-së, Adelina Rexhepi Braha.

Në këtë takim, Nënkryetari Aliu shpjegoi objektivat e punës në këtë strukturë, gjersa u kërkua angazhimi më i shtuar i anëtarëve të Mekanizmit, në kontributin e tyre në dobi të luftës ndaj këtij fenomeni negativ të shoqërisë.

Të pranishmit me një fjalë rasti i përshëndeti edhe drejtori i Zyrës Regjionale të OSBE-së, Igli Totozani i cili vuri theksin mbi rëndësinë që ka ky mekanizëm dhe koordinimi ndërinstitucional në luftë fenomenit të dhunës në familje.

Nga të pranishmit u dhanë ide e propozime të ndryshme mbi funksionimin dhe temat e punës së Mekanizmit, të cilat do të detajohen në Planin e Veprimit për këtë strukturë.

24/07/2024

15/07/2024

TELEGRAM NGUSHËLLIMI

Sapo mora lajmin e kobshëm, për ndarjen nga jeta të mjekut nga plejada e parë e mjekëve ferizajas, "Nderin e Qytetit të Ferizajt", specialistit të dermatovenerologjisë dhe neuropsikiatrisë që për vite jetoi dhe veproi në Zvicër, Dr. Bashkim Kololli.

Janë të rënda e thellësisht pikëlluese këto momente lamtumire me personalitetin që qysh në fëmijëri u brumos me atdhedashuri, me rrëfenjat e heroizmat e kohës, duke qenë nip i patriotit Abdullah Musliu dhe i biri i mësimdhënësit, gazetarit, artistit Hajriz Musliu, pa lënë anash edhe kontributin e tij të çmueshëm në shkencën humane.

Lamtumirë Dr. Bashkim, ti që me veprën e personalitetin tënd, përfaqëson Nderin e Qytetit, ti që brezave i lë shembullin e përkushtimin profesional dhe përpjekjes për të mirën e përgjithshme.

Ngushëllime të sinqerta familjes Kololli, kolegëve të profesionit, miqve e të njohurve të të ndjerit. I qoftë i lehtë, dheu i Kosovës!

15/07/2024

TELEGRAM NGUSHËLLIMI

Me pikëllim të madh, morëm lajmin për ndarjen nga jeta të bashkëqytetarit tonë, profesorit të shquar, Basri Bega.

Me këtë rast, përmes telegramit, Kryetari i Komunës së Ferizajt, Agim Aliu i shpreh ngushëllime të sinqerta familjes Bega, kolegëve të arsimit, miqve e të njohurve të të ndjerit.

"Me dhembje e pikëllim morëm lajmin për ndarjen nga jeta të ferizajasit të veçantë, profesorit të shquar, personalitetit që me kontributin e tij la gjurmë ndër gjenerata, bashkëqytetarit tonë, Basri Bega. I rëndë është ky moment, për familjen, të gjithë ne që e njohëm profesorin e të gjithë që patën rastin të bashkëpunojmë me të ndjerin, porse vepra e tij, kultura që rrezatonte personaliteti i tij, do të mbeten kujtime të pashlyeshme ndër breza. Ngushëllime familjes Bega, kolegëve të arsimit, miqve e të njohurve të të ndjerit. U prehtë në paqe, shpirti i tij" mbyllet telegrami i ngushëllimit.

12/07/2024

Ferizaj - komunë e tretë me numrin më të madh të banorëve në Kosovë

109,345 është numri i banorëve të Komunës së Ferizajt, statistikë e publikuar sot nga Agjencia e Statistikave të Kosovës ku u prezantuan rezultatet preliminare të Regjistrimit të Popullsisë, Ekonomive Familjare dhe Banesave në Kosovë - ReKos 2024.

Ferizaj, poashtu bën pjesë në mesin e pak Komunave të Kosovës, me rritje të popullsisë, tregues ky që dëshmon se çdo ditë e më shumë, qyteti ynë është zgjedhje për jetesë e familjeve të shumta dhe mundësi për biznes.

11/07/2024

Më 11.07.2024 rreth ores 13:30 Policia ka pranuar një informatë se në fshatin Jezerc të Ferizajt, tek vendi i quajtuar " Reka e Vogël " është një aksident ku është përfshirë një kamion trasportues.

Ekipe të policisë, njësitet e rendit dhe hetuesit policorë të aksidenteve të Njësisë së Konunikacionit Rrugor kanë dalë në vendin e ngjarjes, të cilët kanë mësuar se si pasojë e këtij aksidenti ka humbur jetën shoferi i kamionit, shqiptar, kosovar i moshës madhore, vdekja e të cilit është konstatuar në vendin e ngjarjes nga mjekët të Emergjencës së Ferizajt.

Nga hetimet e para dyshohet se kamioni ka qenë në lëvizje nga Ferizaj në drejtim të fshatit Jezercë dhe me të arritur tek vendi i quajtur " Reka e vogël" në rrethana ende të panjohura, shoferi ka humbur kontrollin mbi kamionin dhe është rrukollisur poshtë rrugës disa metra.

Për të gjitha veprimet policore është njoftuar prokurori i shtetit.

Me vendim të prokurorit trupi i pajetë është dërguar në Institutin e Mjekësisë Ligjore në Prishtinë për obduksion.

04/07/2024

Policia rajonale e Ferizajt pranoi letër falenderime nga KFOR-i amerikan

Në kuadër të bashkëpunimit me KFOR-in amerikan, sot në 248 vjetorin, ditën e Shpalljes së Pavarësisë së Shteteve të Bashkuara të Amerikës, Policia Rajonale e Ferizajt pranoi letër falenderime për disa pjesëtarë të saj dhe të Drejtorisë së Përgjithshme të Policisë së Kosovës nga KFOR-i amerikan .

Ishte Koloneli Terry A. Saul, Komandant i Grupit të Mbështetjes Zona-Ballkan (ASG-B), nga kampi ushtark i KFOR-it amerikan në ‘’Bondstell’’, i cili falenderoi dhe lavëdroi Drejtorin Rajonal, Nënkolenelin Faton Pllana dhe gjithë policët për realizimin e planit operativ të koduar ‘’ 25 Vjetori i kapit Bondsteel’’ që u mbajt me datën 09.06.2024.
Atë disa njësi të Drejtorisë Rajonale të Policisë në Ferizaj, të mbështetura edhe nga njësi tjera të Drejtorisë së Përgjithshme të Policisë, kanë qenë të angazhuara dhe të caktuara në detyra të përbashkëta me policinë ushtarake të KFOR-it amerikan në ‘’Bondsteel ‘’, në perimetrin e jashtëm dhe brenda kampit ushtarak për mbarëvajtjen e manifestimit, ku për nderë të kësaj dite ishin të ftuar personalitete të larta të shtetit, ushtarakë dhe shumë qytetarë.

Në anën tjetër Drejtori Rajonal i Policisë , Nënkoloneli Faton Pllana në emer të Drejtorisë Rajoanle te Policisë në Ferizaj fillimisht uroj të gjithë pejsëtarët e KFOR-it amerikan dhe popullin amerikan për 04 korrikun, ‘’Ditën e Pavaresisë së Shteteve të Bashkuara të Amerikës, ndërsa falënderoj Kolonel Terry A, Saul për bashkëpunimin që policia rajonale e Ferizaj për herë të parë realizoi planin e përbashkët me Policinë Ushtarake me datën 09.06.2024, me rastin e manifestimit të 25 vjetorit të themelit të kampit ushtarak të KFOR-it amerikan ‘’Bondsteel’’ në Sojevë të Ferizajt.

26/06/2024

Ferizaj starton fazën përgatitore për Superligë 🔵⚪️

26/06/2024

Me datën 26.06.2024 rreth orës 17:00 kemi pranuar një informatë se në rrugën magjistrale Ferizaj-Gjilan , saktësisht në fshatin Sojevë të Ferizajt ka ndodhur një aksident komunikacioni, ku janë pëfshirë një kamion transportues dhe një veturë me targa vendore. Për pasoj e këtij akaidenti një person e gjinisë femër e moshës madhore, e cila ishte pasagjere në veturë ka humbur jetën, vdekja e saj është konfirmuar nga mjekët kujdestarë në vendin e ngjarjes.

Ndërsa lëndime trupore ka pësuar shoferi i veturës, i cili për ndihmë mjekësore është dërguar në Qendrën Emergjente në Ferizaj.

Ekipe të policisë, emergjencave dhe zjarrëfikësve kanë dalë menjëherë në vendin e ngjarjes.

Hetuesit policorë të aksidenteve janë duke e egzaminuar vendin e ngjarjes.

Për të gjitha veprimet policore është njoftuar prokurori i shtetit.

Për informata shtesë do të njoftoheni me kohë.

25/06/2024

Promovimi i librit me poezi "Hija që më ndjekë pas" të autorit Kanun Veseli.

13/06/2024

Ekspozita Gratë në rrugën e Lirisë

13/06/2024

Konferencë për media e Drejtorisë së Shëndetësisë me rastin e 15 Qeshorit - Ditës së Shëndetësisë në Ferizaj

11/06/2024

Minimaratona "Vrapojmë me Policinë e Kosovës" më 13 qershor 2024, nisja nga pallati i sporteve "Bill Klinton" në ora:11:00.

11/06/2024

Raporti i kryetarit Agim Aliu , për gjashtë mujorin e parë të vitit 2024

10/06/2024

Në Ditën e Çlirimit të Ferizajt, më datë 12.06.2024, nga ora 11:00, në fshatin Koshare; do të bëhet shpalosja e shtatores së dëshmorit të kombit Besim Fazliu.
Organizimi është nën patronatin e kryetarit të Ferizajt Agim Aliu.

10/06/2024

Plani operativ ‘’25 vjetori i vendosjes së Bondsteel ’’

Në kuadër të bashkëpunimit me KFOR-in amerikan, policia rajonale e Ferizajt me datën 09.06.2024 me rastin e 25 vjetorit të vendosjes së kampit ushtarak në Sojevë të Ferizajt ka realizuar planin operativ ‘’ 25 vjetori i vendosjes së Bondsteel’’. Disa njësi të Drejtorisë Rajonale të Policisë në Ferizaj, të mbështetura edhe nga njësi tjera të Drejtorisë së Përgjithshme të Policisë, kanë qenë të angazhuara dhe të caktuara në detyra të përbashkëta me policinë ushtarake të KFOR-it në perimetrin e jashtëm dhe brenda kampit ushtarak për mbarëvajtjen e manifestimit, ku për nderë të kësaj dite të ftuar ishin personalitete të larta të shtetit dhe shumë qytetarë.

Policët e caktuar në këtë plan ishin në nivelin më të lartë dhe profesional të kryerjes së detyrave, shih për këtë drejtori rajonal i policisë, Nënkoloneli Faton Pllana në shenjë mirënjohje dhe për gatishmërinë pranoi letër falënderimi ‘’ Çmimi i komandantëve për shërbim publik’’, që iu nda nga Departamenti i Ushtrisë.

Policia Rajonale e Ferizajt është e përkushtuar të ofrojë mbështetje dhe përkrahje policore për të gjithë mekanizmat ndërkombëtare e vendore, sa herë që paraqitet nevoja

05/06/2024

Ndërroi jetë Aziz Makiqi, emri i madh i hendbollit kosovar

Ka ndërruar jetë Aziz Makiqi, ish-hendbollisti shumë i suksesshëm kosovar. Makiqi ka bërë emër në hendboll derisa ishte lojtar i Trepçës së Mitrovicës e më pas te Borci i Ferizajt. Ka luajtur për dy skuadrat e suksesshme kosovare në periudhën më të mirë të tyre, edhe në ligën e parë federative. Makiqi ka bërë karrierë edhe jashtë Kosovës. Ishte edhe në Bundesligën gjermane si dhe në skuadra tjera të shtetit të dikurshëm federativ.
Në 35 vjetët e fundit ka jetuar jashtë Kosovës, përkatësisht në Kroaci. Ishte edhe trajner, por ka lënë gjurmë të pashlyeshme si lojtar. Në kohën e tij, Makiqi ishte prej lojtarëve më të mirë në shtetin e dikurshëm federativ.
I lindur në Mitrovicë në vitin 1958, Makiqi u zhvillua te Trepça. Karrierën e nisi në vitin 1974. Karrierë si lojtar ka bërë edhe në Austri

01/06/2024

1 Qeshori - Dita ndërkombëtare e fëmijëve

31/05/2024

𝐅𝐂 𝐅𝐞𝐫𝐢𝐳𝐚𝐣 𝐝𝐡𝐞 𝐀𝐫𝐬𝐢𝐦 𝐀𝐛𝐚𝐳𝐢 𝐬𝐡𝐭𝐫ë𝐧𝐠𝐨𝐣𝐧ë 𝐝𝐮𝐚𝐫𝐭 𝐩ë𝐫 𝐒𝐮𝐩𝐞𝐫𝐥𝐢𝐠ë𝐧 🤝

FC Ferizaj ka kënaqësi të ju njoftoj se Arsim Abazi do të jetë trajner i skuadrës edhe për edicionin 2024/25.

Trajneri Abazi që me shumë sukses arriti që të na inkuadroj në Superligë, ku për 18 ndeshje, shënuam 16 fitore, është shprehur optimist se suksesin do ta bartë edhe në Superligë.

FC Ferizaj, trajnerit Abazi dhe stafit të tij, do t’i ofrojë lojtarët më të mirë në treg, për një skuadër me mentalitet fitues dhe suksese në Superligë.

30/05/2024

Konferencë për media e Drejtorisë së Kulturës

16/05/2024

Afrim Kurti zgjidhet kryetar i Klubit të Gazetarëve "Haki Braha" në Ferizaj

Klubi i gazetarëve "Haki Braha" në Ferizaj, në kuvendin e mbajtur me 15.05.2024, në mënyrë unanime ka zgjedh gazetarin Afrim Kurti, kryetar të klubit, ndrësa, Qliresa Hasani e Besim Idrizi nënkryetar, Agim Jupa dhe Erblin Shabani anëtar të kryesisë dhe Driton Ramadani sekretar i Klubit.
Në këtë takim, u kërkua nga kryesia e re që një periudhë të shkurt të bëhet Stauti i ri dhe rregullorja e klubit e cila do të jetë në harmoni me ligjet në fuqi dhe e cila do të përcaktojë punën e klubit, si dhe rolin e anëtarëve të Klubit. Kryesia e re u zotua se do të punojë në dobi të të gjithë komunitetit të gazetarëve dhe që të jetë më aktiv, në organizimin e debateve dhe të luajë rolin konstruktiv, në jetën e shoqërisë civile.

13/05/2024

Kumtesa e Dr Fatbardh Ramadanit vlerësohet lartë në Konferencën Kombëtare të Shkencave Mjekësore

13/05/2024

Diskutohet plotësim-ndryshimi i projekt statutit të QKMF-së

10/05/2024

Me shkas! Agim Aliu , fletë për aktualitetin në komunën e Ferizajt