VBTC Malampa

13/02/2025

Kliarens blong niufala Malampa jif Nakamal i hapen i no longtaem long Lakatoro, Malekula.

Ofisa blong CCECC, Enrel Kevin i talem long VBTC Nius se oli help blong mekem wok ia.

Presiden blong Malvatumauri Council blong ol Jif, Jif Robert Ravun wetem Presiden blong Malmetenvanu nao i stap blong witnesem kliarens ia.

06/02/2025

Wan miting i tekem ples long Lakatoro, Malekula
tete wetem ol memba mo non-memba blong Vanuatu Teachers Union.

Legal Ofisa blong Vanuatu Teachers Union, George Firiam i talem long VBTC Nius se pepes blong miting ia hemi blong help kliarem sam wok we Union i tekem folem isu blong ol tija.

06/02/2025

President blong Malvatumauri Council blong ol jif i visit long Malekula long wik ia wetem tingting blong letem pipol i save long opening blong nakamal blong olgeta jif long March.

Tete Jif Robert Ravun i visitim Not East Malekula Council blong ol jif.

04/02/2025

Ol domestic flaet blong Air Vanuatu mo Unity Airline i stap yusum temporari landing long Norsup Airport long Malekula evri wik.

30/01/2025

Gudfala seves blong Vanuatu Copra mo Cocoa long Malekula i mekem plante plantation i klin wetem ol feeder rod i kam gud.

Copra fama, Felix Fatdal i talem se VCCE seves hemi hirem ol copra, provaedem labour mo transport, pem VT25 long wan kilo grin copra mo VT40,000 long wan tan copra.

29/01/2025

Olgeta Duly Elected Memba blong Palemen we oli kamaot long Malampa Provins.

28/01/2025

Ova 500 national ID kad i print long January ia long Lakatoro, Malekula.

Civil Registry Ofisa long Malampa, Lawa Edward i konfemem long VBTC Nius mo talem se plante long ol ID kad ia hemi blong olgeta we yia blong olgeta i stat long 18 kasem 45.

27/01/2025

Faev Junior Secondary skul long Malampa bae oli g*t yia 11 long yia ia.

Principal Education Ofisa blong Malampa, Renjo Samuel i talem long VBTC Nius se ol skul ia i g*t Ranon, Saot Malekula, Lamap, Lakatoro mo Vaum Junior Secondary skul.

Mr Samuel i talem se posting blong ol tija long ol skul ia ol otoriti i stap wok long hem.

27/01/2025

Norsup Airport Project Phase 1 i kam long en folem rod wok mo temporari site we ol aircraft i stap yusum naoia.

China Civil Engineering Construction Corporation(CCECC) Ofisa, Kevin Enrel i konfemem long VBTC Nius.

Hemi talem se bae oli kompletem niu extensen blong konektem wetem olfala runway long en blong yia blong ATR72 i save lan long hem.

26/01/2025

I g*t wan total blong 169 passport we Immigration Ofis long Lakatoro, Malekula i printim aot long Octoba 2024 kasem eli January ia.

Immigration Ofisa long Malampa, Loloma Ismael i talem long VBTC Nius mo talem se 35 pipol oli mekem peimen vinis long January ia redi blong karem passport blong olgeta.

21/01/2025

Wok blong niufala dumpsite long eria blong Not West B long Unmet, Malekula i stap ko hed gud.

Secretary General blong Malampa Provins, Germain Ludvaune i talem se site ia bae hemi sevesem ova 2000 pipol long Lakatoro mo Norsup.

Wajem moa toktok blong hem taem hemi storian wetem VBTC Nius.

21/01/2025

Lakatoro market tete moning wetem plante lokol kakae.

Ol market vendor blong Malekula oli ko hed blong salem fresh kakae long graon blong faetem s*k.

21/01/2025

Malampa Provins bae hemi g*t wan niu Presiden long tete.

Hemia i folem resignation blong outgoing Presiden, Steven Warren blong stanap long Snap Eleksen.

Bambae i g*t 19 councillor aot long 21 we bae oli mekem eleksen ia from wan hemi resign mo narawan hemi on long s*k leave.

Folem VBTC long moa apdeit long eleksen ia.

19/01/2025

Ol ballot box blong Paama i ko long RVS Sokomanu tete long naet hemia long Liro pasis.

19/01/2025

Ol ballot box long Craigcove pasis, West Ambrym i ko long ship RVS Sokomanu.

19/01/2025

RVS Sokomanu i pikim ap ol ballot box long Nebul pasis, Not Ambrym long tete.

08/01/2025

Ol pipol blong Malekula oli givim ol kakae blong sapotem Shefa long taem blong disasta blong earthquake.

Ship Southern Cross we Anglican Church i organisem i kasem Litzlitz wharf tete.

04/01/2025

Wan earthquake blong magnitude 5.3 i hapen long Central Malekula tete moning.

ENGLISH
Reviewed earthquake information by the Vanuatu Meteorology and Geohazards Department (VMGD):
Earthquake of Magnitude 5.3 and 30km depth occurred today 5th January 2025 at 09:23am. The earthquake is located around central Malekula (16.14°S, 168.50°E).
For more information, please contact Geohazards Division at the Vanuatu Meteorology and Geohazards Department at [email protected] or 24686.

BISLAMA
Riviewed Etkwek Infomesen from Vanuatu Meteorologi and Geohazads Dipatmen (VMGD)
Wan etkwek blong M5.3 mo wetem wan depth blong 30km i bin hapen long centrol Malekula (16.14°S, 168.50°E) long 05 January 2025 long 09:23am.
Blong g*t moa infomesen, plis contaktem ofis blo Geohazards long Vanuatu Meteorology mo Geohazards Dipatmen long [email protected] o colem 24686.