O'zbekiston NMIU

27/09/2024

Данное учебное пособие способствует успешному усвоению школьной программы по русскому языку для начальных классов с нерусским языком обучения, обогащению словарного запаса, развитию интереса к овладению богатством русского языка. Предназначено для учащихся начальных классов. 💬По поводу заказа пишите в директ. 📦Имеется доставка.

01/09/2024

16/06/2024

Барча обуначиларимизга Қурбон ҳайити муборак бўлсин.

“Ўзбекистон” нашриёт-матбаа ижодий уйи раҳбарияти.

10/04/2024

Barcha kitobxonlarni Hayit bayrami bilan muborakbod etamiz.

Hurmat bilan “O’zbekiston” nashriyot-matbaa ijodiy uyi.

21/03/2024

Barcha kitobxonlarni 21-mart Navro’zi olam bayrami bilan tabriklaymiz!

Hurmat bilan “O’zbekiston” nashriyot-matbaa ijodiy uyi rahbariyati.

08/03/2024

Barcha Xotin-qizlarni kirib kelgan 8 – mart Halqaro Xotin – qizlar bayrami bilan chin yurakdan muborakbod etamiz. Sizlarga uzoq umr, sihat – salomatlik, baxt omad tilaymiz. Oilangizga tinchlik hotirjamlik, ishlaringizda eng katta yutuqlarga erishishingizda tilakdoshmiz.
“O`zbekiston” nashriyot-matbaa ijodiy uyi rahbariyati.

14/01/2024

14-январ “Ватан ҳимоячилар куни” билан ватанимизнинг барча мард ўғлонларини табриклаймиз. Ўзбекистон ривожи ва тинчлигини сақлаш учун турли касбларда хизмат олиб бораётган барча ўғлонларга байрам муборак бўлсин!

Хурмат билан “Ўзбекистон” нашриёт-матбаа ижодий уйи рахбарияти.

21/10/2023

21-октябрь — Ўзбек тили байрами куни
Тил – давлат тимсоли, мулки, руҳи, миллатнинг маданий ва маънавий бойлиги, халқнинг маданияти, урф-одати, унинг турмуш тарзи, тарихидир.
1989 йилнинг 21 октябрь куни Ватанимизда давлат тилининг ҳуқуқий асосларини белгилаш бўйича “Давлат тили тўғрисида”ги Қонун қабул қилиниб, унга кўра Ўзбек тилига - Давлат тили мақоми берилди. Халқимизнинг муқаддас қадриятларидан бири бўлган она тилимиз ўзининг қонуний мақоми ва ҳимоясига эга бўлди.

Шунингдек, 2020 йилнинг 10-апрел куни Ўзбекистон Президенти Шавкат Мирзиёев «Ўзбек тили байрами кунини белгилаш тўғрисида»ги қонунни имзолади.

Қонунга асосан, 21-октябрь Ўзбек тили байрами куни этиб белгиланган.
“O`zbekiston” нашриёт-матбаа ижодий уйи барча юртдошларимизни Ўзбек тили байрами куни билан табриклайди.

01/10/2023

Азиз ўқитувчилар, “O’zbekiston” нашриёт-матбаа ижодий уйи рахбарияти барчангизни Устозлар ва мураббийлар куни билан чин дилдан қутлаймиз. Сизга узоқ умр, сиҳат-саломатлик, хонадонингизга файз-барака тилаймиз. Барча эзгу ниятларингиз ижобат бўлишини, халқ эътирофига, эъзозига муносиб бўлиш бахти насиб этишини, ҳамда ёш авлодларимиз баркамол вояга етишишида машаққат билан амалга ошираётган барча эзгу ишларингизга омад тилаб қоламиз. Байрамингиз муборак бўлсин, азизлар!💐💐🌷

28/06/2023

Барча мўмин-мусулмонларга Қурбон ҳайити муборак бўлсин.

“Ўзбекистон” нашриёт-матбаа ижодий уйи раҳбарияти.

18/05/2023

Барчамизга маълумки мамлакатимизда оилани қўллаб-қувватлаш, мустаҳкамлаш, хотин-қизларнинг ҳуқуқ ва қонуний манфаатларини ҳимоя қилиш, уларнинг ижтимоий-сиёсий фаоллигини ошириш давлатимиз сиёсатининг устувор йўналишларидан бири ҳисобланади. Лекин ҳар қанча аччиқ бўлмасин очиқ айтиш керакки, кейинги пайтларда халқимизга хос бўлмаган айрим иллатлар – оилавий ажримлар, оиладаги носоғлом муҳит, маънавий тушкунлик ва оилавий зўравонликлар кўпайиб бормоқда. Айниқса, оилаларда ажрашишлар сонининг камаймаётгани жамиятимизда жиддий ташвиш уйғотмоқда. Шу муносабат билан кеча “Ўзбекистон” нашриёт-матбаа ижодий уйида “Мустаҳкам оила – жамият таянчи” номли маънавий-маърифий тадбир бўлиб ўтди. Тадбирда Шайхонтоҳур туман ҳокимияти оила ва хотин-қизлар бўлимида оилавий низоларни бартараф этиш бўйича тузилган ишчи гуруҳ аъзолари – олий тоифали юрист Марҳамат Муратовна, психолог Дилнура Дилмуродовна ҳамда “Сузук ота” ва “Кўкалдош” жоме масжиди имом- хатиби Раҳматилла Убайдуллаевич иштирок этдилар.

03/05/2023

Халқаро истиқболли алоқалар.
Юртимизда бўлиб ўтган референдумга чет эллик кузатувчилар ташриф буюришди.“Ўзбекистон” нашриёт-матбаа ижодий уйида Польша Республикасида фаолият олиб бораётган илғор нашриётлардан бири “MARSZALEK” PUBLISHING GROUP директори, Қирғиз-Рус Славян университети профессори Adam Marszalek билан учрашув ўтказилди. Ҳурматли меҳмонни корхона директори Тўлқин Мухамадиев кутиб олиб, корхонада нашр этиладиган ижтимоий-сиёсий, адабий-бадиий, маънавий-маърифий ва болалар адабиётига оид турли жанрдаги китоблар ҳамда бугунги кунда олиб борилаётган кенг кўламли иш фаолияти билан яқиндан таништирди.

01/05/2023

30-апрель Ўзбекистон Республикаси Референдумига чет эллик кузатувчилар ташриф буюришди. Осиёда ҳамкорлик ва ишонч чоралари бўйича Кенгаш котиби – Сарыбай Кайрат Шораулы ва Осиёда ҳамкорлик ва ишонч чоралари бўйича Кенгаш аъзоси Лейла Махатлар “Ўзбекистон” нашриёт-матбаа ижодий уйига ҳам ташриф буюришди. Корхона директори Тўлқин Мухамадиев хорижий кузатувчиларни кутиб олиб, корхонада ишлаб чиқарилган ижтимоий-сиёсий, адабий-маърифий ва болалар адабиётига оид кўпгина китоблар билан яқиндан таништирди.

21/04/2023

Ушбу Рамазон Ҳайит байрамида барчангизга бахт, соғлиқ ва оилавий хотиржамлик тилаб қоламиз.
Хурмат билан “Ўзбекистон” нашриёт-матбаа ижодий уйи рахбарияти.

21/04/2023

Ушбу Рамазон Хайит байрамида барчангизга бахт, соғлиқ ва оилавий хотиржамлик тилаб қоламиз.
Хурмат билан “Ўзбекистон” нашриёт-матбаа ижодий уйи рахбарияти.

19/03/2023

"Ўзбекистон" нашриет - матбаа ижодий уйи рахбарияти барча ишчи- хизматчиларни Наврўз байрами билан самимий муборакбод этади.
Ёшариш ва янгиланиш фаслида оилангизга сиҳат - саломатлик, бахт ва омад, қут- барака тилайди.
Наврўзда эзгу ниятларингиз ушалсин, азиз Ватанимиз обод ва фаровон бўлсин.
Наврўзи олам барчамизга муборак бўлсин!

01/03/2023

Президентимизнинг шу йил 25 январь куни қабул қилган “Буюк шоир ва олим, машхур давлат арбоби Захириддин Мухаммад Бобур тавалудининг 540 йиллигини нишонлаш тўғрисида”ги қарори маданий хаётимизда катта воқеа бўлди. Жонажон Ватанимиз миллий ривожланишнинг янги босқичига – учинчи Ренессанс даврига қадам қўяётган, хаётимизнинг барча жабхаларида туб ўзгаришлар юз бераётган бугунги кунда Бобур Мирзонинг бебаҳо меросини чуқур ўрганиш ва оммалаштириш янада муҳим ахамият касб этмоқда.
Захириддин Мухаммад Бобур нафақат йирик давлат арбоби, айни пайтда буюк шоир, етук олим эди. Унинг дилбар ғазал ва рубоийлари туркий шериятнинг энг нодир дурдоналари сифатида эътироф этилади.
“Бобурнома” асари тарих, археология, психология, тилшунослик, санъатшунослик ва бошқа фанлар учун ноёб қўлланмадир.
Мирзо Боубурнинг шахси, долғали кечган хаёти бутун башарият учун эзгу инсоний фазилатлардан, мардлик ва шижоат, ватанпарварлик туйғуларидан сабоқ бериб келмоқда.

22/02/2023

Жорий йилнинг 21-февраль куни “Radison Blue Hotel Tashkent”мехмонхонаси мажмуасида VI-“Ўзбекситон гидлар форуми” тадбири бўлиб ўтди.
Ўзбекистон Республикаси маданият ва туризм вазирлиги хамда маданий мерос объектлари муаммоларини ўрганиш илмий-тадқиқот институти хамкорлигида ташкил этилган форум доирасида экскурсия оммаси учун китоб ярмаркаси хам ташкил этилди.
Мазкур китоб ярмаркасида “Ўзбекистон нашрёт-матбаа ижодий уйи” томонидан сўнги йилларда чоп этилган мамлакатимизнинг бой тарихи акс этган, дунёга машхур бўлган буюк алломларимиз хақидаги, шунингдек хозирги замондошларимиз хаёти ва фаолияти тўғрисидаги маданий-маърифий ва оммабоп китоб махсулотлари форум иштирокчиларига тақдим этилди.

10/02/2023

Ўзбекистон Республикаси Вазирлар Маҳкамасининг 2022 йил декабрдаги тегишли Баённомасига асосан мамлакатимизда истиқомат қилаётган кўзи ожизлар учун турли мавзу ва жанрдаги адабий-бадиий, маънавий-маърифий, тарихий асарларни ҳам брайл ёзувида нашрга тайёрлаш ва чоп этиш «Ўзбекистон» нашриёт-матбаа ижодий уйига юклатилган.
Буюк бобокалонимизнинг 582 йиллигини нишонлаш арафасида корхонамизда брайл алифбосида илк бор «Навоий ғазаллари» китоби чоп этилди. Бу, ўз навбатида, Алишер Навоий ижоди мухлисларининг сонини кўпайишига, Навоий бобомизнинг асарларини бевосита ўқиб, олам-олам завқ-шавқ олишга имкон яратди. Бу йўналишдаги ишлар, яъни, турли даврларда ижод қилган ва халқимиз меҳр-муҳаббатига сазовор бўлган шоир ва адибларнинг энг сара асарларини брайл ёзувида ўқийдиган ўқувчилар оммасига муносиб совға бўлишига шубҳа йўқ.

10/02/2023

Ўзбек халқининг буюк мутафаккири, ғазал мулкининг султони Мир Алишер Навоий таваллудининг 582 йиллиги Янги Ўзбекистонимизда кенг нишонланмоқда. Гуманист шоир ижодига бағишланган ана шундай тадбирлардан бири “Ўзбекистон” нашриёт-матбаа ижодий уйида ҳам ўтказилди. Адабиётшунос олим, филология фанлари доктори, профессор Мақсуд Асадов туркий адабиёт ифтихори бўлган Алишер Навоий ижодининг ўзига хос хусусиятлари, хусусан, инсон ва унинг ўзи яшаб турган макондаги ўрни, одам ва олам, яхшилик, аҳиллик сингари ўлмас ғояларини тараннум этишдаги маҳорати ва истеъдоди хусусида корхона жамоасига сўзлаб берди.

******
Бу гулшан ичраки, йўқдур бақо гулига сабот,
Ажаб саодат эрур, чиқса яхшилик била от.
******
Ўз вужудинга тафаккур айлагин,
Ҳар не истарсен, ўзунгдин истагин.

09/02/2023

Жорий йилнинг 7-февраль куни Тошкент тўқимачилик ва енгил саноат институти талабалари "Ўзбекистон" нашриёт-матбаа ижодий уйига ташриф буюриб, ўқув амалиётини бошладилар. Талабалар учун матбаа ва ноширлик ишлари тўғрисида қизғин сухбат ташкил этилиб, уларга китоб чоп этиш жараёни таништирилди. Техник назорат бўлими мутахассиси Шахноза Абдуллаева амалиёт қатнашчиларига босма маҳсулотларни чоп этишда сифат даражасининг юқори бўлиши учун қилинадиган ишларни кўрсатиб ўтди.

21/06/2022

Президентимиз 2021 йил 27 май куни “Аҳолига гематология ва онкология хизматларини кўрсатиш тизимини янада такомиллаштириш тўғрисида” қарор қабул қилди. Унга мувофиқ, болалар гематологияси ва онкологияси соҳаси катталар шифохонасидан ажратилиб, алоҳида марказга айлантирилди. Бу муассаса учун барча талабларга жавоб берадиган янги замонавий бино қурилди ва жорий йилнинг январ ойида иш бошлади.
Болаларнинг даволаниши билан бирга таълим-тарбия ишларига ҳам катта эътибор қаратилди. Бу ерда “Замин” фонди кўмагида қуриб битгазилган ва Халқ таълими вазирлиги тасарруфидаги 40 ўринли мактаб, 30 ўринли боғча ташкил этилган. “Меҳрли мактаб” ва “Илк қадам” номли таълим-тарбия масканида болалар билим олиб, қизиқарли машғулотларни ўрганмоқда.
Жорий йилнинг 20 июнь куни Халқ таълими вазирининг биринчи ўринбосари У.Шарифхўжаев ва “Ўзбекистон” нашриёт-матбаа ижодий уйи директори Т.Мухамадиев ушбу даволаш масканига ташриф буюриб, бу ерда даволанаётган ва таълим олаётган беморлар холидан хабар олишди. “Меҳрли мактаб”да таълим олаётган болалар учун ҳомийлик асосида “Ўзбекистон” нашриёт-матбаа ижодий уйида чоп этилган 400 номдаги 5000 нусхадан ортиқ турли мавзудаги ўзбек ва жаҳон адабиётининг болаларга аталган дурдона асарлари марказга совға қилинди. Китоб тўпламлари тарзидаги совғаларни “Меҳрли мактаб” директори Нигора Алимова “Ўзбекистон” нашриёт-матбаа ижодий уйи директори Тўлқин Мухамадиевдан қабул қилиб олди.
Китобдан яхши дўст йўқ дейдилар. Шу маънода даволанаётган ҳар бир бола билан суҳбат ўтказилиб, уларнинг тезроқ соғайиб кетиши ва тақдим этилган ҳамда ўзлари ёқтирган мавзудаги китобларни уйларига ҳам олиб кетишлари уқтирилди. Энг асосийси улар тезроқ соғайиб кетишлари ва келгусида Янги Ўзбекистоннинг муносиб бунёдкорлари бўлиб етишига тилаклар билдирилди. Суҳбат давомида болалар кўзларидаги қувноқлик, меҳр барчанинг кўнглига шодлик улашди.
Халқ таълими вазирлиги мазкур ташаббус учун “Ўзбекистон” нашриёт-матбаа ижодий уйига миннатдорчилик билдирди.

21/06/2022