Is'hoqxon Ibrat nomidagi Namangan davlat chet tillar instituti

Home
Uzbekistan
Namangan
Is'hoqxon Ibrat nomidagi Namangan davlat chet tillar instituti

Is'hoqxon Ibrat nomidagi Namangan davlat chet tillar instituti rasmiy sahifasi.

Ushbu sahifada institut hayoyotidagi ro‘y berayotgan faol jarayonlar to‘g‘risida axborotlarga ega bo‘lib borasiz!

14/01/2025

Vatan himoyachilari kuni munosabati bilan institutda "Jasur" filmining taqdimoti oʻtkazildi

🇺🇿14-yanvar – Vatan himoyachilari kuni munosabati bilan Isʼhoqxon Ibrat nomidagi Namangan davlat chet tillari institutida yoshlarning vatanparvarlik tuygʻusini oshirish va ularda Vatanga sadoqat ruhini shakllantirishga qaratilgan tadbir tashkil etildi. Tadbirda institut rektori Rivojiddin Karimov ishtirok etdi va maʼruza qildi.
Tadbir doirasida Oʻzbekiston Respublikasi Milliy xavfsizlik xizmatiga qarashli chegara qoʻshinlari xodimlarining ogʻir, biroq sharafli xizmati haqida hikoya qiluvchi "Jasur" filmining taqdimoti oʻtkazildi. Mazkur filmda chegarachilarning Vatanimizning tinch hayotini taʼminlash yoʻlidagi jasorati, ularning din niqobi ostidagi ekstremistik guruhlarga qarshi kurashi, oʻz hayotini xavf ostiga qoʻygan holda fidoyilik koʻrsatishlari haqidagi voqealar aks etgan.

🔍R. Karimov oʻz nutqida shunday dedi:
"Vatanimiz tinchligi va osoyishtaligi, yosh avlodning farovon kelajagi uchun oʻz hayotini bagʻishlayotgan har bir vatanparvar shaxs eng oliy hurmat va eʼtirofga loyiqdir. Yoshlarimizni ana shunday jasorat va sadoqat ruhida tarbiyalash – biz taʼlim muassasalari oldida turgan eng muhim vazifalardan biridir. Institutimizda oʻtkazilayotgan bu kabi tadbirlar yoshlar qalbida Vatanga boʻlgan muhabbatni yanada kuchaytirishga xizmat qiladi."

🇺🇿Tadbir soʻngida talabalar film borasida oʻz fikr va taassurotlari bilan oʻrtoqlashdilar. Ular chegarachilarning fidoyiligi va jasorati haqidagi haqqoniy voqealardan juda katta taʼsirlanishganini qayd etishdi.
Isʼhoqxon Ibrat nomidagi Namangan davlat chet tillari institutida bunday maʼnaviy-maʼrifiy tadbirlarni muntazam tashkil etish orqali yoshlar qalbida vatanparvarlik va jasorat tuygʻularini mustahkamlashga alohida eʼtibor qaratilmoqda.

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

14/01/2025

Vatanga sadoqat va fidoyilik ramzi

🇺🇿14-yanvar – Vatan himoyachilari kuni munosabati bilan Is’hoqxon Ibrat nomidagi Namangan davlat chet tillari instituti rektori Rivojiddin Karimov tashabbusi bilan To‘raqo‘rg‘on tumani Temirqishloq MFYda istiqomat qilgan, xizmat burchini bajarish vaqtida Vatan himoyasi yo‘lida halok bo‘lgan mard o‘g‘lon, Ichki ishlar tizimi tergov bo‘limi xodimi marhum Eshondadayev Islomjon Bahodir o‘g‘lining xonadoniga tashrif buyurildi.

Uning jasorat va fidoyiligi o‘z yurtiga muhabbat va sadoqat namunasi sifatida yodga olindi. Tashrif davomida ota-onasi holidan xabar olinib, ularning og‘ir musibatni sabr va matonat bilan yengayotganligi yuqori baholandi.

Har bir vatanparvar insonning qalbida ona yurtiga bo‘lgan sevgi va uni himoya qilish istagi ustuvor bo‘lishi zarur. Marhumning mardlik va jasurlik fazilatlari yosh avlod uchun ilhom manbai bo‘lib, Vatanga xizmat qilishning naqadar sharafli ekanligini yana bir bor isbotlaydi.

🇺🇿Vatan himoyachilarining har biri xalqimizning tinchligi va farovonligi yo‘lida xizmat qilib, o‘z nomlarini tarix sahifalariga oltin harflar bilan yozmoqda. Ular haqida yod olish – bizning fuqarolik burchimizdir.

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

14/01/2025

“Mardlar qo‘riqlaydi vatanni”

🇺🇿14-yanvar kuni Is’hoqxon Ibrat nomidagi Namangan davlat chet tillari instituti Til va tarjima fakultetida “Vatan himoyachilari kuni” munosabati bilan “Mardlar qo‘riqlaydi vatanni” nomli bayram tadbiri o‘tkazildi.

Tadbir fakultetning rus tili va adabiyoti kafedrasi professor-o‘qituvchilari tashabbusi bilan tashkil etilib, Vatan himoyachilarining mardlik va jasorati, ular ko‘rsatgan fidoyilikni ulug‘lashga qaratildi.
Bayram davomida XTA-IU-24-guruh talabalari vatanparvarlik mavzusidagi jonli sahna ko‘rinishlari va badiiy chiqishlarini namoyish etishdi. Ona Vatanga bag‘ishlangan she’rlar, kuy-qo‘shiqlar va musiqiy dasturlar ishtirokchilarga iliq hissiyotlar ulashib, tadbirni yanada ko‘tarinki ruhda o‘tkazdi.

Tadbirda mehmonlar hamda fakultet jamoasi faol ishtirok etdi. Ular tadbir tashkilotchilariga o‘z minnatdorchiliklarini bildirib, talabalar va o‘qituvchilarni vatanparvarlik yo‘nalishidagi sa’y-harakatlari uchun e’tirof etishdi.
Tadbir yakunida faol ishtirokchilar fakultet dekani tomonidan tashakkurnomalar bilan taqdirlandi. Ushbu bayram tadbiri institut jamoasi va talabalar qalbida unutilmas taassurot qoldirdi.

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

14/01/2025

Namanganda “Vatanparvarlar” bogʻiga safar, Vatanga sadoqat makoni

🇺🇿14-yanvar – Vatan himoyachilari kuni munosabati bilan Isʼhoqxon Ibrat nomidagi Namangan davlat chet tillari instituti talabalari Davlatobod tumanida yangi tashkil etilgan “Vatanparvarlar” bogʻiga tashrif buyurdilar.

🇺🇿Mazkur bogʻ bayramga oʻziga xos sovgʻa boʻlib, u yoshlarda vatanparvarlik hissini kuchaytirish, tarix va zamonaviy harbiy texnologiyalar haqida bilim olish imkoniyatini taqdim etdi. Bogʻda oʻrnatilgan harbiy texnikalar koʻrgazmasi, “Qahramonlar nomi barhayot” kompozitsiyasi hamda “Vatanparvarlik muzeyi” yoshlarga ilhom bagʻishladi.

🇺🇿Tashrif davomida talabalar harbiy texnikalarning funksional vazifalari bilan tanishib, ularning ishlash mexanizmlari haqida savollar berishdi. Har bir koʻrgazma orqali yoshlar Vatan himoyachilariga boʻlgan hurmatni yanada chuqur his qilishdi.
"Vatanparvarlar" bogʻi – bu na faqat vatanparvarlik ruhiyatini oshirish, balki yoshlarni Vatanga sadoqatli va masʼuliyatli shaxslar etib tarbiyalashga xizmat qiluvchi yangi maskandir.

🇺🇿Vatanning himoyasi – har birimizning muqaddas burchimiz!

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

14/01/2025

Vatan himoyasi-muqaddasdir!

Is’hoqxon Ibrat nomidagi Namangan davlat chet tillari instituti Til va tarjima fakultetida 14-yanvar – Vatan himoyachilar kuni munosabati bilan bayram tadbirlari yuqori kayfiyatda o‘tkazildi. Tadbir davomida professor-o‘qituvchilar va talaba-yigitlar Vatanparvarlik ruhida birlashib, samimiy tilaklar va ma’rifiy dasturlar bilan bayramni nishonlashdi.

🇺🇿Vatan himoyachilarini e’zozlash, yoshlarni harbiy xizmatga tayyorlash va ularning Vatanga bo‘lgan sadoqatini oshirish maqsadida turli badiiy chiqishlar, musobaqalar va targ‘ibot ishlari amalga oshirildi. Tadbir ishtirokchilarining har biri Vatan himoyachisi bo‘lish – bu yuksak sharaf ekanligini yana bir bor anglab yetdi.

🇺🇿Vatan uchun xizmat qilishni o‘z burchi deb bilgan barcha himoyachilarga chuqur hurmat va minnatdorlik bildiramiz. Bayramingiz muborak bo‘lsin!

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

14/01/2025

Hurmatli hamkasblar, aziz talabalar va qadrli vatandoshlar!

14-yanvar – Vatan himoyachilari kuni hamda O‘zbekiston Respublikasi Qurolli Kuchlari tashkil etilganining 33 yilligi munosabati bilan sizlarni chin qalbimdan muborakbod etaman!

Bu qutlug‘ sana Vatanimiz tinchligi va osoyishtaligini ta'minlash yo‘lida fidoyilik ko‘rsatib kelayotgan harbiy xizmatchilarimiz, qolaversa, yurtimiz ravnaqi yo‘lida xizmat qilayotgan har bir vatandoshimiz uchun katta ahamiyat kasb etadi. Tinchlikni asrash, xalq farovonligi va davlatimiz mustahkamligi yo‘lida amalga oshirilayotgan ulkan ishlar bizni har doim faxrlantiradi va yangi marralar sari undaydi.

Bizning vazifamiz – ilm-ma’rifat orqali yosh avlodni zamonaviy bilim va ko‘nikmalarga ega, yuksak ma’naviyatli, fidoyi va vatanparvar shaxslar qilib tarbiyalashdir. Is’hoqxon Ibrat nomidagi Namangan davlat chet tillari institutida amalga oshirilayotgan barcha ishlar aynan shu ezgu maqsadlarga qaratilgan. O‘qituvchilarimiz va talabalarimiz yurtimizning tinchligi, barqarorligi va taraqqiyoti uchun xizmat qiluvchi ilmiy va ijodiy yutuqlari bilan o‘z hissalarini qo‘shib kelmoqdalar.

Shu muborak k***a barchangizga sihat-salomatlik, bardavom omad va muvaffaqiyatlar tilayman. Qadrdon Vatanimiz doimo tinch va osoyishta, xalqimiz esa baxtiyor bo‘lib yashasin!

Hurmat va ehtirom bilan,
Rivojiddin Karimov G‘ulomjonovich
Is’hoqxon Ibrat nomidagi Namangan davlat chet tillari instituti rektori

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

13/01/2025

"Jadidlar jasorati - Millatimiz faxri"

Is’hoqxon Ibrat nomidagi Namangan davlat chet tillari institutida “Jadidlar jasorati – millatimiz faxri” va “Jadidlar: milliy o‘zlik, istiqlol va davlatchilik g‘oyalari” mavzularida insholar tanlovi o‘tkazildi. Tanlovning asosiy maqsadi – yosh avlodni jadidlarning tarixdagi jasorati va ularning millatimiz taraqqiyotiga qo‘shgan hissasini anglashga undashdir. Talabalar ushbu mavzular orqali jadidlarning Vatanga bo‘lgan sadoqatini, istiqlol va milliy o‘zlik g‘oyalarining rivojlanishidagi o‘rni, shuningdek, davlatchilik g‘oyalarini o‘rganib, bu merosni zamonaviy sharoitda qanday qo‘llash mumkinligini muhokama qilishdi.

✅Tanlovda ishtirokchilar jadidlarning ilm-fan, madaniyat va siyosatdagi yuksak maqsadlaridan ilhomlanib, mustaqillik va yurtparvarlik g‘oyalarini o‘z asarlarida ifoda etdilar. Baholash mezonlari asosida ishtirokchilarning bilimlari, ijodiy yondoshuvi va mavzu bo‘yicha chuqur tahlili baholanadi.

✅Tanlov yoshlarni Vatanparvar, milliy o‘zlikni qadrlovchi, bilimli va faol fuqaro sifatida tarbiyalash, ularning ilmiy va ijodiy salohiyatini rivojlantirishga xizmat qiladi. Bu kabi tadbirlar yosh avlodni milliy qadriyatlar va tarixga bo‘lgan hurmatini oshirish, ularni zamonaviy dunyoda faol va mas’uliyatli fuqarolar sifatida shakllantirishga yordam beradi.

✅Tanlov natijalarini manashu manzilda e'lon qilamiz 👇https://t.me/ibratnamdchti

🕊Is'hoqxon Ibrat nomidagi Namangan davlat chet tillari instituti Axborot xizmati

🕊Bizni kuzatishda davom eting

🕊Telegram 📱Instagram 📱Facebook
📺Youtube 💡Web-sayt

13/01/2025

⚽️ 14-yanvar – Vatan himoyachilari kuni munosabati bilan mini-futbol musobaqasi! 🏆

O‘zbekiston Respublikasi Qurolli Kuchlarining 33-yilligi va 14-yanvar – Vatan himoyachilari kuni munosabati bilan Is’hoqxon Ibrat nomidagi Namangan davlat chet tillari institutida Kasaba uyushmasi tomonidan tashkil etilgan mini-futbol musobaqasi ko‘tarinki ruhda o‘tkazildi.

Musobaqa davomida jamoalar o‘z mahorati va birdamligini namoyish etib, g‘alaba uchun bor kuchini sarfladi. Natijalarga ko‘ra:

🥇-o‘rin: Rahbariyat jamoasi – mukammal jamoaviy o‘yin va mahorat ko‘rsatdi.

🥈-o‘rin: Filologiya fakulteti jamoasi – kurashuvchanlik va qat’iyat namoyish etdi.

🥉-o‘rin: Ishchi-xodimlar jamoasi – irodali o‘yin bilan ko‘pchilikning e’tirofiga sazovor bo‘ldi.

G‘oliblar va ishtirokchilar institut rahbariyati tomonidan diplom va esdalik sovg‘alari bilan taqdirlandi. Bu musobaqa jamoaviylikni mustahkamlash, sog‘lom turmush tarzini targ‘ib qilish va sportning ahamiyatini yana bir bor his qildirdi.

“Birdamlikda kuch, harakatda baraka!” Sog‘lom va ilhomlantiruvchi hayot sari barchamiz birgalikda intilamiz!

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

13/01/2025

🏆 14-yanvar – Vatan himoyachilari kuni munosabati bilan sport musobaqasi! ⚽️

Bugun Is’hoqxon Ibrat nomidagi Namangan davlat chet tillari institutida, 14-yanvar – Vatan himoyachilari kuni munosabati bilan, rahbarlar, professor-o‘qituvchilar va xodimlar o‘rtasida mini futbol sport musobaqasi o‘tkazilmoqda. Ushbu musobaqa nafaqat jamoaviy ruhni mustahkamlash, balki sog‘lom turmush tarzini targ‘ib qilishga qaratilgan.

Musobaqa davomida quyidagilar kuzatildi:

⚽️Hakamlar tomonidan adolatli baholash;
⚽️Jamoalarning faol va sportga qiziqish bilan yondashuvi;
⚽️Jamoaviy birdamlik va do‘stona raqobat.

Ushbu musobaqa har bir ishtirokchiga ijobiy kayfiyat, jamoa ruhini yanada ko‘tarish va sog‘lom raqobat muhiti yaratishda o‘z hissasini qo‘shmoqda.

Yakuniy natijalar va g‘oliblar haqida keyingi postda xabar beramiz! 🥇
Sport bilan birga bo‘laylik! 😀

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

13/01/2025

Is’hoqxon Ibrat nomidagi Namangan davlat chet tillari institutida yakuniy nazorat imtihonlari boshlandi

Bugun, institutda nakuniy nazorat imtihonlari boshlandi. Talabalar bilimini adolatli va shaffof baholash maqsadida barcha zarur sharoitlar yaratilgan.
📚 Imtihonlar yakuniy nazorat o‘quv rejasiga muvofiq amalga oshirilmoqda.
Har bir auditoriya zamonaviy texnologiyalar bilan jihozlangan, nazoratchilar tomonidan tartib nazorati ta’minlanmoqda.
Talabalar o‘z bilimlarini test, yozma yoki og‘zaki shaklda namoyon qilish imkoniga ega.
🎓 Imtihonlarning asosiy maqsadi – talabalar tomonidan o‘zlashtirilgan bilim va ko‘nikmalarni baholash, ularga kelgusi bosqichlar uchun bilimni mustahkamlash yo‘nalishlarini ko‘rsatishdir.
Institutimiz rahbariyati barcha talabalarimizga imtihonlarda muvaffaqiyat va yutuqlar tilaydi! Bilimlaringiz sizni yuqori marralarga yetaklasin!

Is’hoqxon Ibrat nomidagi Namangan davlat chet tillari instituti – kelajak uchun bilim va taʼlim makoni!

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

11/01/2025

Ta'lim krediti kimlar uchun
beriladi🤔
To‘liq ma'lumotni ushbu 👆 kontent orqali bilib olishingiz mumkin!

💻Is'hoqxon Ibrat nomidagi Namangan davlat chet tillari instituti Axborot xizmati

Bizni kuzatishda davom eting

🔹Telegram | 🌐Instagram | 🔹Facebook | 🌐Web-sayt | 🔹YouTube

11/01/2025

PRESETT dasturi doirasidagi seminar

🇺🇿O‘zbekiston davlat jahon tillari universitetida xorijlik mutaxassislar ishtirokida ingliz tili o‘qituvchilari uchun “Ingliz tili o‘qituvchilarining uzluksiz malakasini oshirish tamoyillari” mavzusida intensiv trening o‘tkazilmoqda. Ushbu trening 2025-yil 9-11-yanvar kunlari Britaniya Kengashining 2024-yil 10-dekabrdagi OC-28-69-sonli xatiga muvofiq tashkil etilgan.

Treningda Markaziy Osiyo davlatlaridan jami 160 nafar ingliz tili o‘qituvchilari malaka oshirish imkoniyatiga ega bo‘ldi. Is'hoqxon Ibrat nomidagi Namangan davlat chet tillari institutining Ingliz tili o‘qitish metodikasi kafedrasi mudiri Akmal Amanov hamda ushbu kafedra o‘qituvchisi Nasiba Jakbarova mazkur treningda faol ishtirok etmoqda.

Tashkilotchilar:
➡️Britaniya Kengashi
➡️O‘zbekiston Respublikasi Oliy ta’lim, fan va innovatsiyalar vazirligi
➡️Maktabgacha va maktab ta’limi vazirligi
➡️Toshkent davlat pedagogika universiteti
➡️O‘zbekiston davlat jahon tillari universiteti

Trening Markaziy Osiyo davlatlari bo‘ylab ingliz tili o‘qituvchilarining malakasini oshirish va uzluksiz rivojlanishini qo‘llab-quvvatlashdan iborat bo‘ldi. PRESETT dasturi orqali zamonaviy metodik yondashuvlarni o‘rganish, o‘qituvchilar o‘rtasida tajriba almashish va ta’lim sifatini oshirish masalalariga e’tibor qaratildi.

✔️Institut vakillari ushbu treningda yangi o‘quv tamoyillari va innovatsion yondashuvlarni o‘rganib, kelajakda o‘z tajribalarini institut hayotida tatbiq etishni maqsad qilganlar.

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

11/01/2025

“NOMINGIZ DILLARDA MANGU YASHAYDI”

🇺🇿 14-yanvar – Vatan himoyachilari kuni va O‘zbekiston Respublikasi Qurolli Kuchlari tashkil etilganining 33 yilligi munosabati bilan, Is'hoqxon Ibrat nomidagi Namangan davlat chet tillari instituti Til va tarjima fakulteti tyutori D.O‘rinova o‘ziga biriktirilgan guruh talabalari uchun mazmunli va tarbiyaviy ahamiyatga ega tadbir tashkil etdi.

🇺🇿Tadbir doirasida talabalar Namangan shahridagi Xotira va qadrlash maydoniga tashrif buyurishdi. Bu maskan Vatan ozodligi va mustaqilligi uchun jon fido qilgan qahramonlar xotirasini abadiylashtirish, yosh avlod qalbida milliy g‘urur va vatanparvarlik tuyg‘ularini kuchaytirishda muhim ahamiyatga ega.
🇺🇿Sayohat davomida talabalarga mustaqillik yo‘lida jon fido qilgan fidoyilar jasorati, tarixiy voqealarning bugungi kunimizga ta’siri va ahamiyati, ajdodlarimizning mardlik va matonat hikoyalari haqida batafsil ma’lumotlar berildi.

Shuningdek, “Nomingiz dillarda mangu yashaydi” mavzusida o‘tkazilgan davra suhbati talabalarning ma’naviy olamini boyitdi. Ushbu suhbatda quyidagi maqsadlarga erishishga alohida e’tibor qaratildi. Jumladan, tarixiy xotiralarni yodda saqlashning ahamiyatini anglatish, talabalarning vatanparvarlik ruhini kuchaytirish, milliy qadriyatlarga bo‘lgan hurmatni yanada oshirishdan iborat bo‘ldi.
Tadbir yakunida talabalar Vatan himoyachilari jasorati haqida o‘z fikr-mulohazalarini bildirishdi. Bu tadbir ularning tarixiy bilimlarini oshirishga, ma’naviy va madaniy dunyoqarashini boyitishga xizmat qildi.

🇺🇿 “Qahramonlar jasorati – millat faxri!”

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

10/01/2025

Namangan viloyatida nemis tili kurslariga qiziqish ortmoqda

Is'hoqxon Ibrat nomidagi Namangan davlat chet tillari instituti Filologiya fakulteti Nemis va fransuz tillari kafedrasi o'qituvchisi F. Mirvaliyev tashabbusi bilan 2024-yil 10-noyabrda Namangan viloyati To'raqo'rgon tumani hokimiyati bilan hamkorlikda tuman aholisini Is'hoqxon Ibrat nomidagi Namangan davlat chet tillari institutida tashkil etilgan nemis tili kurslari faoliyati bilan tanishtirish maqsadida motivatsion uchrashuv tashkil etildi.

Tadbirda tuman hokimining birinchi o‘rinbosari Q. Sohodillayev va hokim o‘rinbosari I. Parpiyevlar ishtirok etib, mehnat muhojirligi bo‘yicha xorijiy mamlakatlar, ayniqsa, Germaniya va boshqa Yevropa davlatlari bilan o‘rnatilayotgan o‘zaro manfaatli aloqalar, shuningdek, migratsiya masalasi yuzasidan olib borilayotgan muzokaralar haqida batafsil ma’lumot berdilar.

Tadbirda kursda ishtirok etayotgan mahalliy aholi vakillari o'zlarini nemis tilida tanishtirib, qisqa muddat ichida o'rganish jarayonidan qoniqish hosil qilganliklarini bildirganlar. Ular, shuningdek, til kurslarining sifatiga yuqori baho berib, o‘z fikrlarini ijobiy tarzda bildirdilar.

So'nggi qismda, nemis tili o'rganish istagida bo‘lgan yangi nomzodlar, tashkil etilgan kursga qo‘shilish istagini bildirib, barchasi bir ovozdan qo‘l ko'tarib, uchrashuvning muvaffaqiyatli o‘tganligini tasdiqladilar.

Bu uchrashuv Is'hoqxon Ibrat nomidagi Namangan davlat chet tillari institutining tuman aholisiga taqdim etayotgan imkoniyatlari haqida keng jamoatchilikni xabardor qilishda muhim ahamiyatga ega bo‘ldi.

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

10/01/2025

To‘maris izdoshlari: Qizlar o‘rtasida quvnoq startlar musobaqasi

Is’hoqxon Ibrat nomidagi Namangan davlat chet tillari institutida "To‘maris izdoshlari" nomli qizlar o‘rtasida quvnoq startlar musobaqasi tashkil etildi. Tadbir institut psixologi L.Abdug‘apporova va Filologiya fakulteti xotin-qizlar masalalari bo‘yicha dekan maslahatchisi N.Ho‘janazarova tomonidan o‘tkazildi.

Musobaqa O‘zbekiston Respublikasi Prezidentining 2024-yil 12-dekabrdagi F-62-sonli farmoyishi asosida Vatan himoyachilari kuni va O‘zbekiston Qurolli Kuchlari tashkil etilganligining 33 yilligiga bag‘ishlangan holda tashkil etildi.

Tadbirda Namangan viloyati Milliy gvardiya boshqarmasi harbiy xizmatchilari ishtirok etib, harbiy chiqishlari orqali o‘z mahoratlarini namoyish etdilar. Harbiy chiqishlar va sport musobaqalari qatnashchilar qalbida Vatanga sadoqat, mardlik va jasorat tuyg‘ularini yanada mustahkamladi.

Musobaqa davomida qizlar o‘z irodalarini, jamoaviy birdamlik va bir-birini qo‘llab-quvvatlash fazilatlarini namoyish etdilar. Bu esa nafaqat sportdagi faollikni oshirdi, balki yosh avlod qalbida vatanparvarlik ruhini yanada kuchaytirishga xizmat qildi. Tadbir ishtirokchilarida milliy iftixor va ona Vatanga bo‘lgan muhabbat hissini uyg‘otdi.

Qahramonlik va jasorat qadrlangan yurtda yoshlarda vatanparvarlik tuyg‘ularini shakllantirish muhim ahamiyatga ega. Shu kabi tadbirlar esa bu tuyg‘ularni yuksaltirishning muhim vositasi hisoblanadi.

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting

🔹Telegram 🔹Instagram 🔹Facebook
🔹Youtube 🔹Web-sayt

09/01/2025

Event Report: Small Alumni Talk Time

We are thrilled to share the highlights from our recent Small Alumni Talk Time session on "Crafting your path: Writing Impactful Motivational Letters and Personal Statements for Exchange programs".
✅Key Takeaways:
- Alumni shared practical advice on how to structure and personalize motivational letters.
- Real-life examples and success stories inspired attendees to craft their unique narratives.
🎤 The interactive Q&A session allowed students to seek personalized guidance, making the event a truly enriching experience.
✅A big thank you to our alumni speaker Sadiya Abbasova for her valuable contributions, EFL teachers of NamSIFL Dildora Umarova and Albina Tadjibaeva, and to everyone who attended!
Stay tuned for more enriching sessions.

🌎Information Service of Isʼhoqxon Ibrat Namangan State Institute of Foreign Languages

➡️Stay tuned for updates
😀Bizni kuzatishda davom eting

🔹Telegram | 🌐Instagram | 🔹Facebook | 🌐Web-sayt | 🔹YouTube

09/01/2025

Vatan himoyachilari kuniga bagʻishlangan “Zakovat” intellektual oʻyinlari tashkil etildi

🇺🇿Oʻzbekiston Respublikasi Prezidentining 2024 yil 12 dekabrdagi F-62 Farmoyishi ijrosini taʼminlash maqsadida, Isʼhoqxon Ibrat nomidagi Namangan davlat chet tillari institutida talabalar oʻrtasida harbiy-vatanparvarlik mavzusida “Zakovat” intellektual oʻyini tashkil etildi.

🇺🇿Tadbirda talabalar oʻz bilimlarini sinovdan oʻtkazib, tarixiy voqealar, milliy qahramonlar, Vatan himoyachilari va Qurolli Kuchlar faoliyati haqidagi savollarga javob berishdi. Intellektual oʻyinlar orqali talabalarda vatandoshlik hissini oshirish va harbiy-vatanparvarlik ruhini mustahkamlash maqsad qilindi.

Intellektual oʻyin gʻoliblari:
🥇-oʻrin: Dues ex machine
🥈 2-oʻrin: Google
🥉-oʻrin: Skyfall
🇺🇿Tadbir barcha qatnashchilar uchun madaniy-maʼrifiy ahamiyat kasb etdi va talabalarga oʻzining faol vatandosh boʻlishi lozimligini yana bir bor anglatdi.
Isʼhoqxon Ibrat nomidagi Namangan davlat chet tillari instituti rahbariyati bunday tadbirlar orqali yoshlar ongida vatanparvarlik va masʼuliyat tuygʻularini yanada mustahkamlashni maqsad qilgan.

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting (https://t.me/ibratnamdchti)

🔹Telegram (https://t.me/ibratnamdchti) 🔹Instagram (https://www.instagram.com/namdchti_rasmiy/profilecard/?igsh=MTdrYTJjcmJ5Z3FxdA%3D%3D) 🔹Facebook (https://www.facebook.com/profile.php?id=61566385387535&mibextid=ZbWKwL)
🔹Youtube (https://youtube.com/?si=c6n2rcygqPCWmR82) 🔹Web-sayt (http://namsifl.uz/)

09/01/2025

"Mardlar qo‘riqlaydi vatanni"

🇺🇿 Vatan himoyachilari kuni va O‘zbekiston Respublikasi Qurolli Kuchlari tashkil etilganining 33 yilligi munosabati bilan Is’hoqxon Ibrat nomidagi Namangan davlat chet tillari institutida "Mardlar qo‘riqlaydi vatanni" nomli ma’naviy-ma’rifiy tadbir tashkil etildi. Ushbu tadbir O‘zbekiston Respublikasi Prezidenti Shavkat Mirziyoyevning 2024-yil 12-dekabrdagi “O‘zbekiston Respublikasi Qurolli Kuchlari tashkil etilganligining 33 yilligi hamda Vatan himoyachilari kuni bayramiga tayyorgarlik ko‘rish va uni yuqori saviyada o‘tkazish to‘g‘risida”gi F-62 farmoyishi ijrosini ta’minlash maqsadida o‘tkazildi.

🦅 Farmoyishda belgilangan maqsadlar:
🇺🇿Yoshlarni vatanparvarlik, fuqarolik burchini anglash va Vatan himoyasiga tayyor bo‘lish ruhida tarbiyalash;
🇺🇿 Talaba-yoshlarni harbiy xizmat va milliy armiyamizning nufuzini oshirishga qaratilgan tizimli tadbirlarni amalga oshirish;
🇺🇿 Harbiy-vatanparvarlik yo‘nalishidagi ma’naviy-ma’rifiy ishlarni yangi g‘oyalar bilan boyitish.

🟢Tadbirda institutimizga Afgʻonistonda fuqarolar urushi qatnashchilari nafaqadagi kapitan Olimov G‘ayratjon, nafaqadagi mayor Valiyev Muxtorjon, nafaqadagi kapitan Mamadaliyev Nematjonlar tashrif buyurdilar.
Mehmonlar o‘z hayotiy tajribalari, harbiy xizmat davomida duch kelgan qiyinchiliklari va Vatan himoyasi yo‘lidagi fidoyiliklari haqida yoshlarga qiziqarli hikoyalar so‘zlab berdilar. "Vatan himoyasi nafaqat burch, balki yuksak sharafdir", degan ilhomlantiruvchi fikrlar yoshlar qalbida o‘ziga xos ruhiy ko‘tarinkilik yaratdi.
Institut ARM xodimlari tomonidan kitoblar ko'rgazmasi ham tashkil etildi. Uchrashuv so'ngida Afg'onistonda 1979-1989 yillar oralig'ida bo'lib o'tgan urush haqidagi qisqa film namoyish etildi.

🦅 Yurtimiz tinchligi – har birimizning mas’uliyatimiz! Ushbu tadbir yoshlarni ona yurtga mehr-muhabbat, jasorat va sadoqat ruhida tarbiyalash, ularning ma’naviy va ruhiy jihatdan yetuk insonlar bo‘lib shakllanishiga qaratilgan.

📝Is'hoqxon Ibrat nomidagi Namangan davlat chet tillari instituti Axborot xizmati

🔹Bizni kuzatishda davom eting (https://t.me/ibratnamdchti)

🔹Telegram (https://t.me/ibratnamdchti) 🔹Instagram (https://www.instagram.com/namdchti_rasmiy/profilecard/?igsh=MTdrYTJjcmJ5Z3FxdA%3D%3D) 🔹Facebook (https://www.facebook.com/profile.php?id=61566385387535&mibextid=ZbWKwL)
🔹Youtube (https://youtube.com/?si=c6n2rcygqPCWmR82) 🔹Web-sayt (http://namsifl.uz/)

Address

Saodat Ko‘chasi 28-uy
Namangan
160701

Website

http://namsifl.uz/

Alerts

Be the first to know and let us send you an email when Is'hoqxon Ibrat nomidagi Namangan davlat chet tillar instituti posts news and promotions. Your email address will not be used for any other purpose, and you can unsubscribe at any time.

Videos

Ta'lim krediti kimlar uchun beriladi🤔 To‘liq ma'lumotni ushbu 👆 kontent orqali bilib olishingiz mumkin! 💻Is'hoqxon Ibrat nomidagi Namangan davlat chet tillari instituti Axborot xizmati Bizni kuzatishda davom eting 🔹Telegram | 🌐Instagram | 🔹Facebook | 🌐Web-sayt | 🔹YouTube

❄️❄️❄️❄️🎉🎉🎉🎉❄️❄️❄️❄️ Wishing a remarkable and prosperous start to 2025 for our esteemed professors, dedicated educators, and ambitious students! 🎄Information Service of Isʼhoqxon Ibrat Namangan State Institute of Foreign Languages 🎅🎅 🎅🎅Stay tuned for updates 🔹Telegram | 🌐Instagram | 🔹Facebook | 🌐Web-sayt | 🔹YouTube

OAV #Biz_haqimizda Is'hoqxon Ibrat nomidagi Namangan davlat chet tillari instituti Til va tarjima fakultetida viloyat statistika boshqarmasi mas'ullari ishtirokida "Aholini ro‘yxatga olish – O‘zbekiston Respublikasi aholisining ijtimoiy-iqtisodiy holati" mavzusida mazmunli uchrashuv tashkil etildi. Diyor yangiliklari | Aholini ro'yhatga olish jarayonining ahamiyati. 23.12.2024 📝Is'hoqxon Ibrat nomidagi Namangan davlat chet tillari instituti Axborot xizmati 🔹Bizni kuzatishda davom eting (https://t.me/ibratnamdchti) 🔹Telegram (https://t.me/ibratnamdchti) 🔹Instagram (https://www.instagram.com/namdchti_rasmiy/profilecard/?igsh=MTdrYTJjcmJ5Z3FxdA%3D%3D) 🔹Facebook (https://www.facebook.com/profile.php?id=61566385387535&mibextid=ZbWKwL) 🔹Youtube (https://youtube.com/@ishoqxonibratnomidaginamdchti?si=c6n2rcygqPCWmR82) 🔹Web-sayt (http://namsifl.uz/)

Institutda korrupsiyaga qarshi kurash qanday amalga oshirilmoqda? Is'hoqxon Ibrat nomidagi Namangan davlat chet tillari instituti korrupsiyaga qarshi kurash masalasida qanday dasturlarni amalga oshirmoqda? Ushbu mavzuga bag‘ishlangan intervyuni Yoshlar bilan ishlash, ma'naviyat va ma'rifat bo'limi boshlig'i B.Samixonov bilan suhbatda sizga taqdim etamiz. Intervyuda quyidagilar haqida so‘z boradi: ⏺ Korrupsiyaga qarshi kurashda institutda qabul qilingan dasturlar va chora-tadbirlar; ⏺ Ta’lim jarayonida shaffoflikni ta’minlash bo‘yicha olib borilayotgan ishlar; ⏺ Talabalar va professor-o‘qituvchilarning ushbu jarayondagi roli va mas’uliyati. 🎧 Ushbu suhbatni tomosha qiling va korrupsiyaga qarshi kurashda o‘z hissangizni qo‘shing! Korrupsiyasiz kelajak sari birga intilamiz! 📹Is'hoqxon Ibrat nomidagi Namangan davlat chet tillari instituti Axborot xizmati 🔹Bizni kuzatishda davom eting (https://t.me/ibratnamdchti) 🔹Telegram (https://t.me/ibratnamdchti) 🔹Instagram (https://www.instagram.com/namdchti_rasmiy/profilecard/?igsh=MTdrYTJjcmJ5Z3FxdA%3D%3D) 🔹Facebook (https://www.facebook.com/profile.php?id=61566385387535&mibextid=ZbWKwL) 🔹Youtube (https://youtube.com/@ishoqxonibratnomidaginamdchti?si=c6n2rcygqPCWmR82) 🔹Web-sayt (http://namsifl.uz/)

. ❄️❄️❄️❄️❄️❄️❄️❄️ Yangi yil tabrigi! Hurmatli talabalar, ustozlar va institutimizning barcha aziz aʼzolari! Yangi yil eshik qoqib kelmoqda! Shu munosabat bilan Is’hoqxon Ibrat nomidagi Namangan davlat chet tillari instituti rektori Rivojiddin Karimov G'ulomjonovich o‘zining samimiy tilaklarini sizlarga yetkazadi. Video tabrigini ko‘rib, bayram ruhiyatini his eting va o‘zingizga ilhom oling! ❄️Yangi yil barchamizga omad, baxt va yanada ulkan zafarlar olib kelsin! ❄️❄️❄️❄️❄️❄️❄️❄️ ❄️Is'hoqxon Ibrat nomidagi Namangan davlat chet tillari instituti Axborot xizmati Bizni kuzatishda davom eting (https://t.me/ibratnamdchti)

Korrupsiya Korrupsiyaga qarshi kurash – barchamizning mas'uliyatimiz! Is'hoqxon Ibrat nomidagi Namangan davlat chet tillari institutining Yoshlar masalalari va ma'naviy-ma'rifiy ishlar bo'yicha birinchi prorektor-X.Nishonov bilan korrupsiyaga qarshi kurashish mavzusida maxsus intervyuni taqdim etamiz. Ushbu suhbatda: ✔️ Institutda korrupsiyaning oldini olish bo‘yicha amalga oshirilayotgan chora-tadbirlar; ✔️Shaffoflik va adolatni ta'minlash bo‘yicha innovatsion yondashuvlar; ✔️ Talabalar va o‘qituvchilar uchun ochiq imkoniyatlar haqida batafsil ma’lumot beriladi. 🎧 Intervyuni tinglab, korrupsiyaga qarshi kurashda birlashish va faol ishtirok etish muhimligini bilib olasiz! Birgalikda shaffof va adolatli ta’lim muhitini yaratamiz! 📹Is'hoqxon Ibrat nomidagi Namangan davlat chet tillari instituti Axborot xizmati 🔹Bizni kuzatishda davom eting (https://t.me/ibratnamdchti) 🔹Telegram (https://t.me/ibratnamdchti) 🔹Instagram (https://www.instagram.com/namdchti_rasmiy/profilecard/?igsh=MTdrYTJjcmJ5Z3FxdA%3D%3D) 🔹Facebook (https://www.facebook.com/profile.php?id=61566385387535&mibextid=ZbWKwL) 🔹Youtube (https://youtube.com/@ishoqxonibratnomidaginamdchti?si=c6n2rcygqPCWmR82) 🔹Web-sayt (http://namsifl.uz/)

🇺🇿Yurakni madh etgan sado! 🇺🇿 10-dekabr – O‘zbekiston Respublikasi davlat madhiyasi qabul qilingan kun! Davlat madhiyasi har bir yurakka kuch bag‘ishlab, xalqimizni ulug‘vor maqsadlar sari chorlaydi. Har bir so‘zi yuraklarda ona yurtga bo‘lgan muhabbat va hurmat tuyg‘ularini uyg‘otadi. Ushbu navo ostida biz Vatanimiz sha’nini yuksak ko‘tarishga intilamiz. 📝Is'hoqxon Ibrat nomidagi Namangan davlat chet tillari instituti Axborot xizmati 🔹Bizni kuzatishda davom eting (https://t.me/ibratnamdchti) 🔹Telegram (https://t.me/ibratnamdchti) 🔹Instagram (https://www.instagram.com/namdchti_rasmiy/profilecard/?igsh=MTdrYTJjcmJ5Z3FxdA%3D%3D) 🔹Facebook (https://www.facebook.com/profile.php?id=61566385387535&mibextid=ZbWKwL) 🔹Youtube (https://youtube.com/@ishoqxonibratnomidaginamdchti?si=c6n2rcygqPCWmR82) 🔹Web-sayt (http://namsifl.uz/)

📝📝📝📝📝📝📝📝📝📝 "Korrupsiyadan holi ta'lim muassasasi" Is'hoqxon Ibrat nomidagi Namangan davlat chet tillari institutida 9-dekabr "Xalqaro korrupsiyaga qarshi kurash kuni" munosabati bilan "Korrupsiyadan holi ta'lim muassasasi" mavzusida o'tkazilgan "Eng yaxshi videoroliklar" respublika ko'rik tanlovini institut bosqichi g'olibi TM-AU-24 guruh talabasi Jakbaraliyev Yorqinjon Asqarali o'g'lini tanlov uchun tayyorlagan ijodiy ishi. 📃Is'hoqxon Ibrat nomidagi Namangan davlat chet tillari instituti Axborot xizmati ✈️Bizni kuzatishda davom eting 🩷Telegram | 🛜Instagram |💬Facebook|🌎Web-sayt |🛜Youtube

Isʼhoqxon Ibrat nomidagi Namangan davlat chet tillari institutida “Yongʻin xavfsizligi oyligi” doirasida koʻrgazmali oʻquv mashgʻuloti boʻlib oʻtdi. 📹Is'hoqxon Ibrat nomidagi Namangan davlat chet tillari instituti Axborot xizmati Bizni kuzatishda davom eting Telegram 🌐Instagram 🌐Facebook 🌐Youtube 🔎Web-sayt

"Korrupsiyadan holi ta'lim muassasasi" Is'hoqxon Ibrat nomidagi Namangan davlat chet tillari institutida 9-dekabr "Xalqaro korrupsiyaga qarshi kurash kuni" munosabati bilan "Korrupsiyadan holi ta'lim muassasasi" mavzusida o'tkazilgan "Eng yaxshi videoroliklar" respublika ko'rik tanlovini institut bosqichi g'olibi TM-AU-24 guruh talabasi Jakbaraliyev Yorqinjon Asqarali o'g'lini tanlov uchun tayyorlagan ijodiy ishi. 📃Is'hoqxon Ibrat nomidagi Namangan davlat chet tillari instituti Axborot xizmati

O'zbekiston Respublikasi Konstitutsiyasi I bob 1-modda O'zbekiston Respublikasi Konstitutsiyasini birgalikda o'rganamiz! ✅Is'hoqxon Ibrat nomidagi Namangan davlat chet tillari instituti Axborot xizmati ◾️Bizni kuzatishda davom eting ◾️Telegram | ◾️Instagram |◾️Facebook|◾️Web-sayt |◾️Youtube

Is'hoqxon Ibrat nomidagi Namangan davlat chet tillar instituti

14/01/2025

14/01/2025

14/01/2025

14/01/2025

14/01/2025

14/01/2025

13/01/2025

13/01/2025

13/01/2025

13/01/2025

11/01/2025

11/01/2025

11/01/2025

10/01/2025

10/01/2025

09/01/2025

09/01/2025

09/01/2025

Address

Website

Alerts

Videos

Shortcuts

Share

Category