楓之谷 Peterson

01/23/2025

今晚11:00PM東岸時間
會同西岸嘅谷友Greg一同連線
同你哋一齊分享：東西兩面Talk
記得留意了！

東西兩面Talk

01/21/2025

2025賀歳動作喜劇鉅獻
電影《臨時決鬥》
北美大年初一，1月29日重拳迎新年 🎉🎉🎉

古天樂 胡子彤 張文傑 伍允龍 拳風展現  🤛🤛🤛
梁詠琪 王丹妮 周秀娜 蝦頭 拳拳到肉 👊👊👊

一眾演員瞓身苦練泰拳
「一日鐘聲未響，一日都唔會認輸！」

北美將於2025年1月29日（大年初一）農曆新年與香港同步上映 備受觸目的賀歲鉅獻電影《臨時決鬥》，跟觀眾拜年 。

電影由掌賞綜藝集團有限公司製作，iLLUME FILMS 北美發行，為身在北美的觀眾帶來歡樂笑聲。

《臨時決鬥》電影由《臨時劫案》導演麥啟光率領古天樂、梁詠琪、王丹妮、胡子彤、張文傑、周秀娜、陳湛文、伍允龍、楊詩敏（蝦頭）、喬靖夫、王尹菁、陳獻略、王頌茵、陳慧敏、陳楨怡及吳梓熙等演出，開創一齣勵志、動作、搞笑賀歲鉅獻。

電影準備以雷霆萬鈞的拳擊對壘， 貼地惹笑勵志故事，於今個農曆新年跟大家興奮拜年。古天樂於電影中說：「一日鐘聲未響，一日都唔會認輸。」戲中動作既是焦點，其熱血故事及戲中佈滿搞笑能手，認真地搞笑，搞笑地說故事，亦是今次《臨時決鬥》看點。

🎉 故事大綱

「鍾磊舍」，由曾經叱咤澳門泰拳界的傳奇拳王鍾磊（古天樂 飾）創立，矢志培訓職業拳手。即使拳館經營困難，他仍選擇努力堅持，貫徹其遇上強敵從不退縮的畢生理念。

廣告界女強人林雪（王丹妮 飾），意外發現男友Daniel（陳湛文 飾）有外遇，情敵竟是澳門女拳王孫雅雲（周秀娜 飾），好勝心強的她狠下戰書，誓要在擂台上決一勝負。

林雪越級挑戰，得知孫雅雲曾是鍾磊的徒弟後，決心到「鍾磊舍」向鍾磊拜師學拳，師母竟是跟她在廣告拍攝上發生過衝突的嘉莉（梁詠琪 飾）。嘉莉當年因相夫教女而退出娛樂圈，如今在閨密碧珠（楊詩敏 飾）的幫助下試圖復出，可惜波折重重……

林雪在鍾磊的愛徒高秋（胡子彤 飾）指導下，接受一系列地獄式訓練，即使不是做著自己擅長的東西，也付出百分百努力。

在鍾磊的嚴格試煉下，一直是人生勝利組的林雪驚覺無論有多努力，結果都是徒勞無功，她後悔當初一時衝動而練習打拳，更因害怕失敗而想過放棄。但在一班戰友的鼓勵下重新振作，逐步認清自己一直以來的堅持不是為了男友，而是為了讓自己作出改變，鍾磊等人受到林雪影響，紛紛跳出舒適圈，勇敢面對以前不敢挑戰的事，鍾磊亦決心跟理念不同的大徒弟陳偉斌（張文傑 飾）來一場臨時決戰……

#多倫多美食 #多倫多 #多倫多生活 #香港人在多倫多 #多倫多吃喝玩樂 #新年 #2025 #臨時決鬥

01/16/2025

大家記得要支持加拿大華人製作電影，Markham實地取景的“敗走麥城 Fresh Off Markham”啦！

套戲上映戲院：
•⁠ ⁠Yonge & Dundas
•⁠ ⁠Silvercity Richmond Hill
•⁠ ⁠Markham & VIP
•⁠ ⁠Scarborough

如果可以，有勞提提多倫多觀眾上映頭3日，首周末入場。Cineplex 嗰邊會按呢3日票房表現，決定Vancouver, Calgary, Winnipeg 有冇得下星期上映。

⭐仲有，係Facebook & Instagram 喺荷里活做一個電影裏面同樣動作，Facebook 打卡 Cafe Hollywood ，Instagram 打卡 .cafe.markham , 就送你免費嘅咖啡茶檸茶檸水!

⭐睇完 “敗走麥城” 當日戲飛記得唔好扔，因為可以喺荷里活買任何嘢：“買一送一”！如果9:00夜場可以第二日用架！

所以唔好錯過呀！

全力支持 CHIME Canada 和 敗走麥城 Fresh Off Markham

IG：freshoffmarkham

#多倫多美食 #多倫多 #多倫多生活 #香港人在多倫多 #多倫多吃喝玩樂 #新年 #2025 #敗走麥城

⭐首部加拿大本土華人電影🇨🇦華人齊入場支持⭐
【《敗走麥城》🎬首週上映場次】
Cineplex 傳送門：https://hkmovie.ca/Markham

‼️首周末(JAN 17,18,19)票房入座率尤其關鍵，不但影響能否延續上映至第二週，Cineplex亦會因首周末成績決定其他地區會否開放場次（如溫哥華、卡加利）嘅增設機會

今次要全靠多倫多主場嘅大家！公映首周末入場齊撐😤 等Cineplex增加場次畀更多其他城市嘅觀眾可以入場！

約定大家今星期五1月17號．萬錦之癲😜

⭐A Canadian Movie Filmed in Markham & Toronto⭐
【Fresh Off Markham 🎬 First Week Showtimes】

‼️ The first-weekend’s (Jan 17, 18, 19) box office is especially critical. It doesn’t only determine whether the film can continue into the second week, Cineplex also takes this into major account for adding theatres and showtime in other cities (like Vancouver and Calgary)

This weekend, we’re counting on all our Toronto movie lovers! Let’s pack the theatres during the opening weekend 😤 to show Cineplex this movie should go further to other cities!

Mark your calendars— this Friday January 17th, Markhaminsanity! 😜

一月十七 🇨🇦月圓之夜 萬錦之癲
JAN 17 🇨🇦Markhaminsanity

✨第48屆香港國際電影節 火鳥大獎 提名(2024)
✨第48屆香港國際電影節 新秀電影競賽・全球首映 (2024)
✨第28屆多倫多亞洲國際影展 官方評選・北美首映 (2024)
✨英國奧德賽電影節・競賽單元及閉幕影片・歐洲首映 (2024)
✨第14屆北京國際電影節 全景展映・中國首映 (2024)

✨Nominated for 48th Hong Kong International Film Festival - Firebird Award (2024)
✨48th Hong Kong International Film Festival - Young Cinema Competition, World Premiere (2024)
✨28th Toronto Reel Asian Film Festival - Official Selection, North America Premiere (2024)
✨UK Odyssey - In Competition, Closing Film, EU Premiere (2024)
✨14th Beijing International Film Festival - Panorama, China Premiere (2024)



#加拿大電影 #多倫多電影 #香港電影 #加拿大香港電影 #多倫多香港電影 #敗走麥城

01/16/2025

⭐ Rita Sing and Dine 農曆新年聚餐 ⭐

多倫多冬天雖天氣寒冷，但室內活動特別多！
今晚有差唔多50人出席，有得食，有得玩，有得唱，有旗袍Catwalk睇，一月之星慶祝生日兼切蛋糕。
完場仲有禮物，人人有份！WOW 😲
呢個活動最特別之處就係每次都Connect到新知舊雨 ，今日Connect到剛剛從香港回流返來的 Vanessa and Jeffrey
琴師Douglas彈得好掂，果然係專業音樂人！
今晚我揀左唱巫啟賢的：“心酸的情歌”，澎湃的節奏，激昂的音樂，自己也十分Enjoy 🙌🙌
另也和同學 Cecil 唱了一隻合唱歌：還有，雖第一次合作，但都唱得幾好，下次再唱！
多謝 Rita 和 Andrew 的安排，Keith .7 幫我拍片！
仲有，Happy Birthday Joe 🎉🎉🎉

#多倫多美食 #多倫多 #多倫多生活 #香港人在多倫多 #多倫多吃喝玩樂 #新年 #2025

01/12/2025

Fuze Tea = Nestea ?

踏入2025，一路陪伴加拿大人成長的雀巢檸檬茶Nestea已於今年1月開始改為Fuze Tea，味道比以前嘅Nestea確有些唔同，酸度比Nestea多少少。

上網查下，原來雀巢Nestea係由加拿大可口可樂代工生產超過30年，但雙方決定不再續約，所以而家市面仲可以買到的Nestea只係可口可樂公司生產剩餘的貨尾。

✅咁加拿大仲會唔有Nestea ?
➡️ 答案 ：有，因為Nestea在2025年起會由Keurig/Dr. Pepper 代工，新貨會由2025第一季開始重新包裝推出市面。

至於美國，Nestea在美國只有生產Unsweetened Tea同 Sweet Tea，但冇檸檬味的。

新聞鏈結：https://www.thecanadianpressnews.ca/fact_checking/nestea-to-continue-being-sold-in-canada-contrary-to-viral-videos-claim/article_25b57c7d-9172-5ba0-8b09-96be40175766.html

#多倫多美食 #多倫多 #多倫多生活 #香港人在多倫多 #多倫多吃喝玩樂

01/11/2025

Starving Artist Waffles and Expresso (窩夫店)

今日去了一間位於Markham Rd and Hwy 7 E 的Starving Artist Waffles and Expresso .markham 試一下。一間確實幾多人去的早午餐的Brunch店，之前有好多人去同都要排隊的，好好彩今次等了10分鐘就有位。

小弟今次叫了3款食物試下，飲品叫了一杯Americano，用意大利豆，還可以。Vanilla Almond Latte ，係一杯混和咖啡在內的，味道幾香濃，可以一試！

1️⃣ Chicken Bacon Waffle Sandwich : 顧名思義係用Waffle做的三文治，內有雞肉，青瓜，Havarti 芝士和秘密醬汁，伴碟為雜菜沙律 (Mixed Greens) 和新鮮生果 (Fresh Fruits)。呢個Waffle温度夠熱，入口嘅味道也很清爽的。個人喜好，我冇落醬汁入去，只係點下，味道有啲似Ranch Sauce。

2️⃣ Sausage Benny : 呢份係用豬柳腸片(Sausage Rounds)伴上Egg Benedict的Waffle來的，一份跟二組的，配上Hollandaise Sauce和生果及沙律。味道係十分豐富，用刀切落去一齊食，放入口中，齒頰留香。值得Encore 👍👍

3️⃣ Fully Loaded : 呢份嘅Waffle係十分特別，因為Waffle嘅成份係用薯蓉整的，Waffle 內混和 Sour Cream 及苟菜 (Chives)，令到個味道好特別。呢個Waffle也跟煙肉和Poached Eggs 各2組，但今次將煙肉轉了牛油果，在Menu內有呢個選擇，不另收費的。

⚠️如果唔食生果的，可以選擇楓樹糖漿汁伴豆和薯仔沙律架。

服務員的水準也很好，落單冇錯，食物10-15分鐘已經上桌，埋單只需要行出Counter就可以！今次免税，4人食了$75已包了15%貼士了。

牆上面掛了多幅本地畫家的作品，鐘意可以買返屋企的。

有興趣食Brunch的人士可以去試下！
要留意營業時間，星期一至五係9-4pm, Weekend 開到6pm。

有人問我，今日有間點解今日唔去襯熱鬧支持下一間港式茶餐廳，食下嘢比個評價啦！小弟會覺得比D時間人哋會好些，通常一間新嘅餐廳開業係會有一個磨合期，行熟了同新開時嘅食物同服務質素會有改變，所以容許我遲啲先去支持佢哋！

生意興隆，風生水起呀！

#多倫多美食 #多倫多 #多倫多生活 #香港人在多倫多 #多倫多吃喝玩樂

01/08/2025

今日 1月7日 星期二【各大報章頭條】
似唔似雷霆881《晴朗早晨全餐》個Post 🤣🤣
⬇️
⬇️
不過呢個係加拿大版。。。
紙媒已經買少見少
Cap 低就算 😂😂



#多倫多美食 #多倫多 #多倫多生活 #香港人在多倫多 #多倫多吃喝玩樂 #杜生 #杜魯多 #辭職 #881903 #晴朗早晨全餐

01/06/2025

新一年嘅第一單大新聞原來係國家大事
3月24日復會。。。

佢唔撈使唔使開香檳？🥂🥂 🤣
⭐ 歡迎留言 😂 ⬇️

01/05/2025

金瑞麟 CF Markville Mall

今日啱啱先去試下
2pm去到，而家裝咗等位系統
變相等位可能都係等十幾分鐘
目測夥記都有唔少，好快過嚟斟茶遞水
仲有一壺大熱水畀你自己沖茶，茶位$2.50一位，小朋友冇計$

食物質素 ：
⚠️點心覺得係啲老師傅整，個款似幾年前果D款，冇咁新派口味，Not my favorite。仲有，味道一時太濃，一時太淡！

➡️ 一籠大滿足 ($13.80)：內有6款 (酸菜魚餃，蝦餃，咸蛋黃墨魚燒賣，松露野菌餃，綠茶包，養生海鮮果(含紅菜頭)，呢個算係值得一食，起碼試哂六款點心，味道各有千秋！
➡️ 天下第一包：普通貨式，老派製作， 唯一係叉燒算OK，冇豬壓味。
➡️ 燒鴨飯 ：份量可以，色水太深，太咸，碟上冇乜鹵水汁，肉質帶乾，估唔到咁敗筆。
➡️ 椒絲腐乳唐生菜 ： 唐生菜面冇椒絲的，個生菜係白灼完再淋腐乳汁上面，真係好敗筆，小菜價似白灼油菜咁煮法。
➡️時菜牛肉球： 一上見個顏色已經唔得，個肉色好似啲肉急凍過或者溝咗其他肉入去，西洋菜勁少，幾條毛毛，味道勁淡，又係敗筆之作，Sad。。。
➡️ 雪菜肉絲陽春麵： 雪菜肉絲又係超級淡，冇乜雪菜，得嗰幾條青紅色嘅椒絲，肉絲只係如圖咁多，個白獻超奇怪。個陽春麵反而淥得啱啱好，佢搞到呢碗似素麵，好嘥！
➡️ 叉燒腸：叉燒如上意見，不過不失！
➡️ 炸鮮奶：用吉列整法，太油膩，手法超級老手，唔值呢個價。

總括來講：食物確實有改善空間，唔怪之Google Review同Yelp 跌到落3.5 ⭐以下。呢兩三日喺華人及主流圈，好出名及熱議嘅Youtuber果皮條片其中一個Comment，呢間酒樓會強制收12%貼士的。

八卦講下，眼見一些黑衫部長同伙記都係熟悉的酒樓做過，例如：金x宴 (前：鑚石x宴)，乙x天，新x角大酒樓(即：帝x名宴)，豪x宴，世x皇官，名x軒等等。

今日實測，埋單計兩位茶位同呢堆嘢食加12%強制Tips之後， 要$105蚊落樓，確實唔係幾抵食之外，食品質素太多敗筆，短期內如非必要，唔會再幫襯。

仲有，佢哋如果唔改善下食物質素嘅話，相信過咗農曆年或者免稅期之後，相信佢哋會幾難捱落去，因為呢啲大型商場租金肯定唔會平畀你 ，每一個仙都要同你計到足。其實喺主流商場，話哂叫A至B級嘅商場開一間呢啲酒樓，確實係好事，但係如果做得唔好，負評如潮嘅，咁其實對飲食業來講係一件壞事。

#多倫多美食 #多倫多 #多倫多生活 #香港人在多倫多 #多倫多吃喝玩樂
#金瑞麟

➡️➡️ 睇完個食評，你會唔會幫襯？歡迎留言！

01/01/2025

GoodBye 2️⃣0️⃣2️⃣4️⃣ 👋👋

Hello 2️⃣0️⃣2️⃣5️⃣ 🙌🙌

🙌 祝願：明天會更好 ！ 🙌

12/30/2024

🎄🎄聖誕假期的開心派對 🎄🎄

今年冇出外旅行，留本地慶祝聖誕
好開心同大家一齊開Party
有得玩又有得食，又有抽獎環節 🎅
其中一份獎品係Daison吸塵機，好彩我冇抽中 🤣🤣
多謝Joyce嘅邀請和安排 👍👍
恭喜Pinko成為Daison吸塵機嘅幸運兒 😂😂

#多倫多美食 #多倫多 #多倫多生活 #香港人在多倫多 #多倫多吃喝玩樂 #聖誕市集
#家燕媽媽 #薛家燕 #薜家燕愛你無限60年演唱會

12/29/2024

薛家燕愛你情牽60載演唱會-多倫多站

承蒙Flowee Journey 嘅支持，有幸去觀賞薛家燕愛你情牽60載演唱會-多倫多站，今次呢個演奏廳係Woodbine Racetrack 嘅新翼，裡面全新落成，裝修幾靚，目測應該可容納五千人以上嘅演奏廳。舞台，燈光，音響，效果，全部都唔錯，在舞台後面嘅LED大屏幕十分高清，背景襯托也好靚！

今次家燕媽媽遠道而來，同觀眾唱了唔少靚歌，新舊中英國語，黃梅調，禪院綜聲，到近期最HIT的APT.和大家耳熟能詳的皆大歡喜也一一在舞台獻唱！雖然家燕媽媽已經年過70，但正向感和中氣十足，全部用真聲表演，冇咪咀，冇欺場，小弟真心佩服！覺得佢除了葉振棠，尹光之外，佢都係真心堅同勁，最厲害你仲可以又跳又唱，以一位入行近60幾年的演藝人來講，真係值得致敬！同場加演特別嘉賓鐘珍妮，鐘安妮和沈國強，獻唱和合唱經典名曲。舞蹈員和武術隊嘅表演也很落力，值得鼓勵！

演唱會內看見本地兩大電台，電視台及多倫多娛樂圈嘅老總及DJ
草步子@livianwu 外，還見到在真情内的于洋叔，聽到他同其他人閒談得知已經退休了，享受生活。另外，也見到杜挺@mr_hong_kong_kitchen ，當然唔少得同佢哋影相啦！

完場後，發生了一些小插曲，確實有些少混亂，但有幸係最後機會嘅一刻，都可以同家燕媽媽 合照，任務完成！期待下次再見家燕媽媽來多倫多登台，一路順風！

奈何這裡還是新場，泊車位一有演唱會就確實不足，係地下停車場兜了20多分鐘都冇位，冇交通指揮，車就四圍搶位泊。冇乜辦法下，唯有泊返出外面，再行返入演奏廳入口，好彩今日唔涷！場地運作上，策劃和演唱會後同歌迷和支持者拍照安排上覺得尚有空間改進，希望下次賭場方面可以做得更好。

感謝主辦方Jenny Chung Market Development的安排，讓演出順利完成，希望佢哋可以接觸更多歌星過來登台！

#多倫多美食 #多倫多 #多倫多生活 #香港人在多倫多 #多倫多吃喝玩樂 #聖誕市集
#家燕媽媽 #薛家燕 #薜家燕愛你無限60年演唱會

12/28/2024

今次係太二幫親戚慶祝生日都幾特別
究竟值唔值得Encore，可以睇以下分享。

呢次晚餐叫了：
📌口水雞 (頭盤) - 麻辣味道好濃，雞肉冇骨，冷盤上，溫度控制十分好！算好食！
📌炸物拼盤 - 有四寶 (蝦片，香蘇肉，雞翼和薯仔球) - 佐膳都幾特別，叫一碟可以樣樣試下。
📌糖醋小排 (冷盤) - 肉身帶乾和老身，味道唔夠香，算敗筆之作，可以唔使叫。
📌酸菜魚片 - 選了唔辣的，配菜選了寬粉，味道香濃，湯底也有很香的蒜粒和芝麻，魚片看似Snakehead也很滑身，熱上十分好食，值得叫。
📌茄汁魚片 - 配上粉絲和韶菜，魚片也是Snakehead，蕃茄湯也夠味道，內有蕃茄碎，增強口感。
📌擔擔麵 - 自家素麵，配上肉和香菇混合的辣醬，乾撈食法，真係好QQ和超好味，食得辣的絕對要叫！
📌兒童餐 - 小朋友至愛，仲要 $4.99一份，可以㨂牛肉炒飯配炸薯球或鮮茄素麵配雞翼真係好扺，質素唔錯，跟包裝果汁飲品，平到震！
📌紅糖冰粉/楊枝甘露 - 冰粉好足料，有紅豆，山楂粒，涷食的，解辣一流！值推！ 楊枝甘露唔係唔好食，但椰奶味太濃，蓋了芒果的味道，有待改善！

➡️總結嚟講：其實味味都幾好食，避雷果D可以唔叫，我哋五大三細都係食咗$145蚊，連Tips，其實都幾抵，服務員都幾好，即叫即到，冇強迫加小費，假期仲有抽獎活動，可以下次再Encore。。

#多倫多美食 #多倫多 #多倫多生活 #香港人在多倫多 #多倫多吃喝玩樂 #聖誕市集
#太二

12/26/2024

Peterson 同你掃街 :
Bell/Virgin Boxing Day 大優惠
Woodside Square 直播
12/26 1:15pm-3:15pm

12/26/2024

2024 唱歌班同學聖誕派對

20幾款美食，仲有抽獎
仲有神秘嘉賓，就係我扮聖誕老人😂
場面好Warm，既開心又豐富的一晚！
🎄🎄Merry Christmas Everyone 🎄🎄

#多倫多美食 #多倫多 #多倫多生活 #香港人在多倫多 #多倫多吃喝玩樂 #聖誕市集

12/24/2024

TO Christmas Market 一逛

45分鐘車程後，到達Downtown 港人必去茶餐廳 “Sammi”
即磨咖啡，嗲牛公，㗎央西多士可以一食
奶茶，焗鮮茄豬扒飯迅息左D，一試無妨
食完之後，去逛下Christmas Market
今年好似多左嘢睇
Florida旅遊發展局亦擺左個旅遊主題的庭園
牆上有幾個城市的貼畫，夏天時候去過了
好好玩，期待下次再去！
市集場面熱鬧，雖零下10度，但大家都好開心，暫忘卻煩囂，享受一下個節日Mood..🎄🎄
順道入去Sake酒廠買了支生Sake，拎去下一個節目先！

#多倫多美食 #多倫多 #多倫多生活 #香港人在多倫多 #多倫多吃喝玩樂 #聖誕市集

12/22/2024

今晚同屋企人做冬
D牛扒4食真係流哂口水
小弟仲做理特別嘉賓扮埋聖誕老人🎅 🤣🤣
開心嘅一晚 🎉🎉🎉🎉

#多倫多美食 #多倫多 #多倫多生活 #香港人在多倫多 #多倫多吃喝玩樂