Amerika Ovozi

02/11/2025

AQShning Roud Aylend shtatida federal sudya qaroriga ko'ra, Tramp ma'muriyati hukumat xarajatlariga qo'ygan taqiq noqonuniydir va mablag' darhol ko'zlangan maqsadlar uchun sarflanishi shart.

Aslida bu kabi qaror 31-yanvarda chiqarilgan edi, ammo ma'muriyat bu buyruqni to'liq bajarmagan, deyiladi yuridik hujjatda.

Oq uy bu qaror ustidan yuqori sudga shikoyat qilayotganini bildirgan.

AQShning Roud Aylend shtatida federal sudya qaroriga ko'ra, Tramp ma'muriyati hukumat xarajatlariga qo'ygan taqiq noqonuniydir va mablag' darhol ko'zlangan maqsadlar uchun sarflanishi shart.

02/10/2025

Xabarlar suratlarda: https://www.amerikaovozi.com/z/2110

02/10/2025

- Isroil G’azo markazidan qo’shinlarini chiqardi
- Tramp Ukraina bo’yicha Putin bilan kelisha oladimi?
- Boltiq davlatlari sovet elektr tarmog’idan Yevropanikiga o’tdi

02/10/2025

Uylariga qaytayotgan odamlar vayronalar ko’lamidan hayratda. Isroil qo’shinlari Isroil chegarasidan O’rta Yer dengizigacha cho’zilgan olti kilometrlik Netsarim koridorini urushning ilk oylarida bosib olgan edi.

02/10/2025

🇺🇸🪙🇺🇸 Maqsad davlat xarajatlarini qisqartirish, deydi AQSh rahbari Donald Tramp.

👉 2024-moliyaviy yil yakunlariga ko'ra, 3,2 milliard dollarlik 1 sentli tangalar zarbi 85,3 million dollarlik zarar keltirgan.

👉 Har bir 1 sentli tangani zarb qilish 3,7 sentga tushadi.

👉 Garchi har bir 5 sentlik tangani zarb qilish ham qimmatga tushmoqda - donasi 14 sentdan.

👉 Shu o'rinda, Tramp farmonlariga oid yana eski savol ko'tarilmoqda: Tramp bunday o'zgarishni yakka tartibda amalga oshirish vakolatiga egami? Chunki valyutalarning xususiyatlari, xususan, tangalar hajmi va tarkibini belgilash Kongress vakolatiga kiradi.

👉 1 sentlik tangalarni zarb qilishni to'xtatish uzoq yillardan beri Kongressda ham bahslarga sabab bo'lgan, biroq yakuniy qaror berilmagan edi.

02/10/2025

Oq uyda Milliy xavfsizlik bo'yicha maslahatchi Maykl Volz so'zlariga ko'ra, AQSh Xalqaro taraqqiyot agentligi (USAID) kop hollarda davlatning strategik manfaatlari yo'lida xizmat qilmagan va mablag'ni isrof qilgan. Insonparvarlik yordami yetkazib tanilgan tashkilot, Tramp ma'muriyatiga ko'ra, maqsadlaridan chiqib ketgan va Amerika nufuzi va ta'sirini kuchaytirish uchun yetarlicha hissa qo'shmagan.

Oq uyda Milliy xavfsizlik bo'yicha maslahatchi Maykl Volz so'zlariga ko'ra, AQSh Xalqaro taraqqiyot agentligi (USAID) kop hollarda davlatning strategik manfaatlari yo'lida xizmat qilmagan va mablag'ni isrof qilgan.

02/10/2025

📷: Isroil-XAMAS otashkesimining birinchi bosqichi amalda ekan, sektor shimoliga qaytib kelgan g'azoliklar uchun maktab hududida joylashgan chodirlar, 10-fevral, 2025.

BMTning bildirishicha, sulh amal qilishni boshlaganidan beri sektorga 12 600 dan ziyod yuk mashinalarida gumanitar yordam yuklari kirgan, ochlik muammosi sezilarli darajada hal etilgan.

Biroq otashkesimning birinchi bosqichi mart oyi boshlarida yakunlanadi. BMT agar ikkinchi bosqichga o'tilmasa, vaziyat sektorda yana og'irlashishidan ogohlantirmoqda.

AQSh rahbari Donald Tramp esa G'azoga egalik qilish da'vosini takrorlab, sektor aholisini qo'shni hududlarga ko'chirib, G'azoda zamonaviy kurort zonasini qurish, sektordan XAMASni chiqarib qayta kirgizmaslik ahdida qat'iy ekanini ta'kidlamoqda.

02/10/2025

AQSh rahbari Donald Tramp alyuminiy va po'lat importiga 25 foizlik boj to'lovlarini joriy qilmoqda. Bu tarif amaldagi boj to'lovlariga qo'shimcha bo'ladi.

Tramp prezidentligining birinchi muddatida po'lat importiga 25 foiz, alyuminiy importiga 10 foizlik tarif joriy qilgan. Ko'p o'tmay, AQShning Kanada, Meksika va Braziliya kabi savdo hamkorlariga boj to'lovlarini to'liq bekor qilgan edi.

Sobiq prezident Jo Bayden esa bunday imtiyozlarni Britaniya, Yaponiya va Yevropa Ittifoqiga ham taqdim etgan, natijada, mamlakatning po'lat ishlab chiqarish zavodlarida ish hajmi sezilarli darajada qisqargan edi.

02/10/2025

Bu dasturimizda:
- Guantanamo AQSh uchun endi noqonuniy migrantlar qamoqxonasi
- Amerikada tug’ilish fuqarolik kafolatimi?
- Pentagonning O’zbekiston bilan hamkorligi mustahkam
- Tramp energetik siyosati
- AQSh Mustaqillik deklaratsiyasi necha pul?
- Yilning yangi avtomobillari

02/10/2025

O‘tgan yillar davomida dollarga muqobil bo‘lishi mumkin bo‘lgan umumiy valyuta joriy etish mavzusi BRIKS sammitlarida tez-tez yangradi. Biroq shu kungacha biror natija bo’lmadi.

Donald Tramp BRIKS tashkilotiga a’zo davlatlar xalqaro savdoda dollarga muqobil valyuta joriy etishga harakat qilsa, blokka nisbatan yirik bojlar qo’llashga vaʼda berdi.

02/09/2025

"Salbiy demografik vaziyat urush, qiyinchiliklar va mavhum kelajak tufayli yuzaga kelgan, jamiyada ruhiy tushkunlik kayfiyati kuzatilmoqda. Hokimiyatning qandaydir nasihatlari yoki murojaatlari bilan hech narsaga erishib bo’lmaydi".

Har bir fertil yoshdagi ayolga 1,4 bola to’g’ri keladi. "Bu dinamika yaxshilanmayapti. Ko'payish uchun bu ko’rsatkich kamida 2,1 bo’lishi kerak", - deydi Dmitriy Oreshkin.

02/09/2025

AQSh harbiylari hujjatsiz migrantlarni Koloradodagi Bakli Fazo kuchlari bazasida saqlashga ruxsat berishini e’lon qildi. Bu qaror Prezident Donald Trampning hujjatsiz migrantlarga qarshi choralari doirasida Pentagonning rolini yanada kengaytiradi.

Immigratsiya va bojxona nazorati xizmati ma'lumotlariga ko‘ra, so‘nggi kunlarda immigratsiya bilan bog‘liq hibsga olish holatlari kuniga 1,000-1,200 ga yetgan.

02/09/2025

Isroil kuchlari G’azo shimoli va janubini ajratib turuvchi Netzarim koridorini tark etdi. Bu falastinliklarga har ikki yo’nalishda harakatlanish imkonini beradi, 9-fevral, 2025.

Isroil armiyasi koridorni tark etishi 19-yanvardagi otashkesim shartlaridan biridir. Urush boshida janubga ko’chib ketgan falastinliklar uy-joylariga nima bo’ganini ko’rish uchun shimol tomon harakatlanmoqda.

Bu orada, Tramp ma’muriyati, ayrim demokrat qonunchilarning e’tiroziga qaramay, Isroilga 8,4 milliard dollarga teng qurol-aslaha sotishni ma’qullagani haqida Kongressni rasman xabardor qildi.

📷 Reuters

02/09/2025

Yevropada xavfsizlik va hamkorlik tashkiloti (YXHT) Tojikistonda 2-mart kuniga belgilangan parlament saylovini kuzatmaydi. Avval saylovlarni uzoq va qisqa muddatli ekspertlar bilan kuzatishini e´lon qilgan YXHT Dushanbe tashkilot ekspertlarini akkreditatsiyadan o`tkazishni paysalga solgani uchun shunday qarorga kelgan.

Avval saylovlarni uzoq va qisqa muddatli ekspertlar bilan kuzatishini e´lon qilgan YXHT Dushanbe tashkilot ekspertlarini akkreditatsiyadan o`tkazishni paysalga solgani uchun shunday qarorga kelgan.

02/09/2025

Ukraina Prezidenti Volodimir Zelenskiy kelasi hafta AQSh rahbari Donald Tramp bilan uchrashishini tasdiqlaganicha yo’q, ammo kelgusi haftalar diplomatik jabhada intensiv bo’lishini aytmoqda.

7-fevral kungi matbuot anjumanida Tramp Zelenskiy bilan Vashingtonda uchrashishi mumkinligini, ammo Kiyevga borish rejasi yo'qligini ta’kidlagan edi. AQSh rahbari, shuningdek, Rossiya Prezidenti Vladimir Putin bilan gaplashishi kutilyapti, ammo sanasi aniq emas.

Tramp Putin bilan uchrashishidan oldin men AQSh rahbari bilan shaxsan ko’rishishim muhim, deydi Zelenskiy.

Avvalroq AQSh rahbari harbiy-moliyaviy dastak davom etishi uchun Kiyev Vashingtonga nodir qazilma boyliklarini o'zlashtirishga rozilik berishi lozimligini aytgan edi.

“Quvvatlov evaziga teng miqdorda biror narsa olishni, hisobni tenglashtirishni xohlaymiz”, - deydi Tramp.

Zelenskiy kelishuvga tayyorligini bildirgan. Ammo, deydi u, Kiyev o’z resurslarini “berib yuborish” emas, balki ularni birgalikda qazish bo’yicha o’zaro manfaatli hamkorlik taklif etmoqda.

Ukraina yirik uran, litiy va titan zaxiralariga ega. Zelenskiyning aytishicha, Ukraina mineral resurslarining qariyb 20 foizi, jumladan nodir elementlarga ega konlar, hozirda Rossiya egallab olgan hududlarda joylashgan.

📷 AP

02/09/2025

Kongressdagi demokratlar Prezident Donald Trampga har qanday o'zgarish oshkora kechishi zarurligini eslatmoqda. Aks holda ular imkon qadar to'siqlar qo'yishga bel bog'lagan.

02/09/2025

AQSh Moliya vazirligi Eronning neft sanoatiga qarshi yangi sanksiyalar qo’yib, millionlab barrel mahsulotni Xitoyga yetkazib beradigan xalqaro tarmoqni nishonga olmoqda.

Sanksiyalar Tehronda asoslangan “Sepehr Energy” kompaniyasi va u bilan hamkorlik qiluvchi Xitoy, Hindiston va Birlashgan Arab Amirliklardagi jismoniy shaxslarga qaratilgan.

02/09/2025

AQSh poytaxtidagi Kennedi san'at saroyida, 8-fevral, 2025