កម្មវិធីផ្សាយនៃសារព័ត៌មាន ឌឹ ខេមបូឌា ដេលី ថ្ងៃទី ០១ខែមករា ឆ្នាំ២០២៥
កម្មវិធីផ្សាយនៃសារព័ត៌មាន ឌឹ ខេមបូឌា ដេលី ថ្ងៃទី ០១ខែមករា ឆ្នាំ២០២៥
១. ឧកញ៉ាអស់ងារ បន្តព្រមានបញ្ចេញឈ្មោះមេនគរបាលជាតិ រឿងទទួលសំណូក បើមិនលាលែង
២. មន្រ្តីពីរនាក់មានឈ្មោះជាប់ជំពាក់រឿងស៊ីសំណូកក្នុងគម្រោងជួសជុល ថែទាំកំណាត់ផ្លូវជាតិលេខ៤
៣. នាយករដ្ឋមន្រ្តី ប្រកាសដំឡើងប្រាក់ខែមន្រ្តីរាជការក្នុងក្របខណ្ឌ ទាំងស៊ីវីល ទាំងទាហានឆ្នាំក្រោយ
៤. ក្រុមហ៊ុន រាជអយស្ម័យយាន បញ្ជាទិញទូរថភ្លើង២០០គ្រឿង ពីប្រទេសចិន បម្រើការដឹកជញ្ជូន
៥. កូរ៉េខាងត្បូងកំពុងធ្លាក់ក្នុងភាពស្រពិចស្រពិលនៃការអនុវត្តដីកាចាប់ខ្លួនប្រធានាធិបតីព្យួរតំណែង
នាយករដ្ឋមន្រ្តីកូន ថ្លែងថា ព្រោះតែសន្តិភាព យុវជនខ្មែរមានសំណាងខ្ពស់ជាងយុវជនប្រទេសដទៃ
នាយករដ្ឋមន្ត្រី ហ៊ុន ម៉ាណែត អួតថា កូនខ្មែរជាយុវជនក្នុងសម័យដឹកនាំដោយគណបក្ស ប្រជាជនកម្ពុជាពិតជាមានសំណាងណាស់ដែលប្រទេសជាតិពោរពេញដោយសន្តិភាព ខណៈពេលវេលាដូចគ្នានេះ នៅប្រទេសមួយចំនួនទៀតយុវជននៃប្រទេសនោះ ត្រូវបានស្លាប់ដោយសារសង្គ្រាម។
មុនជិតបិទបញ្ចប់ឆ្នាំ២០២៤ ចូលឆ្នាំ២០២៥ ពិភពលោកជួបរឿងតក់ស្លុតបំផុតមួយទៀត
នៅមុន២ថ្ងៃប៉ុណ្ណោះពិភពលោក ត្រូវដើរឆ្លងចូលឆ្នាំ២០២៥ ដែលគេថាឆ្នាំថ្មីនឹងនាំមកនូវសេចក្ដីសុខនឹងរីករាយ ហើយជាឆ្នាំរំពឹងថា នឹងអាចជួយបញ្ចប់វិបត្តិធំៗនៃពិភពលោករួមទាំងមនុស្សស្លាប់ក្នុងសង្រ្គាម នៅអ៊ុយក្រែន សង្រ្គាមនៅដែនដីហ្គាហ្សា និងសង្រ្គាមនៅលីបង់។ ការស្លាប់មនុស្សរាប់ពាន់ម៉ឺននាក់ គឺជាសោកនាដកម្មកើតចេញពីមនុស្សអ្នកបង្កើត ដែលមិនមានការយោគយល់ អធ្យាស្រ័យគ្នា។ វាជាអំពើឃោរឃៅរបស់មនុស្ស ដែលយកអាយុជីវិតប្រជាជនខ្លួនឯងទៅលេងសើចជាមួយនឹងគ្រាប់កាំភ្លើង។ តែនេះជាការកើតចេញដោយចេតនាពីមនុស្សមានអំណាច បានធ្វើឱ្យប្រជាជនខ្លួនឯងស្លាប់រ៉ាប់ពាន់ រាប់ម៉ឺននាក់ រស់នៅយ៉ាងវេទនាបំផុត។
នគរបាលខេត្តស្វាយរៀង ដេញចាប់ជនឧក្រិដ្ឋជនជាតិយៀកណាម តែបាញ់ច្រឡំចំជនស៊ីវីល
កម្លាំងនគរបាលនៃនាយកដ្ឋាននគរបាលព្រហ្មទណ្ឌ ចាប់បានឧក្រិដ្ឋជនវៀតណាមចំនួន ១២នាក់ ទាក់ទងទៅនិងករណីចាប់ជំរិតជនជាតិចិនម្នាក់ នៅក្នុងក្រុងបាវិត ខេត្តស្វាយរៀង ក្រោយពីមានករណីចាប់រថយន្តពលរដ្ឋច្រឡំ បង្ករឲ្យមានការផ្ទុះអាវុធ និងមានពលរដ្ឋម្នាក់រងរបួសកាលពីថ្ងៃទី២៧ ធ្នូ កន្លងទៅ។
អ្នកឃ្លាំមើលនៅតែបន្តសទទូចសុំឲ្យរាជរដ្ឋាភិបាលដោះស្រាយបញ្ហាកម្មករ−បុគ្គលិក ណាហ្គាវលដ៍
អ្នកឃ្លាំមើលជមុ្រញឱ្យរាជរដ្ឋាភិបាលកែសម្រួលការដឹកនាំដោយការលើកស្ទួយសិទ្ធិការងារដល់និយោជិតសម្រាប់ឆ្នាំថ្មី ឆ្នាំ២០២៥ ខាងមុខ ដើម្បីកែប្រែមុខមាត់ប្រទេសកម្ពុជា ឱ្យស្របទៅនឹងផែនការដែលខ្លួនមានបំណងចង់ទាក់ទាញអ្នកវិនិយោគឱ្យទៅរកស៊ីនៅកម្ពុជា។
អតីតឧកញ៉ារងពាក្យបណ្តឹងបន្តស្នើឲ្យនាយករដ្ឋមន្រ្តីស៊ើបអង្កេតមុខរបរជីដូនមួយរបស់ខ្លួន
អតីតអ្នកឧកញ៉ា ហេង សិទ្ធី ជម្រុញឱ្យមេដឹកនាំបក្សកាន់អំណាចលោក ហ៊ុន សែន និងនាយករដ្ឋមន្ត្រីកម្ពុជាលោក ហ៊ុន ម៉ាណែត ចាត់វិធានការច្បាប់លើសាច់ញាតិរបស់ខ្លួនដែលបានល្មើសច្បាប់ ប្រសិនបើពួកគាត់នៅតែការពារបុគ្គលខុសច្បាប់ដែលមានត្រកូលហ៊ុន នោះនឹងនាំឲ្យប្រទេសជាតិមានគ្រោះមហន្តរាយ ធំ។
កម្មវិធីផ្សាយនៃសារព័ត៌មាន ឌឹ ខេមបូឌា ដេលី ថ្ងៃទី ៣០ខែធ្នូ ឆ្នាំ២០២៤
កម្មវិធីផ្សាយនៃសារព័ត៌មាន ឌឹ ខេមបូឌា ដេលី ថ្ងៃទី ៣០ខែធ្នូ ឆ្នាំ២០២៤
រាជាណាចក្រកម្ពុជាគ្មានចម្បាំងរាំងជល់ ប៉ុន្តែ រាជរដ្ឋាភិបាលដើរខ្ចីបុល ជំពាក់បំណុលវ័ណ្ឌ ក
រាជរដ្ឋាភិបាលកម្ពុជា គ្រោង ខ្ចីថវិកាពីដៃគូអភិវឌ្ឍន៍ប្រមាណ ២.៧ពាន់លានដុល្លារស.រ.អា (ឬស្មើនឹង ២០០០លានអេសដេអ៊ែ SDR) នៅឆ្នាំ២០២៥ខាងមុខនេះ ដើម្បីបំពេញតម្រូវការចំណាយចរន្តក្នុងស្ថានភាពដែលប្រភពចំណូលក្នុងប្រទេស មានការថយចុះ។ SDR ប្រែថា សិទ្ធិដកពិសេស ដែលសំដៅទៅលើ ធនធានឬទ្រព្យបម្រុង បង្កើតឡើងដោយ មូលនិធិរូបិយវត្ថុអន្តរជាតិ នៅឆ្នាំ១៩៦៩ សម្រាប់ចងការឲ្យប្រ ទេសជាសមាជិក។ ប៉ុន្មានថ្ងៃមុននេះ ក្រសួង កសិកម្ម ក៏បានសុំថវិកា ជំនួយឥតសំណងពីប្រទេសកូរ៉េខាងត្បូងចំនួន ១២លានដុល្លារ ដើម្បីយកទៅពង្រីកវិស័យកសិកម្មដែរ។
កូនលោក ហ៊ុន សែន ម្នាក់ទៀត និយាយថា បានសន្តិភាពពិតចាប់ពីក្រោយថ្ងៃទី២៩ ធ្នូ ១៩៩៨
កូនប្រុសពៅមេដឹកនាំបក្សកាន់អំណាច លោក ហ៊ុន សែន គឺលោក ហ៊ុន ម៉ានី លើកឡើងថា ទោះបីជាពាក្យ «សន្តិភាព» ត្រូវបានចារឹកជាលើកដំបូងក្នុងកិច្ចព្រមព្រៀងសន្តិភាពទីក្រុងប៉ារីសក្តី ក៏ខ្មែរត្រូវរង់ចាំជិត១ទសវត្សរ៍ដែរ ដើម្បីស្គាល់រសជាតិពិតប្រាកដនៃសុខសន្តិភាពពេញលេញ តាមរយះនយោបាយឈ្នះឈ្នះរបស់ឪពុកខ្លួន។
អតីតឧកញ៉ានិយាយរឿងឧក្រិដ្ឋកម្មមានទោសដល់ខ្លួន បង្ហាញឈ្មោះឧក្រិដ្ឋជនលាងលុយកខ្វក់ទៀត
អគ្គនាយកក្រុមហ៊ុន Maritime Group លោក ហេង សិទ្ធី បន្តបញ្ចេញមុខឧក្រិដ្ឋជននៅពីក្រោយនៃការលាងលុយកខ្វក់ ឆបោកតាមអ៊ីនធឺណិតខុសច្បាប់ ការខ្ចីបុលអនឡាញខុសច្បាប់ បើកធនាគារលាងលុយ ដើម្បីជំរុញឲ្យលោកនាយករដ្ឋមន្ត្រី ហ៊ុន ម៉ាណែត បើកការស៊ើបអង្កេតលើឧក្រិដ្ឋជនទាំងនោះ ជុំវិញការប្រព្រឹត្តអំពើពុករលួយ និងការការពារឧក្រិដ្ឋជនដែលកំពុងសំងំលាក់ខ្លួននៅក្នុងប្រទេសកម្ពុជាសព្វថ្ងៃ។
ការស៊ើបអង្កេតបឋម ថាយន្តហោះអ្នកដំណើរផ្ទុះធ្លាក់នៅកាហ្សាស្ថានដោយសារគ្រាប់មីស៊ីលរុស្ស៊ី
ក្រុមជំនាញនៃប្រទេស Azerbaijan បានឱ្យដឹងថាយន្តហោះដឹកអ្នកដំណើរនៃក្រុមហ៊ុន Azerbaijan Airlines ដែលបានធ្លាក់នៅក្នុងប្រទេសកាហ្សាក់ស្ថាន កាលពីថ្ងៃពុធទី២៥ធ្នូ ត្រូវបានបាញ់ទម្លាក់ដោយគ្រាប់មីស៊ីលនៃប្រព័ន្ធការពារដែនអាកាសរបស់រុស្ស៊ី។ នេះបើតាមការចុះផ្សាយក្នុងសារព័ត៌មាន Euronews នៅថ្ងៃសុក្រទី២៧ ធ្នូ ឆ្នាំ២០២៤នេះ។
សមាជិកសភាពីបក្សជំទាស់ ថាអ្នកនាំពាក្យបក្ស ប្រជាជនកម្ពុជា និយាយខុសរឿង កោះគុត
តំណាងរាស្ត្របក្សប្រឆាំង លោក អ៊ុំ សំអាន ទាមទារឱ្យអ្នកនាំពាក្យគណបក្ស ប្រជាជនកម្ពុជា លោក សុខ ឥសាន ចេញមុខសុំទោសពលរដ្ឋខ្មែរជាសាធារណៈ បន្ទាប់ពីបានអះអាងថា មិនដែលមានមេដឹកនាំខ្មែរណាទាមទារកោះគុតពីប្រទេសថៃទេចាប់តាំងពីខ្លួនចាប់កំណើតមក។
