Әркин Асийа Радийоси Уйғурларға мунасивәтлик тоғра, ишәнчлик учурларни оз вақтида тәминләйду
03/24/2025
Тайланд һөкүмәт әмәлдарлири бу йилниң башлири мәзкур дөләттә тутуп турулған уйғурларни хитайға қайтуруп бәрмәймиз дәп көп қетим вәдә бәргән болсиму, әмма 27-феврал күни уйғурлардин 40 нәпирини хәлқараниң наразилиқиға қаримай хитайға қайтуруп бәргән иди.
“Aмерика Бирләшмә Агентлиқи” ниң 24-марттики хәвиридә ейтилишичә, гәрчә Тайланд һөкүмити хәлқараға бу уйғурларни қайтурмаймиз дәп кәлгән болсиму, әмәлийәттә уларни қайтуруши хели бурунла бекитилгән иш икән.
Хәвәрдә билдүрүлүшичә, Тайланд баш министири Петоңтарин Шинаватра бултур йил ахирида Хитай Пирезиденти Ши Җинпиң билән көрүшкәндин кейинла, тутуп туруш орнидики уйғурларниң әһвалида өзгириш йүз беришкә башлиған. Мәзкур зиярәттин бир ай өтүп, Хитай һөкүмити уйғурларни қайтуруп келиш тоғрисида Тайландқа илтимас сунған вә бу мәсилә Тайланд һөкүмити тәрипидин мәхпий музакирә қилинишқа башланған икән.
8-январ күни тутуп туруш орнидики уйғурлардин қайтуруш һөҗҗәтлиригә имза қоюш тәләп қилинған вә уларға тәһдит селинған. Улар ачлиқ елан қилиш арқилиқ қутқузушни тәләп қилған.
Хәвәрдә ейтилишичә, әмәлийәттә Тайландниң уйғурларни қайтуруветиш қарари 17-январдила мәхпий һалда бекитип болунған болуп, һөкүмәт мәтбуатларға, парламент әзалириға вә тәшкилатларға бундақ пиланниң йоқлуқини ейтип ялған баянатлар бәргән. Һәтта бу тоғрисида 2 қарар сотму ечилип, бу уйғурларниң тәқдири тоғрисида техи ениқ һөкүм чиқмиған иди.
Тайланд һөкүмәт әмәлдарлири 18-марттин 20-мартқичә уйғур елигә берип, қайтуруветилгән уйғурлардин пәқәт алтиси биләнла көрүшкән. Улар бу уйғурларниң “хушал-хурам яшаватқанлиқини” ейтқан болсиму, бу зиярәтләр қаттиқ чәклимиләр астида елип берилған.
Тайланд һөкүмәт әмәлдарлири бу йилниң башлири мәзкур дөләттә тутуп турулған уйғурларни хитайға қайтуруп бәрмәймиз дәп көп қетим вәдә бәргән болсиму, әмма 27-февра....
