DW International TV

01/13/2025

https://www.youtube.com/live/fFO00Aw12sY?si=n22y1S2w4ZXVWtjN

Subscribe ይግበሩ! #ትግርኛ ዜና ሰዓት 12:30 ፣ #05 #ጥሪ 2017 ዓ/ም ይግበሩ!©Copyright: Dimtsi Weyane Television | ድ...

01/13/2025

01/13/2025

01/13/2025

★ ኣብ መሪሕነት ትግራይ ዝረአ ዘሎ ሓደገኛ ኣካይዳ ብኣግኡ ክኣልይዎን ሓድነቶም ከስጥሙን ይግባእ ኢሎም ሊቀ ጳጳስ ዞባ ደቡብ ትግራይ ብፁእ ኣቡነ ሊባኖስ

ህዝቢ ትግራይ እቲ ረኺብዎ ዘሎ ተነፃፃሪ ሰላም ንምዕቃብን ባህጊ ትግራይ ጋህዲ ንምግባርን ሐዚ ስጡም ሓድነት የድልዮ ክብሉ እውን ምዒዶም ኣለዉ።

★ መላእ ህዝቢ ትግራይ ንሰላም ቐዳምነት ሂቡ ኣብ ትንሳኤ ትግራይ ክዓስል ዉድብ ስርዓት ትንሳኤ ቃንጪ ሓቂ ሓቢሩ።

ኩሉ ሰብ ብማዕረ ዝረኣየሉን ዝዳነየሉን ዉድብ ስርዓት ትንሳኤ ቃንጪ ሓቂ ንምግሃድ ብፋይናንስን ሞያን ተጠናኺሩ ህልዊ ኩነታት ትግራይ ብምርዳእ መፍትሒ ንኸቐምጥ ዘድሊ ሓገዝ ንኽግበረሉ ድማ ኣመራርሓን ኣባላትን እቲ ውድብ ፃወዒት ኣቕሪቦም።

★ ብልዕሊ 365 ሽሕ ዝተዓደገ ናውቲ ትምርቲ ብሓገዝ ተበርኪቱ።

ኣብ ወረዳ ኣሕፈሮም ጣብያ እምባ ኣሕፈሮም ብማሕበር ተወለድቲ ዓደጣል ብልዕሊ 365 ሽሕ ዝተዓደጉ ናውቲ ትምህርቲ ንቤት ትምህርት ማይ ኣርብዓ ብሓገዝ ከም ዝተወሃበ ሓቢሮም ።

ሓላፊ ምልዕዓል ሕዝቢ ወረዳ ኣሕፈሮም ዝኮኑ ኣይተ ሓዱሽ ኣስመላሽ ከምዝበልዎ " 'መሰረተ ልምዓት ዓድና ንመንግስቲ ጥራይ ዝግደፍ ዘይኮነስ ተወለድቲ ድያስፖራን ውሽጢ ዓድን እውን ብመሓባር ተወዲብና ፀገም ዓድና ንምፍታሕ ክንቃለስ ኢና ኢልኩም'፤ ንትምህርቲ ቀዳምነት ሂብኩም ንዘሎኹም ደገፍ ብስም ህዝብን ምምሕዳርን እንዳመስገና እዚ ቅዱስ ተግባር ቀፃሊ ንክኸውን ንላቦ" ክብሉ ፃውዒቶም ኣቕሪቦም።

★ ኣብ ዞባ ሰሜናዊ ምዕራብ ትግራይ ምምሕዳር ከተማ ዓዲ ዳዕሮ ኽልተ ትካላት ብዝመደቡዎ ልዕሊ ሓደ ሚኢቲ ሚሊዮን ብር ባጀት ንሕውየትን ዳግመ ህንፀትን እታ ከተማ ዘጠናኽሩ ፕሮጀክትታት ልምዓት ይህነፁ ከምዘለዉ ተሓቢሩ።

ህንፀት እቶም ፕሮጀክትታት ልምዓት ብዝሐሸ ፅፈትን ሰለጤንን ንክውገን ድማ ኣድላዪ ድጋፍን ክትትልን ከምዝገብሩ ኣባላት ቤት ምኽሪ እታ ከተማ ገሊፆም ኣለዉ።

★ ግብሪ ንሕውየት ንዳግመ ህንፀት ትግራይ ብዝብል ኣምር ስልጠና ተዋሂቡ

ንኣከብቲ ግብሪ መሬት ኣብ ኣፈፃፅማ መደባት 2016ዓ/ምን ቀፀልቲ መደባት 2017ዓ/ም መሰረት ገይሩ ስልጠና ከምዝሃበ ቤት ፅሕፈት ልምዓት እቶትን ምምሕዳር ፋይናንስን ወረዳ ላዕላይ ማይጨው ኣፍሊጡ።

ከም መግለፂ መተሓባበሪ ከይዲ ስራሕ ልምዓት እቶት ኣይተ ሃይለስላሴ ገ/ሂወት ሓረስታይ ንመሬቱ ግብሪ እንከፍል ክልተ ረብሓታት ኣለውዎ። እቲ ሓደ ዋንነት መሬቱ የረጋግፅ ብካልእ መዳይ ድማ ኣብ ሕውየት ትግራይ ግድኡ ይፍፅ ኣሎ እዩ።

ምክፋል ግብሪ መሬት ንወረዳ ዝተወሃበ ስልጣን እዩ ዝበለ ኣይተ ሃይለስላሴ እተን እንእክበን ግብሪ ተመሊሰን ኣብ ሕርሻ፣ ትምህርቲ፣ ኣብ ጥዕናን መሰረተ ልምዓት ዝውዕል ስለዝኮነ ትኹረት ተዋሂቡ ክስረሓሉ ከምዝግባእ ገሊፆም።

01/13/2025

01/13/2025

Subscribe ይግበሩ! #ጉማዮ #ራያ ይግበሩ!©Copyright: Dimtsi Weyane Television | ድምፂ ወያነ ቴሌቪዥን Any unauthorize...

01/13/2025

እዋናዊ መግለፂ ግዝያዊ ምምሕዳር ክልል ትግራይ

ኣብ ልዕሊ ህዝቢ ትግራይ ዝተኣወጀ ጀኖሳይዳዊ ኩናት ኣብ ልዕሊ ትግራይን ህዝባን ማእለያ ዘይብሉ ዕንወትን ብርሰትን ኣብፂሑ እዩ።

በዚ ኩናት ህይወት ኣማእቲ ኣሽሓት ተቐዚፉ፣ ሚልየናት ካብ መረበቶም ተመዛቢሎም፣ ሃፍትን ንብረትን ህዝብን መንግስትን ትግራይ ከክዓኑ፣ ክውረርን ክቃፀልን ተገይሩ እዩ።

ንክልተ ዓመታት ክካየድ ዝፀንሐ ደማዊ ኩናት ሳላ ክቡር መስዋእቲ ህዝቢ ትግራይን መዘና ኣልቦ ጅግነንት ሰራዊትናን ብውዕሊ ፕሪቶሪያ ኣቢሉ ተፃብኦ ደው ክብል ክኢሉ እዩ።

እቲ ውዕሊ ካብ መከላኸሊ ሰራዊት ኢትዮጵያ ወፃኢ ዘለዉ ዕጡቓት ካብ መሬት ትግራይ ክወፅኡ፣ ተመዛበልቲ ናብ መረበቶም ክምለሱ፣ ሕገ መንግስታዊ ግዝኣት ትግራይ ናብ ንቡር ክምለስ፣ ተሓታትነት ክርጋገፅን ኣፈላላያት ብልዝብ ክፍትሑን ዘገዲድ እኳ እንተኾነ እዞም መሰረታዊ ሕቶታት ህዝቢ ትግራይ ክሳዕ ሐዚ ኣዕጋቢ መልሲ በዘይምርካቦም ህዝብና ኣብ ከቢድን ዝተሓላለኸን ኩነታት ይርከብ። ኣብ ትሕቲ ዝተፈላለዩ ሓይልታት ዘሎ ህዝብና ሐዚ እውን ዘይተኣደኑ ስቓያት የተኣናግድ ኣሎ።

ተመዛበልቲ ወገናትና ናብ መረበቶም ክምለሱ በዘይምኽኣሎም ንወዲ ሰብ ዘይምጥን ክፉእ ናብራ ክደፍኡ ይግደዱ ኣለዉ። ሕገ መንግስታዊ ግዝኣት ትግራይ እውን ካብ መንፈስ ናይቲ ውዕሊ ብተቓራኒ ኣብ ሓደጋ ምስ ወደቐ እዩ።

መሰረታዊ ሕሳቦታት እቲ ውዕሊ ብዝግባእ ስለዘይተፈፀሙ ድማ ሓድነት ህዝቢ ትግራይ ኣብ ፈተና ወዲቑ ይርከብ። ካብዚ ሓሊፉ ፖለቲካ ትግራይ ኣብ ምዝራግን ኣብ ምህዋኽን እውን ርኡይ ግደ ይፃወት ኣሎ።

እዚ ሎሚ ትመዛበልቲ ወገናትና “ይኣክል፣ ናብ መረበትና ምለሱና” ብዝብል ትሕዝቶ ዝካየድ ዘሎ ሰላማዊ ሰልፊ ብመሰረቱ ቅኑዕን ዝድገፍን እንትኾን ግዝያዊ ምምሕዳር ትግራይ ነዚ ሕቶ ከም ዓብይ ሓገዝ ገይሩ እዩ ዝርእዮ።

ንተፈፃምነቱ ድማ ልዕሊ ዝኾነ እዋን ብዝተወደበ መንገዲ ክመርሖን ኣፈፃፅማኡ ብብዋኑ እናገምገመ ንህዝቡ ዕላዊ እናገበረን ክኸይድ እዩ።

ሕዚ እውን መከራ ህዝብና ግቡእ ፍታሕ ኣይረኸበን ዘሎ። መንግስቲ ፌዴራል ክሳዕ ሐዚ ዘይተፈፀሙ ዕማማት ውዕሊ ፕሪቶሪያ ብምፍፃም ኣብ ትሕቲ ዝተፈላለዩ ሓይልታት ኮይኑ ዝሳቐ ዘሎ ህዝብና ሓራ ንክወፅእ፣ ተመዛበልቲ ወገናትና ናብ መረበቶም ክምለሱ፣ ሕገ መንግስታዊ ግዝኣት ትግራይ ናብ ንቡር ቦትኡ ክምለስን ተሓታትነት ክረጋገፅን ሕጋውን ሞራላውን ሓላፍነቱ ንክዋፃእ ግዝያዊ ምምሕዳር ክልል ትግራይ ይፅውዕ።

ሕብረት ኣፍሪካ፣ መንግስቲ ኣሜሪካ፣ ሕብረት ኣውሮፓን ማሕበረሰብ ዓለምን እውን ህዝቢ ትግራይ ኣትይዎ ካብ ዘሎ ኩለመዳያዊ ቅልውላው ንክወፅእን ውዕሊ ፕሪቶሪያ ብኣግባቡ ንክፍፀምን ኣድላይ ፀቕጢ ንክትገብሩ ህዝብን ግዝያዊ ምምሕዳር ክልል ትግራይን ፃውዕቶም የቕርቡ ኣለዉ።

ኣብ መወዳእታ ኣብ ውሽጥን ኣብ ደገን ዝርከብ ህዝብና ውዕሊ ፕሪቶሪያ ንምፍፀምን በዚ ኣቢሉ ስቓይ ህዝብና ንምፍታሕን ኣብ እንገብሮ ርብርብ ኣብ ጎኒ ግዝያዊ ምምሕዳር ትግራይ ኮይንኹም ካባኹም ዘድሊ ኩሉ ዓይነት ኣስተዋፅኦ ንክትገብሩ ንፅውዕ።

ቤት ፅሕፈት ጉዳያት ኮሙዩኒኬሽን ትግራይ
05 ጥሪ 2017ዓ.ም
መቐለ

01/13/2025

01/13/2025