26/11/2023
محبتاں دا دور
(مہمان کا بچا کھانا کھانے سے باپ نے یہ کہہ کر منع کر دیا)
پتر اے بندہ سود خور اے
پتر جلدی بیوپاری دا پتا کر کپاہ ہوئی نئیں لیلا بھارو ویچ کے فلاں دے پیسے دئیے اگر او دروازے تے آ گیا تے عزت نئیں رہنی۔
پتر فلاں بندے کولوں پیسے منگ کے لیا گھر پیسے تھوڑے نیں دھی دھیانی پہلی دفعہ پیسے منگن آئی اے۔
ناں پتر اوناں نال نئیں لڑنا اودے پیو نے فلاں ویلے ساڈے تے نیکی کیتی سی۔
پتر جنے دیندا اے بکرے دے پیسے لے لو او پنڈ دا جوائی اے اودے نال کادا سودا۔
لڑے نے تے فر کی ہویا دھی دھیانی دی شادی اے جا جا کے سارا دودھ دے آ نالے اونوں پچھنا کوئی ساڈے لیق کم ہووے تے دسے۔
پتر چلو کوئی گل نئیں چٹی داڑھی نال چل کے آ گیا اینوں کہہ مجھ،(بھینس) وی لے جا پیسے وی چائ دے نی تے لے جا۔
پتر باہر راہی مسافر جا رئے نیں اوہناں نوں چاء پانی پچھ۔
پتر روزے آ گئے نیں فلاں دے گھر لویرا (دودھ) نئیں اوناں دے گھر دودھ دے کے آیا کر
پتر دودھ ویچنا تے دھی پتر ویچنا برابر ہوندا اے
پتر توں اج پٹھے پاء فلاں بندے دا بچہ ہسپتال اے میں زرا اودا پتا لے آواں۔
پتر آج ہنیری لال اے اللہ خیر کرے کیتے انسانی جان دا قتل ہویا اے
پتر چنگیر آگے رکھ کے ماں کول بہہ کے کٹھے روٹی کھائیے تے برکت ہوندی اے۔
پتر استاداں دے تے چھتر وی انعام ہوندے نیں تینوں تے فیر وی پین پینسل ملیا اے
پتر پریشان ہوں فلاں بندہ کدی کم آیا سی آج اونے کم آکھیا اے جے اودے کم ناں آئے تے بوت بذتی اے۔
پتر ڈھیری فر تولنا پہلے بچیاں نوں ریڑھی دے دیوو تے نالے مسیت دا تے غریباں دا حصہ کڈ لوو
پتر آپ کھیر کھان بیٹھ گئے او پہلے دو چار ماڑے گھراں وچ تے دے آوو
جی ھاں میں او محبت دا دور ویکھیا اے کی تسی ویکھیا اے؟
بابر پنجابی بھکر
