07/19/2024
DEG DEG: Afhayeenka Xuutiyiinta, Yaxye Sariic ayaa ku dhawaaqay inay soo saareen diyaarad cusub oo ah nooca aan duuliyaha lahayn, taa oo uu sheegay inay awood u leedahay inay ka gudubto nidaamka difaaca Israa’iil, wuxuu intaa ku daray inay leedahay hannaan awood u siinaya inaysan oggaan karin raadaarada lagala socdo dhaq-dhaqaaqa hawada ee Israa’iil, wuxuu intaa ku daray in howlgalkii u horreeyay ee diyaaradan loogu magac darray Jaffa u adeegsadeen inay ku qarxiyeen bartamaha Tel Aviv.
Fiiro gaar ah;
Jaffa, waa magaca goobta ay qaraxa ka fulisay diyaaradda aan duuliyaha lahayn ee Xuutiyiinta oo ka soo gudubtay masaafo ka badan labo kun oo kiilo-mitir , taa oo ku qaraxday bartamaha Tel Aviv, isagoo aan wax digniin ah bixin nidaamka difaaca Israa’iil, wuxuuna qaraxa ka dhacay goob ay ku yaalaan safaaradda Mareykanka , xarumo kale oo diblomaasiyadeed iyo dhismayaal dhaadheer oo la degganyahay, iyadoo afhayeenka Xuutiyiin uu shaaciyay in goobta weerarka uu ka dhacay ee deegaanka Jaffa inay tahay laga billaabo maanta aag aan ammaan ahayn oo ay u aqoonsanayaan bartilmaameed ay weerarro si joogta ah uga geysanayaan.
Isha:Iman Jama
